ကျွန်ုပ်တို့ရဲ့ တရားဝင်ဝက်ဘ်ဆိုက်—အမှုဆောင်မှာ အသုံးပြုပါ

လူတွေကို ညွှန်ပြပေးပါ– ကျွန်ုပ်တို့နဲ့စကားပြောဖို့၊ စာပေတွေကို လက်ခံဖို့ တွန့်ဆုတ်နေသူတွေဟာ ယေဟောဝါသက်သေတွေအကြောင်း jw.org မှာ သူတို့ဘာသာသူတို့ ဝင်ကြည့်လိုကြတယ်။ ဒါကြောင့် အခွင့်အရေးရတိုင်း ဒီဝက်ဘ်ဆိုက်ကို ညွှန်ပြပေးပါ။

ဝက်ဘ်ဆိုက်ကိုသုံးပြီး မေးခွန်းတွေကိုဖြေပါ– တစ်ခါတလေ အိမ်ရှင်၊ စိတ်ဝင်စားသူ၊ အသိတစ်ယောက်ယောက်က ယေဟောဝါသက်သေတွေအကြောင်း ဒါမှမဟုတ် ကျွန်ုပ်တို့ယုံကြည်ချက်အကြောင်း မေးခွန်းမေးလာတတ်တယ်။ အဲဒီအခါ အင်တာနက်သုံးပြီး ချက်ချင်းအဖြေပေးနိုင်တယ်။ ညွှန်းထားတဲ့ကျမ်းချက်တွေကိုတော့ သမ္မာကျမ်းစာထဲက တိုက်ရိုက်ဖတ်ပြတာက ပိုကောင်းလေ့ရှိတယ်။ တကယ်လို့ အင်တာနက်သုံးဖို့ အဆင်မပြေဘူးဆိုရင် သူ့ဘာသာသူ jw.org ဝက်ဘ်ဆိုက်ကိုသုံးပြီး ဘယ်လိုအဖြေရှာနိုင်သလဲဆိုတာ ရှင်းပြပါ။—“သမ္မာကျမ်းစာသွန်သင်ချက်များ” ကို နှိပ်ပြီး “သမ္မာကျမ်းစာမေးခွန်းတွေရဲ့အဖြေ” ကိုနှိပ်ပါ ဒါမှမဟုတ် “ကျွန်ုပ်တို့အကြောင်း” ကိုနှိပ်ပြီး “မေးတတ်တဲ့မေးခွန်းများ” ကိုနှိပ်ပါ။

သင့်အသိတစ်ယောက်ယောက်ကို ဆောင်းပါးတွေ၊ စာပေတွေ ပို့ပေးပါ– PDF ဒါမှမဟုတ် EPUB ပုံစံနဲ့ စာအုပ်စာပေကို အီးမေးလ်နဲ့ ပို့နိုင်တယ်။ ဒါမှမဟုတ် အသံသွင်းထားတာတွေကို စီဒီနဲ့ ကူးပေးနိုင်တယ်။ နှစ်ခြင်းမခံရသေးတဲ့သူတစ်ယောက်ကို ဒီလိုမျိုး အီလက်ထရောနစ်နည်းနဲ့ စာအုပ်၊ ဘရိုရှာ၊ မဂ္ဂဇင်း တစ်အုပ်လုံးကို ဝေငှပြီးတိုင်း အဲဒီအတွက် မှတ်တမ်းထည့်နိုင်တယ်။ ဒါပေမဲ့ ပို့သူနာမည်မဖော်ဘဲပို့ပေးတာမျိုး၊ အများကြီးပို့ပေးတာမျိုး မလုပ်သင့်ပါဘူး။ တခြားဝက်ဘ်ဆိုက်မှာ တင်တာမျိုးလည်း မလုပ်သင့်ပါဘူး။—“စာအုပ်စာပေများ” ကိုနှိပ်ပါ။

ယေဟောဝါသက်သေတွေရဲ့ နောက်ဆုံးသတင်းအချက်အလက်တွေကို ပြပါ– အဲဒီလိုလုပ်ခြင်းက ကျမ်းစာသင်သားတွေနဲ့ တခြားသူတွေကို ကျွန်ုပ်တို့ရဲ့ ကမ္ဘာချီလုပ်ငန်းအကြောင်း၊ ကျွန်ုပ်တို့ရဲ့ စည်းလုံးမှုအကြောင်း ပိုပြီး နားလည်သဘောပေါက်လာစေနိုင်တယ်။ (ဆာ. ၁၃၃:၁)— “News” ကို နှိပ်ပါ။

[စာမျက်နှာ ၅ ပါ ပုံကြမ်း]

(ကားချပ်အပြည့်အစုံကို စာစောင်တွင်ကြည့်ပါ)

ခုလို စမ်းကြည့်ပါ

၁ “စာအုပ်စာပေများ” ကိုနှိပ်ပြီး သင်ကူးယူလိုတဲ့ စာအုပ်စာပေများကို ကြည့်ပါ၊ စာဖတ်ဖို့ ဒါမှမဟုတ် အသံနားထောင်ဖို့ အောက်မှာရှိတဲ့ ခလုတ်ကို ရွေးနှိပ်ပါ။

၂ MP3 ဆိုတာကိုနှိပ်လိုက်ရင် ဆောင်းပါးတစ်ခုစီအတွက် အသံသွင်းထားတာတွေကို တွေ့ရမယ်။ ကူးယူဖို့ ဆောင်းပါးခေါင်းစဉ်ကိုနှိပ်ပါ၊ အွန်လိုင်းမှာ နားထောင်ဖို့ ▸ ကိုနှိပ်ပါ။

၃ စာပေတွေကို တခြားဘာသာစကားနဲ့ကူးယူချင်ရင် ဒီစာရင်းမှာ ရွေးချယ်နိုင်တယ်။