Esory ny Toetra Taloha ary Tafio ny Toetra Vaovao

3:5-14

Niezaka be ve ianao mba hanova ny toetranao rehefa nahalala ny fahamarinana? Matokia fa tena nahafaly an’i Jehovah izany. (Ezk 33:11) Tsy mila miezaka intsony ve ianao izao? Mbola mila manao an’izany ianao raha te haneho ny toetra vaovao foana sady tsy hamela an’ireo toetra ratsy hiverina indray. Valio ireto fanontaniana ireto mba hahitanao hoe inona no mbola azonao hatsaraina:

• Nisy olona nanafintohina ahy ve, ary mbola mitana lolompo aminy foana aho?

• Manam-paharetana ve aho na dia rehefa maika na reraka aza?

• Esoriko avy hatrany ve izay eritreri-dratsy tonga ato an-tsaiko?

• Tsy azoazoko ve ny olona tsy mitovy fiaviana amiko?

• Nilaza zavatra nampalahelo olona ve aho, vao haingana, na tsy nahafehy ny hatezerako?