Januarib

Jesub ge ǁkhoaǂgaoxase ǁîb di ǁaeb ǃnâ ge hâ i, kerkheb di ǂgaeǂgui-aoga gere mîba. ǁÎgu Jehovab di khoena ǁkhāǁkhā tama hâsa, în Jehovaba ǃoaba. ǁÎb ge Farisegu di ǃgâi tama ǂâiǀgaub tsîna gere mîǃā. ǁÎgu ge ǃnāsase ǁîgu di ǃomnagu mati nî ǁās xa gere ǂâiǂhânsen. Xawe ǁîgu di ǁgûna ge kōǃgâ tama ge hâ i. (Mat. 15:1-11) ǂGomdi ǂgaeǂgui-aogu ge Jesub ǀkha ǁaixa hâ i, xaweb ge ǁîba ge ǀûsen tama ge hâ i-amaba ǃhoasa. Jesub tsîn ge ge ǁgau ǀnî ǂgomdi ǁkhāǁkhādi ama tamasa. ǁÎb ge ge mî tama hâ i, hoa ǂgomdi Elob xa ra ūǃoa-e di. ǁÎb ge ge ǁguiǃā ǂgui khoen nî ǂhapa daob ai ǃgûsa. Hîna kāǁōsib ǃoa garuba. Xawe ǀoron ge ûib ǃoa garu daob ai nî ǃgû. (Mat. 7:13, 14) Tsîb ge ge mî ǀnî khoen nî Eloba ra ǃoaba khami nî tanisensa. Xawen ge amabes ǃnâ Eloba ge ǃoaba tama hâ i. ǁÎb ge ge mî: “ǂKhaba kēbo-aogu, gūsaran ǃnâ sadu ǃoa ra hāga ǃûisen, ǃnāb ǃnâ gu ǃnari ra ǂhiragu ase ī xuige. “ǁÎgu ǂûn ai du ge nî mûǂan gu.”—Mat. 7:15-20. w21.05 9 ¶7-8

Hanas ge Leviǁî-aob Elkana di ǀon hâba ge ǃgamme hâ i. Tsî ǁîb ge ǁîsa kaise ge ǀnam i. Elkanab ge ǀnî hâ taras tsîna ge ūhâ i. Penina di ǀon hâsa. Elkanab ge Hanasa kaise ge ǀnam i, Peninas xa. ‘Peninas ge ǀgôana ge ūhâ i. Tsî Hanas ge ǀgôa-e ge ūhâ tama hâ i.’ ǁNās ǃaromas ge Peninasa, Hanasa ǃgâi tamase gere tsâ kai ‘ǁaixas nîga.’ Hanas ge kaise ge ǁaixa. “ǁNā-amagas ge ge ā tsî ǂû tama ge hâ i.” Xawe Elobmîs ge mî tama hâ. Hanas ge gere dī ǃoa ǂgaosa. Xawes ge Jehovaba matis ra tsâsa ge mîba. Tsî ge ǂgomǃgâ hâ i. Jehovab nî huisi ǃkhaisa. (1Sam. 1:2, 6, 7, 10) Tae-e da Hanasa xu a ǁkhāǁkhāsen ǁkhā? ǃGâsa-i ga sadu ǀkha ǀhûgu ǂgao o. O ǂâi re, sadu xū-e ǁnā mâsib xa a dī ǁkhāsa. Tā mā-am re, îs ǀhûgusa ǂgae du. Tā ǂkhabab ǀkha dī ǃoa re. Xawe da ge ǂkhîba sida ǃgâsa-i ǀkha nî kuru. (Rom. 12:17-21) ǁÎ-i ga dawa tama i. Xawe da ge ǃnomsase a hâ ǁkhā. w21.07 17 ¶13-14

Juda Iskariob ge a xūǃgunuxa tsoatsoa. Amagab ge ǁgai xū-e ge dī tsî Jesuba ge ǀapexu. Xawe Judab ge ǁnāti i ǁgai ǀgauba ge ūhâ tama hâ i, tsoatsoas ai. (Luk. 6:13, 16) Judab ge amabes ǃnâ ǂgomǃgâhe ǁkhā ge i khoeba. ǁNās ǃaromab ge marin ra hâǃnâ boksisa gere tani kaihe. Xawe ǁaeroba ǃkharu tsîb ge Judaba ge ǃnâri tsoatsoa. ǂGui ǃnādeb ge Jesuba xu xūǃgunuxasib xa ǁnâu hâ i xawe. (Mrk. 7:22, 23; Luk. 11:39) Judab matikōse xūǃgunuxa ǀgaub ge ge ǂoaxa. Jesub nî ǁōs aiǃâ. Jesub tsî ǁîb di ǁkhāǁkhāsabegu tsî Marias tsî ǁîs di ǃgâs Martas. Hân ge Simonni hîna ǀaesen hâb oms ai ge sari hâ i. Xawe ǂûn ra hînas ge Mariasa khâi tsî. Jesub di danas ai ǃgâihamxū-e ge a ǁkhō. Judab tsî ǀnî ǁkhāǁkhāsabegu tsîn ge kaise ge ǁaixa hâ i. Nau ǁkhāǁkhāsabegu ge ǀnîsi gere tsâ. Nē maris ga sîsenūhe hâsa. Î aoǁnâ sîsen-e ǂkhâǃnâhe. Xawe Judab ge ǀnî hâ xū-i ǃaroma ge ǁaixa hâ i. ǁÎb ge ge ‘ǃnari-ao-i’. Tsîb ge ǃnāsase ǁnā marin di boksisa xu gere ǂhâba.—Jhn. 12:2-6; Mat. 26:6-16; Luk. 22:3-6. w21.06 18 ¶12-13

ǀNî ǁaegu ai du ra tsâ ǂgui xūna du ūhâsa dī du nîna tsî i a ǃgom ǁîna dīsa? ǁNati i ga īo, o du ge Pauluba nî ǁnâuǃā. ǁÎb ge ǂâiǂhansende ge ūhâ i “ǀhaohâgu hoagu ǂama.” Tsî ǀgui ǀhaohâb xa ǀgui ge ǂâi tama hâ i. (2Kor. 11:23-28) ǁKhōǁkhōsa ǀaeb di mâsiga du ra hōǃâ, sadu ǂkhîba ra ūbē-e? Paulub ge ‘ǁkhū-i ǁgans ǃnâ hâ i’ xa gere ǂhanihe. ǀNîsib ge ǂūrusib di ǃgomsiba ge ūhâ i tsî gere ǂhâba i-i bē. (2Kor. 12:7-10) ǀNî ǁaega du ra ǂkhabuǂâi ǀoasa tama du hâ amaga? Paulub tsîn ge ǀnî ǁaega ǁnāti gere tsâ. ǁÎb ge aitsâma “Ti tsūǀkhāxa khoeta” di ge ǂgaisen. ǀOasa kurusab ūhâ tama amagab ge ǃgâi xū-e dīsa gere ǃkhamba. (Rom. 7:21-24) Paulub ge ǂgui ǃgomsina ge ǃkharuǃnâ. Xaweb ge ge aiǃgû Jehovaba ǃoabasa. Tae-e ǁîba ǀgaiba gere mā, îb mâǃkharu nē ǃgomsina? Amaseb ge ge ǂan i ǀoasa kurusab ūhâ tamasa. Xaweb ge ǁîba ǂgomǃgâsiba xoremarib ǃnâ ge ūhâ i. w21.04 22 ¶7-8

Oasa kurusa ūhâ khoeb Adammi ge ǁore-o. Ob ge ǀamose ûis di aiǂhanuba. ǁÎb ǃaroma ǀgui ge ǂoaǃnâ kaisen tama hâ i. Xawe ǁîb hānî ǀgôan ǃaromas tsîna. ǀHapiokaisen i ge ge ǀgai i Adammi ge dī i ǃgao. ǁÎb ǁoreb ge ge ǂanabega i. Xawe ǁîb di ǀgôan xa matis? ǁÎn ge ǃâ-e Adammi di ǁoreb ǃnâ ge ūhâ tama hâ i. (Rom. 5:12, 14) Xū-e a dī-e ǁkhā în nē ǁōb ǁgarab Adammi ge hōba xu oresa hō? Îo. Adammi ge ǁore toas kaoǃgâb ge, Jehovaba ge ǂhaiǂhai. Matib nî miliuns khoen Adammi surib dina. ǁOreb tsî ǁōb ǀâxareba xu nî oresa. (Gen. 3:15) Xoremarib ǃaroma da ge ǀgū ǀhōsagusa Jehovab ǀkha ūhâ. ǀOasa tama da hâ hînas tsîna. Xoremarib ǃaroma i ge ǁGâuab xūn hoana nî dīkākāhe. (1Jhn. 3:8) Xoremarib ǃaroma i ge Jehovab ge tsotsoas ai ǃhūbaiba ūba hâ i ǃaromasa nî dīǀoaǀoahe ǁkhā. Hoaraga ǃhūbaib ge nî paradais kai. w21.04 14 ¶1; 19 ¶17

ǂGui khoen aogu tsî taradi ge Jerusalemsa ǃoa ge sī hâ i. ǁÎn ge ǃkharagagu ǃhūga xu ge ǀkhī hâ i. Tsî ǂgui gowaga gere ǃhoa. ǁNā tsēs ai i ge kaise ǀō-aisa xū-e ge ī. ǀNî Jodeǁîn ge ǀūn a hîna sari ge hâ i. Khoen di gowaga ge ǃhoa ǁkha i. Nēs ge sari ge hâ i khoena kaise ge buru kai. Xawe tae-en ge ǁnā Jodeǁîna mîs. Tsî apostel Petrub ge mî i ge kaise a ǀō-aisa. Nē ǂgui khoen ge ge ǂanǂui ǁîn ga sâuhe ǂgao o. On nî ǂgomsa Jesub ǃnâ nî ǁgau ǃkhaisa. ǁNā ǂhôas hînan ge ǁnâus ge kaise ǁîn di ǂgaoga ge tsâǀkhā. ǁNā khoen ge kaise ge tsâǀkhāhe. Tsîn ge ǁnās ǃaroma nēti ge dî: “Tare-e da ǁnâi nî dī.” Tsîb ge Petruba ǃeream tsî ge mî: “Î-i mâ-i hoa-e ǁāǁnâkaisen.” (ǃNǃkh. 2:37, 38) Sao rase ra ī-i ge kaise ge ǀō-aisa i. ǁAubexa 3 000 khoen ge ǁnā tsēs ai ge ǁāǁnâkaisen. Tsî ge Xristub di ǁkhāǁkhāsabe kai. Nēs ge ge tsoatsoa i, ǁkhāǁkhāsabe sîsen-i tawa. Hînab ge Jesuba ǁîb di ǁkhāǁkhāsabena mîbasa în dī. Tsî ǁîb di saosaben ge nētsēs kōse ǁnā sîsen-e ra dī. w21.06 2 ¶1-2

Sida ra hâ ǀkhāb ai i ge ǀnîsi a ǃgom. Elobmîsa khoena ǁkhāǁkhāsa. ǀNî khoen ge sida di haisi-amsa ǃgâ ǂgao tama hâ. O, tae-e nî hui da, î da ǂgom ǀgara? ǁNāti i khoen tsîn ge Elobmîs haisi-amsa nî ǃgâ. ǂÂis ǃnâ ūhâ re, khoen di mâsigu tsîn ǃhaese a dawa ǁkhāsa. Nē ǁgai ǃhūbaib ǃnâ. Tsîn khoen hîna ge ǂguro ǃgâ ǂgao tama hâ în. Tsîn nî ǂanǃgâsa Elob di daoǁgausan, ǁîn di ûib ǃnâ ǂhâ hâsa. (Mat. 5:3) ǀNî khoen hîna ge ǃkharu ge ǁaeb ǃnâ. Sida di ǂkhanina ū ǂgao tama hâ in ge. Ega Elobmîs ǁkhāǁkhāsa ge ūǃoa. ǂAn da as ge, Jehovab ge khoena amaba ǃoa ra ǂgae. (Mat. 9:38) ǁÎb ge ǂhâba hâ, î da aiǃgû tsî ǂgā tsî ǂnâ. Xawe ǁîb ge kai kais di ǃereamsa ūhâ. Matikō khoena da ra huis. Tamas ka io matikō ǂkhanin. Tsî ham-e da ra ǁkhāǁkhās ge ǃgôa tama hâ. Xawe da ge kaise ra ǂkhâǃnâhe ǂansa, Jehovab nî ǀkhae da ǃkhaisa. Dītsâ tsî da ga khoena ga ra hui o. w21.07 6 ¶14

Jehovab ge khoena ǀgôana hōs ǁkhāsiba ge mā. Tsî ǃereams tsîna în ǀgôana ǁkhāǁkhā. ǁÎba ǀnam tsî ǃoabasa. Jehovab ge ǀhomǃgāna ǂgui ǃgâi ǁkhāsiga ge mā. Xaweb ge ǁîna ǀgôana hōs di ǁkhāsiba mā tama hâ. ǁGûn ge ǂhâǂhâsa ǃereamsa mā-e hâ. În ǁîn ǀgôana “ǃKhūb ǂgōǀaus tsî ǁnamas tsîra ǃnâ kaikai.” (Efe. 6:4; Deu. 6:5-7) ǁGûna huis ǃaromas ge Jehovab di ǀapeǂhumisa. ǂGui xūn Elobmîs ai ǃgaoǃgaosana ra mā. Aiǁgause ǂkhanin, vidion, musik-i. Tsî internets ai hâ ǁkhāǁkhāǃâdi. ǃGāsa i ge a sida di ǀhomsi ǁGûb. Tsî ǁîb di ǀgôab tsîn ǂkhamkhoena a ǀnamsa. (Luk. 18:15-17) ǁGûn ga Jehovab ai ǂgomaiǂnûi tsî ǁkhān a e dī. Tsî ǁîn ǀō-aisa ǀgôana ga ra kōǃgâ o. Ob ge Jehovaba ra ǂkhî. ǁNati ī ǁgûn ge ǁîn ǀgôana ra hui în ǃâubasensa ūhâ. Tsî Jehovab di omaris di ǁani kai ǀamosib kōse. w21.08 5 ¶9

ǀNî khoen ge ra ǂâi, ǂgomsa ūhâs ra ǂâibasensa its. ǂÂibasen-e ūhâ tama xū-i ǃnâ ǂgom. Xawe Elobmîs ge ra ǁguiǃā, ǂgoms ǂâibasens ai ǃgaoǃgaosa sa. Xawe nēsi da ga Jehovab, Jesub tsî ǁîb di Gaosiba mû tama i. Xawe da ge ǁgauǁgauna ūhâ ama-i a ǃkhaisa. (Heb. 11:3) ǀGui ǃgâsab hîna ûitsama xūn xa ra ǁkhāǁkhāseni ge ra mî: “Jehovab ǃoaba-aon ge ǃgaoǃgaoba ūhâ, ǁîn ra ǂgom xūn ǃnâ.” ǀNîsi da ge a dî ǁkhā. ‘ǂGom kai da ra ǁgauǁgaudi ga Kuru-aob xa hâ o. Tae-i ǃaroman ǂgui khoena ra ǂgom. Elob ge hoa ûitsama xūna kuru tama isa?’ ǀNîn ge ôaǃnâde tātsē aitsama dītsâ tama hâ. Roberti hîna nēsisa a Jehovab di ǃoaba-aob ge ra mî: “Kurus xa i ge skoli ǃnâ ǃhoa-e tama hâ i. ǃKhais ǃaroma ta ge ge ǂâi hâ i ama tama i asa. Tsî ǁnās ge ti 20 kurin ǃnās kōse ge ī. ǁKhāǁkhāsen ta ge ge Elobmîs ǃgâi ǃereamde ra mā da sa. Î da ǂgom Elob ge hoa xūna a kurusa.” w21.08 15 ¶4-5

ǁKhāǁkhāsen ǁkhā da ge a Jehovab di ǃgâisib xa. Elobmîsa khomais ǃnâ-ū. Tsî nau khoena ǁnâusa, ǃgâi ǀkhaegu hînan ge hōguxan ra ǃhoa hîna. Xawe da ge kaise ǃgâise nî ǁnâuǃā, matib Jehovaba a ǃgâisa. ǁÎb di ǃgâisiba da ga aitsama ‘tsâ’ o.  Nē i ge aiǁgau-e ǀgui ǀgaub hîna da ǁnāti a dī ǁkhā-e. ǀNîsi du ge Jehovaba ǀoasase ra ǃoaba ǂgao aoǁnâ sîsen-i ǃnâ. Xawe ǁnā mîǁguiba sīǃnâs ǃaroma î ge nî ǂhâbasa, sadu ûiba du nî supusupusa. ǂAn da ge a Jesub ge mîmâisa. Gaosiba da ga ǂgurose mâi o. Ob Jehovaba ama ǂhâ da hâ xūna nî mā dasa. Xawe du ge tātsēs tsîna mû tama hâ. Jehovab ǁnā-e sado ra dībasa. (Mat. 6:33) Xawe da Jesub mîmās ǃnâ ra ǂgom. Amaga da ge dītsâ tsî surudena ra ǀoroǀoro. Tsî ǀkharaǀkharana sida sîsen-i ǃnâs tsîna ra dī. Tsî ǁkhā da a i hoa-e aoǁnâ sîsen-i ǃnâ ra dī. ǁNāsa da ga dī o da ge nî mû. Jehovab amabes ǃnâ sida ǂhâsiga ra tsâbasa. Tsî da ge Jehovab ǃgâisiba aitsama ra ‘tsâ.’ w21.08 26 ¶2

Nēti ǃgomsiba nētsē mû i da ra? Îo. ǂGui kerkhe ǂgaeǂgui-aogu ge kaise ra ǂkhî ǃhūbaib xa ǂhâǂhâsa. Tsî ǃkhū hâse ra mûhe khoen ǀkha ǀgui ra ǃoabasa. Nēti i ǀasa kerkhe ǁanigagu ge ra mā-am îgu ǁnāpa hâ. ǂAn gu a Jehovab ǃhui hâ xūna gu ra dī xawes tsîna. Xawe kerkheb ǂgaeǂgui-aogu ge Jehovab di ǂhanugu xa ǀoro xūna a ǂan. Nē ǃhūbaib khoen ta mî ǁîgu ǂhâǂhâsa tama di amaga. Paulub ge mî khami Elob ge ‘xū tamase ī-e ge ǃkhō ǂuibasen.’ (1Kor. 1:26-29) Xawe Jehovab ǃoagu i ge ǁîb di ǂgomǂgomsa ǃoaba-aona kaise a ǀō-aisa. Tae-e da dī ǁkhā i da tā nē ǃhūbaib di ǂâiǀgaub xa ǂgaeǂhapuhe? (Mat. 11:25, 26) Tā ǃhūbaib ta mû khami Jehovab di khoena mû re. Ūǃoa re Jehovab ǂgomǂgomxa khoen ǀguina ra sîsen-usa. În ǁîb di ǂâisa dī. (Psa. 138:6) Tsî kō re matikō ǂgui xūnab Jehovaba. ǃHūbaib ǂansa ūhâ tama khoen di ra mîhen ǀkha dī hâsa. w21.05 8 ¶1; 9 ¶5-6

Apostel Paulub ge hōb ge huiba gere ǃgôaǃgâ. ǁÎb ge huiba ǁîb di ǃgâsana xu gere ūǃoa. (Fil. 2:19-22) Kaira ǃgâsado, sadu ǃgôaǃgâsiba du ge. ǂKham ǃgâsan hîna ǀhaohâb ǃnâ hâna. ǂGui ǀgaugu ǃnâ a ǁgau ǁkhā. ǁÎn ga audos ǀkha ǃnaris, xūna sī ǁamas tsî ǀnî hâ xūn. Hîna du ǂhâ hân ǀkha hui du ǂgao o. Ganganxasib ǀkha ǁîn huiba ūǃoa re. ǁNāti i huiba Jehovab di ǀnammi ase mû re. ǀNîsi du ge ǀgū ǀhōsagusis tsîna. Hui du go khoe-i ǀkha a omkhâi ǁkhā. Tsî sadu ǀhōsan tsîna hui re, în ǀgū ǀhōsagusisa Jehovab ǀkha ūhâ. Tsî mîba nî re kaise du a ǂkhîsa. ǂKhamkhoen ǀhaohâb ǃnâ ǃnāsase dīs. ǃAroma ra ǁguiǂgāsen ǃkhaisa du ga mû o. ǁAeba ǁamaǂui tsî māsenxase. Sadu ûib di ǂansa ǁîn ǀkha ǀgoragu re. ǁNāsa du ga dī o du ge. ‘Ganganxasiba’ Jehovaba ra ǁgau. ǂKhamkhoen hînab ge ǁîba. ǀHaohâba ǃoa a ǂgaen ǃaroma.—Kol. 3:15; Jhn. 6:44; 1Tes. 5:18. w21.09 11-12 ¶12-13

Jehovab ge sada ǃgâsana a ǀnam. Xawe i ge hoaǁae supu tama hâ ǁîna ǀnamsa. Tsî ǀnamma ǁgausa. Nēs ge ǀnîsi a ǃgom ǃkharagagu khaoǃhūgu. Tsî ǃkharagagu ǀgaugu ǃnâ da kaikaihe hâ amaga. Hoa da ge ra dīsā tsî nau khoena ra ǁaixa kai. Tamas ka io ra ǂkhîoǃnâ kai xūna ra dī. Xawe da ge hoa da a dītsâ ǁkhā î da. ǀNamma sida di gagasi omarisa ǁgau. Mâ ǀgaub ǃnâ? Sada ǁGûba ǁgaes tsî ǀnamma sada ǃgâsana ǁgaus ǃnâ-ū. (Efe. 5:1, 2; 1Jhn. 4:19) ǀKhomxaǂgao khoe-i ge, nau khoe-i. ǃGomma ra tsâsa i ga mû o, o ǁî-e ra tsâba. Tsî i ge ǀgauga ra ôa ǁnā khoe-e hui tsî i nî ǁkhaeǂgao ga. Khoenab gere hâ ū ǀgaub ǃnâb ge Jesuba. Jehovab ǁîna a ǀnam ǀgauba gere ǁgau. (Jhn. 5:19) ǀGui ǁae i aib ge ǂgui khoena a mû ob ge Jesuba. “ǁÎna ge ǀkhom, tsau hâ tsî ǁnāxūhe hâ gūn, ǃûi-ao-i ose hân khamin ge ī i amaga.” (Mat. 9:36) Jesub ge ǀnammi ǀguiba ge tsâba nî tama hâ i. Xaweb ge xū-e ge dī ǁîna huisa. ǀAesen hâna ǂgauǂgau tsîb ge. ‘ǀHupu tsî ǃnaohe hân’ hoana ge hui.—Mat. 11:28-30; 14:14. w21.09 22 ¶10-11

Jehovab ge ǀkhomma ǁgausa a ǀnam. Apostel Paulub ge ge xoa Jehovab ge “ǀkhommi xa ǃkhū” hâ. Paulub ge gere mî, Jehovab ǁîb di ǂhauhesan. Hîna ǀoasa kurusa ūhâ tama hâna ǀkhomma ra māsa. ǀHommi ǃâubasens ǃnâ-ū. (Efe. 2:4-7) Xawe Jehovab ge ǁîb di ǂhauhesan, ǀguina ǀkhomma ǁgau tama hâ. Davib ge ra mî: ‘Jehovab ge hoana a ǃgâiba. Tsî ǀkhomxaǂgaosigu hoagu ge. ǁÎb di sîsengu hoagu ǂama hâ.’ (Psa. 145:9) Khoenab a ǀnam amagab ge Jehovaba. ǀKhomma ra ǁgau ǂhâbasa i ga ra o. Hoa khoen xab ge Jesuba a ǂan. Jehovab matikōse ǀkhomma ǁgausa a ǀnamsa. Jehovab tsî Jesub tsîkha ge ǀhommi ǃnâ ǂgui kurina ge hâ i. Jesub ǃhūbaiba ǃoa nî hās aiǃâ. (ǂKhm. 8:30, 31) Jesub ge ǂgui ǃnāde ge mû. Matib ge ǁîb Papa khoena. ǀKhomma gere ǁgau ǀgausa. (Psa. 78:37-42) ǁÎb di ǁkhāǁkhādi ǃnâb ge Jesuba. ǁÎb Pap di mâǂoa ra ǀgaugu xa gere ǃhoa. w21.10 8-9 ¶4-5

Jehovab ge ǀhomma xu ǃgari dommi ǀkha nē ǀgoresa ǃeream. Tsî ge mîmâi ǁîb ǀonsab nî ǂkhaiǂkhaisa. ǁÎb aoǁnâ sîsen-i hoa-i ǃnâb ge Jesuba, ǁîb ǁGûb ǀonsa gere ǂkhaiǂkhai. (Jhn. 17:26) ǁNā-amagan ge ama Xristeǁîna Elob ǀonsa nau khoena ǂanǂan. Tsî sîsenūsa aiǂhanub ase ra mû. ǃKharu ge Xristeǁîn ǀhaohâb ge tsoatsoahes khaoǃgâb ge Jehovaba. ǁAedi ai ǁîb ǂâisa ge ǂnûi. “ǀŪbena xub nî ǀons âba ǁae-e hōbase.” (ǃNǃkh. 15:14) ǂGurokham ǁaeb Xristeǁîn ge ge ǂnīsa i. Elob ǀonsa sîsenū tsî nau khoena mîbasa. Apostelgu tsî ǁkhāǁkhāsaben tsîn ge. Elob ǀonsa aoǁnâ sîsenni ǃnâ gere sîsenū. Tsî Elobmîs ǂkhaniden gere xoa o. Nē ǀgaub ǃnân ge gere ǁgau ǁîn ǀguin. Elob ǀonsa ra ǂanǂansa. (ǃNǃkh. 2:14, 21) ǁNās khami ǀguin ge nētsē Jehovab ǃoaba-aona. Jehovab ǀonsa ra ǂnûǁkhaeba. w21.10 20-21 ¶8-10

Elob ǂgomǂgomsa ǀnammi ge ǀamosib kōse ra hâ. Nē ǂhâǂhâsa ǃâb ǂgomǂgomsa ǀnammi dib ge. 26 ǃNāde Psalmdi 136 ǃnâ ra ǃhoaǃgaohe. Tsoatsoas ai hâ xoadi ge nēti ra khomai: ‘Koa du re Jehovaba, ǁîb a ǃgâi xuige, ǀkhomxaǂgaosib tamas ka io ǂgomǂgomsa ǀnammi âb ǀamosib kōse ra hâ xuige.’ (Psa. 136:1) 2ǁÎ xoaǀgorasa xu 26ǁî xoaǀgoradi kōse da ge sao ra mîde ra hō. ‘ǀKhomxaǂgaosib tamas ka io ǂgomǂgomsa ǀnammi âb ǀamosib kōse ra hâ xuige.’ Nē Psalmsa da ra khomai khami da ge ra ǂkhî. ǂGui ǀgaugu Jehovab ǁîb di ǂgomǂgomsa ǀnamma. ǀÛ tamase ra ǁgau ǀgausa da ra mû o. Nē ǁguiǃgāsa mîdi ‘ǀkhomxaǂgaosib tamas ka io ǂgomǂgomsa ǀnammi ǀamosib kōse ra hâ xui ge.’ Di hâ di ge ra ǁgau, Elob ǁîb ǃoaba-aona ūba hâ. ǀNammi ǀkharaǀkharasen tama hâsa. Kaise i ge ra ǂkhâǃnâ da ǂansa. Jehovab ǃhaese ǁîb di ǃoaba-aona ǀnam ǀû tama hâsa. ǁÎb ga khoe-e ǀnam tsoatsoa o, ob ge nē khoe-e ǀnam ǀû tama hâ. ǃGōsase ǃgom ǁaegu ǃnâ i ga ǃkharu o, ǂansa Jehovab sida ǀkha hâ tsî ǂkhîba ra mādasa. Tsî ǀgaiba ra māda î da sida ǃgomsin ǃnâ mâǀgai. Tsî aiǃgû ǁîba ǃoabas ǃnâ.—Psa. 31:7. w21.11 4 ¶9-10

ǂÂiǂhansen du ra ǀgū ǁae nî ī xūn, ama tama ǂgomdi ǁnāǂams. Gog Magogi tsî Armagedoni torob tsîn xa du ga ǂâi o? Dîsen du ra, ‘Nē ǃaorosa xūn ga ī o. O ta ǂgomǂgomsase nî hâ?’ Nē dîdi xa du ga ǂâi o. O di ge Jesub mîdi nētsēs dide nî hui du. Jesub ge ǁîb ǁkhāǁkhāsabega ge mîba: “ǂGaob âgo ab tā ǃhuri. Elob ǃnâ ǂgom.” ǀGaisa ǂgoms ge nî huida, î da hānîǁaeb ǃnâ nî ī xūna. ǁKhoaǂgaosib ǀkha mâǃkharu. ǁNās xa da ga ǂâi o, o da ge nî mû. Mâ ǀkhab sida ǂgoms tiba da nî ǀgaiǀgaisa. Mâ ǁaeb hoab ǃgomsi-e da ra dans ǃnâ da ge. Sida ǂgomsa ra ǀgaiǀgai. Nēs ge nî hui da, î da mâǀgai hānî ǃgomsin ǃnâ. w21.11 20 ¶1-2

Apostel Paulub ge Timoteub tsî hoa Xristeǁîna ge ǂkhâǃnâ. În ǀgaisase aoǁnâ sîsen-i ǃnâ dī. (2Tim. 4:5) Xawe i ge ǀnî ǁaega kaise ǃgom. ǂÂis ǀguisa dī re ǃgâsan hîna sida sîsen-i ǂkhāhe hâ ǃhūgu ǃnâ ra hân xa. Jehovab di ǃoaba-aon ge kaise ǂgui ǃgomsina ra hōǃâ. Hîna ǁîna a ǂkhabuǂâi kai ǁkhāna. Aiǁgause ǂguin ge ǃgarise ra sîsen în ǁîn di omaride ǂûma ǁkhā. ǃNāsasen ge aoǁnâ sîsen-i ǃnâ ra dī ǂgao. Xawen ge ǁkhāsi-e wekheb di ǀams ai ūhâ tama hâ. ǀNîn ge ǀnîsi ǁkhāsi-e ūhâ tama hâ ǀgaisa ǀaenan ūhâ amaga. Tsî ǀnîn ge ǁîn di omde xus tsîna a ǂoaǁoa. Xawen ge ǀnîn tsîna ra tsâ ǁîn ǀō-aisa tama hâsa Jehovab ǃoagu. ǂGui ǃgomsina da ga ūhâ xawe. Jehovab ge ǀgaiba nî māda. Î da aiǃgû tsî ǁîba ǃoaba ǁkhā da as kōse. w21.05 20 ¶1-3

ǁAen ain ge ǀnî khoen tsîna a ǁgarida ǁkhā. Î da ǂhanu tama xūna dī. Nēs ge Jehovab ǀkha da ūhâ, ǀhōsagusisa a ǁgaiǁgai ǁkhā. Nēsan ga dī o, o da ge ǂhâǂhâsa. Mîǁguib hîna da nî dīse ība ūhâ. Levitikus 19:19 ǃnâ hâ ǂhâǂhâsa daoǁgausa kō re: “Tsî sa soros ai i ge ǃapi-i tsî ǀkhara ǃkhaiǃnôan. Tsîn ǀkha dīhe hâ sara-e hā tide.” ǁNā ǂhanub ge Israelǁaesa ge hui, în ǁîn ǂnamipe ge hâ i ǃhaode xu mâǂoa. Nētsē da ǁnā ǂhanub ǃnaga hâ tama. Amagan ge Xristeǁîna ǃkharagagu. Lapin tsî ǁapan ǀkha kurusa sarana a ana ǁkhā. Sada ge khoen hîna Elobmîs daoǁgaudi ǃoagu ûiǂgao. Taman ǀkha ǀgui hâ ǂgao tama hâ. Sida ge sida ǀaokhoen tsî ǁanǁare-aon tsîna ǀnamma ūba hâ. Xawe ûib ǃnâ da ra dī mîǁguigu ge. Jehovaba da ra ǁnâuǀnam ǃkhaisa ra ǁgau. Sada ǂnamipe hâ khoena xu da ga ǀkhara. Tamas ka io mâǂoa xawe. Tsî nēs ge ǂhâǂhâsa, ǃanusiba da ga ǃkhamba o.—2Kor. 6:14-16; 1Pet. 4:3, 4. w21.12 5 ¶14; 6 ¶16

Ûib daob ge a hō-e ǁkhā. Jesub ge ge mî: “Ti mîs ǃnâ du ga hâhâo. O du ge a amase ti ǁkhāǁkhāsabe. Tsî du ge amaba nî ǁnâuǃā. Tsîb ge amaba sado nî ǃnoraǃnora.” (Jhn. 8:31, 32) Koahe ǁkhāse, kaise i ge ǃgâi. Sadu ge nau khoen ge dī khami dī tama hâ isa. Xawe du ge amaba ge ôaǂui. ǃGamse du ge Elobmîsa ge ôaǃnâ tsoatsoa. Î du ǂanǂui tae-eb sida xu ra ǂgaoǀkhāsa. Tsî du ge Jesub di ǁkhāǁkhāde ge ǁnâu. ǁKhāǁkhāsen du ge ge Jehovab ra ǂgaoǀkhāsa. Î da ama tama ǁkhāǁkhāde xu ǂgōsen. Tsî î da tā sâtsēdi hîna ama tama ǃoaba ǀgauga ūhâna tsēdī. ǁKhāǁkhāsens tsîna du ge dī hâ. Sadu ûib ǃnâ du ga ǀkharaǀkharana dī, î du Jehovaba ǂkhî kai. O i hoaǁae supu tama hâsa. (Mat. 10:34-36) Sado î ge ge supuba tama hâ i. ǂHâbasa ǀkharaǀkharana dīsa. Xawe du ge ge ǁgūtsâ î du ǀkharaǀkharana dī. Sadu ǀhomsi ǁGûba du a ǀnam amaga. Kaiseb ge ǁîba sadu ǀkha a ǂkhî.—ǂKhm. 27:11. w21.12 22 ¶3; 23 ¶5

Moseb ge ǃgâi aiǁgau, hîna ge ǁnamasa ūǃoaba. ǀGaisaseb dīsa hâ hîna. ǀGui ǃnās aib ge kaise ge ǁâixa tsî. Jehovaba ǃgôasiba ge mā tama hâ i. Tsî ǁnās xa ǃaromahe hâseb ge Moseba. ǁÎb di aiǂhanub mîmâisa ǃhūb tiba ge ǂoaǃnâ. (Num. 20:1-13) Moseb ge Jehovaba a ǂgan o, îb nē mîǁguib xa ǂâiǃgâ. Ob ge Jehovaba ǁîba ǃoa nēti ge mî. “Nē ǃkhais xa tā ǁkhawa tita ǀkha ǃhoa.” (Deu. 3:23-27) Moseb ge ǁâixa tama ge hâ i. Xaweb ge Jehovab di mîǁguiba ge ūǃoa. Tsîb ge Jehovaba ge aiǃgû. ǁÎba sîsenūsa Israelǁaesa ǂgaeǂguis ǃnâ. (Deu. 4:1) Moseb ge ǁnamade ge ūǃoa. Tsî sida ǃaroma a ǃgâi aiǁgau. Moseb ge ge ǁgau Jehovab di ǁnamasab ge ūǃoasa. ǂGomǂgomsaseb ge a hâ ǀgara o. ǁÎb ge ǂhâba hâ i aiǂhanubab ge ǂoaǃnâ xawes tsîna. ǃGâiba da ge ra hō aiǁgaudi ǂgomǂgomsa khoegu. Moseb tsî Jobi ti khami ī de da ga ǁgae o (ǂKhm. 4:11-13) ǂGui ǃgâsan sida din tsîn ge ǁnā i ǀgui-e dī hâ. w22.02 11 ¶9-10

ǃKhaib di ǁaeb ǃnâ, 32ǁî kurib ge Jesub di ǃgâi ǀhōsab Lasaruba ǀaesen tsî ge ǁō. (Jhn. 11:3, 14) Lasarub ge ǀgam ǃgâsa ra ge ūhâ i. Marias tsî Martas tsîna. Tsîb ge Jesuba kaise nē omarisa ge ǀnam i. Martas ge ǁnâu o Jesub ra ǀkhī ǃkhaisa. Os ge ǃhaese ge ī, îs ǁîb ǀkha sī ǀhao. Mûnanais ǀguisa hî re matikōses ge ǃoa hâ isa. Nētis ge mî o: ‘ǃKhūtse, sats ga nēpa hâ hâo, ob ge ti ǃgâsaba ga ǁō tama hâ.’ (Jhn. 11:21, 32, 33) Jesub tsîn ge ge ā mûb ge o. Marias tsî Marta hâra ge mati ǁîra di ǃgâb di ǁōb xa a tsâǀkhāhe ǀgaub xa. ǀGū khoe-e du ga ǂoaǃnâ o, Jehovab ge ra ǁnâuǃā mati du ra tsâsa. Jesub ge ‘īsib âb’ ǁîb pap dib ǀkha a ǀgui. (Heb. 1:3) Jesub ge ā o, ob ge ǁîb di pap di tsâsiga ge ǁgauǂui. (Jhn. 14:9) ǁŌb ǃnâ du ga ǀnamdu a khoe-e ǂoaǃnâ o. O du ge a ǂgomǃgâ ǁkhā. Jehovab sadu ǃoab ǀguiba mû tamasa. Xawe sado ǃgamse ra tsâba ǃkhaisa. Sadu ǂgaob hîna tsû hâbab ge ra ǂuruǂuru ǂgao.—Psa. 34:18; 147:3. w22.01 15 ¶5-7

ǁAeba ū tsî du ga ǃhoa, ǃgâ. Tsî Jehovab xa ga ra ǂâi o. O du ge ǃgâib ǀguiba nî hō. ǂGurose, du ge ǃgâi mîǁguiga nî dī. Elobmîs ge ra mî ‘Gā-ain ǀkha ra hâb, ge nîra gā-ai’ di. (ǂKhm. 13:20) ǀGamǁîse, du ge nî ǃgâi ǁkhāǁkhā-ao kai. Elobmîs ǁkhāǁkhāsa da ga khoe-e ga ra mā o. O i ge kaise a ǂhâǂhâsa. Î da ǁnā khoe-e hui î Jehovab ǀgūse hâ. ǃNāsase da ga Jehovaba ǃoa ǀgore. Tsî ǁîb xa ga ra ǁkhāǁkhāsen o. O i ge ǁîba da ūba hâ ǀnama nî kai. Tsî da ge ǁnās ǀkha ǁkhāǁkhā da ra. Khoena a hui ǁkhā în ǁîba ǀnam. Jesub di aiǁgaus xa ǂâi re. Jesub ge Jehovab xa ǀnamǀnamsa ǀgaub ǃnâ gere ǃhoa. Tsî ǁnās xa ǃaromahe hâse gu ge. ǁÎb di ǂgomǂgomsa ǁkhāǁkhāsabegu tsîna. Jehovaba ge ǀnam tsoatsoa. (Jhn. 17:25, 26) ǃNonaǁîse, sadu ǂgoms ge nî ǀgai. ǂÂi re, tae-i a īǁkhāsa. Elob ai du ga daoǁgaus, ǁkhaeǂgaos. Tsî ǂkhâǃnâs tsîna ga ra ǂgan o. Mâ ǃnâs hoas hînab Jehovaba ǁnā ǀgorede ra ǃereams ai. Î ge sadu ǂgomsa ǁîb ǃnâ ra ǀgai.—1Jhn. 5:15. w22.01 30 ¶15-17

Jehovab ge ra ǂkhâǃnâ da î da. ǃGâi tama ǂâiǀgaugu tsî ǁnaedi aiga ūbē. ǁÎb kaise a ǀnam da tsî ra ǂhâba amaga. Î da ǃgâiba ûib ǃnâ hō. (Jes. 48:17, 18) ǁÎb ge a ǂan ǁnān hîna ǃgâi tama turagu ǃnâ ra māǁnâsenan. Aitsama ra tsûtsûsen tsî ǁîn xōǀkhā hân tsîna ra tsûtsûsa. ǁÎba i ge ra tsûtsû sida tsûba mûsa. Tsî sida xōǀkhā hân di tsûb tsîna mûsa. ǀNî ǀhōsan sida din tsî omaris ǁanin ge a mîǁgaiǁgai da ǁkhā. Dītsâ tsî da sida di ǀgauga ra ǀkharaǀkhara ǂgao amaga. (1Pet. 4:3, 4) ǁÎn ge a mîba da ǁkhā. Aiǂhanuba da ūhâsa î da ǂgao da ra xū-i hoa-e dī. Tsî tā nau khoena mā-am în mîba da, tae-e da nî dīsa. Xawe ǁnān hîna Jehovab di ǁgaraga ǁnâuǀnam taman ge. Amabes ǃnâ ǃnorasasiba ūhâ tama hâ. Xawen ge amabes ǃnâ ra mā-am în ǁGâuab hîna. Nē ǃhūbaiba ra ǂgaeǂguib xa tsâǀkhāhe. (Rom. 12:1, 2) Hoada ge mîǁguiga nî dī: Nēsi da ga ǀoro ǂūba ǁhûi. ǁGâuab tsî ǁoreb xa ǃkhōǂgāhe hâba. Tamas ka io da ge a ǁhûi ǁkhā, îb Jehovaba ǀkharaǀkhara da. Î da ǃgâi khoese nēsis tsîna ī.—Jes. 64:8. w22.03 3 ¶6-7

Elobmîs ai da ga ǂâiǂâisen o. O i ge ra hui da î da ǃgâi mûǂuiba sida di ǃgomsin ǃoagu ūhâ. Aiǁgausa kō re matis ge Elobmîsa ǃoatarasa a hui ǀgauba. ǀGui ǀhaohâb ǃûi-aob ge ge ǂkhâǃnâsi îs. Jobi di ǂkhanisa xu ǂhâǂhâsa xūna khomai ǁîsa a hui ǁkhāna. ǁNāsas ge dī o os ge ǂgurose Joba ge ǀhapimā tsoatsoa. ǁÎb gere ǂâiǀgaub xa. ǁÎs di ǂâis ǃnâs ge nēti gere mî: “Job tā sa ǃgomsin xa ǀgui ǂâi re.” Xawes ge ge mûǂan ǁîs di tanisen ǀgaub tsîn ge Jobi dib ǀkha ǀgui isa. Nēs ge ge hui si îs ǁîs di ǂâiǀgauba dawa. Tsî ge ǀgaiǀgaisi îs mâǃkharu ǁîs di aobas ge ǂoaǃnâ o. ǀNî hâ ǀgaub hînab Jehovaba ǁîb di ǃoaba-aona ra ǂkhâǃnâb ge. ǁÎn di xristeǁî ǀhōsan ǃnâ-u. Paulub ge xoa tsî ge mî ǁîb ra ǁkhoresa ‘ǁkhaeǂgaoǀhaohesa’. ǁÎb di ǃgâsan ǀkha.—Rom. 1:11, 12. w21.05 22 ¶10-11; 24 ¶12

Israelǁîn ge ge mîbahe: ‘ǃNona ǃnāde kurib ǃnâ i ge hoa oarekhoega. Jehovab sa Elob aiǃâ nî ǂhai ǁnā ǃkhais, ǁîb nî ǃkhōǂuibasens tawa.’ (Deu. 16:16) ǁÎn ge ǁîn di omdi tsî ǃhanagu tsîna. Kōǃgâ nî khoe-i ǀkha ge ǁnaxu tama hâ i. Xaweb ge Jehovaba ge mîmâi: ‘Khoe-i xare-i ge sa ǃhūba tura tide. Sats ra ǃgûǃapa hîa, Jehovab sa Elob di ais aiǃâ.’ (Eks. 34:24) Israeǁîn ge Jehovaba gere ǂgomǃgâ amagan ge kurib di ǀhaode gere hâǃnâ. ǁÎn ge ǂgui ǀgaugu ǃnâ ǃgâiba gere hōǃâ. Aiǁgause, ǁîn ge Jehovab di ǂhanugu xa gere ǁkhāǁkhāsen. Tsîn ge Jehovab ǃgâiba ra ǁgau nî ǀgaus xa gere ǂâiǃgâ. Tsîn ge ǁkhoaxa ǁaeba ǁnān hîna. Jehovaba ra ǃoaban ǀkhas tsîna gere ūhâ. Sada tsîn ge ǁkhā ǃgâi xūna a hō ǁkhā. Hoana da ga dī tsî Xristeǁî ǀhaode hâǃnâ o. Tsî ǂâi re mati i Jehovaba ra ǂkhîǂkhîsa. ǃGâise da aiǂhomi hâ ǃereamde da ga mā o. w22.03 22 ¶9

Jehovab ge Jesuba gere aiǂhomi, hānîǁaeb nî sida di “ǀgapi prister” kai amaga. Jesub ge ge hōǃâ matikōse i ge ǃgom isa. Jehovaba ǁnâuǀnamsa nē ǃgom mâsigu ǃnâ. ǁÎb ge kai ǁgâiǀāba ge hō tsî “ǃgari ǃaus tsî ǁgamron ǀkha” ǀgore tsî huiba ge ǂgan. Jesub ge nētikō ǃgom ǁaega ǃkharu ǃnâ, amagab ge tae-e da ǂhâhâsa ra ǁnâuǃā. “Tsî ǃâitsâheb gen ǃnâb ge naun ǃâitsâhe rana a hui ǁkhā xui-ao.” Kaise da ge ra gangan Jehovaba ǁîb di ǀkhomxaǂgao ǀgapi pristera sida ǂam-ai a mâi ǃkhaisa. ‘Sada ǂkhabusasigu ǀkhab ǀkhomǀkhomsi-e ūhâ’ amaga. (Heb. 2:17; 4:14-16; 5:7-10) Jehovab ge Jesuba ge mā-am, îb ǃgomma hōǃâ. Îb ǁnā ǀgau ǃnâ ǂhâǂhâsa dîsa ǃeream: Khoena ǂgomǂgomsase Jehovab ǃoagu hâ ǁkhā-e, ǃâitsâhe i ga xawes tsîna? ǁGâuab ge hî-i di ra mî. ǁÎb ge ra mî khoen Jehovaba ra ǃoabasa xū-en ǁîba xu ra hō amaga. Tsîn ǁîn di ûiba Jehovaba mā tama hâsa. (Job. 1:9-11; 2:4, 5) Jesub ge ǁîb di ǂhauǃnâsib ǃnâ ge māǀgai. Tsî ǁGâuaba ǂhomi-aob asa ge ǁgau. w21.04 16-17 ¶7-8

ǁĀǁnâ kaisen i nîs aiǃâ i ge, Elobmîsa ra ǁkhāǁkhāsen khoe-e. ǁNā xūn hîna i ra ǁkhāǁkhāsen-e nî ûiǂuis ge. Elobmîsa ra ǁkhāǁkhāsen khoe-i ga ǁî-i ra ǁkhāǁkhāsen xū-e ga ra sîsenū o. O i ge gā-ai khoeb hînab ge Jesuba ǁîb di aiǁgaus ǃnâ gere ǃhoab khami nî ī. Hîna ge āsa khāo tsî ǁîb di omsa ǃgâi ǃhūb ai a omma. (Mat. 7:24, 25; Luk. 6:47, 48) Hui re Elobmîsa du ra ǁkhāǁkhā khoe-e, i-i mîǁguiga dī. (Mrk. 10:17-22) Jesub ge ge ǂan i ǃgom î nîsa. ǃKhū hâ khoeba ǁîb di xūn hoana ǁamaxusa. (Mrk. 10:23) Xaweb ge Jesuba ǁnā khoeba ge mîba. Îb ǁnāti i ǃgom ǀkharaǀkharana dī. Tae-i ǃaroma? Jesub ge ǁnā khoeba ǀnam hâ i amaga. ǀNî ǁaegu ai i ge kaise a ǃgom ǁkhā, Elobmîsa da ra ǁkhāǁkhā khoena ǂkhâǃnâsa. În ǁîn ra ǁkhāǁkhāsen xūna ǁîn di ûib ǃnâ sîsenū. ǀNîsi da ra ǂâi amaga ǁî-i ǁnātikōse ǂhomisa tama hâ di. (Kol. 3:9, 10) Xawe du ga nē ǀkharaǀkharan xa Elobmîsa du ra ǁkhāǁkhā khoe-i ǀkha ga ra ǃhoa o. O i ge ǁî-e ǃhaese ǁnā ǀkharaǀkharana a dī ǁkhā. ǁNāti i ǃhoa ǀhaona du ga ǁî-i ǀkha ga ra ūhâ o. O du ge ra ǁgau ǁî-e du ra tsâba ǃkhaisa.—Psa. 141:5; ǂKhm. 27:17. w21.06 3 ¶3, 5

Petrub ge ǃgāsase ra ǃhoa. Jesub ge mâǀgais ǃnâ-u a mâi ǃgâi aiǁgaus xa. (1Pet. 2:18-25) Amabes ǃnâ Jesub ge mî tsî gere dī xūn ge kaise sida ǃaroma a ǃgâi aiǁgau. ǀOasa kurusa ūhâ tama khoeda ase. Jesub di aiǁgausa sao ǁkhā da a? Îo sao ǁkhā da ge a. ǂÂihō re Petrub ge mî tama ge hâ i. Î da ǀoasase Jesub di daoga sao. Xaweb ge ge mî î da ǀgūse sao. ǁÎb di daoga da ga ǃamkuse ǀoasa tama da hâ xawe ga ra sao. O da ge apostel Johanneb di mîde nî sao. “ǁÎb ge tanisens ǁkhās khami i nî ǁî-aitsama ǁkhāti tanisensa.” (1Jhn. 2:6) Jesub di daoga da ga sao o, o da ge Jehovab ǀgūse nî hâ. Tae-i ǃaroma da ǁnāti a mî ǁkhā? Jesub ge mâǂoa ra aiǁgausa ge ǁgauda. Mati da ǃgâi ǀgaub ǃnâ nî ûisa, î da Jehovaba ǂkhîǂkhî. (Jhn. 8:29) ǁNā-amaga da ga Jesub di daoga ga ra sao o. O da ge Jehovaba ra ǂkhîǂkhî. Tsî da ge ǂgomǃgâsiba ūhâ, Jehovab ǁnān hîna ra ǁkhān a. ǀGaub ǃnâ ra dītsân ǀgūse nî sīsa.—Jak. 4:8. w21.04 3 ¶4-6

Jehovab ge sida ǃgâi ǀgauga ra mû. Tsîb ge ra mû mâǃnôa khoeda a ǃkhais tsîna. Tsî sida ǁîba ǃoa ra ǂgae. ǁÎb ǃoagu da ga ǂgomǂgomsase ga ra hâ o. Ob ge ǁîba ǀamosib kōse sida ǀgūse nî hâ. (Jhn. 6:44 ) ǂGomǃgâsiba da ga ūhâ o Jehovab ǀnam dasa. O da ge ǁnās xa nî ǁgarihe, î da ǁîba ǀamosib kōse ǃoaba. Sida ûib ǃnâ da ga ǃgomsina hōǃâ xawes tsîna. Tsî da ga înganǀgē o Jehovab sida ǀnamsa, ob ge ‘ǀgaib sida diba nî toa.’ (ǂKhm. 24:10) Tsî da ga ǂkhabuǂâi tsoatsoa tsî Jehovab sida ūba hâ ǀnamma ga ra ǂgom ǀû o. Ob ge ǁGâuaba supuse a ǃâitsâ da ǁkhā. (Efe. 6:16) ǀNî ǂgomǂgomsa ǃgâsan ge ge ǂâi tsoatsoa Jehovab ǁîna ǀnam tamasa. Tsî ǁîn ǀkha ǁae tama hâsa. Tsî i ge ǁnās ǀkha ǁîn di ǂgomsa ge ǂkhabu kaihe. Xawe tae-e da nî dī înganǀgē da ga ra o. Tsî da ga ǂâi o Jehovab ǀnam da tama hâsa? ǁNāti i ǃgâi tama ǀgauba da ge nî ǂâi ǀû. Jehovab ai huiba ǂgan re. Îb ǃgâi tama ǂâiǀgauba sadu ‘ǂgaob tsî sadu ǂâide’ xu ūbē. (Psa. 139:23; Fil. 4:6, 7) ǂÂiho re ǀguri du ge hâ tama hâ. w21.04 20 ¶1; 21 ¶4-6

Mati du ge Jehovab di ǃoaba-aon di ǀgui kai? ǂGurose du ge ǃgâiǂhôasa ǀnîsi sadu ma ra xu ge ǁnâu. Sadu sîsen ǀhōsa-e xu. Tsî sadu skol ǀhōsa-e xus tsîna. Tamas ka io Jehovab ǃoaba-aon ge sadu omsa a sari o, aoǁnân ra hîna. (Mrk. 13:10) ǁNāpaxu i ge khoe-e ǂgui ǁaeb. Tsî ǀgaib tsîna ge sîsenū, Elobmîsa sado ǁkhāǁkhāsa. ǁNā ǁkhāǁkhās ǃnâ du ge Jehovaba ge ǀnam tsoatsoa. Tsî du ge ge ǁkhāǁkhāsen ǁîb sadu tsîna a ǀnamsa. Jehovab ge amaba ǃoa ge ǂgae du. Tsî du ge nēsi a Jesub di ǁkhāǁkhāsabe. Amaga du ge ǃâubasensa ūhâ ǀamose ûis disa. (Jhn. 6:44) Amabes ǃnâ du Jehovaba ra gangan. ǁÎb ge khoe-e sîsenū tsî sado amaba a ǁkhāǁkhā o. Tsîb ge ūǃoa dusa, ǁîb di ǃoaba-aon di ǀguise. Nēsi da amaba a ǂan o. O da ge ǁnā aiǂhanuba ūhâ. Khoena huisa în ǁîn tsîna. Sida ǀkha ǀamo ûib di daob ai ǃgû. ǀNîsi da ge khoena aoǁnâbas xa a supubahe ǁkhā. Xawe i ge ǀnîsi a ǃgomba da ǁkhā. Khoe-e dîsa Elobmîsa i ra ǁkhāǁkhāsen ǂgaosa. Tamas ka io Elobmîs ǁkhāǁkhāsa ǁî-e māsa. w21.07 2 ¶1-2