Desemberi

ǀNî ǁaegu ai da ge Elobmîs ǃnâ da ra ǁkhāǁkhāsen xūna ǁnâuǃā tama hâ. Tamas ka iob ge ǀnîsi Jehovaba sida ǀgorede ǂhâba da hâ ǀgaub ǃnâ ǃeream tama hâ. Nēs ge dîdi ǀkha a xū du ǁkhā. Nē dîde du ga ǃereamde hōba tama io. Os ge sadu ǂgomsa nî ǂkhabu. Tsî du ge Jehovab ǀkha du ūhâ ǀhōsagusa nî ǂoaǃnâ. (Jak. 1:7, 8) Tsî da ge hānîǁaeb ǃaroma da ūhâ ǃâubasens tsîna a ǂoaǃnâ ǁkhā. Apostel Paulub ge hānîǁaeb ǃgao da ūhâ ǃâubasensa. ǃGom ǀuris hîna ǂgausa hurib ǃnâ ǀgui ǃkhais ai ra ūhâs ǀkha ge ǀgopeǀnō. (Heb. 6:19) Nē ǀuris ge ǂgausa ra ǁkhae is tā ǀuidi ǃnâ ǂgâusen. Tsî ra hui is tā ǂoab xa ǃgom mâhe. Xawe nē ǀuris ge ǂgaus ais ǃgae-ūhe hâ khedeb ga ǃgâu tama io ǀgui nî sîsen. Rūsi hâ khedeb a ǂkhabusa. Khamis ge sida ǂgomsa nî ǂkhabu. Ū da hâ dîde da ga ǃeream tama io. Tsî da ge ǃgomsina da ga hōǃâ o. Jehovab mîmâib hâ xūna nî dīǀoaǀoasa ǂgom tide. Sida di ǂgomsa da ga ǂoaǃnâ o. O da ge sida di ǃâubasens tsîna nî ǂoaǃnâ. Nēti ī ǀgaub ǃnâ ra tsâ khoe-i ge ǂkhîba hōǃâ tide. w21.02 30 ¶14-15

Abrahammi omaris ge Ursa xu a doe ob ge ǀnîsi 70 kurina ge ǃnā hâ i. (Gen. 11:31–12:4) ǀGuikaidisi kurinab ge tentdi ǃnâ hâ tsî Kanaanǃhūb ǃnâ gere doemâ. ǀGuikaidisi tsî hûdisikoroǀa kurin ǀkhab ge Abrahamma ge ǁō. (Gen. 25:7) Xaweb ge Abrahamma Jehovab ǁîb suriba ǃhūb hînab ge mîmâiba ra mā ǀgauba ge mû tama hâ i. Tsîb ge ǁîba Elob Gaosib ra ǂnûiǂgāhe ǁaeb kōse ge ûi tama hâ i. Di i ge hā xaweb ge Abrahamma “kaira tsî ûib xa ǁâ hâse” ge ǁō. (Gen. 25:8) ǂGui ǃgomsinab ge ǃkharuǃnâ xaweb ge Abrahamma ǀgaisa ǂgomsa ge ūhâ i tsî ūb hâ xūn ǀkha ge ǂkhîǂâixa i, Jehovab aib ǃâu hâ hîna. Mati iob ge nēn hoan ǃnâ gere mâǀgai? Abrahammi ûib hoab ǃnâb ge Jehovaba ǁîba sâu tsî ǀhōsa i ase a hâ-ū amaga. (Gen. 15:1; Jes. 41:8; Jak. 2:22) Abrahammi khami da ge sida tsîna ǁnā ǃās ǃgaoǃgaoba ūhâsa ǃâu hâ. (Heb. 11:10) Omhes nî sa da ge ǃâu tama hâ. Elob di Gaosib ge 1914 nî ǃnâ ge ǂnubihe tsî nēsi ǀnai ǀhommi ǃnâ ra ǂgaeǂgui. (J.ǂHa. 12:7-10) Xawe da ge nēsi ǃâu hâ îb ǃhūbaib ais tsîna ǂgaeǂgui tsoatsoa. w20.08 4-5 ¶11-12

Sada ǃgâsana ǃgâise ǃgâs ǃaroma da ge nî tsamtsiǃnâ tsî ǃnūǃnâxa. Nēsa dīs ge ǃnona ǃaromadi amsi a ǃgâi. ǂGurose da ge ǂhanu tama ǀamǂoade sada ǃgâsan xa disa xu nî ǂgōsen. ǀGamǁîse da ge sada ǃgâsan tsâsigu tsî xū-en da dība ǃaromas tsîna mûǂan tsî tsamtsiǃnâsiba nî ǁgau nî. Tsî ǃnonaǁîse da ge nî hui nî în xū-e ǁîn xa aitsama ǁkhāǁkhāsen. ǁAen ai da ge sada ra tsâ ǀgaub tsîna aitsama a ǁnâuǃā ǁoa. Nē tsâsiga da nau ǃgâsan ǀkha nî ǀgoragus kōse. ǀNî ǃgâsana i ge kaise a ǃgomba ǁîn tsâsigu xa ǃhoasa ǁîn khaoǃhūb, kaikhâis tsî ǀgaugu xa ǃaromahe hâse. ǁAeba i ge a ū ǁkhā sada ǃgâsan ǃgâise nî tsâsa sada ǀkha ǃhoasa. Xawe nēsan ga dī ǁaeb ai ǀgui da ge ǁîn di ama tsâsiga a ǁnâuǃā ǁkhā. Jehovaba da ga ǁîb di ǃnūǃnâxasib ǃnâ ǁgae o, o da ge sada ǃgâsan ǂgomǃgâsiba a dan ǁkhā. ǁÎn tsâsiga sada ǀkha ǀgoragus amsin ga ǂhanu o, o da ge ǁîna ǃgâise nî ǃgâ. w20.04 15-16 ¶6-7

ǁAun ge kai-amse ǁîna a ǃgâiba ǁgam-i tsî ǂâusa ǂû-i hâ ǃkhaib ai ra hâ. ǁAuǃkhō-aob ǁauna ra ôa ǁaeb tsîn ge kaise a ǂhâǂhâsa. ǀNî sîsabeb hîna Pecific Islandi ai ra hâb ge ge ǁkhāǁkhāsen ǀnî ǁaeb ai ǀguits ǁauna a ǃkhō ǁkhā ǃkhaisa. ǁÎb ge ǁnapa ra hâ ǀhûǀguitimî-aob xa ge ǁkhau-e îkha si ǁauna ǀguiba ǃkhō. “ǁArikamǁgoaga kham ge 9 ir nî ǀhao,” tib ge sîsabeba ge mî. Ob ge ǃgâsaba ǁîba ge mîba, “ǁnâuǃā tama du ge hâ. ǁAun a ǂgui ǁaeb ai ge ge ra ī, sige a ǃgâiba ǁaeb ais ose.” ǁNās ǁkhās xase gu ge Jesub di ǁkhāǁkhāsabegu hîna ge ǁauǃkhō-ao kai ga, khoena ǃoa gere ī, khoena gu nî ǀhao-ū ǁaegu ai. Aiǁgause i ge Jesub di ǁkhāǁkhāsabega sinagogegu, omsa xu oms tsî ǁamaxu ǃkhaigu ai gere aoǁnâ. (ǃNǃkh. 5:42; 17:17; 18:4) Sida tsîn ge nî ǂan, mâ ǁaegu ai da sida di ǂkharis ǃnâ ra hâ khoena nî ǀhao-ūsa. ǂHâbasa i ga ra o, o da ge sida di ǀapede nî mâiǂui. Î da khoena da ra ǀhao-ū ǃkhais tsî ǁaeb ai ǁîna aoǁnâba.—1Kor. 9:19-23. w20.09 4 ¶8-9

ǀGui ǀgaub Jesub ǀkha da ǀgaisa ǀhōsagusisa ra omkhâib ge ǀhaohâb danab aseb mâihâ aogu daoǁgaude da ga sao o. Aiǁgause da ge sada Gaosib ǀHû-omga ǃgâiǀgaub ǃnâ ra sîsen-ū ǂgao. (Efe. 4:16) Nēs ǃaroma gu ge ǀnî ǀhaohâga ge ǀhaoǀhaohe tsî aoǁnâ ǂharide ge dī-unuhe. ǀApeǂhomis ge nē ǀgaub ǃnâ ǂgui māsenxa mādi di mari-e ge sâu. Xawe nēs xa ǃaroma-e hâsen ge ǀnî aoǁnâ-aona ǀasa xūna nî ūǃoa ge is ge. Nē ǃgâsan ge ǁîn ǀhaohâgu ǃnâ ǀnîsi kaise gaxuse ge hâ i tsî ǃgâi ǀhōsana ge ūhâ i. ǁÎn ge nēsi ra ǂgan-e în ǀasa ǀhaohâba ǃoa doe. Jesub ge kaise a ǂkhî mûsa nē ǂgomǂgomsa ǃgâsan nē mîǁguiba ra ǁnâu-am ǃkhaisa. w20.04 24 ¶14

ǀApas tsî ǃkhawagas di gaokha ge noxoba ra mâǃoagu, mâb hoab ra ǃhūbaib di ǀgaisa gao kai ǂgoa amaga. ǀGamǁî torob khaoǃgâs ge Soviet Unionsa Europi di ǃnāsa ǃâga ge ǂgaeǂgui tsoatsoa o i ge tae-e isa ǃoa kō re. Nēs ǃaromab ge ǃkhapagas di gaoba ge mîǁgui nau ǃhūgu ǀkha sîsen ǀhao tsîb ǀapas di gaoba nî ǁnāǂamsa. Nē ǀapeǂhomis ge NATO di a ǂansa. ǀApas di gaob tsî ǃkhawagas di gaob tsîkha hoakha ge ǂgui mari-e ge sîsen-ū ǀgaisa toro ǂnūbide oms ǃaroma. ǀApas gaob ge Afrikab, Asiab tsî Latin Amerikab tsîna ra sîsen-ūse ǃkhapagas di gaob ǃoa-ai gere ǃkham. Russiab tsî ǁîb ǀkha ra sîsen ǀhao ǃhūgu ge ǃhūbaib ǂhawase kai ǀgaiba ūhâ. ǁÎn ge komputerdi ǃnâ-ū ǃkhawagas di gaoba ra ǁnāǂam. ǁÎkha ge komputerdi ǃnâ-ū mariǁhōgu tsî ǂgîǂgōsi ǁaxasigu ǁîkha dina ra ǁnāǂam di ra ǂgari-amgu. Danieli ge kēbo khamib ge ǀapas di gaoba Elob khoena ra ǁnāǂam.—Dan. 11:41. w20.05 13 ¶5-6

“Tarasa kha dai ra-i âsa ǀuru ǁkhās a?” Nēs ge dîs hînab ge Jehovaba kēbo-aob Jesajab ǁaeb ǃnâ a dîsa. “Tsî ǁîs ga ǀuru xawe ta ge tita sasa ǀuru tide.” Tib ge Eloba ǁîb khoena ge mîba. (Jes. 49:15) ǁÎb ge hoaǁae ǁgûs ǀkha ǀgōpeǀnōsen tama hâ. Xaweb ge nē mâsib ǃnâ nēsa ge dī. Jehovab ge ǁîb tsâsiga ǁgûs ǁîs ǀgôa-e ūbâ hâ tsâsigu ǀkha ge ǀgōpeǀnō. ǁÎb ge ǂgao hâ în ǁîb khoena ǂan ǁînab kaise a ǀnam ǃkhaisa. ǂGui ǁgûdi ge Jasmin di ǀon hâ ǃgâsas khami ra tsâ. ǁÎs ge ra mî, “Sadu ǀgôa-e du ga daisi o, o du ge ǀgaisa ǃgaeǁares hîna nî hâhâsa ra om.” Jehovab ge a ǂan ǁîb di ǃoaba-ao i ǀgui i ga aoǁnâ ǀû. Tsî ǀhaodi ǀkhas tsîna ī ǀû o. ǂGui ǃgâsan hîna ǃkhai hân ǀnîn ge ra oaǀkhī. Tsî da ge a ǂkhî nēsan ga dī o. Jehovab ge ǂhâba hâ oaǀkhīn nî ǃkhaisa tsî sada tsîn ge nēsa ǂhâba hâ.—1Pet. 2:25. w20.06 18 ¶1-3

Hoa ǀkhae taman ge mûhe ǁkhāna. ǀŌ-aisa ǀkhaeb ge mûhe tama. ǃHommi aib ge mā ǃhoas ǃnâb ge Jesuba ge mî Jehovaba xu hâ ǀkhaegu mari-i tamas ka io ǃkhūsis xa a ǂhâǂhâsa ǃkhaisa. Tsîb ge ǀaro tsî ge mî: “ǁUib âdu hâpa, ǁnāpab kom ǂgaob âdu ona hâo.” (Mat. 6:19-21) Xū-e da ga ǀgapise ǃgôa o, o da ge ǁnāxū-e nî ôa-am. ǃGâi ǀonsa da ga Elob aisi ūhâ o, o da ge “ǁuiba ǀhommi ǃnâ” ra ǀhaoǀhaobasen. Jesub ge ge mî nēti i ǁuib ge dīkākāhe tamas ka io a ǃnarihe ǁoa. Apostel Paulub ge ra ǂkhâǃnâ da i da sada mûde “mûǁoasa xūn ai” mâi. (2Kor. 4:17, 18) Mûhe ǁoasa ǀkhaegu ge Eloba xu da ra hō xūn hîna da ǀasa ǃhūbaib ǃnâ nî hōn tsîna ǃkhōǂgā hâ. Nē ǀkhaega da ra ǃgôaǃgâsa ǁgau i da ra? w20.05 26 ¶1-2

Moseb ge Israelǁaesa a ǁkhāǁkhā. Xūn ge ǁîn ǂgomsa ǀgaiǀgai tsî ge ǂkhâǃnâ. Tsaura ǀnanub haina ra khoakhoa khami. Mati da nî ǂanǂui sada ra ǁkhāǁkhā xūn, ǁkhā sîsenǂuiba ûhā ǃkhaisa? Omsa xu oms aoǁnâ sîsenna da ga dī o. O da ge sada Elobmîde sîsen-ū tsî khoena. Jehovab ǀonsa ra ǁgau ǂgao. ǃGâi ǂkhanin, vidiogu tsî sada internets ǂhaweb ai hâ xūn. Hîna Jehovab ǀonsa ǃgôasiba ǁgaus ǀkha ra hui dana da ge a mā nî ǁkhā. Sîsenni, skoli tamas ka io ǃnari da ra ǁaeb ai da ge. ǃĒsa da ga hō o, sada ǀnamxa Elob xa a ǃhoa ǁkhā. ǀHao-ū da ra khoena da ga Jehovab tsî ǁîb ǂâibasens. Hînab ǃhūbaib ǀkha ūhâs xa a mîba o, on ge nē xūn xa a ǀasabahe. Tsîn ge ra mûǂan matikōseb Jehovaba a ǀnam da ǃkhaisa. Khoena da ga Jehovab xa hâ amaba mîba o. O da ge ǁîb ǀons ǃanuǃanus ǀkha ra hui. Khoena da ge nî hui în mûǂan. ǂGui ama tama xūnan Jehovab xa ge ǁkhāǁkhāhe ǃkhaisa. Elobmîsa xu da khoena ra ǁkhāǁkhā. Xūn ge ǁîna nî khoakhoa.—Jes. 65:13, 14. w20.06 10 ¶8-9

Mâ ǀgauga da nî ūhâ Jehovab ǃoa ra oaǀkhī ǂgao khoena huis ǃaroma? Kō re tae-e da ǃgari dana ǀgôab, Jesub ǂkhōs ǃnâ hâb hîna ge omsa xu a īb aiǁgausa xu a ǁkhāǁkhāsen ǁkhā ǃkhaisa. (Luk. 15:17-24) Nē ǀgôab ge ge mûǂan gâre mîǁguibab ge dīsa tsîb ge omsa ǃoa oasa ge mîǁgui. Nē ǀgôab ǁgûb ge ǁîb tawa ǃkhoesī, ǁnamǂgābi tsî ge ǁgau bi ǀnambib a ǃkhaisa. Nē ǀgôab ge dīb ge xūn ǃgao gere ǀhapitsâsen tsî ǃkhōǃoaheb ge ǀgausab anu tama hâ khami gere tsâ. ǀGôab ge tsâb ra ǀgauba ǁgûba a mîba, ob ge ǁgûba gere tsâbabi. Nēs khaoǃgâb ge ǁgûba xū-e ge dī. ǁÎb ôab oms ǀkha a oaǀkhī ǁkhā ǃkhaisa ra ǁgau-e. ǁÎb ge ǀnamǀnamsa ǀgôab ase ge hâ-ūhe. Nēsa ǁgaus ǃaromab ge ǁgûba ǁâudība dī. Tsî îsa sarana ǃhausen hâ ǀgôaba ge mā. Jehovab ge nē ǂkhōs ǃnâ hâ ǁgûb khami ī. ǁÎb ge ǃkhai hâ ǃgâsana a ǀnam tsî oaǀkhīn nî ǃkhaisa ǂhaba hâ. Jehovaba da ga ǁgae o, o da ge ǁîna a hui ǁkhā. Nēs ge ra ǂâibasen ǃnūǃnâxasib, tsâbaǁhaoxasib tsî ǀnammi tsîna da nî ūhâsa. w20.06 25-26 ¶8-9

Jesub ge ge mî ǀnîn ge amaba nî ūǃoa “ǃgâiaǂgaob ǀkha” xawe ǁîn di ǂgoms ge nî ǂkhabu ǃgomsinan ga ūhâ o. (Mat. 13:3-6, 20, 21) Tsî ǁîn ge ge ǂâi tama hâ i Jesuba saos ge ǃgomsiba nî hau ti. (Mat. 16:24) Tsî ǁîn ge ge ǂâi hâ i Xristeǁîn ge ǀkhaeb ǀguiba ūhâ tsî ǃgomsi-e ūhâ tama. Xawe nē tsēs di ǃhūbaib ǃnân ge ǃgomsina nî hâ. ǀNî xūn ge sida ûib ǃnâ nî dawa tsî da ge ǂkhîba hoaǁae ūhâ tide. (Psa. 6:6; Aoǁn. 9:11) Sida ǃgâsan ge ra ǁgau amaban ūhâsa. Mati? ǁÎn ǂgoms ge ǂkhabu tama, ǃgâsan xan ga ra tsûtsûhe xawe tsî nau khoen ga Jehovaba ǃgâ ǂgao tama io. (Psa. 119:165) ǃGomsinan ūhâ ǁaeb hoab ai i ge ǁîn di ǂgomsa ra ǀgai tsî ǂkhabu tama. (Jak. 1:2-4) Mati du ǁnāti i ǀgaisa ǂgomsa nî hō? w20.07 8 ¶1; 9 ¶4-5

Elobmîsa du nî khomai tsoatsoas ais ai. Jehovaba ǂgan re î du ǁkhāǁkhāsen du nî se i xūna ǃgāsase mû. Aiǁgause, ǂgan re î du ǃgâi mîǁguiba dīs ǀkha nî hui du xūna mû. (Fil. 4:6, 7) Jehovab ge mûnanais ǁkhāsib ǀkha ge kuru da. Elobmîs ǃâs hîna du ra khomaisa du ga ûi-ûi ǂgao o. Xūn hîna ra īna mûnanai re. Tsî ǁnā khomaiǃâs ǃnâ hâ khoe-i di ǂaidi ǃnâ mâisen re. ǁNā khoe-i gere mû xūna mû re. Tsî ǁî i gere tsâ khami tsâ re. Sao ra se, ǂâiǃgâ re. ǂÂiǃgâs ge ra ǂâibasen khomai da go xūn xa ǂâi. Tsî mati da ǁnā xūna sida ûib ǃnâ a ûiǂui ǁkhā ǀgausa. ǂÂiǃgâs ge ra hui da î da khomai da go xūna ǃgamse ǂâi. Elobmîsa ǂâiǃgâ tamase khomais ge tafels ai ǁgoe puzzles. Hîna a ǀkhomaxas ǀkha a ǀgopeǀnōhe ǁkhā. ǂÂiǃgâs ge ra huida i da hoa xūna ǃgâise ǁnâuǃā. w21.03 15 ¶3-5

Apostel Paulub ge ǃkharu ge xūn xa ga ǂâi tsoatsoa hâ. Tsî ǀnîsi ga mî hâ ǀnîhâ mîǁguigab ga dī hâ o. Ob ge tronkhes ǃnâ ga ǂnû tama hâ ti. Tsîb ge ǀnîsi khoegu hîna ge ǁîba Asiab di ǀkharib ǃnâ. A ǁnāxugu ǀkha kaise ga ǁaixa hâ. Tsîb ge ǁnās ǀkha nau ǀhōsagu ǁîb diga ga ǂgomǃgâ tama hâ. Xaweb ge Pauluba ǁnān di ǀgui-i tsîna ge dī tama hâ i. Tae-i ǃaromab gere ǂgom ǁîb di ǂgomǂgomsa ǀhōsan ǁnaxubi tidesa? Tsîb Jehovaba ǁîba nî ǀkhaesa? Paulub ge ǀgū ǁaeb nî ǁō ǃkhaisa ge ǂan i. Xawe ǂhâǂhâsa xū-e ge ǀuru tama hâ i. Îb Jehovaba koasa mā. Tsîb ge noxoba aiǃgû tsî gere ǂâi matib nau khoena nî ǂkhâǃnâ ǀgausa. ǁÎb ge ǀgores ǃnâ-ū Jehovab ai gere ǂgomǃgâ. ǁNān hîna ge ǁîba ǁnaxun ge dī xūn ai kō tama i. Tsîb ge Pauluba ǁnā ǀnamxaǃnâ ǀhōsan. Hîna ge ǁîba ǃgom ǁaegu ǃnâ gere huina kaise gere gangan. Tsîb ge Pauluba ge aiǃgû Elobmîsa ǁkhāǁkhāsensa. (2Tim. 3:16, 17; 4:13) Xaweb ge ǀgaisa ǂgomǃgâsiba ge ūhâ Jehovab tsî Jesub tsîn a ǀnambi ǃkhaisa. w21.03 18 ¶17-18

Kaidisi kurigu khaoǃgân ge ama Xristeǁî ǀhaohâga ama tama Xristeǁîn xa ge ǀoa. ǁÎn ge ama tama ǂgomdi ǁkhāǁkhāde gere ǂgom tsî Elobmîs amaba ge ūǃoa tama hâ i. Xawe ǁnā ǁaeba xu 1870ǁî kurib kōseb ge Eloba ǃhūbaib ai ǀapeǂhomi-e ge ūhâ tama hâ i. Ama tama ǂgomdi ǀgâgu ge ǁhai tsî ama ǂgomsa ge ǂganam. (Mat. 13:36-43) Nēsa ǂansa tae-i ǃaroma a ǂhâǂhâsa? Danieli 11ǁî danaǃâs ǃnâ da ra mîhe ǀapas gaob tsî ǃkhapagas gaob ge, noxoba gaon ase ge ǂnû tama hâ i kaidisiǁî kuriba xu 1870ǁî kurib kōse. Elob khoen hîna kha nî ǁnāǂgaman ge ǁnā ǁaeb ai ge ǀkhai i. Xawe 1870ǁî kurib khaoǃgâ da ge ǀapas tsî ǃkhapagas tsîra ǃaroma gaona ge hō ǁkha i. w20.05 3 ¶5

Joeli ge ra kēbo ǂhoms Israeli ǃhūba nî ǁnāǂam ǃkhaisatsî hoan Israeli dina nî hābu. (Joe. 1:4) Nē kēbosa da ge Jehovab khoen hîna aoǁnâ sîsenna ǂhoms hîna ǁkhaehe ǁoase ra aoǁnâna ra ǁgauǁgaun ase ra ǁnâuǃā. Nē mâsib “ǃhūb” tsî ǂgomdi ǂgaeǂgui-aon ǃnāka hâ khoen tsîna ǃgâi tama ǀgaub ǃnâ gere tsâǀkhā di da ge gere ǁnâuǃā. Xawe da ga ǃuru ǂâibasens nē kēbos disa ôaǃnâ o, o da ge nēsa da ǀnîhâ ǀgaub ǃnâ nî ǁnâuǃā ǃkhaisa nî mû. ǂGurose, Jehovab ge nē ǂhoms xa hâ kēbos xa ge mîmâi: “Tita ge ǁnāb ǀapas diba ǃnūse sado xu nîra bē kai.” (Joe. 2:20) ǂHoms ga Jehovab di ǀHûǀguitimî-aon hîna Jesub mîmâis, aoǁnâ tsî ǁkhāǁkhāsabedīs sîsen-e ra dīna a ǂnûǁkhaeba o, tae-i ǃaromab Jehovaba ǁîna nî ǃhaebē? (Ese. 33:7-9; Mat. 28:19, 20) Amaseb ge Jehovaba ǁîb di ǂgomǂgomsa ǃoaba aona a ǃhaebē ǁoa tsî ǀnî hâ xū-i. Tamas ka io khoen hîna ǁîb khoena ǃgâi tamase ra hā-ūna nî ǃhaebē. w20.04 3 ¶3-5

Mati da nî tanisen Jehovab ga ǁaeb ai sida ǀgorede ǃeream tama io? Jakobub ge ra mî ‘i da Elob tawa ǂganbasen’ ti. Jehovab ge tātsēs tsîna tsauda tide ǁîb ai da ga gā-aisiba ǂgan o. ǁÎb ge sida ǀkha ǁaixa tide. Sida di ǀhomsi ǁGûb ge hoada ‘ǀguiǃnâxase ra mā.’ ǁÎba ǃoa ǀgore tsî da ga gā-aisiba ǂgan o, î da ǃgomsina sîsenǂam ǁkhā. (Psa. 25:12, 13) ǁÎb ge sida ǃgomsina ra mû tsî ra tsâba da. Tsîb ge amabes ǃnâ ra hui da ǂgao. ǁNā-amaga da ge a ǃgâiaǂgao ǁkhā. Xawe matib Jehovaba sada gā-aisiba ra mā? ǁÎb Mîs ǃnâ-ū. (ǂKhm. 2:6) ǁNā gā-aisiba da ga hō ǂgao o, o da ge Elobmîsa nî khomai. Tsî Elobmîs ai ǃgaoǃgaosa ǂkhanin tsîna. Xawe da ge ǃnāsa-e nî dī Elobmîsa khomai tsî ǁnâuǃāba hōs xa. Sida ra khomai xūna da ge sida di ûigu ǃnâ nî sîsenǂui kai. Jakobub ge xoa tsî ge mî: “Mîs di dī-ao kai re, î du tā ǁnâus ǀguisa hî.” (Jak. 1:22) Elobmîs ǃnâ da ra khomai xūna da ga ûiǂui o. O da ge ǂkhîxaǃnâ, tsauraǃnâ, mîbakaisenxa, ǀkhomxaǂgaoxa ǀgauga nî ǃkhōǃoa. (Jak. 3:17) ǁNā ǀgaugu ge ra hui da î da mâ ǃgomsi-i hoa-e ǂkhîb ǀkha mâǃoa. w21.02 29 ¶10-11

Elobmîsa ra ǁkhāǁkhāsen khoe-i ge ǃnāsase ǀkharaǀkharana nî dī. ǀHaohâb ǃnâ hâ ǃgâsan ga ǁîna a huiǃnâ o. Hoa ǃgâsan ge ǀasa khoen hîna ra sīna a hui ǁkhā. În ǀhaohâb di ǃâ kai. ǀGui aimâba-aos, ge nēti ra mî: “Khoen ge ra mî hoaraga ǃās ǀgôa-e kaikais ǀkha ra huisa. Tsî ta ge tita tsîna ra ǂâi ǁnās a amasa. ǁKhāǁkhāsabe dī da ga ra o. ǃNāsase i ge hoaraga ǀhaohâba ra ū. Khoe-e amab ǃnâ ǀkhī-ūsa.” Omaris ǁanin, ǀhōsan tsî ǁgauǃnâ-aon hoan ge ǃâ-e ra ǀhuru. Tsî nē ǀgôa-e ra kaikai. ǁÎn ge ǀgôa-e ǂkhâǃnâ tsî ǂhâǂhâsa xūna ra ǁkhāǁkhā. ǁKhā ǀgaub ǃnân ge ǀhaohâb ǃnâ hân tsîna. Elobmîsa ra ǁkhāǁkhāsen khoe-e ǀapemā tsî a ǂkhâǃnâ ǁkhā. Tsî ǃgâi aiǁgausa a ǁgau ǁkhā. În ǁāǁnâs kōse sī. (ǂKhm. 15:22) Mati io i Elobmîsa ra ǁkhāǁkhā khoe-e. ǁKhāǁkhāsen ra khoe-i ga hui-e o nî ǂkhî? ǂGui ǃgâsan ge a hui ǁkhā. Î-i khoe-e gagasise aiǃgû. w21.03 8 ¶1-3

Hoa Xristeǁîn, ǂkhaman tsî kairan tsîn hoan ge nî ǂanbasen īn tā Jehovaban ra ǃoaba khama dīsen tsî ǁkhā ǁaeb-ai ǃgâi tama xūna dī. Apostel Johaneb ge ge mî amab ǃnâ ǃgû tsî da ǁkhā ǁaeb ai ǁgauoǃnâ ûiba a ûi ǁoa ti. (1Jhn. 1:6) Jehovab sada ǀkha nî ǂkhîǂâixa ǃkhaisa da ga ǂhâba o da ge ǂâis ǃnâ nî ūhâ ǁîb dī da ra xu-ī hoa-e, hoa ǁae ra mûǃkhaisa. Nau khoen ga dī da ra xūna mû tama ī xaweb ge Jehovaba hoa xūna ra mû. (Heb. 4:13) Tā da ge ǃhūbaib ǁoreba ra mû khama sada tsîna ǁoreba nî mû. Apostel Johaneb tsēdi ǃnân ge ǂgomsa xu ǁnāǁgôa hâ khoena gere mî, Elob ǂkhā hâ xūna dī tsîts noxoba ǁîb ǀkha a ǀhōsagu ǁkhā ti. Nētsē da ge khoen hîna ǁnati ra ǂâin ǀkha ra hâ. ǂGui khoen ge Elob ǃnân ra ǂgom ti ra mî, xawen ge ǁîn ǁoreba ra mû ǀgauba Jehovab ra mû ǀgaub ǀkha ǀgui tama hâ. ǃGōsase, ǁgoe ūgus xa ī ga hâ o. Jehovab ǁoreb ase ra mû xūnan ge ǁîna, aitsamats ǂgaots kara-o a ǁhui ǁkhā ti ra ūbasen. w20.07 22 ¶7-8

Gagasi ǃgâsade ǃhoaba i du ra? Sao ra aiǁgausa kō re. ǀNî ǃgâsan ge ǃgâsas hîna ǀhûǀguitimî-ao tama aoba ǃgamme hâs, ǀhaodi tawa ǃonkhao hâse ǀkhī tsî toa i ga o ra oasa ra mû. ǁÎn ge ra mû ǁîs ǀnî ǁaegu ai ǀgui ǁîs ǀgôana ra hau saosa. ǁÎsa mî tsîn ge ra dî tae-i ǃaromas ǁîs aoba mîba tama hâ ǃkhâisa, îb mā-amsi is ǀgôana ǀhaode ǃoa ū-sao. Xawes ge nē ǃgâsasa ǁkhās a xū-i hoa-e ra dī. ǁÎs ge ǁîs ǁaebas mati nî sîsen-ūsa aitsama mî tama hâ tsîs ge ǀuniga mî-e ǁîs di ǀgôan ai ūhâ tama hâ. ǃGâsasa koa tsîts ge nau khoena ǃoa a mî ǁkhā ǁîs taena ǃgâise ra dīsa. Nēsats ga dī ots ge nau khoen ra ǃhoa ǁgai xūna a ǀû kai ǁkhā. ǀHaohâb ǃûi-aogu ge a ǂan Jehovab ǂhâba hâsa îdi ǃgâsade ǃgâi ǀgaub ǃnâ hâ-ūhe. (Jak. 1:27) ǁÎgu ge Jesub di ǀnōsa mûǂuiba ra ǁgae tsî ǃgâsade ǃgâi tsî ǁnâuǃgāxa ǀgaub ai ra hâ-ū. (Mat. 15:22-28) ǀHaohâb ǃûi-aogu ga ǁîde hui o, o gu ge ǁîde ra tsâ kai Jehovab tsî ǁîb ǀapeǂhomis ǁîde a ǀnamsa. w20.09 24-25 ¶17-19

Kēbo-aob Danieli ge ǃgamǃgamsenxase ǃnās hoasa Jehovaba gere ǂgan îb daoǁgauhe. Aiǁgauseb ge Jehovab xa hui-e tsî Nebukadnesari ǁhaposa a ǁguiǃā ob ge Daniela aitsamaba xub ge dī ti ge mî tama hâ i. ǁÎb ge hoa ǂkhaisiba Jehovaba ge mā. (Dan. 2:26-28) Tae-e da nēpa xu ra ǁkhāǁkhāsen? ǃGâsan ga sida ra mā ǃhoadi xa a ǃgâibahe tamas ka io da ga aoǁnâ sîsen-i ǃnâ a ǃgâi o. O da ge Jehovaba ǂkhaisiba māsa ǂâis ǃnâ nî ūhâ. ǂÂis ǃnâ da ge nî ūhâ nēn hoana da Jehovab huib ose ga dī hō tama hâsa. (Fil. 4:13) Nēti da ga dī o da ge Jesub di ǃgâi aiǁgausa ra ǁgae. Jesub ge hoaǁae Jehovab ai gere ǂgomaiǂnûi. (Jhn. 5:19, 30) ǁÎb ge tātsēs tsîna ǁîb ǀhōmsi ǁGûb di ǃharosa ge ū ǂgao tama hâ i. Filipeǁîn 2:6 ge ra mî: Jesub ge “Elob īsib ǃnâb hâ xawe ǁkhâuǁnâbasense Elob ǀkha ǀguiti-īsa ǃgôa tama” isa. ǃGamǃgamsen hâ ǀgôab aseb ge Jesuba ǁîb di ǃnubusina ge ǂan i tsî ǁîb ǁGûb ūhâ ǀgaiba gere ǃgôaǃgâ. w20.08 11 ¶12-13

Ûib ǃkhoeǀhûgus ǃnâ hâ ǃgâsan ǀnîn ge nau ǃgâsan a ǀū ǃgao tsî ǁnâuǃā tama ǃgomsina ra hōǃâ. ǃNūbusiga du ga ūhâ tsî nau ǃgâsan xa ǁnâuǃāhe tama khami tsâ o, o du ge Mefiboseti aiǁgaus xa a ǀgaiǀgaihe ǁkhā. (2Sam. 4:4) ǁÎb ge ge ǃhōra i tsî ǃgâi tamases tsîna Gao-aob Davib xa ge hâ-ūhe. Xaweb ge nēs xa ge ǂkhabuǂâi tama hâ i tsî ǁîb ûib ǃnâ ge hâ i ǃgâi xūna gere ǃgôaǃgâ. ǁÎb ge Davib ge ǃkharu ge ǁae ǁgaubi ǃgâixasiba gere ǃgôaǃgâ. (2Sam. 9:6-10) Nēs ǃaromab ge Mefiboseta Davib ge ǂhanu tama ǀgaub ǃnâ hâ-ū bi o, o nēsa ge ǁnâuǃā. ǁÎb ge Davib dīsadi xa ǂkhabuǂâi kaihesa ge mā-am tama hâ i. Tsîb ge Jehovaba Davib ge dī xū-i amsi ge ǂgā-am tama hâ i. Mefiboseti ge ǀgauna ǃoa gere kō îb Jehovab di ǂkhauhesa Gaoba ǂkhâǃnâ. (2Sam. 16:1-4; 19:24-30) Jehovab ge Mefiboseti di mâǂoa ra aiǁgausa ǁîb mîs ǃnâ ge xoamâi kai.—Rom. 15:4. w20.04 26 ¶3; 30 ¶18-19

ǀHaohâb ǃnâ hâ ǃgâsan ǀnîn ge sîsaben, ǀō-aisa aimâba-aon tamas ka io aimâba-aon ase ǁgaumâisa. ǁÎn ge ge mîǁgui în ǀoasase aoǁnā. Jehovaba ǀoasase ra ǃoaba ǃgâsan ǂgui mari-i tsî ǂgui xūn tsîna ūhâ tama hâ xaweb ge Jehovaba ǁîna ǂgui ǀkhaega ra mā. (Mrk. 10:29, 30) Sida ǃgâsana da ge kaise a ǀnam tsîda ge ra ǃgâiaǂgao ǁîn a ǀhaohâb di ǃâ ǃkhaisa. ǁGaumâisa ǃgâsagu tsî ǀoasase ra aoǁnâ ǃgâsan ǀguina ǀhaohâb ǃnâ ǃâba ra ǀhuru? Hî-i. Mâ ǃgâsa i hoa i hîna ǃgâi ǂhôasa ra aoǁnâ i ge Elob mûǁae tsî ǀhaohâb ǃnâ a ǂhâǂhâsa. (Rom. 10:15; 1Kor. 3:6-8) Kaise i ge a ǂhâǂhâsa îb ǀhaohâba Jesub Xristuba ǁkhāǁkhāsabena dība. (Mat. 28:19, 20; 1Tim. 2:4) ǁĀǁnâsa tsî ǁāǁnâsa tama aoǁnâ-aon hoan ge nē sîsen-e ǂgurose ǁîn ûib ǃnâ ra mâi ǂgao.—Mat. 24:14. w20.08 21 ¶7-8

Nētsēs di xoas ǃnâ i ra ǂoaxa khamib ge Jesuba ǃgomsina da ga hōǃâ o nî ǂkhâǃnâ da. Jesub di mîdi ge a ǀgaiǀgai da ǁkhā. Tae-i ǃaroma? ǀNî tsēdi kaise a ǃgom amaga. Aiǁgause i ga ǀnam da a khoe-e ga ra ǁō, o i ge sada tsûaǂgaoba ǀoro tsēdi ǀguide hâ tama hâ. Kaise ta ge ra tsûaǂgao. ǀNîn ge kaise ǃgom tsēde ūhâ kairan a amaga. Tsî ǀnîn ge depresiba ūhâ. Di i ga ra ī xawe, da ge ra mâǁapo ǂan ta a amaga Jesub ge “nē hâ ǁaeb di ǀams kōse” sada ǀkha hâ, ǃkhae tsēdi ǃnâs tsîna. (Mat. 11:28-30) Elob di mîs ge ra mîmâiba da, Jehovab ǀhomǃgān ǃnâ-ū nî huidasa. (Heb. 1:7, 14) Aiǁgause i ge ǀhomǃgāna ǂkhâǃnâ da tsî a daoǁgauda ǁkhā. ǃGâiǂhôasa ta ga ra aoǁnâ o “ǁnān, ǃhūbaib ai ǁan hâna, tsî mâ ǃhaoǃnās hoasa, tsî ǃhaos hoasa, tsî gowab hoaba, tsî ǁaes hoasa” ǃoa.—Mat. 24:13, 14; J.ǂHa. 14:6. w20.11 13-14 ¶6-7

Sida ǀkhā ra ǁkhāǁkhāsen khoe-e da ge ra ǁnâuǃā kai ǂgao nē i ra ǁkhāǁkhāsen xūn Elobmîsa xu ra hā ǃkhaisa. (1Tes. 2:13) Nēsa da mati ra dī? ǁKhāǁkhā du ra khoe-e ǂkhâǃnâ re ī i ǁkhāǁkhāsen î go xūn xa ǃhoa. Elobmîs xoade ǁkhāǁkhā du ra khoe-e hoaǁae ǁguiǃābas xa, ǁî-e mîba re ī i sado ǁguiǃāba. Hui īre ī i mû Elobmîs ǁkhāǁkhādi ǁî i ǃoa mati ra ǁnaeǁgausa. ǁÎ-e māǂoara dîde dîre hîna nî hui i e, ī i harase ǃhoa mati īra ǂâi tsî tsâsa nē i koro khomai xoadi xa. (Luk. 10:25-28) Aiǁgause ǁî-e dî re: “Nē xoasa mati go huidu īdu Jehovab di ǀgauga mû?” “Mati i nē du go Elobmîsa xu a ǁkhāǁkhāsen xūna sado a hui ǁkhā?” “Mati du nē du go ǁkhāǁkhāsen xūn xa ra tsâ?” Matiko xūna i ǁkhāǁkhāsen ra khoe-e a ǂans ge ǂhâǂhâsa tama hâ. Xawe ǁkhāǁkhāsen i ko xūna ûiǂuisa ǀnamsa. ǃGâise Elobmîsa sîsenū re. ǃGamǃgamsenxasiba du ge nî ūhâ ǃgâi ǁkhāǁkhā-ao kai ǂgao du ga ra o. w20.10 15 ¶5-6

ǂGomǃgâ ǁkhā da ge a Goasib aoǁnâ sîsen-i ǁaeb ai nî toasa. Noaxi tsēdi ǃnâ ge ī xū-e kō re. Jehovab ge ǁnāpa ge ǁgau ǁîb ǂhanu ǁaeb ai ǀgui xūna ra dīsa. 120 Kurin aisib ge ǀnai Jehovaba ge mîmâi hâ-i, kai ǁgammi dâus mâ ǁae nî tsoatsoasa. ǂGui kurin ǃkharu hâseb ge Jehovaba Noaxa ge mîba îb arka om. Hakadisi tamas ka io korodisi kurigu, ǁgam-i kai dâus aiǃâb ge Noaxa noxopa ǃgarise gere sîsen. Khoen ge ǃgâbi ǂgao tama hâ-i xaweb ge Noaxa ge aoǁâ ǀgara, Jehovab ge arki ǃnâ ǂgâ kaibis kōse. Tsîb ge Jehovaba ǁaeb ai arki di dausa ge “ǂganam.” (Gen. 6:3; 7:1, 2, 16) ǀGūǁaeb ge Jehovaba Gaosib ǃgâiǂhôas di aoǁnâ sîsen-e nî ǀam kai. Tsîb ge ǁGâuab di ǂgaeǂguisa nî hîkākā tsî ǀasa ǃhūbaib hîna ǁnâuǀnamxa khoen xa ǀhoa hâba nî hau. ǁNāǁaeb kōse hāre î da Noaxi tsî nau khoen hîna ge ǁîn di ǃomde sâ kai tama hâ-ina ǁgae. Tsî da ge aoǁnâ sîsen-i ai sida ǂâisa ǂnûi, ǃnūǃnâxa tsî ǀgaisa ǂgomsa nî ǃkhōǀgara Jehovab tsî ǁîb di mîmâidi ǃnâ. w20.09 13 ¶18-19

ǃGāsa tama i ga hâ o ham i ǃereamsa tani hâsa. O i ge Jehovab omarisa ga ǀhomaxa tsî ǂkhîoǃnâ hâ. Aiǁgause i ge khoe-e ǂan tide hami ǀuniga mîǁguiba nî dīsa. Tamas ka io ham i ǁnā mîǁguiga nî sîsenǂui kaisa. Elob ǂnûiǂgās danagu dis ga ǃgâi xūna a hau o. Tae-i ǃaroma di ǀnî tarekhoede ǁîdi aogu xa di ǁgaise ra hâ-ūhe? ǂGui aogu Jehovab omaris ǃgao mā hâ daoǁgaude sîsenū tama hâ amaga. Tsî ǀhaohâsib tamas ka io ǁîgu ge kai ǀgaub ǃnâ omarisa ra hâ-ū amaga. Tamas ka io gu ge ǁîgu ǃgâise ra tsâ ǂgao amaga ǁîgu tarade ra ǁore. Aiǁgauseb ge aoba ǀnîsi tarasa ra gaoǂam. ǂHâǂhâsaseb ra mûsen ǂgao amaga. Tamas ka io “ama aorekhoeb” asab ra ǁgau ǂgao amaga. ǁÎb ge ǁîb tarasa a ǀnam kai ǁoa. Xaweb ge ǁîsa a ǃao kai ǁkhā, tib ge ǀnîsi ra ǂâi. Tsîb ge ǃaos ra amaga ǂgaob ra xū-i hoa-e a dī kai si ǁkhā. Neti ī ǂâiǀgaub ge tarekhoesa ra khôaǁnā. Tsî ǁîsa xū-e ǃoaǂui tama khami a tsâ kai ǁkhā. Xawe Jehovab ge ǁnati ǂâi tama hâ.—Efe. 5:25, 28. w21.02 3 ¶6-7

ǂÂiǂhansen du ga o, o du ge Jehovaba ǃoa a ǀgore ǁkhā. Jehovab ge sadu ǀgorede ra ǃeream. “ǂKhîb” hîna ǁnâuǃāba ǃnāhâba mā dus ǃnâ-ū. (Fil. 4:6, 7) Jehovab ge ǁnā ǂkhîba nî mā du, ǁÎb ǃanu gagaba ra sîsenūse. (Gal. 5:22) Jehovaba ǃoa du ga ǀgore o, hoa xūna mîba re. Tsî ǃgāsase ǁguiǃā re. Tsî mîba bi re tae-i ra ǂhani du ǃkhaisa tsî mati du ra tsâsa. Nē xū-e sîsenǂams di ǀgaub ga hâ o, gā-aisib. Tsî ǀgaib tsîna ǂgan re î du nē xū-e dī ǁkhā. Nē ǃgomsiba du nî ūbē ǀgau i ga ǀkhai o. Jehovaba ǂgan re î du tā ǁî-i xa ǀgui ǂâi. Sadu ǀgoredi ǃnâ du ga sadu di tsâsiga ǃgāsase ǁguiǃā o. O du ge nî mû matib Jehovaba sadu ǀgorede ra ǃeream ǀgausa. Sadu ǀgoredi ga ǁnā ǁaeb ǂûb ai ǃeream-e tama io, o tā ǀûsen re. Jehovab ge ra ǂhâba î da ǃgāsase ǁguiǃā. Tsî ǀûs ose ǀgore.—Luk. 11:8-10. w21.01 3 ¶6-7

Nētsē gu ge ǀhaohâga ǃgamme hâ khoen tsî ǀgôana ūhâ omaridi tsîna ūhâ. Xawen ge ǃgamme tama hâ ǃgâsan tsîna ǀhaohâgu ǃnâ hâ. Nē ǃgamme tama hâ ǃgâsana da mati nî mû? Jesuba ǁgae tsîda ge ǁîb ge ǃgamme tama hâ khoen xa ūhâ i ǂâiǀgauba nî ūhâ. Jesub ge ǃhūbaib aib ge hâ io ge ǃgamme tama hâ i. ǁÎb ge ǃgamme tamase hâ tsî ǁîb ǁaeb tsî ǂâis tsîna ǁîb ǁgaumâis ai ge ǂnûi hâ-i. Jesub ge ǃgamme, tamas ka io tā ǃgamme ti ge mî tama hâ i. Xaweb ge ǁîba ge mî ǀnî Xristeǁîn ǃgamme tamase hâsa nî ǁhûisa. Jesub ge ǃgamme tama hâ khoena ge ǃgôa hâ i. ǁÎb ge ǃgamme tama hâ khoena ge ǃgôaǁnâ tama hâ i, tamas ka ion ǃnubusi-e ūhâ khama ge tsâ kai nî tama hâ i. Jesub khamib ge Pauluba ǃgamme tamase ǁîb ǁgaumâisa ge dīǀoaǀoa. Paulub ge Xristeǁî-e ǃgammesa tsū xū-i ase ge mû tama hâ i. ǁÎb ge ge mûǂan mâ khoe-i hoa-i ǁî-i mîǁguiba nî dīsa. w20.08 28 ¶7-8

Apostel Johaneb ge kaise gaxuse ge ûi. Tsî i ge ǂgui xūna ǁîb ǁaeb ǃnâ ge ī. ǃKharagaǃnâgu ǃgomsin hîna ǁîb di ǂgomsa ra ǂhapuǂhapun. Tsînab ge gere hōǃgâ. Xaweb ge gere dītsâ ib Jesub di mîmās hîna. ǁÎb di ǃgâsana ǀnamsa ǃkhōǂgā hâsa dī. ǁNā-amagab ge Johaneba ge ǂan i Jehovab. Tsî Jesub tsîn a ǀnam bi ǃkhaisa. Tsîkha ǀgaiba nî mâ bi ǃkhaisa. Ib hâ ga ǃgomsi i hoa-e mā ǃkharu. (Jhn. 14:15-17; 15:10) ǁGâuab tsî ǁîb di ǃhūbaib tsîn ge. Johaneba ge ǁkhaeǁgoa-i, ib ǀnamma. ǁÎb di ǃgâsan ǃoagu mîdi tsî dīgu ǃnâ-ū ǁgau. Johaneb khami da ge sada tsîna. ǁGâuab xa ra ǂgaeǂgui-e ǃhūbaib ǃnâ ra hâ. Hîna khoe-e ǀnam tamaba. (1Jhn. 3:1, 10) Sida ǃgâsana da nî ǀnam ǀûsab ge ra ǂhâba. Xawe da ga sida ǁnāsa mā-am o, o ǀguis ge ǁnāsa nî ī. A da dītsâ re i da sida di ǃgâsana ǀnamma ǁgau. Mî da ra xūn ǃnâ-ūs ǀguis ose. Xawe dī da ra xūn ǃnâ-ūs tsîna. ǀNamma da ga ǁgau o, o da ge. Kai ǃgâiaǂgaoba nî ūhâ. Jehovab di omaris di ǃâda a amaga. Tsî da ge ǂkhî ûiba nî ūhâ.—1Jhn. 4:7. w21.01 13 ¶18-19

Nē ǃhūbaib ǁGâuab xa ra ǂgaeǂguihe amaga i ge ǀnî ǁaega kaise a ǃgom. Tsî da ge a ǀū tae-e da nî dīsa. (2Tim. 3:1) Xawe da ge tā ǃao tsî nî ǂâiǂhansen. Jehovab ge a ǂan taena da ra hōǃâsa. ǁÎb ge ge mîmâi, ǁnā da ga ra o, ob amǀkhāb ǁôab ǀkha nî ǃkhōǀgara da ǃkhaisa. (Jes. 41:10, 13) ǂAn da ge a Jehovab nî huidasa. Tsî da ge Elobmîsa xu da ga ǁkhāǁkhāsen xūn ǀkhā. Hâ ga ǃgomsi-i hoa-i ǃnâ a mâǃkharu ǁkhā. Sida vidiogu, audio dramadi tsî “Imitate Their Faith” ǃâgu ge Elobmîsa ra ûi-ûi. Kō, ǃgâ tsî du nî khomais aiǃâ du ge Jehovab ai huiba nî ǂgan. Î du sado nî hui xūna ǃgāsase mû ǁkhā. Khomai ǃâs ǃnâ hâ khoe-i di ǂaidi ǃnâ mâisen re. ǂÂiǃgâ re nē ǂgomǂgomsa ǃoaba-aon Jehovab din ge dī xūna. Tsî matib ge ǁîna nē ǃgom ǁaegu ǃnâ a hui ǀgaus tsîna. ǁNapaxu ǁkhāǁkhāsen du go xūna du nî sîsenū ǀgauba ôa re. Jehovaba gangan re ǀnaib ra mādu huib ǃgao. Tsî ama gangan du ra sa ǁgau re nau khoena ǂkhâǃnâ tsî huis ǃnâ-ū. w21.03 19 ¶22-23

ǃGamme hâ khoe-aoguro ga ra o tsî ro ga ǀgôana ga ra hō ǂgao o, dîsen re: ‘ǃGamǃgamsenxa tsîm Jehovab tsî ǁîb mîs tsîna a ǀnam? Jehovaba sima nî ǁhûi im nē daroro-e kōǃgâ?’ (Psa. 127:4) ǀNai du ga ǀgôana ga ra ūhâ o dîsen re: ‘Ti ôana ta ǃgarise sîsensa ra ǁkhāǁkhā?’ (Aoǁn. 3:12, 13) ‘Dītsâ i ta ra ti ôana ǁgai xūna xu ǁkhaubasa?’ (ǂKhm. 22:3) Sadu ǀgôana du ge hoa ǃgomsina xu a ǁkhauba ǁoa. Xawe du ge ǁîna hā nî ǃgomsin ǃgao a aiǂhomi ǁkhā. Tsî ǁîna ǀnamxaǃnâ ǀgaub ǃnâ a ǁkhāǁkhā ǁkhā, în Elobmîs ǃnâ ǂgomaiǂnûi. (ǂKhm. 2:1-6) Aiǁgause i ga omaris di ǁani-e Jehovaba a ǃoaba ǀû o, sadu ôa-e Elobmîsa xu ǁgau re, tae-i ǃaroma i a ǂhâǂhâsasa i-i Jehovab ǃoa ai ǂgomǂgomsase hâ. (Psa. 31:23) Tamas ka io i ga ǀnam du a khoe-e ǁō o, sadu ôa-e ǁgau re, mati i Elobmîs xoade ǁî-e nî ǁkhaeǂgaosa.—2Kor. 1:3, 4; 2Tim. 3:16. w20.10 27 ¶7