Maarti

Nē “gūn” hînab Jesuba Mateub 25:31-36 ǃnâ ǃhoaǃgaon ge ǂhanu-ain. ǃHūbaib di ǃâubasensa ūhâna ǃoa ra ǁnaeǁgau. ǁNān ge ǀnî gūna. ǁÎn ge ǂgomǂgomsase Xristub di ǃgâga ra hui. Î gu aoǁnâ sîsen-e ǃhūbaib ǂhawase dī. (Mat. 24:14; 28:19, 20) Mâ kurib hoaba Jesub di ǁōb ǂâiǂâisens aiǃân ge. ǀNî gūna Xristub ǃgâga ra mâxoǀkhā. Tsî ǃhūbaib ǂhawase khoena Jesub di ǁōb ǂâiǂâisensa ǃoa ra ǁkhau. ǁÎn ge Jesub di ǁōb ǂâiǂâisens ǃaroma hâ, aiǂhomisendi ǀkha ra hui. Îs ǁnā tsēsa ǃhūbaib ǂhawase hâ ǀhaohâgu ǃnâ tsēdīhe. ǀNî gūn ge kaise a ǂkhî. Xristub ǃgâsaga ǁnā ǀgaub ǃnâ ǂkhâǃnâsa. Nē gūn ge a ǂan ǂkhauhesana huis, Jesuba huis ǀkha a ǀguisa.—Mat. 25:37-40. w22.01 22 ¶11-12

Jesub ge nau khoen ǀkha gere hâ ǀgauba da ga sida tsîna ǁgae o. Aiǁgauseb ge Jesuba ǃomamaxa ǁōsa ge ūhâ i khoeba ge ǀgom. Tsîb ge khoes hîna ǂgauhe ǁoa ǀaeba ge ūhâ is tsîna ǀgomxasiba ge ǁgau. Tsîb ge ǁnān hîna ge ǁîn di ǀnamsabena gere ǂoaǃnân tsîna ǀgomxasiba ge ǁgau. ǁNās ǃaroma da ga Jesuba ǁgae o, o da ge Jehovab tsîna ra ǁgae. (Mrk. 1:40, 41; 5:25-34; Jhn. 11:33-35) Jehovab di ǀgauga da ga ǁgae o. O da ge ra ǁîb di ǀgū ǀhōsa kai. Jesub di daoga da ga sao, o da ge nē ǁgai ǃhūbaib xa ǂgaeǂhapuhe tsî Jehovaba ǃoaba ǀû tide. ǀUniga ǃuis hînab ge ǃhūbaib ai khoese ūhâ is. Aib ge Jesuba ge mî ǁkhā i: “Tita ge ǃhūbaiba ge dan.” (Jhn. 16:33) ǁÎb ge gere ǂâibasen mā-amsen tamab ge hâ isa. Khoen di ǂâiǀgaub tsî ǃhūbaib xa ǂgaeǂhauhesa. Jesub ge tatsēs tsîna ge ǀuru tama hâ i. Tae-i ǃaromab ge ǃhūbaiba ǃoa a sî-e sa. ǁNās ge îb Jehovab di ǀonsa ǃanuǃanu hā. O sida xa matis? Nē ǃhūbaib ǃnâ i ge ǂgui xūna hâ ǂkhabuǂâi kai da ǁkhāna. Î da Jehovaba ǃoaba ǀû. Xawe da ga Jesub khami aiǃgû o, Jehovab di ǂâisa dīsa. O da ge sida tsîna ‘ǃhūbaiba nî dan’.—1Jhn. 5:5. w21.04 3-4 ¶7-8

Apostel Paulub ge Jesub di mîmâis tsîna ge ǂâihō. ‘ǁÎb ǃnâ ra ǂgoman hoan ǀamo ûiba nî ūhâ’ di hâsa. (Jhn. 3:16; Rom. 6:23) Paulub ge ǁnā khoen di ǀgui, ǀgaisa ǂgomsa ge xoremarib ǃnâ ūhâ iba. ǁÎb ge ǁnā ǂgomǃgâsiba ge ūhâ i. Jehovab ǁgai ǁore-aon tsîna ǃhōbasenan ga o nî ǀûbasa. (Psa. 86:5) Paulub ge ǂgomǃgâsiba ge ūhâ i Jehovab a ǀnam bisa. ǁÎb ge ge ǂan i Jehovab ge Jesuba ǃhūbaiba ǃoa a sîsa îb ǁîb tsîna ǁōba. Kō re ǀuniga mîdi hînab ge Pauluba Galateǁîn 2:20 ǃnâ mîde: “Elob Ôab” tita ge ǀnam hâ ib, tsî ǁî-aitsama tita ǃaroma ge māsenna.” Paulub ge ge tsâ tama hâ i ǁîb kaise tsū tsîb Jehovaba ǁîba a ǀnam ǁoa di. Nētib ge ge ǂâi tama hâ i, ‘mû ta ge ra Jehovab tae-i ǃaroma ti ǃgâsana ǀnamsa. Xawe ta ge ǂgom tama hâ Jehovab tita a ǀnamsa.’ Paulub ge Romeǁîna ge ǂâiǂâiǃnâ: “Sada ganupe a ǁore-ao hîab ge Xristuba sada ǁōba ǃkhais ǀkha.” (Rom. 5:8) Jehovab sida ūba hâ ǀnammi ge tātsē xū-i xa a ǁkhaehe ǁoa. Paulub ge Elob ǀnammi di ǀgaib ǃnâ ge ǂgom hâ i. Paulub ge ge ǂan i matib ge Jehovaba ǃnūǃnâxase Israelǁaes ǀkha gere sîsensa. w21.04 22 ¶8-10

Elobmîsa du ra ǁkhāǁkhā khoe-e hui re î Jehovaba ǀnam. Mâǀgaub ǃnâ? ǁAeba ǁamaǂui re i. Jehovab di ǀgaugu xa ǁî-i ǀkha ǃhoa. Hui re ǁkhāǁkhā du ra khoe-e. Î Jehovaba ǂkhîb di Elob ase mû. Hîna ǁîba ra ǂkhâǃnâna a ǀnamma. (1Tim. 1:11; Heb. 11:6) Tsî ǁkhāǁkhāsen ra khoe-e ǁgau re. ǃGâib hîna i nē xūna xu nî hōba. Tsî ǁî-e ǁgau re. Nē i go ǁkhāǁkhāsen xūn. Jehovab ǁî-e ǀnam ǀgausa ra ǁgausa. (Jes. 48:17, 18) ǁNā ra ǁkhāǁkhāsen khoe-i ge. ǁÎ-i di ǀnammi ga Jehovab ǃoagu ga ra ǀgai o. O ǃgom xūn tsîna nî dīhō. Elobmîsa ra ǁkhāǁkhāsen khoe-e. ǁĀǁnâs kōse sīs ǃaroma i ge. ǂGui ǀkharaǀkharana nî dī. ǀNî Elobmîsa ra ǁkhāǁkhāsen khoen ge. ǃHūbaisi ǃkhūsiba nî ǁnāxūs ge. ǂGuin ge ǀhōsan hîna Jehovaba ǃoaba tamana ra ǁnāxū. ǀNîn ge ǀnîsi omaris di khoen. Hîna Jehovab di ǃoaba-aon xa. ǃGâibahe taman xa ǁnāxūhe hâ. Jesub ge ge mîmâi. ǁNān hîna ǁîba ra saon. Tātsēs tsîna ǂkhabuǂâi tidesa. Xaweb Jehovaba ǀoasase. ǁÎna gagasi omaris ǀkha nî ǀkhae ǃkhaisa.—Mrk. 10:29, 30. w21.06 4 ¶8-9

Apostel Paulub ge ǁkhāǁkhāsabedī sîsen-e. ǃHanaǂgās ǀkha gere ǀgopeǀnō. ǁNās ǀkhab ge ra ǁgau. ǃKhomsa ǂgās xa da ǃnāsase nî dīsa. ǁÎb ge Korinteǁîna sao ra-e ge mîba: “Tita ge ge ǂgā, tsî Apolob ge ge ǂnâ. Sadu ge a Elob di ǃhana-ai.” (1Kor. 3:6-9) Sida ge a sîsen-ao ‘Elob ǃhânab’ ǃnâ. ǃKhomsa da ge ra ǂgā aoǁnâ da ga o. Tsî da ge ra ǂnâ, ǁkhāǁkhā da ga o. Xawe da ge a ǂan Elob ǃkhomsa ra kai kaisa. Kai aiǂhanub ge khoena amaba aoǁnâba tsî ǁkhāǁkhās tsîna. Nē sîsen i ge amabes ǃnâ ra ǃgâiaǂgao kai da. Apostel Paulub hîna ge Tesalonikas ǃnâ ǂguina a huib. În ǁkhāǁkhāsabe kain ge ǁîb di tsâsiga. Nē ǀgaub ǃnâ gere ǁguiǃā: “Mâ-e kha sige ǃâubasen-e, tsî ǃgâiaǂgao-e, tsî sige koasens di kron-e? Sa tamado kha ǁîdo ǃKhūb Jesub Xristub aiǃâ ǁîb di hās ǃnâ? Ā, sadu kom a sige ǂkhaisi tsî ǃgâiaǂgao-o.”—1Tes. 2:19, 20; ǃNǃkh. 17:1-4. w21.07 3 ¶5; 7 ¶17

Jehovab ge mâ ǀguiǀguibe-i hoa-e ǁîb ǃoa ge ǂgae. (Jhn. 6:44) ǂÂi re tae i ǁnā-e ra ǂâibasensa. Jehovab ta ǃgaise ôaǃnâ biliun di khoena nē ǃhūbaib ǃnâ. Ob ge sadu ǃnâ ǃgai xū-e ge mû. Māsenxa ǀoms hîna ǁîba nî ǀnam-e. (1Kro. 28:9) Jehovab ge a ǂan du, ǁnâuǃā du, tsî a ǀnam du. ǁNā i ge amabes ǃnâ kaise ra omkhâi da xū-e. Jehovab ge amabes ǃnâ ra tsâba du. Tsîb ge sida di Xristeǁî ǃgâsan hoan tsîna ra tsâba. Nēsa ǃgāsa kais ǃaroma. Jesub ge Jehovaba gū ǃûi-ao-i ǀkha ge ǀgopeǀnō. ǀGui gū i ga ǀguikaidisi gūde xū kā o. Gū ǃûi-aoba tae-e nî dī? ǁÎb ga “ǀgui-i ân xa kāheo. Khoesedisikhoeseǀana i ǁnāxū tsî ǃgû tsî kā hâ-e ǃhomgu ai ôa tide?” Tsî ǁî-eb ga hō o, ob ge gū ǃûi-aoba ǁnā gū-e mî ǁgaiǁgai tide. Xawe ra ǃgâiaǂgao. Tae-e da nēpa xu ra ǁkhāǁkhāsen? Mâ ǀguiǀguibe khoe-i hoa-i ge Jehovab tawa a ǀō-aisa. Jesub ge ra mî: “ǁNās ǁkhās xases ge sago Îb ǀhommi ǃnâ hâb di ǂâi tama hâ. ǀGui-i nē ǂkhariron di-i nî kā ǃkhaisa.”—Mat. 18:12-14. w21.06 20 ¶1-2

Jehovab sida ūba hâ ǀnammi xa da ga ǂâi. O i ge Jehovaba da ūba hâ ǀnamma ra ǀgaiǀgaihe. Tsî ǁîb ǀkha da ūhâ ǀhōsagusis tsîna. (Rom. 8:38, 39) Tsâǀkhāhe da ge hâ, î da Jesub di aiǁgausa ǁgae. (1Pet. 2:21) Jesub di ǁōb ǂâiǂâisens tsēdi ǃnâ da ge. Jesub ge ǃhūbaib aib ge hâ i o. Ob gere hōǃâ xūn xa ra khomai Elobmîs ǃnâ. ǁÎb di ǁōb tsî khâis tsîna ǃkhōǂgā hâna. Tsî Jesub di ǁōb ǂâiǂâisens ǃuis ai ra dīhe ǃhoas ge. Jesub ge sida ūba hâ i, ǀnammi xa ra ǂâiǂâi da. (Efe. 5:2; 1Jhn. 3:16) Jesub di ǁōb tsî aiǁgaus xa da ga khomai. Tsî ga ra ǂâiǂâisen o. O da ge ra ǂkhâǃnâhe î da. ‘ǁÎb ge tanisens ǁkhās khami tanisen.’ (1Jhn. 2:6) Aiǃgû da ge nî, î da Jehovab ǀhōsase hâ. (Jud. 20, 21) Jehovab ǀnammi ǃnâ da ge ra hâ ǀgara, ǁnâuǀnambi da ga ra o. ǁÎb ǀonsa da ga ǃanuse ūhâ o. O da ge ra ǃgâiaǂgao kai bi. (ǂKhm. 27:11; Mat. 6:9; 1Jhn. 5:3) Jesub di ǁōb ǂâiǂâisens ge ra huida, î da Jehovab ǃoa mî. ‘Sadu di ǀnammi ǃnâ da ge ra hâ ǂgao, ǀamosib kōse.’ w22.01 23 ¶17; 25 ¶18-19

ehovab ge aitsama. Mîǁguiga dīs di ǃnorasasiba māda hâ. Mîǁgui ǁkhā da ge a. Tae-e da sida ûib ǃnâ nî dīsa. Sida ǀnamxaǃnâ Elob ge kaise ra ǃgâiaǂgao. Mûb ga ra o, sida ǁîba ǃoabasa ra ǁhûisa. (Psa. 84:11; ǂKhm. 27:11) Sida ǁhûis di ǃnorasasib di aiǂhanuba da ge. ǃGâi mîǁguiga dīs ǃaromas tsîna sîsenū ǁkhā. Jesuba da ge ra ǁgae nau khoen di. ǂHâsiga da ga sida dîn ais ai ga ra mâi o. ǀGuitsē i ge Jesub tsî ǁîb di apostelgu tsîna ge tsau hâ i. Tsî gu ge ǃnōsa ǃkhai-e ǃoa ge ǃgû, î gu sī sâ. Xawe gu ge ge sâ tama hâ i. ǂGui khoen ge ge saogu. Tsîn ge Jesub xa ǁkhāǁkhāhes turaba ge ūhâ i. Jesub ge ǁaixa tama ge hâ i. Xaweb ge khoena ge ǀkhom. O Jesuba tae-e ge dī? “Tsîb ge ǂgui xūna ǁîna ge ǁkhāǁkhātsoatsoa.” (Mrk. 6:30-34) Jesuba ǁgae tsî da ga sida ǁaeb tsî ǀgaib. Tsîna ga ra sîsenū o, nau khoena huisa. O da ge koasa sida di ǀhomsi ǁGûba ra mā.—Mat. 5:14-16. w21.08 3 ¶7-8

Jehovab ge ǃkharagagusiba a ǀnam. Nēs ge mûǃāxa ǁîb ge kuru buruburuxa xūn ǃnâ. Khoen tsîna ǃkhōǂgā hâse. ǀGui khoe-i tsîn ge a ǀkhai sadu khami ī-e. Jehovab ge tātsē nau khoen ǀkha ǀgopeǀnō du tama hâ. ǁÎb ge sadu ǂgaob ǃgamsiba ra ôaǃnâ. (1Sam. 16:7) ǁÎb tsîn ge a ǂan tae-e du ǃgâise a dī ǁkhāsa. Tsî tae-e du ǃgâise a dīhō ǁoasa. Tsî mâ ǀgaub ǃnâ du ge kaikaihes tsîna. Tsî ǁîb ge ǂgan da tama hâ. Dī ǁkhā ta as xa ǃnāsase dīsa. Jehovaba da ge nî ǁgae. Tsî da ge ǁîb da mû da ǀgaub ǃnâ aitsama nî mûsen. O da ge ‘ǀgaus ǀkha nî gā-ai.’ Tsî sida xa ǃnāsase ǂâi tsî ǃgôaǁnâsen tide. (Rom. 12:3) Ama as ge nau ǃgâsan di ǃgâi. Aiǁgaude xu da a ǁkhāǁkhâsen ǁkhāsa. Aiǁgause, ǀnîsi da ge ǃgâsas tamas ka io ǃgâsaba a ǂan. Hîna aoǁnâ sîsenni ǃnâ kaise a ǃgâira. (Heb. 13:7) ǁÎra xu da ge a ǁkhāǁkhāsen ǁkhā. Mati da aoǁnâ sîsenni ǃnâ ǃgaise a dī ǁkhā ǀgausa. (Fil. 3:17) Xawe ǃkharagagusib ge hâ ǃgâsa-i di ǃgâi aiǁgaus. Tsî ǃgâsa-i ǀkha ǀgopeǀnōsens ǃnâ. w21.07 20 ¶1-2

Sadu ǂgomsa du ge Kuru-aob ǃnâ a omkhâi ǁkhā. ǀGurun, hain tsî ǀgamirona ǃoa du ga kō o.(Psa. 19:1) ǃNāsase du ǁnā xūn xa ra ǁkhāǁkhāsen khami du ge. ǃNāsase nî ǂgom Jehovab a Kuru-ao ǃkhaisa. ǃGaoǃgâ re xūn hîna da a. ǁKhāǁkhāsen ǁkhā na sada Kuru-aob xa. Sadu ǂnamipe hâ xūn xa du ga ra ǁkhāǁkhāsen o. (Rom. 1:20) Aiǁgause sores ge ǀgammi tsî ǃnâb tsîna ra mā da. ǃHūbaib ai hâ ûib ǃaroma a ǂhâǂhâsa-e. Xawe sores di ǀnî ǀhâugu tamas ka io ǃnâb. Ultraviolet rays dis tsîna ra ǂgaihe gu ge sida ǃaroma ǃgâi tama hâ. ǂHâǂhâsa i ge a khoeda ǁnā ǃnâba xu nî ǁkhaubahesa. Tsî da ge a ǁkhaubasa. Mâ ǀgaub ǃnâ? ǃHūbaib ǂnamipe i ge gas-e hâ, ozone layer dis tsîna ra ǂgaihe-e. Sada nē sores di ǃgâi tama ǃnâba xu ra ǁkhauba-e. Sores di ǃnâb hîna ǃgâi tamab ra ǀgai khami. I ge ǁkhauba ra gas-e kaisib ǃnâ ra ǀarosen. Nēsi du ǂanǃgâ tama hâ. Khoe-i ge nē xūna a kurusa. Tsîb ǁîba a ǀnamǀnamsa tsî gā-ai Kuru-aosa? w21.08 17 ¶9-10

Khoe-i ga ǁāǁnâhe toas kaoǃgâ da ge. Noxoba nî aiǃgû ǁî-e ǀnam tsî ǃgôasiba ǁgausa. (1Jhn. 4:20) Xawe mati da nēsa nî dī? ǀGui aiǁgaus ge, ǁî-e da ge nî ǂgomǃgâ. Tsî da ga ǁnâuǃā tama io. Tae-i ǃaroma-i go ǁnā xū-e a dīsa. O da ge ǂâi tide ǁî-i ǃgâib ǃaroma. ǀGui i go ǁnā xū-e a dīsa. Xawe da ge ǃgôasiba sida di ǃgâsa-e nî ǁgau. Tsî ǁî-e sida ǀgapise nî mâi. (Rom. 12:10; Fil. 2:3) ǀKhomxasib tsî ǃgâisib tsîna da ge hoa khoena nî ǁgau. Jehovab di omaris ǁani kai ǂgao du ga o. O du ge Elobmîs ǀapemāde sadu ûib ǃnâ nî sîsenū. Aiǁgause Jesub ge ge ǁkhāǁkhā da î da. ǀKhomxaǂgaosib tsî ǃgâisib tsîna hoa khoena ǁgau. Sida ǃhui hâ khoen tsîna ǃkhōǂgā hâse. (Luk. 6:32-36) Xawe ǀnî ǁaegu ai i ge kaise a ǃgomba da ǁkhā dīsa. ǁNati i ga io, o da ge Jesub khami ǂâi tsî xūna nî dī. ǁKhā da a-i hoa-e dī. Tsî da ga Jehovaba ǁnâuǀnam. Tsî Jesuba ga ra ǁgae o. O da ge sida di ǀhomsi ǁGûba ra ǁgau. ǁÎb di omaris ǁani kai ǂgao da ra sa ǀamosib kōse. w21.08 6 ¶14-15

ǁKhāǁkhāsen re î Jehovab ai ǂgomaiǂnûi. ǁÎb ge ra mîmâi. ǂGui ǀkhaegab nî māda sa. ǁÎb ai da ga ǂgomaiǂnûi. Tsî ǁkhā da a-i hoa-e, ǁîba mā o. Elobmîs ge ǂgui aiǁgaudi xa ǀoa hâ. Khoen hîna ge ǃgarise Jehovaba ǃoabas ǃnâ gere sîsenan xa. ǀNî ǁaegu ai i ge ǂgurose xū-e nî dīs ge ge i. ǀŌ-aisa ǀkhaeba i nî. Jehovaba xu ǃkhōǃoas aiǃâ. Aiǁgause, ‘mapab ra īsab a ǀū.’ Xaweb ge Abrahamma omsa xu ge doe. ǁNās khaoǃgâ ǀguib ge Jehovaba ǁîba ge ǀkhae. (Heb. 11:8) Jakob ǀhomǃāb ǀkha ǃkham toa hâs khaoǃgâ. ǀGuib ge ǀō-aisa ǀkhaeba ge ǃkhōǃoa. (Gen. 32:24-30) Israelǁaes mîmâisa ǃhūb ǃnâ nî ǂgâs aiǃân ge. Jordanǃāba nî ǃgâu ge is ge. Xawe gu Pristerga ǁîgu ǂaide ǁgammi ǃnâ dā ǂgā. Toa hâs kaoǃgâ ǀguin ge ge ǃgâu ǁkhā i. (Jos. 3:14-16) Sadu tsîn ge nē ǁaeb ǃnâ Jehovaba ra ǃoaba ǃgâsan. Aiǁgaude xu a ǁkhāǁkhāsen ǁkhā. Hîna Jehovab ai ǂgomaiǂnûi. Tsî ǃnāsase ra dīna. w21.08 29-30 ¶12-14

Kaira ǃgâsan ge a ǂan ǃkharu ge ǁaeb ǃnâ i ge, xūna mati gere dīhesa. Xawes tsîna du ge ge mû mâsigu ra dawa. Khami du ǀkharaǀkharana nî dīsa. Kaira ǃgâsan hîna ǀasase ǁāǁnâhe hân ge. Nauna a hui ǁkhā ǂgui ǀgaugu ǃnâ. ǂKham ǃgâsan ge kaise nî ǃgôaǃgâ. Sadu di ǂans tsî ǁkhāǁkhāsen du ge xūna ǁnâusa. ‘Māxa’ tsî du ga sadu ûib ǃnâ du ge ǁkhāǁkhāsen xūna. Nau ǃgâsan ǀkha ǀgoragu o. Ob ge Jehovaba kaise nî ǀkhae du. (Luk. 6:38) ǀNamǀnamsa kaira ǃgâsan ga. ǂKham ǃgâsan ǀgūse ga ra sī o. On ge hoana a ǂkhâǃnâ gu ǁkhā. (Rom. 1:12) Mâ-i hoa-i ge nau i ūhâ tama hâ ǀō-aisa xū-e ūhâ. Kaira ǃgâsan ge gā-aisib tsî ǂans tsîna ūhâ. Hînan ge ǁîn di ûib ǃnâ a hōna. ǂKham ǃgâsan ge ǀgaiba ūhâ. ǂKhamman tsî kairan tsîn ga. ǀGuiba sîsenǁae o ǀhōsan ase. On ge koasa sida ǀnamxaǃnâ ǀhōmsi ǁGûb ai ra ǀkhī ū. Tsîn ge ǀkhaeb ase hoa ǀhaohâb ǃaroma i. w21.09 8 ¶3; 13 ¶17-18

Tae-i ǃaroman ge ǂgui Jodeǁîna gere ǂhanihe Jesub ge ǁō ǀgaub xa? ǁÎn ǃoagub ge Jesuba ǃgâuhaib ai ǁō o. Ob ge ǂkhabadī-aob ase tsî ǁore-aob ase ge ǁō. Tsî Mesiab ases ose. (Deu. 21:22, 23) ǁNān hîna Jodeǁîn di ǁaegub ǃnâ ge hâ, în ge ge mûǃā tama hâ i Jesub a ǀhapiosa. ǁÎb ge ǂhânu-ose ge ǂgari-amhe. Tsîb ge ǃgâi tama ǀgaub ǃnâ gere hâ ūhe. ǁÎn hîna Jesuba gere ǀgoraǃgân ge ǂhanu-aisib xa ge ǁae tama hâ i. Jodeǁî ǀgoraǃgâ-aogu ge ǃhaese ǀgoraǃgâ ǃkhais ai ge sī î gu Jesuba ǀgoraǃgâ. Tsî gu ge māhe ge ǂhanuga ge sao tama hâ i. ǀGoraǃgâ-aogu ge ge ǂhanu tama hâ i. (Luk. 22:54; Jhn. 18:24) ǁÎgu ge ǃhaese gu ge ǁnâu o Jesub di mâsib xa. O ama tama xūn ai Jesuba gere ǂgari-am. Tsîgu ge ǁîga ǁnās ǀkha Jesuba gere ǃgam ǂgao. (Mat. 26:59; Mrk. 14:55-64) Tsî Jesub ge ǁōba xu a khâi o. O gu ge ǁnā ǂhanuoǃnâ ǀgoraǃgâ-aoga soldagu ǀkha ǀapeǀhaosa ge dī. Tsîgu ge soldaga kai mari-e ge mā, î gu ama tama ǂhôana ǃhoa. Tsî mî tae-i ǃaromas ge ǀhōbasa ǀgaiǃnâ isa.—Mat. 28:11-15. w21.05 11 ¶12-13

Jehovab ge nē ǁgai ǃhūbaiba mâǁae i. Hoa-i ai a dīkākā ǁkhā. Xawe Jehovab di ǃnūǃnâxasib ge kaise hui da hâ. ǁNās khami ra ge Adammi tsî Evas tsîra. Ti ǀgôan hoana ǀoasa kurusa ūhâ tama hâ. ǁÎn ga ra ǃnaehe, ǁaeb ai. Xaweb ge Jehovaba ǁîna a ǀnam tsî ra tsâba. Xaweb ge Jehovaba ǁîb ǀgôan di ǃgomsina a ǀam kai ǁkhā. (1Jhn. 4:19) Jehovab ge ǁaeba ǂnûiǂui hâ. Îb khoen ra hōǃâ ǃgomsina ǀam kai. Jehovab ǀnammi tsîn ge kaise ra ǂkhâǃnâ da. Î da tani ǀnamxasiba ǁgau. Jehovab ge ǃgâi aiǁgausa, ǁgau da hâ tani ǀnamxasib xa. Jesub ge ǁîb di Pab di tani ǀnamxasiba ge ǁgae. Jesub ge ǃhūbaib ai hâ io. Ob ge mîǁgaiǁgaihe, taotaohe. Tsî sida ǃaroma ǃgâuhaib ai ge ǁō. (Heb. 12:2, 3) Jehovab aiǁgaus tani ǀnamxasib dis ge. Jesuba ge hui, îb ǁîb tsîna xūna tani ǁkhā. Tsî ǁnās ge sida tsîna a ǀgaiǀgai ǁkhā. w21.07 12-13 ¶15-17

Tsēs hoasa da ge sida ǀhomsi ǁGûb di ǀkhomxaǂgaosiba ra hōǃâ. (Psa. 103:10-14) Jesub di sao-aon ge ǀoasa kurusa ge ūhâ tama hâ i. Xaweb ge ǁîna ǀkhommi tsî ǀûbaǀnamxasib tsîna gere ǁgau. Māsenxab ge ge i ǁîb ûiba ǁguibasa. Sida ǁōren nî ǀûbahe ga. (1Jhn. 2:1, 2) ǀNammi hîna da sada gagasi omaris ǃnâ ūhâb ge ra ǀgai. ǂGaoba xu da ga ‘ǀûbagu’ o. (Efe. 4:32) Nau koena ǀûbas ge kaise a ǃgom ǁkhā. ǁNā-amaga da ge ǃgarise nî sîsen ǁnās ai. ǀGui ǃgâsas ge ǃKhē xu ǂgō-ommi ǃnâ ge hâ i ǁkhāǁkhāǃâs “Forgive One Another Freely” di hâs xa ge huihe. ǁÎs ge xoa tsî ra mî: “ǁNā ǁkhāǁkhāǃâs ǃnâ i ge gere ǁguiǃā-e nau khoenats ga ǀûba o. O i ge ǂâibasen tama hâ ǁîn ge a dī tsū xū-i a ǂhanu di. Tamas ka io i sado tsûtsû tama hâ di. Xawets ga ǁîna ǀûba ots ge ǁîn ǀkha ǁaixa tama hâ. Tamas ka io ǁaiba ǃkhōǀgara tama hâ. Tsî da ge sida ǂkhîba ra ǃkhōǀgara.” Sada ǃgâsana da ga ǂgaoba xu ga ra ǀûba o. O da ge ra ǁgau ǁîna da a ǀnamsa. Tsî da sida ǁGûb Jehovaba ra ǁgaesa. w21.09 23-24 ¶15-16

Jesub ge Elob tsî ǁîb ǂâibasens xa hâ amaba a ǀnam. Jesub ûiǀgaub ge gere ǁgau nē amab ǃnâb da ǂgomsa. Tsîb ge nē amaba nau khoen tsîna gere mîba. (Jhn. 18:37) Jesub di ama saosaben tsîn ge amaba ǃgamse ge ǀnam i. (Jhn. 4:23) Apostel Petrub ge Xristeǁî ûiǀgauba “amab di daob” di ge ǂgai. (2Pet. 2:2) Amaban ge kaise ǀnam i. ǃKhais ǃaroman ge ǂguro ǁaeb Xristeǁîna. Kerkhegu ǂâiǀgaugu, kaikhâi ūhe gere ǁnaetigu. Tsî khoen ǂâiǀgaugu hîna amab ǀkha. ǃGûǀhao tamaga xu gere ǂgōsen. (Kol. 2:8) ǁKhā ǀgaub ain ge ama Xristeǁîna. Nētsē ra dītsâ ‘amab ǃnâ ǃgûsa.’ Nēsan ge ǁîn ra ǂgomǃgâ xūn tsî ǁîn ûiǀgaub tsîna. Jehovab mîs ai ǃgaoǃgaos ǃnâ-ū ra dī. (3Jhn. 3, 4) Jehovab ǃoaba-aon ge Elobmîs ǃnâ hâ xūn. Hoanan da ǁnâuǃā ti mî tama hâ. ǁAen ain ge xoa-en da ǁguiǃā ǀgaub. Tamas ka ion da ǀapeǂhumisa mûǂam ǀgaub ǃnâ dīsāna ge dī. Mâsib ga ǂoaxa o, on ge ǂhâbasa dī-ūnude dī hâ. w21.10 21-22 ¶11-12

Elobmîs ǁaeb khoen ge ǃās mirgu xa ǁîn mâǃoa-aona xu gere ǁkhaubahe. ǁKhās khamib ge Jehovab ǂgomǂgomsa ǀnamma ra ǁkhauba da. Îs ǁîb ǀkha da ūhâ ǀhōsagusisa tā ǂkhabuǂkhabuhe. Jehovab di ǂgomǂgomsa ǀnammi ge ra ǂkhâǃnâ bi. Îb sida ǁîba ǃoa ǂgae. (Jer. 31:3) Psalmdi xoa-aob Davib ge ǀnî hâ ǀgopeǀnōsa ge sîsenū. Îb ǁgau matib Eloba ǁîb khoena ra ǁkhauba ǀgausa. ǁÎb ge ge xoa: ‘Elob ge a ti ǁaposa hâǃkhai tsî ti ǂgomǂgomsa ǀnam, ǀkhomxaǃnâ Elo a xui-ao.’ Davib ge noxoba Jehovab xa ge mî: ‘Ti ǀkhomxaǂgaob tsî ǂgomǂgomsa ǀnammi ti ǁaposa hâǃkhaib. Ti ǀgapi, hâǃkhaib tsî ti ore-aose ība teb. Ti khōsikhōb, ǁîb ai ta ra ǂgomaiǂnûib.’ (Psa. 59:17; 144:2) Tae-i ǃaromab ge Daviba Jehovab di ǂgomǂgomsa ǀnamma. Sâuǃkhaib tsî ǁaposa hâ ǃkhaib ǀkha ǀgopeǀnō? Mapa ǀguin ga Jehovab ǃoaba-aona ǃhūbaib ai hâ. Xaweb ge ǁîna ǂhân hâ ǁkhaubasa nî mā. În ǁîb ǀkhan ūhâ ǀhōsagusisa ǁkhauba. w21.11 6 ¶14-15

Jesub tsî ǁîb ǁkhāǁkhāsabegu tsîn ge hurib ai hâ io. O i ge ǁnāpa kai ǂoa-e ge khâi. Jesub ge nē aiǂhanuba ge sîsenū huigusa. Î gu ǁîgu ǂgomsa ǀgaiǀgai. (Mat. 8:23-26) ǂOab gere ǀgai tsî gu ǃgabiga ǂgaus ǃnâ gere ǁnāǂgā. ǁAeb aib ge Jesuba ge ǁomǁgoe-i. ǃAob xa ǀoa hâ ǁkhāǁkhāsabegu ge. ǂKhaiǂkhai bi tsî mîba bi o îb sâu gu. Ob ge ge ǁnama gu: “Tarexa go ǃaoǃnâ, sa ǂkhariǂgomxaǃnâgo?” Kai ǃgomsina du sadu ûib ǃnâ ra hōǃâ? Nē ǃgomsin ge ǀnîsi ǂoab tsî ǀanub mâsinxa ǃaroma-e hâ. Tamas ka io du ge kaise ǀaesen hâ. Tsî nēs xa ra ǂkhabuǂâi. ǁAen ai du ge ra ǂkhabuǂâi. Xawe tās sadu di ǂkhabuǂâis tsâsiba. Jehovab ǃnâ ǂgomsa xu ǁkhae du. ǂGaoba xu hâ ǀgoredi ǃnâ-ū ǁîba ǀgū. ǃKharu ge ǁaeb ge Jehovaba hui du ǀgaus xa ǂâi re. Tsî ǁnās ǃnâ-ū sadu ǂgomsa ǀgaiǀgai re. (Psa. 77:11) ǂGomǃgâ ǁkhā du ge a ǁîb tātsē ǁnāxu du tidesa. Nēsi tamas ka io hānîǁaeb ǃnâ. w21.11 22 ¶7, 10

Khoe-i ge ǀnîsi a mî ǁkhā. Sa tama hâ xū-ets ge a ū ǁoa. ǁNāsa i ga dī o, o i ge ǁnā mîmāsa ra ǁnâuǀnam. Xawe i ge ǀnî ǀgaugu ǃnâs tsîna ra ǃnari. Aiǁgause, ǁamaxū-ao-i ga ǂhanu-oǃnâse ǁamaxū-i ra xū-e ǀnō o. O i ge khoena xu ra ǃnari. Levitikus 19:13 ge ǃnarisa, ǁgâiǀāb ǀkha ra ǃkhōǀhao. Tsî ra mî: “Sa ǀgūkhoebats ge ǁgâiǀā . . . tide.” Gāxaǃnâ ǀgaugu ge ǃnaris ǀkha ra ǃgûǀhao. 8ǁÎ mîmās ge ǂhanub ǃgāsasiba ra mā da. Levitikus ge ra hui da î da ǁnâuǃā, ǁnā mîmās tae-e gere ǂâibasensa. Nē ǂkhanis ge ra huida. Î da Jehovab di mûǂuib ǂhauǃnâsib tsî ǃnaris dis tsîna ūhâ. Dîsen ǁkhā da ge a: ‘Levitikus 19:11-13 ǃoagu, xū-e hâ-e ti ûib ǃnâ ǃgâiǃgâi ta nî-e? ǀKharaǀkharana ta nî dī, mariǁhōgu. Tsî ti sîsenni tawa i ga hā o?’ w21.12 9-10 ¶6-8

ǀGuri hâse du ra dī ǀgores ǃnâ. Tsēs ǃnâ du ra dīsā xūn ai ǀûbaba ǂgan re. Tsî amabes ǃnâ ǁgai ǁoreba du ga dī o. O du ge ǀhaohâb ǃûi-aogu di huib tsîna ǂhâ hâ. ǁÎgu ge sado nî ǃgâ tsî ǃgâi ǀgaub ǃnâ, Elobmîsa nî sîsenū sado huis ǃnâ. ǁÎgu ge sadu ǀkha nî ǀgore. Tsî nî ǂgan Jehovaba îb ǀûba du, î du ǀgū ǀhōsagusa ǁîb ǀkha ūhâ ǁkhā. Tsî ǁnāsa “ǂuru du nîga” nî dība du. (Jak. 5:14-16) Xoremarib xa ǂâiǃgâs ge kaise nî ǃgâi. Sadu tsîn ge ǀnîsi Elob di ôab ge ǃkharuǃnâ ǃgomsin xa du ga ǂâi o. O tsūse a tsâ ǁkhā. Xawe du ga Jesub ge mā ǁguibas xa ga ra ǂâi o. O du ge sadu ǀnammi hîna du Jehovaba ūba hâ. Tsî Jesuba du ūba hâb tsîna kaise ra ǀgai. Tsî mâ kurib hoaba da ge xoremariba ǃgôaǃgâsiba ra ǁgau. Jesub ǁōb di ǂâiǂâisensa da ra hâ ǃnâ o. Tsî da ga ôasase nau khoena ga ra ǁkhau o. Jehovab xa da ge kai aiǂhanuba māhe hâ i da ǁîb di ǀgôab xa nau khoena ǁkhāǁkhā. w21.04 18-19 ¶13-16

ǂÂis ǀguisa hî re tae-eb ge Jesuba dīsa. ǂGui khoen ge ǃhommi ǀgūseb hâ hîna a sī o. Jesub ge hoa ǃuisa ge ǀgore hâ i. Īǁkhā i ge a ǁîb ge kaise tsau hâ isa. Xaweb ge ǁnā ǂgui khoena mû o. ǀGâsa tsî ǀaesen hâna ob ge ge tsâba nî. ǁÎb ge khoena ǂuruǂurus ǀguisa ge dī tama hâ i. Xaweb ge ǂkhâǃnâ ra ǃhoasa ǃhommi aoǁnâs tawa ge mā. (Luk. 6:12-20) Jesub tsîn ge ǁaeba nauna gere ǁamaǂuiba. Mûnanai ǁkhā i du a matib ge Jesuba gere tsâsa. ǁÎb di ǀhōb Johaneb ǁāǁnâ-aob ge ǃkhamhe o? Elobmîs ge ra mî: ‘Tsî Jesub ge ǁnâu o, [Johaneb ǁōb xa] ob ge ǁnāpaxu ǂgaus ǃnâ ǃgaroǃhūb ǃoa ǀguri hâ ǃkhais ǃoa ge ǂgō.’ (Mat. 14:10-13) Xawe ǂgui khoen ge ǀgurib nî hâbab ge garu i ǃkhais tawa ǂgurose ge sī. (Mrk. 6:31-33) Jesub ge ge mûǂan huib tsî ǂkhâǃnâs tsînan. Eloba xu ǂkhâ hâsa tsî ǃhaese ge hui nî.—Luk. 9:10, 11. w22.02 21 ¶4, 6

Tae-e da nî dī mûǂan da ga o. Nau ǃgâsa-e da tsûtsû hâ ǃkhaisa? Jehovaba ǃoa da ge ǀgaisase nî ǀgore. ǂGan bi ǁkhā da ge a îb huida î da ǂkhîba sida ǃgâsa-i ǀkha kuru. ǁAaeba ū tsî da ge nî ôaǃnâsen. Nēti i dîdi tsîna da ge aitsama a dîsen ǁkhā: ‘Mîhō ǁkhā i ta a ǂhanu tama ta go hâ isa. Tsî ǃgamǃgamsenxase ǀûbaba ǂgan tsî ǂkhîba a kuru ǁkhāsa? Mati kha Jehovab tsî Jesub tsîkha nî tsâ. Tita ga ǁaeba ū tsî ǂkhîba ti ǃgâsab. Tamas ka io ǃgâsas ǀkha kuru o?’ Sida di ǃereamdi ge nî ǂkhâǃnâ da î da Jesuba ǃgâ. Tsî ǃgamǃgamsenxase sida ǃgâsa-i tawa sī tsî ǂkhîba kuru. Sida ǃgâsa-e ǃoa da ga ī o. Î da ǁnâusagu-e sī ǃhoaǃgao. O da ge ǁnāsa ǃgamǃgamsenxa gagab ǀkha nî dī. (Efe. 4:2, 3) Tsûtsûhe hâ khoe-e da ge, ǁî-i ǂgaoba xu ǁnā tsûba ǃnora kais ǂâis ǀkha nî ǀgū. ǂÂihō re ǂkhîba sadu ǃgâsa-i ǀkha kurus ge kaise a ǂhâǂhâsa. Ham-i a ǂhanu tamas ka io, ǂhanu tamas ǂamai.—1Kor. 6:7. w21.12 26 ¶13-16

Jesub di ǂgaob ge kaise tsûba gere hōǃâ. ǁNā ǃās di khoegu ge ǀnai ge ǁgau. ǃGâi ǀgaub ǃnâ gu Gaosib di ǃgâiǂhôasa ūǃoa tide ǃkhaisa. Tsî ǁnās ǃaroma i ge Jerusalemsa nî dīkākāhe. Tsî Jodeǁî-i hoa-i hîna nē ǃās di. Dīkākāsa ra ûiǃkharu i ge nî ǃgā kai. (Luk. 21:20-24) Tsî tsûtsûsase, Jesub ge ǀnai mî hâ i khami. În ge khoena ge ūǃoabi tama hâ i. Matin ǂgui khoena sadu ra hâba. Gaosib di ǃgâiǂhôas ǃoagu ra tanisen? ǀOron ga ǁkhāǁkhā du ra amaba ga ra ūǃoa o. O du tae-e Jesub di ǁgamroga xu a ǁkhāǁkhāsen ǁkhā? Jehovab ge khoena ra tsâba. Jesub di ǁgamrogu ge ra ǂâiǂâiǃnâ da. Matikōseb Jehovaba khoena ra tsâbasa. ‘Tsîb ge ǂgao tama hâ, khoe-i nî kāǁōsa. Xawen nî hoana ǃhobasen ǃkhaisab ge ra ǂhâba.’ (2Pet. 3:9) Nētsē da ge ra ǁgau. Aoǁnâba da ra khoena da a ǀnamsa. Hoaǁae da ga ǁîna hui o. În ǁkhāǁkhāsen ǃgâiǂhôas xa.—Mat. 22:39. w22.01 16 ¶10-12

Sadu ǂgoms ge nî ǀgaisa ǂâiǃgâ du ga o, tae-eb ge Jehovaba. ǀNai ǁîb khoena a dībasa. Tsî tae-i tsînab sado dība hâ ǃkhaisa. ǂHâǂhâsase, sadu Jehovaba ūba hâ ǀnammi ge nî kai. ǀNammi ǀguib ge a ǁgari da ǁkhā î da Jehovaba ǁnâuǀnam. Tsî ǁguibana dī ǁîba ǂkhî kais ǃaroma. Tsî ǁnās ǀkhas tsîna ǃâitsâgu hîna da ra hōǃâga mâǀgai ǁkhā. (Mat. 22:37-39; 1Kor. 13:4, 7; 1Jhn. 5:3) Tātsē i ge ǀnî hâ xū-e a ǂhâǂhâsa ǁoa. Jehovab ǀkha ǀgū ǀhōsagusisa ūhâs xa. (Psa. 63:1-7) ǂÂis ǃnâ ūhâ re, ǀgores, Elobmîsa ôaǃnâs. Tsî ǂâiǃgâs ge a sida di ǃoabas di ǃâ. Jesub khami ǃnōsa ǃkhai-e ôa re, î du Jehovaba ǃoa ǀgore. ǂHani du nî xūna xu ǂgōsen re. Jehovaba ǂgan re îb hui du gagasi xūn ǃnâ du ga ǃâ o. Sadu ǁaeba du nēsi ǃgâise ga ra sîsenū o. Ob ge Jehovaba sado. ǀAmosib kōse Elob di ǀasa ǃhūbaib ǃnâ nî ǀkhae.—Mrk. 4:24. w22.01 31 ¶18-20

Sida ǂâiǀgaugu ge sida dīga ra tsâǀkhā. ǁNās ǃaromab ge Jesuba ge ǁkhāǁkhā da. Î da ǀgaisa ǁoreba nî dī kai da ǂâide ǁkhan. (Mat. 5:21, 22, 28, 29) Sida ǀhomsi ǁGûba da ge amabes ǃnâ ra ǂkhîǂkhî ǂgao. ǁNās ǃaroma i ge kaise ǂhâǂhâsa. Î da ǃgâi tama ǂâiǀgaugu hîna ra ǀkhī ga ǁkhan. Jesub ge ge mî: “Amsa xu ra ǂoan ge ǂgaoba xu ra ǀkhīna.” (Mat. 15:18) Îo, sida ǃhoa ǀgaub ge ra ǁgau ǂganaga da mati isa. ǁNās ǃaroma dîsen re: ‘ǂHumiba ǃhoasa xu ta ra ǂgōsen. Amaba ǃhoas ǃgomsib ǃnâ nî ǂgā te xawes tsîna? ǃGamme hâ khoeta ase ta ra ǂanbasen. Î ta tā nau khoe-e tita ǀnam kai? ǁGoe-ūgus di ǃhoade xu ta ra ǂgōsen? Khoe-i ga ǁaixa kai te, o ta ǃnomsase ra ǃeream?’ ǁNā dîdi xa ǂâis ge kai huib ase nî ība du. Dītsâ tsî da ga ǂkhabab, ǂhumib tsî ǁgoe-ūgub xa hâ ǃhoade. Sida di ǁgamǀhaode xu ga ra ūǂui o. O i ge ǁnāsa nî hui da î da ǀoro ǂūba ǁhûǁnâ. w22.03 5 ¶12-14

ǁNān hîna ǁnamasa ra ǂganan ge. Gagasi gā-aisiba ra ūhâ, ǁnān hîna ǂgan taman xa. ǁNā-amaga ǁgūtsâ re î du ǁnamasa ǂganbasen. Mâǁae da ǀnîsi ǁnamasa, ǃgâsana xu a ǂgan ǁkhā? Kō re sao ra mâsiga. (1) ǃGâsas ge ǂansa ūhâ ǃgâsa-e ra ǁkhau. ǁÎs di Elobmîs di ǁkhāǁkhāsa ǃoa. Tsîs ge ega ra dî, matis a ǃgâi ǁkhāǁkhā-ao kai ǁkhā ǀgausa. (2) ǃGamme tama ǃgâsas ge sarana ra ǁama ǂgao. ǁNā-amagas ge kaiǀoa hâ ǃgâsas ai. Matis ǁîs go ǁhûi saran xa ra ǂâisa ra dî. (3) ǃGâsab ge ǁgaumâihe hâ îb ǁîb di ǂguro ǃhoasa sī mā. ǁNā-amagab ge ǃhoade ǃgâise ra mā ǃgâsaba ra mîba. Îb ǃamkuse ǁîb ǃhoasa ǃgâ. Tsî ǂkhâǃnâ ra ǁnamāde mābi. ǃGâsagu hîna ǂgui kurina ǃhoade māhâ gu. Tsîn ge ǁnāti ī ǁnamade ǂhâhâ. Î gu ǁîgu di ǃhoa ǀgauga ǃgâiǃgâi.—ǂKhm. 19:20. w22.02 13 ¶15-17

Jehovab ge ǀnama ra ǁgau da. ǁKhā ǀgaub hînab ge Jesuba gere ǁgaub ǃnâ. ǃHūbaib aib ge ûi hâ i ǁaeb hoaba. (Jhn. 5:20) Jehovab ge Jesub gagasi ǂhâsigu. Khoesi tsâsigu tsî sorosi ǂhâsigu ǃnâ ǁîba gere kōǃgâ. Jehovab ge ge ǃkhō-oa tama hâ i. ǁÎb ǀnamma Jesuba ǁgausa. Tsî ǁîb ôaba ge mîba ǀnambib asa. Tsîb ǁîb ǀkha ǂkhîsa. (Mat. 3:16, 17) Jesub ge ge ǂan i ǁîb ǀnamǀnamsa. ǀHomsi ǁGûb hoaǁae ǁîb ǀkha nî hâsa. ǁNā-amagab ge tātsē ge ǀguritsâsen tama hâ i. Jesub khami da ge hoa da Jehovab ǀnamma ǂgui ǀgaugu ǃnâ ge hōǃâ. ǂÂiǃgâ re: Jehovab ge ge ǂgae da î da ǁîb di ǀhōsa kai. Tsîb ge ǂgui ǀnamǀnamsa ǃgâsana ge mā da. Hîna ra ǂkhî kai da tsî ǂkhâǃnâ da na ǃgom ǁaegu ǃnâ. (Jhn. 6:44) Jehovab ge hoaǁae ǂhâ da hâ gagasi ǂûna ra mā da. Î da sida di ǂgomsa ǀgaisase ūhâ. Tsîb ge ra hui da sida tsēs hoas di ǂhâsigu ǃnâ. (Mat. 6:31, 32) Jehovab sida ūba hâ ǀnammi xa da ga ǂâi o. O i ge sida ǁîba ūba hâ ǀnamma ra kai. w21.09 22 ¶8-9

Sadu ûiba mati ge ī-i. Jehovab di ǃoaba-aon ǀkha du. Elobmîsa nî ǁkhāǁkhāsen tsoatsoas aiǃâ? ǂGui da ge nî ǃao ǁnās xa ǂâisa. Sida di mûǂuib tsî ǀgaub ge. Nē ǃhūbaib di xūn xa ge tsâǀkhāhe hâ i. ǃGâi tsî tsū xūn ǁaegub ǃnâ. Tsî ǁnās ǃaroma da ge “ǃâubasen-i xare-e ūhâ tamase tsî Elob ose ǃhūbaib ai” ge hâ i. (Efe. 2:12) Xawe, Elobmîsa da ge ǁkhāǁkhāsen tsoatsoa, o da ge ge mûǂan. ǀHomsi ǁGûb hîna a ǀnamda ba da ūhâ ǃkhaisa. Hōǃâ du ga o Jehovaba du ra ǂkhîǂkhî ǂgao. Tsî ǁîb di omaris di ǃâ kai ǂgaosa. O du ge kai ǀkharaǀkharana sadu ûiǀgaub, mûǂui ǀgaub. Tsî ǂâiǀgaub ǃnâ nî dī. Sadu ge ǁkhāǁkhāsen ǁkhā, i du ǁîb di ǀgapi ǀgaugu ǃoagu ûi. (Efe. 5:3-5) Sida di Kuru-ao tsî ǀHomsi ǁGûb aseb ge. Jehovaba ǁnā ǂhanuba ūhâ îb mîǁgui. ǁÎb ǃoaba-aon mâ ǀgaub ǃnâ nî tanisensa. Tsîb ge ǁnāsa ra ǂgaoǀkhā ǁāǁnâhe da nîs ais-ai. ǁKhāsib hoab ǀkha da ge nî dītsâ. ‘Î da ǀoro ǀgauba ǁîb di dīgu hoagu ǀkha ǁhûǁnâ.’ w22.03 2 ¶1-3

ǀNî gūn ge a ǂkhî, Jesub di ǁōb ǂâiǂâisensa hâǃnâsa. Tsîn ge ǁîn di ǃâubasens xa ra ǂâi. ǁÎn ge Jesub di ǁōb ǂâiǂâisens di ǃhoasa ǃoa ra mûǂui. Tsî ǃnāsa ǃâb ǁnā ǃhoas dib ge Xristub. Tsî 144 000 ǂgaeǂgui-aon nî ǂgomǂgomsa khoena. ǀOadisi (1000) kurigu di ǂgaeǂguis ǃnâ nî dība xūn xa ra ǃhoa. ǁÎn di Gaob Jesu Xristub di ǂgaeǂguis ǃnāka. ǁNā ǀhommi ǂgaeǂgui-aon ge nî hui. Îb ǃhūbaiba paradais ǃnâ ǀkharaǀkharahe. Tsî ǁnāpaxu nî hui în ǁnâuǀnamxa khoena ǀoasa kurusa ūhâ. Matikōse i a ǃgâi ǁnā miliuns ǃnâ hâ. Jesub di ǁōb di ǂâiǂâisensa ra hâǃnâna. În mûnanai hānîǁaeb di Elobmîs di kēbodi hîna nî dīǀoaǀoahede. Aiǁgause nē di khami, Jesajab 35:5, 6; 65:21-23 tsî ǂHaiǂhais 21:3, 4. ǁÎn tsî ǀnamsaben tsîna ǀasa ǃhūbaib ǃnâ mûnanais ǃnân ge. ǁÎn di ǃâubasensa hānîǁaeb ǃaroma ra ǀgaiǀgai. În tā Jehovaba ǃoaba ǀû.—Mat. 24:13; Gal. 6:9. w22.01 21 ¶5-7

Xoremariba a tae? Xoremarib ge Adammi ge ǂoaǃnâ ǁoreb, hînab ge Jesuba a ǁama-oaba. (1Kor. 15:22) Tae-i ǃaroma da xoremariba ǂhâhâ? Jehovab di ǂhanub hîna ǁîb di ǂhanugu ǃnâ hâb ge ra ǂgaoǀkhā is ǀomsa, ǀoms ǀkha mātare-e. (Eks. 21:23, 24) Adammi ge ǁîb di ǀoasa khoesisa ge ǂoaǃnâ. Jehovab di ǂhanu-aisiba dīǀoaǀoas ǃaromab ge Jesuba ǁîb di ǀoasa khoesi ûiba ge mā. (Rom. 5:17) Tsîb ge ǁnās ǀkha ra ‘ǀamo ǁgû’ kai ǁnān hîna. Xoremarib ǃnâ ǂgomsa ūhân ǃaroma. (Jes. 9:6; Rom. 3:23, 24) Jesub ge ǁîb ûiba māsenxase ge mā ǁkhā i. ǁÎb ǁGûbab ǀnam tsî sida tsîna a ǀnam amaga. (Jhn. 14:31; 15:13) ǀNammi xa ǁgarihe hâseb ge ǁîba ǀams kōse ǁîb di ǂhauǃnâxasiba ge ǃkhōǀgara. Tsî ǁîb di ǁGûb di ǂâisa ge dīǀoaǀoa. Jesub ge ǁnāsa ge dī ǂgomǂgomsase ǁōb kōse hâs ǃnâ. ǁNās ǃaroma i ge Jehovab ge khoen tsî ǃhūbaib ǃaroma ūhâ i. Mîmâisa a dīǀoaǀoahe ǁkhā. w21.04 14 ¶2-3