Ahoana no Fampiasana An’ity Bokikely Ity?

Misy andinin-teny ho an’ny andro tsirairay ato, ary misy fanazavana eo ambaniny. Marina fa azonao vakina amin’izay fotoana mampahalalaka anao ao anatin’ny andro ilay izy. Maro anefa no mahita fa tsara kokoa raha vao maraina no manao an’izany, amin’izay afaka misaintsaina an’ilay izy mandra-paharivan’ny andro. Tena handray soa koa ny fianakaviana raha miara-mandinika azy ity. Izany no ataon’ny mpianakavin’ny Betela maneran-tany amin’ny fotoanan’ny sakafo maraina.

Avy ao amin’ny Tilikambo Fiambenana (w) Aprily 2023 ka hatramin’ny Martsa 2024 ny fanazavana ato. Misy tarehimarika ao aorian’ny datin’ilay Tilikambo Fiambenana. Manondro pejy ilay tarehimarika voalohany, ary fehintsoratra no manarakaraka azy. (Jereo ny ohatra eto ambany.) Afaka mijery an’ilay lahatsoratra manontolo ianao, raha te hahita fanazavana fanampiny.