လုပ်ငန်းပြီးမြောက်ရန် ကျွန်ုပ်တို့အားလုံးလုပ်ဆောင်ရန်လို

^၁ နိုင်ငံတော်ဟောပြောခြင်းလုပ်ငန်းတွင် ထောက်ပံ့ပါဝင်ရန် မိမိ၏ကြိုးစားအားထုတ်မှုများသည် အလွန်အရေးပါကြောင်း ယေရှုခရစ်၏တပည့်တိုင်း နားလည်ထားသင့်သည်။ မိမိ၏တပည့်များသည် ပမာဏအမျိုးမျိုးဖြင့် နိုင်ငံတော်အသီးများသီးမည်ကို ယေရှုသိပါသည်။ (မ. ၁၃:၂၃) အပတ်တကုတ်ကြိုးစားသောရှေ့ဆောင်များစွာကြောင့် ဟောပြောခြင်းလုပ်ငန်း အတော်အတန်ပြီးမြောက်နေသော်လည်း အသီးများနိုင်သလောက်များများသီးခြင်းဖြင့် ဘုရားသခင့်ဘုန်းတော်ကို ထက်သန်စွာ ဆက်၍ထင်ရှားစေသူမှန်သမျှသည် ချီးမွမ်းခံထိုက်၏။—ယော. ၁၅:၈။

^၂ စုပေါင်းအားထုတ်မှုများက များစွာပြီးမြောက်စေ– မိမိတပည့်အားလုံး၏ စုပေါင်းအားထုတ်မှုများက လုပ်ငန်းတော်ကို မိမိထက်သာ၍ပြီးမြောက်စေမည်ဟု ယေရှုတင်ကြိုမိန့်မြွက်ခဲ့၏။ (ယော. ၁၄:၁၂) ကျွန်ုပ်တို့တစ်ဦးစီ၏အခြေအနေများက ကျွန်ုပ်တို့လုပ်နိုင်သည့်အရာကိုကန့်သတ်သည်ဖြစ်စေ သို့မဟုတ် နိုင်ငံတော်ဟောပြောခြင်းတွင် အချိန်များစွာပေးဆက်ရန်အခွင့်ပေးသည်ဖြစ်စေ လုပ်ငန်းတော်ပြီးမြောက်ရန် ကျွန်ုပ်တို့အားလုံးပါဝင်လုပ်ဆောင်ဖို့လို၏။ ပေါလုဖော်ပြခဲ့သည့်အတိုင်းပင်ဖြစ်၏– “အဆစ်အပိုင်းများတို့သည် အားဖြည့်သဖြင့်၊ တစ်ကိုယ်လုံးသည် စေ့စပ်ထုံးဖွဲ့လျက်၊ အသီးအသီးအင်္ဂါများ ကိုယ်ငန်းကိုယ်တာအတိုင်းပြုပြင်သည်နှင့်အညီ၊ . . . ကြီးပွားစေတတ်၏။”—ဧ. ၄:၁၆။

^၃ မိမိတို့၏ကြိုးစားအားထုတ်မှုများသည် မဖြစ်စလောက်ဟု အချို့သူတို့ယူမှတ်ကြပေမည်။ သို့သော် ယေဟောဝါ၏အမြင်တွင် ကျွန်ုပ်တို့၏လုပ်ဆောင်မှုသည် စိုးလ်အကြွင်းမဲ့ဖြစ်ရန် အရေးကြီး၏။ ကိုယ်တော်အတွက် ကျွန်ုပ်တို့၏လုပ်ဆောင်မှုမှန်သမျှသည် တန်ဖိုးရှိပြီး လေးမြတ်ခံရ၏။—လုကာ ၂၁:၁-၄ နှိုင်းယှဉ်။

^၄ လုပ်ငန်းတော်ကို ဆက်၍ထောက်ပံ့လော့– ကျွန်ုပ်တို့အားလုံးသည် ကမ္ဘာချီလုပ်ငန်းအတွက် ရုပ်ပစ္စည်းအရကူညီရန် အခွင့်အရေးရရှိထား၏။ အချို့တို့သည် နိုင်ငံတော်လုပ်ငန်းကိုထောက်ပံ့ရာတွင် ကာယလုပ်အားဖြင့်လည်း ပါဝင်ထောက်ပံ့နိုင်ကြသည်။ တစ်ဦးစီသည် အစည်းအဝေးများတွင် ကောင်းစွာပြင်ဆင်ထားသည့်အဖြေများပေးရန်နှင့် သီအိုကရက်တစ်ဓမ္မအမှုကျောင်းတွင် ပါဝင်ရန်ကြိုးစားနိုင်သည်။ အခြားသူများအား အားပေးရသည့်အခွင့်အရေးများကို အသုံးချခြင်းဖြင့် ကျွန်ုပ်တို့သည် အသင်းတော်၏ဝိညာဏရေးရာတွင် တန်ဖိုးရှိသည့်အကူအညီကိုပေးကာ ယင်းက အပ်နှင်းထားသည့်လုပ်ငန်းကိုပြီးမြောက်စေရန် ၎င်း၏စွမ်းရည်ကို မြှင့်တင်ပေး၏။

^၅ မှန်ပါသည်၊ လုပ်ငန်းပြီးမြောက်ရန် ကျွန်ုပ်တို့အားလုံးပါဝင်လုပ်ဆောင်ဖို့လိုသည်။ မလိုအပ်ပါဟု မည်သူမျှမယူမှတ်သင့်ပေ။ ယေဟောဝါ၏အမှုတော်ဆောင်ရာတွင် နည်းများမဟူ ကျွန်ုပ်တို့၏စုပေါင်းအားထုတ်မှုများက ကျွန်ုပ်တို့သာလျှင် ဘုရားသခင်ကို စစ်မှန်စွာဝတ်ပြုနေသူများဖြစ်ကြောင်း ခွဲခြားသိမြင်စေ၏။ (မာလ. ၃:၁၈) ကျွန်ုပ်တို့တစ်ဦးစီသည် ယေဟောဝါအားဂုဏ်တင်ရာတွင်နှင့် အခြားသူများအား ကိုယ်တော်ကိုသိရှိပြီးဝတ်ပြုရန် ကူညီပေးရာတွင် အဓိပ္ပာယ်ရှိရှိပါဝင်နိုင်ပါသည်။