Vonona ve Ianao?

Vonona ve ianao raha misy loza araka ny natiora any amin’ny faritra misy anareo? Mety hitranga tampoka sady handravarava ny horohoron-tany, rivo-doza, ary tondra-drano. Mety hitranga na aiza na aiza sy amin’ny fotoana tsy ampoizina koa ny asa fampihorohoroana, korontana, ary areti-mifindra. (Mpto 9:11) Tsy tokony hieritreritra isika hoe tsy hisy an’izany mihitsy any amintsika.

Mila manao an’izay azontsika atao isika mba hiomanana amin’ny loza. (Oh 22:3) Marina hoe manampy ny fandaminana rehefa mitranga ny loza. Tokony hiomana foana anefa isika. Andraikitsika tsirairay izany.—Ga 6:5.

ALEFASO ILAY VIDEO HOE VONONA VE IANAO RAHA MISY LOZA ARAKA NY NATIORA MITRANGA?, ARY VALIO IRETO:

• 

  Nahoana no tena ilaina ny mifandray akaiky amin’i Jehovah dieny mbola tsy mitranga ny loza?

• 

  Nahoana no zava-dehibe ny...

  • • mifampiresaka foana amin’ny anti-panahy alohan’ny hitrangan’ny loza, mandritra an’ilay izy, ary aorian’ilay loza?

  • • manomana kitapo misy ny zavatra tena ilaina?—g17.5 6

  • • mandinika hoe inona avy ny loza mety hitranga, ary inona no azo atao amin’ny toe-javatra tsirairay?

• 

  Inona ny fomba telo azontsika anampiana an’ireo tra-boina?