Februarib

Jehovab ge ǁîb di ǃoaba-aon hoan nî ǂkhîsa ǂhâba hâ. ǁÎb ge mâǀguiǀguibe-i hoa-i ǀgūse hâ. Tsîb ge ra mû ǂkhabuǂâi da ga o. Sida tsâsigu xa ǃaromahe hâse. (Psa. 145:18, 19) Kō re Jehovab ge matikōse ǁae hâ isa. Kēbo-aob Eliab di tsâsigu xa. ǁNā ǂgomǂgomsa-aob ge kaise ǃgom ǁaegu ǃnâ ge ûi hâ i. Israelǁaes di tsēdi ǃnâ. Jehovab di ǃoaba-aon ge ǀgaisase gere ǁgâiǀāhe. Xawen ge ǃnāsase Eliaba gere ǃgam ǂgao. (1Gao. 19:1, 2) Eliab ge ge ǂâi hâ i ǁîb ǀguib hâsa. Kēbo-aose tsî Jehovaba ra ǃoabase. Tsî nēti i xūn ge ǁîba kaise gere ǂkhabuǂâi kai. (1Gao. 19:10) Xaweb ge Jehovaba ǃhaese xū-e ge dī îb Eliaba hui. Jehovab ge ǀhomǃgāba ge sî, îb sī Eliaba mîba ǁîb ǀguri hâ tamasa. Nē ǀhomǃgāb ge Eliaba ge mîba ǂgui khoen ge noxoba hâ isa. Jehovaba ge ǂgomǂgomsase gere ǃoabana. (1Gao. 19:5, 18) Jesub ge ǁîb di ǁkhāǁkhāsabega ge mîba. ǁÎgu nî ǀhaohâb ǃnâ hâ ǃgâsana gagasi omaris ase ūhâsa. (Mrk. 10:29, 30) Tsî Jehovab hîna a gagasi omaris di danab ge ra mî mâi. ǁÎb nî mâxōǀkhāsa ǁnān hîna ra mîǁguina în ǁîba ǃoaba.—Psa. 9:10. w21.06 8-9 ¶3-4

ǂGui khoen ge ūǃoa da ǂgao tama hâ. Sida Elobmîsa ra sîsenū o. Î da ama tama ǂgomde ǁguiǃā. Kerkhegu di ǂgaeǂgui-aogu ge ǁîgu di saosabena ra ǁkhāǁkhā. Elob ta khoena ǀamoǀaeb ǃnâ ǁkhara di. ǁÎgu ge ǁnā ǁkhāǁkhāde gere sîsenū, î gu khoena ǂgaeǂgui. Jehovab ǃoaba-ao da ase da ge. Eloba ǃoaba tama khoena ra hui, în ǁnâuǃā nēs ama tama ǁkhāǁkhā ǃkhaisa. Kerkheb di ǂgaeǂgui-aogu ge gere ǁkhāǁkhā ǀoms ta ûi ǃkharusa. Tsî tātsē ǁō tamasa. ǁNā ǁkhāǁkhās ga ama-hâ o. O i ge khoe-i tsîna khâisa ga māhe tama hâ. Tsî da ge ra ǁgau nē ǁkhāǁkhā di Elobmîs ǃnâ hâ tama hâsa. ǂGui ǂgomdi ge ge ǁkhāǁkhā sida ra dī xūn. ǀNai sida ais ai Elob xa mîǁguihe hâ i ǃkhaisa. Tamas ka io mû-e ǁoa ǀgaib xa ra daoǁgauhesa. Sida ge ra ǁkhāǁkhā khoe-i aitsâma ǁhûibasens ǁkhāsiba ûhâsa. Î Jehovaba ǃoaba. ǂGomdi ǂgaeǂgui-aoga tae-e nî dī, ǁîgu-ama tama ǁkhāǁkhāde ra dī di da ga mî o? Xawe ǃnāsa ǁaeba gu ge kaise ra ǁaixa. Amaba da ga ǀnam o. O da ge Elob da mî xūna nî ǁnâulnam. (Jhn. 8:45, 46) ǁGâuab ge amab ǃnâ mâ tama i xawe da ge sida amab ǃnâ nî hâ ǀgara. Sida ge tātsēs tsîna xū-e dī tide sida ǂgomsa nî ǁgaiǁgai-e. (Jhn. 8:44) Jehovab ge ra ǂhâba în ǁîb di khoena “ǂKhababa ǁkhan, î du ǃgâib tawa ǂgāmâisen”. Jesub ge a dī khami.—Rom. 12:9; Heb. 1:9. w21.05 10 ¶10-11

Tae-e da a dī ǁkhā ǀgapiǂâixa tsî da a xūǃgunuxasa da ga mû o? ǀKharaǀkharasen ǁkhā da ge a. Apostel Paulub ge ge mî ‘ǁnān ǁGâuab xa ǃkhōhe.’ Hân noxoba ǁnā ǃnûide xu a ǃnora ǁkhā ǃkhaisa. (2Tim. 2:26) Tā ǀūru re Jehovab ǁGâuab xa a ǀgaisa sa. O da ge hâ ga ǃnûi-i hoa-e xu a ǃnora ǁkhā, ǁGâuab ra sida mâiba de. Kaise a ǂhâǂhâsas ge î da, tā ǀgapiǂâixa tsî xūǃgunuxa ǂgao. ǁNāsa da ge Jehovab di huib ǀkha ǀgui a dīhō ǁkhā. ǁNā-amaga tsēs hoasa Jehovaba ǃoa ǀgore re. Tsî ǁîba ǀkhomma re îb hui du. Î du nē ǁgai ǂâiǀgauga sadu di ǂgaoga xu ūbē. (Psa. 139:23, 24) Sadu ǁkhāsib hoab ǀkha dītsâ re. Î du tā ǀgapiǂâixa tsî xūǃgunuxa. ǀOadisi kurigab ge ǁGâuab a ǃau-ao. Xaweb ge ǀgūǁae nî ǃkhōhe tsî ǁnāpaxu nî dīkākāhe. (J.ǂHa. 20:1-3, 10) ǁNā tsēsa ǃoa da ge ra mûǂui. ǁNā ǁaeb kōse toxoba ǂanbasen re ǁGâuab di ǃnûide. ǁKhā du a ǀgaub hoab ai dītsâ re. Î du tā ǀgapiǂâixa tsî xūǃgunuxa. Dītsâ re î du ‘ǁGâuaba mâǃoa, ob ge nî bē xu du.’ w21.06 19 ¶15-17

Jehovab ge ra ǂkhî mûb ga ra o. Khoe-i Elobmîs amaba ūǃoa. Tsî ǁnā amaba nau khoen ǀkha ra ǀgoragu o. (ǂKhm. 23:15, 16) Tsî Jehovab ge ǂkhîb xa ra ǀoahe. Mûb ga ra o, ǁîb khoen ôasase aoǁnâ. Tsî ra ǁkhāǁkhā o nētsē. Aiǁgause, î ge ǃhūbaib ǂhawase Coronasa hâ i o. 2020ǁÎ kurib ǃnâ, xawe î ge 7 705 765 Elobmîs ǁkhāǁkhāde gere dīhe. Tsî 241 994 khoena ge hui. În ǁîn di ûiga Jehovab ai māǁnâ tsî ǁāǁnâ kaisen. Nē ǀasa ǁkhāǁkhāsaben tsîn ge Elobmîsa ge ǁkhāǁkhā tsoatsoa. Tsîn ge ǁnās ǃnâ-ū ǃnāsa ǁkhāǁkhāsabena ge dī. (Luk. 6:40) ǂGom da ge ra, Jehovaba da ra ǂkhî kaisa. Khoena da ga ǁkhāǁkhā tsî ga ra ǁkhāǁkhāsabedī o. ǁKhāǁkhāsabedī sîsen-i ge a ǃgom. Xawe da ge Jehovab di huib ǀkha sida ǃâ-e a ǀhuru ǁkhā. Tsî ǀasa ǃgâsana a ǁkhāǁkhā ǁkhā. În sida di ǀhomsi Paba ǀnam. Mîǁgui-e da a dī ǁkhā, î da ǀgui khoe-e Elobmîsa ǁkhāǁkhā? Buru da ge nî, tae-i nî isa. ǀHao ū da ra khoen hoana da ga dî o. Elobmîsan sida ǀkha ǁkhāǁkhāsen ǂgao tama hâsa. w21.07 6-7 ¶14-16

Gao-aob Davib ge ǂgui mari-e ǁîb ǃkhūsiba xu ge mā. Tempela oms di sîsen-e ǂkhâǃnâs ǃaroma. (1Kro. 22:11-16) Sorosi ǁkhāsiga da ga ūhâ tama i. ǀApeǂhomis di om-sisengu ǃnâ ǁhaosa. Xawe da ge nē sîsen-e noxoba a ǂkhâǃnâ ǁkhā. Māsenxa mādi hîna da, ǁkhā da a ǀgaub ǃnâ ra mādi ǃnâ-ū. Tsî da ge ǂkham ǃgâsan tsîna hui ǁkhā în ǃgâiba hō. Sida di ǂansa xu. Kō re aiǁgaus hînab ge apostel Pauluba a mâisa, māxasib xa. ǁÎb ge Timoteuba ge ǁkhau îb sîsabe sîsen-i ǃnâ. ǁÎb ǀkha ǀguiba sîsen. Tsîb ge Pauluba ǁîb aoǁnâ ǀgaugu tsî ǁkhāǁkhā ǀgaugu tsîna. Nē ǂkhamkhoeb ǀkha gere ǀgoragu. (ǃNǃkh. 16:1-3) Paulub ge Timoteuba ge ǁkhāǁkhā îb ǃgâi aoǁnâ-ao. Tsî ǁkhāǁkhā-ao kai ǃgâiǂhôas diba. (1Kor. 4:17) Tsîb ge Timoteuba, Paulub xab ge. ǁKhāǁkhāhe xūna nau khoena gere ǁkhāǁkhā. w21.09 12 ¶14-15

Tae-e da Apolob tsî Paulub di aiǁgaude xu a ǁkhāǁkhāsen ǁkhā? Hoa ǀgam ǃgâsa kha ge xoadi xa ǃgâi ǂansa ge ūhâ i. Tsî hoa ǀgam kha ge ǃgâise ge ǂansa i. Tsî ge ǃgâi ǁkhāǁkhā-ao-i. Tsî hoa ǀgam kha ge ǂgui khoena amaba ge ǁkhāǁkhā. Xawe kha ge hoa kha ge surigu tama hâ i. (ǃNǃkh. 18:24) Apolob ge Korintes sa xu oa, ob ge Pauluba gere ǀhomâ bi îb oaǀkhī. (1Kor. 16:12) Apolob ge ǁîb ǁkhāsiga ǃgâise sîsenū. Tsî ǃgâiǂhôasa gere aoǁnâ tsî ǃgâsana gere ǀgaiǀgai. ǂGom ǁkhā da ge a, Apolob ge ǃgamǃgamsenxa khoe isa. Aǁgause, Elobmîs ge mî tama hâ. Apolob ge ǁaixa hâ isa. Akwilab tsî Prisilas tsîn ge ‘Elob di daoba ǂōrisase a ǁguiǃāba bi o.’ (ǃNǃkh. 18:24-28). Apostel Paulub ge ge ǂan i. Apolob ra di ǃgâi sîsenna. Xawe Paulub ge ge ǂâiǂhansen tama hâ i. ǃGâsan gere ǂâi o, Apolob ǁîb xa a ǃgâi di. Khomai da ge ra Paulub ge Korinte ǀhaohâgu ǃoa gere xoa xūna. ǁNāpa da ge ra mû, Paulub ge ǃgamǃgamsenxa i. Tsî ǁnâuǃāxa ǀgaub ǃnâ ǁnāsa a dīsa.—1Kor. 3:3-6. w21.07 18-19 ¶15-17

Adammi tsî Eva hâra ge ge ǁhûi Jehovaba ǁnâuǀnamoǃnâsa. ǁNā-amaga ra ge ge anu hâ i. Jehovab di omarisa xu ūbēhesa. Xawe tae-e nî ī ǁîra ǀgôan ǀkha? Jehovab ge khoena a ǀnam. ǁNā-amagab ge ge ī ǁkhā kai în. ǁÎra ǀgôan hîna ra ǁnâuǀnamna. ǁÎb di omaris ǃnâ ūǂgāhe. Nēsab ge ge dī ǁîb di ǀguise ǃnae hâ ǀgôaba. Xoremarib ase mās ǃnâ-ū. (Jhn. 3:16) Jesu Xristub di ǁguibas ge ge ī ǁkhā kai. Îb Jehovaba 144 000 ǂgomǂgomsa khoena, ǁîb di ôan ase ūǂgā. (Rom. 8:15-17; J.ǂHa. 14:1) ǂGui ǂgomǂgomsa khoen tsîn ge. ǁNâuǀnamxase Elob ǂâisa ra dī. ǁÎn ge ǃâubasensa ūhâ în Elob di omaris di ǁani kai. ǀŪni ǃâitsâs kaoǃgâ, ǀoadisi (1000) kurigu ǀams ai. (Psa. 25:14; Rom. 8:20, 21) În ge ǀnai ǁîn Kuru-aob Jehovaba “sida Îtsē” di ra ǂgai. (Mat. 6:9) Khâisa ra māhen tsîn ge ǃēsa nî māhe. În Jehovab tae-e ǁîna xu ra ǂgaoǀkhāsa ǁkhāǁkhāsen. ǁNān hîna Jehovab di daoǁgausa ra ǁnâuǀnaman. Tsîn ge nî Jehovab di omaris di ǁani kai. w21.08 5 ¶10-11

Apostel Paulub ge aoǁnâ sîsenni ǁgaumâisa ge ūhâ i. Tsîb ge ǂgui kurina aoǁnâ sîsen-e ǂhâǂhâsase gere mû. ǁÎb ge ǃgangu (straat) tsî ‘omsa xu oms’ ǀkha gere aoǁnâ. (ǃNǃkh. 20:20) ǁÎb ge mâ ǃēs hoasa sîsen-ū tsî gere aoǁnâ. Aiǁgause, Atenes ǃnâb ǁîb ǀhōna ǃâu hâ. Hînab ge ǀgapi khoena ǃgâiǂhôasa ge aoǁnâba. Tsîs ge nēsa ǃgâi ǀamǂoasa ge ūhâ i. (ǃNǃkh. 17:16, 17, 34) ‘ǃKhōsis’ ǃnâb ge hâ i, ob ge Pauluba. ǁÎb ǂnamipe hâ khoena gere aoǁnâba. (Fil. 1:13, 14; ǃNǃkh. 28:16-24) Paulub ge ǁîb ǁaeba ǃgâise gere sîsenū. ǁÎb ge hoaǁae nauna gere ǁkhau, în ǁîb ǀkha aoǁnâ sîsenne dī. Aiǁgauseb, ge ǁîb di ǂguro sîsabe sîsenni ǃnâ. Johaneb, Markub tis tsîna ǀon hâba ge ū sao. Tsî ǁîb ǀgamǁî ǃnaris ǃnâ Timoteuba. (ǃNǃkh. 12:25; 16:1-4) Paulub ge ǁkhāb a i hoa-e dī. Tsî nē khoega ge ǁkhāǁkhā. Mati gu ǀhaohâga kōǃgâ, ǃgâsana gagasise ǂkhâǃnâ. Tsî nî ǃgâi ǁkhāǁkhā-ao kai ǃkhaisa.—1Kor. 4:17. w22.03 27 ¶5-6

ǀNîn ge Kuru-aob ǃnâ ǂgom tama hâ. ǁÎn ra mî amaga, mû ǁkhān a xūn ǃnâ ǀguin ra ǂgom di. Din ra mî xawen ge mû ǁoan a xūn ǃnâ ra ǂgom. Aiǁgausen ge Gravity-i, mûhe ǁoasa ǀgaib ǃnâ ra ǂgom. Hâ-i a ǁgauǁgausa i ūhâ ǃkhais ǃaroma. Elobmîs ǃnâ ra ǃhoaǃgaohe ǂgoms tsîn ge a ǃgaoǃgaosa. “Ama hâ a xūn hîna da a mû ǁoan ai.” (Heb. 11:1) ǁAeb tsî ǁkhāsib tsîna i ge ra ū. Aitsama ǁgauǁgauna ôaǃnâsa. ǂGui khoen ge ǁaeba ǁamaǂui ǂgao tama ǁnāsa dīsa. Khoe-i hîna aitsama ǁgauǁgauna. Ôaǃnâ tama i ge a ǂgom ǁkhā Elob a ǀkhai di. ǁGauǁgauden ge ôaǃnâ toas kaoǃgân ge. Kurus ǂans xa ǁkhāǁkhāsen hâ khoen ǀnîna ge ǂgom. Elob ge hoa ǃhūbaiba a kurusa. ǁÎn ge tsoatsoas ai ūǃoas ǀguisa gere dī. Kuru-ao i ge ǀkhai isa. Tātsēn ge kurus xa ǀgapi ǁkhāǁkhāsen ǃkhaigu ai. ǁKhāǁkhāhe tama hâ i ǃkhais ǃaroma. Xawen ge Jehovab xa ge ǁkhāǁkhāsen. Tsî ǁîba ge ǀnam tsoatsoa. Hoa da ge Elob ǃnâ da ūhâ ǂgomsa nî ǀgaiǀgai. Mati i ga sida ǁkhāǁkhāsens di kaoǃhūba ī xawe. w21.08 14 ¶1; 15-16 ¶6-7

Jesub ge kā hâ ǀgôab di aiǁgaus xa goro ǃhoa. Hîna ra hui dasa, î da Jehovab ra ǁgau ǀkhomma ǁnâuǃā. Axab ge omsa xu doe. Tsî ‘ǁîb xūn hoana ge dī toa’ ǃgâi tamase ûis ǃnâ-ū. (Luk. 15:13) Egab ge ge ǃhausen tsî ǁîb di ǁgai ǀgauga ge ǀû. Tsî ǃgamǃgamsen tsî ǁîn omsa ǃoa ge oa. ǁÎb papa mati ge ǃkhōǃoa bi? Jesub ge ge mî: ‘ǃNūseb hâ, hînab ge ǁgûba mû bi. Tsî ge ǀkhom bi; ob ge ǃkhoesī. Tsî ǁnamǂgā bi tsî ge ǁoa bi.’ Nē kaikhoeb ge ǁîb ǀgôaba ge taotao tama hâ i. Xaweb ge ǀkhom bi tsî ge ǀûba bi. Tsî ge ūǃoa bi, oms ǃnâ. Kā hâ ǀgôab ge tsūse ge ǁore. Xawe ǁîb ǃhausens ǃaromab ge ǁîb papa ge ǀûba bi. Nē aiǁgaus ǃnâ ge ǀkhomma ǁgau ǁgûb ge, Jehovaba ra ǂnûǁkhaeba. Nē aiǁgaus ǃnâ-ūb ge Jesuba. ǁÎb Pap di māsenxasib tsū ǁorena ra dī khoen. Hîna ǃhausen hâna ǀûbas diba ra ǁgau.—Luk. 15:17-24. w21.10 8 ¶4; 9 ¶6

Nētsē gu ge ǂgui ǃoaba di. ǂGaeǂgui-aoga ǂgui xūna ge dītsâ. Elob di ǀonsa sâusa. ǁÎn ge Elob ǀonsa ǁîn di Elobmîde xu ūǂui. Tsî nē ǀonsa ǁîn kerkhegu ǃnâ sîsenūhesa ge ǂkhā. Jehovab ǃoaba-aon ǀguin, Jehovab ǀonsa ǃgôasiba ra ǁgau ǃkhaisa ra ǀūxū khoe-e hâ-e? Sida ǀgui da ge Elob ǀonsa ǃhūbaib ǂhabase ra ǂanǂan. ǀNî hâ ǂgomdi khoen xa. Sida ǀgui da ge sida tani hâ ǀons di ǂâibasensa ra taniǂui. Sida ge Jehovab di ǂnûǁkhaeba-ao. Tamas ka io ǀhûǀguitimî-ao. (Jes. 43:10-12) Sida ge 240 miliun New World Translation of the Holy Scriptures, Elobmîde ǂnûiǃkhuni hâ. Nē Elobmîs ǃnâ da ge nau ǂnûiǃkhuni-aon ge Elob ǀonsa ūǂûi. ǃKhaigu hoagu ai Jehovab ǀonsa ǂgā-oa hâ. Tsî da ge Elobmîs ai ǃgaoǃgaosa ǂkhanin hîna. Jehovab ǀonsa ra sîsenūna 1 000 gowagu ǃnâ ra ǂnûiǃkhuni. w21.10 20-21 ¶9-10

Jehovaba da ge ra ǃoaba nau ǃgâsan hîna ǂhâsib ǃnâ hâna da ga hui o. Jehovab ge ge mîmâi Israelǁîn hîna ge. Māsenxase ǀgâsana gere mānab nî mātare-oasa. (Deu. 15:10) ǂHâsib ǃnâ hâ ǃgâsa-e da ga hui ob ge Jehovaba. ǁNāsa ǁîb ǃoagu hâ ǀkhae-i ase ra mû. (ǂKhm. 19:17) Aiǁgause, Xristeǁîn hîna ge Filipes ǃnâ gere hân ge ǀkhae xū-e Paulub hîna ǃkhō-oms ǃnâ ǂnôaba ǃoa a sî. Ob ge Pauluba nēsa “ǃkhōǃoasa ǁguibas, Eloba a ǃgâibas” di ge ǂgai. (Fil. 4:18) Sadu ǀhaohâb ǃnâ kō-ôa tsî dîsen re. ‘Hui ǁkhā ta a khoe-e hâ?’ Jehovab ge kaise ra ǂkhî mûb ga o. Sida ǁaeb, ǁkhāsib tsî ǂandi tsîna da ga sîsenū o, î da ǂhâsib ǃnâ hâ ǃgâsana hui. ǁÎb ge ǁnā xūn hoana ǁîb ǃoabas di ǃâ-i ase ra mû.—Jak. 1:27. Ama ǃoabas ge ǁaeb tsî ǁkhāsib tsîna ǂgaoǀkhā hâ. Xawe i ge ǃgom tama hâ. (1Jhn. 5:3) Tae-i ǃaroma? Jehovab tsî sida ǃgâsana da ǀnam amaga. w22.03 24 ¶14-15

Sada ǃgâsan ūhâ ǃgomsin xa da ga ra ǂâi o. O da ge ǁîna ǀkhomxaǂgaosiba a ǁgau ǁkhā. Aiǁgauses ge ǃgâsasa ǀnîsi ǁkhōǁkhōsa ǀaeb ǃgomsiba ūhâ. ǁÎs ǃgomsib xas ǃhoa tama hâ xawes ge. ǀNîsi kaise nî ǃgôaǃgâ khoe-i ga ǁîsa hui o. ǂÛ-e sâibahes tamas ka io omsa ǃanubahes xa ǃgâibahe is nî? ǃGâsab ge ǀnîsi ǁîb di sîsen-e ge ǂoaǃnâ. Sida xu i ra hāsa mî tamase da ge ǀnîsi ǂkhari mariro-i ǀkha a huibi ǁkhā. ǀKhara sîsen-eb nî hōs kōse. Sada ǃgâsana ǀkhomxaǂgaosiba ǁgaus ǃaroma da ge. Tā nî ǃâu în ǁîna sada ai huiba hā ǂgan. Jehovab khami da ge ǂgan taman hâ hîna xūna dība nî ǁkhā. ǁÎb ge soresa tsēs hoasa ra ǂoaxa kai ǂgan tama da hâ hîna. Tsîn ge hoa khoena sores ǀgamma xu ǃgâiba ra hō. Ganganxasiba ra ǁgaun ǀguin ose. ǃKhō-am i du tide ǂhâ da hâ xūna mā das ǃnâ-ūb. Jehovaba ra ǁgausa ǀnamdab asa? Jehovaba da ge kaise a ǀnam. ǃGâi tsîb a māxa amaga. w21.09 22-23 ¶12-13

Jehovab di ǂgomǂgomsa ǀnammi ge ra ǂkhâǃnâ bi îb ǀûba. Jehovab ga ǃhausen hâ khoe-i. Hîna ǁî-i ǃgâi tama ǀgauga xu ra dawasen-e mû o. Ob ge ǁîb di ǂgomǂgomsa ǀnamma ra ǁgaribi nē khoe-e ǀûbasa. Psalmdi xoa-aob Davib ge Jehovab xa ge mî: “ǁÎb ge sada ǁorena ǃoa sîsenū da tama hâ. Tsî sada dīsāde ǃoa dīdawa-am da tama hâ.” (Psa. 103:8-11) Davib ge tsūsets dī hâ ǁore-i, ams ai ra ǂhâni tsi ǃgâiǂâisa ūhâs tsâsiba ge ǃkharu ǃnâ. Tsî a ǂan nēs mati ra tsâsa. Xaweb ge ge ǁkhāǁkhāsen Jehovab a ‘ǀûbaǀnamxasa.’ Tae-e Jehovaba ra ǂkhâǃnâ îb ǀûbaǀnamxa? ǃEreams ge nētsēs mîs ǃnâ xoamâisa. Davib ge ǁîb ǀgores ǃnâ ge mî, Jehovab ge ǂgomǂgomsa ǀnamma. Hoan hîna ǁîb ai ǀûbaba ra ǂgana ūba hâ. ǁOre da ga o, oi ge a ǃgâi, ǃgâi tamase tsâsa dī da go ǁoren ǃaroma. Nēs ge nî hui da î da ǀûbaba ǂgan tsî ǀkharaǀkharasen. w21.11 5 ¶11-12

Jehovab ge ǁîb di ǀonsa a ǀnam. Tsîb ge ra ǂhâba î-i mâ khoe-i hoa-e, ǁîb ǀonsa ǃgôa. (Jes. 42:8) Xawe ǃkharu go 6 000 kurigu ǃnâ. Îs ge Jehovab ǀonsa ǀuriǀurihe hâ. (Psa. 74:10, 18, 23) Nēs ge ǁGâuab (ǀons ǂâibasens ge “ǂHumi-aob”) ge Eloba ǂgā-am tsî a mî. Elob ra Adammi tsî Eva hâra nî ǂkhî kai, xūna ǃkhō-oa ǃkhais ai ge tsoatsoa. (Gen. 3:1-5) ǁNā ǁaeba xub ge Jehovaba ra ǂhumi ǂgā-amhe. ǁÎb ra khoen amabes ǃnâ ǂhâhâ xūna, ǁîna xu ǃkhō-oasa. Jesub ge gere ǂâiǂhansen. ǁÎb di Pap ǀons gere ǀuriǀurihe o Jehovab ǀguib ge ǂhanu ǂgaeǂgui-aoba. ǀHommi tsî ǃhūbaib diba. Tsî ǁîb di ǂgaeǂgui ǀgaub ge kaise a ǃgâi. (J.ǂHa. 4:11) ǁGâuab ge khoen tsî ǀhomǃgāgu tsîna ge ǂgaeǂhapu. În ǂâi Jehovab ǂhanu ǂgaeǂgui-ao tama hâsa. ǀGūǁaeb ge nē mâsiba ǀamosib kōse nî ǀamǀamhe. Jehovab ge ǁîb ǀonsa nî ǃanuǃanu. ǁÎb Gaosib ga ǂkhîb tsî ǃnorasasiba ǃhūbaib ai hau o. w21.07 9 ¶5-6

Hoaǃnâ-aixa i ge a oms danaba. ǁÎb omarisa ǂû-i saran tsî hân nî ǃkhai-e ǂhâbasa. Mari ǃgomsina du ra hōǃâ? Nēs nî amas ga o. Ob ge nēpa a ǃgom ǁae sadu ǃarom. Xawe du ge noxopa nē ǁaeba a sîsenū ǁkhā. Sadu ǂgomsa ǀgaiǀgais ǃnâ. ǀGores ǀkha Jesub mîdi hîna. Mateub 6:25-34 ǃnâ hâde khomai tsî ǂâiǃgâ re. Sada ǁaeb aiǁgaude ǃoa kō re. Matib Jehovaba ǁnān hîna aoǁnâ sîsenni ǃnâ ǀhapese ra. Hāna ra kō ǃgâ ǀgaus xa. (1Kor. 15:58) Nēsa dīs ge sadu ǂgomsa nî ǀgaiǀgai. Sadu ǀhommsi ǁGûb sadu ra ǃkharu ǃnâ khami i ǃgomsina ge ūhâ i. Khoena ge hui ǃkhais ge ra ǁgau. ǁÎb sadu tsîna nî huisa. ǁÎb ge ǂan tae-e du ǂhâhâsa. Tsî matib nî ǁnā xū-e mā dusa. Jehovab huiba du ga hōǃâ, sadu ûib ǃnâ o. Os ge sadu ǂgomsa ra ǀgai. Tsî du ge hānîǁaeb ǃgomsin ǃnâs tsîna nî mâhō. w21.11 20 ¶3; 21 ¶6

ǂGui Xristeǁîn di ǂgoms ge ge ǀgaiǀgaihe xoremaris di ǁkhāǁkhās ǃnâ-ū. ǁÎn ge mâǃoa-en ra xawe ra aoǁnâ. Tsî mâǀgai hâ ǃgomsin hînan ge ǃkharuǃnâna nēsin kaira hâs kōse. Apostel Johaneb di aiǁgausa kō re. ǁÎb ge ǂgomǂgomsase amaba Xristub tsî xoremarib xa hâba gere aoǁnâ 60 sa ǃnā hâ kurina. ǁÎb ge 100 kurina gere ǀgū o, on ge Romeǁî ǂhanuba ge ǂâi hâ i. ǁÎb kaise ǃaoǃaosasa di tsî ǁnās ǀkha Patmos ǃnâ ge ǂganam ǂgābi. ǁÎba tae-e ge dīsā? ‘Elob di mîs tsî Jesub Xristub di ǀhûǀguitimîs ǃaromas’ ge ge ī. (J.ǂHa. 1:9) Johaneb ge mâǂoa ra ǂgoms tsî mâǀgais di aiǁgausa ge māda. Elobmîs di ǂkhanidi ǃnâb ge Johaneba ge xoa matikōseb Jesuba ǀnamsa. Tsîb ge ǁîba ge ǃgôaǃgâ Jesub di xoremarib xa. Nēs ge 100 xūna ǃkhōǂgā hâ xoremarib ge dīǀoaǀoana. (1Jhn. 2:2) Johaneb ge ǃgam ǃgôasiba Jesub di xoremarib xa ge ǁgau. w21.04 17 ¶9-10

Jehovab ge ra ǂhâba î da sorosi ǃnubusiga ūhâ ǃgâsan xa ǂâi. Aiǁgause, Israelǁîn ge ge mā-amhe tama hâ i. În ǂganaǂgae hâ khoe-e ǃgâi tamase hâ-ū. ǁNāti ī khoe-e ǃgâi tamase hâ-ūs ge ra ǂâibasen. ǁGai xūna ǁnā khoe-e ǃoa mîsa. ǁNāti ī xū-e dīs ge kaise ǃgâi tide. ǁÎ-i ge ǁnâu tide, tae-i go mîhesa. Tsî ǁkhaubasen ǁkhā tide. Levitikus 19:14 ǃnâ da ge go ǁkhāǁkhāsen. Elob khoen ge ge mā-amhe tama hâ i. În ‘ǂgī khoeba tā ǃnôa-ai xū-e dība.’ ǀGui ǂkhanis ge sao ra-e sorosi ǃnubusiga ūhâ khoen xa ge mî: “Israeli ǃnâ i ge khoena ǃgâi tamase gere hâ-ūhe.” ǃGâi ǂūba ūhâ tama khoe-i ge. ǂAnabegase ǂgī hâ khoe-i ais ai ǃnôa-ai xū-e a mâi ǁkhā. Tamas ka io âi ǂgao î ra amaga a dī ǁkhā. ǁNāsa dīs ge ǃgâi tide. Jehovab ge ǁîb khoena ge hui. În ǀkhomxaǂgaosiba sorosi ǃnubusiga ūhâ khoena ǁgau. w21.12 8-9 ¶3-4

Jakob ge noxoba gere ǂhânsen. ǁÎb ǃgâsagu ǁîb ǃoa-ai noxoba xū-e ūhâ ǃkhais xa. ǁÎb ge ǀgaisase Jehovaba ǃoa ge ǀgore nē mâsib xa. Tsîb ge ǁnāpaxu ǃgâi ǀkhae xū-e Esauba ǃoa ge sî. (Gen. 32:9-15) Tsî ǀams ai kha ge khoe ǃgâgu kha ǀhao o. Ob ge Jakoba ǁnā aiǂhanuba ge ū, îb Esauba ǃgôasiba ǁgau. ǁÎb ge Esaub tawa ge ǃhonǁgoa ǀgui ǃnās ose. Tamas ka io ǀgam ǃnāra ose xawe hû ǃnāde. ǃGamǃgamsenxa tsî ǃgôasib di ǀgaugu ǃnâb ge Jakoba. ǂKhîba ǁîb di aputib ǀkha ge kuru. (Gen. 33:3, 4) ǂGui xūna da ge ra ǁkhāǁkhāsen. Matib ge Jakoba aiǂhomisensa îb ǁîb di aputib ǀkha ǀhao. Jakob ge ǃgamǃgamsenxase Jehovab ai huiba ge ǂgan. Tsîb ge ge ǁgau ǁîb di ǀgores ǃoagub ra sîsen ǂgao ǃkhaisa. ǁÎb di aputib ǀkhāb ge ǂkhîba a kuru ǀgaub ǃnâ. Khoeǃgâgukha ge ǀhao o, ob ge Jakoba. Esaub ǀkha ge ǂnôagu tama hâ i. Ham-i a ǂhanu tamas ka io ǂhanu tamasa. Jakob di ǂâibasen ge is ge ǁîb di aputib ǀkha ǂkhîba kurusa. Jakob di aiǁgausa du a ǁgae ǁkhā?—Mat. 5:23, 24. w21.12 25 ¶11-12

ǀNîsi du ga Jesub ge sadu ǁoren ǃaroma ǁōsa ga ra ǂâi o. O du ge ǀnîsi a mî ǁkhā, ‘Tita ge anū hâ khami tsâ tama hâ ǁnā xū-e ǃkhōǃoasa.’ Tae-i ǃaroma du ǁnā ǀgaub ǃnâ nî tsâ? Sida ǀoasa tama ǂgaoba ūhâ amaga da ge a kāxaǃnâhe ǁkhā. Tsî xū-ose tamas ka io ǀnam-e ǁoa khami a tsâ ǁkhā. (1Jhn. 3:19) ǁNāti i ǁaegu ai da ge nî ǂâihō, ‘Elob sada ǂgaob ǃgâ-ai kai’ ǃkhaisa. Nēsi da ga Jehovab ǀnam da tamas ka io ǀûba da tide di ga ra tsâ xawe. Î ge Jehovab di ǀnamma nî hâhâ. Tsîb ge hoaǁae nî ǀûba da. ǂGomǃgâsiba da ge nî ūhâ Jehovab amabes ǃnâ sida ǀnamsa. ǁNāsa da ga dī ǂgao o. O da ge ǁîb di mîsa nî ǁkhāǁkhāsen. Tsî ǁîba ǃoa tsēs hoasa nî ǀgore. Tsî ǁnāpaxu ǁîb di ǂgomǂgomsa ǃoaba-aon ǀkha ǀguiba nî hâ. Tae-i ǃaroma i ǁnā xūna dīsa ǁnātikōse a ǂhâǂhâsa? Ots ge ǃnāsase Jehovab di ǀgauga nî ǁnâuǃā. Tsî du ge nî ǁnâuǃā matikōseb ǁîba sado a ǀnamsa. Tsēs hoasa du ga Elobmîsa xu du ra ǁkhāǁkhāsen xūna ga ra ǂâiǃgâ o. O i ge nî hui du î du ǃgâise ǂâi ǁkhā. Tsî “ǂhanu-aisib ǃnâ kaikais ǃoa” sadu ǂgao tsî ǂâis tsîna nî mâi.—2Tim. 3:16. w21.04 23-24 ¶12-13

ǀGaisa ǂgomsa omkhâis ǃaroma i ge ǃnāsa-e ǂhâbasa. ǁKhāǁkhāsen da ra xūna da ge nî ǂâiǃgâ. Kō re tae-eb ge Psalmdi 77 di xoa-aoba hōǃâsa. ǁÎb ge ge ǂkhabuǂâi hâ i. Israelǁîn ge Jehovab di ǂkhâǃnâsa ǂoaǃnâ ǃkhais ǃaroma. Nēs xa ǃaromahe hâseb ge. Tsūse gere tsâ tsî ge ǁom ǁoa i. (2ǁî sa xu 8ǁî ǁaraǃādi) Tae-eb ge dī? ǁÎb ge Jehovaba ge mîba: “Tsî ta ge sa sîsengu hoagu xa ra ǂâiǂâisen tsî sa dīgu xa nîra ǃhoa.” (12ǁî ǁaraǃās) Ama as ge Psalmdi xoa-aob ge ǃamkuse ǂan isa. Tae-eb ge Jehovaba ǁîb di khoena ǃkharu ge ǁaeb ǃnâ dība hâ isa. Xaweb ge ǁîba noxoba gere ǂâiǂhansen: “ǀKhomxaǃnâsa ǀurusib kha hâ Eloba. Tsî ǀkhomxaǂgaosib âbab kha ǁaib ǃnâ ǂganam hâ?” (9ǁî ǁaraǃās) Nē Psalmdi xoa-aob ge Jehovab di dīgu xa gere ǂâiǂâisen. Tsî ǁîb ge ǁgau ǀkhomxaǂgaosib xas tsîna ǃkharu ge ǁaeb ǃnâ. (11ǁî ǁaraǃās) ǀAmǂoas? Nē Psalmdi xoa-aob ge ǂgomǃgâsiba ge ūhâ i. Jehovab tātsē ǁîb di khoena ǁnāxu tide ǃkhaisa. (15ǁî ǁaraǃās) w22.01 30-31 ¶17-18

Matib Jehovaba ǂgomǂgomsa aogu tsî taradi hîna ge ǁōn xa ra tsâ? ǁÎb ge ǁkhawa ǁîna mûsa ra ǁkhore. (Job. 14:15) ǂÂi re, matikōseb Jehovaba. ǁÎb di ǀhōb Abrahamma ǁkhore hâsa? (Jak. 2:23) Tamas ka io Moseb hînab gere “aisa xu ais ǃoa” ǃhoa-ūba? (Eks. 33:11) Tsîb ge ra mûǂui Davib tsî nau psalmdi ǁnae-aoga mûsa. Î gu îsa koa ǁnaetsanade ǁnae. (Psa. 104:33) Nēsin Elob di ǀhōsana ǁōb ǃnâ ǁom hâ. Xaweb ge Jehovaba ǁîna ǀuru tama hâ. (Jes. 49:15) ǁÎb ge hoa xūna ǁîn ǀgaugu xa ra ǂâihō. ǀGui tsēb ge Jehovaba ǁîna ûiba nî mā-oa. Tsîb ge ǁîba ǁîn di ǀgorede nî ǁnâu. Tsî ǁîn di ǃoabasa nî ūǃoa. Sadu ǀnam hâ khoe-i ga ǁō o. O di ge nē mîde nî ǂkhâǃnâ du. Edenni ǃhanab ǃnâs ge mâǃoasa tsoatsoa o. Ob ge Jehovaba ge ǂan i. Nē xūn ǁgaiǂoas ǀguisa nî hîsa. ǀNî hâ ǁaeb ai i sī nî ǃgâis kōse. Jehovab ge ǁgai xūn, ǂhanuoǃnâsib tsî ǂkhabadīb. Hîna nē ǃhūbaib ai ra īna, kaise ǃhui hâ. w21.07 10 ¶11; 12 ¶12

ǁNāti i ǀnamma da ga ǁgau o. O da ge ǃgôaǃgâsib tsîna xoremariba ra ǁgau. Tae-i ǃaroma? Jesub ge ǁîb di ûiba sida ǃaroma ǀgui ge mā tama hâ i. Xawe sida ǃgâsan ǃgaos tsîna. Jesub ge māsenxase ǁîna ge ǁōba. Tsî da ge ǁnās ǃnâ-ū a mû ǁkhā ǁîb ǁîna kaise a ǀnamsa. (1Jhn 3:16-18) Sida ǃgâsana da ra hâ-ū ǀgaub ǃnâ da ge ra ǁgau ǁîna da a ǀnamsa. (Efe. 4:29, 31–5:2) Aiǁgause ǀaesenan ga o da ge ǁîna ra hui. Tamas ka ion ga ǀgaisa ǃgomsiba ga ra hōǃâ o. Tsūkēǃgâgu tsîna ǃkhōǂgā hâse. Xawe tae-e da nî dī sida ǃgâsan ga ǃgâi tama mîna mî da o. Tamas ka io sida ǃoagu ǃgâi tama xūna dī o? ǀNî ǁaega i-a ǃgomba du sadu ǃgâsana ǀûbasa? (Lev. 19:18) ǁNāti i ga io nē ǀapemāsa sao re: “Î du tanibagu, î du ǀûbagu, nē-i ga nau-i ǃoagu ǀauxū-e ūhâo; Xristub ge sado ǀûbas ǁkhās xase sado ǁkhāti dī.” (Kol. 3:13) ǁNā ǁaeb hoab hîna da sida ǃgâsana ra ǀûbab ai da ge ra ǁgau. Xoremariba da kaise ra ǃgôaǃgâ ǃkhaisa. w21.04 18 ¶12-13

Jehovaba da ge ǃgarise a sîsenba ǁkhā. Tsî da ge ǂgui khoena a hui ǁkhā, în ǁāǁnâhe. Xawe da ge nî ǁnâuǃā. ǁNās a īǁkhāsa, Jehovab di huib ǀkha ǀgui. ǁKhāǁkhāsens tsîna da ge ra dī. ǃNāsa aiǂhanuga da ga ǀhaohâb ǃnâ ūhâ o. O da ge ǃnāsa-e nî dī tsî ǂkhîba ǀhaohâb ǃnâ nî aiǃgû kai. Kaise da ge ra gangan ǀhaohâb ǃûi-aogu. Tsî ǀhaohâb hui-aogu ra hui da o. Î da ǀguiǃnâxasib tsî ǂkhîb tsîna sida ǁaegu ūhâ. Tsî mā gu ra ǁnamadi ge Elobmîsa xu nî hā. Tsî ǁîgu ǂâide xus ose. Xawe gu ge ǃgâsana nî hui. În Jesuba ǁnâuǀnam. Tsî ǁîb aiǁgausa sao. (1 Kor. 4: 6, 7) Mâ ǃgâsa-i hoa-i ge Jehovab xa ǁkhāsiga māhe hâ. ǂÂi ǁkhā da ge a. Dī da ra xūn ǂhâǂhâsa tama hâsa. Xawe ǂâi re. ǂGui ǂkhari ǂomǀhao ūhe hâ ǁawarogu ge îsa saraba ǀguiba ra ǃkhōǀhao. Dī da ra ǃgâi xūn ge ǀhaohâba a ǀguiǃnâxa kai ǁkhā. Hoa da ge ǃgarise nî sîsen. Î da tā ǂâi, nau ǃgâsan xa da a ǀgapi ǃkhaisa. ǁKhā da an hoana da ge nî dī. Î da ǂkhîb tsî ǀguiǃnâxasib tsîna ǀhaohâb ǃnâ aiǃgû kai.—Efe. 4:3. w21.07 19 ¶18-19

ǂGomǃgâsiba du ge a ūhâ ǁkhā. ǁŌ ge ǀnamsaben sadu dina du nî mûsa. Jesub di ǁgamrogu hînab ge ǁkhaeǂgao ra se. ǁÎb di ǀhōna gere mās ge ra ǁgau. Khoena khâisa mās ǁîb ǂgaob ǀgūse ǁgoe ǃkhaisa. (Jhn. 11:35) ǁNān hîna ǃoa hâna du ge a mâxoǀkhā ǁkhā. Jesub ge Martas tsî Marias ǀkha ās ǀguisa ge dī tama hâ i. Xawe ǁîra ǃgâ tsî ǁkhaeǂgao ras tsîna gere dī. (Jhn. 11: 25-27) Sada tsîn ge ǁkhā xū-e a dī ǁkhā ǃoa ran ǃoagu. ǀHaohâb ǃûi-aob Dani hîna Australiab ǃnâ ra hâb ge nēti ra mî: “Ti kaikhoesa ta ge ǂoaǃnâs khaoǃgâ ta ge mâxoǀkhāsa ge ǂkhâ hâ i. ǂGui ǃgâsagu tsî ǁîgu di taradi ge. Hoaǁae ge aiǂhomisa i tita ǃgâsa. ǁÎn ge gere mā-am te î ta ti ǃoaba ǁgauǂui. Tsîn ge tao tama ge hâ i tita gere ā ǃkhais ǃaroma. ǁÎn ge ǀnî xūn ǀkhas tsîna gere huite. Audosa ǁās, ǂûna sī ǁamas tsî sâi hân ǀkha. ǀNî ǁaega ta ge ǁnā ǀgai-e ūhâ tama hâ i amaga. Tsîn ge ǃnāsa ǁaeba tita ǀkhas tsîna gere ǀgore. ǁÎn ge ge ǁgausen ama ǀhōsan tsî, ǃgâsan hîna. ‘ǂŌǂōsib di ǁaeb ǃnâ ǃnaehe hân’ a ǃkhaisa.—ǂKhm. 17:17. w22.01 16 ¶8-9

Jehovab ge ǃgâin ǀguina sida ra ǂhâbaba. (ǂKhm. 4:20-22) ǁÎb ga ǁnama da o, ǁîb di mîsa ra sîsenūse. Ob ge ǁîba ǀnama ra ǁgau da. (Heb. 12:9, 10) ǁNamas ai ǂâisa ǂnûi re. Matis go ǁnamasa mā-es ose. ǀNî ǁaegu ai da ge a tsâ ǁkhā. ǁNamas ǃgâi ǀgaub ai māhe tama hâsa. Ama as ge ǁnā khoe-i hîna ǁnamasa nau khoe-e ra mā i. Supu ǀgaub ai nî dīsa, is ǁnamasa ūǃoa-e. (Gal. 6:1) Xawe sida ga ǁnamasa ga ra māhe o. O da ge ra dītsâ î da ǁnamas ai ǂâisa ǂnûi. Nēsi da ga sida tsâ xawe ǃgâi ǀgaub ǃnâ i ga māhe hâ khami. ǀNîsi da ge a dîsen ǁkhā: ‘Nēsi da ga ǃgôaǃgâ tama i xawe. ǀGaub hînas go ǁnamasa māhesa. Xū-e hâ, hîna da ǁnāpaxu a ǁkhāǁkhāsen ǁkhā-e? ǁNamasa ra mā khoe-i di dīsāde ta a kō ǃkharu ǁkhā. Tsî ǁnā ǁnamasa xu a ǁkhāǁkhāsen ǁkhā?’ Kaise i ge nî ǃgâi sida ǀkhaba xu. Î da hō da ra ǁnama i hoa-e xu ǃgâiba hō. w22.02 12 ¶13-14

Jehovab ge a ǂan ǁgai tanisen ǀgaugu. Tsî ǂâi ǀgauga ǀûs ǁaeb tsî ǁkhāsib tsîna ǂgaoǀkhā hâsa. (Psa. 103:13, 14) Xaweb ge ǁîb di mîs, ǃanu gagab. Tsî ǁîb ǀapeǂhumis ǃnâ-ū gā-aisib, ǀgaib tsî ǂkhâǃnâs tsîna ra māda. Hîna da ǂhâhâsa î da ǀkharaǀkharasen. Elobmîsa sîsenū re, î du ǃgâise ôaǃnâsen. Elobmîs ge spils khami ī; hui da ǁkhā i ge a î da mû mati da ǂâi, ǃhoa tsî tansen ǁkhā ǀgaub tsîna. (Jak. 1:22-25) Tsî Jehovab ge hoaǁae aiǂhomisen hâ sida huis ǃaroma. ǁÎb ge a ǂhanu khoe, sado huis ǃaroma. Sadu ǂgaob ǃnâ hâ xūnab a ǂan amaga. (ǂKhm. 14:10; 15:11) ǁNā-amaga ǁnaetib ase dī tsî ǁîba ǃoa ǀgore re. Tsî ǁîb di mîsa tsēs hoasa ôaǃnâ re. ǂGomǃgâ re Jehovab ǀgaugu hoaǁae a ǃgâisa. ǃGâiba da ge a hō ǁkhā. Hoa xūn hînab Jehovaba ǂgaoǀkhā da hâna dīsa xu. ǁNān hîna ǁîb di ǀgaugu ǃoagu ra ûin ge. Aitsama ǃgôasensa ra hō. Ûib ǃnâ ǂâibasensa ūhâs tsî ǃgâi ǂkhîb tsîna.—Psa. 19:8-11. w22.03 4 ¶8-10

Jehovaba da ge ra ǃoaba. Sada di ǃoaba ǃkhaiga da ga ǃanu. Tsî ǃgâi mâsib ǃnâ ūhâ o. Elobmîs ge ra mî tabernakela kurus tsî dītoas ge ge ‘ǃanu sîsen-i.’ (Eks. 36:1, 4) Nētsēs tsînab ge Jehovaba Gaosib ǀhû-omga oms. Tsî ǀnî hâ ǃoaba ǃkhaiga kōǃgâs tsîna ǃanu sîsen-i ase ra mû. ǀNî ǃgâsan ge ǂgui ǁaeba nē sîsen-e ra dī. Nē sîsen-i hîna ǀhû-omga dī-ūnus ǃgao ra dīhe-e da ra ǃgôaǃgâ? Nē ǃgâsan ge aoǁnâ sîsen-i ǃnâs tsîna ra ǁhao. ǀNîn ge ǁnaetisa aimâba-ao sîsen-i tsîna ǀnîsi ra dī ǂgao. ǀHaohâb ǃûi-aogu ge ǀhû-omga oms ǃnâ ra ǁhao ǃgâsana nî ǂkhâǃnâ. Tsî nî mā-am în aimâba-ao kai. Nēsi da ga nē omga oms ǃnâ ǂansa ūhâ. Tamas ka io ūhâ tama i. Xawe da ge hoada nē ǃkhaiga ǃanuse. Tsî ǃgâi mâsib ǃnâ ūhâs ǃnâ a ǃâ ǁkhā. w22.03 22 ¶11-12