• 2 Mpanjaka 18:13, 14
    Ny Soratra Masina—Fandikan-tenin’ny Tontolo Vaovao

    • 13 Tamin’ny taona faha-14 nanjakan’i Hezekia Mpanjaka, dia niakatra hanafika an’ireo tanàna voaro mafy rehetra tany Joda i Sankeriba mpanjakan’i Asyria,+ ka resiny ireny.+ 14 Koa naniraka olona nankany amin’ny mpanjakan’i Asyria tany Lakisy i Hezekia mpanjakan’ny Joda, mba hilaza hoe: “Diso aho! Mandehana miverina fa aza mamely ahy, dia homeko anao izay rehetra takinao amiko.” Nasain’ny mpanjakan’i Asyria nandoa volafotsy 300 talenta* sy volamena 30 talenta àry i Hezekia mpanjakan’ny Joda.

  • Isaia 8:7, 8
    Ny Soratra Masina—Fandikan-tenin’ny Tontolo Vaovao

    •  7 Dia hampiakarin’i Jehovah hamely azy

      Ny mpanjakan’i Asyria+ sy ny voninahiny rehetra.

      Hoatran’ny rano be mikoriana mafy avy any amin’ny Renirano* izy,

      Ary ho tondraka be,

      Ka hihoatra ny morony rehetra ny rano,

       8 Dia hibosesika eran’i Joda.

      Hiakatra be izy ary hiparitaka, ka hisondrotra hatreny amin’ny vozona.+

      Handrakotra ny sakan’ny taninao ny elany rehefa mivelatra,

      Ry Imanoela ô!”*+