LESONA 13

Ataovy Hitany hoe Azo Ampiharina Ilay Hevitra

Isaia 48:17

AHOANA IZANY? Ampio ny olona hahita hoe natao ho an’azy ilay zavatra ampianarinao, sady azony ampiharina tsara.

Eritrereto hoe inona no ilainy. Saintsaino hoe nahoana izy no mila an’ilay zavatra horesahinao aminy, ary inona amin’ilay izy no tena hahasoa azy.
Atoroy azy hoe ahoana no azony ampiharana an’ilay izy. Vao manomboka miresaka ianao, dia efa ataovy izay hahitan’ny olona tsirairay mihaino anao hoe ilainy ilay zavatra horesahinao. Isaky ny manazava hevi-dehibe ianao, dia atoroy azy tsara hoe ahoana no azony ampiharana an’ilay izy, fa aza milaza zavatra ankapobeny fotsiny.

Miezaha ho tsara fanahy rehefa mampirisika olona hampihatra ny toro lalan’ny Baiboly. Ataovy hitany koa hoe takatrao ny mahazo azy. Aza mibedy azy na manakiana azy. Asehoy kosa hoe matoky ianao fa tia an’i Jehovah izy sady tena mino azy, ka hampihatra an’ilay toro lalana.