Julib

ǂNûiǂuihes ge Jehovab di ǁnamas di ǀgau. Nēs ge hoa khoen ǃaroma a ǃgâi. Tsî ǁnā i hîna ǁōre hâ i ǃaromas tsîna. ǀNîn hîna ǀhaohâb ǃnâ hân ge ǀnîsi a mî ǁkhā. Khoe-i go ǃgâi tama mîǁguiba a dīsa. ǁNā khoe-e ǂnûiǂuis ǃnâ. Xawe ǂâihō re ǁnāti-i khoen ge tātsē. Tsūdī hâ khoe-i di ǃgâi tama xūn xa ǃhoa tama hâ. Ama as ge sada hoa amaba ǂan tamasa. ǁNā-amaga i ge gā-ai î da ǀhaohâb ǃûi-aogu hîna ǂhanuǂhanu-aogu ase hâga ǂgomǃgâ. ǁÎgu ǁaeba ǁamaǂui hâ tsî xoadi ai. ǃGaoǃgaosa ǀgaugu ǃnâ “Jehovaba” ra ǀgoraǃgâba amaga. (2Kro. 19:6) ǀHaohâb ǃûi-aogu di mîǁguiba du ga ǂkhâǃnâ o. Î-i sadu ǀnamsabe-e ǂnûiǂuihe. O du ge ǁî-e ra hui i Jehovaba ǃoa ǁkhawa oaǀkhī. “Kaise i ge ge ǃgom i sim di kai ǀgôab ǀkha ǃhoa tamase hâsa.” Dis ge Elizabeths sa ra mî. “Jehovaba ǃoab ge oaǀkhī toas khaoǃgâb ge ge mî. ǃGâi mîǁguib ge isa ǁîba ǂnûiǂuihesa. Egab ge ge mî ǁîb ge ǂgui ǃgâi xūna a ǁkhāǁkhāsensa. w21.09 28-29 ¶11-12

ǁNā ǃoataras xa ǂâi re. ǂGom ǁkhā da ge a ǁîs ge ǀnîsi Jehovaba ǃnāsase gere māǂgaosa. Xawes ge Jehovaba ǁkhās a xū-i hoa-e ge mā. Tsî Jesub ge ge ǂan i ǁnās go mā mariros. ǁÎb di ǁGûb di mûdi ǃnâ kaise a ǀō-aisasa. Nēpa i ge ǂhâǂhâsa xū-e sada ǃaroma ra ǂoaxa: Jehovab ge ra ǂkhî ǁkhā da a e da ga ǁîba mā o. Tsî da ga sida ǂgao haob tsî ǀoms hoas ǀkha ǁnā xū-e dī o. (Mat. 22:37; Kol. 3:23) Jehovab ge ra ǂkhî dī ǁkhā da a xū-i hoa-e da ga ǁîba dība o. ǁNās ge sida ǁaeb tsî ǁkhāsib hîna da ǁîba ǃoabas ǃnâ ra sîsenūb tsîna ǃkhōǂgā hâ. Aiǁgause ǀhaodi tsî aoǁnâ sîsen-i hîna da ra dīn. Mati du ǃoatarasa xu du ra ǁkhā-ǁkhāsen xūna a sîsenū ǁkhā? Khoen xa ǂâi re hîna du a mîba ǁkhāna. ǁÎn ra dī xūnab Jehovaba kaise ra ǃgôaǃgâ di. Tsî ǁnā mîdi hîna du ra mîdi xa a omkhâihe ǁkhāna. ǀNîsi du ge kaira hâ ǃgâsas hîna ǂkhabusase ra tsâsa a ǂan. Tsî ra ǀkhabi māsensa ǁîs nēsisa ǂurusib xa ǃaromahe hâse. ǁKhāsi-e ūhâ tama hâ tsî aoǁnâ sîsen-i ǃnâ ǃgâise a dīǁoasa. w21.04 6 ¶17, 19-20

Jehovab ge a ǂan mâǁaeb nē ǁgai ǃhūbaiba nî dīkākāsa. Jehovab a ǃnūǃnâxa amagan ge ǂgui khoena ǁîba a ǂan. Tsîn ge miliuns ǃnâ hâ ǂgui khoena ǁîba ra ǃoaba. Hoa da ge kaise ra gangan. Jehovab gaxuse tani ǀnamxasiba ǁgau hâsa. ǃNaehe ran ǃaromas tsînas ge ǁnāsa ǃgâi. În Jehovab xa ǁkhāǁkhāsen tsî ǁîba ǀnam. Tsî ǁîn ûiba māǁnâ tsî ǁāǁnâ kaisen. Miliuns ǃnâ hâ ǃgâsan ga ǀams kōse tani ǀnamxa o. Ob ge Jehovaba ǁîna ǀoasase nî ǀkhae. Tsî i ge nî ǃgāsa Jehovab ge ǃgâi mîǁguiba dīsa. Îb tani ǀnamxasiba ǁgau. ǁGâuab tsûaǂgaoba ra ǃaroma. Xaweb ge Jehovaba noxoba “ǃgâiǃō hâ Elob” ase ra hâ. (1Tim. 1:11) Sida tsîn ge ǂkhîxase, ǃnūǃnâxase nî ǃâu ǀgara. Jehovab ǁîb ǀonsa ra ǃanuǃanu ǁaeb ai. Tsî ǁîb ǂgaeǂguis tsîna. Tsî hoa ǁgai xūn tsî ǃgomsin tsînab nî ǀamǀam ǁaeb ai. A da dītsâ tsî sida tsîna tani ǀnamxasiba ǁgau re. ǂAn da a amaga Jehovab tsîn a tani ǀnamxasa. w21.07 13 ¶18-19

ǂGuro ǁaeb di khoen ge Jesub ǃnâ ǂgom tama ge hâ i. ǁÎn ge ge ǂâi hâ i ǁîb a ǀgâsa ǃnaokuru-aob di ǀgôas ǀguisa isa. Tsîb ge ǁîba Nasaret sa xus tsîna gere ǀkhī. Hînan ge ǂgui khoena ǂhâǂhâsa tama ǃās ase gere mûsa. Natanaeli hîna ge Jesub di ǁkhāǁkhāsabe kaib ge ǂgurose nēti ge mî: “Mâ ǃgâi xū-e kha Nasaretsa xu a ǀkhī ǁkhā?” ǁÎb ge kēbos hîna Mixab 5:2 ǃnâ ra hōhesa ǂâis ǃnâ ge ūhâ i. Tsî ra mîsa Mesiab nî Betlehems ǃnâ ǃnaehēsa tsî Nasarets ǃnâs ose. Kēbo-aob Jesajab ge ge mî Jesub di khākhoen nî, ǁîn xa aitsama ǂâiǂhansensa. “ǃÛǂams ti ǁaes dis ǃaromas.” (Jes. 53:8) Khoen ga ǁaeba ǁamaǂui tsî ôaǃnâde dī hâ o. On ge amaba ga hō hâ Jesub ge Betlehems ǃnâ ǃnae. Tsî Gao-aob Davib di omarisa xu gere ǀkhīsa. (Luk. 2:4-7) Jesub ge ǃnae ǃkhais ge Mixab 5:2 ǃnâ i ra kēbohe khami a ama. Xawe tae-e ge ǃgomsi-i? Khoen ge ǃkhaese mîǁguiga gere dī. ǁÎn ge hoa amaba ge ūhâ tama hâ i. ǁNās ǃaroman ge Jesuba ge ūǃoa tama hâ i. w21.05 2-3 ¶4-6

Elobmîs ge ǃgâi aiǁgaudi tsîna ra mā ǁnān. Hîna ge ǀkhaehena ǁnamaden ge ūǃoa amaga. Jobi di aiǁgausa kō re. ǁÎb ge Eloba ǀnam-i tsî gere ǂkhîǂkhî bi ǂgao xawe. Îb ge ǀoasa kurusa ge ūhâ tama hâ i. Kai ǁgâib ǃnâb hâ hînab ge. ǃGâi tama ǂâiǀgauba ge ǂoaxa-ū. Tsîb ge ǁnās ǃaroma ǃoa hâ ǁnamasa ge hō. Elihub tsî Jehovab tsîna xu. Joba mati ǁnā ǁnamasa ge ūǃoa? ǁÎb ge ge mî: “O ta tita xūn ǁnâuǃā tama ta hâna ge ǃhoa. . . ǁNā-amaga ta ge ra ǀhapimāsen, tsî ta ge ǃhausen hâ tsarab tsî tsaob tsîkha ǃnâ.” (Job. 42:3-6, 12-17) ǁÎb ǃgamǃgamsenxasibab ge ge ǁgau. Ūǃoab ge o ǁnamas hînab ge Elihuba ǁîba māsa. Elihub ge ǂgui kurina ǁîb xa ǂkham i xawe. (Job. 32:6, 7) ǃGamǃgamsenxasib tsîn ge ǁkhā ǀgaub ai nî huida î da ǁnamasa ūǃoa. Nēsi da ga ǁnās ǂhâbasa tama, ti tsâ xawes tsîna. Tsî ǁnā ǁnamasa ra mā i ga sida xa ǂkham xawe. Hoada ge nēsi gagasi ǂûga ǃnāsase nî omkhâis ge. Tsî ǁnās ǀkha nî ǃgâi aoǁnâ-ao kai. Tsî ǁkhāǁkhā-ao kai ǃgâiǂhôas tida. w22.02 11 ¶8; 12 ¶12

Hoa khoen hîna ǀhaohâb ǃnâ hân ge ǃereamsa ūhâ. În ǀnamxaǃnâ tsî ǂkhî ǃkhaiba ǁnāpa kuru. Î tā khoe-e ǁnāpa ǀguritsâsen. Tsî dī da ran tsî mî da ran ge nau khoena a ǂkhâǃnâ ǁkhā. Mati du ǁnān hîna Jehovaba ǀguri ra ǃoabana a hui ǁkhā. În ǀhaohâb di ǃâse tsâsen? ǀAsa khoen ǀkha ǀhōsagusa kuru re. Tsoatsoas ai da ge ǀnamxaǃnâ ǀgaub ai. ǀAsase ǀkhī hâna a ǁkhoreǁhare ǁkhā. (Rom. 15:7) Xawe da ge ǃnāsa-e nî dī khoe-e ǁkhoreǁhares xa. ǃGâi ǀhōsagusa da ge ǁaeb ǀkha ra omkhâi ǂgao. ǁNā-amaga ǃgâi tsî ǀnamxaǃnâ ǀgaub ǃnâ ǁgau re. ǀAsase ǀkhī hâ khoena du ra tsâba ǃkhaisa. Khoe-e nî tao kai dîde dî tama i. Tsî da ge khoe-i di ǃgomsiba ra ǁnâuǃā ǂgao. ǀNîn ge ǀnîsi ǃgomsiba ūhâ ǁîn di tsâsiga ǁguiǃās xa. ǁNā-amaga tā khoena ǁgari re, în ǃhoa-u du. ǁNā-amaga ǁîna ǃgâi tsî ǃgôasiba ra ǁgau dîna dî re. Tsî ǁnāpaxu ǁîna ǃnūǃnâxase ǃgâ re. Aiǁgause du ge a dî nî ǁkhā, matin ge amaba a ǁkhāǁkhāsensa. w21.06 11 ¶13-14

Kaise da ge ra ǂkhî Jehovaba sida ǃgâsan ǀkha ǀguiba ǃoabasa. ‘ǀGui gūn ase, ǀgui ǃûi-aob ǃnaga’. Organized to Do Jehovah’s Will di hâ ǂkhanis di 165ǁî ǂhaweb ge nēti ra mî: “Sadu ǀguiǃnâxasib xa du ǃgâibahe amaga du ge. Sadu ǃâ-e nî ǀhuru nē ǀguiǃnâxasiba ūhâ ǀgaras ǃnâ.” ǁNās ǃaroma da ge nî “ǁkhāǁkhāsen î da. Sida ǃgâsana Jehovab ǁîna ra mû khami mû.” Hoa da ge Jehovab mûǁae a ǀo-aisa ‘ǂkhariron khami.’ Sadu tsîna ǃgâsan sadu di na ǁnāti ra mû? Jehovab ge ra mû mâ xū-i hoa-i hîna du ra dī-e. ǁÎna hui ǂgaos ǃaroma. (Mat. 10:42) Sida ǃgâsana da ge a ǀnam. Tsî da ge “ǀgui-i xare-i ǁî-i ǃgâsa-e ǃnôa-i tsî ǁgonǁgonǂgao-e mâiba tide ǃkhaisa.” (Rom. 14:13) Sida ǃgâsana da ge sida xa ǀgapise ra ǃgôa. Tsî da ge ǁîna ǂgaoba xu ra ǀûba. Tā da ge nî mā-am î da nau khoen xa ǃnôa kaihe. Xawe ‘ada ǁnâi ǂkhîb dina sauruǃgon, tsî omkhâigus ǃoa hân tsîna.’—Rom. 14:19. w21.06 24 ¶16-17

Sada ga ǃgâise ǁkhāǁkhāsen tsî ǀapemādi hîna da. Elobmîs tsî ǁîb di ǀapeǂhumisa xū ra hōde ga ra sîsenū o. O da ge ǁaeb ǀkha Xristub ūhâ ǀgauga a hō ǁkhā. Tsî da ge Elob tsîna ǃgâise a ǂan ǁkhā. Jesub ge aiǁgau-e ge sîsenū ib ǁguiǃā. Gaosib di ǃgâiǂhôas hîna da ra aoǁnâs. Mati ǂkhari ǃkhomros khami. ǁNān hîna ǃgâiba a ǀnamman di ǂgaogu ǃnâ. ǁAeb ǀkha ra kai ǀgausa. ǁÎb ge ge mî: ‘Tsîb ge ǃkhomma ǃī tsî ra kai. ǁÎb [ǂgā-aob] a ǀū mati-i ra kaisa. ǁÎ-aitsamab kom ǃhūba ǂûna ra ūǀkhīo, ǂgurose ǁhaona. ǁNās khaoǃgâ gaxu hairoba. Tsî ega ǀoa hâ ǃhoroba gaxu hairob danas ǃnâ.’ (Mrk. 4:27, 28) Jesub ge nēpa gere ǁguiǃā hais ǁaeb ǀkha ra kai khami î ge. Gaosib di ǃgâiǂhôas ǃnâ ra ǂgom khoe-e. ǁAeba nî ū în ǀkharaǀkharana dī. Aiǁgause Elobmîsa da ra ǁkhāǁkhā khoen. Jehovab ǀgūse ra sī khami da ge nî mû tsoatsoa. ǃGâi ǀkharaǀkharan hînan dī hâna. (Efe. 4:22-24) Xawe da ge ǂâis ǃnâ nî ūhâ. Jehovab ge ǁnā ǂkhari ǃkhomrosa ra kai kaiba. w21.08 8-9 ¶4-5

ǃGâiaǂgaoba da ga ǂhanu ǃkhaib ai ôa o, o da ge a hōbi ǁkhā. Khoe-i hîna ǁî-i di ‘mûdi a mû ǁkhā’ xūn ai. ǂÂisa ra ǂnûi i ge. Ū i hâ xū-i ǀkha ra ǂâu. Aiǁgause ǁî-i nēsi ūhâ mâsiba. Xawe “turaba ra ǃgûǃgû” khoe-i ge ra aiǃgû. ǁÎ-i ūhâ ǁoa xū-e ǂhâbas ǃnâ. Tae-e da nēpa xū ra ǁkhāǁkhāsen? ǃGâiaǂgaoba da ga ūhâ ǂgao. O da ge ūda hâ xūn ǀkha nî ǂâu. Tsî sīǃnâ ǁkhā da a xūn ai ǂâisa nî ǂnûi. Amabes ǃnâ īǁkhā-e, ǀnai da ūhâ xūn ǀkha ǂâusa? Tsî ama as ge ǁaeb ra ī khami. Da ge ǀasa xūna ra ǁkhāǁkhāsen ǂgao. Amabes ǃnâ da ge ǃgâiaǂgaoba a ūhâ ǁkhā. Nēsi da ūhâ xūn ǀkha. Mati da ǁnāsa a dī ǁkhā? Nēsa ǂanǂuisa, ǃaroma Jesub di ǂkhōs talent di xa hâsa. Mateub 25:14-30 ǃnâ hâsa ǃhoaǃgao re. ǁKhāǁkhāsen da ge nî mati da ǃgâiaǂgaoba nî ūhâsa. Tsî ǃnāsa ǃgâiaǂgaoba nēsi da hâǃnâ mâsib ǃnâ nî hōs tsîna. w21.08 21 ¶5-6

Jehovab ge “ǂkhūǂkhūhesa tsî ǃgamǃgamsensa gagasa” ūhâna ra tsâba. ǀHaohâb ǃûi-aogu ǀguigu ge ǂkhâǃnâ sîsen-e dī tide. Xawe da ge hoada ǁnāsa nî dī. Tsî ǃgâsana nî ǁgau tsâba nî da rasa. Jehovab ge ǂhâba hâ i ta ǁîna ǁgau. Matikōseb ǁîba ǁîna a ǀnamsa. (ǂKhm. 19:17) Sida tsîn ge sida ǃgâsan a hui ǁkhā. ǃGamǃgamsenxa tsî da ga sida di ǁkhāsigu xa koasen tama io. Sida ai ǀgui da ge ǂâisa ǂnûi ǂgao tama hâ. Tsî ǁnās ge suriba nau ǃgâsan ǃnâ a omkhai ǁkhā. Xawe da ge sida di ǁkhāsib tsî ǂans tsîna ra sîsenū. Î da nau ǃgâsana ǂkhâǃnâ. (1Pet. 4:10, 11) ǂGui xūna da ge a ǁkhāǁkhāsen ǁkhā. Mati da nau ǃgâsana nî hâ-ū ǀgauba. Jesub ge ǁîb di ǁkhāǁkhāsabega gere hâ-ū ǀgauba xu. ǁÎb ge ge ǂoaǂamsa khoe-i hîna ge ûi hâ iba. Xaweb ge ‘tsamtsiǃnâ tsî ǂgaob ǃnâ ge ǃgamǃgamsenxa’ i. (Mat. 11:28-30) ǁÎb ge supu ǀgaub ǃnâ gere ǁkhāǁkhā. Tsî ǁnâuǃāxa aiǁgaude gere sîsenū. Hîna ge ǃgamǃgamsenxa ǂgaoga ūhâ khoena gere tsâǀkhāga.—Luk. 10:21. w21.07 23 ¶11-12

ǁAeba ū tsî kaira ǃgâsan ǀkha ǃhoa re. Ama as ge ǁîn di mû ǀgaub ge ǀnîsi ǂkhapu hâ. ǁÎn ge nēsi ǀnîsi ǂause ra ǃgû. Tsî ǁîn di ǃhoa ǀgaub ge ǀnîsi tsaura hâ. Xawen ge ǂgaob ǃnâ a ǂkham. Tsîn ge ‘ǃgâi ǀonsa’ Jehovab ǀkha kuru hâ. (Aoǁn. 7:1) ǂÂihō re tae-i ǃaromab Jehovaba ǁîna ra ǃgôaǃgâsa. Aiǃgû re ǁîna ǃgôaǃgâsiba ǁgausa. Elisab ge dī khami. ǁÎb ge ge mîǁgui îb Eliab ǀkha. ǁÎkha di ǀuniga tsēs ai ǀguiba hâ. ǃNona ǃnādeb ge Elisaba ge mî: “Tita ge ǁnāxū tsi tide” di. (2Gao. 2:2, 4, 6) ǀŌ-aisa ǃgâiǃgâibasensa kaira ǃgâsan ǃnâ ǁgau re. Tsî ǃgôasib ǃnâ dîna dî re. (ǂKhm. 1:5; 20:5; 1Tim. 5:1, 2) Nēti i dîde dî re: “ǂKham du ge io, tae-e ge ǁgau du. Amaba du ge hō ǃkhaisa?” “Matin ge xūn hîna ge sadu ǀkha īna. Hui du î du Jehovab ǀgūse sī?” “Tae-e ge hui du î du Jehovab ǃoabas ǃnâ, ǂkhîba ūhâ ǀgara?” (1Tim. 6:6-8) ǁÎn di ǂansan ga ǀgoragu, o ǃamkuse ǃgâ re. w21.09 5 ¶14; 7 ¶15

Sadu a ǁkhā-i, hoa-e du ga dī tsî mîmās. Aoǁnâ tsî ǁkhāǁkhāsabedīsa ga ra ǁnâuǀnam o. O du ge Jehovaba du ūba hâ ǀnamma ra ǁgau. (1Jhn. 5:3) Nēs xa ǂâi re: Khoena du ge ra aoǁnâba Jehovaba du a ǀnam amaga. ǁNā mîmāsa ǁnâuǀnamsa supu i ge i? ǀNîsi i ge ge supu tama hâ i. ǂGuro ǃnāsa du ge aoǁnâ sîsen-i ǃnâ a ǂoa o. ǃHuri du ge hâ i? Îo, xawe du ge ge ǂan i. Jesub ǂhâba hâsa î du nē sîsen-e dī. Tsî du ge mîmāsa ge ǁnâuǀnam. Tsî du ǁaero-e aoǁnâ hâs khaoǃgâ. Î ge ǀnîsi ge supu tsoatsoa. Xawe mati du ra tsâ, Elobmîsa ǁkhāǁkhās xa? ǃHuri î du ra, ǁî-i xa du ga ra ǂâi o? Xawe ǀgore tsî Jehovaba ǂgan re. Î du hui-e tsî ǁkhoaǂgaosiba ūhâ. Tsî Elobmîs ǁkhāǁkhasa mā ǁkhā. Î du ǁnā turaba omkhâi tsî ǁkhāǁkhāsabedī. w21.07 3 ¶7

ǃKharu ge ǁaeb di ǃgān ge ǂnaode ge ūhâ i. ǁGau gere de hami ǁîn di ǀhōnkhoe ǃkhaisa. ǁKhā ǀgaub ǃnân ge khoena nētsē nî ǂgao ǀkhāhe. În ǁgau ham-en da ǂkhâǃnâ ǃkhaisa. ǁÎn ge nî ǂhâba î-i mâ khoe-i hoa-e. ǁÎn ǂâiǀgaugu tsî dīn da xūn ǃnâ-ū ǁgau. ǂGīǂgōsi ǃnanden da ǂkhâǃnâsa. Nē saosa ūǃoa tsî da ǂgīǂgōsi ǂhanuga nî ǂkhâǃnâ? ǁNān hîna nē saosa ūǃoasa ra ǂkhān ge ǃgomsiga nî hōǃâ. ǂHaiǂhais ǂkhanis ge ra ǁguiǃā: ‘Khoe-i xare-i ǁama tsî ǁamaxū tidese. ǁNā-i saosa ūhâ i ǀgui-i.’ (J.ǂHa. 13:17) Xawe Elob khoen ge a ǂan. ǂHaiǂhais 14:9, 10 ǃnâ hâ ǂnaosa ūhâ khoen ǀkhab Eloba tae-e nî dīsa. Nē ǂnaosa ūǃoas xan ge nî xoa, ‘tita ge Jehovab di da.’ (Jes. 44:5) Nēsi da ge nî kōǃgâ sada ǂgomǂgomsasib. Jehovab ǃoa-ai a ǀgaisa ǃkhaisa. Jehovab ge ǂkhîb ǀkha nî mî ǁîb tida a dī. w21.09 18 ¶15-16

Sida aoǁnâ sîsen-e sīǃnâs ǃaroma da ge. Nau khoena xu huiba ūǃoa ǁkhā. Apostel Paulub ge Timoteub ǀkha aoǁnâ sîsen-i. Tsî ǁkhāǁkhā ǀgauba gere ǀgoragu. Tsîb ge Timoteuba ge ǂkhâǃnâ. Îb ǁnā ǀgauga sîsenū tsî nau khoena hui. (1Kor 4:17) Timoteub khami da ge ǀhaohâb ǃnâ hâ ǂansa ūhâ. Khoena xu a ǁkhāǁkhāsen ǁkhā. Aoǁnâ du ra ǁaeb hoab ai Jehovab ai huiba ǂgan re. ǁÎb di ǃanu gagab di huib ose. Î ge mā khoe-i hoa-e dī i ra sîsen-i ǃnâ ǃgâiba hō tide. (Psa. 127:1; Luk. 11:13) Jehovab ai du ga huiba ga ra ǂgan o. O mîba bi re amabes ǃnâ tae-e du ǂhâhâsa. Aiǁgause ǂgan re Jehovaba îb hui du. Î du ǃgâiǃgâibasensa nî ǁgau tsî nî ǃgâ khoe-e hō. ǁAeba ǁamaǂui tsî da ge aitsâma nî ǁkhāǁkhāsen. Elobmîs ge ra mî: “ǃÂitsâ ǁkhā du nîga, mâs a Elob di ǃgâi tsî ǃgâiǃgâibasensa tsî dīǀoaǀoasa ǂâi ǃkhaisa.” (Rom. 12:2) ǁKhāǁkhāsen da ga o, o da ge Eloba ǃnāsase ra ǂan. Tsî da ga nau khoen ǀkha ǁîb xa ga ra ǃhoa o. On ge nî mû sida ra ǃhoa xūna da amabes ǃnâ ra ǂgomsa. w21.05 18 ¶14-16

ǀNîsi du ge Elobmîsa khoe-e ra ǁkhāǁkhā. ǃGarise du ge ra sîsen ǃgâi ǁkhāǁkhā-aose īsa. Tsî du ge sadu Elobmîsa ra ǁkhāǁkhā khoe-e ra ǀgoreba. Xawe i ge ǁkhāǁkhāsen i ra xūna ûiǂui tama hâ. Tsî du ge nē Elobmîs ǁkhāǁkhāsa nî ǀam kai. Tamas ka io du ge ǀnîsi ǁāǁnâs kōse ge sī khoe-e. Tātsē Elobmîsa ge ǁkhāǁkhā tama hâ i. ǀHapitsâsen tsî du nî ǂâi. Jehovab sadu aoǁnâ sîsenna ǀkhae tama di? Kō re matib Jehovaba sida di sīǃnâde ra kō ǀgausa. Jehovab ge matikō ǃgarise da ra sîsensa ǃoa ra kō. Tsî ra mû ǀûsen tama da hâsa. Jehovab ge a ǂkhî ôasasib ǀkha da ga aoǁnâ o. ǁÎba da ǀnam ǃkhais ǃaroma. Khoen ga sada haisi-amsa ǃoa ǃgâ tama i xawe. Paulub ge ge xoa: “Elob ge ǂhanuoǃnâ tama xui-ao. Ob ge sadu sîsenni tsî ǀnammi di xūreba ǀuru tide. ǁÎb ǀons ǃnâ du ge ǁgauba. ǃAnuna du gere ǃoaba tsî ganupe ra ǃoabas ǀkha.” (Heb. 6:10) Jehovab ge sada sîsenni tsî ǀnammi tsîna ǀuru tama hâ. Elobmîsa da ra ǁkhāǁkhā khoe-i ga ǁāǁnâs kōse sī tama i xawe. ǁNā-amaga di ge Paulub ge mî, mîde nētsēs xoas dide a sîsenūhe ǁkhā. w21.10 25 ¶4-6

Jesub di ǃgâisib tsî ǀnammi ge ǁîb ǁkhāǁkhāsabe gu. ǀKhab gere hâ ǀgaub ǃnâ ge mûhe ǁkhā i. ǁÎb ge ge ǂan i ǁîgu ǃkharagagu ǁkhāsigu. Tsî mâsigu tsîna ūhâsa. ǁNā-amagagu ge hoa ga ǀgui ǃereamde ge tani ǁoa i. Tsî gu ge aoǁnâ sîsenni ǃnâs tsîna ǀguitikōse ge dī ǁoa i. Xaweb ge ǁîba gere ǂkhî, mâb hoab ge ǁîb a ǁkhā-e gere dī o. Jesub ge ge ǁgau matib ta tsâsa. Mādi xa hâ aiǁgausab ge sîsenū o. ǁNā aiǁgaus ǃnâb ge ǀhonkhoeba. Mâ ǃgāb hoaba ‘ǁîb a ǁkhā’ sîsen-e ge a mā. ǀGamkha di ǀguib hîna a gā-ai ǃgāb ge naugu xa ǃnāsase ge hō. Xaweb ge ǀhonkhoeba hoakha ǀgui mîs ǀkha ge gangan. “Aio, ǃgâi tsî” ǂgomǂgomsa “ǃgātse.” (Mat. 25:14-23) Jesub ge ǃgâi tsî ǀnamxa ǃnâ ǀgaub ǃnâ sida ra hâ-ū. ǁÎb ge a ǂan sida ǁkhāsigu tsî mâsigu a ǃkharagagusa. Tsîb ge ǁîba ra ǂkhî ǁkhā da a-e da ga dī o. Jesuba ǁgae tsî da ge ǁîb ge. ǁÎb ǁkhāǁkhāsabegu ǀkha gere hâ, ǀgaub ǃnâ ǃgâsan ǀkha nî hâ. w21.07 23 ¶12-14

Gao-aob Davib ge hoaǁae. ǀKhomxaǂgaosiba ge ǁgau tama hâ i. Aiǁgause, Nabali ge ǁgaiǂûba ge ūhâ i. ǁÎb ge ǃgâi tama ǀgaub ǃnâ. Davib khoegu ǀkha gere ǃhoa. Tsî Davib tsî ǁîb khoegu tsîna. ǂÛ-e ge mā ǂgao tama hâ i. ǁNās ge Daviba kaise ge ǁaixa kai. Tsîb ge Nabali tsî ǁîb omaris hoasa gere ǃgam ǂgao. Xawe Nabali taras Abigails ge ge ǃgâi i. Tsî kaise ge ǃnūǃnâxa i. Tsî ǃhaese Daviba ǂû-e ge mā. Tsî ǁnās ge ge ǃaroma. Îb Daviba tā Nabali tsî ǁîb omarisa ǃgam. (1Sam. 25:9-22, 32-35) Davib ge ǁaixab ge hâ io, ge mî. Nabali tsî ǁîb khoegu, ǃgamhesa anu hâsa. Davib ge Natanni ge mîba bi gū ǃnari-aoba. ǁŌb ǀkha ge ǀgoraǃgâ hâ i. Xawe Davib ge ge ǃgâi khoe i. O tae-i ǃaromab ge gū ǃnari-aoba ǁōb ǀkha ǀgoraǃgâ. ǂÂi re, tae-i ge Davib ûib ǃnâ a īsa tsî matib gere tsâsa. ǁNā ǁaeb aib ge Daviba ǃanu ǃgâiǂâisa ge ūhâ tama hâ i. ǃGâsa-e da ga ǃgâi tama ǀgaub ǃnâ ǀgoraǃgâ o. Os ge ǁnāsa ra ǁgau Jehovab ǀkha da. ǃGâi tama ǀhōsagusisa ūhâsa. w21.10 12 ¶17-18; 13 ¶20

Nētsēs di xoas mîde xu da ge ra ǁkhāǁkhāsen. Jehovab hîna ǃanusib ǃnâ ǃgâi aiǁgause ība da a ǁgae ǁkhāsa. Sada ge dī da ra xūn hoan ǃnâ nî ǃanu. Xawe nēs ge īǁoa, xū-i ase a mûsen ǁkhā. ǀOasa kurusa da ūhâ tama amaga. Apostel Petrub ge ǁaen ai gere dīsā. Xawe ǁîb aiǁgaus ge ra ǁgau, “ǃanu” ǁkhā da asa. ǃAnu khoe-i xan ga khoena ǂâi o. On ge ǂgui khoena, khoe-i hîna. ǀNom tama tsî gaxu saraba ra ana. Tsî hoaǁae ǁaixa hâ khami ra mûsen i xa ra ǂâi. Xawe ǃanu khoen ge ǁnāti ī tama hâ. Jehovab, hîna a ǃanub ge ‘ǃgâiǃō tamas ka io ǂkhî Elob’ ti ra ǂgaihe. (1Tim. 1:11) ǁNān hîna ǁîba ra ǃoaban ge ‘ǂkhî’ khoen di ra ǂgâihe. (Psa. 144:15) Jesub ge ǁnān hîna ǀō-aisa sarana ana. Tsî nau khoen xan nî koahe ga ge. ǃGâi xūna khoena gere dībana ge ǀgoraǃgâ. (Mat. 6:1; Mrk. 12:38) Ama Xristeǁîn ge a ǂan, ǃanusib tae-e ra ǂâibasensa. Elobmîs ta mî xūna xū. ǂAn da ge a Elob a ǀnam da ǃkhaisa. Tsîb tātsē dīǁoa da a xū-e dī kaida tidesa. w21.12 2 ¶1, 3

Elob ge kaise ǂgui ǃgâi ǀkhaega mā da hâ. Xawe ǁnān hoan ǃnâ ǂoaǂamsa i ge ǁîba ǃoabas di ǀkhaeba. Jehovaba da ge ra ǁgau ǁîba da a ǀnamsa. “ǁÎb di mîmāde da ga ǃkhōǀgaipeo.” (1Jhn. 5:3) ǁÎb di dadasabab gere ǃhoaba. Ob ge Jesuba sida mîmā tsî ge mî. Î da ǁkhāǁkhāsabe dī tsî ǁîna ǁāǁnâ. (Mat. 28:19) Tsîb ge mîmādas tsîna ge dī, î da ǀnamgu. (Jhn. 13:35) Jehovab ge ǁnān hîna ǁîba ra ǁnâuǀnamna ra ǁkhoreǁhare. ǃHūbaib ǂhabase hâ gagasi omaris ǃoaba-aon ǃnâ. (Psa. 15:1, 2) Nau khoena ǀnamma ǁgau re. ǀNammi ge kaise ǂhâǂhâsa, Jehovab di gagasi ǂû. (1Jhn. 4:8) Jehovab ge ǀnamma ge ǁgau da. ǁÎba da noxoba ǂans tsîna hî tama hâ hîna. (1Jhn. 4:9, 10) ǁÎba da ge ra ǁgae nau khoena da ga ǀnamma ǁgau o. (Efe. 5:1) ǀGui ǀgaub hîna da khoena da a ǀnamsa a ǁgau ǁkhāb ge. ǁÎna huisa în Jehovab xa ǁkhāǁkhāsen ǁaeb noxoba hâ hîna. (Mat. 9:36-38.) ǁÎna da ga hui on ge ra ǁkhāǁkhasen. Tae-en a dī ǁkhāsa în Jehovab di omaris ǁani kai. w21.08 5-6 ¶13-14

Jesub ǁîb di paba kaise ǀnam amagab ge. ǁGuibasa ǁîb tsî sida ǃaroma ge dī. (Jhn. 14:31) Jesub ge ǁîb di ǃhūbaisi ûib ǃnâ ge ǁgau. Hâb gere ǀgaub ǃnâ matikōseb khoena a ǀnamsa. ǁÎb ge hoaǁae ge ǀnamxaǃnâ i tsî ge ǀkhomxaǂgao i. Khoen gere ǁîba mâǃoa xawes tsîna. ǀGui ǀgaub hînab ge ǁnā ǀnamma gere ǁgaub ge. Elob Gaosib xa khoena ǁkhāǁkhās ǃnâ-ū. (Luk. 4:43, 44) Jesub ge ǁîb di māsenxa ǀnamma. Elob tsî khoen ǃoagu ge ǁgau. Taotaosa ǁōbab ge, ǁore-aon di ǃomman ǃnâ a ǁō-o. ǁNāsab ge dī, ob ge hoada ǃaroma. ǀAmo ûib di daoba ge ǁkhowa-am. Sida ûiba da ge Jehovaba ge māǁnā, ǁîba da a ǀnam amaga. ǁNā-amaga da ge Jesub khami. Sida tsîna Jehovaba ǀnamma nî ǁgau. Nau khoena da ra hâ-ū ǀgaub ǃnâ. Apostel Johaneb ge nēti ge xoa: “ǁÎ-i ǃgâsab, mû i raba i ga ǀnam tama io, mati i kha ǁnâi Elob, mû tama i hâba nî ǀnam.”—1Jhn. 4:20. w22.03 10 ¶8-9

Jehovab ǀkha ǁaeba ūhâs xa da ǃgâibahe. Xawe da ge ǃgomsiba ra hōǃâ. ǂGui xūna da ge ūhâ sida ûigu ǃnâ da ra dīna. Hîna gagasi xūna ǁaeba ǁamaǂuibasa a ǃgom kai ǁkhāna. Sîseni, omaris ǃereamdi tsî ǀnî. ǂHâǂhâsa xūn ge sida ǁaeba a ū ǁkhā. Tsîs ge ǁnāsa a ǂâi kai da ǁkhā. ǁAe-e da ǀgores, Elobmîsa ôaǃnâs tsî ǂâiǃgâs ǃaroma ūhâ tamasa. ǀNî hâ xū-i tsîn ge hâ sida ǁaeba a ū ǁkhā-e. ǂAnbasen tama da ka io. O i ge ǁgai tama xūna Jehovab ǀkha da ūhâ ǁaeba a ǃnari ǁkhā. Aiǁgause, i ge ǂhâbasa î da ǁkhoaxa ǁaeba ūhâ. ǁKhoaxa ǁaeba ūhâs ge a ǃgâi. Xawe ǂanbasen tama da ga io. O i ge Jehovaba da ga ǃoaba ūhâ ǁaeba a ǃnari ǁkhā. ǂÂihō da ge nî ǁkhoaxa ǁaeba ūhâs ge. ǁNātikōse ǂhâǂhâsa tama hâ.—ǂKhm. 25:27; 1Tim. 4:8. w22.01 26 ¶2-3

Jehovab ge Israelǁîna mîba o, în ǁîn ǀgūkhoena ǀnam. Ob ge ǁîn ǃhaos di khoen ǀguinan nî ǀnam di ge mî tama hâ i. Xaweb ge ge mîba nî. În ǃhaokhoen tsîna ǀnam. ǁNā mîdi ge kaise a ǃgāsa Levitikus 19:33, 34 ǃnâ. “ǃHaokhoe-i ge ǃhūb di-i, sadu tawa hâ-i ase nî ī.” Tsî i ge Israelǁî-e ǃhaokhoe-e nî “ǀnam” ǁî-i a ǀnamsen khami. Aiǁgause, i ge Israelǁî-e ǃhaokhoe-i tsî ǀgâsa-e gere mā-am. Î-i ǃhanaga xu hâ ǂûna ū. (Lev. 19:9, 10) ǃHaokhoena ǀnams tsîn ge nētsēs ai sida ǃaroma a ama. (Luk. 10:30-37) Mati io? Miliundi khoen ge ǂgui ǃhūga ǃoa doe hâ tsî ǁnāpa ra hâ. Kaise i ge a ǂhâǂhâsa ǁnā khoena ǃgôasib ǃnâ hâ-ūsa. w21.12 12 ¶16

Mā-am da ga o, îb Jehovaba nēsi daoǁgau da. O da ge ǂgomǃgâsiba nî ūhâ. ǁÎb hānîǁaeb ǃnâs tsîna nî hui da ǃkhaisa. ǂGomsa da ge nî ūhâ tsî māsenxasib tsîna. Î da Jehovab ai ǂgomǃgâ. Tsî sida ǀhonkhoen tawa ǁaeroba ǂganǁnāsen. Tsî ǂharis ǀhaode hâǃnâ ǁkhā. Tamas ka io ǀkharib kai ǀhaode hâǃnâ ǁkhā. Tamas ka io ǀkharaǀkharana sida sîsen ǀgaub ǃaroma ǂgan. Î da hoa ǀhaode hâǃnâ ǁkhā. Tsî ǁnās ǀkhas tsîna ǃnāsase aoǁnâ sîsen-i ǃnâ dī. ǀNîsib ga sida ǀhonkhoeba. Sida ǂgansa ūǃoa tama io. Tsî da ga sîsen-e ǂoaǃnâ o. O da ge ǁnā ǁaeb ai ǂgomsa nî ūhâ. Jehovab tātsē ǁnāxū da tidesa. Tsîb nî hoaǁae ǂhâda hâ xūn hoana nî māda ǃkhaisa. (Heb. 13:5) ǂGuin hîna Jehovaba ǀoasase ra ǃoaban ge ǂande a ǀgoragu ǁkhā. Matib ge Jehovaba, ǁîn ǀgaisase ǂhâbi hâ hîna a hui nî ǀgauba. Jehovab ge a ǂgomǂgomsa. Jehovaba da ga sida ǀkhāb ai ūhâ o. O i ge ǃaroma-e a ǀkhai. Hānîǁaeb ǃnâ nî ī xūna da nî ǃaosa. Jehovab ge hoaǁae nî hui da. ǁÎb di Gaosiba da ga ǂgurose, sida di ûib ǃnâ mâi o.  w22.01 7 ¶16-17

Matib sida ǂgomǃgâsib hîna da, ǀhaohâb ǃûi-aogu ǃnâ ūhâba a ǃâitsâhe ǁkhā? ǀNîsi i ge khoe-i hîna ǂnûiǂuihe hâ-e, sida ǀgū khoe. ǀNîsi da ge a ǂâi ǁkhā. ǀHaohâb ǃûi-aogu go hoa amaba ǂanǂui tama hâ isa. Tamas ka io da ge ǀnîsi a ǂâi ǁkhā. ǁÎga Jehovab ra ǂgao ǀgaub ai gu go ǀgoraǃgâ. Tae-e huida ǁkhā î da ǃgâi tanisen ǀgauba mîǁguigu ǃoa-ai ūhâ? ǂÂiho da ge nî khoe-e ǂnûiǂuis a, Jehovab di ǂnûiǂgā ǃkhaisa. Tsîb ge ǀhaohâb tsîna ǃgâiba a hō ǁkhā. Tsūdī-ao-i tsîna ǃkhōǂgā hâse. Tsūdī hâ khoe-i ga mā-amhe o. Î-i ǀhaohâb ǃnâ hâ ǀgara. O i ge ǀhaohâba a ǁgaiǁgai ǁkhā. (Gal. 5:9) Tsî ǁnās xa ǃaromahe hâse î ge ǁî-e. ǁOreb ǁî-i diba mûǃā tide. Tsî i ge ǁî-e ǂkhâǃnâsa ūhâ tide. ǁÎ-i di ǂâiǀgaub tsî dīgu tsîna dawasa. Î-i Jehovab di ǂkhâǃnâsa ūhâ. (Aoǁn. 8:11) ǂGomǃgâ ǁkhā da ge a, khoe-e ǂnûiǂuisa gu ga mîǁgui o. O gu ǀhaohâb ǃûi-aoga ǀgaisase ǁîgu ǃereamsa ra ūsa. w22.02 5-6 ¶13-14

ǃNūǃnâxasib tsî tsamtsiǃnâsib tsîn ge a ǂhâbasa. Khoe-i ga Elobmîs ai ǃgaoǃgaosa ǁnamasa ūǃoa ǂgao tama io. ǀHaohâb ǃûi-aob ge nî ǂanbasen. Îb tā ǁaixa ǁîb di ǁnamas ga ǁnā ǁaeb ai ūǃoahe tsî sîsenūhe tama io. ǀHaohâb ǃûi-aob ge ǀgoreb ga o Jehovaba nî ǂgan. Îb ǀkhae ǁnā i hîna ǁnamasa ǂhâhâ-e. Tsî ǁî-e hui î-i ǁnâuǃā tae-i ǃaroma i ǁnamasa ra māhesa tsî sîsenū. ǃGâsa-i hîna ǁnamasa ra hō i ge. ǁAeba ǂhâhâ î-i ǁnamas hîna i go hōs xa ǂâiǃgâ. ǀHaohâb ǃûi-aob ga ǃnūǃnâxa tsî tsamtsiǃnâ o. O î ge ǁnā khoe-i ǁnamasa ra māhe-e. ǁNamas ra māhe ǀgaub xa ǂhanihe tide. Xawe i ge mî-e ra xū-i ai ǂâisa nî ǂnûi. Xawes ge ǁnamasa hoaǁae Elobmîs ai nî ǃgaoǃgaosa. Sida ǁnamas nî ǃgâis ǀguisa i ǃkhaisa da ge ǂgao tama hâ. Xawe i ‘ǂgaoba nî ǃgâiaǂgao kaisa.’—ǂKhm. 27:9. w22.02 18 ¶17; 19 ¶19

ǀGaiba da ga ǀgoreba o, î da ǃgomsina mâǃkharu. Tamas ka io ǃnubusina dan. O da ge ǀnî ǁaegu ai ǀnîsi a tsâ ǁkhā. Jehovab gaxuse ra ūsa sida ǀgorede ǃereamsa. Tae-i ǃaromab Jehovaba, hoa ǀgorena ǁnā ǁaeb ai ǃeream tama hâ? ǂGaoba xu da ra dī ǀgoredi ge Jehovaba ra ǁgau. Amabes !nâ da ǁîb !nâ ra ǂgom !khaisa. (Heb. 11:6) Jehovaba !oa da gara ǀgore o. Îb huida ǁîba ǂkhî ǂkhîsa. Ob ge ra mû ǂgao māsenxase da. ǁKhā da a xū-i hoa-e nî dīsa, ǁîb di ǂâisa dīǀoaǀoasa. (1Jhn. 3:22) ǁNā-amaga da ge nî ǃnūǃnâxa. Sada di ǀgoredi ǀkha ǀguiba nî sîsen. Tsî ǁkhā da a-i hoa-e dī. Tsî ǀkharaǀkharana sada ûib ǃnâ nî dī. Jesub tsîn ge ge huida î da ǁnâuǃā. ǀNî ǀgoredi ǁkhā ǁaeb ai ǃeream-e tidesa. ǁÎb ge ge mî: “ǂGan, o du ge nîra māhe; ôa, o du ge nîra hō. ǃGubu-am, o du ge nîra ǁkhowa-ambahe. ǂGan ra-i hoa-i ge ra ǃkhōǃoa, ôa ra-i hoa-i ge ra hō. ǃGubu-am ra-i hoa-i ra ǁkhowa-ambahe xuige.”—Mat. 7:7, 8. w21.08 8 ¶1; 10 ¶9-10

Sadu Kuru-aob ǃnâ ǂgomsa omkhâis ǃgao. Î ge a ǂhâbasa Elobmîsa ǁkhāǁkhāsens ǀkha du nî aiǃgûsa. (Jos. 1:8). ǂÂis tsîna dī re, hoa Elobmîs kēbodi hîna ge dīǀoaǀoahe di xa. Tsî mati gu ǃkharagagu Elobmîs xoa-aoga a ǀguiǃnâxa ǀgauba. ǁNāti dīs ge sadu ǂgomsa a ǀgaiǀgai ǁkhā. ǀNamǀnamxa gā-ai Kuru-aob xa da kuruhe hâ ǃkhaisa. Tsîs ge Elobmîsa ǁîb di haisi-am, sida ǃaroma. (2Tim. 3:14; 2Pet. 1:21) Elobmîsa du ga ôaǃnâ o. ǃGaoǃgâ re matis ǁîs ǀapemāde nî hui du sa. Aiǁgause, Elobmîs ge gaxu ǁaeba ǃkharu tsî ge ǃkhâikhom. Mari-e ǀnams a tsū tsî-i ‘ǂgui tsûna’ nî ǃaromasa. (1Tim. 6:9, 10; ǂKhm. 28:20; Mat. 6:24) Elobmîs ǃkhâikhoms tā mari-e ǀnams ge, kaise ǃgâi ǀapemāsa. ǂÂi ǁkhā du a, ǀnî hâ Elobmîs ǀapemādi hîna ge hui du de? Hoaraga ǀapemādi hîna. Elobmîs ǃnâ hâ di xa da ga ǂâi o. O da ge nî mû sida ǀnamxa Kuru-aob a ǂansa. Tae-i sida ǃaroma a ǃgâisa. Tsî da ge hoaǁae ǁîb ai nî ǂgomǃgâ, ǀapemāna da ga ôa o. (Jak. 1:5) ǁNās xa ǃaromahe hâse da ge ǃnāsa ǃgâiaǂgaoba. Sada di ûib ǃnâ a hōǃâ ǁkhā.—Jes. 48:17, 18. w21.08 17-18 ¶12-13

Nēsi du ga kaira o, ǂgomǃgâsiba ūhâ re. Jehovab sadu ge ǃkharuge ǁaeb ǃnâ a dī. ǃGâi sîsenga nî ǂâihō ǃkhaisa. Tsî du ge ǁkhoaǂgaoxase aoǁnâ sîsen-e ra ǂkhâǃnâ. ǃGomsina du ge mâǃkharu hâ. ǁNān hîna ge ǀgaisase tsûtsûdun tsîna. Sadu ge Elobmîs di amaba ǁnâuǀnam tsî ǁkhauba hâ. Tsî du ge ǂgomǂgomsase Jehovab ǀapeǂhumis ǃnâ, ǂhâǂhâsa ǁgaumâide dīhâ. Tsî du ge nau khoena ǁkhāǁkhā hâ. Tsî du ge ǁkhā du a-e dī hâ î du. Jehovab ǀapeǂhumis ra dī ǀkharaǀkharan ǃoagu xūna dī. Sadu ge nauna mâxōǀkhā tsî ǂkhâǃnâ hâ. ǁÎn ra ǀoasase aoǁnâ sîsen-i ǃnâ dī hîna. Jehova Elob ge kaise a ǀnam du ǂhauǃnâ du a ǃkhais ǃaroma. ǁÎb ge ra mîmâi ‘ǂhanu-ainab ǁnāxū tidesa.’ (Psa. 37:28) ǁÎb ge ra mîmâiba du “ǀhaidanasib kō i ga, xawe ta ge nîra tani du.” (Jes. 46:4) Tā ǂâi re kaira du go ǃkhais ǃaroma du ǀō-aisa ǃkhaisa. Jehovab di ǀapeǂhumis ǃnâ ūhâ tama di. Kaise du ge a ǀō-aisa. w21.09 3 ¶4

Jehovab ge ǀkhomma ra ǁgau gā-aib a amaga. Xawes ge Elobmîsa ra mî: “ǀGapiseba xu hâ gā-aisib ge . . . ǀkhomxaǂgaosib tsî ǃgâi ǂûn xa ǀoa hâ.” (Jak. 3:17) ǀNamxaǃnâ ǁgû-i khamib ge Jehovaba a ǂan. ǁÎb ǀkhomma ǁîb ǃoaba-aona ǁgausa. (Jes. 49:15) Jehovab ǁîb ǃoaba-aona ǀkhomma ra ǁgau. Amagan ge hānîǁaeb ǃaroma ǃâubasensa ūhâ. ǀOasa kurusan ga ūhâ tama i xawe. Jehovab ge kaise a gā-ai. Tsî ǀkhommab ga ǁgau ǁkhā o, ǁnāsa ra dī. Xaweb ge Jehovaba a ǂan, mâǁaeb ǀkhomma ǁgau tidesa. Gā-aib a amagab ge ǃgâsa-i. Hîna ǁoreb ǀkha ra aiǃgû-e ǀkhomma ǁgau tama hâ. Nēs xa ǂâi re. Jehovab ǃoaba-ao-i ga ǃgâi tama ûi ǀgaub ǀkha a aiǃgû o. Tae-e nî dīhe? Jehovab ge Pauluba ge mîba, îb ǀhaohâba ǃoa sao ra-e xoa. “ǁNāti ī-i ǀkha” da ge hâǀhao tide. Dib ge ge a xoa. (1Kor. 5:11) ǃHausen tama ǃgâsa-i ge ǀhaohâba xu nî ǂnûiǂuihe. Nēs ge a ǂhâǂhâsa în sida. ǂGomǂgomsa ǃgâsana ǁkhaubahe. Tsî Jehovab di ǃanu ǀgauga aiǃgû. w21.10 9-10 ¶7-8

Jehovaba da ge ra ǃoaba Gaosib sîsenga da ga marisise ǂkhâǃnâ o. Israelǁaes ge ge mā-amhe tama hâ i, Jehovab aiǃâ xū-i ose sīsa. (Deu. 16:16) ǁÎn a ǁkhā ǀkhaegan ge ge sī-ū ǁkhā i. Nē ǀgaub ǃnân ge ge ǁgau. Jehovab ge dība nî xūn hoanan gere ǃgôaǃgâsa. Mati da sida ǀnamma Jehovaba ǁgau ǁkhā. Tsî hoa gagasi xūn hînab ge dīna da ra ǃgôaǃgâ ǃkhaisa a ǁgau ǁkhā? ǀGui ǀgaub nēsa da a dī ǁkhāb ge sada ǀhû-omgu. Tsî ǃhūbaib ǂhabase ra dīhe sîsen-e marisise ǂkhâǃnâsa. Apostel Paulub ge ge mî: “Māsenxasib ga aibe hâo, o i ge khoe-e a ǃkhōǃoasa, ū i hâs ǃoa tsî ūhâ tama i hâs ǃoas ose.” (2Kor. 8:4, 12) Jehovab ge ǂgaoba xu da ra mā, māsenxa māde ra ǃgôaǃgâ. Tae-i ǀgui-e da ga mā xawes tsîna.—Mrk. 12:42-44. w22.03 24 ¶13

ǀHaohâb ǃûi-aogu ge hoa ǃgomsin hînan, Jehovab khoena ra hōǃâna a ūbē ǁoa. ǁNāti i ga ī xaweb ge Jehovaba ǂhâba hâ. Î gu ǀhaohâb ǃûi-aoga ǁkhā gu a-i hoa-e dī. Tsî ǁîb khoena ǂkhâǃnâ tsî sâu. Mati i ǀhaohâb ǃûi-aogu hîna. ǀNai ǂgui sîsen-e ūhâ ga ǁaeba nî kuru. Î gu ǃgâsana ǂhân hâ huiba mā? Paulub aiǁgausa sao re, Paulub ge hoaǁae ǃēde gere ôa, îb ǃgâsana koa tsî ǂkhâǃnâ. ǀHaohâb ǃûi-aogu tsîn ge Paulub di ǀnamxaǃnâ aiǁgausa ra ǁgae. Tsî Jehovab di khoena ǀnamxaǃnâ ǀgaub ǃnâ nî kōǃgâ. (1Tes. 2:7) Paulub ge ǃgâsana gere mîba ǀnam nîb a ǃkhaisa. Tsîb Jehovab tsîn ǁîna a ǀnamsa. (2Kor. 2:4; Efe. 2:4, 5) Paulub ge ǀhaohâb ǃnâ ge hâ i ǃgâsana, ǁîb ǀhōn ase gere hâ-ū. Tsî ǁîn ǀkhas tsîna gere hâǀhao. ǁÎb ge ǁînab ra ǂgomǃgâsa gere ǁgau. ǁÎn ǀkhab ge ǂkhauǃnâse ǁîb di ǃaon. Tsî ǂkhabusasigu xa gere ǃhoa o. (2Kor. 7:5; 1Tim. 1:15) Paulub ge ǁîb ǃgomsin ai ǁîb ǂâisa ge ǂnûi tama hâ i. Xaweb ge ǁîb ǃgâsana gere hui ǂgao. w22.03 28 ¶9-10