Januarib

Timoteub ge mîs ǃnâ hâ xūnab gere ǁkhāǁkhāsen o, o ge a mû nēn a amasa tsî gere Jehovab di ǀhōsa kai ǂgao. Sadu tsîn ge Elobmîsa ôaǃnâ tsî aitsama nî mû tae-ets Jehovab xa ra ǁkhāǁkhāsensa. Tsoatsoas ǃnâ du ge aibe ǃnona ǁkhāǁkhāde nî ǂgom. ǂGuro du ge nî ǂgom Jehovab ge hoa xūna a kuru ǃkhaisa. (Eks. 3:14, 15; Heb. 3:4; J.ǂHa. 4:11) ǀGamǁîse du ge nî ǂan Elobmîs a haisi-amsa khoen ǃoa. (2Tim. 3:16, 17) Tsî ǃnonaǁîse du ge nî ǂgom Jehovab di ǀHûǀguitimî-aon Xristub daoǁgaus ǃnāga Eloba ra ǃoaba ǃkhaisa. (Jes. 43:10-12; Jhn. 14:6; ǃNǃkh. 15:14) Elobmîs hoasa danasa xu nî ǂan di i ge ǂâibasen tama hâ. Sadu ge ‘gā-aisib’ tamas ka io sadu ǁnâuǃāba nî sîsen-ū, î du nē amaba ǂgom.—Rom. 12:1. w20.07 10 ¶8-9

Nē kēbos ge ǂhoms hîna khoen aide ūhâs xa ra ǃhoa tsî ‘danadi ân ain kronde ūhâna, ǃhuniǀurise īde.’ (J.ǂHa. 9:7) Tsîn ge ‘ǁnā khoen ǀguin, Elob di saoǂnûisa ǁîn di ǃūdi ai ūhâ tamanan nî ǂkhôase’ ra ǂoa koro ǁkhâgu kōsen nî ǁîna tsûtsûga. (J.ǂHa. 9:4) Nēs ge amabes ǃnâ Jehovab ǂkhauhesa ǃoaba-aona ǃoa ra ǁnaeǁgau. ǁÎn ge Elob di ǀgoraǃgâs haisi amsa nē ǃhūbaib ǂama nî hāse īsa ra aoǁnâ tsî nēsa ǂkhâǃnâ tama hâna ra ǁaiǁai. Mî-i da ra Joeli 2:7-9 ǃnâ ra ǃhoaǃgao-e ǂhomgu tsî ǂHaiǂhais ǂkhanis ǂhomgu tsîn ǀgui tama hâ di? Î, Elobmîs ǃnâ di ge kēbode ǃkharagagu ǂâibasende ūhâ ǃkharagagu xūn ǃgaon ga sîsen-ūhe o. Aiǁgause, ǂHaiǂhais 5:5 ǃnâb ge Jesuba “Judab ǃhaos di Xammi” di ra ǂgaihe, 1 Petrub 5:8 ǁGâuaba “ǃguru ra xammi” ase ra ǁguiǃā. w20.04 3 ¶8; 5 ¶10

Hagars Sarais di ǃgās ge Abram- mas ge taras ase a māhes khaoǃgâ ǃgâi tama tanisen ǀgauba ge ūhâ tsoatsoa. Hagars ge ge ǀgamǀkhā tsî Sarais hîna ge ǀgôana hō ǁoa is ǀkha ǃgâi tamase ge hâ tsoatsoa. Nē mâsib ge ge ǁgaiǂgâ tsîs ge Hagarsa Sarais gere hā-ūsi ǀgaub xa ǃaroma-e hâse ge ǃkhoebē. (Gen. 16:4-6) Sada ǀoasa tama mûǂuiba xu da ge Hagarsa ǁgâi khoes ase ga mû hâ hîna ǁkharab hînas ge hōba anu hâsa. Xaweb ge Jehovaba ǃnāsa-e Hagars ǃnâ ge mû. ǁÎb ge ǀhomǃgāba ǁîsa ǃoa ge sî. ǀHomǃgāb ge ǁîsa ǀhao-ū o, ob ge ǁîsa hui tsî ǁîs ǂaiǀgauba ǀkharaǀkhara tsî ge ǀkhaesi. Hagars ge ge mûǂan Jehovab ǁîsa gere kōsa tsî ǁîs mâsiba ǃgâise ge ǂan i ǃkhaisa. ǁÎs ge nēs xa ǃaroma-e hâse ge mî “sats ǃgapaǀîs di Elots, . . . tita ra ǃgapaǀîba.” (Gen. 16:7-13) Jehovaba tae-e Hagars xa ge mûǂan? ǁÎb ge ǁîs khaoǃhūb tsî ǃkharu ǃnâs ge xūn tsîn hoana ge ǂan i. Jehovab ge ge ǂan i Hagars ge Saraisa gere hâ-ū ǀgaub ge ǂhanu tama hâ i ǃkhaisa. Xaweb ge Hagars tsâsigu tsî mâsib tsîna gere ǁnâuǃā tsî nēs ǃaroma ǃgâise gere hâ-ūsi. w20.04 16 ¶8-9

Apostel Paulub ge ge mî hoa ama Xristeǁîn ǃkhoeǀhûgus ǃnâ hâ di. (Heb. 12:1) Tsî hoada ǂkhaman tamas ka io kairan, ǀgaisan. ǂKhabusan hoan ge ǀams kōse Jehovab da mā ǀkhaeban ga ǃkhōǃoa ǂgao o, o nî ǃkhoe. (Mat. 24:13) Paulub ge ǃhoas aiǂhanuba ge ūhâ i ‘ǃkhoeǀhûgusab ǀams kōse’ ge ǃkhoe xū-i ao. (2Tim. 4:7, 8) Xawe tae ǃnôa ǃkhoeǀhûgus xab Pauluba gere ǃhoa? Paulub ge ǀnî ǁaen ai xūn hîna ǃkharu ge ǁaeb Greece ǃnâ gere īn xa gere xoa ǂhâǂhâsa xū-e ǁkhāǁkhās ǃaroma. (1Kor. 9:25-27; 2Tim. 2:5) ǁÎb ge ǃkhoeǀhûgusa ge sîsen-ū Xristeǁî ûiǀgauba ǁguiǃās ǃaroma. (1Kor. 9:24; Gal. 2:2; Fil. 2:16) Khoe-i ge nē ‘ǃkhoeǀhûgus’ ǃnâ ra ǂgâ ǁāǁnâs ǃnâ i ga Jehovab ǃoa-ai māǁnâsen o. (1Pet. 3:21) ǁÎ-i ge nēsa nî dan Jehovab ga ǀkhaeb ǀamo ûib diba mā i o.—Mat. 25:31-34, 46; 2Tim. 4:8. w20.04 26 ¶1-3

“Xawe ǃKhūb a ǂgomǂgomsa, sado ǀgaiǀgai tsî ǂkhababa xu nîra sâuba.” (2Tes. 3:3) Jehovaba mati ra ǁkhauba da? Jehovab ge hoaraga ǁâtanina mā da hâ. Hîna ǁGâuab di ǃâitsâga xu a ǁkhauba da ǁkhāna. (Efe. 6:13-17) Nē gagasi ǁâtanin ge kaise a ǀgaisa tsî ra sîsen. Xawe da ga hoaraga ǁâtanina ga ra ana ǀgara o. O ǀgui i ge sida a ǁkhauba ǁkhā. Aiǁgause, amab di belts ge. Amab hîna Elobmîs ǃnâ ra hōheba ǃoa ra ǁnaeǁgau. Tae-i ǃaroma da nē beltsa nî ana? ǁGâuab a ‘ǂhumib di ǁgû’ amaga da ge nî ana. (Jhn. 8:44) ǁGâuab ge ǀoadisidi kurina ǂhumib ǀkha ǃgôaxa. Tsîb ge ‘ǃhūbaib hoaragaba ǂgaeǂhapu’ hâ. (J.ǂHa. 12:9) Xawe amab hîna Elobmîs ǃnâ hâb ge ra ǁkhauba da. Î da tā ǁîb xa ǂgaeǂhapuhe. Xawe mati da nē amab di beltsa a ana ǁkhā? ǁNāsa da ge ra dī Jehovab xa da ga ǃnāsase a ǁkhāǁkhāsen o. Tsî da ge ǁîba ǃgâi ǂâis ǀkha nî ǃoaba. Tsî hoa xūn ǃnâ anusase nî tanisen.—Jhn. 4:24; Efe. 4:25; Heb. 13:18. w21.03 26-27 ¶3-5

Nē ǃhūba gere mâǂoa kai ǃkhais ge, nē ǃhūb ǃnâs ge ama ǂgomsa gere aiǃgûsa. 33ǁÎ kurib di pinkstertsēsa xub ge ‘ǃhūba’ ǀgui ǃâb ǃhūbaib diba ǃoa ǁnaeǁgau tama hâ. Jehovab khoen ǃhūbaib ǂhawase ǁan hâ amaga. Xawe “ǃhūb îsasib dib” ge Jehovab khoen nētsē ra dī sîsen-e ǃoa ra ǁnaeǁgau. Nēs ge ǀhaodi tsî aoǁnâ sîsen-i hîna Jehovaba ǃoabas ǃnâ ra dī-e na ǃkhōǂgā hâ. ǀUni tsēdi ǃnâb ge ǀapas di gaoba ǂgui ǃnâde “ǃhūb îsasib dib” ǃnâ ge ǂgâ. Aiǁgause, Nazi Germanib ge ǀapas di gao i o, ob ge “ǃhūb îsasib dib” ǃnâ ge ǂgâ, Elob khoenab ge mâǃoa tsî gere ǃgam o. ǀGamǁî torob khaoǃgâs ge Soviet Unionsa ǀapas di gao kai o, os ge “ǃhūb îsasib dib” ǃnâ ge ǂgâ, Elob khoea mâǃoa tsîs ge ǁîn omde xu gere ǂoa kai nî o. w20.05 13 ¶7-8

Jesub aiǃâ ge ûihâ i khoegu hîna ge Elob ǀhōsa kaigu ǃoa kō re. Abrahammi ge kaise ǀgaisa ǂgomsa ge ūhâ i. ǀOadisi kurigu Abrahammi ge ǁōs khaoǃgâb ge Jehovaba “ti ǀhōsab” ti ge mî. (Jes. 41:8) Nēs ge ra ǂâibasen Jehovab khoena ǁōn ga xawe ǀgū ǀhōsan ase ra mûsa. Abrahammi ge Jehovab ǂâis ǃnâ a ûitsama. (Luk. 20:37, 38) ǀKhara aiǁgaus ge Joba. ǀHomǃgāgu ǀguiba hâ hînab ge Jehovaba Jobi xa ǃgâise gere ǃhoa. Jehovab ge ǁîb xa ge mî: “Aob hîa ǂhanu-ai tsî ǂhauǃnâ tsî eloǃaoǃgâxa tsî ǂkhababa ra ǂgōsenna.” (Job 1:6-8) Tsî Jehovaba mati Danieli hîna ge ǁîba ǃoaba tama khoen ǁaegu 80 kuriga hâ ib xa gere tsâ? ǃNona ǃādi kōsegu ge ǀhomǃgāga ǁnā kaira aoba ge mîba Jehovab ǃoa-aib a “ǀnamǀnamsa” aosa. (Dan. 9:23; 10:11, 19) ǂGomǃgâ ǁkhā da ge a Jehovab ǁîb di ǀnamǀnamsa ǀhōsan hîna ge ǁōna khâisa māsa ǃoa ra mûǂuisa.—Job 14:15. w20.05 26-27 ¶3-4

ǃGâi Elobmîs ôaǃnâ-ao i ge. Elob di mîǁguiga ǃgôasiba a omkhâiba ǁkhā. Xawe i ǀnammi xa ǁgari-e hâse Jehovaba nî ǁnâuǀnam? ǂÂiho re, Evas ge Elob mîǁguiga ge ǂan i. Xawes ge ǁnā mîǁguigu mā-aoba ama ǀnamma ge ūhâba tama hâ i. Adammi tsîn ge Eloba ge ǀnam tama hâ i. (Gen. 3:1-6) Nēs ǃaroma da ge ǃnāsa-e nî dī. Khoena Elob mîǁguigu xa ǀgui ǁkhāǁkhās xa. Jehovab mîǁguigu tsî ǁgaragu ge hoaǁae sada ǃaroma a ǃgâi. (Psa. 119:97, 111, 112) Xawe sada Elobmîsa ra ǁkhāǁkhā khoen ge. Nēsa ǁnāti mû tide, Jehovab ǀnammi nēs ǃgâb ai hāban ga mû tama io. Nēs ǃaroma da ge a dî nî ǁkhā: “Tae-i ǃaromab ge Jehovaba ǁîb khoena ǂgan în ǀnî xūna dī tsî saorana xu ǂgōsen di du ra ǂâi? Nēsa tae-e ǁîb xa ra mîba da?” Elobmîsa da ra ǁkhāǁkhā khoena da ga hui o. În Jehovab xa ǂâi tsî ǁîb ǀonsa ǃgam ǃgôasiba omkhâiba. O da ge ǁîn ǂgaoga a tsâǀkhā ǁkhā. Tsîn ge Elobmîsa da ra ǁkhāǁkhā khoena. Elob mîǁguigu ǀguiga ǀnam tide xawe mā-aob tsîna. ǁÎn ǂgoms ge nî kai tsîn ge ǃgom mâsigu ǃnâ mâǀgais ǀkhas tsîna nî hui-e.—1Kor. 3:12-15. w20.06 10 ¶10-11

ǃNūǃnâxasiba da ge nî ūhâ gagasise ǂūrus ǁaeba ra ū amaga. ǂGui ǃgâsan hîna ge ǃkhai hâ în ge ra mî. ǂGui ǃnāden ǀhaohâb ǃûi-aogu tsî ǀhaohâb ǁanin xa sarihe hâ. Hîna ǀguin ge Jehovaba ǃoa oasa. Nancy di ǀon hâ ǃgâsas hîna Asiab ǃnâ ra hâs ge ra mî: “ǀGū ǀhōsas hîna ta ge ǀhaohâb ǃnâ ūhâ is ge tita kaise ge hui. ǁÎs ge tita ausis khami gere hâ-ū. ǁÎs ge ǁkhoaxa ǁaegu hînam ge ǃkharu ge ǁaeb ǃnâ ūhâ i gu xa gere ǂâi kai te. ǁÎs ge ti tsâsigu xa ta gere mîba si o ǃgâise gere ǃgâ. Tsî sau tamase gere dauǁgau te. ǁÎs ge kaise ge ǃgâi ǀhōsa-i tsî hoaǁae gere hui te.” Tsâba ǁhaoxasib ge ǀgaisa salf-i khami i tsî khoe-i ǂgaoba a ǂgauǂgau ǁkhā. ǀNî ǃkhai hâ ǃgâsan ge kuriga ǃkharu hâse. ǀHaohâb ǃnâ hâ ǃgâsa-i xa ge tsûtsû-e tsî nēsis kōse ǁaixa hâ. Nēs xa ǃaroma-e hâsen ge Jehovaba ǃoa oaǀkhī ǂgao tama hâ. ǀNîn ge ǂhanu tamasen ge hā-ū-e khami ra tsâ. ǀNîsin ge ǁîna ǃgâ tsî ǁîn tsâsiga nî ǁnâuǃā khoe-e ǂhâ hâ. w20.06 26 ¶10-11

ǁGâiba du ra māǃoa ǁaeb hoaba du ge saora ǃnās ǃgao ra ǀgaiǀgaisen. ǂÂis ǃnâ ūhâ re, ǃhūbaib ǁgoe-ūguba ra mû ǀgaus ge ǁGâuaba xu ra hā. Māǁnasen tamats ka i ots ge ‘ǂkhababa ra dan.’ Jehovab ǀguib taen ǁoren ǃnaga ra ǁnāsa a mîǁgui ǁkhā ǃkhaisa da ge ra ūǃoa. Tsî da ge ǁkhā da as kōse ǁoreba xu ra hâbe. Xawe ǁore da ga ǁaeb ai da ge ǀgore tsî Jehovaba dī da go tsū xū-i xa ra mîba. (1Jhn. 1:9) Tsî kai ǁore-e da ga dī o, o da ge ǀhaohâb ǃûi-aogu di huiba ra ôa, ǁîgu sida gu nî kōǃgâ ga Jehovab xa ǁgaumâihe hâ amaga. (Jak. 5:14-16) Xawe da ge tā ǀnai da ge dī ǁoren xa ǁaeb hoaba nî ǂâi. Tae-i ǃaroma? Sida ǀnamxaǃnâ ǁGûb ge ǁîb ôaba xoremarib ase a mā amaga, sida ǁoren nî ǀûbahese. Jehovab ǃhausen ra khoenab ge nî ǀûba tira mî o, ob ge amabes ǃnâ ǁnāsa nî dī. ǁNā-amaga i ge xū-i hîna Jehovaba ǃanuǃgâi ǂâis ǀkha ǃoabasa nî ǁkhaeda-e a ǀkhai.—1Jhn. 2:1, 2, 12; 3:19, 20. w20.07 22-23 ¶9-10

ǁAeb ge ge hâ-i Jehovab ge ǀguri hâ-i ba. Xaweb ge ǁîba ge ǀguritsâsen tama hâ i. ǀGurib ge hâ-i xaweb ge Jehovaba ge ǂkhî-i. Tib gere tsâ xaweb ge Eloba nau khoen nî ûi tsî ǂkhîse hâsa gere ǂhâba. ǀNammi xa ǁgari-e hâseb ge Jehovaba xūna ge kuru tsoatsoa. (1Jhn. 4:19) ǂGuroseb ge Jehovaba ǁîb sîsenǁare-aob Jesuba ge kuru. ǁNāpaxū i ge ǁîb ǂguro ǀGôab ǃnâ-ū ‘xūn hoana ge kuruhe,’ miliundi ǀhomǃgāna ǃkhōǂgāhase. (Kol. 1:16) ǁÎb ǁGûb ǀkha sîsens ge Jesuba kaise gere ǂkhî kai. (ǂKhm. 8:30) ǀHomǃgāgu tsîn ge kaise ge ǂkhî-i. ǁÎgu ge ge mû matib Jehovab tsî Jesub tsîna ǀhommi tsî ǃhūbaib tsîna ra kuru ǀgausa. ǀHomǃgāga tae-e ge dī? ǁÎgu ge Jehovaba ‘dâb’ ǀkha ge koa ǃhūbaibab ge kuru-o. Jehovab nau xūna ra kuru ǁaeb hoaba gu ge Jehovaba gere koa, ǃgōsase khoenab ge kuruo. (Job 38:7; ǂKhm. 8:31) Nē gere kuruhe xūn hoan ge Jehovab ǀnammi tsî gā-aisib tsîna gere ǁgau.—Psa. 104:24; Rom. 1:20. w20.08 14 ¶1-2

Jehovab ge ge kuru da î da ǀnam tsî ǀnamhe. Tsî i ga khoe-e ga ra ǃhui da o, o da ge kaise ra tsû. Tsî ǀnîsi ǀnî ǁaegu ais tsîna ra ǃao. ǀNî ǃgâsab ge ra xoa: “Soldagu ge ǂnaute tsî tita ǃoa ǁgai xūna a mî o. Tita ge Jehovab di ǃoaba-ao i ǃkhais ǃaroma. O da ge kaise ǁgaise tsâ tsî ge ǃao tsoatsoa.” ǁNāti i ǃhuib ge kaise a tsûtsû ǁkhā. Xawe da ge ǁnās xa buru tama hâ. Jesub tsîn ge ge mî ǃhuihe da nî ǃkhaisa. Tae-i ǃaromab ǃhūbaiba Jesub di saosabena ǃhui hâ? Jesub khami da sida tsîna ‘ǃhūbaiba xu hâ tama’ hâ amaga. (Jhn. 15:17-19) ǃHūbaib di ǂhanuga da ge ra ǁnâuǀnam. Xawe da ge tātsēs tsîna ǁîn mâi hâ. Tamas ka io kuru hâ xūna ǀgoreǀî tide. Sida ge Jehovab ǀguiba ra ǃoaba. Sida ge Jehovaba ra ǂkhâǃnâ îb ǁîba khoena ǂgaeǂgui. Xawe ǁGâuab tsî ǁîb di “surib” ge Jehovab di ǂgaeǂguisa ra mâǃoa. (Gen. 3:1-5, 15) Sida ge ra aoǁnâ Jehovab di Gaosib ǀguib khoena ǃâubasensa nî māsa. Tsîb nē Gaosiba ǁnān hîna ǁîna ra mâǃoana nî dīkākāsa. (Dan. 2:44; J.ǂHa. 19:19-21) ǁNā ǂhôas ge ǁnān hîna ǃgamǃgamsenxan ǃaroma a ǃgâi. Xawe ǁnān hîna ǀgapi ǂâixan tawa ǃgâi tama hâ. w21.03 20 ¶1-2

Jehovab ge ǂhâǂhâsa sîsen-e ǃgâsade mās ǃnâ-ū ra ǁgau ǁîdeb ra ǃgôasa. ǁÎdi ge gā-aisib, ǂgoms, ôasasib, ǁkhoaǂgaosib, māǀnamxa tsî ǃgâi sîsenga ra dī. (Luk. 8:2, 3; ǃNǃkh. 16:14, 15; Rom. 16:3, 6; Fil. 4:3; Heb. 11:11, 31, 35) Kaise da ge ra ǃgâiaǂgao kaira ǃgâsan tsîna da ǀhaohâgu ǃnâ ūhâsa. Nē ǃgâsan ge kurigu ra ī khama ra ǀaeǂgâ. Xawen ge nē ǃgâsana ǁkhān as kōse ra aoǁnā tsî ǁîn ǀgaiba ra sîsen-ū în nau khoena ǂkhâǃnâ tsî ǁkhāǁkhā. Tsî da ge sida hoada ǁîn ge ǁîn ûib ǃnâ a ǁkhāǁkhāsen xūna xu ra ǀama. ǁÎn ge Jehovab tsî sida mûǁae kaise a îsa. (ǂKhm. 16:31) Sida ǂkham khoen xas tsîna ǂâi re. ǁÎn ge ǁGâuab tsî ǁîb eloxoresa ǂâiǀgaub xa ǀoa hâ ǃhūbaib ǃnâ ra kai tsî ǂgui ǃgomsina ra hōǃâ. ǁNā-amaga da ge kaise ra ǂkhâǃnâ-e, ǂkham ǀgôan ǀhaodi ai ǃeream, aoǁnā tsî ǁkhoaǂgaose ǁîn ǂgomsa ra mâba ǃkhaisa da ga mû o. Sadu ǂkham khoedu ge ǂhâǂhâsa ǃâba Jehovab ǀhaohâb ǃnâ ra ǀhuru.—Psa. 8:2. w20.08 21-22 ¶9-11

Aoǁnâ tsoatsoa tsî da ga ra Jehovab di ǀhûǀguitimî-ao kai o. O i ge sida omaris khoena ra mâǃoa da. Tsîn ge sida di ǀhōna ra ǃhō da tsî ǀnîn ge ǃgâ ǂgao tama hâ. ǁKhoaǂgaosiba du mati a omkhâi ǁkhā? ǂGurose du ge nî ǂgom Jesub noxoba ǀhomma xu aoǁnâ sîsen-e ra mûǂamsa. (Jhn. 16:33; J.ǂHa. 14:14-16) ǁNāpaxū du ge Jehovab nî kōǃgâ du ǃkhais ǃnâ ǂgomsa nî omkhâi. (Mat. 6:32-34) Sadu ǂgoms ra ǀgai khamib ge sadu ǁkhoaǂgaosiba nî ǀgai. ǀGaisa ǂgomsa du ūhâsa du ge ge ǁgau. Sadu a ǂan khoen tsî sadu ǀao khoena du ge mîba o. Jehovab ǀhûǀguitimî-aon ǀkha du ra ǁkhāǁkhāsen tsî ǁîn ǀhaode ra ǁhaoǃnâsa. Amase du ge sadu tanisen ǀgaub tsî sadu ûib ǃnâ, ǂgui xūna ge dawa. Jehovab di ǂgaoǀkhādi ǃoa-ai du ra ûi ǂgao amaga. ǁNās tsîn ge ǂgoms tsî ǁkhaoǂgaosiba ge ǂhâ hâ-i. “ǃKhūb, sa Elob ge sa ǀkha hâ” ǁkhoaǂgaosibats ra omkhâi hîna.—Jos. 1:7-9. w20.09 5 ¶11-12

Gao-aob Asab ge ǃgâi aiǁgaub hîna ge gā-aise tanisen tsî Jehovab ai a ǂgomaiǂnûiba. ǁÎb ge ǁgai ǁaeb ai ǀgui Jehovaba ge ǃoaba tama hâ i, xawe ǃnorasa ǁaeb ais tsîna Jehovaba gere ǃoaba. ǂKhamsisa xub ge “Asab di ǂgaoba ǀoasase ǃKhūb ǀkha ge hâ i.” (1Gao. 15:14) ǀGui ǀgaub hînab ge ǂgomǃgâsiba a ǁgaub ge ama tama hâ ǂgomde Judaba xu ūbēsa. Elobmîs ge ra mî: “ǁÎb ge ǃhao altardi tsî ǀgapigu tsîga ūbē, tsî ǂnûikhâihesa īga khôaǂkhū tsî haiǂgaode ǁhāǁnâ” ti. (2Kro. 14:2, 4) ǁÎb aumas Maaxas tsînab ge ǀgapi ǃharosa xu ge ūǁnâ. Tae-i ǃaroma? ǁÎs ge ama tama ǃoabade gere ǃkhōǃkhō ǃkhais ǃaroma. (1Gao. 15:11-13) Asab ge ǂhumi ǃoabadi ǀguide ge ūbē tama hâ i, xaweb ge ǁîba Judab gaosib ǃnāka hâ khoena ge ǂkhâǃnâ în Jehovaba ǁkhaba ǃoaba tsoatsoa. Jehovab ge Asaba ǀkhae tsî ǁaerob ǃnorasasiba Israelǁaesa ge mā. Nē disi kurigu ǃnâb ge Asab ǂgaeǂguis ǃnāka ǃhūba “ge ǃnōsa” i.—2Kro. 13:23; 2Kro. 14:3, 5. w20.09 14 ¶2-3

ǀNî ǁaega da ge sida di ama-ai xūna nau khoen di ǃomdi ǃnâ ra ǁnāxū. Aiǁgause da ge mari-e banks ǃnâ ra sâu. Nēsa da ga ra dī os sida di marisa kā tamas ka io ǃnarihe tidesa da ge ra ǃâubasen. Apostel Paulub ge Timoteuba ge hōhōǃnâ ǀō-aisa xū-eb māhe hâsa. Nēs ge Elob ǂâibasens khoen ǀkhab ūhâsa ǂansa. Timoteub ge “mîsa aoǁnâs” tsî “ǃgâiǂhôa-aob di sîsenna” dīs di aiǂhanub tsîna Jehovab xa ge māhe. (2Tim. 4:2, 5) Paulub ge Timoteuba ge mîba îb māheb ge xūna kōǃgâ. Timoteub khami da ge sida tsîna nētsē ama-ai xūna māhe hâ. Jehovab ge amab ǂansa ge māda tsî nē ǂans ge Elobmîs ǃnâ a hō-e ǁkhā. Nē amab ge a ǀō-aisa sidab ǃgâi ǀhōsagusisa Jehovab ǀkha ūhâsa ra ǁkhāǁkhā ǃkhais ǃaroma. Tsî-i ge ra mîǃā tae-i ama ǂkhîba ûib ǃnâ ra hausa. Nē amaba da ga ūǃoa tsî ûiǂui o da ge ǂhumi ǂomdi tsî ǁgauoǃnâ ûiga xu ra sâuhe.—1Kor. 6:9-11. w20.09 26 ¶1-3

Elobmîsa du ra ǁkhāǁkhā khoe-i ge nî mû, amab Elobmîs ǃnâ ra hō-e ba du a ǀnam tsîra ǂgom ǃkhaisa. O i ge ǁkhāǁkhāsen ī ra xū-i ǃaroma nî ǂkhî. ǀNîsi du ge ǁî-e a mîba ǁkhā Elobmîs ge sado, sadu di ûib ǃnâ mati a huisa. O i ge nî mû Elobmîs ǃnâ hâ tsoatsoadi ǁî i tsîna a hui ǁkhā ǃkhaisa. Elobmîs ǁkhāǁkhās ǃnâ ǁkhāǁkhā du ra khoe-e ǃgâsan hîna ge ǁkhā ǃgomsina ūhâ i tsî nēsa a dânan xa ǁgamba re. ǀHaohâba xū du ge ǃgâsa-e a ūsao ǁkhā hîna ǃgâi aiǁgau-e ūhâ-e ǁkhāǁkhā du ra khoe-e a hui ǁkhā-e. ǁKhāǁkhā du ra khoe-e hui re ī i mû mati i Elobmîs tsoatsoade nî hui nîsa ī i ǀkharaǀkharana dī. ǁKhāǁkhā du ra khoe-e ǃgamme ī hâ? ǁÎ i di aob tamas ka io tarasa ǁkhāǁkhāsen ī ra? Ti i ga ī tama io ǁî-e ǁkhau re ī i ǂnûǂgâ. ǁKhāǁkhā du ra khoe-e ǂkhâǃnâ re ī i ǁkhāǁkhāsen i go xūna ǁîn ǀhōn tsî ǁîn omaris ǁanin ǀkha ǀgoragu.—Jhn. 1:40-45. w20.10 16 ¶7-9

Josefi tsî Marias tsîra ge Jesuba ge hui îb Jehovab xa ǀnamhe. ǁÎra ge Jehovab ǁgûna ra mā daoǁgausa a sao-ai amaga. (Deu. 6:6, 7) Marias tsî Josefi tsîn ge Jehovaba ge ǀnam i. Tsî ǁîra di mîǁguib ge îra ǁîra di ôana ǂkhâǃnâ, în ǁkhā ǀnamma Jehovaba ūhâba. Marias tsî Josef hara ge hoaǁae omaris ǀkha ǀguiba Jehovaba gere ǃoaba. ǁÎn ge mâ wekheb hoaba ǀhaode ǃoa gere ī. Tsî kurib hoaba Pasxakaitsēsa Jerusalems ǃnâ gere hâǃnâ. (Luk. 2:41; 4:16) Josefi tsî Marias tsîra ge Jerusalemsa ǃoan gere ǃnari daob ǃnâ. Jesub tsî ǁîb di ǃgân tsîna, tae-i ge Jehovab di khoen ǀkha ǃkharuge ǁae a īsa gere ǁkhāǁkhā. ǁNā daob ǃnân ge nau ǃkhaidi tsîna gere sari, Elobmîs ǃnâ a xoasa de. ǃNāsa ǀgôana ra ge hō o i ge ǁîra ǀnîsi supuba tama ge hâ i. Îra ǀnai ra ge Jehovaba gere ǃoaba khami ǃoaba. Xawe kō re ǀkhaeb hîna ra ge hōǃâba. ǁÎra di ǂgomsa ra ge ais ai a mâi amaga i ge ǁîn di omarisa gagasise gere kōǃgâhe. w20.10 28 ¶8-9

Elobmîs ǁkhāǁkhāsa ǃoa du ga ǁkhauhe o. O du ge ǃhoaǃgaohe nî ǃâba nî aiǂhomi. Dorini, ǀō-aisa aimaba-aob ge ra mî: “Kaise ta ge a ǃgâibahe ǁkhau da hâ khoe-i ga aiǂhomisen o. Nēsa i ga dī, o i ge omkhâi ra xūna ra ǃhoa.” Tsî i ge ǁkhāǁkhāsen ra khoe-e nî mû. Aiǂhomisen du hâsa. Tsî sadu aiǁgausa nî sao. ǃAmkuse aiǂhomisens di ǁae-e du ga ūhâ tama io. O mâǂoa ra ǂâide kō re. ǀGores ge kaise ǂhâǂhâsa ǃâba ra ǀhuru. Elobmîs ǁkhāǁkhās tawa. ǁNā-amaga du ge ǀnai nî ǂâiǃgâ tae-e du nî mîsa ǀgore kaihe du ga o. O du ge ǁnā ǁaeb ai ǃamkuse nî ǀgore. (Psa. 141:2) Hanaes hîna Japani ǃnâ ra hâs ge ra ǂâi hō. ǁÎsa gere ǁkhāǁkhā ǃgâsas ǀkha gere sī ǃgâsas gere ǀgore ǀgausa. ǁÎs ge ra mî: “Jehovabas kaise a ǀnamsa ta ge gere mû. Tsî ta ge ǁîs khami gere ī ǂgao. Ti ǀonsas ge ǀgoredi ǃnâ gere ǂgai. Amaga da ge ge ǂan i ǀnamtes a ǃkhaisa.” w21.03 9-10 ¶7-8

Jesub ge Apostel Pauluba 56ǁÎ kurib ǃnâ ge mîmâiba, Romes ǃnâb ǃnorasase nî sī ǃkhaisa. Xawen ge ǀnî Jodeǁîna Jerusalems ǃnâ Pauluba ǁnāǂamsa gere ǂâi tsî ǁîba gere ǃgam ǂgao. ǀGapi ǃgôahesa ǃāǃkhōmâi-aob, Romeǁîn toroǂnubis dib, Klaudiu Lisiatab ge nēs xa a ǁnâu ob ge Pauluba ge hui. Klaudiub ge ǃhaese ǂgui soldaga ge sî, îgu Pauluba Kaesareasa xu Jerusalems kōse kōǃgâ. ǁNapab ge ǃāǃkhōmâi-aob, Feliksa ge mî îb Pauluba ‘Herodeb di ǂhanuǂhanu-ommi ǃnâ sâuhe.’ Jodeǁîn Pauluba gere ǃgam ǂgaon ge ǁîba ǁnapa tsûtsû tide. (ǃNǃkh. 23:12-35) Xawe Feliksi ge ǁôa ob ge Festuba ge ǀasa ǃāǃkhōmâi-ao kai. ǁÎb ge ‘Jodeǁîna khoexasi-e’ gere ǁgau ǂgao. Tsîb ge Pauluba ge dî: “Jerusalems ǃoa ǃapa ǂgaots ra, ǁnāpats nî tita aiǃâ nēn ǃaroma ǀgoraǃgâhega?” Paulub ge ge ǂan i Jerusalems ǃnân Jodeǁîna ǁîba nî ǃgam ǃkhaisa. ǁÎb ge ge mî: “Kaesari ai ta ra ǂgaimāsen” di. Festub ge Pauluba ge mîba: “Kaesarats go ǂgaimāsen, ots ge Kaesari ǃoa nî ǃgû.” ǀGūǁaeb ge Pauluba Romes ǃnâ sī nî hâ, kaise ǃnūse, ǁîba gere ǃgam ǂgao Jodeǁîna xu.—ǃNǃkh. 25:6-12. w20.11 13 ¶4; 14 ¶8-10

Hoada ge ǁae-i ai ra ǀhapitsâsen. Aiǁgausen ge ǀnîna amab ǃnân nî ǂgāxas aiǃgân ge dī xūn ǃgao ra ǀhapitsâsen. Tsî ǀnîn ge ǁāǁnâs khaoǃgân ge dī xūn ǃgao ra ǀhapitsâsen. (Rom. 3:23) Ama as ge hoada ge ǃgâi xūna ra dī ǂgao. Xawe ‘da kom kaise xūn hoan ǃnâ ra ǃnôao.’ (Jak. 3:2; Rom. 7:21-23) ǀHapitsâsens ge ǃgâiaǂgao kai da tama hâ. Xawe i ge ǃgâi xū-e ra dī. Tae-i ǃaroma? ǀHapitsâsens ge ra huida î da ûib ǃnâ ǀkharaǀkharana dī. Tsî dīsā da go xūna tā ǁkhapa dī. (Heb. 12:12, 13) Īǁkhā a ǃkhais ge kaise da ge ǁgaise a tsâ ǁkhā. Nēs ge ra ǂâibasen sida di ǁorena xu da ǃhobasen tsîb Jehovaba ǀūbadab hâsa ǁgauda hâ, xawes tsîna da ge nox a ǀhapitsâsen ǁkhā. Nē ame ǀhapitsâsen ǀgaub ge kaise a ǃaoroxa. (Psa. 31:10; 38:3, 4) ǁNā-amaga da ge nî ǃûisen î da tā kaise ǀhapitsâsen. Tae-e-i ǃaroma? Jehovab sida a ǀnam tsî ǀūba hâs khaoǃgâ da ga ǁîba a ǃoaba ǀū, o da ge ǁGâuaba ra ǂkhîǂkhî.—2 Korinteǁîn 2:5-7, 11 sa ǀgopeǀnō re. w20.11 27 ¶12-13

Leviǁîb psalmdi xoa aob ge ǁgai tsî ǀgapi ǂâixa khoena ge ǃhui tsoatsoa. ǁÎn gere dī ǁgai xūn ǃaromas ose xawe ǁîn ge ǁîb xa ǃgâi ûiba ūhâ-i amaga. (Psa. 73:2-9, 11-14) ǁÎn ge hoa xūna ge ūhâ-i, ǃkhusib tsî ǃgâi ûib tsîna ǃgomsi-i ose. Leviǁî psalmdi xoa-aob ge Jehovab xūna ra mû khami nî mû tsoatsoa. Tsî tā ǂkhabuǂâi tsî Eloxoresa khoena nî suri. Nēsab ga dī ob ge ǂâi ǂhansen tide tsîb ge ǂkhîba nî ūhâ. ǁÎb ge ge mî: “Sa xōǀkhā ta xū-i xare-e tura tama ǃhūbaib ai.” (Psa. 73:25) ǁNā-amaga da ge tā ǁgai xūna ra dī khoen hîna ǃgâi ûiba ūhâna nî suri. ǁÎn di ǂkhîb ge nî bē. (Aoǁn. 8:12, 13) ǁÎna da ga ra suri o da ge nî ǂkhabuǂâi. Tsî da ge Jehovab ǀkha da ūhâ ǀhosagusis tsîna a ǂoaǃnâ ǁkhā. Nē Leviǁîb khami du ga ǃgâi xūna dī tama khoena ga suri o, ǁîb ge dī xū-e dī re. Elob di ǀapemāsa ǁnâuǀnam re. Tsî ǁnān hîna Jehovab di ǂâisa ra dīn ǀkha hâ re. Jehovaba du ga hoa xūn xa a ǀnam o, o du ge ama ǂkhîba nî hō. Tsî du ge ‘ǀamo ûiba’ ǃoa garu daob ai nî hâ.—1Tim. 6:19. w20.12 19 ¶14-16

Jehovaba ǃoa du ga sadu ǂâiǂhansendi xa ǀgore o, gangans tsîna mā re. Kaise i ge ǂhâǂhâsa î da sida ǀkhaega ǃgôa. ǃGom mâsin ǃnâ da ga hâ xawes tsîna. ǀNî ǁaegu ai da ga mîde ūhâ tama i. Sida di tsâsiga ǁguiǃāsa, xawe da ge nî ǂâihō. Jehovab “toxoba hui te re” di hâ ǀgores tsîna ra ǃereamsa. (2Kro. 18:31) Jehovab di gā-aisib ai ǂgomaiǂnûi re, sadu dib ose. Kēbo-aob Jesajab ge ûi hâ i ǁaeb ǃnân ge. Jodeǁîna Asiriaǁîn xa ǁnāǂamhesa gere ǃao. Jodeǁîn ge Asiriaǁîn xan gaoǂamhe ǂgao tama hâ amaga Egipteǁîn ai huiba ge ǂgan. (Jes. 30:1, 2) Jehovab ge ge mîba nî Egipteǁîn ǃnâ ǂgoms, ǃgâiba hau tide ǃkhaisa. (Jes. 30:7, 12, 13) Jesajab ǃnâ-ūb ge Jehovaba ǁîb khoena ge mîba. Matin ama ǃnorasasiba a hōǁkhā ǃkhaisa. ǁÎb ge ge mî: Jehovab ǃnâ ‘ǃnomsase hâs. Tsî ǂgomaiǂnûis tsîra ge nî ǀgai kai da’ ti.—Jes. 30:15. w21.01 3-4 ¶8-9

ǂGomǂgomsase gu ge hâ amaga gu ge. Jesub di ǃgâga ǀhommi ǃnâ nî gao kai. Tsî nî prister kai. (J.ǂHa. 20:6) Jehovab tsî Jesub tsî ǀhomǃgāgu ge. Kaise nî ǂkhî 144 000 ǃgâsan ga ǁîn di ǀhomsi ǁgaumâisa ga ra hō o. Apostel Johaneb ge 144 000 gaogu. Tsî pristergu xa ǃhoa toas. Khaoǃgâb ge ǁîba ǀō-aisa xū-e ge mû. “Kai ǂnubis” hîna ge Armagedonsa a ûiǃkharusa. ǀGamǁî ǃgubis ge ǂguron xa a kai tsî a ǃgôahe ǁoa. (J.ǂHa. 7:9, 10) ǁÎn ge “ǃuri saraga” ana hâ. Tsî ra ǁgau ǁîn a ‘ǂnao-o’ Satanni ǃhūbaib ǃnâ. Tsî ǂgomǂgomsase Xristub tsî Elob ǃoagu hâsa. (Jak. 1:27) ǁÎn ge ra dâ Jehovab tsî Jesub ge dība nî xūn ǃgao. Tsî gu ge nē ǁaeb ai palmhais di ǂgonaga ǃomman ǃnâ ge ūhâ-i. Tsî ǁnās ǀkha gere ǁgau ǁîgu ra ǂanǃgâsa. Jesub Jehovab xa gaob ase ǁgaumâihe hâsa.—Johaneb 12:12, 13 sa ǀgopeǀnō re. w21.01 15-16 ¶6-7

Aob ge a ǃgâi dana kai ǁkhā, Jehovab tsî Jesub tsînab ga ǁgae o. Aiǁgause, ǃgamǃgamsenxasib xa ǂâi re. Jehovab ge hoada xa a gā-ai. Xaweb ge ǁÎb di ǃoaba-aon di ǂâiǀgaub tsîna ra ǃgâ. (Gen. 18:23, 24, 32) Jehovab ge ǀoasa kurusa ūhâ. Xawe ǀoasa kurusa da nî ūhâsa nēsi ǂgaoǀkha tama. Tsîb ge ǀoasa kurusa ūhâ tama khoen tsîna ra hui. În ǃgâi ǀgaub ǃnâ ǁîba ǃoaba. (Psa. 113:6, 7) “Hui-ao” tib ge Jehovaba Elobmîs ǃnâ ra ǂgaihe. (Psa. 27:9; Heb. 13:6) Gao-aob Davib ge ge mî sîsen-i hînab ge māhe-eb ge Jehovab ǃgamǃgamsenxasib tsî huib ǀkha ǀgui dīhō ǁkhā ī ǃkhaisa. Jesub di aiǁgausa kō re. ǁÎb ǁkhāǁkhāsabegu di ǃKhūb ge i, xaweb ge ǁîgu di ǂaide ge ǁā. Jesub ge ge mî: “Aiǁgau-e ta go mā go, sago on nî dīga, tita goro dība go khami.” (Jhn. 13:12-17) Jesub ge kai ǃereamsa tani hâ i. Xaweb ge ge ǂgaoǀkha tama hâ i îb ǃoabahe. Xaweb ge ǁîba nau khoena gere ǃoaba.—Mat. 20:28. w21.02 3-4 ¶8-10

ǂKham ǃgâsago ǂgui xūna go ge ǀhaohâb ǃnâ a dī ǁkhā. ǂGui go ge ǀgaib tsî ǁkhāsib tsîna ūhâ. ǂGui xūna go ge ra dī î go sago ǃgâsana hui ǁkhā. ǀNîsi go ge ǀhaohâb hui-aob ase ǁgaumâihesa ǃoa ra mûǂui. Xawe go ge ǀnîsi ra tsâ ǂkham tsî go ǂansa ūhâ tama. Amaga go nēti ī ǃgom sîsenne māhe tama hâsa. Nēsi go ga ǂkham xawe go ge xūna a dī ǁkhā. Î go ǂgomǃgâsib tsî ǃgôasib tsîna ǀhaohâba xu hō. ǂKham ǃgâsago ǂansa go ūhâ ǀhaohâba go hui ū ǁkhāna? ǂGui go ge ǂansa ūhâ. Aiǁgause ǁnān hîna kairan ge kaise ra ǃgôaǃgâ. ǁGau-en ga o matin ǁîn tabletna nî sîsenū ǀgausa. Tamas ka io ǀnî hâ elektronik xūn hîna ǀhaodi ǃaroma ra sîsenūhena. Sadu nē xūna ǂan amaga du ga kaira khoena ga ra hui o. On ge ǁîna sakho sîsenne ra ǃgôaǃgâ. Dī go ra xūn hoan ǃnâ sago ǀhomsi ǁgûba ǂkhîǂkhî re. w21.03 2 ¶1, 3; 7 ¶18

Taras ga kaise ǃgâise Elobmîsa ǂan. Xawe aob di ǃereams ge, omaris di ǃoabasa dī. Tsî ǃgâi gagasi mîǁguiga dīsa. (Efe. 6:4) Taras ge aoba ǃnāka nî hâba. Xawes ge ǃereamsa ūhâ is aitsama gagasise ǂûmâsen. ǁNāsa dīs ǃaromas ge ǁaeba nî ǁamaǂui. Is Elobmîsa khomai tsî ǂâiǃgâ ǁkhā. Tsî ǁnās ge nî huisi is Jehovabas ūba hâ ǀnamma ǃgôaǃgâ. Tsî aiǃgû kai. Tsî ǁnās ǀkha ǁîs di aoba ǃnāka a hâba ǁkhā. Taradi hîna Jehovaba di a ǀnam amaga ǁîdi aoga ǃnāka ra hâba di ge. Kai ǂkhîba nî hōǃâ. Tsî naudi hîna Jehovab di ǁgarab danasis diba sao tama di ge ǂkhîba hō tide. Nē ǁnâuǀnamxa ǃgâsadi ge ǂkhamkhoena ǃgâi aiǁgausa ra mā. Tsî ǁnās ǀkha ǀnamxaǃnâ tsî ǂkhî ǃkhaiba ra kuru. Omaris ǃnâs ǀguis ose. Xawe ǀhaohâb ǃnâs tsîna. (Tit. 2:3-5) Nētsē i ge ǃnāsa ǂgomǂgomsa ǃoaba-aon Jehovab dina a tare.—Psa. 68:11. w21.02 13 ¶21-23

Apostel Paulub ge ǃgâi aiǁgausa ge mā da. ǁKhoaǂgaosib tsî taniǀnamxasib tsîn xa. ǀNî ǁaegu aib ge ǁîb tsîna ǂkhabusase gere tsâ. Xaweb ge nē ǃgomsin hoan ǃnâ ge mâǃkharu ǁkhā i. Jehovab ai ǂgomǃgâ tsîb ge ǂhâb ge hâ-i ǀgaiba gere māhe amaga. (2Kor. 12:8-10; Fil. 4:13) Sida tsîn ge ǀgaib tsî ǁkhoaǂgaosiba nî ūhâ. Mûǂan da ga o Jehovab huiba da ǂhâ hâ ǃkhaisa. (Jak. 4:10) ǂGomǃgâ ǁkhā da ge a ǃgomsin hîna da ra hōǃân Jehovaba xu ǀkhī tamasa. ǁKhāǁkhāsabeb Jakobub ge ge mîba da: “Elob ge ǂkhabab ǀkha a ǃâitsâhe ǁoa xuige, tsîb ge ǁîb ǂûba khoe-i xare-e ǃâitsâ tama hâ.” (Jak. 1:13) ǁNā amaba da ga ǂgomǃgâ o, o da ge sida di ǀhomsi ǁGûb Jehovab ǀgūse ra sī. Jehovab ge ǀkhara tamas ka io, ‘dawaǃkhupusen’ tama hâ. (Jak. 1:17) ǁÎb ge ǂguro ǁaeb ai ge ûi hâ i Xristeǁîna ge hui. Tsîb ge nētsēs tsîna sida ǃgomsin ǃnâ nî hui da. Jehovaba ǀgaisase ǂgan re. Îb gā-aisib, ǂgoms tsî ǁkhoaǂgaosib tsîna mā du. ǁÎb ge sadu di ǀgorede nî ǃeream. w21.02 31 ¶19-21

Elobmîsa ra ǁkhāǁkhāsen khoe-i hîna ǀhaode ra hâǃnâ-i ǃnâ ǃgâiǃgâibasensa ūhâ re. (Fil. 2:4) ǀNîsi du ge ǁî-i ǀkha ǂangusa a kuru ǁkhā. Xawe da ge ǁî-i di ûib ǃnâ, ǃgamse ǂgâǂgao tama hâ. Tsî da ge ǁnās ǀkhā ǁî-i tsîna ra koa ǂgao. ǁÎn ra dī ǃgâi ǀkharaǀkharan ǃaroma. Tsî da ge aiǁgause ǁîn di ûib, sîsen-i. Tsî matis Elobmîs ǁkhāǁkhāsa is, tsîna a dî nî ǁkhā. Nēti dîdi ge sadu tsî ǁî-i, tsîna kaise ǀgūse a ūhâ ǁkhā. ǁÎ-i ǀkha da ga ǀhōsagu o. O da ge ǁî-e ra hui. I i ǁāǁnâs kōse sī. Nē Elobmîs ǁkhāǁkhāsen ao-i ra aiǃgû hîna. ǁÎ-e hui re, i i ǀhaohâb di ǃâ-i ase tsâsen. Nēsa du ge ǃamku ǀgaub ǃnâ nî dī. (Heb. 13:2) Elobmîsa ra ǁkhāǁkhāsen khoe-i ga aoǁnâ-ao kai o. O du ge ǁî-i tsîna a ǁkhau ǁkhā. I i aoǁnâ sîsen-i ǃnâ sadu ǀkha sîsen. Brazili ǃnâ ra hâ ǃgâsab Diegob ge nēti ra mî: “ǂGui ǃgâsan ge ra ǁkhau te i ta. ǁÎn ǀkha ǀguiba aoǁnâ sîsen-i ǃnâ sîsen. Tsî nēb ge a ǃgâi ǀgau ǁîn ǀkha ǂangusa kurusa. ǁNāsa ta gere dīse ta ge ǂgui xūna ge ǁkhāǁkhāsen. Tsî Jehovab tsî Jesub ǀgūse ge hâ ǁkhā i.” w21.03 12 ¶15-16

Jesub ge ǁîb di saosabena ge mîba în ǁîn di kākhoena ǀnam. (Mat. 5:44, 45) Nēsa dīsa supu-e? Hî-î supu tama hâ. Xawe i ge Elob di ǃanu gagab huib ǀkha a īǁkhā. Gagab di ǂûb ge nēna ǃkhōǂgā hâ. ǀNammi, ǃnūǃnâxasib, khoexasib, tsamtsiǃnâsib, ǃkhō-oasens tsîna. (Gal. 5:22, 23) Nē ǀgaugu ge ra hui da, i da ǃhuihe da ga xawe mâǀgai. ǂGui khoen hîna gere mâǃoan ge ǁîn di ǂâiǀgauba ge dawa. ǁÎ-i aob, taras, ǀgôa-i tamas ka io ǁanǁare-ao i nē ǂūga ūhâ amaga. ǂGuin hîna gere mâǃoa dan ge nēsisa a sida di ǃgâsa. ǁNān hîna ǃhui du hana ǀnams xa dū ga ǃgombahe o. Jehovaba du ra ǃoaba amaga, o ǃanu gagaba Jehovab ai ǂgan re. (Luk. 11:13) ǂGomǃgâ re Jehovaba ǁnâuǀnams hoaǁae a ǃgâisa. (ǂKhm. 3:5-7) ǃHuis ge a ǀgaisa tsî a tsûtsû ǁkhā. Xawe ǀnammi ge ǁnās xa kaise ǀgaisa. Tsî ǁnās ǀkha ǂgaoba ra dan. ǂKhîba i ge Jehovab di ǂgaob tawa ra ǀkhī-ū. Mâǃoa da ra khoen ga ǃhui da. Xawe da ge a ǂkhî ǁkhā. w21.03 23 ¶13; 24 ¶15, 17

Kēbo-aob Joeli ge ge mî torob nî hāsa. (Joe. 2:1, 8, 11) Jehovab ge ge mî ǁîb di “kai ǂnubis” (Babilonǁî toroǃkham-aogab) nî sîsen-ūsa ǁnâuǀnâmoǃnâ Israelǁaesa ǁkharas ǃaroma. (Joe. 2:25) ǁNāǂam ra ǃkham-aogu ge ‘ǀapas dib’ di ra ǂgâihe Babilonǁîn Israela ǀapas ǀkhaba xu ge ǁnāǂam amaga. (Joe. 2:20) Nē toroǃkham-aogu ge ǂhoms ǀkha ra ǀgōpeǀnōhe. Nēs xas ge Joeli ǂkhanisa ra mî: “Mâ-i hoa-e daob â-i ǃnâ ǃgû . . . ǃās ǃnâ ǃkhoema, . . . ǁîn ra omgu ai ǃapa, ǁîn ra mûǂuidaode-ū sī ǂgâ ǃnari-aon khami.” (Joe. 2:8, 9) Toroǃkham-aogu ge hoaǀkhāgu ai hâ. Gau-e nî ǃkhai-i ge a ǀkhai. Khoe-i ge Babilonǁîn ǃomǁaeba xu ge sâusen ǁoa-i. ǂHomgu khamin ge Babilonǁîn (tamas ka io Xaldeaǁîna) Jerusalemsa 607ǁî kurib ǃnâ ge ǁnāǂam. Elobmîs ge ra mî: ‘Ob ge Xaldeaǁîn di gao-aoba . . . ǂkham khoegu kas, ǂkham khoedi kas, kain kas, kaira, ǀkhama hân kas hoasa sâu tama’ ge hâ-i.—2Kro. 36:17. w20.04 5 ¶11-12