ကောင်းတဲ့အမှုမှာ တခြားသူတွေပါဝင်လာဖို့ ထက်ထက်သန်သန် လှုံ့ဆော်ပေး

“မေတ္တာစိတ်ရှိ၍ အကျင့်ကောင်းများကျင့်စေရန် တိုက်တွန်းနှိုးဆော်နိုင်မည်အကြောင်း အချင်းချင်း ထောက်ထားစာနာကြစို့” လို့ ကျမ်းစာမှာ အားပေးထားပါတယ်။ (ဟေဗြဲ ၁၀:၂၄) ယုံကြည်ခြင်းနဲ့ပတ်သက်တဲ့ ကျွန်ုပ်တို့ရဲ့ လုပ်ရပ်နဲ့ အပြောက ညီအစ်ကို၊ ညီအစ်မတွေကို လှုံ့ဆော်မှုဖြစ်စေနိုင်တယ်။ ဒါကြောင့် အသင်းတော်မှာရှိတဲ့သူတွေကို ကိုယ့်ရဲ့တွေ့ကြုံမှုကောင်းတွေ ပြောပြပါ။ ယေဟောဝါရဲ့ အမှုဆောင်ခြင်းကနေ ရရှိတဲ့ ပျော်ရွှင်မှုကိုလည်း ပြောပြပါ။ တစ်ချိန်တည်းမှာ သူတို့ကို ကိုယ်နဲ့နှိုင်းယှဉ်တာမျိုး၊ တခြားသူတွေနဲ့နှိုင်းယှဉ်တာမျိုး မလုပ်ပါနဲ့။ (ဂလ. ၆:၄) တခြားသူတွေကို အပြစ်ရှိတယ်လို့ မခံစားရစေဘဲ“မေတ္တာစိတ်ရှိ၍ အကျင့်ကောင်းများကျင့်” စေဖို့ လှုံ့ဆော်တဲ့နေရာမှာ ကျွန်ုပ်တို့ရဲ့ခွန်အားကို အသုံးပြုဖို့ ကြိုးစားပါ။ (ဓမ္မအမှုကျောင်းစာအုပ် စ. ၁၅၈၊ ပိုဒ်. ၄ ကိုကြည့်ပါ။) မေတ္တာနဲ့ အားပေးမယ်ဆိုရင် တခြားသူတွေဟာ ရုပ်ပစ္စည်းထောက်ပံ့မှုမှာရော ဟောပြောခြင်းလုပ်ငန်းမှာပါ ကြိုးစားပါဝင်လာကြမှာဖြစ်တယ်။—၂ ကော. ၁:၂၄။