ကျွန်ုပ်တို့၏အသက်ကယ်ဆယ်ရေး ဓမ္မအမှုတွင် အောင်မြင်စွာ ပါဝင်ခြင်း

^၁ “များသောသူတို့ကိုရခြင်းအလို့ငှာ” တမန်တော်ပေါလုသည် သတင်းကောင်းတင်ဆက်ပုံကို အလျင်သင့်သလို ပြုပြင်ပေးခဲ့ပါသည်။ (၁ ကော. ၉:၁၉-၂၃) ထိုနည်းတူ အိမ်ရှင်စိတ်ဝင်စားရာများကို သတိပြုတတ်၍ သူ၏လိုအပ်ချက်အလိုက် ဆွေးနွေးတင်ပြရန် အသင့်ရှိပါက ကျွန်ုပ်တို့ဓမ္မအမှုတွင်ပိုမို အောင်မြင်ပါလိမ့်မည်။ ကင်းမျှော်စင်နှင့်နိုးလော့၊ သို့မဟုတ် ဘရိုရှာတစ်ခုခုကို ဝေငှသည့်အခါ ယင်းသို့ပြုရန် ခဲယဉ်းမည်မဟုတ်ပါ။

^၂ ကိုယ့်ကိုယ်ကို မိတ်ဆက်ပြီးနောက် ကိုယ်ပိုင်စကားနှင့် ဤသို့စတင်ပြောဆိုနိုင်ပါသည်။

▪ “ကျွန်တော်တို့ကြုံတွေ့နေရတဲ့ ပြဿနာများအတွက် လက်တွေ့ကျဖြေရှင်းနည်းများကို လောကီအစိုးရများ မပေးနိုင်ကြတဲ့အတွက် လူအများ စိတ်ဓာတ်ကျနေကြတယ်။ သူတို့၏ပြဿနာများအတွက် အစိုးရများကိုပင် အပြစ်တင်ကြပါတယ်။ ကျွန်တော်တို့လိုအပ်သမျှကို ဖူလုံစေနိုင်မယ့်အစိုးရရှိနိုင်မယ်လို့ ထင်သလား။ [ဖြေဆိုပါစေ။] ကျွန်တော်တို့ကြုံတွေ့နေသမျှပြဿနာများကို တကယ်ရှင်းပစ်မယ့် အစိုးရပေါ်လာမယ်လို့ စိတ်ချရတဲ့ကတိရှိတယ်ဆိုတာကို သိသလား။” အိမ်ရှင်၏အဖြေကို ကောင်းစွာနားထောင်ပါ။ သူ့အဖြေပေါ်မူတည်ပြီး ပြောဆိုတင်ပြနည်းအမျိုးမျိုးအနက် တစ်ခုကိုပြောပြရန် အသင့်ရှိပါ။

^၃ အိမ်ရှင်အဖြေပေးပုံမှ သူသည် ခရစ်ယာန်အမည်ခံတစ်ဦးဖြစ်ကြောင်း သိရှိလာလျှင် “ကောင်းကင်ဘုံ၌” သို့မဟုတ် သခင့်ပတ္ထနာဆုတောင်းချက်ကို ပေးလေ့ရှိမရှိ မေးမြန်းပါ။ ရှိသည်ဟု သူဖြေဆိုပါက “နိုင်ငံတော်တည်ထောင်ပါစေသော်။ အလိုတော်သည် ကောင်းကင်ဘုံ၌ ပြည့်စုံသကဲ့သို့ မြေကြီးပေါ်မှာ ပြည့်စုံပါစေသော” အထိ ရွတ်ဆိုပြပါ။ (မ. ၆:၉၊ ၁၀) ယင်းက တစ်နေ့နေ့လျှင် ယေဟောဝါ၏အလိုတော်သည် ကမ္ဘာပေါ်ပြည့်စုံရမည်အကြောင်း ထင်ရှားပြသည်။ ထိုနောက် ကင်းမျှော်စင် သို့မဟုတ် နိုးလော့မှ၊ သို့မဟုတ် ဤအကြောင်းကို ဆက်ဖေါ်ပြသည့် ပရဒိသုဖြစ်ပေါ်စေမည့် ဘုရားသခင့်အစိုးရ စာမျက်နှာ ၃ ပါအကြောင်း၊ အစရှိသည့် သင့်လျော်သောအကြောင်း တစ်ခုခုကို ကိုးကားတင်ပြနိုင်ပါသည်။

^၄ အိမ်ရှင်သည် ဘုရားသခင်ကိုမယုံကြည်ဟန်ရှိလျှင် ဟေဗြဲ ၃:၄ ကိုညွှန်း၍ ဘုရားသခင်သည် ကျွန်ုပ်တို့အား အမှန်ပင် ဂရုစိုက်တော်မူသလော ဘရိုရှာ၏ စာမျက်နှာ ၄ သို့လှန်ပါ။ အပိုဒ် ၁ နှင့် ၂ ကိုဖတ်ပြီး စာမျက်နှာအောက်ရှိ မေးခွန်းကိုမေးမြန်းပါ။ သို့မဟုတ် နောက်ဆုံးထုတ်မဂ္ဂဇင်းတစ်စောင်မှ သင့်တော်သောအကြောင်းတစ်ခုကို တင်ပြနိုင်ပေမည်။

^၅ အိမ်ရှင်သည် မိမိအဖြစ်ဘဝနှင့် ကျေနပ်ရောင့်ရဲနေဟန်ရှိလျှင် ဤသို့မေးမြန်းနိုင်သည်။

▪ “အစိုးရရဲ့အနာဂတ်အကြောင်း သမ္မာကျမ်းစာ၏စကားကို ဘာ့ကြောင့်အသေအချာသုံးသပ်သင့်သလဲ။” ထိုနောက် Reasoning စာအုပ်၏ စာမျက်နှာ ၁၅၄ နှင့် ၁၅၅ ပါအချက်အလက်များကိုအသုံးပြုကာ ထိုတွင်ရှိ အကြောင်းပြချက် ရှစ်ချက်အနက် တစ်ခုသို့မဟုတ်ထိုထက်မကကို အတိုချုပ်အသုံးပြုနိုင်ပါသည်။ အိမ်ရှင်စိတ်ဝင်စားမည်ဆိုလျှင် ဤလောက ဆက်လက်တည်ရှိမည်လော ဝေစာကို အသုံးပြုပါ။ စာမျက်နှာ ၂ ရှိပထမအပိုဒ်နှင့် စကားစမြည်ဆက်ပြောဆိုနိုင်သည်။

^၆ အိမ်ရှင်ထံ နောက်တစ်ကြိမ်ပြန်လာ၍ ဆက်ပြောမည့်အကြောင်းအရာကို သိချင်စိတ် မနှိုးဆွထားလျှင် သင့်ပထမလည်ပတ်မှုသည် အောင်မြင်လိမ့်မည်မဟုတ်ပါ။ ထိုကြောင့် စိတ်ဝင်စားစရာ မေးခွန်းတစ်ခုကိုမေးမြန်းပြီး ပြန်လာသည့်အခါ ဖြေဆိုပေးမည့်အကြောင်း ကတိပြုခဲ့ပါ။

^၇ အထက်ပါအကြောင်းမှ အဆင်ပြေသည့်အကြောင်းကို ရွေးချယ်ပါ။ သင့်ရပ်ကွက်နှင့်ကိုက်ညီစေရန် အကြံပြုချက်များကို ထိုက်သင့်သလို အသုံးပြုပါ။ အိမ်ရှင်လိုအပ်ရာကို ချက်ချင်းဖြည့်စွက်ပေးနိုင်ရန် သင်အသုံးပြုမည့် ဘရိုရှာများ၊ ဝေစာများ၊ မဂ္ဂဇင်းဆောင်းပါးများနှင့် အကျွမ်းတဝင်ဖြစ်နေပါ။ “ဧဝံဂေလိ (သတင်းကောင်း၊ ကဘ) တရားကြောင့်” တင်ပြချက်များကို ဝီရိယရှိရှိပြင်ဆင်ကြပြီး ဤအသက်ကယ်ဆယ်ရေး ဓမ္မအမှုတွင် အောင်မြင်စွာ ပါဝင်ကြစို့။​—၁ ကော. ၉:၂၃။