Novemberi

ǀOro ǂansa da Jonab xa ūhâ amaga da ge ǁîba ǂgomǃgâhe ǁoa khoeb ase a ǀgoraǃgâ ǁkhā. ǁÎb ge Jehovab xa ge mîbahe îb ǀgoraǃgâs haisi amsa sī Nineves ǃnâ aoǁnâ. Nēsa ǁnâuǀnams xab ge Jonaba ǀnîhâ ǀkhaba ǃoa gau ǂgaus ai ǂoa tsî ‘Jehovab di aisa xu’ gere bē ǂgao. (Jon. 1:1-3) Jonaba du ǀnîha ǃēsa ga mā hâ nēsa ǂhanuǂhanus ǃaroma? Nēsa da ge ǀnîsi ga dī tama hâ. Xaweb ge Jehovaba ǃaromasa ge ūhâ i nēsa dīs disa. (Jon. 3:1, 2) Jonab ge mâ ǃoa khoeb a ǃkhaisa ǀgores ǃnâ ge ǁgau. (Jon. 2:1, 2, 9) Jonab ge ǂgui ǃnâde Jehovaba ǃoa gere ǀgore. ǁNā ǀgoredi ǀguisab ge ǁaub ǃnāba xu ge dī. Hîna ra ǁgau dasa ǁîb ge ǁîb ǁgaumâisa xu ǃkhoes ǀguisa i tama hâ i ǃkhaisa. ǁÎb mîdi ge ra ǁgau ǁîb ge ganganxa tsî nē ǃnās aib Jehovaba nî ǁnâuǀnam ǃkhaisa a mîmâisa. Nēs ǃaromab ge Jehovaba Jonab dīsadi ǃoa ǀgui ge kō tama hâ i. Tsî ǁîb ǀgoresa ǁnâu-am tsî ǁkhawa ge sîsen-ū bi. Kaise i ge a ǂhâǂhâsa, ǀhaohâb ǃûi-aob ge hoa amababab “ǁnâu tama hâ hîa” ǁnamasa tā nî mā. w20.04 15 ¶4-6

ǂGurokham ǁkhāǁkhāsebegu ge, ǁkhāǁkhāsa ge ūǃoa tsî ǃanu gagab xa gere hui-e Elobmîsa ǁnâuǃāsa. ǁÎgu ge gere ôaǃnâ îgu kō nē ǁkhāǁkhādi xoasa xu hâsa. (ǃNǃkh. 17:11, 12; Heb. 5:14) ǁÎn ge ǁîn di ǂgomsa tsâsigu ai ǀgui ge om tama hâ i. Tsî ǁîn ge Jehovab khoen ǀkhan ra hâ o, on ǃgâise ra tsâ amaga ǀgui Jehovaba ǃoaba tama. Xawe ǁîn di ǂgoms ge “Elob di ǂans” ai a ǃgaoǃgaosa. (Kol. 1:9, 10) Elobmîs ǃnâ hâ amab ge dawa tama. (Psa. 119:160) Aiǁgause, khoen ga tsûtsû da tsî ǁgai xūna dī xaweb ge nē amaba dawa tide. ǃGomsina da ga ūhâ xawes tsîna i ge dawa tide. Mîsa da ge nî ǂan tsî da ge nî ǂgom. Mîs ǃnâ hâ xūn ge amaba. Elobmîs ǃnâ da ga ǀgaisa ǂgomsa ūhâ o, o da ge ǃgom tsēdi ǃnâs tsîna ǂgomǂgomsase nî hâ. w20.07 9 ¶6-7

Jesub ge ǁîb ǃgâsaga da ra mā huiba ǁîba da ra dība xū-i ase ra mû. (Mat. 25:34-40) ǂHâǂhâsa ǀgaub hîna da nē ǂkhauhesa ǃgâsaga ra huib ge Gaosib aoǁnâ sîsenni ǃnâ hoase ǁhaosa. Tsî Jesub ge mîmā da khami ǁkhāǁkhāsabe dīsa. (Mat. 28:19, 20) Nau “gūn” di huib ǀkha ǀguigu ge Xristub di ǃgâsaga nē ǃhūbaib ǂhawase ra dîhe aoǁnâ sîsenna a dī ǁkhā. (Jhn. 10:16) Nau gūn di ǀgui da ga o. O da ge mâǁaeb hoab hîna da aoǁnâ sîsenni ǃnâ ra ǁhaob ai ǀnamma ǂkhauhesa ǃgâsagu tsî Jesub tsîna ra ǁgau. Jehovab tsî Jesub tsîkha ǀkhas tsîna da ge ǀhōsagusisa ra kuru. Sada māsenxa mādi ǃnâ-ū nē sîsenna ǂkhâǃnâs ǃaroma. (Luk. 16:9) Aiǁgause da ge ǃhūbaib ǂhawase ra dīhe sîsenna a ǂkhâǃnâ ǁkhā. Tsî tsūgeǃgâgu ǃnâ hana nî hui. Sada ǀhaohâgu tsîna da ge a ǂkhâǃnâ ǁkhā.—ǂKhm. 19:17. w20.04 24 ¶12-13

Nē kēbosa dīǀoaǀoahes ǃaromab ge ǀapas di gaoba ‘elogu ǁîb îgu diga ge ǃgôaǃgâ’ tama hâ i. Tae-i ǃaromasa nēsa? Soviet unions ge hoaraga ǂgomde gere hîkākā ǂgao tsî nēs ǃaroma ǀgaisa ǃhaoǃnâbe ǂgom ǀgauga gere ǁnāǂam. Nēsa dīǀoaǀoas ǃaromab ge Soviet unions ǂhanuba 1918ǁî kurib ǃnâ ǀnai ge mîmâi i gu skolga Atheist ǂgoms xa ǀgui ǁkhāǁkhā. Matib ge ǀapas di gaoba elob ǀgaib diba ǁîb “mâ ǃkhais” ai ǃgôa? Soviet Unions ge kaise ǂgui mari-e ge sîsen-ū toroǃkham-ū xūna ǀhaoǀhaobasen tsî ǀgaiba omkhâibasens ǃnâ. ǀApas gaob tsî ǃkhapagas gaob tsîkha hoakha ge ǂâusa ǃkham xūna ge ǀhaoǀhaobasen. ǂGui ǃgôab khoena ǃgams di ǂâibasens ǀkha. ǀApas di gaob ge ǃkhapagas di gaoba ǀgui ǂhâǂhâsa ǃaromas amsi ǀgui gere hui. ǁÎkha ge “ǁGaidib hîǀhurus diba nî ra mâi.”—United Nationsa.—Dan. 11:31. w20.05 6-7 ¶16-17

Hamna ǃkhai hâ ǃgâsana ôas ǀkha a hui ǁkhā? Hoada ge nēs ǃnâ a ǃâ ǁkhā—ǀhaohâb ǃûi-aogu, aimâba-aon, ǀaokhoen tsî ǀhaohâb ǁanin tsîna. ǀHōsa-i tamas ka io ǀaokhoe-i hîna ǃkhai hâ-e du a ǂan? Tae-e da nî dī aoǁnâ da ra hîna da ga ǃkhai hâ khoe-e ǀhoa-ū o? Khoe-e mîba re ǀhaohâb ǃûi-aogu xa i ga sari-e ǂgao o. O du ǁî-i nomorsa ǁîga a mā ǁkhā ǃkhaisa. Thomab di ǀon hâ ǀhaohâb ǃûi-aob ge ra mî: “ǂGuro ta ge ǃkharagaǃnâgu ǃgâsana ra dî ǃkhai hâ ǃgâsan mapa ra hâ ǃkhaisan a ǂansa. Tamas ka i o ta ge aoǁnâ-aona ra dî ǃkhai hâ ǃgâsan hîna ge ǀhaode ǁhaoǃnâ ǀūnan a ǂan ǃkhaisa. ǁÎna ta ga sari o ta ge ǁîn di ôan tsî ǀaokhoen xa ra dî ǃnâ nî. ǀHaoden ge ǁîn di ǀgôan hîna ge ǁāǁnâsa tama aoǁnâ-ao-in ǀkhas tsîna gere ǁhaoǃnâ amaga. ǁÎn tsîn ge a hui-e ǁkhā în Jehovaba ǃoa oaǀkhī.” w20.06 24 ¶1; 25 ¶6-7

ǃHūbaib ai ge kuruhe xūn hoan ǃnân ge khoen ǀguina. ǃKharu ge ǁaeb ǃnâ ge ī xūn xa ǂai-oa tsî ǁîna xu a ǁkhāǁkhāsen ǁkhā. Nēs ǃaroma da ge ǃgâi xūna ǁkhāǁkhāsen tsî sada ûiga a ǃgâiǃgâi ǁkhā. (1Kor. 6:9-11; Kol. 3:9, 10) Sada di ǃgâiǂâis tsîna da ge a ǁkhāǁkhā ǁkhā is tae-i a ǂhanus tsî tsūs ǁaegu hâ ǃkharagagusiba ǂan. (Heb. 5:14) ǀNammi, tsâbaǁhaoxasib tsî ǀûbaǀnamxasiba ǁgaus tsîna da ge ǁkhāǁkhāsen ǁkhā. Tsî da ge Jehovab di ǂhanu-aisiba ǁgaes tsîna a ǁkhāǁkhāsen ǁkhā. ǀGui ǀgaub xūna ǂâihōs ǁkhāsiba da ra ǃgôaǃgâ ǃkhaisa ǁgaus ge. Jehovab ge mati ǃkharu ge ǁaeb ǃnâ hui tsî ǂkhâǃnâ da ǀgauba ǂâihōsa. Nēs ge sada ǃnâ ǂgomǃgâsiba nî omkhâi ǁîb sada huis ǀkha nî aiǃgûsa. (Psa. 77:12; 78:4, 7) ǀNî ǀgaub nēsa da a dī ǁkhāb ge nau khoen ge dība da xūn xa ganganxasiba ǁgausa. Ôaǃnâ-aon ge ge ǂanǂui ganganxasiba ra ǁgau khoen ǃnāsa ǁaeba a ǂkhî ǃkhaisa. w20.05 23 ¶12-13

Moseb gere tsâ ǀgaub xa ǂâi re, ǃhommi aib ge Jehovab ǂkhaisiba a mû o ǁhapos ǃnâ. “Nē i ge ge ǂoaǂamsa xū-i hîna i khoe-e ge mû ǁkhā i-e” dis ge Insight on the Scriptures di ǀon hâ ǂkhanisa ra mî. Moseb ge saora mîde ǀhomǃgāba xū ge ǁnâu: “ǃKhūtse, ǃKhūtse Elots ǀkhomxaǂgaoxa tsî ǀkhomxaǃnâts, ǃnūǃnâxa tsî ǃgâidīb tsî amab tsîkha ǃnâ a kaits. ǃGâidība ra sâuts, ǂgui ǀoadisi ǃhaodi kōse, ǂhanuoǃnâsib tsî ǃûǂams tsî ǁoreb tsîna ra ǀûbats.” (Eks. 33:17-23; 34:5-7) Moseb ge nē xū-i xa hoaǁae gere ǂâi. Jehovab ǀonsab gere sîsen-ū o nētsēs di xoas ǃnâ. Jehovab ǀons xa da ga ǂâi o, o da ge. ǀOns di ǀhonkhoeb xas tsîna ra ǂâiǃgâ ǂgao. ǁÎb di ǀgaugu xa da ge ra ǂâi ǂgao aiǁgause. ǁÎb ǀgaib, gā-aisib, ǁîb ǂhanu-aisib tsî ǁîb ǀnammi xa. Nē ǀgaugu tsî ǀnîhâgu xa ǂâiǃgâs ge nî hui da. Î da ǃaoǃgâsiba omkhâi.—Psa. 77:11-15. w20.06 8-9 ¶3-4

Jesub ge ge mî ǀnammi hîna da Elob khoen ǁaegu ra mûb. Ge nî hui da i da Jehovab khoena mûǃā. (Jhn. 13:34, 35) Xawe ǀgaisa ǂgomsa da ga ǂhâba o, o da ge ǀnî xūna noxoba nî dī. Sida ǂgoms ge Elob khoen ǁîn ǁaegu ūhâ ǀnammi ai ǀgui tā nî ǃgaoǃgaosa. Tae-i ǃaroma? Sida ǂgoms ga nē ǀnammi ai ǀgui ǃgaoǃgaosa o, o da ge supuse nē ǂgomsa a ǂoaǃnâ ǁkhā. Aiǁgause, ǀhaohâb ǃûi-aob tamas ka io, aimâba-ao i ga tsū ǁore-e dī o. O da ge Jehovaba a ǃoaba ǀû ǁkhā. Tsî ǃgâsa i ga ǁaiǁai da, tamas ka io amaba mâǃoa. Tsî sida ra ǂgom xūn ama tama ti a mî ǁaeb ais tsîna da ge Jehovaba a ǃoaba ǀû ǁkhā. ǁNā-amagas ge sida ǀgaisa ǂgomsa Jehovab ǀkha da ūhâ ǀhōsagus ai nî ǃgaoǃgaosa ī. Nau khoen ra dī xūn ǃgao du ga Jehovaba ǃoaba. Tsî ǁîb ǀkha du ūhâ ǀhōsagus ǃgao ǃoaba tama io os ge sadu ǂgomsa mâǁapo tide. Jehovab tsî ǁîb khoen xa du ra tsâ ǀgaub ge ǂgomsa omkhâis ǀkha nî hui du. Kaise i ge a ǂhâǂhâsa i da Elobmîsa ǁnâuǃā tsî ǁkhāǁkhāsen tsî ôaǃnâ. Î da ǀgaisa ǂgomsa ūhâ nē da ra ǁkhāǁkhāsen amaba Jehovab xa.—Rom. 12:2. w20.07 8 ¶2-3

ǃKhai hâ khoen hîna Jehovaba ǃoa ra oaǀkhī ǂgaona. Da ra ôa ǁaeb ai gu ǀhomǃgāga ra hui da. ǀGausa ra ǁgau aiǁgaude da ge ūhâ. (J.ǂHa. 14:6) Aiǁgause, Silviob hîna Ecuadors ǃnâ ra hâb ge Jehovaba ǃoa ge ǀgore. Îb ǁîba nî hui khoe-e sî ǀhaohâba ǃoa oas ǃaroma. ǀGoreb ra hîna kha ge ǀgam ǀhaohâb ǃûi-aokha ǁîb oms tawa ge sī. ǁNā ǁaeb ǂûb aikha ge ǁîba ǂhâb ge hâ i huiba ge mâ. Kaise da ge nî ǂkhî gagasise ǃkhai hâ ǃgâsana da ga Jehovaba ǃoa oaǀkhīs ǀkha hui o. Aimâba-aob Salvatori hîna ǃkhai hâ khoena huisa mîmâi hâb ge ra mî: “ǁAen ai ta ge ti ǁāmrona a ǃkhō-oa ǁoa. Kaise i ge ra ǂkhî kai te mûsa Jehovab ǁîb gūro-e. ǁGâuab ǃhūbaiba xu ra oresa tsî ǁîb ǀkha nēs ǃnâ sîsenǀhaos ge aiǂhanub ase ī.” Jehovab khoen ǀkha du ga hâ ǀû xawe du ge ǂâis ǃnâ nî ūhâ. Jehovab noxoba a ǀnam du ǃkhaisa. Jehovab ge oaǀkhī du nî ǃkhaisa ǃâu hâ. Tsî ǀnamxaǃnâ ǀgaub ǃnâ nî ǃkhōǃoa du. w20.06 29 ¶16-18

Sida ‘ǁkhāǁkhā-aob’ Jehovab ge aiǁgaude ra mā da Elobmîs ǃnâ îda ǁnāpa xu ǁkhāǁkhāsen. (Jes. 30:21) ǀGaugu hîna Eloba a ǃgâibaga ūhâ khoen hîna Elobmîs ǃnâ hân di aiǁgaude ǂâiǃgâsa xu da ge ra ǁkhāǁkhāsen. Nē ǀgauga ge ūhâ tama hâ i khoen ǀkha ge ī xūna ǂâiǃgâsa xus tsîna da ge ra ǁkhāǁkhāsen. (Psa. 37:37; 1Kor. 10:11) ǂÂiǃgâ re Gao-aob Sauli ǀkha i ge tae-e a ī sa. ǃGamǃgamsen hâ ǂkhamkhoeb aseb ge ge ǂgaeǂgui tsoatsoa. ǁÎb di ǃnubusigab ge ǃamkuse ge ǂan i tsîb ge ǃnāsa sîsen-e ge ūǃoa ǂgao tama hâ i. (1Sam. 9:21; 10:20-22) Xaweb ge ēga ge ǀgapiǂâixa tsoatsoa tsî mā-amhe tamab hâ xūna ge dī. Gao-ao kaib ges khaoǃgâb ge nē ǁgai ǂūb ǀkha ge tsoatsoa. ǀGui ǁae-i aib ge kēbo-aob Samuela ge ǃâuǁkhui tsî khau ǁguibas hînab mā-amhe tama hâsa ge dī. ǁNā-amagab ge Saula Jehovab mā-amsa ge ǂoaǃnâ tsî ega gaosis tsîna ge ūǀhana-e. (1Sam. 13:8-14) Nē ǁgai aiǁgausa xu ǁkhāǁkhāsen tsî da ge mā-amhe tama da hâ xūna tā nî dī. w20.08 10 ¶10-11

Jehovab ge Xristub ǃnâ-ū ǁîb ǀhaohâba ‘khoen māde ge mā.’ (Efe. 4:8) Nē ‘khoen mādi’ ge ǂgaeǂguira soros ǁanigu, ǂgaeǂguira sorosa ra hui ǃgâsagu. ǁNâub komites ǁanigu, ǃnarimâra mûǂam-aogu, Elobmîs skolgu tawa ra ǁkhāǁkhā ǃgâsagu. ǀHaohâb ǃûi-aogu, tsî ǀhaohâb hui-aogu tsîna ǃkhōǂgā hâ. Nē ǃgâsagu hoagu ge ǃanu gagab ǀkha ǁgaumâihe hâ i gu Jehovab di gūna kōǃgâ tsî ǀhaohâba ǀgaiǀgai. (1Pet. 5:2, 3) ǃGâsagu ge ǃanu gagab ǀkha ra ǁgaumâihe îgu ǃkharagagu sîsen-e dī. Hoa soros nî ǀama gan soros di ǁanina ra sîsenǁare. Khami gu ge ǃanu gagab ǀkha ǁgaumâisa ǃgâsaga ǃgarise ra sîsen. Îb hoaraga ǀhaohâba ǁnapa xu ǀama. Khoen xa gu nî koahe ga gu ge nē sîsen-e dī tama hâ. Xawe gu ge ǃgâsana omkhâi tsî ra ǀgaiǀgai ǂgao. (1Tes. 2:6-8) Jehovaba da ge ra gangan nē gagasise ǀgaisa ǃgâsagu. Hîna nau khoen di ǂhâsiga ǁîgu din ǀgapise ra mâi gu ǃaroma. w20.08 21 ¶5-6

ǀGui xū-i hîna aoǁnâs turaba ra māda i ge khoen “tsau hâ tsî ǁnāxūhe hâ” ǃkhaisa. Tsîn ge Gaosib ǃgâiǂhôasa ǂhâ hâ. (Mat. 9:36) Jehovab ge ǂhâba hâ i i mâ ǀguiǀguibe khoe-i hoa-e amaba ǂan tsî sâuhe. (1Tim. 2:4) Sida aoǁnâ sîsen-i khoen di ûiga ra sâu ǀgaub xa da ga ǂâi o da ge aoǁnâs turaba nî ūhâ. Khoen di ûiga da ge ra sâu. (Rom. 10:13-15; 1Tim. 4:16) Tsî da ge aoǁnâ sîsen-i ǃgao ǂhanu xūna nî ūhâ. Nē xūna da nî sîsen-ū ǀgaub tsîna da ge nî ǂan. Jesub ge ǁîb di ǁkhāǁkhāsabega ǃgāsase ge mîba mati gu ǃgâiǂhôasa nî aoǁnâsa. Tae-en nî ū-saos, mapan nî aoǁnâs tsî tae-en nî mîsab ge ǁîna ge mîba. (Mat. 10:5-7; Luk. 10:1-11) Jehovab di ǀapeǂhomis ge ǁkhāǁkhās di boksisa ra māda. Hîna sida di aoǁnâ sîsen-i ǃnâ ǃgâise ra sîsen-ūhe xūna ūhâsa. Tsî da ge ra ǁkhāǁkhāhe mati da nē xūna nî sîsen-ūsa. Nēs ge ra huida i da supuse aoǁnâ tsî ǃgâi ǁkhāǁkhā-ao kai.—2Tim. 2:15. w20.09 4 ¶6-7, 10

Apostel Johaneb ge kaise ge ǂkhî ǁîb ge amaba a ǁkhāǁkhā khoen, ǂgomǂgomsase Jehovaba noxoba ra ǃoaba ǃkhaisab ge ǁnâu o. ǂGui ǃgomsinan gere hōǃâ amagab ge Johaneba ǃgarise gere sîsen. Îb nē ǂgomǂgomsa ǃgâsan hînab gagasi ǀgôan ase gere mûna hui tsî ǁîn ǂgomsa ǀgaiǀgai. ǁKhā ǀgaub ǃnâ da ge sida tsîna ra ǂkhî sida ǀgôan. Tamas ka io amaba da ge ǁkhāǁkhā khoen ǁîn ûiba Jehovaba māǁnâ tsî ǁîba ra ǃoaba ǀgara o. (3Jhn 3) 98ǁÎ kurib ǃnâb ge Johaneba Jehovab di ǃanu gagab xa doeǁgari-e hâse ǃnona sîǂkhanide ge xoa. Nē ǃnona ǂkhanidi ge ǂgomǂgomsa Xristeǁîna gere hui in ǁîn ǂgoms Jesub ǃnân ūhâsa ǀgaiǀgai tsî amab ǃnâ ǃgû ǀgara. Johaneb ge ǂhumi ǁkhāǁkhā aogu hîna ǀhaohâb ǃnâ ǂgâ tsî khoena ra ǂgaeǂhapugu xa gere ǂâiǂhansen. (1Jhn. 2:18, 19, 26) Nē ǁnāǁgôa hâ khoen ge Eloban a ǂan di gere mî, xawen ge Jehovab di mîmāde ge ǁnâuǀnam tama hâ ī. w20.07 20 ¶1-3

Sida ra aoǁnâ haisi-ams ǃnâ da ge ra ǂgom. ǁNā-amaga da ge nēsa ǂgui khoen ǀkha ra ǀgoragu ǂgao. Elobmîs ǃnâ hâ mîmâide da ge ra ǂgomǃgâ. (Psa. 119:42; Jes. 40:8) Elobmîs kēbodi hîna sida di ǁaeb ǃnâ ra dîǀoaǀoahede da ge ra mû. Khoen Elobmîs di tsoatsoade ǁnâuǀnam tsî ǁîn di ûib ǃnâ ǀkharaǀkharana ra dī ǀgausa da ge ra mû. Nē ǁgauǁgaudi ge sida di ǂgomǃgâsiba ra ǀgaiǀgai. ǁNā-amagas ge nē haisi-ams Gaosib ǃgâiǂhôas disa, khoe-i hoa-i xa ra ǁnâuhe ǂgao. Jehovab ǃnâs tsîna da ge ǂgomǃgâsiba ūhâ, nē haisi-ams di danaba. Tsî ǁîb di ôab Jesub hînab ge nē Gaosib di Gao-aose a ǂnûib ǃnâ. Tae-i ǀgui-i ga ī xaweb ge Jehovaba a sida di ǀgai tsî a sâuǃkhai. (Psa. 46:1-3) ǁNās xōǀkhā da ge ra ǂgomǃgâ, Jesub nē sîsen-e Jehovab xab māhe hâ ǀgaib ǀkha ǀhomma xu ra kōǃgâsa. (Mat. 28:18-20) ǂGoms ge ra hui da î da Jehovab dī da ra xūn ǃgao nî ǀkhaedasa ǂgomǃgâ. w20.09 12 ¶15-17

ǀNî ǁaegu ai di ge sida di ǃgâsade ǃhoabahesa ǂhâ hâ. (Jes. 1:17) Aiǁgause i ge ǃoataras tamas ka io aob ǀkha ǀgora hâ ǃgâsasa, ǁîs aob gere dī sîsenan ǀnîn ǀkha nî huisi khoe-e ǂhâ hâ. Kaira ǃgâsas tsîn ge huiba ǂhâ hâ is dokteran ǀkha ǃhoabahe. Aimâba-ao ǃgâsas hîna Jehovab di ǀapeǂhomis, ǃnâ ǀkhara sîsen-e ra dīs tsîn ge khoe-e ǂhâ hâ is ǃhoabahe. ǀNî khoen ga aimâba-aoses aoǁnâ sîsen-i ǃnâ nau aimâba-aon khami dī tama hâ ti ga ra mî o. Jesub di aiǁgausa kō re. Jesub ge ǁîb di gagasi ǃgâsade gere ǃhoaba. Aiǁgauseb ge Mariasa ge ǂnoaba Martas ge ǃgâi xū-es dī tama ti a mîsi o. (Luk. 10:38-42) Tsîb ge Mariasa ǀgamǁî ǃnâsa ge ǂnoaba nau khoen ge ǃgâi tama xū-es ra dī ti a mî o. (Mrk. 14:3-9) Jesub ge Marias di ǂâiǀgauba ge ǁnâuǃgā tsî ǁîsa ge koa. ǁÎb ge kēbo tsî ge mî: “Mapa ǀguis ga nē ǃgâiǂhôasa aoǁnâhe ǃhūbaib hoab ai,” îge ǁîs ge dī ǃgâi xū-i xa nî ǃhoahe. w20.09 24 ¶15-16

ǃGâi ǃûi-aob ge a ǂan gū-i a kā ǁkhā ǃkhaisa. Tsî gū-i ga nau gūna xu ǃgûbe o, os ge nēsa ǂâibasen tama hâ ǃûi-aob ǁî-e ǃgâi tamase ra hâ-ū dī. Elob mā hâ aiǁgausa ǃoa kō re khoe-i ga ǁaeroba ǁîba ǃoaba ǀû o ǁî-e huisa ra ǁgaus di-e. Kēbo-aob Jonab ge Jehovaba ǁnâuǀnamoǃnâ tsî ǁîb ǁgaumâisa xu ge ǃkhoebē. Xaweb ge Jehovaba Jonaba ǃhaese ge ǂhābē tama hâ i. ǃGâi ǃûi-aob aseb ge Jehovaba ǁîba hui tsî gagasise ge ǂkhâǃnâ ǁîb ǁgaumâisa dīs ǀkha. (Jon. 2:7; 3:1, 2) Egab ge Jehovaba buruxa haisa ge sîsen-ū. Jonaba huis ǃnâ îb mû mâ khoe-i hoa-i a ǂhâǂhâsa ǃkhaisa. (Jon. 4:10, 11) Tae-e da nepa xu ra ǁkhāǁkhāsen? ǀHaohâb ǃûi-aogu ge tā ǃhaese nî ǀûsen ǃkhai hâ khoena gu ga hui o. Xawe gu ge ra dītsâ ǁnâuǃāsa tae-i ǃaroma i nē gū-e nauna xu ge ǃgûbēsa. Nē gū i ga Jehovab ǃoa oaǀkhî o, o gu ge ǀhaohâb ǃûi-aoga ǁî-e ǀnammi tsî tsâbaǁhaoxasiba ra ǁgau. w20.06 20-21 ¶10-12

Soviet Unions ge 1991ǁî kurib ǃnâ ǁnā o, on ge Elob khoena ‘ǂkhari huiroba’ ge hō—ǃnorasasib ǁaeba. Nēs xa ǃaroma-e hâsen ge ǂgui ǃgâsana Soviet Unions ǃnāga gere ǁnā ǃhūgu ǃnâ ge aoǁnâ ǁkhā i. Tsîn ge ǂgui aoǁnâ-aona ǁnā ǃhūgu ǃnâ ge ǀoa. Xawe kurin khaoǃgâb ge Russiab tsî ǁîba ra ǂkhāǃnâ ǃhūgu tsîna ge ǀapas di gao kai. ǂHanub ge ǃnona xūna nî dī, ǀapas di gaob tamas ka iob ga ǃkhawagas di gao kai ǂgao o: (1) Elob khoena ra ǁnāǂam, (2) ǁîn dīgu ǃnâ-ū nî ǁgau Jehovab tsî ǁîb ǃoaba-aon di mâǃoa-aon a ǃkhaisa tsî (3) nau gaob ǀkha nî mâǃoagu. Russiab tsî ǁîba ra ǂkhâǃnâ ǃhūgu ge Elob khoena ra ǁnāǂam. Aoǁnâ sîsenna ǀam kai tsî ǂgui ǃgâsan hîna ǂkhâǃnâ ra ǃhūgu ǃnâ hâna ǃkhōsis ǃnâ ra ǂgā. Nē dīgu ge ra ǁgau Jehovab tsî ǁîb ǃoaba-aon di mâǃoa-aon a ǃkhaisa. Tsî gu ge ǃkhapagas gaob ǀkha ra mâǃoagu, Britaini tsî Amerikaba. w20.05 12-13 ¶3-4

ǁKhāǁkhās tsî aoǁnâs tsîn ǀguiba ra sîsenǀhao amaga da ge ra ǃgâi ǁkhāǁkhā-ao kai ǂgao. ǃHūbaib ǂhabase da ge ǂgui Elobmîs ǁkhāǁkhāde ra dī. Elobmîsa xū da ra ǁkhāǁkhāsen xūna da ge a ǀnam. ǁNā-amaga da ge kaise ǁîs xa ra ǃhoa. Xawe da ge tā ǃKhē xu ǂgō-ommi, ǀhaohâb Elobmîs ǁkhāǁkhās tamas ka io oms ai ra dīhe ǁkhāǁkhāde da ga dī o, kaise nî ǃhoa. Mâ ǁkhāǁkhā-ao i hoa i ge Elobmîsa ǃgâise ra sîsen-ū ǂgao ǁkhāǁkhā i ga ra o. ǁNā-amaga i ge ǃkhō-oasensa ǂhâba hâ ī i tā kaise ǃhoa. (Jhn. 16:12) Dītsâ re îdu mâ xū-i hoa i hîna xoas ǃnâ hâ-e ta ǁguiǃā. ǁĀǁnâhe du ge, o du ge ūhâ i Elobmîs ǂans tsî nēsi du matiko ǂansa ūhâs tsîna ǀgobeǀnōre. ǀNîsi du ge ǀnî ǂhâǂhâsa ǁkhāǁkhān Elobmîs din ǀguina ge ǁnâuǃā. (Heb. 6:1) Nētsē du a ǂan xūna ǁkhāǁkhāsens ge ǂgui kurina ge a ū. ǁNā-amaga du tā ǀasase ra ǁkhāǁkhāsen khoena hoa xūna ǀgui ǁaeb ai ǁkhāǁkhā re. w20.10 14-15 ¶2-4

Jehovab ge ǃgâi ǁgûna Jesuba ge ǁhûiba. (Mat. 1:18-23; Luk. 1:26-38) Marias gere ǁgâiǂuisen ǀgaub hîna Elobmîs ǃnâ a xoasab ge. ǁÎs ǀnammi Jehovab tsî ǁîb mîsas ūba hâba gere ǁgau. (Luk. 1:46-55) Tsî Josefi ge Jehovab di daoǁgaude gere ǁnâuǀnam ǃkhais ge ra ǁgau, Jehovabab gere ǃgôaǃgâ ǃkhaisa. Tsîb ge ǁîb di mîsa gere dī ǂgaosa. (Mat. 1:24) Jehovab ge ǃkhū hâ ǁgûna Jesub ǃgao ge ǁhûi tama hâ-i. Josefi tsî Marias tsîn ge Jesub di ǃnaes khaoǃgâ a dī ǁguibas ge ra ǁgau, ǁîra ge ǀgâsa-i ǃkhaisa. (Luk. 2:24) ǁÎn ge ǂgui mari-i tamas ka io ǂgui xūna ge ūhâ tama hâ-i. Egas ge omarisa a kai amaga. (Mat. 13:55, 56) Jehovab ge Jesuba gere ǁkhauba. Xaweb ge hoa ǃgomsina ge ūbē tama hâ-i. (Mat. 2:13-15) ǀNî omaris ǁanin ge Jesub ǃnâ ge ǂgom tama hâ i tsî ǁîb a Mesia ǃkhais ǃnâs tsîna. (Mrk. 3:21; Jhn. 7:5) Tsîb ge ǀnîsi Josefa, Jesub a ǂkham hîna ge ǁō. w20.10 26-27 ¶4-6

ǀGuri du hâ tsî i hui du nî khoe-e a ǀkhai khami du ra tsâ? ǂGuin ge di ra tsâ, ǁnān Jehovaba ǂgomǂgomsase ra ǃoabana ǃkhoǂāhâse. (1Gao. 19:14) Di du ga ra tsâ o, Jehovab mîmâis xa ǂâi re: “Tita ge ǁnāxū tsi tide, tsî ta satsa xu ūdawasen tide.” ǁNā-amaga da ge ǂgomǃgâsib ǀkha ra mî: “ǃKhūb ge a ti Hui-ao, o ta ǃao tide.” (Heb. 13:5, 6) Apostel Paulub ge nē mîde Judab ǃnâ ra hâ Xristeǁîna ǃoa ge xoa 61ǁî kuri. ǁÎb mîdi ge Psalmdi 118:5-7 ǃnâ a xoasa mîdi ǀkha a ǀgui. Psalmdi xoa-aob khamib ge Pauluba ge ǂan i Jehovab a ǁîb di hui-ao ǃkhaisa, ǃkharu gere ǁaeb ǃnâb ge ǂgui ǃnâde huihe hâ-i amaga. Aiǁgause, ǀgam kurigu ǃgau hâ ǁîb sîǂkhanisab Hebreǁîna ǃoa nî xoas aiǃâb ge, Pauluba kaise ǁgai huri ǂoaba ge hōǃâ. (ǃNǃkh. 27:4, 15, 20) ǁNā kurigu ǃnâb ge Pauluba ge mû Jehovab a ǁîb di hui-ao ǃkhaisa. w20.11 12 ¶1-2

Tae-i ǃaroma i ǃgâi tama hâ, sida ûib ǃkharugeb ge ǃgâi i ǀgaus xa ǀgui ǂâisa? ǃKharuge xūna ǁkhores ge ǃgâi xūn xa ǀgui ra ǂâi kai da. Israelǁaes di aiǁgausa kō re. Egipte ǃhūba xūn ge ī on ge ǃkhaese ge ǀuru ûib ge matikōse ǁnapa ǃgom isa. Tsîn ge ǃgâi ǂûn ǁnapan gere hōn ai ǁîn ǂâisa ge ǂnûi. ǁÎn ge ra mî: “ǂÂi da kom rao ǁnā ǁaun Egipteb ǃnâ da ge xū-i ama tamase gere ǂûn xa; tôan xa tsî ǃhanatsaman xa tsî ǀoran xa tsî ǃhān xa.” (Num. 11:5) Xawe ‘xū-e matare tamasen’ ge nē ǂûna gere ǂû? Hî i. Israelǁaes ge ǁnā ǁaeb ai kai ǃgoma gere tsâ. ǁÎn ge ǃgāse Egipteb ǃnâ ge hâ-i. (Eks. 1:13, 14; 3:6-9) Xawen ge ǃkharuǃnân gere ǃgoma ǀuru tsî ǁnā tsēdi xa gere ǂâi. ǁÎn ge ǃgâi ge i ǀoro tsēdi ai ǂâisa gere ǂnûi tsî Jehovab gere dība nî xūna ge mû tama hâ-i. ǁÎb ge ǁîn tanisen ǀgaub xa ge ǂkhî tama hâ-i.—Num. 11:10. w20.11 25 ¶5-6

ǀNî ǁaegu ai da ge sida di ûib a ǃnuburo tsî “sâoǃnâsib xa ǀoa hâ” ti ra ǂâi. (Job 14:1) Tsî ǁnās ge ǀnî ǁaegu ai ra ǂkhabuǂâi kai da. Elobmîs ǃnâ hâ ǂgui ǃoaba-aon Jehovab din tsîn ge di gere tsâ. ǀNîn ge ǁō ǂgaos tsîna gere hî. (1Gao. 19:2-4; Job 3:1-3, 11; 7:15, 16) Xaweb ge Jehovaba ǁîna hoaǁae gere ǁkhaeǂgao tsî gere ǀgaiǀgai. ǁÎn ge ǃkharuǃnâ xūn ge ge xoahe î da khomai da ga ra o, ǁnās xa ǁkhaeǂgaohe tsî ǁîna xu ǁkhāǁkhāsen. (Rom. 15:4) Aiǁgause Jakob ôab Josefi di ûib ge ǃnubu ǁaerob ǃnâ ge dawa. ǁÎb dadasab hîna a ǀnambib ǀkhab ge ge hâ tama hâ-i. Tsîb ge Egipteb ǃnâ ge ǃgā kai. Jehovaba a ǀū khoebab ge gere sîsenba. (Gen. 37:3, 4, 21-28; 39:1) Potifari di taras ge Josefa ge ǂgari-am ǀgaiǃkhōhes ge di. Potifari ge nēs a amasa ǂganǂui tamase Josefa ū tsî tronkhes ǃnâ ge aoǂgā. Tsîb ge khedegu ǀkha ge ǃgaesa ī. (Gen. 39:14-20; Psa. 105:17, 18) Amaseb ge Josefa ǂkhabuǂâi kaibi nî ǃaromade ge ūhâ-i. w20.12 16-17 ¶1-4

Jesub ge nēsa ǂhâǂhâsa xū-i ase ǁîb ǀgores ǃnâ ge mî. Jesub mîde tae-e gere ǂâibasen? Xū-e ǂhanuǂhanus ge ra ǂâibasen nēsa ǃanuǃanu tamas ka io dī-unu di. Xawen ge ǀnî khoena a ǂâi ǁkhā, ‘Jehovab ǀonsa ǀnai ǃanu tama hâ?’ Nēsa ǃereams ǃaroma da ge ǀons taena ǃkhōǂgā hâs xa nî ǂâi. ǀOns ge mîs ǀguisa hî tama hâ hîna ra ǂgaiǂûihe tsî xoahesa. Elobmîs nēs xa tae-e ra mîsa kō re: “ǀOns ge kai ǃkhūsib ǃgâ-ai a ǃkhōǂuihesa.” (ǂKhm. 22:1; Aoǁn. 7:1) ǀOnsa tae-i ǃaroma nēti a ǂhâǂhâsa? Nēs ge tanisen ǀgauba ra ǁgauǂûi. Tsî nau khoen ǀons tani ao-i xa, tae-e ra ǂâis tsîna. Nēs ǃaroma i ge ǀons mati ǂkhanib ai ra mûsen. Tamas ka io ra ǀō ǀgauba ǂhâǂhâsa tama hâ. Xawe ǀons a ham-i di tsî nau khoen ga nē ǀonsa ǁnâu o. On tae-i xa ra ǂâis ge a ǂhâǂhâsa. Khoen ga Jehovab xa ama tama xūna ǃhoa o. On ge khoen ǁîb xa ra ǂâi ǀgauba ra tsâǀkhā. Elob xūna ǂhanu tamase ra dī ǀgaub xan ga ǃhoa o. On ge ǁîb ǀonsa ra ǁgaiǁgai. w20.06 3 ¶5-7

ǁNatikose da ge ǃgomsin xa ra ǂâi. Tsî ǀnî hâ xū-e ǂâi ǁoa. Aiǁgause, mati da ǂâu hâ mari-e nî hō. Tamas ka io da ǀaesen tsî sîsen-e nî ǂoaǃnâsa. ǀNîsis tsîna da ge ǃâitsâhe da ga o. O da Jehovaba ǁnâuǀnam tidesa ra ǃao. Tsîb ge ǁGâuaba ǀae khoena nî sîsenū. În Elob di khoena ǁnâǂam. Nē khoen ga ǁnâǂam da o. Da nî tanisen ǀgaub xas tsîna da ge ra ǂâi. ǀNîsi da ge ra dîsen, ‘nē xūn xa ǂâiǂhansensa tsū-e?’ “Tā sadu ûib xa ǂhansen” dib ge Jesuba ǁîb di ǁkhāǁkhāsabena ge mîba. (Mat. 6:25) Jesuba gere ǂâibasen î da tā xū-i xas tsîna ǂâiǂhansen? Hî-i, ti tamas ge. ǂAn da ase i ge ǃkharu ge ǁaeb ǃnâ ge Jehovaba gere ǃoaba khoen tsîna gere ǂâiǂhansen. Xaweb ge Jehovaba ǁîna noxoba ge ǀnam i. (1Gao. 19:4) Jesub ge gere ǂkhâǃnâ da. Tsîb ge ge ǂhâba tama hâ-i î da ǂhâ da hâ xūn xa ǂâiǂhansen. Tsî Jehovab a ǂguro sida ûib ǃnâsa tā ǀuru. w21.01 3 ¶4-5

Aob ge Jehovab tsî Jesub tawa nî ǃeream. ǁÎb omarisab ra hâ-ū ǀgaus ǃgao. (1Pet. 3:7) Jehovab a ǀhommi tsî ǃhūbaib ai hâ omaris di Dana. Amagab ge ǁîba ǁgaraga a mā ǁkhā. Tsî a kōǃgâ ǁkhā în ǁîb ôana ǁnā ǁgaraga ǁnâuǀnam. (Jes. 33:22) Jesub a Xristeǁî ǀhaohâb di dana. Amagab ge ǁîb tsîna ǁgaraga a mā ǁkhā. Tsî a kōǃgâ ǁkhā îgu ǁnā ǁgaraga ǁnâuǀnamhe. (Gal. 6:2; Kol. 1:18-20) Jehovab tsî Jesub khamib ge omaris danab tsîna ǁgaraga ǁîb omarisa a mā ǁkhā. (Rom. 7:2; Efe. 6:4) Xawe ǁîb māhe hâ ǀgaib ge Jehovab tsî Jesub ǀkha ǀgui tama hâ. Aiǁgause ǁîb ǁgaragab ge Elobmîs ai nî ǃgaoǃgao. (ǂKhm. 3:5, 6) Tsî omaris danab ge ǁîb omaris ǃnâ hâ tama khoena ǁgaraga a mā ǁoa. (Rom. 14:4) Tsî ǁîb ôan ga kai tsî a doeǂoa on ge ǁîba noxoba ra ǃgôa. Xaweb ge ǁîba ǁîn di dana tama hâ.—Mat. 19:5. w21.02 2-3 ¶3-5

ǁÎb omarisa kōǃgâs ǃnâ-ūb ge oms danaba. ǁÎb omarisab a ǀnamsa ra ǁgau. Xaweb ge ǂâis ǃnâ nî ūhâ ǁîb omarisa. Jehovab ǀgūse ūhâs ge a ǂhâǂhâsa. (Mat. 5:3) ǁŌb gere ǁaeb ais tsînab ge. Jesuba gere ǂhâba îs ǁîb mamas Mariasa kōǃgâhe. Kaiseb mâ gere tsû xaweb ge Jesuba. Apostel Johaneba ge ǂgan ib Mariasa kōǃgâ. (Jhn. 19:26, 27) ǃGâsab hîna omaris di danab ge ǀnîsi ǂgui ǃereamde ūhâ. ǁÎb ge sîsen-i ai kaise ǃgarise nî sîsen. Îb Jehovab ǀons ai koasa hā-ū. (Efe. 6:5, 6; Tit. 2:9, 10) Aiǁgauses tsînab ge ǀnîsi ǀhaohâb ǃnâ ǃereamde tani hâ. ǃGâsana ǂkhâǃnâ tsî aoǁnâ sîsen-i ǃnâ aiǁgaus ase nî iba. Tsî i ge a ǂhâǂhâsa ib ǁîb di omaris ǀkha Elobmîsa ǁkhāǁkhāsen. ǁÎn ge nî gangan ǁîb da ǂuruse. Tsî ǂkhîse ūhâ nî ǃgais ǃgao. Tsî ǁnās ǀkha Jehovab ǀgūse ra ūhâ nî ǃkhais ǃaromas tsîna.—Efe. 5:28, 29; 6:4. w21.01 12 ¶15, 17

Elobmîs tsîn ge ra mî taras nî oms di xūna kōǃgâ, marisi ǁhōga kōǃgâ tsî ǂhâbasa xūn tsîna nî dīsa. (ǂKhm. 31:15, 16, 18) ǁÎs ge ǃgā-i hîna mî xū-e ūhâ tama i khami ī tama. Xaweb ge aoba ǁîsa ǃgôa hâ. Tsî ǁîs ǀapemāde ra sîsen-ū. (ǂKhm. 31:11, 26) Aob ga ǁîb tarasa ǃgôasib ǃnâ hâ-ū o. Os ge ǁîsa supuse aoba ǃnāka nî hâba. Jesub ge kaise ǂgui ǃgâi xūna ge dī. Xaweb ge Jehovaba ǃnāka hâbas xa ǃgombahe tama. (1Kor. 15:28; Fil. 2:5, 6) ǁNās khamis ge tarasa Jesub di aiǁgausas ga sao o. ǁÎs di aob ǃnāka hâs ǀkha ǃgomsi-e hō tide. ǁÎs ge ǁîs di aoba nî ǂkhâǃnâ tsî nî mâxōǀkhā ǀnambis a amagas ǀguis ose. Xawes Jehovaba ǀnam tsî ra ǃgôa amagas tsîna. Xawe ǁnâuǀnamxa taras ge aob ga ǁîsa mîba is Jehovab di ǂhanuga ǃgûǂam o, o dī tide. w21.02 11 ¶14-15; 12 ¶19

Jehovab ǃoaba-aon ǁîba ūba hâ ǀnammi ge. Hoaǁae ra hui nî în ǃgomsin ǃnâ mâǃkharu. Aiǁgause apostel gu ge mîbahe o. Jodeǁî ǁnâuǃgâ ǃkhaib xa î gu aoǁnâ ǀû. Jehovaba gu kaise ǀnam amaga gu ge ge mî. “Elob nî khoen ǃgâ-ai ǁnâuǀnamhe ǃkhaisa.” (ǃNǃkh. 5:29; 1Jhn. 5:3) ǁNāti i khôahe ǁoa ǀnammi ge sida ǃgâsana nētsē ra ǂkhâǃnâ. ǂGui ǃgâsan ge nē ǀnammi xa ǃaromahe hâse ǁaposase, ǁgâiǀāgu ǃnâ ra mâǀgai. ǃHūbaib ge ǃhui da o da ge ǂkhabuǂâi tama hâ, ǂkhî da ge a. (ǃNǃkh. 5:41; Rom. 5:4, 5) Sida di omaris di ǁanin ga mâǃoa da o. O i ge nēsa kaise a ǃgom ǁkhā. ǁÎn ga mû o sida Jehovaba ra ǃoaba ǂgaosa. On ge ǀnîsi nî ǂâi tsoatsoa sida ǂgaeǂhapuhe hâ ti. ǀNîn ge nî ǂâi ǀnîsi da go ǃkhau ti. (Markub 3:21 sa ǀgopeǀnō re.) ǀNîsin ge ǃgâi tama mîdi ǀkha a mâǃoa da ǁkhā. Nē mâǃoas ge tā nî buru kai da. Jesub ge ge mî: “Tsî khoe-i ommi din ge ǁî-i khākhoese nî i.”—Mat. 10:36. w21.03 21 ¶6-7

ǃGâsa-ets ga ǁî-i Elobmîsa ra ǁkhāǁkhā khoe-e ǃoa sao o. ǃAmkuse ǃgâ re, ǃgâsa i ra nau khoe-e ǁkhāǁkhā ǁaeb ai. O du ge ǂkhâǃnâsa ǂhâbasa i a ǃkhais ai a mā ǁkhā. Tsî amase ǃhoa da nîs aiǃâ da ge nî ǂâis ge. Aiǁgause ǁkhāǁkhā ra khoe-i ra ǃhoa hîna, da ge ǃhoa ǂgao tama hâ. Tamas ka io ǁkhāǁkhā-ao i nau khoe-e ra xūna ǁguiǃāba hînas tsîna ǃhoa ǂgao tama. Tsî ǀnî hâ danaǂam i xas tsîna ǃhoa ǂgao tama hâ. ǃNubu ǃereamdi, aiǁgaudi tsî dîdi ge ra hui. I i ǁkhāǁkhāhe ra xū-e mâ ǂoa ǁkhā. Ama as ge ǀnî ǁaegu ai da ra tsâsa ǁkhāǁkhās tawa da xū-e a ǀaro ǁoasa. Tamas ka io a mî ǁoasa. Xawets ga ǁkhāǁkhāhe ra khoe-e ǂkhâǃnâ. Tsî ǃgâi mîna mîba o. Tsî khoe-i ǃnâ ǃgâiǃgâibasensa ga ra ūhâ o. Ots ge ra ǁgau ǀnamats ūhâsa. Tsî i ge ǁnā khoe-i tsîna ǃgâise a aiǃgû ǁkhā. Ī ǁkhā i ga o, ǁkhāǁkhāhe ra khoe-e mîba re. Mati du ge amaba a hōsa. Tsî mati du ge ǃgomsina a mâǃkharusa. Tsî matib ge Jehovaba, nē xūn hoan ǃnâ a hui du ǀgaus tsîna. (Psa. 78:4, 7) ǁKhāǁkhāsen-ao i ge ǀnîsi. ǁNā du go mî xū-i ǀgui-e go ǂhâ hâ i. ǀNîsi i ge nē du go mî xūna, ǁî-i di ǂgomsa ǀgaiǀgai. Tsî a aiǃgû kai ǁkhā, i i ǁāǁnâs kōse sī. w21.03 10 ¶9-10

Ham-e aoǁnâ sîsenni ǃnâ da ra hō ǃgâi ǀamǂoadi amsi koasa nî hō? Paulub ge ǁnā dîsa ge ǃeream Korinteǁî ǀhaohâba ǃoab ge xoa o: “Tita ge ge ǂgā, tsî Apolob ge ge ǂnâ; xawe Elob ge ǁîsa ge ǀom kai. Ob ge xū tama, ǂgā rab karao, ǂnâ rab karao; xawe Elob, ǀom kai rab ǀguib.” (1Kor. 3:6, 7) ǃGâi ǀamǂoadi hîna da aoǁnâ sîsenni ǃnâ ra hō di ǃgao da ge Jehovaba koasa nî mā. Mati da Elob, Xristub tsî ǀhomǃgāgu ǀkha da a “ǀhaosîsenao” ǃkhaisa da ra ǃgôaǃgâsa nî ǁgau? (2Kor. 6:1) Amab ǃkhōmde da ge tā ǃhanas ǀguisa nî dī. Xawe da ge ǂnâs tsîna nî hî. Khoe-i ga ǃgâiǃgâibasensa ǁgau o, o da ge ǁnā khoe-i tawa nî oasi i da ǁnā khoe-i ǀkha ǃhoa. Jehovab khoe-i di ǂgaob tsî ǂâiǀgauba ra ǀkharaǀkhara ǀgauba da ra mû o, o da ge kaise ra ǂkhî. w20.05 30 ¶14, 16-18