အခြားသူများအား ဘုရားသခင့်တောင်းဆိုရာများကို သင်ကြားပေးပါ

၁ “ယေဟောဝါ၏နှုတ်ကပါဌ်တော်ကိုကြားရ” ခြင်းနှင့်ဆိုင်သည့် ဝိညာဉ်ရေးချို့တဲ့နေသောလူမြောက်မြားစွာကို ယနေ့ထိ တွေ့ မြင်နိုင်ပါသည်။ (အာ. ၈:၁၁၊ ကဘ) အချို့သူများသည် ဘုရားသခင်ရှိကြောင်း ယုံကြည်ကြသော်လည်း ကိုယ်တော်၏ရည်ရွယ်ချက်နှင့် တောင်းဆိုချက်များကို မသိကြပေ။ ထို့ကြောင့် ကျွန်ုပ်တို့သည် အသက်ကယ်သည့် နိုင်ငံတော်သမ္မာတရားကို သူတို့အား သင်ကြားပေးရန် လိုသည်။ အခွင့်အရေးရတိုင်းသက်သေခံရန် တော်မှန်စွာတန်ဆာဆင်ကာ ပြင်ဆင်ထားခြင်းအားဖြင့် ယေဟောဝါတောင်းဆိုသည့်အရာများကို သိလိုသူများအား ကျွန်ုပ်တို့တွေ့ရှိနိုင်သည်။

၂ ဧပြီနှင့်မေလအတွင်း ဖြန့်ဝေရန် ကျွန်ုပ်တို့၌ အခန့်သင့်ထုတ်ဝေသည့် ကင်းမျှော်စင်နှင့် နိုးလော့! များရှိမည်ဖြစ်သည်။ ထို့အပြင် ဦးဆုံးအနေနှင့် ကျွန်ုပ်တို့ထံမှ ဘုရားသခင် အဘယ်အရာတောင်းဆိုတော်မူသနည်း ဘရိုရှာကိုဝေငှကြမည်။ ဆွဲဆောင်မှုရှိသောရုပ်ပုံများနှင့် စဉ်းစားစရာမေးခွန်းများက ဤဘရိုရှာအား အလွန်နှစ်သက်စရာဖြစ်စေသည်။ ကျွန်ုပ်တို့၏အထူးကောင်းမွန်သောစာပေများကို အသုံးပြုရာတွင် အကျိုးဖြစ်ထွန်းစေရန် အောက်ပါအကြံပြုချက်များကို ပေးထားသည်။

^၃ လူတို့ကို ရှာဖွေခြင်း– ကျွန်ုပ်တို့တစ်အိမ်မှတစ်အိမ်သွားသောအခါ လူအများစုကို အိမ်၌မတွေ့ရသည့်ဒေသများ၌ သူတို့ကိုတွေ့ရမည့်နေရာတိုင်းတွင် ရှာဖွေပြီးစကားပြောခြင်းသည် အကျိုးဖြစ်ထွန်းကြောင်းတွေ့ရှိရသည်။ စက်တင်ဘာ ၁၉၉၆၊ ကျွန်ုပ်တို့၏နိုင်ငံတော်ဓမ္မအမှု ကြားညှပ်တွင် နေရာတိုင်း၌—လမ်းပေါ်၊ လူထုသယ်ယူပို့ဆောင်ရေးယာဉ်ပေါ်နှင့် ပန်းခြံ၊ ကားရပ်ထားသည့်နေရာ၊ အလုပ်ဌာနများတို့တွင် သတင်းကောင်းဟောပြောရန် ကျွန်ုပ်တို့ကို အားပေးထားသည်။ ယင်းက ကျွန်ုပ်တို့အား အလွတ်သဘောဟောရန် အခွင့်အရေးများကို ဖန်တီးယူဖို့လိုအပ်ကြောင်းကိုလည်း သိရှိစေခဲ့သည်။ ဥပမာတစ်ခုအနေနှင့် ရှေ့ဆောင်ညီအစ်မတစ်ဦးသည် “ဘေးသင့်နေသောမျိုးစိတ်များ—အဘယ်ကြောင့်စိုးရိမ်စရာဖြစ်ရ” ဟူသောအခန်းဆက်ဆောင်းပါးများပါသည့် ဩဂုတ် ၈ ရက်၊ ၁၉၉၆၊ နိုးလော့! [လိပ်] ကို အလုံအလောက်ယူကာ တိရစ္ဆာန်ရုံသို့သွားသည်။ တစ်နာရီအတွင်း သူမသည် အလွန်တရာမှတိရစ္ဆာန်ချစ်တတ်သူအချို့အား အုပ်ရေ ၄၀ ဝေငှခဲ့ရသည်! သင်သည် ယခုထိ နေရာတိုင်းတွင် သတင်းကောင်းကိုဟောပြောခြင်းဖြင့် မည်သည့်အောင်မြင်မှုကို ရရှိခဲ့ပြီနည်း။ ကင်းမျှော်စင်နှင့် နိုးလော့! အပြင် တောင်းဆိုဘရိုရှာသည် လူတို့၏အသက်တာကို အကျိုးသက်ရောက်မှုရှိပြီး စဉ်းစားတွေးခေါ်နိုင်စွမ်းကို နှိုးဆွပေးသည့်အချက်အလက်ကို ဖော်ပြထားသောကြောင့် သက်သေခံနည်းရှိသမျှအတွက် အထူးသင့်လျော်ပါသည်။

^၄ စကားစမြည်စတင်ပြောဆိုခြင်း– အောက်တိုဘာ ၁၉၉၆၊ ကျွန်ုပ်တို့၏နိုင်ငံတော်ဓမ္မအမှု နောက်ကျောစာမျက်နှာတွင် ကင်းမျှော်စင်နှင့် နိုးလော့! မဂ္ဂဇင်းများအတွက် သင့်ကိုယ်ပိုင်တင်ဆက်ပုံကို မည်သို့ပြင်ဆင်ရမည်နှင့်စပ်လျဉ်း၍ အသေးစိတ်ဖော်ပြထားသည်။ ထပ်တူအကြံပြုချက်များသည် တောင်းဆိုဘရိုရှာအတွက် သင့်တင်ဆက်ပုံကိုပြင်ဆင်သောအခါ ထိရောက်မှုရှိစေမည်။ ကျွန်ုပ်တို့ပြောဆိုသည့်အရာသည် ဝါကျအနည်းငယ်ကဲ့သို့တိုတုတ်နိုင်သည် သို့မဟုတ် ကျမ်းစာအကြောင်းအရာတစ်ခုပါစေရန် အတော်အသင့်ရှည်နိုင်သည်။ နိဒါန်းပျိုးသည့်စကားလုံးများသည် သင်ချဉ်းကပ်သူ ဆက်၍နားထောင်မည်၊ နားမထောင်မည်ကို အဆုံးအဖြတ်ပေးနိုင်သောကြောင့် ၎င်းကို ဂရုတစိုက်ရွေးချယ်ရန် အရေးကြီးသည်။ “ကျွန်တော်ဖတ်တဲ့ဆောင်းပါးက ကျွန်တော့်အတွက် အားပေးမှုဖြစ်စေပါတယ်။ အဲဒီအရာကို မိတ်ဆွေကိုဝေမျှပေးချင်ပါတယ်” ဟူ၍ နိဒါန်းပျိုးခြင်းဖြင့် အချို့သူများသည် အောင်မြင်မှုရလျက်ရှိသည်။ သို့မဟုတ် အခြားသူတို့ကို စကားစမြည်ပြောဆိုနိုင်ရန် စိတ်ဝင်စားစရာမေးခွန်းတစ်ခုကို တင်ပြနိုင်သည်။

^၅ သင့်ဒေသတွင်သင့်လျော်ပါက ဤလ သင်၏တင်ဆက်ပုံများတွင် အောက်ဖော်ပြပါမေးခွန်းများကိုမေးခြင်းဖြင့် စမ်းကြည့်နိုင်သည်–

▪ “ယနေ့အချိန်မှာ နံရံတွေပေါ် လက်ဆော့ပြီးရေးခြစ်ထားတဲ့စာတွေ၊ အမှိုက်သရိုက်နဲ့ ညစ်ညမ်းမှုတွေကို အများကြီးတွေ့နေရပါတယ်။ ကမ္ဘာမြေကြီးကို သန့်စင်သွားအောင်၊ ပိုပြီးနေချင်စဖွယ်ကောင်းတဲ့နေရာဖြစ်လာအောင် ဘယ်အရာကလုပ်ဆောင်ပေးမလဲ။” တုံ့ ပြန်မှုကိုစောင့်ပြီး မည်သို့နှင့် မည်သည့်အချိန်တွင် ကမ္ဘာမြေကြီးတစ်ခုလုံး ဥယျာဉ်တစ်ခုဖြစ်လာမည်ကို အာမခံထားသည့်သတင်းအချက်အလက်များ သင့်တွင်ရှိထားကြောင်းရှင်းပြပါ။ နောက်ဆုံးထုတ်မဂ္ဂဇင်းတစ်စောင်မှ တိကျသောမှတ်ချက်တစ်ခု၊ တိုတုတ်သည့်ကျမ်းချက်တစ်ချက်နှင့် ရောင်စုံရုပ်ပုံတစ်ပုံကို ဝေမျှပါ။ ထို့နောက် သူ့အားဖတ်ဖို့ ကမ်းပေးလိုက်ပြီး ယင်း၏တန်ဖိုးကိုပြောပြပါ။ သင့်စကားမဆုံးမီ နောက်တစ်ချိန်တွင် ပြန်လည်ပတ်မှုပြုလုပ်ရန် ကြိုးစားစီစဉ်ပါ။

▪ ယနေ့ ကျွန်တော်တို့ရင်ဆိုင်နေရသလို ပြဿနာတွေဝန်းရံပြီး အသက်ရှင်ဖို့ ဘုရားသခင်ရည်ရွယ်ခဲ့သလားလို့ မိတ်ဆွေစဉ်းစားမိပါသလား။ ထိုသူဖြေပြီးနောက် “ဘုရားသခင်ရဲ့နိုင်ငံတော်လာပါစေလို့ တောင်းဖို့ တပည့်တော်တွေကို ယေရှုသင်ပေးတဲ့ဆုတောင်းချက်နဲ့ မိတ်ဆွေ အကျွမ်းတဝင်ရှိကောင်းရှိပါလိမ့်မယ်။ ဘုရားသခင်ရဲ့နိုင်ငံတော်ဟာ အမှန်တကယ်ဘာလဲဆိုရုံလောက် မိတ်ဆွေစဉ်းစားဖူးပါသလား” ဟူ၍သင်ပြောနိုင်သည်။ တောင်းဆိုဘရိုရှာပါ သင်ခန်းစာ ၆ ကိုဖွင့်ပြီး သင်ခန်းစာ၏အစတွင် မေးထားသောမေးခွန်းများကို ဖတ်ပြပါ။ ထို့နောက် အပိုဒ် ၁ ကို သင်ဖတ်ပြစဉ် ပထမမေးခွန်း၏အဖြေကို ညွှန်ပြပါ။ ကျန်မေးခွန်းများကို လိုရင်းတိုရှင်းသာဖြေထားကြောင်း ရှင်းပြပါ။ ဘရိုရှာကို ကမ်းပေးလိုက်ပြီး တန်ဖိုးကိုပြောပြပါ။ နိုင်ငံတော်အကြောင်း နောက်ထပ်မျှဝေပေးဖို့ နောက်တစ်ခါတွေ့ဆုံရန် ကမ်းလှမ်းပါ။

▪ “ကမ္ဘာ့ဘာသာတရားဟာ လူ့ ပြဿနာတွေကိုဖြေရှင်းပေးမဲ့အစား ပြဿနာတွေကိုပေါ်ပေါက်စေတဲ့အရာအဖြစ် တွေးခေါ်တတ်တဲ့သူများစွာက ရှုမြင်ကြပါတယ်။ အဲဒါနဲ့ပတ်သက်ပြီး မိတ်ဆွေကောဘယ်လိုထင်ပါသလဲ။” ထိုသူ၏ရှုမြင်ပုံကို နားထောင်ပြီးနောက် မှားယွင်းသောဘာသာ၏ပျက်ကွက်မှု သို့မဟုတ် ယင်း၏ချဉ်းကပ်လာနေသောပျက်စီးခြင်းအကြောင်းနှင့်ပတ်သက်၍ သူ၏စိတ်ဝင်စားမှုကိုဖမ်းယူနိုင်မည့် နောက်ဆုံးထုတ်မဂ္ဂဇင်းတစ်စောင်မှ အကြောင်းအရာကိုတင်ပြပါ။ သူ ဖတ်ချင်ပါသလားဟုမေးပါ။ နာမည်များကို အပြန်အလှန်မိတ်ဆက်ပြီး စစ်မှန်သောဘာသာသည် လူသားအပေါ် မည်သို့မည်ပုံ ပျက်ကွက်မှုမရှိကြောင်း ရှင်းပြနိုင်ရန် နောက်တစ်ခါတွေ့ဆုံဖို့ကမ်းလှမ်းပါ။

▪ “ယနေ့ မိသားစုဘဝမှာ အလွန်များပြားလှတဲ့ပြဿနာတွေကြောင့် မိသားစုပျော်ရွှင်မှုရရှိဖို့ လျှို့ဝှက်ချက်ဟာ ဘာလဲဆိုတာ မိတ်ဆွေတွေးတောဖူးပါသလား။” တုံ့ ပြန်မှုကိုစောင့်ပြီး သမ္မာကျမ်းစာတွင် မိသားစုပျော်ရွှင်မှု၏ စစ်မှန်သောလျှို့ဝှက်ချက်ကို ဘုရားသခင်ဖော်ပြထားကြောင်း ရှင်းပြပါ။ ဟေရှာယ ၄၈:၁၇ ကို သင် ဖတ်ပြနိုင်ပေမည်။ ထို့နောက် တောင်းဆိုဘရိုရှာပါ သင်ခန်းစာ ၈ ကိုဖွင့်ပြီး မိသားစုဝင်တစ်ဦးစီအတွက် စိတ်ချရသောလမ်းညွှန်မှုကိုပေးသည့် ကိုးကားထားသောကျမ်းချက်အချို့ကို ထောက်ပြပါ။ သင်ခန်းစာ၏အစတွင်ပါသည့် မေးခွန်းစဉ်တန်းကို ဖတ်ပြပါ။ ထိုသူအား အဖြေများကိုဖတ်ချင်ပါသလားဟု မေးပါ။ ဖတ်ချင်သည်ဆိုပါက သူ့အားဘရိုရှာကိုပေးပြီး တန်ဖိုးကိုပြောပြပါ။ သမ္မာကျမ်းစာတွင်ပါသည့် ပျော်ရွှင်သောမိသားစုဘဝအတွက် လက်တွေ့ကျသောလမ်းညွှန်ကို နောက်ထပ်မျှဝေပေးဖို့ အခြားအချိန်တွင် ပြန်လာရန်ကမ်းလှမ်းပါ။

^၆ မတ် ၁၉၉၇၊ ကျွန်ုပ်တို့၏နိုင်ငံတော်ဓမ္မအမှုကြားညှပ်တွင် ပြန်လည်ပတ်မှုများပြုလုပ်ရာတွင် ရဲစွမ်းသတ္တိရှိရန် ကျွန်ုပ်တို့ကိုအားပေးထားသည်။ ယင်းက တောင်းဆိုဘရိုရှာကိုသုံးကာ ကျမ်းစာသင်အံမှုများကို အစဦးဆုံးသွားရောက်ချိန်တွင်မစဖြစ်ပါက ပြန်လည်ပတ်ချိန်တွင်စရန် အကြံပြုခဲ့သည်။ လူသား၏အကြီးမားဆုံးလိုအပ်ရာသည် ဘုရားသခင်၏တောင်းဆိုချက်များကို သိရှိပြီး ယင်းအတိုင်းလုပ်ဆောင်ရန်ဖြစ်သည်။ (ကော. ၁:၉၊ ၁၀) အသက်တာအတွက် ယေဟောဝါတောင်းဆိုချက်များနှင့်ပတ်သက်၍ ကျွန်ုပ်တို့သိရှိရာများကို အခြားသူများအား စတင်သင်ကြားပေးနိုင်ပါက ကျွန်ုပ်တို့သည် အခြားသူများကို ဧပြီနှင့် မေလအတွင်းတွင် ကြီးစွာသောအကျိုးရရှိစေရာကျမည်ဖြစ်သည်။—၁ ကော. ၉:၂၃။