24 Nanketo amin’ity tany ity àry ny taranak’izy ireo ka naka an’ilay izy ho fananany.+ Nataonao resin’izy ireo ny Kananita nipetraka teto,+ dia ny mpanjakany sy ny mponina tao amin’ilay tany, ka nataony araka izay nitiavany azy. 25 Naka tanàna voaro mafy izy ireo,+ ary nahazo tany lonaka+ sy trano feno zavatra tsara isan-karazany. Lasan’izy ireo koa ny lavaka fanangonan-drano efa nohadina, ny tanimboaloboka, ny sahan’oliva,+ ary ny hazo fihinam-boa be dia be. Dia nihinana izy ireo ka voky ary nihanatavy, sady faly erỳ satria tena tsara toetra taminy ianao.