“ထက်သန်သောနိုင်ငံတော်ကြွေးကြော်သူများ” ခရိုင်စည်းဝေးကြီးမှ အကျိုးအပြည့်အဝခံစားရခြင်း

^၁ လှုံ့ဆော်မှုဖြစ်စေသောအစီအစဉ်– ကျွန်ုပ်တို့သည် မကြာသေးမီက ခရိုင်စည်းဝေးကြီး၌ လှုံ့ဆော်မှုဖြစ်စေသောအစီအစဉ်ကို မွေ့လျော်ခဲ့ကြသည်! ကျွန်ုပ်တို့သည် ဘုရားသခင့်နိုင်ငံတော်ကို ထက်သန်စွာကြွေးကြော်ရန် အရည်အချင်းပိုရှိလာဖို့ဟူသော တူညီသည့်ရည်ရွယ်ချက်တစ်ခုအတွက် စုရုံးခဲ့ကြသည်။ “ကြွေးကြော်ခြင်း” ဟူသောစကားစုကို ပထမဦးဆုံးဟောပြောသူက မည်သို့အဓိပ္ပာယ်ဖွင့်ခဲ့သည်ကို သင်မှတ်မိသလော။ “ကျွန်ုပ်တို့နှင့် ယေဟောဝါရှိသောကြောင့် မကြောက်ကြနှင့်” ဟူသောဟောပြောချက်တွင် အဘယ်စူးစမ်းရှာဖွေမှုပြုလုပ်ရန် အားပေးခံခဲ့ရသည်ကို သင်မှတ်မိသလော။ သင်သည် ယခုအထိ အဘယ်ဘဝအတ္ထုပ္ပတ္တိအဖြစ်မှန်များကို ဆန်းစစ်ခဲ့ပြီနည်း။

^၂ “စမ်းသပ်မှုအမျိုးမျိုးဖြင့် ကျွန်ုပ်တို့၏ယုံကြည်ခြင်းအရည်အသွေး စစ်ဆေးခံရ” ဟူသောအခန်းဆက်ဟောပြောချက်က နှိပ်စက်ညှဉ်းပန်းမှုကို ယေဟောဝါခွင့်ပြုရသည့် အဓိကအကြောင်းရင်းသုံးခုကို ဖော်ပြခဲ့သည်။ ယင်းတို့သည် အဘယ်အရာများဖြစ်ကြောင်း သင်ရှင်းပြနိုင်သလော။ ကျွန်ုပ်တို့၏ခရစ်ယာန်ကြားနေမှုအတွက် ကျမ်းစာအခြေခံအကြောင်းရင်းကား အဘယ်နည်း။ ကျွန်ုပ်တို့၏ကြားနေမှုကြောင့် ပေါ်ပေါက်သည့်ပြဿနာများအတွက် ကျွန်ုပ်တို့ကိုယ်ကို အသင့်ပြင်ဆင်ထားရန် အဘယ်အရာများလုပ်ဆောင်ဖို့ အားပေးခံခဲ့ရသနည်း။ စမ်းသပ်မှုများကို ကျွန်ုပ်တို့သစ္စာရှိရှိခံရပ်ခြင်းက ယေဟောဝါအား မည်သို့ချီးမွမ်းရာရောက်စေသနည်း။

^၃ “ဆင်းရဲဒုက္ခမြားမြောင်ချိန်တွင် အခိုင်အမာရပ်တည်” ဟူသောပြဇာတ်ပါ အဘယ်ပြကွက်များက အထူးသဖြင့် သင့်အား ခွန်အားရှိစေခဲ့သနည်း။ ကျွန်ုပ်တို့သည် ယေရမိနှင့် မည်သို့တူနိုင်ကြသနည်း။

^၄ “ဤလောက၏အဆင်းသဏ္ဌာန်သည် ပြောင်းလဲနေ” ဟူသောလူထုဟောပြောချက်က ရှေ့တွင်ဖြစ်ပျက်မည်ဖြစ်ကာ ဘုရားသခင်၏ကြောက်မက်ဖွယ်ရာနေ့သို့ ဦးတည်ပေးမည့် အဘယ်အရေးပါသောပြောင်းလဲမှုများကို ဖော်ပြခဲ့သနည်း။ “ထက်သန်သော နိုင်ငံတော်ကြွေးကြော်သူများအဖြစ် ကောင်းသောအကျင့်များ၌ အလုပ်များနေကြ” ဟူသော နိဂုံးချုပ်ဟောပြောချက်ကိုနားထောင်စဉ် အချက်အလက်များကို သင်၏ဓမ္မအမှုနှင့် မည်သို့ဆက်စပ်နားလည်ခဲ့သနည်း။

^၅ ကျင့်သုံးရန်အဓိကအချက်များ– “ကျေးဇူးသိတတ်သောစိတ်ပြကြလော့” ဟူသောဟောပြောချက်တွင် ရှင်းပြခဲ့သကဲ့သို့ ယေဟောဝါအား ကျွန်ုပ်တို့၏လှိုက်လှဲသောကျေးဇူးတင်မှုကို မည်သို့ပြသနိုင်သနည်း။ “ထက်သန်တက်ကြွသော နိုင်ငံတော်သတင်းကြွေးကြော်သူများ” ဟူသောအဓိကဟောပြောချက်တွင် မည်သူတို့၏ထက်သန်မှုကိုတုပရန် အားပေးခံခဲ့ရသနည်း။ ကျွန်ုပ်တို့သည် မိမိကိုယ်ကို အဘယ်ဆန်းစစ်မှုပြုလုပ်ရန် တောင်းဆိုခံခဲ့ရသနည်း။

^၆ “မိက္ခာ၏ပရောဖက်ပြုချက်က ယေဟောဝါ၏နာမတော်၌လျှောက်လှမ်းရန် ကျွန်ုပ်တို့ကိုခွန်အားပေး” ဟူသောအခန်းဆက်ဟောပြောချက်က ယေဟောဝါ၏မျက်နှာသာတော်ရရှိရန် ကျွန်ုပ်တို့ပြည့်မီရမည့် အဘယ်တောင်းဆိုချက်သုံးခုကို ပေါ်လွင်စေခဲ့သနည်း။ ယင်းတို့သည် ပြည့်မီနိုင်သည့်အရာများလော။ (မိ. ၆:၈) “သင့်နှလုံးကိုစောင့်ရှောက်ခြင်းဖြင့် အကျင့်သီလကောင်းကို ထိန်းသိမ်းလော့” ဟူသောဟောပြောချက်အရ ကျွန်ုပ်တို့သည် မည်သည့်နည်းများဖြင့် စာရိတ္တသန့်ရှင်းနေရမည်နည်း။ “လှည့်စားခြင်းကိုသတိပြု” ဟူသောဟောပြောချက်က မည်သည့်ကဏ္ဍများတွင် လှည့်စားမခံရန်နှင့် အခြားသူများကိုမလှည့်စားရန် ကျွန်ုပ်တို့ကိုသတိပေးခဲ့သနည်း။

^၇ “မိမိတို့၏ဓမ္မအမှုကိုဂုဏ်တင်ကြသောနိုင်ငံတော်ကြွေးကြော်သူများ” ဟူသည့်အခန်းဆက်ဟောပြောချက်မှ လက်တွေ့ကျသော အဘယ်အချက်များကို သင်၏ဓမ္မအမှုတွင် စတင်လက်တွေ့ကျင့်သုံးခဲ့ပြီနည်း။ “ဝိညာဉ်ရေးရာစကားစမြည်ပြောဆိုခြင်းက တည်ဆောက်မှုဖြစ်စေ” ဟူသောဟောပြောချက်တွင် ဖိလိပ္ပိ ၄:၈ ကိုခွဲခြမ်းစိတ်ဖြာလေ့လာခဲ့ကြသည်။ ကျွန်ုပ်တို့၏စကားစမြည်ပြောဆိုမှုများကို ဝိညာဉ်ရေးရာများဘက်သို့ဦးတည်ရန် ထိုကျမ်းချက်က မည်သို့ကူညီပေးသနည်း၊ မည်သည့်အချိန်တွင် ထိုသို့ပြုသင့်သနည်း။

^၈ “စိတ်သောကရောက်နေချိန်တွင် ယေဟောဝါကို လုံးလုံးယုံကြည်ကိုးစားလော့” ဟူသောဟောပြောချက်က ကြေကွဲဖွယ်ဖြစ်ရပ်များ၊ ငွေရေးကြေးရေးအခက်အခဲများ၊ ကျန်းမာရေးချို့တဲ့မှု၊ မိသားစုပြဿနာများနှင့် အမြစ်စွဲနေသောအားနည်းချက်များကို မည်သို့ကိုင်တွယ်ဖြေရှင်းနိုင်ကြောင်း ဆွေးနွေးခဲ့သည်။ ဤအခြေအနေများနှင့်ကြုံရသည့်အခါ ယေဟောဝါကို ယုံကြည်ကိုးစားကြောင်း ကျွန်ုပ်တို့မည်သို့တင်ပြနိုင်သနည်း။

^၉ ဝိညာဏဘဏ္ဍာသစ်– စစ်မှန်၍ တစ်ဆူတည်းသော ဘုရားသခင်ကိုကိုးကွယ်လော့ စာအုပ်သစ်ကိုရရှိ၍ ကျွန်ုပ်တို့ဝမ်းသာခဲ့ရသည်။ ယင်း၏ရည်ရွယ်ချက်ကို ရှင်းပြသည့်ကြေညာချက်က သင့်အပေါ် မည်သို့အကျိုးသက်ရောက်ခဲ့သနည်း။ ယင်းသည် ကျွန်ုပ်တို့၏တပည့်ဖြစ်စေခြင်းလုပ်ငန်းတွင် ဒုတိယသင်အံမှုစာအုပ်အဖြစ် အဘယ်ကြောင့် အကူအညီဖြစ်မည်နည်း။

^၁၀ ထို့နောက် ယေဟောဝါထံချဉ်းကပ်လော့ ဟူသော လှပသည့်စာအုပ်ကို ကျွန်ုပ်တို့ရရှိခဲ့သည်။ ယင်း၏အထူးအင်္ဂါရပ်အချို့ကား အဘယ်နည်း။ မည်သည့်ပုံဥပမာများကို သင်အထူးနှစ်သက်သနည်း။ ယင်းကိုဖတ်ရှုခြင်းက သင့်အား ယေဟောဝါနှင့် ပိုမိုနီးကပ်စေခဲ့ပြီလော။ အခြားမည်သူတို့သည် ယင်းမှ အကျိုးရရှိနိုင်သနည်း။

^၁၁ “ထက်သန်သောနိုင်ငံတော်ကြွေးကြော်သူများ” ခရိုင်စည်းဝေးကြီးက ဤခက်ခဲသောအချိန်ကိုရင်ဆိုင်ရန် ကျွန်ုပ်တို့လိုအပ်သည့်ဝိညာဏအားပေးမှုကို ရရှိစေခဲ့သည်။ ဤထူးခြားသောဝိညာဏအစီအစဉ်မှ အကျိုးအပြည့်အဝခံစားရဖို့ ပြောဆိုခဲ့ရာများကိုမှတ်မိရန်၊ ရရှိခဲ့ရာများအတွက် ကျေးဇူးတင်ရန်နှင့် သိရှိခဲ့ရာများကို လက်တွေ့ကျင့်သုံးရန် အစွမ်းကုန်ကြိုးစားနိုင်ကြပါစေ။ (၂ ပေ. ၃:၁၄) ထိုသို့လုပ်ဆောင်ခြင်းက ယေဟောဝါ၏ဘုန်းတော်ထင်ရှားစေခြင်းအတွက် သမာဓိစောင့်ထိန်းရန်နှင့် ကျွန်ုပ်တို့၏သခင်ယေရှုခရစ်ကို တုပသောအားဖြင့် ထက်သန်သော နိုင်ငံတော်ကြွေးကြော်သူများဖြစ်ရန် ကျွန်ုပ်တို့ကိုခွန်အားရှိစေမည်ဖြစ်သည်။—ဖိ. ၁:၉-၁၁။