29 Niverina tany Jezirela+ àry i Jorama Mpanjaka, mba hotsaboina noho ny ratra nahazo azy tamin’izy nasian’ny Syrianina tany Rama, rehefa niady tamin’i Hazaela mpanjakan’i Syria.+ Ary nidina tany Jezirela i Ahazia zanak’i Jorama mpanjakan’ny Joda mba hamangy an’i Jorama zanak’i Ahaba, noho izy naratra.*

21 Hoy i Jorama: “Omano ny kalesy fitondra miady!” Dia nomanina ny kalesiny. Ary samy nitaingina ny kalesiny avy i Jorama mpanjakan’ny Israely sy Ahazia+ mpanjakan’ny Joda, ka nandeha nitsena an’i Jeho. Nifanena taminy teo amin’ny tanin’i Nabota+ Jezirelita izy ireo.

27 Rehefa nahita an’izay nitranga i Ahazia+ mpanjakan’ny Joda, dia nandositra nanaraka ny lalana mankany amin’ny zaridaina lehibe.*—Tatỳ aoriana, dia nanenjika azy i Jeho, ka niteny hoe: “Asio koa iny!” Dia nasian’izy ireo tao anaty kalesiny izy, teny an-dalana hiakatra tany Gora, any akaikin’i Ibleama.+ Mbola nandositra hatrany Megido ihany anefa izy, ka tany izy no maty.

22 Ary nataon’ny mponin’i Jerosalema mpanjaka nandimby an’i Jorama i Ahazia zanany faralahy. Ny zokiny rehetra mantsy efa tapitra novonoin’ireo mpandroba tonga niaraka tamin’ny Arabo tao an-toby.+ Dia lasa mpanjakan’ny Joda i Ahazia zanak’i Jorama.+