အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း​—ကင်မရာ၊ အင်တာကွန်းကနေ သက်သေခံခြင်း

ဘာကြောင့်အရေးကြီး– နည်းပညာတွေ တိုးတက်လာလို့၊ ရာဇဝတ်မှုတွေ တိုးများလာလို့ လုံခြုံရေး ကင်မရာတွေ၊ အင်တာကွန်းတွေ (တံခါးပေါက်မှာ တပ်ဆင်ထားတဲ့ စကားပြောခွက်) အသုံးပြုတာ ပိုများလာတယ်။ ကိုယ်က မမြင်ရပေမဲ့၊ ကိုယ့်ကို မြင်နေရသူ တစ်ယောက်ယောက်ကို ဟောပြောရတာ စိုးရိမ်မိနိုင်တယ်။ အောက်ပါ သတိပေးချက်တွေက ကင်မရာ၊ အင်တာကွန်းကတစ်ဆင့် ယုံကြည်စိတ်ချမှုရှိရှိ ဟောပြောဖို့ ကူညီပေးပါလိမ့်မယ်။

လုပ်ဆောင်နိုင်ပုံ–

• အပြုသဘောရှိပါ။ ကင်မရာ ဒါမှမဟုတ် အင်တာကွန်း တပ်ထားတဲ့ အိမ်ရှင်များစွာဟာ ကျွန်တော်တို့နဲ့ စကားပြောချင်ကြတယ်

• တချို့ ကင်မရာတွေဟာ သင် တံခါးမခေါက်ခင်၊ တံခါးနား ရောက်တာနဲ့ စပြီး မှတ်တမ်းတင်တဲ့အတွက် အိမ်ရှင်က သင့်ကို ကြည့်နေနိုင်တယ်၊ နားထောင်နေနိုင်တယ်

• အိမ်ရှင် ပြန်ဖြေတဲ့အခါ လူချင်း တွေ့ရသလိုပဲ ကင်မရာ၊ အင်တာကွန်းကနေ စကားပြောပါ။ သဘာဝကျကျ ပြုံးပါ၊ လှုပ်ရှားပါ။ အိမ်ရှင် တံခါးနား ကပ်လာတဲ့အခါ သင် ပြောဖို့ ပြင်ဆင်ထားတာကို ပြောပါ။ ကင်မရာ တပ်ထားရင် မျက်နှာကို အရမ်း မကပ်ပါနဲ့။ အိမ်ရှင် ပြန်မဖြေရင် ဘာမှ မပြောခဲ့ပါနဲ့

• စကားပြောလို့ ပြီးသွားတဲ့အခါ အိမ်ရှင် သင့်ကို ကြည့်နေတုန်း၊ နားစွင့်နေတုန်းဆိုတာ သတိရပါ