• Jeremia 5:26-28
    Ny Soratra Masina—Fandikan-tenin’ny Tontolo Vaovao

    • 26 Fa misy ratsy fanahy amin’ny vahoakako.

      Mitilitily tsy misy farany hoatran’ny mpamandri-borona mamitsaka ao amin’ny miafina izy ireo.

      Mamelatra fandrika mahafaty izy ireo,

      Ary olona no azony.

      27 Toy ny tranom-borona feno vorona,

      Dia feno fitaka koa ny tranony.+

      Izany no mahatonga azy ireo hanana fahefana sy harena.

      28 Nihanatavy sy mandimandina izy ireo.

      Tafahoatra loatra ny ratsy vitany.

      Tsy mba miady ho an’ny kamboty izy ireo eny amin’ny fitsarana,+

      Satria te hahazo tombony.

      Ary tsy omeny rariny ny mahantra.’”+

  • Mika 2:1, 2
    Ny Soratra Masina—Fandikan-tenin’ny Tontolo Vaovao

    • 2 “Hahita loza ireo mitetika ny hanao ratsy,

      Ary mieritreritra an’izany eo am-pandrianany!

      Rehefa maraina ny andro dia tanterahiny ny eritreriny,

      Satria vitany ny manao an’izany.+

       2 Mitsiriritra saha sy tranon’olona izy ireo,+

      Dia maka an’ireny an-keriny.

      Manambaka lehilahy izy mba hahazoana ny tranony,+

      Sy mba hahazoana ny lovany.