Februarib

‘ǂHanu-aisib’ ge Elobmîs ǃnâ i ra sîsen-ūhe khami ra ǂâibasen î da Elob ǃgâise ra mû xūna dī tsî nēsa ǀgora-e ūhâ tama hâse dī. ǂÂiǃgâ re, matigu Jesub di tanisen ǀgauga ǂhanu-aisiba gere ǂkhâǃnâsa. ǁÎb tsēdi ǃnâgu ge Jodeǁî ǂgomdi ǂgaeǂgui-aoga, Jodeǁî tama hâ ǃgâsana ge ǃhuisa i tsî tarekhoede ǃgôasiba ge ǁgau tama hâ i. Xaweb ge Jesuba ǀgora-e ge ūhâ tama hâ i tsî hoa khoen ǀkha gere hâ. ǁÎb ge Jodeǁî tama hâ khoen hîna ǂgomsa ūhâse gere ǀgūbin tsîna gere ūǃoa. (Mat. 8:5-10, 13) ǁÎb ge ǀgora-e ūhâ tama hâse gere aoǁnâ, ǃkhū hân tsî ǀgâsan tsîn hoana ǃoa. (Mat. 11:5; Luk. 19:2, 9) ǁÎb ge tātsēs tsîna ǃgâi tama ǀgaub ǃnâ kaikhoedi ǀkha ge hâ tama hâ i. Xaweb ge ǃgôasib tsî khoexaǃnâsib tsîn ǀkha tarekhoedi ǀkha gere hâ, nēs ge nau khoen xa gere ǃgôaǁnâhe khoedi tsîna ǃkhōǂgā hâ. (Luk. 7:37-39, 44-50) Jesuba da ge a ǁgae ǁkhā ǃhaoǃnâbe ǀgorasa ūhâ tama is ǃnâ-ū tsî hoa khoen hîna ra ǃgâna aoǁnâbasa, ǁîn khaoǃhūb tsî ǂgoms ai kō tama hâse. Xristeǁî aogu ge ǁîb aiǁgausa ra ǁgae tsî tarekhoede ǃgôasiba ra ǁgau. w19.05 2 ¶1; 5 ¶15-17

Nētsē gu ge ǀhaohâb ǃûi-aoga ǁkhā xū-e nî dī, ǁîgu khoexaǃnâ mîdi ǃnâ-ū Elobmîs ai ǃgaoǃgaosa ǁkhaeǂgaosa gu ra mā hîna. ǀHaohâb ǃûi-aogu ǀguiga ǀgaiǃkhōs ǃnâ ge ǃkharu khoena nî ǁkhaeǂgao? Hî-î. Hoada ge a “ǁkhaeǂgaogu” ǁkhā. (1Tes. 4:18) ǀGaisa Xristeǁî taradi ge ǁkhaeǂgaosa ǂhâ hâ ǃgâsade a ǁkhaeǂgao ǁkhā. Jehovab ge ǁgûs hîna ǁîs ǀgôa-e ra ǁkhaeǂgaos ǀkha ra ǀgopeǀnōsen. (Jes. 66:13) Elobmîs ge aiǁgaude ūhâ taradi hîna nau khoena ra ǁkhaeǂgaodi dide. (Job 42:11) Jehovab ge kaise ra ǂkhî mûsa Xristeǁî taradi hâsa hîna nau ǃgâsadi emosioneelse ǃgom ǁaegu ǃnâ ra ǃkharude ǂkhâǃnâs ǃaroma. ǀNî ǁaena gu ge ǀhaohâb ǃûi-aoga ǃgâsade a ǂgan ǁkhā i di ǃgom ǁaegu ǃnâ ra ǃkharu ǃgâsade hui. Xristeǁîn ǂganǃgâsasib ǃnâ ra ūhâ ǂgao ǂhôan ǃnâ da ge dī xū-e ūhâ ǂgao tama hâ.—1Tes. 4:11. w19.05 16-17 ¶10-12

ǀHaohâb ǃûi-aogu nēs xa xū-e nî dīs aiǃân tae-i ǃaroma ǀgam ǀhûǀguitimî-aona a ǂhâbasa? Nē ǁgui-ais ge Elobmîs di ǂhanu-aisib ǃâ. Tsūdīs di ǁguiǁnās ga ǀkhai o, on ge ǀgam ǀhûǀguitimî-aona a ǂhâbasa nēs a amasa ǂanǂans ǃaroma îgu ǀhaohâb ǃûi-aoga nē ǁhōb ǀkha aiǃgû ǁkhā. (Deu. 19:15; 1Tim. 5:19) ǂGā-amhe ra khoe-i ga nēsa ǀūxū o, o gu ge ǀhaohâb ǃûi-aoga ǀgam ǀhûǀguitimî-aona ra ǂgaiǂgā. Nēs ge ǀgam khoena ǂhâhâ, ǀgui-i hîna nē ǂgā-ams a amasa ra mî i tsî nau i nē amaba ra ǁguiǃgâ i tsîna nē khoe-i nî ǀgoraǃgâhe ǁkhāse ǂhanub xa. ǀGamǁî khoe-e ǀkhais ge ǂâibasen tama ǂguro khoe-i ama tama xū-e ra mîsa. Nē ǁhōb ga ǀgam khoen xa ǂnûǁkhaebahe tama i xawe gu ge ǀhaohâb ǃûi-aoga ra mûǂan ǁgai ǁore-i go dīhesa. Nēs ǃaroma gu ge ǀhaohâb ǃûi-aoga ra aiǃgû tsūdīhe go khoe-e ǂkhâǃnâs ǀkha. ǀHaohâb ǃûi-aogu ge nēs ǃaroma ra aiǃgû ǀhaohâba tsūdī-aona xu ǁkhaubasa.—ǃNǃkh. 20:28. w19.05 11 ¶15-16

Kaise î ge a ǂhâǂhâsa ǀgôana matin Elobmîsa nî ôaǃnâ ǀgausa ǂansa. ǁÎn ge nî ǁkhāǁkhāsen matin ǀhaodi ǃgao nî aiǂhomisensa tamas ka ion mati skoli tawan ra hōǃâ mâǃoadi xa ôaǃnâsa a dī ǁkhāsa. (Heb. 5:14) Elobmîsan ga oms tawa ôaǃnâ o, on ge ǀhaohâb ǀhaodi, ǂharis kai ǀhaodi tsî ǀkharib kai ǀhaodi tawas tsîna ǃgâise nî ǁnâuǃā. ǀGôa-i matikō gaxuse nî ǁkhāǁkhāsens ge ǁî-i kurigu tsî ǀgaugu tsîna xu hâ. Sada Elobmîsa ra ǁkhāǁkhā khoen tsîna da ge nî hui în ôaǃnâs xa ǁkhāǁkhāsen. ǁÎn ga ǀasase Elobmîsa ǁkhāǁkhāsen tsoatsoa o, o da ge kaise ra ǃgâiaǂgao ǁîn ga ǂgaeǃgao o, ǀhaohâb Elobmîs ǁkhāǁkhās ǃgaon ga aiǂhomisen o. Xawe da ge ǁîna nî ǁkhāǁkhā matin ǂâibasens ǀkha ôaǃnâsa nî dī ǀgausa. ǁNā ǀgaub ǃnân ge ǃgomsinan ga hōǃâ o, o aitsama ôaǃnâsa sida Elobmîs ai ǃgaoǃgaosa ǂkhanin ǃnâ nî dī. w19.05 26 ¶2; 28 ¶10-11

ǁGâuab ge sada di ǂâiǀgauga dawasa ra ǃkhamba. ǁÎb ge mâ xū-i hoa-e ra sîsen-ū Elobmîs ra māda ǃgâiǂâisa hîkākās ǃaroma. ǁGâuab ge ra aiǃgû ǁkhā dîs hînab ge Evasa dîs ǀkha Edenni ǃnâ: ‘Eloba amabes’ ǃnâ nēsa ge mî? (Gen. 3:1) Dîn hîna sada ra ǂgom xūn ǃnâ ra ǂgomoǃnâ kai da na da ge ra ǁnâu: ‘Eloba amabes ǃnâ aorese tamas ka io tarese ǃgamesa mā-am tama hâ? Eloba amabes ǃnâ ǂgao tama hâ i da Krismas tsî ǃnaetsēdi tsîna tsēdī? Sadu Eloba amabes ǃnâ mā-am du tama hâ ǀaoba ūǃoasa? ǀNamxaǃnâ Eloba amabes ǃnâ mā-am du tama hâ sadu ǀnamsaben hîna ge ǂnûiǂuihen ǀkha ǀhōsagusa?’ Sada ǂgoms ǃnâ da ge nî ǂgomǁapo. ǂGomoǃnâsiba ra ǃaroma dîde da ga ǃeream tamase xu o, o di ge sada ra ǂgom ǃnâ xūna nî dîsen kai da tsoatsoa. Nē ǂgomoǃnâsib ge ega nî ǃaroma is sada ǂgomsa ǂkhabu. w19.06 12-13 ¶15-17

Jehovab ge kaise a ǀnam da. (Jhn. 3:16) Sada di ǀnamxaǃnâ ǁGûba da ge ra ǁgae ǂgao. Nēs ǃaroma da ge “ǀkhomxa, ǃgâsaǀnamxa, ǀkhomxaǃnâ, ǃgamǃgamsenxa” ǀgauba hoa khoena ra ǁgau ǂgao xawe “ǃgōsase ǂgoms horesana.” (Gal. 6:10) Sada gagasi omaris ǁanin ga ǃgomsin ǃnâ a ǃkharu o, o da ge ǁîna ra hui ǂgao. Mati da ǃgame khoe-e ge ǁōb ǃnâ a ǂoaǃnâ khoe-e ǁkhaeǂgao ǁkhā? ǂGuro ǂhâǂhâsa xū-i hîna da nî dī i ge ǁî-i ǀkha ǃhoa re tao tamas ka iots ga ǀū i tae-e mîsa xawe. Paulas ge ra mî: “ǂAn ta ge a ǁōb khoena ǃgâi tamase ra tsâ kaisa. ǁÎn ge ra ǂhansen tsū xū-en nî mîsa. Xawe xū-e mî tama is ge tsū xū-e mîs xa a ǁgai.” ǃOab ǃnâ hâ khoe-i ge hoaǁae da omkhâi ra xū-e nî mîsa ǃâubasen tama hâ. Paulas ge ra mî: “Tita ge kaise gere ǃgôaǃgâ ti ǀhōsan ga mî o ‘ǂgom da ge ra hoa xūn nî ǃgâise ǃgûǁnâsa.’” w19.06 20 ¶1; 23 ¶14

Sida sîsen-e dīsa da ga ǂkhāhe o, o gu ge ǀhaohâb ǃûi-aoga nî mîba da mati di ǀhaode nî dī-esa. ǁÎgu ge a mîba da ǁkhā î da ǀoro ǃgôab ǃnâ ǀhao tsî gu ge ǁaegu ǀhaodi nî hâ ga ǁaeba xu ǁaeb ǀkha a dawa ǁkhā. Aoǁnâ sîsenni tawa i ga hā o, os ge nēsa ǂharisa xu ǂharis ǀkha nî ǀkhara. Xawe da ge Jehovaba kaise a ǀnam tsî ǀgauna nî ôa aoǁnâ sîsenni ǀkha aiǃgûsa. (Luk. 8:1) Sada aoǁnâ sîsenni hîna Soviet Unions ǃnâ ge hâ ib xab ge Emily B. Barana ge mî: “ǂHanub ge ǀHûǀguitimî-aona a mîba o aoǁnân ge tide di, on ge ǁîn ǁanǁare-aon, sîsenǀhao-aon tsî ǀhōsan tsîna gere aoǁnâba. ǃKhōsisa ǃoan ge nēs ǃgao a sîhe o, on ge ǀHûǀguitimî-aona nau khoen hîna ǃkhōsis ǃnâ hâna gere aoǁnâba.” Sida sîsenni ge ǂkhā-e xawen ge sida ǃgâsana ge aoǁnâ ǀû tama hâ i. Sida tsîn ge ǁnā aiǁgausa a ǁgae ǁkhā. w19.07 11 ¶12-13

Mati da ǂgom-e ūhâ tama khoena a hui ǁkhā în Eloba ǀnam tsî Xristub di ǁkhāǁkhāsabe kai? ǂAnǃgâ da ge nî khoe-i sida haisi-amsa ra ǃkhōǃoa ǀgaub ge ǁî-i ge kaikhâi ǃkhaisa xu hâ. Khoen hîna Europa xu ra hān sida haisi-amsa ra ǃkhōǃoa ǀgaub ge Asiaba xu ra hā khoen ra ǃkhōǃoa ǀgauba xu ra ǀkhara. Tae-i ǃaroma? Europi ǃnân ge ǂgui khoena Elobmîs xa xū-e a ǂan tsî hoa xūn Elob xa ge kuruhes tsîna. Xawen ge ǂgui khoena Asiab ǃnâ Elobmîs xa xū-e a ǀū tsî kurus ǃnâs tsîna ǂgom tama hâ. ǃGâi mûǂuiba ūhâ re. Mâ kurib hoaban ge Elob ǃnâ ǂgom tama hâ khoena ra Jehovab di ǀHûǀguitimî-ao kai. ǂGuin ge ǀnai ǃgâi ûi ǀgauga ūhâ tsî ǂgomdi ra dī tsū xūn xa ǃgâibahe tama hâ. ǀNîn ge ǃgâi tama ûi ǀgauga ūhâ tsî dīn ra tsū xūna ra ǃgâiǃgâi ǂgao. Jehovab huib ǀkha da ge khoen hîna “ǀamo ûiba ǃoa ǃkhōǂuibasenhe” hâna nî hō.—ǃNǃkh. 13:48; 1Tim. 2:3, 4. w19.07 20-21 ¶3-4      

Nēsi da ga ǀhomsi ûib ǃâubasensa ūhâ tamas ka io ǃhūbaib di ǃâubasensa ūhâ paradais ǃnâ da nî ûise īsa xawe da ge ra aiǃgû ǂgao mâǀgaibes ǃnâ. Matikō ǂgui ǃgomsina da ga ǃkharu ǃnâ xawe da ge tātsē khaosǀkhāba ǃoa kō-oa tide tsî xūna mā-am tide în Jehovaba ǃoabasa xu ūbe da. (Fil. 3:16) ǀNîsi da ge Jehovab di ǀkhaega gaxu ǁaeba ǃâu hâ tamas ka io ǂkham da ge ī khami ǂkham tama hâ tsî ǀaena ra hōǃâ. ǀNîsi da ge ǃâitsâgu tsî ǃgomsin tsîna ǂgui kuriga ra hōǃâ. Tae-i ǀgui i ga ǃgomsi xawe “xū-i xare-i xa tā ǂhansen.” Xawe ǀgores tsî ǀkhomas tsîra ǃnâ gangans ǀkha Elob aiǃâ ǂhai kaisen ob ge kai ǂkhîba nî ra mā du. (Fil. 4:6, 7) ǃKhoe-ao i hîna ǀuniga ǃâba ǃgarise ra ǃkhoe-i khami da ge sada ǀkhaegu ai ǂâisa ǂnûi tsî sada di ǃkhoeǀhûgusa ǀams kōse ra ǃkhoe ǂgao. Sada ǀgaib tsî mâsigu tsîn ra mā-am das kōse da ge ra aiǃgû ǂgao sada di ǀkhaega da nî ǃkhōǃoas kōse. w19.08 7 ¶16-17

Kaise î ge a ǃgom ǃoab ǃnâ hâ khoe-e ǁkhaeǂgaos mîde mîbasa. ǀNî ǁaegu ai i ge sida ǁgamrona ǂgui xūna a mî ǁkhā. Jesub ǀhōsab Lasarub ge ǁō o, o i ge Marias, Martas tsî ǀnî hân tsîna ǁîn ǃgâsab tsî ǀhōsab ǃgao gere ā. Haka tsēde ǃkharu hâseb ge Jesuba sīb ge o, o ǁîb tsîna “ge ā.” (Jhn. 11:17, 33-35) Jesub gere ā ǃkhais ge ge ǁgau Jehovab mati ǁōb xa ra tsâsa. Nēs ge ge ǁgau Jesub nē omarisa a ǀnam ǃkhaisa tsî nēs ge Marias tsî Martas tsîna ge ǁkhaeǂgao. Sida ǃgâsan ga sida a ǀnam nî ǃkhaisa mû o, on ge ǀguri tsâsen tama hâ xawe ǀhōsanan ūhâ khami ra tsâ. ǀNî ǁaegu ai da ge ǃgâise ǀgui nî ǃgâ. ǃGâsa-e mā-am re î-i ǁî-i ra tsâ ǀgauba ǃhoaǂui tsî mîdi ga ‘ǂâiǃgâhe tama hâse’ ǃhoahe o, o tā ǁgaise tsâ re. (Job 6:2, 3) ǁÎ-i ge ǀnîsi ra ǂâiǂhansen ǁî-i ǀaokhoen hîna ǀHûǀguitimî-ao tama hân xa i ra mâǃoa-e amaga. ǁNā-amaga ǁî-i ǀkha ǀgore re. ‘ǀGoredi ǁnâu-am-aoba’ ǀkhomma re îb ǀgaib tsî ǃgâi ǂâis tsîna mā du.—Psa. 65:2. w19.04 18-19 ¶18-19

Nēsi da ga Betels tamas ka io aimâba-aose sîsen tama i xawe da ge khoen tsî sida ra sîsen ǃkhaiga nî ǀnam. ǀNî hâ ǁgaumâide da ga mā-e o, o da ge tsūse ra tsâ. ǃGâsan hîna ra hâ ǃgauna da ge ra ǁkhore. Tsî da ge ǁîn xa ra ǂâi, ǁgâiǀāgu xa ǃaromahe hâse da ga ī o. (Mat. 10:23; 2Kor. 11:28, 29) ǀAsa ǁgaumâi-e ū tsî omsa ǃoa oas ge nî ǃgomba da. ǀNîn hîna ǀkhara ǁgaumâide ra mā-en ge mari ǃgomsina a hōǃâ tsoatsoa ǁkhā. Tsî ǂkhabuǂâi tsî ǁgaise ra tsâ. Tae-e nē ǃgâsana a hui ǁkhā? Jehovab ǀgūse hâ re. (Jak. 4:8) Nēsa da mati a dī ǁkhā? ‘ǀGorede ra ǁnâub’ ǁîb ai da ge nî ǂgomaiǂnûi. (Psa. 65:2) Jehovab ge ‘sada ra ǂgan tsî ǁnâuǃān hoana ǃnāǂamsase a dī ǁkhā.’ (Efe. 3:20) Jehovab ge ǂgan bi da ra xūn ǀguina mā da tama hâ. ǁÎb ge ǂâi tama da hâ ǀgaugu ǃnâ sida ǃgomsina a ǀamǀam ǁkhā. w19.08 21 ¶5-6

Khoena du ra ǁnâu hîna khoen xa ǃaroma-e hâ toroga ‘Armagedonsa’ ǃoa ra ǁnaeǁgauna. ǁNās ǂam-ai i ge Elobmîs Armagedons xa ra mî-e ǃgâiǂhôasa ǃkhōǂgā hâ nēs ge kaise ra ǃgâiaǂgao kai da. (J.ǂHa. 1:3) Armagedons ge khoena hîgāgā tide xawe khoesiba nî sâu. Mâ ǀgaub ǃnâ? Khoesi ǂgaeǂguisa xu nî ǃnora kai. Nē torob ge Eloxoresa khoena i ga hîgāgā tsî ǂhauǃnâ khoena sâu ǁaeb ai khoesiba nî sâu. Tsî sida ǃhūbaiba hîgāgāhesa xu sâus ǃnâ-us tsîna khoesiba nî ǁkhauba. (J.ǂHa. 11:18) ‘Armagedon’ di hâ mîs ge Elobmîs ǃnâ ǀgui ǃnās ǀguisa hâ tsî nē mîs ge Hebregowab mîs hîna ‘Megidos ǃhōmmi’ di ra ǂâibasensa xu hâ. (J.ǂHa. 16:16) Megidos ge Israeli ǃnâ ge hâ i ǃāsa ǃkharu ge ǁaeb ǃnâ. (Jos. 17:11) Xawe Armagedons ge ǃhūbaib ai hâ ǃā-i di ǀon tamasa. Nēs ge “ǃhūbaib di gao-aogu” hîna Jehovab ǃoa-ai ra ǀhaoǀhaosen gu ǃoa ra ǁnaeǁgau.—J.ǂHa. 16:14. w19.09 8 ¶1-3

Kaikhoes ge ǁgariǁgarisase huiba ge ǂhâ hâ i. ǁÎs ge ǂgui ǀaeǃkhō-aoga ǃoa gere ī ǂgauǂgauhe ǂgaos gere amaga. ǁÎs ge 12 kuriga nē ǀaeba ge ūhâ i xawe noxoba huiba ge hō tama hâ i. Moseb ǂhanub ǃoagus ge ǁîsa ge ǃanuoǃnâ i. (Lev. 15:25) Xawes ge ge ǁnâu Jesub ge ǁnān hîna ǀaesen hâna ra ǂgauǂgau di os ge ǁîba sī gere ôa. ǁÎbas ge ǀhao-ū o, os ge ǁîb sarab ti ǃâro-e ge tsâǀkhā tsîs ge ǃhaese ge ǂgau. Jesub ge ǁîsa ǂgauǂgaus ǀguisa ge hî tama hâ i xawes ge ǀnam-es a tsî ǃgôaǃgâsiba ūbahe hâ khami ge tsâ tsoatsoa. Aiǁgause Jesub ge ǁîs ǀkhab gere ǃhoa o, o ‘ǀgôase’ di mîs ǃnâ-ū ǃgôaǃgâsiba ge ǁgau. Nē kaikhoes ge khoakhoahe tsî ǀgaiǀgaihe hâse gere tsâ. (Luk. 8:44-48) Mû da rases ge kaikhoesa Jesuba ǃoa ge ī. ǁÎs ge ǂgurose ge ǁgūtsâ ǁîba ǃoa sīsa. Nēs ge sida ǀkhas tsîna a ǀgui sida tsîn ge nî ǁgūtsâ Jesuba ǃoa ‘ǀgūsa.’ Jesub ge nēsi khoen hîna ǁîba ǃoa ra ‘ǀgū’ hîna ǀaesen hâna ǂgauǂgau tama hâ. Xaweb ge ǁîna ra mîba: “tita ǃoa hā re . . . o ta ge tita nî khoakhoa du.”—Mat. 11:28. w19.09 20 ¶2-3

Kēbo-aob Saxariab tsîn ge nēs xa ge mî: “ǁNā tsēdi ai i ge nîra ī, disi khoegu mâ gowa-i ǃhaodi di-i hoa-i digu nî saraǀam-i Jodeǁî khoeb di-e ǃkhō tsî mî ǃkhaisa: Sige ge sadu ǀkha nî ǃgû, Elob sadu ǀkha hâ, ti ge go ǁnâu xui-ao.” (Sax. 8:23) Jehovab di ǀHûǀguitimî-aon ge ge mûǂan hoa ǃhaodi khoena ǀhaoǀhaohes ǃaromas ǃgâiǂhôasa hoa gowagu ǃnâ nî aoǁnâ-e ǃkhaisa. Xawe da ge nēsi kaise kai ǀgaub ai ǂgui gowagu ǃnâ ra ǂnûiǃkhuni. ǃGāsaseb ge Jehovaba sada ǁaeb ǃnâ buruxa sîsen-e ra dī, kai ǂnubis di khoena hoa ǃhaode xu ǀhaoǀhaos ǃnâ. Elobmîs tsî Elobmîs ai a ǃgaoǃgaosa ǂkhanin ǂgui gowagu ǃnâ hâ amagan ge nē ǂnubis khoena Jehovaba ǀguiǃnâxasib ǃnâ a ǃoaba ǁkhā ǃkharagagu ǃhaode xūn ǃhūbaib ǂhawase ra ǀkhī xawe. Tsî Jehovab di khoen ge ǁkhoaǂgaosib ǀkha aoǁnâs tsî ǁîn di ǃgâsa ǀnamgusib tsîn ai a ǂansa. Nēs ge sada ǂgomsa ra ǀgaiǀgai.—Mat. 24:14; Jhn. 13:35. w19.09 30-31 ¶16-17

Kai ǁgâiǀāb ǁaeb ǃnân ge khoena kaise nî buru mûn ga o xūn hîna nî hâhâ din ǂâi hân ra hîgāgāhe o. ǁÎn ge kaise nî ǃao tsî ǂâiǂhansen nē ǁkhōǁkhōsa ǁaeb ǃnân nî ǁō di ǂâi tsî. (Sef. 1:14, 15) ǁNā ǁaeb ǃnâ i ge ûiba kaise nî ǃgom i Jehovab ǃoaba-aon ǃgaos tsîna. Nē ǃhūbaib di ǃâ tama da hâ amaga da ge ǃgomsina nî hōǃâ. ǀNî ǁaegu ai da ge ǂhâ da hâ xūna ūhâ tide. “ǂGomǂgomsa tsî gā-ai ǃgāb” ge ra aiǂhomi da, i da ǂgomǂgomsase kai ǁgâiǀāb ǁaeb ǃnâ hâ ǁkhā. (Mat. 24:45) Nēs ge ǂgui ǀgaugu ǃnâ ra dīhe aiǁgause sida kai ǀhaos di ǀapeǁguigu 2016 sa xu 2018ǁî kurigu digu xa ǂâi re. Nē ǀhaodi tawa gere māhe ǃhoadi ge ge ǂkhâǃnâ da i da sida ǀgaugu hîna da ǂhâ hâ ga ǀgaiǀgai Jehovab tsēs ra ǀgū khami. w19.10 14 ¶2; 16 ¶10; 17 ¶12

Xawe ǂû-e da ga hāras khaoǃgâ da ge ǂû-i mâ sîsenǂûiba sida soros ai ūhâsa a ǁhûi ǁoa. ǃGâi ǂû-i ge ǃgâi ǂurusiba nî mā da xawe ǃgâi tama ǂû-i ge ǃgâi tama ǂurusiba nî mā da. Nēs mati ra tsâǀkhā da ǃkhaisa da ge ǁnā ǁae mû tide xawes ge nēsa ǁaeb ǀkha nî ī. ǁKhā ǀgaub ǃnâ da ge ǁkhoaxa ǁaeba da ga ūhâ o, o sida ǂâi ǀgauba a ǁhûi ǁkhā. Xawe i ge ǁnās khaoǃgâ sida ra ǁhûi ǁkhoaxasiba sida ǂâi ǀgaub tsî tsâ ǀgaub tsîna a tsâǀkhā ǁkhā. ǃGâi ǁkhoaxasib ge nî khoakhoa da xawe ǃgâi tama ǁkhoaxasib ge nî khôa da. (Jak. 1:14, 15) ǃGâi tama ǁkhoaxasib di sîsenǂûiba da ge ǁnā ǁaeb ai mû tide xawe da ge nēsa ǁaeb ra ī khami nî mû tsoatsoa. Elobmîs ge ra ǃkhâikhom: “Khoe-i ga tsoro-i hoa-i, ǁnā-e i kom ǁkhāti nîra ǃgaobaseno. ǁÎ-i ǁgans ai ga tsoro-i, ǁnā-i kom ǁgansa xu kāǁōsiba nîra ǃgaobaseno.” (Gal. 6:7, 8) Kaise i ge ǂhâǂhâsa i da Jehovab ǃhui hâ xūn hoana ūhâ ǁkhoaxasiba xu ǂgōsen.—Psa. 97:10. w19.10 30 ¶12-14

Jehovab ge ǁîb ǀnamma sida ǃoa ge ǁgau ǁîb ǀgôaba xoremarib ase mās ǃnâ-ū. (Jhn. 3:16) Mati da Jehovab ǀnamma a ǁgae ǁkhā? Sida ǃgâsan hoana da ge ǀō-aisa tsî ǂoaǂamsase ra mû tsî da ge ‘kā hâ gū-e’ Jehovaba ǃoa ra ǁkhoreǁhare. (Psa. 119:176; Luk. 15:7, 10) Sida ǃgâsana da a ǀnam ǃkhaisa da ge ra ǁgau ǂhâsib ǃnân ga hâ o ǁîna huis ǃnâ-ū. (1Jhn. 3:17) Jesub ge ǁîb ǁkhāǁkhāsabena ge mîmā în aitsama māsenxa ǀnamma ūhâbagu. (Jhn. 13:34, 35) Jesub mîmās ge a ǀasa, nē ǀnammi ge ǂhanub hînab ge Eloba Israelǁîna a māb ǃnāga sîsen-ūhe tama hâ i amaga: ǃGâsana da ge Jesub ge ǀnam da ī khami nî ǀnam. Nēs ge aitsama māsenxa ǀnamma ǁgausa ra ǂgaoǀkhā. Sida ǃgâsana da ge sida xa ǃnāsase nî ǀnam. ǁÎna da ge kaise nî ǀnam sida ûiba da ǁîn ǃgao nî mās kōse, Jesub ge dī khami. w19.05 4 ¶11-13

ǃAnu gagaba xu da da hui ga ra ǂgao o, o da ge nî ǀgore. (Luk. 11:13) Jesub di ǂkhōs Lukab 11:5-9 tsîn ge ra mûǂan kai da Jehovab ǃanu gagaba nî mā da ǃkhaisa. Nē ǂkhōs ǃnâ hâ aob ge ǁîb di sari-aona ǃgâise gere kōǃgâ ǂgao. ǁÎb sari-aon hîna ge ǃuia gere sīnab ge ǂû-e gere mā ǂgao xaweb ge xū-e ge ūhâ tama hâ i. Jesub ge ra mî nē khoeb di ǁanǁare-aob ge ǁîb ge ǂgan ǀû tama hâ i amaga pere-e ge mā bi di. Jesuba tae-e nēs ǃnâ-ū ge ǁkhāǁkhā? ǀOasa kurusa ūhâ tama hâ khoe-i ga ǁî-i ǁanǁare-ao-e ǁnā ǀgaub ǃnâ hui o, ob sida ǀhomsi ǁGûba mati ǁnān hîna ǃanu gagaba ra ǂgan bina mā tide. ǁNās ǀkha da ge ǂgomǃgâsiba nî ūhâ Jehovab sida ǀgorede nî ǃereamsa ǃanu gagaba da ga ǂgan o. (Psa. 10:17; 66:19) ǂGomǃgâsiba da ge nî ūhâ Satanni ga ǁnāǂam da xawe da nî mâǀgai ǃkhaisa. w19.11 13 ¶17-19

Jesub ge ge ǂan i ǁîb tsî ǁîb apostelgu tsîn sâsa ǂhâ hâ ǃkhaisa. Xawe ǂgui khoen ǃkharu ge ǁaeb ǃnâ ge ûi hâ în tsî nētsēs din tsîn ge Jesub di ǂkhōs ǃnâ hâ ǃkhū hâ khoeb ǀkha a ǀgopeǀnōhe ǁkhā. Nē khoeb ge ge mîbasen: “ǁNâi sâ, î ǂû, î ā, î ǃgâiaǂgao.” (Luk. 12:19; 2Tim. 3:4) ǁÎb ge ge ǂâi hâ i ûib ǃnâ ǂhâǂhâsa xūn ge sâs tsî ǃgâi ǁaeba ūhâsa. Xawe gu ge Jesub tsî ǁîb apostelgu tsîna ǁîgu ǂkhîba hoan ǂam-ai ǂhâǂhâsa xū-i ase ge mû tama hâ i. Nētsē da ge ra dītsâ, Jesub di aiǁgausa saosa tsî sîsenni khaoǃgâ da ūhâ ǁaeba sâs ǃaroma ǀgui sîsen-ū tama hâ xawe aoǁnâ sîsenni tsî ǀhaode ǁhaoǃnâs ǃaromas tsîna. Kaise i ge sada amsi a ǂhâǂhâsa ǁkhāǁkhāsabedī tsî ǀhaode ǁhaoǃnâsa, nēs ǃaroma da ge hoaǁae ǁaeba ra ǁamaǂui gagasi xūn ǃnâ ǁhaos ǃaroma. (Heb. 10:24, 25) Sâǁaeb ai da ga hâ xawe da ge sada gagasi xūn ǀkha ra aiǃgû ǂgao, nēs ge ǀhaode ǁhaoǃnâs tsî khoen ǀkha da ga ǃhoa ǁkhā ǁae-i hoa-i ai aoǁnâba nîsa.—2Tim. 4:2. w19.12 7 ¶16-17

Jehovab ge hoa da ûi da nî ǀgausa ǁhûis aiǂhanuba ge mā. ǁÎb ge ǃgâi mîmâide dīs ǀkha ra huida tsî ǁîba ra ǂkhî kai mîmâide da ga dī o nēsa dīǀoaǀoas ǀkhas tsîna ra huida. (Psa. 119:173) Elobmîs ǃnâ hâ daoǁgaude da ga hoaǁae sîsen-ū o, o da ge ǃgâi mîmâide nî dī. (Heb. 5:14) ǃGâi mîmaiga da ga dī xawe da ge nēsa dīǀoaǀoas ǃgomsiba a hōǃâ ǁkhā. Nē aiǁgaudi xa ǂâi re: ǂKham ǃgâsab ge hoa Elobmîsa khomaisa ra mîmâi. ǁÎb ge nēsa ǀoro wekhega ra dī hō tsî ǁnāpaxū ra ǀû. ǃGâsas ge aimâba-ao sîsen-e dīsa ra mîmâi xawe nēsa ǁaeb hoaba ra mâiǂui. ǀHaohâb ǃûi-aogu ge ǀhaohâb ǃnâ ǃkhai hâ ǃgâsana sarisa ra mîmâi xawe ǁkhâgu ǃkharu hâse noxoba nēsa dī tsoatsoa tama hâ. Nē mâsigu hoagu ge a ǃkharagagu xawe ǀgui xū-i ge ra ǃgûǀhao. ǃGâsan ge mîmâiga ge dī xawe hoana nē mîmâiga ge dīǀoaǀoa tama hâ i. w19.11 26 ¶1-2

Jesub ge sida ǁaeba “Noaxi di tsēdi” ǀkha ge ǀgopeǀnō tsî amabes ǃnâ da ge ‘ǃgom ǁaegu’ ǃnâ ûi hâ. (Mat. 24:37; 2Tim. 3:1) Nēsa ǂâis ǃnâ ūhâsen ge ǀnî ǃgame hâ khoena ǀgôana ūhâsa ge mâiǂui în ǃnāsase Jehovab ǃoabas ǃnâ dī ǁkhā. ǀGôana ra nî ūhâ tsî matikō ǀgôana ra nî ūhâ ǃkhaisa ra nî mîǁguis, aiǃâ ra ge aibe ǃgame hâ khoera, ‘ǂhâba ra hâna nî ǃgôa.’ (Luk. 14:28, 29) ǃGame hâ khoen hîna ǀgôana ūhân ge ra ǂanǃgâ nēs kaise ǂgui mari-i ǀgui-e ǃkhōǂgā tama hâsa xawe ǂgui ǁaeb tsî ǀgaib tsîna. Nēs ge ǁaeb tsî ǀgaib tsîna ǂhâ hâ. Nēs ǃaroma i ge ǂhâǂhâsa în ǃgame hâ khoena sao ra dîde dîsen: ‘Hoama nî sîsen im sim omaris di ǂhâsiga kōǃgâ? Sim omaris di ǂhâsigu a taesam hoama ra mîǁgui? Hoam ga ra sîsen o ham-e ǀgôana nî kōǃgâ? Ham-e ǁîn di ǂâiǀgaub tsî tanisen ǀgaub tsîna nî tsâǀkhā?’ ǃGame hâ khoen ga nē dîdi xa ǂâiǃgâ o, on ge nētsēs xoas xas tsîna nî ǂâi. w19.12 23-24 ¶6-7

Apostel Paulub ûib ge ǁkhōǁkhōsa mâsigu ǃnâ ǂgui ǁaen ai ge hâ i. (2Kor. 11:23-28) ǁÎb ge ‘ǁkhū-e ǁîb ǁgans’ ǃnâs tsîna ge ūhâ i nē i ge ǀnîsi ǀaeb mâsi ge ī e. (2Kor. 12:7) Tsîb ge tsûaǂgaob tsâsigu tsîna gere hōǃâ Damab ǁîb di sîsen ǁare-aob ge xubi o, ‘ǃhūbaibab ge ǀnam amaga.’ (2Tim. 4:10) Paulub ge ǁkhoaǂgao ǂkhauhesa Xristeǁî ge ība hîna māsenxase nauna gere huiba xaweb ge ǁîb tsîna ǁaen ai gere ǂkhabuǂâi. (Rom. 9:1, 2) Paulub ge ǂhâb ge hâ i ǂkhâǃnas tsî ǁkhaeǂgaos tsîna gere hō. Matib nēsa gere hō? Jehovab ge ǁîb di ǃanu gagaba ge sîsen-ū ǁîba ǂkhâǃnâs ǃaroma. (2Kor. 4:7; Fil. 4:13) Jehovab ge ǁîba nau ǃgâsan ǃnâ-ūs tsîna gere ǂkhâǃnâ. Paulub ge ǀnî sîsen ǁare-aon ǁîb dina ǃoa kai ‘ǁkhaeǂgao-aon ase ge ǁnaeǁgau.’ (Kol. 4:11) ǁNā ǃgâsan hînab gere ǂgain ǁaegu gu ge Aristarxub, Tixikub tsî Markub tsîna ge hâ i. ǁÎgu ge Pauluba gere ǂkhâǃnâ tsî gere hui bi îb aiǃgû. w20.01 8 ¶2-3

Jesub tsîn ge ge ǁguiǃā īǁkhā tama i hâsa khoe-i hîna ǂkhauhe tama hâ-e mati i “ǁkhawa ǃnaes” tamas ka io “gagaba xu ǃnaesa” ra tsâsa ǁguiǃābasa. (Jhn. 3:3-8) Xristeǁîn ǂâiǀgauba mati ra ǀkharaǀkharahe ǂkhauhesa kain ga o? Jehovab nē Xristeǁîna nî ǂkhauhesa kai aiǃan ge ǃhūbaib ai ǀamosib kōse ûis di ǃâubasensa gere ǃgôaǃgâ. ǁÎn ge Jehovab eloxoresasiba nî ūbē tsî nē ǃhūbaiba nî paradais kai ǁaeba ǃoa gere mûǂui. ǀNîsin ge ǁîna ǁîn omaris ǁani-i tamas ka io ǀhōsa-i hîna ge ǁō-e khâisa xu ǁkhoreǁharesa ǃoa gere mûǂui. Xawen ge ǂkhauhesa kain ges khaoǃgâ ǁîn di ǂâiǀgauba ge ǀkharaǀkhara. Tae-i ǃaromasa nēsa? ǁÎn ge ǃhūbaib ai hâs ǃgâi tama hâ di ge ǂâi tsoatsoa tama hâ i. ǁÎn ge ǁîn ǂâiǀgauga ǃgomsinan gere hōǃâ tamas ka ion ge tsûaǂgao hâ i amaga ge ǀkharaǀkhara tama hâ i. ǁÎn ge ǂkhauhesa kain ge o, o ǃhūbaib ai hâs a ǀopeǀopesa di ge ǂâi tama hâ i. Jehovab ge ǃanu gagaba ge sîsen-ū îb ǁîn ǂâiǀgaugu tsî ǁîn ǃâubasens hînan ǃgôaǃgâ hâs tsîna ǀkharaǀkhara. w20.01 22 ¶9-11

ǁNā ǂhanub ǃnaga Elob ge Israelǁaesa māb ǃnagagu ge ǁguimâisa khoega gagasi xūn ǀguina ge kōǃgâ tama hâ i xawe gagasi tama hâ xūn tsîna gere kōǃgâ. Xawe Xristub ǂhanub ǃnaga gu ge ǀhaohâb ǃûi-aoga tsūdī hâ khoe-i hîna Jehovaba ra ǃoaba-i ǁhōgu ǀguiga ra kōǃgâ. (Gal. 6:2) ǁÎgu ge ra mûǂan ǃhūb di ǂhanub ǃereamsa ūhâsa Eloba xu, ǃhaoǃnâbe ǃgomsin tsî tsūdī ra khoen tsîn di ǁhōga kōǃgâsa. Nēs ge khoe-e ǀgoraǃgâs tsî ǃkhōsis ǃnâ ūs tsîna ǃkhōǂgā hâ. (Rom. 13:2-4) ǀHaohâb ǃûi-aogu ǃereamsa a tae khoe-i ga ǀhaohâb ǃnâ tsūdī o? ǁÎgu ge Xoade ra sîsen-ū nē ǁhōga ôaǃnâ tsî mîǁguiga dīsa. ǁÎgu ge ǂâis ǃnâ ra ūhâ ǀnammi ge a Xristub ǂhanub di ǃgaoǃgao. ǀNammi ge ǀhaohâb ǃûi-aoga ra ǂkhâǃnâ sao ra xūn xa ǂâisa: Tae-e nî dī-e ǀhaohâb ǃnâ hâ khoe-i hîna go tsūdīhe-e huis ǃaroma? Tsūdī-ao-i ga ǀhaohâb ǃnâ hâ o, ob ge ǀnamma ǀhaohâb ǃûi-aoga ra ǂkhâǃnâ sao ra xūn xa ǂâisa: ǁÎ-e ra ǃhausen? ǁÎ-e da a hui ǁkhā ǁî-i ǀhōsagusisa Jehovab ǀkha ǁkhawa omkhâisa? w19.05 7 ¶23-24

Nē mîdeb ge mî ob ge Jesuba ge mûǂan ǁîb ǁGûb ǁîb ûib di mā tsî kōǃgâ-ao ǃkhaisa. Jesub ge ǁîb ǁGûb ǃnâ ǂgomǃgâsiba ge ūhâ i tsî Jehovab ge ǁîb sorosi ǂhâsiga gere kōǃgâ. ǂHâǂhâsase Jehovab ge Jesuba gagasise gere kōǃgâ (Mat. 4:4) Jehovaba ge sida gagasi ǂhâsigu tsîna ra kōǃgâ. ǁÎb mîs ǃnâ-ūb ge ǁîb xa hâ amab, hoa xūn mati ge kuru-e ǀgaus, tae-i ǃaromab ge kuru das tsî tae-i hānîǁaeb ǃnâ nî īs tsîna ra mîba da. ǁÎb ge sida ǁgûn tamas ka io ǀnî hâ ǁkhāǁkhā-ao-e ge sîsen-ū ǁîb xa ǁkhāǁkhā das ǃgao. Tsî da ge noxoba ǀhaohâb ǃûi-aogu tsî ǀnî hâ ǃgâsan ǀhaohâb din xa ǀnamxaǃnâ ǀgaub ǃna ra omkhâihe. Tsîb ge sida ǀhaodi ǃnâ-ūs tsîna ra daoǁgau da, nēpa da ge sida gagasi ǃgâsan ǀkha ǀguiba ra ǁkhāǁkhāsen. Nē ǀgaugu tsî ǀnî hâgu tsîn ǃnâb ge Jehovaba ra ǁgau sida ǃnâb ǃgâiǃgâibasensa ūhâ ǃkhaisa.—Psa. 32:8. w20.02 3 ¶8; 5 ¶13

Suriguba da ga sada ǁaegu ūhâ o, o da ge ǂkhîba ūhâ tide. Surixasiba xu da ge ra ǂgōsen ǂgao tsî nau ǃgâsan ǃnâ surixasiba nî ǃaroma xūn tsîna xu. Tae-e da a dī ǁkhā nau ǃgâsana huis ǃnâ în surixasiba ǃkhamǃoa tsî mati da ǂkhîba a omkhâi ǁkhā? Sada tanisen ǀgaub tsî dīxūn ge nau khoen ai kai sîsenǂuiba a ūhâ ǁkhā. ǃHūbaib ge ǂhaba hâ sada xūn hîna da ūhân ǀkha da nî “kaikaisen” ǃkhaisa. (1Jhn. 2:16) Xawe nē ǀgaub ge surixasiba ra ǁgau. Surixasib gagasa nau khoen ǃnâ khâikhâisa da ge nî ǂgōsen sada ūhâ xūn tsî ǁama ǂgao da ra xūn tsîn xa hoaǁae ǃhoasa xu ǂgōsens ǃnâ-ū. ǀNî ǀgaub hîna da surixasib gagasa xu a ǁkhaubasen ǁkhāb ge sada ǀhaohâb ǃnâ ūhâ aiǂhanugu xa ǀnōsa ǂâiǀgauba ūhâsa. Kaise da ga sada aiǂhanugu ai ǂâisa ǂnûi o, o da ge surixasiba a omkhâi tsoatsoa ǁkhā. Xawe da ga nau ǃgâsan ǃnâ ǃgâiǃgâibasensa ūhâ tsî ǁîn da dī ǃgâi xūna mû tsîn ǁîn ǃgao goa nî o, o da ge ǀguiǃnâxasib tsî ǂkhîb tsîna ra omkhâi. w20.02 18 ¶15-16

Jehovab xa kurus ǃnâ-ū ǁkhāǁkhāsen re. (J.ǂHa. 4:11) Hain tsî xamanin tsîn ǃnâ-ū du ra mû ga-aisib xa ǂaiǃgâ re. Sada soros a kurusa ǀgaub xa ǁkhāǁkhāsen re. (Psa. 139:14) Tsî Jehovab ge sada soresa kuru-u kai ǀgaib xa ǂâi re. Nēs ge ǂgui ǀgamîrodi di ǀguisa. (Jes. 40:26) Nēsa du ga dī o, ob ge sadu Jehovaba ūba hâ ǃgôaǃgâsiba nî kai. Jehovab a gā-ai tsî ǀgaisa ǃkhaisa ǂans ge a ǂhâǂhâsa. Xawe ǀgaisa ǀnamma Jehovaba omkhâibas ǃaroma da ge ǁîb xa ǃnāsa-e nî ǂan. Jehovab ra tsâba du ǃkhaisa du ge nî ǂgomǃgâ. “ǁîbats ga ôao, ob ge sats xa nîra hōhe” di. (1Kro. 28:9) Elobmîsa du nēsi ra ǁkhāǁkhāsenba ǃaromas ge a nē, Jehovab ge ra mî, “tita satsa . . . ge ǂgae” di. (Jer. 31:3) Jehovab dība du hâ xūna du ra ǃgôaǃgâ khamib ge sadu ǀnamma ǁîb ǃoa-ai nî kai. w20.03 4 ¶6-7

Apostel Paulub ge ǃgâi aiǁgausa ge ǁgau aoǁnâ sîsen-e ǁîb ûib ǃnâ ǂgurose mâis ǃnâ. Korintes ǃnâb ge hâ io, ob ge ǀoro mari-e ge ūhâ i tsî ǁnās ǀkha tente gere kuru îb mari-e hō ǁkhā. Nē sîsenni ge aoǁnâ sîsenni ǃgao gere huibi îb Korinteǁîna ‘xū o ǃnâse’ ǃgâiǂhôasa aoǁnâba. (2Kor. 11:7) ǀNî hâ sîsengab gere dī xaweb ge Pauluba aoǁnâ sîsen-e hoaǁae ǂgurose gere mâi tsî sâtsēs ais tsîna gere aoǁnâ. ǁÎb mâsib ge dawa o, ob ge Pauluba ǃnāsa ǁaeba aoǁnâ sîsenni ǃnâ gere ǁhao. ǁÎb ge “mîs ǀkha ge ǀhawe i, Jodeǁînab nî Jesub a Xristu ǃkhaisa ǃkhō-ambase.” (ǃNǃkh. 18:3-5; 2Kor. 11:9) Egab ge ǀgam kurikha Romes ǃnâ oms ǃkhōsis ǃnâ a ūhe o, ob ge sari-aona gere aoǁnâba tsî sîǂkhanide gere xoa. (ǃNǃkh. 28:16, 30, 31) Paulub ge ǀnî hâ xūna ǁîb aoǁnâ sîsenni ǂam-ai ge mâi tama hâ i. w19.04 4 ¶9