7. Tena Hatsangana ny Maty!

1 HOFOANAN’I JEHOVAH NY FAHAFATESANA

“Hofoanana ny fahafatesana, izay fahavalo farany.”—1 Korintianina 15:26

Nahoana no mampahery antsika ny Baiboly rehefa misy maty?

• 2 Korintianina 1:3, 4

  Kivy be isika rehefa maty ny havantsika na ny namantsika. Mampahery anefa izay lazain’ny Baiboly.

• Isaia 25:8; 26:19

  Vitan’i Jehovah ny manafoana ny fahafatesana. Hatsangany mihitsy aza ny maty.

2 MATOKIA FA HITSANGANA NY MATY

“Ry zazavavy, hoy aho aminao: Miarena!” —Marka 5:41

Nahoana no azo antoka hoe hitsangana ny maty?

• Jaona 11:1-44

  Natsangan’i Jesosy i Lazarosy.

• Marka 5:22-24, 35-42

  Natsangan’i Jesosy ny ankizivavikely iray.

• Jaona 11:41, 42

  Hery avy amin’i Jehovah no nananganan’i Jesosy ny maty.

• Jaona 12:9-11

  Be dia be no nahita an’i Jesosy nanangana olona tamin’ny maty. Ny olona tsy tia azy aza niaiky hoe vitany izany.

3 AN’ARIVONY TAPITRISA NO HATSANGAN’I JEHOVAH

“Hiantso ianao, dia hamaly anao aho, satria haniry mafy hahita ny asan’ny tananao ianao.”—Joba 14:13-15

Iza no hatsangana amin’ny maty?

• Jaona 5:28, 29

  Be dia be ny olona hatsangan’i Jehovah amin’ny maty.

• Asan’ny Apostoly 24:15

  Hatsangana ny marina sy ny tsy marina.

• Isaia 40:26

  Tadidin’i Jehovah daholo ny anaran’ny kintana. Tadidiny koa àry ny mombamomba an’ireo olona hatsangany amin’ny maty.

4 MISY HATSANGANA HO ANY AN-DANITRA

“Handeha hanomana toerana ho anareo aho.”—Jaona 14:2

Iza no hatsangana ho any an-danitra?

• 1 Petera 3:18

  I Jesosy no natsangana ho any an-danitra voalohany.

• Lioka 12:32

  Nilaza i Jesosy fa mpianany vitsivitsy ihany no hatsangana ho any an-danitra.

• Apokalypsy 14:1

  Nifidy olona 144 000 i Jehovah mba hipetraka any an-danitra.