ယေဟောဝါကို ချစ်တဲ့သူတွေနဲ့ ပေါင်းသင်းပါ

ယေဟောဝါကို ချစ်တဲ့သူတွေနဲ့ ဘာကြောင့် ပေါင်းသင့်သလဲ။ အပေါင်းအသင်းက ကျွန်တော်တို့အပေါ် အကောင်းဘက် ဒါမှမဟုတ် အဆိုးဘက်ကို ဩဇာလွှမ်းမိုးနိုင်လို့ပဲ။ (ပ ၁၃:၂၀) ဥပမာ၊ ဘုရင် ယောရှဟာ ပုရောဟိတ်မင်း ယောယဒနဲ့ အတူရှိနေချိန်တစ်လျှောက်လုံး “ယေဟောဝါရှေ့မှာ မှန်ရာကို” လုပ်ခဲ့တယ်။ (၂ရာ ၂၄:၂) ယောယဒ ကွယ်လွန်ပြီးတဲ့နောက်မှာ ယောရှဟာ မကောင်းတဲ့ အပေါင်းအသင်းတွေကြောင့် ယေဟောဝါကို စွန့်ခွာခဲ့တယ်။—၂ရာ ၂၄:၁၇-၁၉။

ပထမရာစုတုန်းက တမန်တော် ပေါလုဟာ ခရစ်ယာန်အသင်းတော်ကို “အိမ်ကြီးတစ်လုံး” နဲ့၊ အသင်းသားတွေကို အသုံးအဆောင်တွေဖြစ်တဲ့ “အိုး” တွေနဲ့ နှိုင်းယှဉ်ခဲ့တယ်။ ကျွန်တော်တို့က ယေဟောဝါ မကြိုက်တာကို လုပ်တဲ့ မိသားစုဝင်တွေ၊ အသင်းသားတွေနဲ့ ရင်းရင်းနှီးနှီး မပေါင်းသင်းဘူးဆိုရင် “အသရေရှိတဲ့နေရာမှာ သုံး” တဲ့ အသုံးအဆောင်တွေ ဖြစ်ကြတယ်။ (၂တိ ၂:၂၀၊ ၂၁) ဒါကြောင့် ကျွန်တော်တို့ဟာ ယေဟောဝါကို ချစ်တဲ့သူတွေ၊ ဘုရားအမှုဆောင်ဖို့ အားပေးတဲ့သူတွေနဲ့ပဲ ဆက်ပေါင်းသင်းချင်ကြပါတယ်။

မကောင်းတဲ့အပေါင်းအသင်းတွေကို ရှောင်ဖို့ သင်ယူပါ ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–

• ဘယ်လိုနည်းတွေနဲ့ မကောင်းတဲ့အပေါင်းအသင်းတွေနဲ့ ပေါင်းမိနိုင်သလဲ။

• မကောင်းတဲ့အပေါင်းအသင်းကို အဆက်ဖြတ်ဖို့ ဗီဒီယိုထဲက ခရစ်ယာန်သုံးယောက်ကို ဘာက ကူညီပေးခဲ့သလဲ။

• အပေါင်းအသင်းကို ပညာရှိရှိ ရွေးချယ်ဖို့ ဘယ်ကျမ်းစာမူတွေက ကူညီပေးနိုင်သလဲ။