နမူနာတင်ဆက်နည်းများ
ကင်းမျှော်စင် ဇူလိုင် ၁
“ဘဝမှာ ဘာတွေဖြစ်လာမလဲဆိုတာ သေချာမသိတာကြောင့် လူတွေက ဘဝအတွက် စိုးရိမ်ပူပန်လာကြပြီ။ မိတ်ဆွေကော မစိုးရိမ်ဘူးလား။ စိုးရိမ်ပူပန်မှုနဲ့ပတ်သက်ပြီး ယေရှုရဲ့စကားတွေက ဒီနေ့ခေတ်အတွက် အသုံးဝင်မယ်လို့ မိတ်ဆွေထင်သလား။ [မဿဲ ၆:၂၅ ကိုဖတ်ပြီး အဖြေကိုစောင့်ပါ။] ကျမ်းစာလမ်းညွှန်ချက်တွေကို ကျင့်သုံးရင် ငွေကြေးပြဿနာ၊ မိသားစုပြဿနာ၊ အသက် အန္တရာယ်တွေအတွက် စိုးရိမ်ပူပန်မှုတွေကို လျော့နည်းသွားနိုင်တယ်ဆိုတာကို ဒီမဂ္ဂဇင်းမှာ ဖော်ပြထားပါတယ်။”
နိုးလော့ ဇူလိုင်
“ဒီနေ့ခေတ် လူအများစုက ဘဝအခက်အခဲတွေကြောင့် ဝမ်းနည်းကြေကွဲပြီး ဒုက္ခရောက်နေကြတယ်။ အဲဒီအချက်ကို မိတ်ဆွေလက်ခံပါသလား။ [အဖြေကိုစောင့်ပါ။] ဘဝအခက်အခဲတွေ ကြုံရတဲ့အခါ ကျွန်တော်တို့ရဲ့စိတ်ထားက ဘယ်လောက်အရေးကြီးသလဲဆိုတာ ကျမ်းစာမှာ ဖော်ပြထားတယ်။ [သုတ္တံ ၂၄:၁၀ ကိုဖတ်ပါ။] ဘဝအခက်အခဲတွေကို ဖြေရှင်းနိုင်တဲ့ လက်တွေ့ကျအကြံပြုချက်တွေနဲ့ လူတချို့ရဲ့ဖြစ်ရပ်မှန်တွေကို ဒီမဂ္ဂဇင်းမှာ ဖော်ပြထားပါတယ်။”