လေ့လာစရာ အကြံပြုလွှာ

ယေဟောဝါသက်သေတွေအတွက် ကျမ်းစာလေ့လာမှု လမ်းညွှန် မှာ ပါတဲ့ ကျမ်းပိုဒ် ရှင်းပြချက်တွေကနေ သင် အကျိုးရနေသလား

ကျမ်းစာကို နှိုက်နှိုက်ချွတ်ချွတ် လေ့လာဖို့ အဲဒီရှင်းပြချက်တွေက ကူညီပေးနိုင်တယ်။ ကျမ်းပိုဒ်ရဲ့ နောက်ခံ၊ စကားလုံးတစ်လုံး ဒါမှမဟုတ် စကားစုတစ်စုရဲ့ အဓိပ္ပာယ်၊ ဘာကြောင့် ရေးတယ်၊ ဘယ်သူ့ကို ရည်ရွယ်တယ်စသဖြင့် အသေးစိတ် ရှင်းပြထားတယ်။

ဘယ်ကျမ်းစာပဲ သုံးသုံး ကင်းမျှော်စင် အွန်လိုင်း စာကြည့်တိုက် မှာကော JW Library^® မှာပါ ကျမ်းပိုဒ်တစ်ပိုဒ်ကို ထောက်ပြီး အညွှန်းတွေ ရှာလို့ ရတယ်။ ညာဘက်မှာ ရှိတဲ့ လေ့လာမှု အကွက်မှာ အဲဒီအညွှန်းတွေ တွေ့နိုင်တယ်။

အညွှန်းတွေ ကြည့်တဲ့အခါ သတိထားရမှာ ရှိတယ်။ နောက်ဆုံးထုတ် ဆောင်းပါးတွေကို ထိပ်မှာ ဖော်ပြထားတယ်။ အောက်ဘက်က ဆောင်းပါးအဟောင်းတွေမှာ ပါတဲ့ နားလည်မှုတွေဟာ မကြာသေးခင်က ပြုပြင်ပြောင်းလဲထားတာမျိုး ဖြစ်နိုင်တယ်။

• ကင်းမျှော်စင် အွန်လိုင်း စာကြည့်တိုက် မှာ အညွှန်းတွေ အလိုအလျောက် ပေါ်ပါတယ်။

• JW Library မှာတော့ ကျမ်းပိုဒ် အညွှန်းတွေ ပေါ်စေချင်ရင် ယေဟောဝါသက်သေတွေအတွက် ကျမ်းစာလေ့လာမှု လမ်းညွှန် စာအုပ်ကို အသစ်ထွက်တိုင်း ကူးထားရမယ်။ ကျမ်းစာ ဘယ်အခန်းကြီးမှာမဆို ညာဘက်မှာ ရှိတဲ့ လေ့လာမှု အကွက်ရဲ့ ထိပ်ကနေ ကူးနိုင်တယ်။