“Izay Tian’i Jehovah no Faiziny”

Ny hoe manafay dia mifandray amin’ny hoe mananatra, mampianatra, manabe, manitsy, ary manasazy. Manafay antsika i Jehovah, satria tiany hanompo azy araka ny tokony ho izy isika. (Ro 12:1; He 12:10, 11) Mety ho mafy amintsika indraindray ny hoe anarina. Mahatonga antsika hanao ny marina sy hahazo fitahiana anefa izany. (Oh 10:7) Inona no tokony hotadidin’ireo mananatra sy ireo anarina?

Ilay mananatra. Mety ho anti-panahy, ray aman-dreny, na olon-kafa izany. Miezaka mafy izy ireo mba ho tsara fanahy sy ho be fitiavana hoatran’i Jehovah rehefa mananatra. (Je 46:28) Na mafy be aza ilay famaizana omena, dia tokony hifanaraka amin’ny zava-misy. Ny fitiavana koa no tokony ho antony anomezana azy.—Tit 1:13.

Ilay anarina. Na inona na inona fananarana na famaizana omena antsika, dia tsy tokony handa an’izany isika fa hiezaka hampihatra avy hatrany. (Oh 3:11, 12) Tsy lavorary isika ka mila fananarana daholo. Mety hiseho amin’ny endriny samihafa ilay izy, ohatra hoe avy amin’ny zavatra novakintsika tao amin’ny Baiboly, na rentsika tany am-pivoriana, na avy amin’ny komity mpitsara. Raha manaiky anarina isika, dia hihatsara ny fiainantsika ary hiaina mandrakizay isika.—Oh 10:17.

JEREO ILAY VIDEO HOE “IZAY TIAN’I JEHOVAH NO FAIZINY.” VALIO IRETO AVY EO:

• 

  Nanao ahoana ny fiainan’ny Rahalahy Canon tamin’ny voalohany, nefa nanao ahoana tatỳ aoriana?

• 

  Inona no fanampiana azony tamin’ny alalan’ny anti-panahy?

• 

  Inona no ianarantsika avy amin’ny tantarany?