အထူးစည်းဝေးပွဲ ပြန်လည်သုံးသပ်ခြင်း

ဤအကြောင်းအရာကို ၂၀၀၅ လုပ်ငန်းတော်နှစ်အတွက် အထူးစည်းဝေးပွဲအစီအစဉ်အား ကြိုတင်သုံးသပ်ရန်နှင့် ပြန်လည်သုံးသပ်ရန် အသုံးပြုမည်ဖြစ်သည်။ ဤကြားညှပ်၏စာမျက်နှာ ၄ ပါ “စည်းဝေးပွဲအစီအစဉ်များကိုသုံးသပ်ရန် အစီအစဉ်သစ်” ဆောင်းပါးက မည်သို့သုံးသပ်ရမည်ကို ရှင်းပြသည်။ ပြန်လည်သုံးသပ်ချိန်အတွင်း မေးခွန်းအားလုံးမေးနိုင်ရန် အချိန်ကိုခန့်ခွဲပါ။ ပြန်လည်သုံးသပ်ချက်သည် တင်ဆက်ခဲ့သည့် အချက်အလက်များအား လက်တွေ့ကျင့်သုံးနိုင်ပုံအပေါ် အာရုံစိုက်သင့်သည်။

နံနက်ပိုင်းအစီအစဉ်

၁။ ယေဟောဝါကိုနားထောင်ရန် အဘယ်ကြောင့် ပို၍လိုအပ်နေသနည်း။ နားထောင်ခြင်းဟူသည် အဘယ်အဓိပ္ပာယ်ရှိသနည်း။ (“ယေဟောဝါ၏စကားသံကို အဘယ်ကြောင့်နားထောင်ရ”)

၂။ မိသားစုများသည် ဝိညာဉ်ရေးလုပ်ဆောင်မှုအစီအစဉ်ကောင်းတစ်ခုကို မည်သို့ထိန်းသိမ်းထားနိုင်သနည်း။ (“ဘုရားသခင့်စကားတော်ကို စိတ်မပျံ့လွင့်ဘဲ နားထောင်သည့် မိသားစုများ”)

၃။ တိုက်နယ်အတွင်းရှိသူများသည် မည်သို့အခွင့်အရေးယူ၍ အလွတ်သဘောသက်သေခံခဲ့ကြသနည်း။ (“ဘုရားသခင်၏ဘုန်းတော်ကိုထောက်၍ ခပ်သိမ်းသောအမှုကိစ္စကို ပြုကြလော့”)

၄။ ဟေဗြဲအခန်းကြီး ၃ နှင့် ၄ ပါသတိပေးချက်နမူနာမှ ကျွန်ုပ်တို့ အဘယ်သင်ခန်းစာများရရှိနိုင်သနည်း။ ယနေ့ ကျွန်ုပ်တို့အား ယေဟောဝါ မည်သို့စကားပြောဆိုနေသနည်း။ (“ဘုရားသခင်ပြောဆိုသည့်အခါ နားထောင်ခြင်းက ကျွန်ုပ်တို့ကို အကာအကွယ်ပေး”)

၅။ နှစ်ခြင်းဟောပြောချက်မှ သင် မည်သို့အကျိုးခံစားခဲ့ရသနည်း။ (“ဆက်ကပ်အပ်နှံခြင်းနှင့် နှစ်ခြင်း”)

မွန်းလွဲပိုင်းအစီအစဉ်

၆။ ယေရှု၏လူငယ်ဘဝနှင့်စပ်လျဉ်း၍ ကျွန်ုပ်တို့ အဘယ်အရာသိရှိနိုင်သနည်း၊ တိုက်နယ်အတွင်းရှိလူငယ်များသည် ကိုယ်တော့်ပုံသက်သေကို မည်သို့တုပနေကြသနည်း။ (“ဘုရားသခင့်နှုတ်ကပါဌ်တော်ကို ဂရုတစိုက်နားထောင်ခြင်းက ကျွန်ုပ်တို့၏လူငယ်များကို ခိုင်ခံ့စေပုံ”)

၇။ ယေဟောဝါ၏လမ်းစဉ်တွင် ကလေးငယ်များနှင့် ငယ်ရွယ်သောသားသမီးများကို မိဘများ စတင်လေ့ကျင့်ပေးနိုင်သည့် နည်းလမ်းအချို့ကား အဘယ်နည်း။ (“ဘုရားသခင်၏စကားတော်ကို နားထောင်ပြီး သင်ယူသည့်ကလေးငယ်များ”)

၈။ ယေဟောဝါ၊ ကိုယ်တော့်သားတော်နှင့် ‘သစ္စာနှင့်သတိပညာရှိသောကျွန်’ အား အာရုံစိုက်ဖို့လိုအပ်သည့် သတ်သတ်မှတ်မှတ်ကဏ္ဍအချို့ကား အဘယ်နည်း။ (မ. ၂၄:၄၅) ကျွန်ုပ်တို့ ထိုသို့လုပ်ဆောင်ရန် အဘယ်ကြောင့် အရေးကြီးသနည်း။ (“ဘုရားသခင့်သွန်သင်ချက်ကို မပြတ်အာရုံစိုက်လော့”)