အမှုဆောင်လုပ်ငန်းမှာ ဘုရားသခင့်စကားတော်ရဲ့တန်ခိုးကို ဖော်ထုတ်ပါ

တစ်ယောက်ယောက်က သတင်းကောင်းနားထောင်ဖို့ အချိန်ပေးတယ်ဆိုရင် ဒီအခွင့်အရေးကို ကောင်းစွာအသုံးချပြီး ကျမ်းချက်တွေကို ကျမ်းစာထဲကနေ တိုက်ရိုက်ဖတ်ပြခြင်းအားဖြင့် ဘုရားသခင့်စကားတော်ရဲ့တန်ခိုးကို ဖော်ထုတ်နိုင်ပါတယ်။ အဲဒီအချက်ကို မနှစ်ကအထူးစည်းဝေးမှာ အလေးပေးဖော်ပြခဲ့တယ်။ “အမှုဆောင်လုပ်ငန်းမှာ ဘုရားသခင့်စကားတော်ရဲ့ တန်ခိုးကို ဖော်ထုတ်ပါ” ဆိုတဲ့ခေါင်းစဉ်ကို တိုက်နယ်ကြီးကြပ်မှူး ဟောခဲ့တယ်။ အဓိကအချက်တွေကို မှတ်မိသေးလား။

• ယေဟောဝါရဲ့စကားက ကျွန်ုပ်တို့စကားထက် ဘာကြောင့် ပိုပြီးတန်ခိုးရှိတာလဲ။—၂ တိ. ၃:၁၆၊ ၁၇။

• ယေဟောဝါရဲ့စကားတော်က လူတွေရဲ့ ခံစားချက်တွေကို ဘယ်လိုနည်းနဲ့ လှုံ့ဆော်ပေးနိုင်၊ စဉ်းစားပုံကို ပုံသွင်းနိုင်၊ စိတ်သဘောထားကို ပြုပြင်ပေးနိုင်၊ အပြုအမှုတွေကို ထိန်းပေးနိုင်သလဲ။—၂၀၁၂၊ ဇွန် ၁၅ ရက်ထုတ် ကင်းမျှော်စင် စာမျက်နှာ ၂၇၊ အပိုဒ် ၇ ကိုကြည့်ပါ။

• အမှုဆောင်လုပ်ငန်းမှာ တစ်ယောက်ယောက်ကို ကျမ်းစာဖတ်ပြတဲ့အခါ ဘုရားသခင့်စကားတော်ကို လေးမြတ်စေပြီး တိုက်ရိုက်အာရုံစိုက်စေဖို့ ဘယ်လိုလုပ်ဆောင်နိုင်သလဲ။—ဓမ္မအမှုကျောင်းစာအုပ် စာမျက်နှာ ၁၄၈၊ အပိုဒ် ၃-၄; ၂၀၁၃၊ မတ်လထုတ် ကျွန်ုပ်တို့၏နိုင်ငံတော်ဓမ္မအမှု စာမျက်နှာ ၆၊ အပိုဒ် ၈ ကိုကြည့်ပါ။

• ကျွန်ုပ်တို့ဖတ်ပြလိုက်တဲ့ကျမ်းချက်တွေကို ရှင်းပြဖို့၊ ဆွေးနွေးသုံးသပ်ဖို့ ဘာကြောင့် အရေးကြီးသလဲ။ ဘယ်လို လုပ်ဆောင်နိုင်သလဲ။—တ. ၁၇:၂၊ ၃; ဓမ္မအမှုကျောင်းစာအုပ် စာမျက်နှာ ၁၅၄၊ အပိုဒ် ၄ မှ စာမျက်နှာ ၁၅၆၊ အပိုဒ် ၅ အထိကြည့်ပါ။