Oktoberi

Nē da ra ǁkhāǁkhā tsî ǂgom xūn ge Elobmîsa xu ra hā. ǂGuin ge sida ra aoǁnâ ǃgâiǂhôasa ūǃoa ǂgao tama hâ. Sida ǀgapise ra ǂgan mari-e ūhâ, ǀhaode dī tama hâ amaga. Sida ra ǁkhāǁkhā xūn ge ǁîn ra ǁnâu ǂgao i. ǀKha ǃgû ǀhao tama hâ. Tae-e nî ǁkhae da î da tā sida ǂgomsa ǂoaǃnâ? Apostel Paulub ge Romes ǃnâ gere hâ Xristeǁîna nēti ge mîba: “Os ge ǂgomsa ǁnâusa xu hâ, tsî ǁnâus ge Xristub mîsa xu hâ.” (Rom. 10:17) Sida ǂgomsa da ge ra ǀgaiǀgai Elobmîsa da ga ra ôaǃnâ o. Tsî da ge ǁîb mîs ǀkha ǃgûǀhao tama xūna dī ǂgao tama hâ. Nēsisa i ga ǁnā xū-e îsase mûsen xawes tsîna. ǀGaisa ǂgomsa da ge nî omkhâi amab tawa ǃgaoǃgaoba ūhâsa. “Xawe ǂgoms ose Eloba ǃgâiǃgâibas ge a ī ǁoa.” (Heb. 11:1, 6) Nēs ǀkha da ge buruxa ǁgauǁgau-e ǂhâ tama hâ, ǀhomma xu da nî mû-e. ǁGau ra sa amaba da go hōsa. Elobmîsa ôaǃnâs ge nî hui da. Î da tā amaba da ūhâ ǃkhais ǃnâ ǂgom ǀoro. w21.05 4-5 ¶11-12

Apostel Paulub ge ǂgui ǃgomsina ge ūhâ i. ǁÎb ge Jehovab di huiba ge ǂhâhâ i. ǁÎb khākhoen xab gere ǂnâuhe o. Tsî trokhes ǃnâ ǂgāhe tsî gere ǃgamhe ǂgao o. (2Kor. 11:23-25) Paulub ge ge tao tama hâ i. Mîsa ǀnî ǁaegu aib gere ǂkhabuǂâisa. (Rom. 7:18, 19, 24) ǁÎb ge ǀaeb di ǃgomsib tsîna ge ūhâ i. Hîna ge ‘ǁkhū-i ǁgans ǃnâ ge mâ i-i’ khami iba. Tsîb ge kaise ge ǂhâba hâ i, îb Jehovaba ūbē. (2Kor. 12:7, 8) Jehovab ge Pauluba ǀgaiba ge mā, îb aoǁnâ sîsen-i ǀkha aiǃgû. Kō re tae-eb ge Pauluba a dīǀoaǀoasa. Aiǁgauseb ge oms di ǃkhō-oms ǃnâ hâ io Romes ǃnâ. Ob ge ǁkhoaǂgaose ǃgâiǂhôasa gere ǁkhauba. Jodeǁî ǂgaeǂgui-aogu tsî ǂhanub di danagu aiǃâ. (ǃNǃkh. 28:17; Fil. 4:21, 22) ǁÎb ge ǂguina gere aoǁnâba ǁnān hîna ge ǁîba gere sarin tsîna. (ǃNǃkh. 28:30, 31; Fil. 1:13) ǁKhā ǁaeb ǃnâb ge Jehovaba Pauluba ge sîsenū. Îb sîǂkhanidi hîna ge ǁnā ǁaeb di. Xristeǁîna hui tsî sida tsîna nētsē ra huina xoa. w21.05 21 ¶4-5

Gao-aob Usiab ge ǀgapiǂâixa i ǃkhais ǃaromab ge. ǁNamadi hînab ge nau khoena xu gere hōde ge ūǃoa tama hâ i. Tsî ǁnās ǀkha mā-amhe tamab hâ xū-e ge dī. Usiab ge kaise ǂgui ǃgâi xūna ge dī. ǁÎb ge kaise ǂgui toroga ge dan hâ i. Tsî ǂgui ǃkhaide ge om hâ i. Tsîb ge ǁîb tsîna ǂgui ǃāde ge ūhâ i. “Elob ge ǁîba ge ǃgâiǃgâ kai.” (2Kro. 26:3-7, 10) “Tsî ǀgaib ge ǃnubaib ge ǂgaob âba ge ǀgapi, kāǁōs kōse.” Dis ge Elobmîsa ra mî. Jehovab ge ǀnai ge mî hâ i. Pristergu ǀguigu mā-amhe hâsa. Î gu ǀanǀanǁguibasa tempeli tawa mā. Gao-aob Usiab ge mā-amhe tamab hâ hîna tempeli ǃnâ ǂgâ tsî. ǀAnǀanǁguibasa mā-amhe tamab hâ hîna ge dī. Jehovab ge ge ǁaixa tsî ǁnā ǀgapiǂâixa khoeba. Khōb di ǀaeb ǀkha ge ǁkhara. (2Kro. 26:16-21) Sida tsîna ǀgapiǂâixa tsî Gao-aob Usiab khami a ǁore ǁkhā?. Îo, ǁnās ge īǁkhā, sida xa ǀgui da ga ǂâi o. Ada ǂâihō re ǂans hîna da ūhâs. Tsî aiǂhanugu hîna da ǀhaohâb ǃnâ ra. ǃKhōǃoagu ge Jehovaba xu ra ǀkhī. (1Kor. 4:7) ǀGapiǂâixa da ga o. Ob ge Jehovaba sîsenū da tide. w21.06 16 ¶7-8

Jesub ge ge ǂan ǁîb ǁkhāǁkhāsabegu ǃgâi ǁaeba hoaǁae. Aoǁnâ sîsenni ǃnâ ūhâ tidesa. ǀŪ da ge a matikō khoen. Hîna ge Jesub ǁkhāǁkhāsaben xa. Aoǁnâbahen ge Xristeǁî kai ǃkhaisa. ǁKhāǁkhāsaben ge nî ǁnâuǃā ge is ge. ǁÎn di ǃgâiaǂgaob aoǁnâban da khoen ra ǃgâ ǃkhais xa. ǀGui ge ǃaromahe tama hâ isa. ǁÎn di ǃgâiaǂgaob ge, Jehovab ǁîn di ǃgari sîsenna ra ūǃoa ǃkhaisa xu nî hā. Sada aoǁnâ sîsenni ǃnâ da ga ǀûsen. Tama io, o da ge ǀamo ûiba nî hō. ǁKhā da a ǀgaun ǃnâ da ga ǃgâiǂhôasa aoǁnâ tsî ǁkhāǁkhā o. O da ge ‘gagab ai ra tsoro’ tsî Elob ǃanu gagaba ra mā-am îb sada ûib ǃnâ sîsen. ‘Tsau tama’ da hâs kōseb ge Jehovaba ra mîmâi. ǀAmo ûiba da nî hōsa. Nēsi da ga khoe-e ǁāǁnâs kōse hui sī tama i xawe.—Gal. 6:7-9. w21.10 26 ¶8-9

Jesub tsî ǁîb di ǁkhāǁkhāsabegu tsîn ge kaise ǀgui ǃnās ai ge tsau hâ i. Kaise gu ge aoǁnâ hâ i, ǃkhais ǃaroma. ǁÎgu ge ǃkhai-e ge ǂhâhâ i îgu sâ. Xawe i ge ǂgui khoena ǁîga ge ǀhao ū. Jesub ge nē khoena kaise ge ǀkhom. Tsî ǁîna ge ǁkhāǁkhā tsoatsoa “ǂgui xūna.” Jesub ge ge ǂan i. Matin ge ǁnā khoena gere tsâ ǀgauba. Jesub ge ge mû matikōsen ge ǃgoma gere tsâsa. Matikōsen ge ǃâubasen-e ǂhâhâ isa. Tsî ǁîna gere hui ǂgao. Khoen tsîn ge nētsē ǃgomsiga ra hōǃâ. Tsî ǃâubasen-e ǂhâhâ. ǁÎn di ûib ǀkhan a ǂkhîsan ga ra mû xawe. ǁÎn ge kā hâ gūn hîna ǃûi-aoba ūhâ taman khami i. Apostel Paulub tsîn ge ǁnāti i khoen xa ge mî. ǁÎn Eloba a ǀū tsî ǃâubasen-e ūhâ tama di. (Efe. 2:12) Sida ra aoǁnâ ǃkhain ai hâ khoen. Di gagasi mâsiga da ga ra kō o. O i ge ǀnammi tsî ǀkhomxaǂgaosib. Tsîna ra ǁgari da î da ǁîna hui. Tsî ǀgui ǃgâi ǀgaub hîna ǁîna a hui ǁkhāb ge, î da Elobmîs ǁkhāǁkhāsa ǁîna mā. w21.07 5 ¶8

ǀGapiǂâixa ǃgâsa-i ge ǃgamǃgamsen tama. Tsî ǁî-i xa ǀgui ra ǂâi. Surixa ǃgâsa-i ge nau ǃgâsa-i ūhâ xūn, ǀguina ǂhâba tama hâ. Xawe ǃgâsa-i ūhâ xūn hoana ra ū ǂgao. Surixa ǃgâsa-i ge ǁî-i ra suri ǃgâsa-e ǃhui hâ. ǀGapiǂâixasib tsî surib tsîn ge. Anikunis [vliekens] di ǀurixa olib ǀkha a ǀgopeǀnōhe ǁkhā. Vliekens ge a vlie ǁkhā. Xawe ǁnā ǀurib hîna hâb ge oli-i nî ǃkharu ǃnâ ǃkhaide, a ǂnûǂgan ǁkhā. Tsî nēs ge a ǃaroma ǁkhā, îs vliekensa ǁnā. ǁNā ǀgaub ǃnâ i ge ǃgâsa-e Jehovaba ǁaeroba a ǃoaba ǁkhā. Xawe i ga ǁî-e ǀgapiǂâixa tsî surixa o. O i ge amaba xu a ǁnāǂoa ǁkhā. (ǂKhm. 16:18) ǁÎ-i ge Jehovaba nî ǃoaba ǀû. Tsî aitsama a tsûtsûsen ǁkhā. Tsî ǀnî ǃgâsan tsîna a tsûtsû ǁkhā. ǀGapiǂâixasiba da ge a ǃkhamǃoa ǁkhā. Apostel Paulub ge mā ǀapemāsa da ga ǂâis ǃnâ ūhâ o: “Xū-i xare-e tā ǂnīǂnīsens tsî ǁîǃgôasensa xu dī, î du ǃgamǃgamsens ǃnâ nē-e nau-e ǁî-i ǃgâ-ai ǀgapise ǃgôa.”—Fil. 2:3. w21.07 15-16 ¶6-8

ǂGuin ge ra tsâ ama ǂgoms hoa dîde nî ǃereamsa. Elobmîs ai ǃgaoǃgaosa tama hâ dîn tsîna. ǁNā-e ama īǁkhā-e? Apostel Paulub aiǁgaus xa ǂâi re. ǁÎb ge Xristeǁîna ge ǂkhâǃnâ în “xūn hoana ǃâitsâ.” Xaweb ge ge ǂanǃgâ ǂgui xūn ǁîb ge. ǁNâuǃā tama hâ în ge hâ isa. (1Tes. 5:21) ‘Hoa xūna da ǂan’ tama tib ge ge xoa. Tsîb ge ǀaro tsî ge mî. “Mûsenxūs [spils] khami da nēsi ǀhoese ra mû.” (1Kor. 13:9, 12) Paulub ge hoa xūna ge ǁnâuǃā tama hâ i. Sada tsîn ge hoa xūna ǃnâuǃā tama hâ. Xaweb ge Pauluba Jehovab xa hâ. Hoaǃnâ-aixa amaba gere ǁnâuǃā. Amabab ūhâsa ǂgoms ǃaromab ge. Pauluba ǂâusa amaba ge ǂan i. ǀGui ǀgaub amaba da ūhâsa ǀgaiǀgais tib ge. Jesub gere ǁkhāǁkhā xūna, Jehovab ǃoaba-aon. Nētsē ra ǁkhāǁkhā xūn ǀkha ǀgopeǀnōsa. w21.10 18-19 ¶2-4

Kaira ǃgâsado, ǀoasase du ga ǃoabas. Tamas ka io ǃoaba tama i. Xawe du ge ǃnāsase a dī ǁkhā. Nau ǃgâsana huis ǃnâ. Mati du ǁnāsa nî dī? ǁKhāǁkhāsen re i du sadu. ǀAsa mâsib ǃnâ ǂkhîba ūhâ. ǀAsa mîǁguiga dī tsî ǂâisa ǂnûi re. Dī ǁkhā du a xūn ai. Tsî dīǁoa du a xūn ais ose. Gao-aob Davib ge Jehovaba omsa gere omba ǂgao. Xaweb ge Jehovab xa mîbahe o. Nē sîsen-i nî ǂkham Salomoba māhesa. Ob ge Daviba Jehovab di mîǁguiba ge ūǃoa. Tsî ǂgaob hoab ǀkha nē sîsen-e gere ǂkhâǃnâ. (1Kro. 17:4; 22:5) Davib ge ge ǂâi tama hâ i. ǁÎb ǀguib ge ǃgâi isa nē tempela omsa. Salomob ge ‘ǂkham tsî ǂansa’ ūhâ tama hâ i ǃkhais ǃaroma. (1Kro. 29:1) Davib ge ge ǂan i tempela om toas. Jehovab ǀkhaeb xa nî ǃaroma-e ǃkhaisa. Tsî ǂgaeǂguira khoe-i tsî ǂans ai. ǃGaoǃgaosa tama hâ isa. Davib khamin ge kaira ǃgâsana aiǃgû. Tsî ǃgarise Jehovaba ra ǃoaba. ǁÎn di ǁgaumâidi ra ǀkharaǀkharahe xawes tsîna. Tsî gu ge ǂan Jehovab nē ǂkham ǃgâsaga nî ǀkhaesa. ǁÎgu gere dī sîsen-e gu ra dī ǃkhais ǃaroma. w21.09 9 ¶4; 10 ¶5, 8

Gagasi mîǁguigu ge sida di ûiba ǂâibasensa ra mā. Nēba ra mâǂoa i ge, î da sida a sīǃnâ ǁkhā mîǁguiga dī. Tsî tā nau ǃgâsan ra dī mîǁguiga nî dī ǂgao. ǁNāsa da ga dī o, o da ge ǁgaise a tsâ ǁkhā. Tsî a ǂkhabuǂâi tsoatsoa ǁkhā. (Luk. 14:28) Jehovaba da ra ǃoaba amaga da ge, ǁîb omaris ǃnâ kaise a ǀō-aisa. Tsî i ge ǀnî hâ ǃgâsa-i sadu khami ī-e a ǀkhai. Jehovab ge sado, ǁîba ǃoa ge ǂgae tama hâ i. Sadu ge nau khoen xa ǃgâi i amaga. ǁÎb ge ge ǂgae du tsî ge mû, sadu a ǃgamǃgamsenxasa. Tsî māsenxase ǁîba xu ra ǁkhāǁkhāsen ǂgaosa. Î du ǁnā ǀgaub ǃnâ ǀkharaǀkharasen ǁkhā. ǂGomǃgâ ǁkhā du ge a ǁîb ra ǃgôaǃgâsa. Sadu ǁkhāsib hoab ǀkha du ǁîba ra ǃoaba o. Sadu tani ǀnamxasib tsî ǂgomǂgomsasib ge ra ǁgau. ‘ǃGâi tsî ǂhauǃnâ ǂgaoba’ du ūhâsa. (Luk. 8:15) Aiǃgû re, î du Jehovaba sadu a ǁkhā-i hoa-e dība. O du ge ǃgâi ǃaromasa nî ūhâ, ǃgâiaǂgaos disa. ǁÎ-i ǀgui-e du ga ‘koa-e ūhâba’ xawe.—Gal. 6:4. w21.07 24 ¶15; 25 ¶20

ǂHanu-aisib nî dīhe ǁaeba da ǃâuhâ. Hîna da ge nî ǃnuǃnâxa. Aiǁgause, ǀhaohâb ǃûi-aogu ga ǂanǂui o. Kai ǁoreb hîna ǀhaohâb ǃnâ dīhe hâba. O gu ge ‘ǀgapiseba xu hâ gā-aisiba’ ǀgores ǃnâ-ū ra ǂgan. Î gu nē mâsiba Jehovab di ǀgaub ai ǁnâuǃā. (Jak. 3:17) ǁÎgu di ǂâis ge ǁore go khoe-e huisa, ‘i ǃhōbasen.’ (Jak. 5:19, 20) Tsîgu ge ǁkhā gu a i hoa-e ra dītsâ, î gu ǀhaohâba ǁkhauba. Tsî ǁnān hîna tsûtsûhe hâna ǁkhaeǂgao. (2Kor. 1:3, 4) Tsî kai ǁore-i ga dīhe o. O gu ge ǂgurose ǀhaohâb ǃûi-aoga aibe, hoa amaba nî ǂanǂui. Tsî nēs ge ǁaeba a ū ǁkhā. Tsî gu ge ǁnāpaxu ǀgore. Tsî ǃgâi ǀgaub ǃnâ ǀapemāsa xoasa xu ra mā. ‘Tsî ta ge satsa ǀgau-i ai nî ǁkhara.’ (Jer. 30:11) ǀHaohâb ǃûi-aogu ge ǃhaese mîǁguiga dī tama hâ. ǀHaohâb ǃûi-aogu ga, Jehovab di daoǁgausa sao o. Ob ge hoa ǀhaohâba nî mû. ǃGâib hînab hoa ǀhaohâba ra hōba. w21.08 11 ¶12-13

ǃÂtsūǀkhāb ge Israeli ǃnâ hâ i. Os ge Naomis, ǁîs aob, tsî ǀgam ǀgôakha tsîna Moab ǃoa ge doe. ǁNāpan hâ hînab ge Naomis aoba ge ǁō. ǁÎs ǀgam ǀgôakha ge ge ǃgamme. Xawe kha ge ǁîkha tsîna ega ge ǁō. (Rut. 1:3-5) Nē ǃgomsin ge Naomisa kaise ge ǂkhabuǂâi kai. Tsî gere ǂâi Jehovab nē ǃgomsina ra ǃaroma di. Kō re ǁîs ge ǁîs tsâsigu xa tae-e mîsa: ‘Jehovab di ǃommi ge ti ǃoagu ǂoa amaga.’ “Hoaǀgaixab ge ama kai ǃoasiba ge hāǂam kai te xuige.” Tsîs ge noxoba ra mî: ‘ǃKhūb ra ti ǃoagu ǃkhō-am xawe, tsî Hoaǀgaixab tsūdī-ū te hâ xawe.’ (Rut. 1:13, 20, 21) Jehovab ge ra ǁnâuǃā, ‘ǁgâiǀāb ra gā-aiba ǃkhauǃkhausa.’ (Aoǁn. 7:7) Naomis ge huiba ge ǂhâhâ i. Mûsa Jehovab ǁîs ǀkhāb ai hâsa. Eloba tae huiba ge māsi? ǁÎb ge Ruts ǃnâ-ū Naomisa ǂgomǂgomsa ǀnamma ge ǁgau. Ruts ge Naomisa ǀnamma gere ǁgau ǂgao. Tsî ge huisi is tā ǁnātikōse ǂkhabuǂâi. Tsî ǂan Jehovab noxoba a ǀnamsi sa. w21.11 9 ¶9; 10 ¶10, 13

ǁKhā da a i hoa-e da ga. Nēsi Jehovab ǃoabas ǃnâ dī o. Î ra ǂâibasen Jehovaba da ge ǃnāsase dība tide di? Hî î. Mîǁguiga da ge nî dī hui da nî ga. Î da ǃgâi aoǁnâ-ao tsî ǁkhāǁkhā-ao kai. Tsî ǃnāsase sida ǃgâsana hui ǁkhā. Nē mîǁguiga da ge a sīǃnâ ǁkhā. Gā-ai tsî da ga ǃgamǃgamsens ǀkha. ǂÂisa nau khoena huis ai ga ra ǂnûi o. Sida ai ǀguis ose. (ǂKhm. 11:2; ǃNǃkh. 20:35) Mâ mîǁguiga du a dībasen ǁkhā? Jehovaba ǂgan re îb hui du. Î du ǂan mâ mîǁguiga dū a sīǃnâ ǁkhāsa. (ǂKhm. 16:3) Dītsâ tsî du ǀgui mîǁguiba a sīǃnâ ǁkhā. Aiǁgause, huiǃnâra aimâba-ao, ǁnaetisa aimâba-ao. Tsî Betels tamas ka io ǀapeǂhumis di om-sîsengu tawa? ǀNîsi du ge ǀkhara gowaba a ǁkhāǁkhāsen ǁkhā. Tamas ka io ǀnî hâ ǃkhaib ai sī khoena a aoǁnâba ǁkhā. w21.08 23 ¶14-15

Jehovab ge nē ǂgomǂgomsa ǀnamma. ǂHâǂhâsa xū-i ase ra mû. (Hos. 6:6) Kēbo-aob Mixab ǃnâ-ūb ge Eloba ra ǂkhâǃnâ da. Î da ‘ǂgomǂgomsa ǀnamma ǃkhōǀgaibe.’ (Mix. 6:8) Xawe nēsa da nî dīs aiǃâ da ge nî ǂan. ǂGomǂgomsa ǀnammi a tae ǃkhaisa. ǂGomǂgomsa ǀnamma a tae? [“ǂGomǂgomsa ǀnammi” NW] di hâ mîdi ge 230 ǃnāde. New World Translation of the Holy Scriptures ǃnâ ra ǂoaxa. Tae ǃnôa ǀnamma nēba? Khoe-i ga ǂgomǂgomsa ǀnamma ūhâ o. O i ge nē ǀnamma i ūba hâ khoe-e. Kaise a ǀnam tsî ǂgomǂgomsase nē khoe-i tawa ra hâ. Nēs ge ǁaen ai Elob khoena ūba hâ ǀnammi. Tamasa ka io khoen ūba gu hâ. ǀNammi ǃaroma ra sîsenūhe. Jehovab ge a ǃgâi aiǁgau nē ǀnamma ǁgaus ǃnâ. Davib ge ge tsâǀkhāhe tsî saorase ge mî: “ǃKhūtse, sa ǃgâixasib ge ǀhomgu kōse ra sī, Matikōseb a ǃgomǀgausa sa ǃgâixasiba, ti Elotse!” (Psa. 36:5, 7) Davib khami da sida tsîna ǀgaisa ǀnamma Eloba ra ǁgau? w21.11 2 ¶1-2; 3 ¶4

Jehovab ǃoaba-aon omaris ge. Jesub hîna a ‘kurusaben hoan di ǂGuroǃnaesabeb.’ Tsî ǂgui ǀhomǃgān tsîna ǃkhōǂgā hâ. (Kol. 1:15; Psa. 103:20) ǃHūbaib aib ge hâ iob ge Jesuba khoena ge ǁnâuǃā kai. Jehovaban ǁîn dadasab di nî ǂgaisa. ǁÎb ǁkhāǁkhāsabegu ǀkhab ge re ǃhoa. Ob ge Jesuba Jehovaba ǃoa. “Ti Îb tsî sago Îb” ase ge ǁnaeǁgau. (Jhn. 20:17) Māǁnâsen tsî da ga ǁāǁnâ kaisen. O da ge ra Jehovab ǀnamǀnamsa ǃgâsan omaris ǃâ kai. (Mrk. 10:29, 30) Jehovab ge ǀnamǀnamsa ǁGû. Jesub ge ǂhâba hâ i da Jehovaba. ǁÎb da mûbi ǀgaub ǃnâ mû. ǃGâi tsî ǀnamǀnamsa ǁgû-i hîna da. Mâǁae i hoa-i ai a ǃhoa ū ǁkhā i khami. Tsî ǃgâi tama khoe-i hîna dī da nî. Xū-i ǀgui-e ra mîba da i khamis ose. ǁÎb ge ǀgoresa nē mîdi ǀkha ge tsoatsoa “sida Îtse”. Jesub ge ge mîba da i da Jehovaba. “Hoaǀgaixab,” “Kuru-aob” tamas ka io “ǀamosib di Gao-aob” di ǂgai. Hoa ǂgaiǀon di ge Jes. 40:28 xoade xu hâ tsî a ǃgâi. (Gen. 49:25; Jes. 40:28; 1Tim. 1:17) Xaweb ge Jesuba ge mîba da. Î da Jehovaba “sida Îtse” di ǂgai. w21.09 20 ¶1, 3

Gao-aob Axab khamib ge Manaseba Jehovab ge ǁîb kēbo-aogu ǃnâ-ū. Sîbabi ǃkhâikhomde ge ǃgâ tama hâ i. “ǁNā-amagab ge ǃKhūba ǁnā toroǂamsagu. Asiriab di gao-aob ūhâga. ǁÎn ǂama ge hā kai, ǁîgu Manaseba ǁkhūdi ǃgao ge ǃkhōga. Tsî gu ge ǁîba ǀgam ǂaiǁkhamkha ǀkha ǃgae tsî Babilons ǃoa ge ūǃgû.” Babilons ǃnâb ǃkhōsis ǃnâ hâ hînab ge Manaseba dīb ge xūn xa ǃgâise ge ǂâiǃgâ. ǁÎb ge ‘ǁîb îgu di Elob di ais aiǃâ ge ǃgamǃgamsen.’ ǁÎb ge ǃnāsa-e ge dī. ‘Jehova Elobab ge ge ǀkhomabasen îb ǁnâu-e.’ Manaseb ge ‘ǀgores ǀkha ge aiǃgû.’ (2Kro. 33:10-12) ǁAeb aib ge Jehovaba Manaseb di ǀgorede ge ǁnâu-am. Nē khoeb ge ǁîb ǂgaob ǃnâ dī ǀkharaǀkharanab ge. ǁÎb di ǀgoredi ǃnâ ge mû ǁkhā i. Jehovab ge Manaseba ge ǃgâ ǀûbaheb nîgab gere ǀgore o. Tsî ǁkhapa ge gao kaibi. Manaseb ge nē aiǂhanuba ū. Tsî amabes ǃnâb ǃhausen hâ ǃkhaisa ge ǁgau. w21.10 4 ¶10-11

Prisilas tsî Akwilab ge ǁîra ge ǂan i ǃkhaiba nî ǁnāxu. ǀAsa om-e ôabasen, tsî ǁîra tend kurusa ǁkhapa nî tsoatsoa ge īs ge. ǁÎra ǀasa oms Konrites tawa ra ge Akwilab tsî Prisilas tsîra. ǀHaohâba ge hui tsoatsoa tsî apostel Paulub ǀkha. ǀGuiba ge sîsen tsoatsoa ǃgâsana ǀgaiǀgais ǃnâ. Ega ra ge ǀnîhā ǃāde ǃoa ge doe. Aoǁnâs huib ge ǂhâsa îba. (ǃNǃkh. 18:18-21; Rom. 16:3-5) ǁÎra ûib ge kaise ge ǀhabe i tsî ra ge ge ǂkhî i. Nētsē ǃgamme hâ khoen ge. Prisilas tsî Akwilab tsîra aiǁgausa a ǁgae ǁkhā. Tsî Gaosiba ǂguro a mâi ǁkhā. ǃGâi ǁaeb mîǁguiga dīs dib ge, ǃgamme du nîs aiǃâsa. ǃGamme hâ khoera ga mîǁguiga dī. Tsî ǃgarise sîsen o nēsa sīǃnâsa, o ra ge Jehovab huiba nî mû.—Aoǁn. 4:9, 12. w21.11 17 ¶11-12

ǃNāsase da ge Elob dauǁgaus sada îna ǁnâuǀnams di hâsa nî ūǃoa. ǂÂis ǃnâ ūhâ re Levitikus 19:3. ǃNâ hâ daoǁgaus sadu ǁgûb tsî ǁgûs. Tsîna du ge nî ǁnâuǀnam. Di hâs khaoǃgâ di ge sao ra mîde ra hā: “Sadu ge nî ǃanu, tita, ǃKhūta sadu Elota a ǃanu xui-ao.” (Lev. 19:2) Jehovab daoǁgaus sadu îna. ǁNâuǀnam di hâs xa du ga ǂâi o. O du ge dîsen ǁkhā. ‘Tita ti îna ra ǁnâuǀnam?’ Tsâ du ga o tae-i ǃaroma ta ge. ǃKharu ge ǁae ǃnāsa-e dī tama hâ i. O du ge nēsi ǁnāsa a dī ǁkhā. ǃKharu ge ǁae ge ī xūna du a ǀkharaǀkhara ǁoa. Xawe du ge nēsi sadu îra ǀkha ǃnāsa ǁaeba ūhâ. Tsî a hui ra ǁkhā. ǀNîsi du ge ǃnāsa ǁaeba ǁîra ǀkha ūhâsa a mîǁgui ǁkhā. Tamas ka io da ge marisise, gagasise. Tsî emosioneelse a ǂkhâǃnâ ra ǁkhā. Nēsa da ga dī o, o da ge. Levitikus 19:3 da mî xū-e ra dī. w21.12 4-5 ¶10-12

Gao-aob Davib ge ǁgâi ǁorena a dī o. Aiǁgause, Batsebas ǀkha ǀai tsîb ge ǁîs di kaikhoeba ge ǃgam kai. (2Sam. 11:2-4, 14, 15, 24) Davib ge dī ǁoren ǃaroman ge ǁîb. Tsî ǁîb omaris tsîna ǃgomsina gere hōǃâ. (2Sam. 12:10, 11) ǀNî hâ ǃnās aib ge Daviba. Jehovab ǃnâ ǂgom tama i tsî. Israelǁaes ǃkham-aoga ge ǃgôa. Jehovab ge dī kaibi tama hâ i xū-e. ǀAmǂoasa ge tae-i? ǁAubexa 70 000 Israelǁîn ge ǀae-i xa, ǃaroma-e hâse ge ǁō. (2Sam. 24:1-4, 10-15) Mati du ga ǁîba ǀgoraǃgâ hâ? ǂÂi i du ga hâ, Jehovab ge tā ǁîba nî ǀûba? Jehovab ge ti ge ǂâi tama hâ i. Jehovab ge ǁîb ǂâisa Davib ge ǁîb ûib hoaba. ǂGomǂgomsa i tsî ge ǃhausen ǃkhais ai ge ǂnûi. Nēs ǃaromab ge Jehovaba Daviba. ǁÎb di tsū ǁorena ge ǀûba. Jehovab ge ge ǂan i Davib ge ǁîba kaise ǀnam isa. Tsî ǂhanu xūna gere dī ǂgaosa. Kaise da ge a ǂkhî Jehovab sida ǃgâi ǀgaugu tsî dī da ra xūn ai. ǁÎb di ǂâisa ra ǂnûisa.—1Gao. 9:4; 1Kro. 29:10, 17. w21.12 19 ¶11-13

Jesub ge sorosi ǃnubusiga ūhâ khoena, ǃgâise gere hâ-ū. ǂÂi oa re, tae-eb ge Johaneb ǁāǁnâ-aoba mîba kaisa: “ǂGī hân ra mûsa, ǃhoran ra ǃgûsa. ǃOmamaxan [khōb ǀaeb, NW] ra ǃanuǃanuhesa, ǂganaǂgae hân ra ǁnâusa. ǁŌ hân ra ǂkhaiǂkhaihesa.” Jesub di buruxa dīgu ǃaroman ge khoena. “Eloba koasa gere mā.” (Luk. 7:20-22) Xristeǁî da ase da ge a ǂkhî, Jesuba ǁgaesa. Tsî sorosi ǃnubusiga ūhâ khoena ǀkhomxaǂgaosiba ra ǁgau. ǃGâi ǂgaoxa, ǀkhomxa tsî da ge a ǃnūǃnâxa. Sorosi ǃnubusiga ūhân ǃoagu. Jehovab ge ǀgaiba māda tama hâ. Î da buruxa sîsenga dī. Xawe da ge aiǂhanuba ūhâ. Î da sorosise tsî gagasise ǂgī hâna ǃgâiǂhôasa mîba. ǀAsa paradais xa, tsî khoen nî ǀoasa kurus. Tsî ǃgâi ǀhōsagusisa Elob ǀkha ūhâsa. (Luk. 4:18) Tsî nē ǃgâiǂhôas ge ǀnai ra dīhe. În ǂgui khoena Eloba koa. w21.12 9 ¶5

Jakobub ge ǃgâsana gere ǁkhāǁkhā xūn hoanab ge. Xoade xu gere hō. ǁÎb ge Elobmîsa gere sîsenū. În ǁîb di ǃgâ-aona ǁnauǃā tsî mû. Jehovab hoaǁae ra ǀkhaesa ǁnān hîna. Jobi khami a ǂgomǂgomsana, ǁîb ǃoagu. Jakobub ge ǁnā ǃkhaisa ge ǁkhāǁkhā supu mîdi. Tsî ǁnâuǃā ǀgaub tsî ǁguiǃā ǀgaub tsîna ra sîsenūse. Tsî ǁnā ǀgaub aib ge ǁîb ai. ǃGaoǃgaoba ge mâi tama hâ i. Xawe Jehovab ai gere mâi. ǁKhāǁkhāsen da ra xūn: Sadu haisi-amsa supuse ūhâ re. Tsî Elob di mîsa xu ǁkhāǁkhā re. Sida nî dī xū-i ge î da tā ǁgauǂuisen. Nau khoen ai matikō xūna da a ǂansa. Xawe da ge nî ǁgauǂui. Matikō xūnab Jehovaba a ǂansa. Tsî matikōseb ǁîba ra tsâba nî ǀgaub tsîna. (Rom. 11:33) ǁNā ǃkhaisa da ge a sīǃnâ ǁkhā. Hoaǁae da ga ǁkhāǁkhā da ra. Xūna Elobmîsa xu gara ǁkhāǁkhā o. Aiǁgause, sida ra ǁkhāǁkhā khoena mîbasa. Tae-e da sida ǁîn di mâsib ǃnâ nî dīsa. Hā da ǁîna hui re în Elobmîs di aiǁgaudi xa ǂâiǃgâ. Tsî ǁnās ǀkhas tsîna ǁnâuǃā. Jehovab di ǂâiǀgaub tsî tsâsigu tsîna. În ǁkhāǁkhāsen în ra xūna ǁîn di ûigu ǃnâ ûiǂui. Tsî Jehovaba ǂkhîǂkhî, sida ose. w22.01 11 ¶9-10

Jehovab ge a ǃgâibahe khoena da ra hâ-ū ǀgaub xa. Nēs ge khoena tsûtsûs ǀguisa ǃkhōǂgā tama hâ. Sa ǀgūkhoeba sats ǁkhāts khami ǀnams ge. Xristeǁî-i ǃaroma kaise ǂhâǂhâsa, Jehovaba da ga ra ǂkhîǂkhî ǂgao o. ǂÂi re, Jesub ge mati Levitikus 19:18 sa a mâǂoa kai ǀgauba. Fariseb ge Jesuba ge dî: “Mâ mîmā-e a hoan xa kai ǂhanub ǃnâ?” Jesub ge ge ǃeream bi. ‘ǂGuro tsî hoan xa kai mîmās’ ge. Jehovaba ǂgaob, ûib tsî ǂâis hoas ǀkha ǀnamsa. ǁNāpaxub ge Jesuba Levitikus 19:18 mîde ge mî. “Tsî naus ǁîs ǀkha ǀguitikōs ge: ‘Sa ǀgūkhoebats ge nî ǀnam sats ǁkhāts khami.’” (Mat. 22:35-40) ǂGui ǀgaugu ge hâ khoena ǀnamma ǁgausa. ǀGui ǀgaub ge Levitikus 19:18 sa ûiǂuisa. Mî rasa: Tā ‘ǀkhao [dīǃoa] tsî ǁaixasiba khoe-e taniba, tamas ka io ūhâba.’ w21.12 10-11 ¶11-13

Jesub ge ǁîb ǁoaba ǀhōǂui tsî apostel Petruba ge hui. ǂHâǂhâsa i ge a ǂâihōsa Petrub ga. Jesub ai ǁîb ǂâisa ǂnûihâ o. Ob ge ǁgammi ǀgapiga ga hâhâ. Xaweb ge Petruba ǂoaba ǃoa kō. Ob ge ge ǃao tsoatsoa. Tsî ge tsomǂgâ tsoatsoa. (Mat. 14:24-31) Petrub aiǁgausa xu da ge a ǁkhāǁkhāsen ǁkhā. Petrub ge ǂgausa xu ǂoa tsî hurib ai mâ. Ob ge ǂoaba ǃoa kō tsîb nî tsomǂgâ tsoatsoa. ǃKhais xa ge ǂâi tama hâ i. ǁÎb ge ǁgammi ǀgapiga gere hâ ǂgao. Jesub tawab nî sīs kōse. Xawe Jesub ai ǂâisa ǂnûis xab ge. ǂOab xa ge ǂâiǂhânsen tsoatsoa. Nētsē da ge ǂgomsa ǂhâhâ. ǃGomsin ǃnâ mâǀgais ǃaroma. Petrub ge ǁgammi ai hâǀgaras ǃaroma. ǂGomsa ǂhâhâ is ǁkhās khami. Jehovab tsî ǁîb mîmâidi ǃnâ da ga ǂgom ǀû. O da ge gagasise nî tsomǂgâ tsoatsoa. Matikōsen ga sada di ǃgomsina a kai. Xawe da ge sada di ǂâisa Jehovab ai nî ǂnûi. Tsî ǁîb nî huida ǃkhais ǃnâ nî ǂgomǃgâ. w21.12 17-18 ¶6-7

ǀGores, ǁkhāǁkhāsens tsî ǂâiǃgâs ge sida ǃoabas di ǃâ. ǀGore da ga o, o da ge sida di ǀhomsi ǁGûb hîna a ǀnam dab ǀkha ra ǃhoa. Elobmîsa da ga khomai o. O da ge ‘Elob di ǂans tsî ǁnâuǃāb’ tsîna ra hō. ǁÎb hîna hoan xa a gā-aiba. (ǂKhm. 2:1-5) ǂÂiǃgâ da ga o, o da ge Jehovab di îsa ǀgauga ra mû. Tsî ǂâibasens hîna kurus ǃoagu hâs tsîna. Tsî mati da sida tsîna ǁnās ǃnâ ǃâ-e ūhâsa. Nēba ǃgâi ǀgau tamaba sadu ǁaeba sîsenūs diba? Xawe tae-e nî huida nēsa dīsa? Īǁkhā i ga o, ǃnōsa ǃkhai-e ôa re. Jesub di aiǁgaus xa ǂâi re. ǁÎb di ǃhūbaisi aoǁnâ sîsen-eb nî tsoatsoas ais ai. Îb ge Jesuba 40 tsēde ǃgaroǃhūb ǃnâ ge hâ i. (Luk. 4:1, 2) ǁNāti ǃnōsa ǃkhaib ai, îb ge Jesuba, Jehovab ǃoa ǀgore. Tsî gere ǂâiǃgâ Jehovab ūbabi hâ ǂâibasens xa. ǁNās ge Jesuba gere aiǂhomi ǃnubu ǁaerob ǃnâb nî hōǃâ ǃâitsâgu ǃaroma. w22.01 27-28 ¶7-8

ǀHaohâb ǃûi-aob tamas ka io ǀnî hâ ǃgâsa-i ge mîba da ǁkhā xū-i hîna da nî sîsen ai-e. Khoe-i ga ǁnātikōse ǀnamda. Tsî Elobmîs ai hâ ǁnamasa sida ǀkha ǀgoragu o. O da ge ǂgaoba ǃoa ǁnā ǁnamasa nî ū. Mûǃāxase da ge ǃgomsiba, ǃoa hâ ǁnamasa ūǃoas ǀkha a ūhâ ǁkhā. ǀNîsi da ge ǁaixas tsîna a dī ǁkhā. Tae-i ǃaroma? ǀOasa kurusa da ūhâ tamasa da a ǂanǃgâ ǁkhā. Xawe î ge a ǃgomba da ǁkhā, khoe-e xu ǁnamasa hōsa. Mîba da ra e, dīsā da hâ xū-i xa. (Aoǁn. 7:9) ǀNîsi da ge ǂhanu da a dis tsîna mî ǁkhā. Khoe-i hîna ǁnamasa ra mā i di ǃaromasa da ge a dîǃnâ ǁkhā. Tamas ka io da ge a ǁaixa ǁkhā ǁnamasa i ǁî-e ra mā ǀgaub xa. Sida tsîn ge ǀnîsi ǁnamasa ra mā khoe-e a ǂgari-am ǁkhā, mî ra se: ‘Mâ ǂhanuba i nē khoe-e ūhâ tita ǁnamas di-e? ǁÎ-i tsîn ge ra dīsā.’ Tsî ǀams ai ǁnamas hîna da ra hōs ga. Sida ǃaroma ǃgâi tama io. O da ge ǁnamasa ūǃoa tama i. Tsî ǀnî hâ ǃkhai-i ai ǁnamasa si a ôa ǁkhā. Hîna sida ra ǂhâba xū-e ra mîba da-e. w22.02 8-9 ¶2-4

ǀAsa ǃhūbaib ǃnâ da nî ūhâ, ûiba ǃgomsina nî ǀkhī-ū. Hîna sida ǂgomǃgâsiba Jehovab xūna ra dī ǀgaub ǃnâ nî ǃâitsâba? Aiǁgause kō re, tae-i ge īsa. Israelǁîn ge Egipteba xu ǃgāsisa xu a ǃnōra kaihes khaoǃgâ. ǀNîn ge ge ǃgae tsoatsoa. ǂÛn hînan ge ūhâ înan ge ǁkhore tsoatsoa amaga. Tsîn ge Jehovab xan gere māhe mana-e ǃgâi ǀgaub ai ge ūǃoa tama hâ-i. (Num. 11:4-6; 21:5) Sida tsîna ǁnāti-ī ǂâiǀgauba nî ūhâ. Kai ǁgâiǀāb ga toas khaoǃgâ? ǀŪ da ge a matikō sîsenni ǂhâbasasa, î da hoaraga ǃhūbaiba ǃanu. Tsî ǁnās ǀkha ǂause paradais ǃnâ ǀkharaǀkhara. Īǁkhā i ge a ǂgui sîsenni nî hâsa. Tsîb ge ûiba ǂgurose ǁnā ǁaeb ai supu tide. ǁNā ǁaeb ai ǃgae da nî Jehovab tae-e sida ra māsa? ǀGui xū-e da ge a ǂgomǃgâ ǁkhā: Jehovab da dība da xūna da ga nēsi ǃgôaǃgâ o. O da ge ǁkhā xū-e hanîǁaeb ǃnâ nî dī. w22.02 7 ¶18-19

Saxariab 8:23 ǃnâ hâ kēbos ge ǃgâise ra ǁguiǃā. “Jodeǁîn” tsî ‘sadu khoedu’ di hâ mî ra ǀgui groepsa ǃoa ra ǁnaeǁgausa. ǁNā mî ra ge ǂkhauhesan ǃoa ra ǁnaeǁgau. (Rom. 2:28, 29) Tsî ‘disi khoegu mâ gowa-i digu’ ge ǀnî gūna ǃoa ra ǁnaeǁgau. ǁÎn ge ǀgaisase ra ‘ǃkhō’ în ǂkhauhesan ǀkha ǀguiba ǃoaba. ǁKhās khamib ge Esegieli 37:15-19, 24, 25 ǃnâ hâ kēbosa dīǀoaǀoas ǃnâb ge Jehovaba, ǂkhauhesan tsî ǀnî gūn tsîna. ǀGuiba ge sîsenǁae kai. Nē kēbos ge ǀgam haikha xa ra ǃhoa. ǁNān hîna ǀhomsi ǃâubasensa ūhân ge “Judab” di haib khami ī. (ǁNās ge ǃhaos Israelǁaes gao-aogu gere ǁhûisa xu.) Tsî ǁnān hîna ǃhūbaib ǃâubasensa ūhân ge “Efraimmi” haib khami ī. Jehovab ge ǁnā ǀgam haikha ‘ǀgui kai’ hâ. Nēs ge ra ǂâibasen Jesub Xristub ǃnagan ra ǀguiba ǃoabasa.—Jhn. 10:16. w22.01 22 ¶9-10

Jesub ge ǁnān hîna ǀkhae xūna ǀgâsana gere mān xa ge ǃhoa. Xawen ge gere dītsâ în naun tsîna nē ra dīhe xūna mû. Tsî ǁîna koasa mā. Nē dīgu ge ǃgâi i xawes tsînab ge Jehovaba. ǁNān ǀkha ge ǂkhî tama hâ i. (Mat. 6:2-4) Amabes ǃnâ da ge a ǃgâi ǁkhā. Sida ga ǁnā xū-e ǃgâi ǃaromas ai ga ra dī o. ǀNîsi du ge nēti a dîsen ǁkhā: ‘ǂHanu xū-e ta a ǂan. Tsî ta ǁnāsa ra dīǀoaǀoa? Mâ ǃaromas ai ta ǃgâi xūna ra dī?’ Jehova Elob a dīgu di Elo amaga. Tsî ǁîb di gagab ge sîsenǂuiba ūhâ. (Gen. 1:2) ǁNā-amagab ge mâ gagab di ǂûb hoaba nî huida, î da xū-e dī. Aiǁgause, ǁkhāǁkhāsabeb Jakobub ge ge xoa: ‘ǂgoms sîsen-i ose ǁō hâsa.’ (Jak. 2:26) ǁKhā xū-i ge mîhe ǁkhā ǀkhara ǀgaugu Elob gagab di gu xa. Hoaǁae da ga gagab di ǂûga ga ra ǁgau. O da ge ra ǁgau Elob gagab ra huida sa. w22.03 11-12 ¶14-16

Gagasi sîsen ga da ra dī tsî ǀnî ǃgâi sîsenga. Xaweb ge apotsel Petruba xū-e ra mâǂoa kai. Sida tanisens ǃnâ da nî ǃanus xab nî ǃhoas, aiǃâb ge Petruba sao ra-e ge mî: “ǁNā-amaga kamanagu sadu ǁnâuǃāb diga ǃgae.” (1Pet. 1:13) ǁNāsa tae-e ra ǂâibasen? Petrub ge gere mî, ǂkhauhesa ǃgâsan nî. ‘ǂHôasa ǃgâi ǂūgu ǁnāb, ǃkhaenaba xu ǁîb di buruxa ǃnâb ǃoa’ ge ǁîna ǂgaiba. (1Pet. 2:9) Hoa Xristeǁî da ge ǁnā ǂhâǂhâsa sîsen-e nētsē ra ǃgôa. Nē sîsenni ge ǂgui khoena hui hâ. Kai aiǂhanuba da ge ūhâ, ǁnā ǃanu sîsen-e dīsa. Tsî ôasase ǁnāsa dīsa tsî ǁkhāǁkhāsa. (Mrk. 13:10) ǃAmkuse da ga nēsa dī o, o da ge ra ǁgau Elob tsî khoena da a ǀnamsa. Tsî da ge ǁnās xōǀkhā ra ǁgau, hoa xūn ǃnâ da a ‘ǃanu’ ǃkhaisa. w21.12 13 ¶18

Apostel Paulub ge ǃgâsan xa hoaǁae ǃgâise gere ǂâi. ǁÎb ge ge ǂan i, dīsā i go ǃkhais ǃaroma i. ǁNā khoe-e ǁgai khoe tama ǃkhaisa. ǃGâsan ge ǂhanu xū-e dīs ǀkha ǃgoma gere hoǃâ. Ob ge Pauluba gere ǂâi. ǂHanu xū-en gere dī ǂgao, xawen ge huiba ǂhâhâ isa. ǂÂi re Paulub ge mati ǀgam ǃgâsa ra. Filipe ǀhaohâb ǃnâ hâ i ra hui ǀgausa. (Fil. 4:1-3) Aiǁgause ra ge ǀnîsi Euodias tsî Sintixes tsîra ge ǁnâusāgu. Tsî ge khoe ǀhōsagu ǀû. Paulub ge ǁîra ǂkhabusasigu ai ǂâisa ge ǂnûi tama hâ i. Xawe ǁîra di ǃgâi ǀgaugu ai ǁîb ǂâisa gere ǂnûi. Nē ǂgomǂgomsa ǃgâsa ra ge Jehovaba kaixuse ge ǃoaba. Paulub ge ge ǂan i Jehovab ǁîra a ǀnam ǃkhaisa. ǁÎb ge ǃgâi mûǂuiba nē ǃgâsa ra xa ge ūhâ i. ǁNā-amagab ge ǁîra ǂkhâǃnâ tsî ge hui î ra ǂkhîbagu. Nau khoen di ǃgâi ǀgaugu aib ge ǂâisa gere ǂnûi. Amagab ge Pauluba ǃgâiaǂgaoba ge ūhâ i. Tsî ǀgaisa ǀhōsagusisa ǀhaohâb ǃnâ hân ǀkha ge ǃkhōǀgara ǁkhā i. w22.03 30 ¶16-18

Jehovab da māda ǂkhîb ge sada ǂgaoga sâsâsiba ra mā. Tsî sada ǂgaoga ra ǃnomǃnom. Kō re nēs ge mati ama kaisa. ǃGâsas Luz ti ǀon hâs tawa, ǁîs ge ra mî: “ǀGuritsâsens ǃgomsiba ta ge ge ūhâ i. ǁAen ai gu ge nē tsâsiga gere tsâ kai te. Jehovab ǀnam te tama hâ ti. Xawes ga nēsa ī o, o ta ge. Jehovaba ǁnā ǁaeb ai gere mîba mati ta ra tsâsa. ǀGores ge ge hui te î ta ti tsâsiga tani ǁkhā.” ǁÎs aiǁgaus da ǁgau khami da ge. ǂKhîba ǀgores ǃnâ-ū a hō ǁkhā. (Fil. 4:6, 7) ǂGomǃgâsiba da ge ūhâ Jehovab tsî Jesub tsîn nî. Mâxoǀkhā dasa, ǀnamsabe-e da ga ǁōb ǃnâ ǂoaǃnâ o. ǂKhâǃnâ-e da ge ra î da tsâbaǁhaoxasib ǀkha aoǁnâ. Jehovab tsî Jesub tsîn nē ǀgauba ra ǁgau amaga. Tsî da ge ǁkhaeǂgaosa Jehovab tsî ǁîb Ôab, tsîkha ǃnâ ra hō. ǁÎkha ge sada tsâsiga ra ǁnâuǃā tsî nî huida î da mâǀgai. Mûǂui da ge ra, Jehovab sida ‘mûde xu ǁgamron hoana nî ǀombē’ ǁaeba.—J.ǂHa. 21:4. w22.01 15 ¶7; 19 ¶19-20

Jesub ge ǀgam dao-am ra. Hîna ǃkharagagu ǃkhaide ǃoa ra īkha xa ra ǃhoa. ‘ǂHapa daob’ tsî ‘ǀui daob’ tsîkha. (Mat. 7:14) ǃNonaǁî dao-i ge a ǀkhai. Aitsama da ge nî ǁhûibasen mâ daoba da nî sîsenūsa. Nēb ge kaise ǂhâǂhâsa mîǁguib hîna da nî dība. Sida ǀamo ûib ge ǁnās ai a ǃgaoǃgaosa. ‘ǂHapa daob’ ge a ǂanǂansa, supuse i ra ǃgû-aihe ǃkhais ǃaroma. Tsûtsûsase, ǂguin ge ra mîǁgui. În ǁnā daob ai hâ ǀgara. Tsî ǁnān hîna ǁnā daob ai hâna sao. ǁÎn ge mûǂan tama hâ. ǁGâuab ra dītsâ sa în khoena ǁnā daob ai ǃgû. Tsî ǁîb di daob ge ǁōba ǃoa ǀgui ra ī-ū. (1Kor. 6:9, 10; 1Jhn. 5:19) ‘ǂHapa’ daob ǃoagu î ge ǀnî daoba hâ ‘ǀui’ daoba. Tsî Jesub ge ge mî ǀoron ge hâ ǁnā daoba ra hōna. Tae-i ǃaroma? ǃGaoǃgâ re sao ra xoas ǃnâb ge Jesuba. ǁÎb di saosabena ra mîba ama tama kēbo-aogu xa.—Mat. 7:15. w21.12 22-23 ¶3-5