Desemberi

Mâǂoa ra ǀgaub Jesub dib ge ǁîb ge khoesib ra hōǃâ ǃgomsiga gere ǁnâuǃā. ǃHūbaib aib ge hâ i o, ob ge ǁîba “ǃgâiaǂgao ran ǀkha ǃgâiaǂgao” tsî ‘ā ran ǀkha gere ā.’ (Rom. 12:15) Aiǁgause ǁîb di 70 ǁkhāǁkhāsaben ge ǂkhîb ǀkha a oaǀkhī o, ǁîn di aoǁnâ sîsenni khaoǃgâ ob ge Jesuba ‘gagab ǃnâ ge dâ.’ (Luk. 10:17-21) Jesub tsîn ge ge mû, matin ge Lasarub di ǀaokhoena a tsâǀkhāhe ǀgauba ǁîb di ǁōb xa. Jesub ge “gagas ǃnâ ǁgonaǂgao tsî ge gongonǃnâhe.” (Jhn. 11:33) Tae-e nē ǀoasa kurusa ūhâ khoeba ge ǂgae îb ǀoasa kurusa ūhâ tama khoena ǀkhomxaǃnâsib tsî khoexaǃnâsib tsîna ǁgau? Jesub ge ǂgurose khoena kaise ge ǀnam i. Jesub ge “khoen ôan” ǃnâ ǃgâiǃgâibasensa ge ūhâ i. (ǂKhm. 8:31) Nē ǀnammi ge ǁîba ge ǂgae îb khoen ra ǂâi ǀgauba ǃgâise ǂan ǁkhā. Apostel Johanneb ge Jesub xa ge ǁguiǃā: “Khoe-i ǃnâ hâ-e ge ǂan i” di.—Jhn. 2:25. w19.03 20 ¶1-2

ǁGâuab ge a ǁgai tsî a ǃgam-ao. ǁÎb ge Jobi xūna ge hîkākā tsî ǁîb ǃkhūsis tsî ǃgān tsîna ge ūxu bi tsî ǁîb ǀonsa ge ǁgaiǁgai. ǁÎb ge Jobi omarisa ǁnāǂam tsî ǁîb di disi ǀgôana ge ǃgam. Tsîb ge ǁnāpaxū Jobi di sorosa ge ǁnāǂam tsî ǁîb ǂurusiba ge ūbe, kai tsûba ra ǃaroma ǀaeba mā bis ǃnâ-ū. Jobi kaikhoes ge nē xūn xa tsâǀkhāhe tsî ǃoab ǃnâ hâse ge mîba bi îb Eloba ǀâxare tsî ǁō. Jobi tsîn ge gere ǁō ǂgao xaweb ge ǁîb ǂhauǃnâsiba ge ǃkhōǀgaibe. Ob ge ǁGâuaba ǀnî hâ ǀgaub ǃnâ ge ǁnāǂam bi. ǁÎb ge ǁîb di ǃnona ǀhōsaga ge sîsen-ū. ǁÎgu ge ǁîba tsēde ge sari xawe ge ǂkhâǃnâ bi tama hâ i. Xawe gu ge ǁîga ǁîba gere mîǁgaiǁgai tsî mîǃhara. ǁÎgu ge gere mî Elob nē xūn ǃgâb ai hâsa tsî ǁîb ǂhauǃnâsib xa ǁae tama di. ǁÎgu ge ge mî Jobi a tsūdi-ao tsî nē xūn hînab ra ǃkharu ǃnâna ǁîb ai aitsama a hausa.—Job. 1:13-22; 2:7-11; 15:4, 5; 22:3-6; 25:4-6. w19.02 4 ¶7-8

ǀNî ǃaob ge a ǃgâi. Aiǁgause, da ge Jehovaba tsûtsû ǂgao tama is ǃaoba a ūhâ ǁkhā. Adammi tsî Evas tsîra ga nē ǃnôa ǃaoba ūhâ o, o ra ge Jehovab ǃoa-ai ga ǁore tama hâ. Xawe ra ge ge ǁore. Nēs khaoǃgâ di ge ǁîra mûde ge ǁkhowa-amhe tsî ra ge ge mûǂan ǁore ra kōsa. ǁÎra ge ǁōb tsî ǁoreb tsîn ǀguina ǁîra suriba ge mā ǁkhā i. ǁÎra ge ǁîra mâsiba mû tsî gere ǁnâuǃā tsîra ge ge mûǂan ǀōǀkhā ra asa tsî ge ǃgūsen. (Gen. 3:7, 21) ǀNōsa ǃaoba du Jehovab ǃoa-ai ūhâ xawe du ge ǃgam ǃaoba ǁōb ǃoa-ai omkhâi ǂgao tama hâ. Jehovab ge ǀamo ûiba hō-oas ǀkha nî hui da. Tsūdī tsî da ga ǃhōbasen o, ob ge Jehovaba sada ǁorena nî ǀûba da. ǁÎb ge sada ǂgomǃgâsib hîna da ǁîb ǀgôab di ǁōb ǃnâ ūhâb ǃgao nî ǀûba da. ǀGui ǀgaub hîna da a ǁgau ǁkhāb nēs ǃnâ da ra ǂgomsas ge sada di ûiga Elob ǃoa-ai māsa.—1Pet. 3:21. w19.03 5-6 ¶12-13

Israelǁaes ge ǂgui ǃaromade ge ūhâ i ǃgôaǃgâsiba ǁgausa. ǁÎn ge ǃgāsisa xū ge orehe Jehovab ge Egipteǁîn ǃoa-ai a ǃkhams khaoǃgâ. Tsîb ge Eloba hoaraga Egipteǁî ǃkham-aoga ǂāxahurib ǃnâ ge hîkākā ǁîna sâus ǃaroma. Israelǁîn ge nēsa kaise ge ǃgôaǃgâ tsî Jehovaba koas amsa ge ǁnaeba. Xawen ge ǃgôaǃgâsiba hoaǁae ǁgau? Israelǁaes ge ǀasa ǃgomsigan ge hōǃâ tsoatsoa o, o Jehovab ge dība nî ǃgâi dīgu hoaga ge ǀuru. ǁÎn ǃgôaoǃnâsiban ge ge ǁgau tsoatsoa. (Psa. 106:7) Mâ ǀgaub ǃnâ? “Ob ge ǀhaohâb Israeli ôan dib hoaba Moseb tsî Aronni tsîkha ǃoagu gere ǀara” amaba da ga mî o, on ge ǁîna Jehovab ǃoa-ai gere ǀara. (Eks. 16:2, 8) ǁÎb ge ǁîb khoen ge ǁgau ǃgôaoǃnâsib ǀkha ge ǂkhîǂâixa tama hâ i. ǁÎb ge ega ge mî hoaraga Israelǁaes ǃgarob ǃnâ nî ǁōǂoasa tsîkha Josuab tsî Kaleb tsîkha ǀguikha nî ûiǃgausa.—Num. 14:22-24. w19.02 17 ¶12-13

sub ge ge ǀgapiǀgapisen tama hâ i, kai ǂâiǂâisens ǁîb ǁōb disa dīs ǃnâ-ū. Xaweb ge ǁîb ǁkhāǁkhāsabega ge mîba îgu kurib ǃnâ ǀgui ǃnāsa ǀguiǃgupu ǃuiǂûs ǀkha ǁîb ǁōba ǂâiǂâisen. (Jhn. 13:15; 1Kor. 11:23-25) Nē ǀguiǃgupu tsî ǃgâi ǀgaub ǃnâ ra dī-e ǃuiǂûs ge ra ǁgau Jesub ge ǀgapiǃgôasen tama hâ isa. Kaise da ge ra ǃgâiaǂgao ǃgamǃgamsens a sida ǀhomsi Gao-aob di ǀgaugu ǃâsa. (Fil. 2:5-8) Mati da Jesub ǃgamǃgamsenxasiba a ǁgae ǁkhā? Nau khoen ǃgâiba sida dib ǂam-ai mâis ǃnâ-ū. (Fil. 2:3, 4) ǀUniga ǃuis Jesub ǁōb dis xa du ǂâi re. Jesub ge ge ǂan i ǁōb nî ǃkhaisa xawe noxoba ǁîb ǂgomǂgomsa apostelgu xa gere ǂâi hîna ǀgūǁae ǁîb ǁōb xa nî ǃoaga. ǁNās ǀkhab ge ǀuniga ǃuisa ǁîga gere ǁkhāǁkhā, ǂkhâǃnâ tsî ǁkhaeǂgao. (Jhn. 14:25-31) Jesub ge nau khoen xa hoaǁae gere ǂâi ǁîb xas ose. Nēs ge kaise ǃgâi aiǁgaus hînab ge Jesuba a ǁnāxūba dasa. w19.01 21 ¶5-6

ǃGâi tama ǀgaub ǃnâ du ra tsâ ǀhaodi tawa du ga ǃomkha ūkhâi o, ǃereamsa mās ǃgao? Nēti du ga tsâ o, o du ge ǀguri hâ tama hâ. Ama as ge hoa da ge ǃaob tsâsiba ūhâ ǃereamsa da ga mā o. Nē ǃao tsâsib ge a ǃgâi ǁkhā. Nēs ge ra ǁgau sadu tsamtsiǃnâ tsî nau khoena sadu xa ǀgapise ra mûsa. Jehovab ge nē ǀgauba a ǀnam. (Psa. 138:6; Fil. 2:3) Xaweb ge Jehovaba ǂhâba hâ, i da sada tsîna ǁîba ǃoaba tsî sada ǃgâsana ǀhaodi tawa ǂkhâǃnâ. (1Tes. 5:11) ǁÎb ge a ǀnam da tsî ǂhâ da hâ ǀgaiba nî mā da. Hā re, i da ǀnî Elobmîs ǂâiǂâiǃnâde ǃhoaǃgao. Elobmîs ge ra mî hoa da ra dāsāsa mî da ra xūn tsî mî da ra ǀgaub tsîn ǃnâ. (Jak. 3:2) Jehovab ge ǀoasa da nî sa ǂgaoǀkhā da tama hâ tsî sada ǃgâsan tsîn ge ǁnāsa sada xu ǂgao tama. (Psa. 103:12-14) ǁÎn ge sada di gagasi ǃgâsa tsîn ge a ǀnam da. (Mrk. 10:29, 30; Jhn. 13:35) ǁÎn ge ra ǁnâuǃā sada ǃereamdi ǂhâba da hâ ǀgaub ǃnâ ǁaen ai ǂoaxa tama hâsa. w19.01 8 ¶3; 10-11 ¶10-11

Nētsēs ûib ǃnâs ge nēsa supu tama hâ. Xawe nēs ge a dīhe ǁkhā. Jehovab ge ǃgâiǃō tsî du nî ǁkhoaxa ûiba ūhâ ǃkhaisa ǂhâba hâ. Elob ge nî hui tsi îts nēs ǃnâ ǃgâiǃō, sa ǂkhamsis ǀguis ǃnâs ose xawe sa ûib hoab ǃnâ. Nēsa ǂkhōs ǃaroma sao ra aiǁgausa kō re. Isrealǁaes ǃkhams, mîmâisa ǃhūb ǃnân nî ǂgâs aiǃâ. Israelǁaes ge mîmâisa ǃhūba a ǀgū o, ob ge Eloba ǁîna ge mîba tama hâ i, în ǁîn ǃkham ǀgauba ǃgâiǃgâi tamas ka io torob ǃgao aiǂhomisen. (Deu. 28:1, 2) Xaweb ge ǁîna ge mîba în ǁîb ǁgaraga ǁnâuǀnam tsî ǁîb ai ǂgomaiǂnûi. (Jos. 1:7-9) Nēs ge khoe-i mûǁae xū-e ga ǂâibasen tama hâ. Xawe nē ǀapemās ge kaise ge ǂoaǂamsa i, Jehovab ge ǁîb khoena dansa gere mā amaga Kanaanǁîn ǃoagu. (Jos. 24:11-13) Eloba ǁnâuǀnams ge ǂgomsa ǂhâ hâ, xawe nē ǂgoms ge hoaǁae ra ǃgâiǃō kai. Nē amab ge ǃgû ī tama hâ. Nētsēs tsîna i ge a ǂhâǂhâsa. w18.12 25 ¶3-4

Nētsēn ge ǀnî khoena Elobmîs ǁkhāǁkhās ge dawahe ǀgaub xa ra ǃnôa kaihe. Tsî ǀnîn ge ǁnāǁgôahâ khoen hîna ama tama xūna sida ǂgoms xa ra ǃhoan di ǀkhāba ra ū. Tsîn ge ǀnîna ǁaeb ǀkha Jehovab tsî ǀhaohâb ǁanina xu aitsama ūbēsen tsî ega sī ra ‘ǁnāǁgôa.’ (Heb. 3:12-14) Kaise î ge ga ǃgâi hâ ǁîn ga ǁîn ǂgomsa ǀgaisase ūhâ hâ o tsî apostel Petrub khami Jesub ǃnâ ǂgomǃgâsiba omkhâi hâ o. ǀNîn ge amaba xu ge ūbēsen tae-i go īsa ǁnâuǃā tama hâse. Khoe-i hîna amaba xu ra ūbēsen î ge ǂgaub hîna ǂause ǃāba xu ǂoab xa ra ǂhābēheb khami ī. Elobmîs ge nē ǀgauba ‘ǂhābēsens [ǁnāǁgôas]’ ǀkha ra ǀgopeǀnō. (Heb. 2:1) Nēs ge ǁî-i hîna ǂanabegase amaba xu ra ūbēsen i ǀkha a ǀgui. Tsî nē khoe-i ge ǁî-i ǀhōsagusis hîna i Jehovab ǀkha ūhâsa ǁkhōǁkhōsa mâsib ǃnâ ra mâi tsî a ǂoaǃnâ ǁkhā. w18.11 9 ¶5-6

Sado ra tura ǃgâi ǁkhāǁkhāsa hōsa î du ǃgâise ǂhomisen sadu ǁgaumâis ǃaroma? Nēti î ga ra ī o, o du ge sadu tsîna Gaosib aoǁnâ-aon skoli ǃnâ a xoaǂgāsen ǁkhā. Nē skoli ge gagasi taradi tsî aogu tsîna ra hui hîna ǁîn di aoǁnâ sîsen-e ra khoraǂui ǂgaona. ǁÎn hîna nē skoli ǃnâ ra xoaǂgāsenan ge nî māsenxa mâ ǁgaumâi i hoa-e ūǃoasa. Sadu tsîna a māsenxa kai aiǂhanuga ǃoa khoraǂuisensa? (1Kor. 9:23) Jehovab di ǃoaba-aon ase da ge ra ǂkhâǃnâ-e māsenxase tanisensa. Nē ǀgaub ǃnâ-ū da ge ǃgâisib, khoexaǃnâsib tsî ǀnammi tsîna nau khoen ǃoagu tsēs hoasa ra ǁgau. Nēn hoana da ga ra dī o, o da ge ǃgâiaǂgaob tsî ǂkhîb tsîna ra hōǃâ. (Gal. 5:22, 23) Sadu mâsib ga mati ga ra ī xawe du ge sadu tsîna Jehovab māxa ǀgauga a ǁgae ǁkhā tsî ǁnās ǀkha a ǁîb di ǀō-aisa sîsenǀhao-ao kai ǁkhā.—ǂKhm. 3:9, 10. w18.08 27 ¶16-18

ǀNî khoen ge ǀnîsi ra dî, ‘Xristeǁîna ǀgora tsî ǁkhawa ǃgamesa mā-amhe hâ?’ Jesub ge ǃgame khôasab ra mû ǀgaus xa ge mî: “Taras âba xu ǀgora tsî ga ǀkharasa ǃgameb hoab ge ǁîs tawa ra ǃgamekhôa. Tsî taras ga aob âsa xu ǀgora tsî ga ǀkharaba ǃgame, os ge ra ǃgamekhôa.” (Mrk. 10:11, 12; Luk. 16:18) Jesub ge ǁnā ǀgaus ǃnâ ǃgameba gere ǃgôaǃgâ tsî nau khoen tsîn nēsa nî dīsa ra ǂgao. Aob tamas ka io taras hîna ge ǂgomǂgomsa tama hâ i, i ge gere ǃgamekhôa. Nēs ge ge ama i khoe-e xu ǀgoras ge ǃgamekhôa di ǂâibasen tama hâ i amaga. Elob mûǁae ra ge ǁîra noxoba a “ǀgui ǁgan.” Jesub ge ge ǁgau kaikhoeb ga ǁîb taras hîna xū-e dī tama hâsa xu ǀgora o, ob ge ǁîba ra ǃgamekhôa-ao kai. Mâ ǀgaub ǃnâ? ǃKharu ge ǁaeb ǃnâs ge kaikhoeb xa ǁnāxūhe hâ tarasa ǁkhawa gere ǃgame ǂgao îs marisise hui-e ǁkhā. Nēs ge ǀaiba ga ǃaroma hâ. w18.12 11 ¶8-9

Habakuki ge Jehovab ǀkha ūhâ i ǁgamǀhaos ge ǁîb ǂgaoba ge tsautsau. Tsîb ge ge mîǁgui Jehovab ai ǃâusa ǁîb xū-e nî dīs kōse. Nēs ge ǁnā ǁaerob di mîǁguis ǀguisa ge i tama hâ i xaweb ge nēs a amasa ge ǁgau mîb ge o, “tita ge ǂanǂansase nîra ǃâu ǂōǂōsib di tsēsa îs hā.” (Hab. 3:16) Habakuki di mîǁguiba tae-e ra ǁkhāǁkhā da? ǂGurose da ge tā nî ǀûsen Jehovaba ǃoa ǀgoresa ǃgomsina da ga ra hōǃâs tsîna. ǀGamǁîse da ge Jehovab ǁîb ǀapeǂhumis ǃnâ-ū ra mîba da xūna nî ǃgâ. ǃNonaǁîse da ge ǃnūǃnâxasib ǀkha Jehovab ai nî ǂgomaiǂnûi sida ǃgomsinab hā nî ūbēs kōse. Jehovab ǀkha da ga hoaǁae ǃhoa tsî ǃnūǃnâxasib ǀkha ga ra ǃâu o, Habakuki khami, o da ge tsaura ǂgaoba nî hō tsîs ge ǁnāsa nî hui da î da aiǃgû. Sida ǃâubasens ge nî hui da î da sida ǃnūǃnâxasiba ǀgaiǀgai, nēs ge nî hui da î da ǃgâiaǂgao ǃgomsina da ga ra hōǃâ xawe. ǃÂubasens ge ǂgomǃgâsiba ra mā da Jehovab xū-e nî dīsa.—Rom. 12:12. w18.11 15-16 ¶11-12

Eloba mati nau khoena ǃnôa kais xa ra tsâ? Jesub ge ge mî: “Tsî nē ǂkharin tita ǃnâ ra ǂgomn di ǀgui-e ga ǁgonǁgonǂgao-i, ǁî-i ga ǃgâibahe, ǁkhamiǀui-i ga ǁî-i di ǃaos ai ǃgaehe, tsî i ga hurib ǃnâ aoǂgāhe ǃkhaisa.” (Mrk. 9:42) Nē mîdi ge kaise ǀgaisa tsâsiba ra ǁgau. Jesub ge ǀoasase ǁîb ǁGûb di ǀgauga gere ǁgau. Tsî da ge ǁnās ǀkha ǂgomǃgâsiba a ūhâ ǁkhā Jehovab ǁgaise ra tsâsa khoe-i ga tsâsioǃnâ tsî nau khoe-e ga ra ǃnôa kai o. (Jhn. 14:9) Sada tsîna Jehovab tsî Jesub tsîn khami ra tsâ nēs xa? Nēsa da ge ūbasen? Sida tanisen ǀgauba nēs xa tae-e ra ǁgau? Aiǁguase da ge ǀnîsi, ǀnî ana ǀgaub xa a ǃgâibahe xawe î ge nē ana ǀgauba ǀnî ǃgâsa-e a ǃnôa kai ǁkhā ǀhaohâb ǃnâ tamas ka io ǀnî hâ ǂâi ǀgauba ǁî-i ǃnâ a omkhâi ǁkhā. Sida ǀnamxasiba nî ǂgae da î da ǃgâsa-e tā ǃnôa kai nē ana ǀgaub ǀkha? w18.11 25 ¶9-10

Tae-e ǂhauǃnâsiba ra ǂhâǂhâsa kai hoa du nēsa nî ûiǂuise? ǂHauǃnâsiba du ge ǂhâ hâ ǁGâuab ge Jehovab di ǂhauǃnâsiba a dîǃnâ xui-ao tsî du ge sadu tsîna nēs ǃnâ-ū a nēs ǃâ. Nē mâǃoaxa ǀhomǃgāb ge Jehovab ǀonsa ge ǁgaiǁgai mîs ǃnâ-ū Elob a ǁgai, ǁî ǂâibasenxa tsî ǂhauǃnâ tama hâ ǂgaeǂgui-ao di. Tsûtsûsase ra ge Adammi tsî Evas tsîra ǁGâuab ǀkhāba ge ǁhûi tsî Jehovab ǃoa-ai ge ǁore. (Gen. 3:1-6) Ûib Edenni ǃhanab dib ge ǁîra ǂgui aiǂhanuga ge mā ǁîra ǀnamma Jehovab ǃoa-ai ǀgaiǀgaisa. Xawe ǁnā mâǃoas ǁGâuab dis ǁaeb ǃnâ i ge ǁîra di ǀnamma ge ǀoasa tama hâ i. Dîs ge ge dî-e: Khoena Jehova Elob ǃnâ nî mâǁapo ǀnammi xa ǃaroma-e hâse? ǀNî mîdi ǃnâ khoena ǂhauǃnâsiba a ǁgau ǁkhā? Nē dîs ge Jobi ǁhōb ǃnâ ge dî-e. (Job. 1:8-11) Sadu khamib ge ǁîb tsîna ǀoasa kurusa ge ūhâ tama hâ i. Dīsāb ge gere. Xaweb ge Jehovaba Joba ǁîb ǂhauǃnâsib ǃaroma ge ǀnam i. w19.02 3-4 ¶6-7

Elob Gaosib xa hâ amab matikōse ǁîn hîna ge ǁnâuna a ǀō-aisaba ǀgaus xab ge Jesuba ge mî ǁîn ǁamaxū-aob hîna ge ǃamde [îsa ǀuide] a ôab ǀkha a ǀguisa. ǁÎb ge kai mari-e gere ǂgansa ge hō tsîb ge ǁnās ǀkha “ūb hân hoana ge ǁamaxū” ǁîs ǃgao. (Mat. 13:45, 46) ǁNās ǀkhab ge amab hîna da ge Elob Gaosib xa a ǁnâun tsî Elobmîsa xu da ge ǁkhāǁkhāsen xūn hoana kaise sada a ǀō-aisaba tsî da ge māsenxase ǁguibade ge dī. Amaba da ga ra ǃgôaǃgâ o, o da ge tātsēs tsîna “ǁamaxū” tide. (ǂKhm. 23:23) Xawen ge ǀnîn Eloba ra ǃoabana nē ǀō-aisa xū-e ge ǂoaǃnâ tsî nē ǀgaub ǃnâ ge ǁamaxū. As nēsa tā sida ǀkha ī re! Nē amaba da ra ǃgôaǃgâ ǃkhaisa da ge nî ǁgau tsî da tātsēs tsîna ǁamaxū tidesa tsî ‘amab ǃnâ nî ǃgû’ ǀgarasa. (3Jhn. 2-4) Amab ǃnâ ǃgûs ge ǁî-i ǀkha ǀguiǃnâxase ûis tsî tanisens tsîna ǃkhōǂgā hâ. w18.11 9 ¶3

Israelǁaes ge ge mîmāhe în Jerixosa 6 tsēde ǃgûǂnamipe tsî 7ǁî tsēs ai hû ǃnāde ǃgûǂnamipe. ǀNî soldagu ge ǀnîsi ga mî hâ “nēs ge a ǁae ǁore di.” Xaweb ge Israelǁaes di mûhe tama hâ ǂgaeǂgui-aoba ge ǂan i tae-eb ra dīsa. Nē mîmās ge Israelǁaes di ǂgoms ǀguisa ge ǀgaiǀgai tama hâ i xawe ǁîn tsîna Jerixos di ǀgaisa soldaga xu ge sâu. (Jos. 6:2-5) Tae-e da nēsa xu ra ǁkhāǁkhāsen? ǀNî ǁaegu ai da ge ǀapeǂhumis ra dī ǀkharaǀkharana ǀoasase ǁnâuǃā tama hâ. Aiǁgause, da ge ǀnîsi elektronise xūna Elobmîsa ôaǃnâs, aoǁnâ sîsenni tsî ǀhaodi tawa sîsen-ūs ǃgao ǃgâibahe tide. Xawe da ge ǁaerob khaoǃgâ ra mû, nē elektronise xūna sîsen-ūs ǃnâ-ū da a ǀama ǁkhā ǀgausa. Nēn hoan di ǃgâi ǀamǂoas ge sida ǂgoms tsî ǀguiǃnâxasib tsîna ra ǀgaiǀgai. w18.10 23 ¶8-9

Mesiab xa ge hâ i ǃâubasens ge ǀnîsi Galileab khoena ge ǁgari în Jesuba ǁÎn gao-aose ǁgaumâi ǂgao. Nēs xa ǂâi re Jesub ge ǀnîsi ǁîna ǃgâi ǂgaeǂgui-aose ga hâba hâ din ge gere tsâ: ǁÎb ge ge ǃgâi ǃhoa-ao-i, ǀaesen hâna gere ǂgauǂgau tsî khoen tsîna ǂâu hâ ǂûna gere mā. Jesub ge 5 000 khoenab ǂûma toa hâs khaoǃgâ ǁîn di tanisen ǀgauba ge mû. “Tsî Jesub ge ǂan io, hā tsîn nî ǃkhō bi ǃkhaisa, gao-aodī bin nîse, ob ge ǁkhawa ǃhommi ǃoa ge ǂgō, ǁîb ǀguiba ǀguri.” (Jhn. 6:10-15) Tsî sao ra tsēs ai i ge Galileahurirob tawa khoen ǁkhoaǂgaosiba nē mâsib xa ge bē. Tsîb ge Jesuba nēs khaoǃgâ khoena ǁîb sîsenni mâsib xa ge mîba. ǁÎb ge ge hā îb khoen gagasi ǂhâsiba dīǀoaǀoa, ǃkhūsib ose. “Tā kā ra ǂû-i ǃaroma sîsen, î du ǁnā ǂû-i, ǀamo ûib kōse ra hâhâ-i Khoen Ôab nîra mā du-i ǃaroma sîsen” dib ge ǁîna ge mîba.—Jhn. 6:25-27. w18.06 4 ¶4-5

Jesub ge ǁîn tsâsiba ra ǁnâuǃā ǁîn ǀan ra tsurib hîna ra khau toab ǀkha a ǀgui amaga. Tsîb ge ǁnās ǀkha ǁîna khoexaǃnâsib tsî ǃnūǃnâxasib tsîn ǀkha gere hâ-ū. (Mrk. 10:14) Amase da ge sada Jesub khami gā-aisib ǃnâ ǁkhāǁkhās ǁkhāsiba ūhâ tama hâ. Xawe da ge sida ǂharidi ǃnâ da ra aoǁnâba khoena ǂâis ǃnâ nî ūhâ. ǁNās ge ǁîn ǀkha da ga ra ǁgam o da matikō gaxuse nî ǃhoas tsîna ǃkhōǂgā hâ. ǂGui khoen ge nētsē ǁgai, kaiǂgaoxa ǁamaxū-aon, ǂgīǂgōsi ǃnandi tsî ǂgomdi tsîn xa ǃaromahe hâse ‘tsau . . . tsî ǁnāxūǃnâhe hâ gūn’ khami ī. (Mat. 9:36) Tsîn ge ǁnās xa ǃaromahe hâse ǁîn xa ǀgui ǂâi tsî ǃâubasen-e ūhâ tama hâ. ǁNās ǀkha da ge sada mîde nî kō tsî ǁîna khoexaǃnâ tsî tsaura ǀgaub ǃnâ nî ǃhoa-ū. ǂGui khoen ge sada ra aoǁnâ ǃgâiǂhôas tamas ka io Elobmîs ǂans hîna da ūhâs xa ǂgae-e tama hâ xawe sida di khoexaǃnâ ǀgaub tsî ǁîn ǃnâ ǃgâiǃgâibasensa ūhâs tsîn xa ra ǂgae-e. w18.09 31-32 ¶13-14

Mati da a ǁgau ǁkhā sada tsîn nē ǂhâsiba ǂhâ hâsa? Nēsa da ge gagasi ǂûna ūǂgās, gagasi xūna ǃgôaǃgâs tsî ǂkhîb di Elob Jehovaba ǂgurose sada ûib ǃnâ mâis ǃnâ-ū a dī ǁkhā. Nēna da ga ra dī o, o da ge kai ǂkhîba nî hōǃâ. Tsîs ge sida ǂgoms tsîna Elob di mîmâidi ǃnâ nî ǀgai. (Tit. 2:13) Jehova Elob ǀkha ǀgaisa ǀhōsagusisa omkhâis ge ǀamo ǂkhîba nî mā da. Apostel Paulub ge ge xoa: “ǃGâiaǂgao re ǃKhūb ǃnâ mâ ǁaeb hoab ai; tsî ǁkhawa ta ra mî: ǃGâiaǂgao re!” (Fil. 4:4) Nēti i ǀhōsagusisa xu ǀamas ǃaroma da ge elosi gā-aisiba nî ūǂgā. (ǂKhm. 3:13, 18) ǀAmo ǂkhîba ūhâs ǃgao da ge tā Elobmîsa khomais ǀguisa nî dī xawe khomai da ra xūna nî ûiǂui. Khomai da ra xūna ûiǂuis xab ge Jesuba ge mî: ‘Nēna ǂan tsî du ga ǁîna dīo, o du ge a ǃgâiǃō.’ (Jhn. 13:17; Jak. 1:25) Nēb ge sadu gagasi ûiba ǀgaiǀgais tsî ǀamo ǂkhîba ūhâs di ǁkhowa-am. w18.09 18 ¶4-6

Epafrab ge ǃgâsana ǃgâise ge ǂan i tsî ǁîna gere tsâba. Paulub ǀkhab ge ‘ǀguiba ǃkhō-oms ǃnâ ǂnôa’ î xaweb ge ǁîba naun di gagasi ǂhâsiga ǂgurose gere mâi. (Flm. 23) Tsîb ge ǁîba nēs xa xū-e ge dī. ǁNās ge gere ǁgau ǁîb ge ǁîǀnamsenxa tama hâ îsa. Sida ǃgâsana da ge ǀons ai ra ǂgaise nî ǀgoreba. (2Kor. 1:11; Jak. 5:16) ǁÎn hîna du ǀons ai ǀgoreba ǁkhan xa ǂâi re. Epafrab khamin ge ǂgui ǃgâsana nau ǃgâsan hîna ǀhaohâb ǃnâ hâna ra ǀgoreba tsî ǁîn omaridi ǁanin hîna kai ǃgomsiga ra hōǃân tsîna. Xawe da ge ǁîn hîna ge ǁîn ǀnamǀnamsana ǁōb ǃnâ a ǂoaǃnân tsîna ra ǀgoreba ǂgao. Tsî ǁnān hîna ge ǃhūǂgubigu, torogu tsî marin ǃgomsigu tsîna a hōǃâna. Amabes ǃnân ge ǂgui ǃgâsana sida xa ǀgorebahesa ǂhâ hâ, ǁîn nēsa xu nî ǀama amaga. w18.09 5-6 ¶12-13

Pauluba gere ǂâibasen ū da hâ xūn ǀguina da ge ǀgoragu tide xawe nî ǂkhâǃnâgu, daoǁgaugu tsî ǂhâsib ǃnâ hâna nî hui. (ǃNǃkh. 20:31-35) Mîs tsî aiǁgaus tsîn ǃnâ-ūb ge apostel Pauluba ge ǁkhāǁkhā î da sida ǁaeb, ǀgaib, ǁkhāsib tsî ǀnammi tsîn ǃnâ māsen. Ôaǃnâ-aon kurusǂans din ge ra ǃgaoǃgâ mās ge khoena ra ǃgâiaǂgao kai di. ǀGui ǁkhāǁkhāǃâs ǃoagu î ge “khoena nau khoe-e î ga xū-e ga ra dība o, o ra ǃgâiaǂgao.” Ôaǃnâ-aon ge ra mî “kaise î ge ǂhâǂhâsa ûib ǃnâ ǂâibasensa ǂansa” nēs ge “khoesi ǂhâsiga ra dīǀoaǀoa.” ǁNā-amaga î ge ǂansa ūhâ khoena ra mî în khoena matare-e tamase ra dīhe sîsen-e dī, nēs ge ǂurusib tsî ǃgâiaǂgaob tsîn ǃgao a ǃgâi. Nēs ge khoen hîna Elobmîsa Jehovaba xu ra hā mîs ase ra ūǃoana buru kai tama hâ.—2Tim. 3:16, 17. w18.08 22 ¶17-18

ǁÎb kēbos Jesub dis ǃnâ-ūb ge Jesajaba sida ǂgaoba ra khoakhoa tsî ǃâubasensa ra mā. Jesajab ge ge mî Jesub ge “mûra âb ra mû khami ǀgoraǃgâ tide; ǁîb ge ǁkhāti ǂgaera âb ra ǁnâu khami ǂgōǀau tide” xaweb ge “ǂhanu-aisib ǀkha nîra ǀgoraǃgâ” di. (Jes. 11:3, 4) Nēsa tae-i ǃaroma ra ǂkhâǃnâ da? ǃHaoǃnâbe ǀgoras xa ǀoa hâ ǃhūbaib ǃnâ da ûi hâ amaga. Hoa da ge ǀoasa kurusa ūhâ ǀgoraǃgâ-aoba ǃâu hâ hîna ai-īsib ai ǀgoraǃgâ da tideba. Tsēs hoasa da ge khoena ra ǀgoraǃgâ. ǀOasa kurusa da ūhâ tama amaga da ge Jesub khami khoena ǃgâi ǀgaub ǃnâ a ǀgoraǃgâ ǁoa. Sida ge mûs ra mû xūn xa ra ǂgaeǂhapu-e. Jesub ge ǃhūbaib aib ge hâ io ge mîmā da i da “tā mûs ǃoa ǀgoraǃgâ” xawe “ǂhanu-ai ǀgoraǃgâ-e ǀgoraǃgâ.” Jesub ge ra ǂhâba î da ǁîb khami ī tsî khoena tā ai-īsib ai ǀgoraǃgâ. w18.08 8 ¶1-2

Ama as ge Elob ǀhomma xu sida ǀkha ǃhoa tama hâsa. Xaweb ge Elobmîsa ge mā da hîna ra daoǁgau dasa. Jehovab gagab ge ‘ǂgomǂgomsa tsî gā-ai mûǂamaoga’ ra ǂgae îgu ǁîb ǃoaba-aona ǁîn ǂû-e mā ǀgara. (Luk. 12:42) Kaise ǂgui gagasi ǂûna da ge ǁgâisa ǂkhanin, internets ai hâ māǂuidi, vidiogu tsî ǃgâ-e ǁkhā ǂkhanin ǃnâ-ū ra hō. Elob mîde di ǂgomǃgâsiba mā da re, Jehovab ǁkhāsiba ūhâsa hoa xūna dī-unusa tsîb ǁGâuab tsî ǁîb ǃhūbaib tsîn ge ǃaroma tsū xūna nî ūbēsa. Hoaǁae da ge nî mîǁgui Jehovab domma ǃgâsa. Nēsa da ga dī o, o da ge ǃgomsin hîna da nēsi ra hōǃân tsî hānîǁaeb ǃnâ nî hōǃân hoan tsîna ra mâǃoa. Elobmîs ge ra mî: “Taniǀnamxasiba du ǂhâba hâ, Elob ǂâisa dī tsî du nî mîmâisa hōga.”—Heb. 10:36. w19.03 13 ¶17-18

Moseb ge Isrealǁaesa ǂgui kuriga gere ǂgaeǂgui amagab ge Josuaba ǀnîsi gere ǂâiǂhansen khoena mati nî ǂâi di. (Deu. 34:8, 10-12) ǀNî Elobmîs ôaǃnâs ge Josuab 1:1, 2 tsîn xa ra mî: “ǃKharu ge ǁaeb tsî nē ǁaeb ǃnâs tsîna i ge ǂgaeǂgui-aose ǁgaumâihesa kaise a ǁkhōǁkhōsa, khoena ǁkhaubas tawa î ga ra hā o.” Josuab ge ǀnîsi gere ǃao xawe ǁaero i khaoǃgâ ge mâǀgai. (Jos. 1:9-11) Elob ǃnâb ge ūhâ i ǂgomǃgâsib ge ge bē tama hâ i. Elobmîs ǃnaeǃkhaidi ra ǁgau khamib ge Jehovaba Josuab tsî Israelǁaes tsîna ǁîb ǀhōmǃgāb ǃnâ-ū gere daoǁgau. Mî ǁkhā da ge a nē ǀhomǃgāb a Mîsa, ǁnāb ge Elob di ǂguro ǀGôaba. (Eks. 23:20-23; Jhn. 1:1) Jehovab huib ǀkhas ge Israelǁaesa Moseb ǂgaeǂguisa xu Josuab di ǂgaeǂguisa ge sao tsoatsoa. w18.10 22-23 ¶1-4

Jehovab ge ǁÎba ǂgaoba xu ra ǃoaba khoena a ǂan tsî “ǂâiǂâisenǂkhani-i” ǃnâ ǁîn ǀonde nî xoa. Jehovab “ǂâiǂâisenǂkhani-i” ǃnâ sida ǀonsa xoahes ge ǂgui xūna ǃkhōǂgā hâ. Maleaxib ge ge mî î da ‘ǃKhūba [Jehovaba, NW] ǃao tsî ǁîb di ǀons’ tsîna. Nau khoe-e ǃoabas ge nî ǃaroma î-i sida ǀonsa Jehovab ǂâiǂâisens ǂkhanisa xu ǀarihe. (Eks. 32:33; Psa. 69:28) Jehovab ai māǁnâsens ge ǁÎb ǂâisa dīs mîmâis tsî ǁāǁnâhes tsîn ǀguina ǃkhōǂgā tama hâ. Nē xūn ge ǃkharu ge xūn ǃâ kai ǁkhā. Jehovab ǀkhāb ai hâs ge ǁÎba ǁnâuǀnamsa ǂgaoǀkhā hâ nēsis tsî hānîǁaeb kōse.—1Pet. 4:1, 2. w18.07 23-24 ¶7-9

Nēs ge īs ǀguisa dī tama hâ. “Aiǃâb ǃoa” ǃgûsa da ge ǂhâ hâ tsî ǀgaisase nî sîsen. Gagasise ǀgais ge ǂansa ūǂgāsa ǃkhōǂgā hâ. ǁNā-amaga da ge hoaǁae ra ǂkhâǃnâhe î da Elobmîsa tsēs hoasa khomai. (Psa. 1:1-3) ǁNāsa sada mîǁguib ase dī î da hâ? Elobmîsa khomais ge Jehovab ǂhanugu tsî tsoatsoade ǂans ǀkha nî hui da. ǁNās ǀkha da ge Elobmîsa ǃamkuse a ǁnâuǃā ǁkhā. Xristeǁîn ǃaroma a ǂhâǂhâsa ǂhanub ge ǀnammi ǂhanuba. Jesub ge ǁîb ǁkhāǁkhāsabega ge mîba: “Nēs tawan ge hoana nî mûǂan, ti ǁkhāǁkhāsabe go asa, ǀnamguba go ga sago ǃnâ ūhâo.” (Jhn. 13:35) Jesub ǃgâsab Jakobub ge ǀnamma ‘Gao-aosi ǂhanub’ di ge ǂgai. (Jak. 2:8) Paulub ge ge mî: ‘ǀNammi a ǂhanub di dīǀoaǀoasa’ di. (Rom. 13:10) Nē ǁguiǃās ǀnammi ais ge buru kai da tama hâ, Elobmîs ra mî amaga “Elob a ǀnam xui-ao.”—1Jhn. 4:8. w18.06 19 ¶14-15

Israelǁaes ge Jehovaba a ǁaixa kai xaweb ge Moseba tsūse nēs xa ge ībahe. ǁÎb ge ǃkhō-oasen tama hâ i amagab ge ǂâi tamase ge ǃhoa. Moseb ge nau khoen dī xūna ge mā-am îb tā Jehovab ai kō. Moseb ge ǂguro ǃnaeǃkhaisa ǃgâi ǀgaub ǃnâ ge sîsenǂam. (Eks. 7:6) Ī ǁkhā as ge ǁîb ge ǀnîsi ǂgui kuriga ǁnâuǀnamoǃnâ Israelǁaes ǀkha ge hâ tsî ǁnās ǀkha tsau tsî ge ǁaixa hâ i, ǁîn ǀkha. Moseba ǁîb tsâsigu xa ǀgui gere ǂâi, Jehovabab mati ǂhaisiba nî mās xa ǂâi tama i tsî? Moseb hîna ge ǂgomǂgomsa îb ge ǁore tsî a ǃnôa khami da ge sida tsîna ǁore tsî a ǃnôa ǁkhā. Moseb khami da ge sida tsîna ǀae Jehovab xa da mîmâibahe hâ ǀasa ǃhūbaib ǃnâ nî ǂgâ. (2Pet. 3:13) Hoa da ge ǁnā ǀkhaeba ra hōǃâ ǂgao tsî ǂoaǃnâ bi ǂgao tama hâ. Nēsa dīǀoaǀoas ǃgao da ge hoaǁae Jehovab ai nî kō tsî ǁîb ǂâisa nî dī.—1Jhn. 2:17. w18.07 15 ¶14-16

Satanni ge khoena a ǁgari ǁoa în ǁîn ǂgao tama hâ xū-e dī. (Jak. 1:14) ǀŪǃgâsiba xun ge ǂgui khoena Satanni ǂâisa ra dī. Xawen ga amaba ǁkhāǁkhāsen o, on ge ra ǁhûi ham-en nî ǃoaba ǃkhaisa. (ǃNǃkh. 3:17; 17:30) Eloba ǃoabasa da ga mîǁgui o, ob ge Satanna sida ǂgomǂgomsasiba a khôa ǁoa. (Job. 2:3; 27:5) Satanni tsî demongu tsîn ge ǁnātikōse ǀgaisa tama hâ. Aiǁgause, Elobmîs ge mî tama hâ ǁîgu khoen ǂâis tsî ǂgaob tsîna a ǂan ǃkhaisa. Jehovab tsî Jesub tsîn ǀguin ge ǁnā ǁkhāsiba ūhâ. (1Sam. 16:7; Mrk. 2:8) Elob ǂâis ǀkha da ga ǀguiǃnâxasib ǃnâ ǃhoa tsî ga ra tanisen o, o da ge ǂgomǃgâsiba a ūhâ ǁkhā Jehovab nî hui da ǃkhaisa. (Psa. 34:7) Sida khākhoeba da ge nî ǂan. Xawe da ge tā nî ǃao bi. Jehovab huib ǀkhan ge ǀoasa kurusa ūhâ tama hâ khoena Satanna a mâǃoa ǁkhā. Mâǃoa bi da ga o, ob ge sida xu nî bē.—Jak. 4:7; 1Pet. 5:9. w18.05 26 ¶15-17

ǀNîsits ge ǀūts a ǃā-e ǃoa ra ǃnari, ǂhâǂhâsa ǁaxasib ǃgao. ǁNāpa sīs ǃgaots ge bēb ǀkha nî ǃnari. Bēgu ra mâ ǃkhaib tawa i ge ǂgui bēga mâ. ǁNā-amagats ge sats ra ī ǃāsa ǃoa ra ī bēb ai nî ǂoa. ǀKharaba ra ī bēb ai ǂoas ǃnâ-ūts ge ǃnaribats ra ǃās ǃoa sī tide. ǂKhamkhoen ge nētsē ǁkhā mâsib ǃnâ ra hōsen: ǁÎn ge gaxu daob ai noxoba nî ǃnari, bēb ǀkhas ose xawe ǁîn ûib ǃnâ. ǀNî ǁaeb ain ge mîǁguigu tsî ǃgâi ǃēsa ûib ǃnâ ūhâs mîǁguigu xa a dana mâhe ǁkhā. ǂKhamkhoets axase î ge ǃgâi mîǁguiga dīsa nî supu i, sats ga ra ǂan o tae-ets ûib ǃnâ ǂhâba hâsa. Sa ûibats Jehovaba ǂkhîǂkhîs ai nî mâi? Nēs ge ra ǂâibasen ǁîn ge ǀgapi ǁkhāǁkhāsens, sîsenni tsî omaris ǃereamsa tanis ǃnâ Jehovab ǂâi ǀgauba nî ūhâ di. Tsî nēs ge gagasi mîǁguiga dīs tsîna ǃkhōǂgā hâ. ǂKhamkhoen hîna ǁkhāsib hoab ǀkha Jehovaba ra ǃoaban ge ǁîb xa nî ǀkhaehe. w18.04 25 ¶1-3

Jeftab ge ǁîb mîmâisa ge ūhâ ǀgara tsî ǁîb ǀgôasa Siloba ǃoa ge sî is tabernakeli tawa sī ǃoaba. (ǂHǂh. 11:30-35) Nēs ge Jeftab tsî ǀgôasas tsîna kaise ge ǃgomba i xawes ǁîsa dadasab mîǁguiga ge ǁnâuǀnam. (ǂHǂh. 11:36, 37) ǁÎs ge ge ūǃoa ǃgame tama i, ǀgôana hō tama i tsîs omaris ǀonsa aiǃgû kai tidesa. ǁÎs ge ǂkhâǃnâhes tsî ǁkhaeǂgaos tsîna ge ǂhâ hâ i. Elobmîs ge ra mî: “O i ge ge ǁnaeti kai Israeli ǃnâ, kurikorobe di Israeli di ǀgôade gere ǃgû ǃkhaisa, Jeftab Gileadǁîb di ôasa di nî ābase, haka tsēde kurib ǃnâ.” (ǂHǂh. 11:39, 40) Xristeǁîn hîna ǃgame tama i tsî ǁîn ûiba ‘ǃKhūb din xa ra ǂhansen an’ ge koahes tsî ǁkhaeǂgaos tsîna ǂhâ hâ.—1Kor. 7:32-35. w18.04 17 ¶10-11

Satanni ge ǂgui ǃgôab mâǃoaxa ǀhomǃgāga ra ǂgaeǂgui. Kai ǁgammi dâus aiǃâb ge ǂguiga ge nana îgu sorosise khoen ǀgôadi ǀkha ǁgoe. Elobmîs ge ra mî ǁîb ge ǂgui ǃgôab ǀgamirodi [ǀhomǃgāgu] ǀkha ǀhomma xu ge ǁnā. (Gen. 6:1-4; J.ǂHa. 12:3, 4) ǁNā ǀhomǃgāgu ge Satanni ǀkhāb ai ge mâ tsî Eloba ge mâǃoa tsoatsoa. Nē mâǃoa-aogu ge ǁoreb ǀguiba ra ǃaroma. Satanni ge Elob Gaosiba ǁgae tsî aitsama gao-ao kaisen hâ. Mûhe ǁoasa gaosi i ǃnâb ge Satanna demonga ǂhanugu ǃnâ ǀgoraǂgā hâ. Tsî ǁîga ǀgaiba mā hâ îgu ǃhūbaiba ǂgaeǂgui. (Efe. 6:12) Nē demongu ǃnâ-ūb ge Satanna khoesi ǂhanugu hoagu ai ǀgaiba ra sîsenǂui. w18.05 23 ¶5-6

Elob ǀnammi ge ǀnî ǁaega ǀnamǀnamsa ǁgûba xu ra hā ǁnamas ase ra hā. Davib ge nē ǁnamade gere ūǃoa. ǁÎb ge Elob ǂâi ǀgauba ge ūhâ i tsî nēs xa gere daoǁgauhe. Sats tsîn ga nēsa dī o, ots ge Elob ǀnammi ǃnâ nî kai tsî ǁîba hoaǁae nî ǁnâuǀnam. Tsîts ge gagasises tsîna nî kai. Christin di ǀon hâ ǃgâsas ge ge mî, “ôaǃnâsa dīs tsî ǂâiǃgâs tsîn ge ra ǁgau te Jehovab ge nēsa tita ǃgao ge xoa kai di.” Tsū tama î ge hâ gagasi mûǂuiba ūhâs ge gā-aisib tsî ǂans tsîna ra mā di mîsa, nēs ge a hui tsi ǁkhā îts ǃhūbaiba Elob mûdi ǃnâ-ū mû. Eloba tae-i ǃaroma gā-aisib tsî ǂans tsîna ra mā tsi? ǁÎb ge ra ǂgao its ǂâibasensa ûib ǃnâ ūhâ tsî ǃgâi mîǁguiga dī tsî hānîǁaeba ǃoa mûǂui.—Jes. 26:3. w18.12 26 ¶9-10