10 Dia niditra aho, ka nahita sarina biby mandady sy biby maharikoriko isan-karazany,+ ary ny sampy maharikoriko* rehetra notompoin’ny taranak’Israely.+ Natao sary sokitra eran’ny rindrina ireny. 11 Nisy anti-panahy 70 teo amin’ny taranak’Israely nijoro teo anoloan’ireny, ary niara-nijoro taminy koa i Jazania zanak’i Safana.+ Samy nitondra ny fitaovany fandoroana emboka manitra izy ireo, dia niakatra ny setrok’ilay emboka manitra nodorana.+