Septemberi

ǀNî khoen hîna Jesub di tsēdi ǃnâ ge hâ în ge. Jesub di ǁkhāǁkhādi xa ge ǂâu tama hâ i. ǃNāsasen ge noxoba ge ǂhâba hâ i. Xaweb ge ǁnā sao-e ǁgau ǂgao tama io. On ge ǁîba ge ūǃoa ǂgao tama hâ i. (Mt 16:4) Xoade tae-e ra mî? Kēbo-aob Jesajab ge Mesiab xa nēti ge mî: ‘ǁÎb ge ǂgai tide, tsî ǁîb ge ǃau tide tsî dommi âba strati ai ǁnâu kai tide.’ (Jes 42:1, 2) Jesub ge ǁîb di aoǁnâ sîsen-e ǃnomsa ǀgaub ǃnâ gere dī. ǁÎb ge ǂgui ǁkhāsiga ūhâ tempelga ge om tama hâ i. Tsîb ge ǁîba kerke-i di saraga ge ana tama hâ i. Tamas ka io khoen xa ǂoaǂamsa ǀondi ai ge ǂanhe ǂgao tama hâ i. Jesub ge ǁîb di ûib ǃaroma Gao-aob Herodeb ais ai mâ io. Ob ge ǁîba ge mî îb sao-e ǁgaubi. Xaweb Jesuba ǁnā-e ge dī tama hâ i. (Luk. 23:8-11) ǁÎb di ûib ge ǁkhōǁkhōsa mâsib ǃnâ hâ i xawes tsîna. Ama as ge Jesub ge buruxa dīna a dīsa. Xaweb ge ǂgurose. Aoǁnâ sîsen-e ǁîb di ûib ǃnâ ge mâi hâ i. ‘ǁÎs ǃaroma ta ge go ǀkhī o’ dib ge ǁîb di ǁkhāǁkhāsabega ge mîba.—Mrk. 1:38. w21.05 4 ¶9-10

Khoen hîna ‘ǀamo ûiba ǃoa ǃkhōǂuibasenhe hâna’ da ge nî ôa. (ǃNǃkh. 13:48) ǁÎna da ga ra hui o. În ǁkhāǁkhāsabe kai. O da ge nî hui nî. În (ǂgurose) ǁnâuǃā. Tsî (2ǁîse) ǂgom. Tsî (3ǁîse) ǁkhāǁkhāsen an a xūna ûiǂui. ǀŌ-aisase Elobmîsa xu. (Kol. 2:6, 7; 1Tes. 2:13) Hoan hîna ǀhaohâb ǃnâ hân ge a hui ǁkhā. Elobmîsa ra ǁkhāǁkhāsen khoena ǀnamma ǁgausa. Tsî ǁkhoreǁharesase ǁîna a tsâ kai ǁkhā. (Jhn. 13:35) ǁNā i hîna ra ǁkhāǁkhā i ge ǂgui ǁaeb tsî ǀgaib. Tsîna nî sîsenū ǁkhāǁkhā i ra khoe-e huisa. Î-i “ǀgaisa hâǃkhaide” ǂgomǀgaugu tamas ka io ǁnaeti-aiga xu dawasen. (2Kor. 10:4, 5) ǂGui ǁkhâga i ge a ū ǁkhā khoe-e huisa. Î-i ǀkharaǀkharana ǁî-i ûib ǃnâ dī. Tsî ǁnā mîǁguib ǁāǁnâs diba sīǃnâ. Xawe nē ǀkharaǀkharana dīs ge ǁî-e kaise nî ǃgâiba. w21.07 3 ¶6

Jehovab ǃoaba-aoda ase amaba da ra ǁkhāǁkhāsa da ra ǂgom? Tsî Jehovaba da ra ǃoaba ǀgaub ǁîba ra ǂkhîǂkhîs tsîna. Apostel Paulub ge ǀgaisa. ǂGomǃgâsiba ge ūhâ i amabab ūhâsa. (1Tes. 1:5) ǁÎb ge nēs ǃnâ ǃgâiseb gere tsâ. ǃKhais ǃaroma ǀgui ge ǂgom tama hâ i. Xaweb ge Pauluba Elobmîsa ǃamkuse gere ôaǃnâ. Tsîb ge gere ǂgom. ‘Xoas hoas Elob xa ǃgomǂgāǃnâhe hâsa.’ (2Tim. 3:16) Tae-eb ge ǁîb ôaǃnâde xu ǁkhāǁkhāsen? Xoade xub ge Pauluba ge mûǂan. Jesub a mîmâisa Mesia ǃkhaisa. Jodeǁî ǂgaeǂgui-aogu ge ūǃoa ǂgao tama hâ i amaba. ǁÎgu ge khoena gu Elob xa gere ǁkhāǁkhā di gere mî. Xawe gu ge Elob ǃhui hâ xūna gere dī. (Tit. 1:16) Paulub ge nē aogu khami ge ī tama hâ i. ǁÎb ge ge mî tama hâ i. Mâ ǃâb Elobmîs dibab nî ǂgom. Tsî mâ ǃâbab ǂgom didesa. “Elob di ǂâibasens hoaragasa” ǁkhāǁkhā. Tsî ūǃoas ǃnâb ge ge māsenxa i.—ǃNǃkh. 20:27. w21.10 18 ¶1-2

ǂGā tsî ta ra ǂnâ ǁaeb ai da ge ra mûǂan. Mâ ǃâbab Jehovaba ra ǀhurusa. (1Kor. 3:6, 7) Jehovab ge hoa khoena ǀō-aisase ra mû. Jehovab ge aiǂhanuba mā da hâ îda ǁîb di ǀgôab ǀkha ǀgūse sîsen. Î da hoa ǃhaodi tsî ǁaede xu nē ǀuni tsēdi di ǀams ais ai khoena hō. (Hag 2:7) Sida aoǁnâ sîsen-i ge khoena. Sâus di sîsenni ase a ǀgopeǀnōhe ǁkhā. Sida ge ǁnā groeps di khoen hîna ǃhūb ǃnaga ra sîsen. Khoena sī ra huiǂui khoen ǀkha a ǀgopeǀnōhe ǁkha. Îda ǁnāpa ǁîna tsûba xū sī hui. Ama as ge ǀoro khoen hîna ǁnāpa hân nî ûitsâmase hōhesa. Xawe ǁnā groeps di khoen hîna sîǂuihe hân ra dī sîsen-i ge kaise a ǀō-aisa. ǁKhā xū-i ge a ama sida aoǁnâ sîsen-i ǃaroma. ǀŪ da ge a matikō khoen nē ǁGâuab di ǃhūbaiba xū noxoba nî ǃnōra kaihe ǃkhaisa. Xaweb ge Jehovaba mā khoe-i hoa-e a. Sîsenū ǁkha în nau khoena hui. Andreasi hîna Boliviab ǃnâ ra hâb ge nēti ra mî: “Tita ge mā khoe-i hoa-i hîna amaba ūǃoa. Tsî ra ǁāǁnâ kaisen e groeps di sîsenni ase ra mû.” Ada sada tsîna ǁnāti-i mûǂuiba sada aoǁnâ sîsenni ǃoagu ūhâ re. ǁNāsa da ga dī o, ob ge Jehovaba nî ǀkhaeda. Tsî i ge sida aoǁnâsa ǂkhîba nî māda. w21.05 19 ¶19-20

ǃAu-aob ge ǀgui ǃaromas ǀguisa ūhâ. ǁNās ge îb xamari-e ǃkhō tamas ka io ǃkham. ǁÎb ge ǂgui ǃnûide a sîsenū ǁkhā. Jobi di ama tama ǀhōsagu hîna ge ǁîba gere ǁgaeǂgaogu khami. (Job. 18:8-10) Matib ǃau-aoba ǃnûide a sîsenū ǁkhā, îb xamanina ǃkhō? ǁÎb ge xamanina ǀgūse ra kō. Mapa i ra ī? Tae-i xa i a ǃgâibahes? Mâ ǃgâi ǃnûisa a sîsenūhe ǁkhā? ǁGâuab ge ǁnā ǃau-aob khami i. ǁÎb ge sida xa ra ǁkhāǁkhāsen. ǁÎb ge ra mû mapa da ra isa. Tsî tae-i xa da a ǃgâibahesa. Tsîb ge ǁîba ǃnûide ra sîsenū îb ǀūǃgâse da hâ hîna ǃkhō da. Xawe Elobmîs ge ra mîba da. ǁNā ǃnûidi xa da ga ǃkhōhe xawes tsîna da ge a ǃnora ǁkhā. Tsî ra ǁkhāǁkhā da mati da ǁnā ǃnûide hoase a ǁkhae ǁkhāsa. ǀGam ǀgaisa ǃnûi ra hînab ǁGâuaba ra sîsenū ra ge. ǀGapiǂâixasib tsî xūǃgunuxasib tsîna. ǁGâuab ge nē ǀgam xūna ǀoadisi kurina sîsenū hâ. ǁÎb ge ani ǃkhō-ao i khami i hîna ra ǃnûide mâiba îb ǁîna ǃkhō. (Psa. 91:3) ǂKhabasa tama i ge hâ ǁgâuab xa ǃkhōhesa. Tae-i ǃaroma? Jehovab ge ǁGâuab ra sîsenū. ǃNûide ǁgau da hâ khoenab ra ǃkhō-ū de.—2Kor. 2:11. w21.06 14 ¶1-2

ǂGomǂgomsa kaira ǃgâsan ge ǀō-aisa. Elobmîs ge ǀhaiǀûn ǁnāti īn dina krons ǀkha ra ǀgopeǀnō. (ǂKhm. 20:29) Xawe da ge nē ǀō-aisa xūna supuse mû hō tide. ǂKham ǃgâsan ga ǁnâuǃā o kaira ǃgâsan a ǀō-aisa ǃkhaisa. On ge mû ǁkhā ǃkhūsib xa kaise ǀō-aisa xū-en a hō ǁkhāsa. ǂGomǂgomsa kaira ǃgâsan ge Jehovaba a ǀō-aisaba. ǁÎb ge a ǂan tae ǃnôa khoen a ǃkhaisa. Tsî ǁîn di ǃgâi ǀgauga ra ǃgôaǃgâ. Jehovab ge ra ǂkhî kaira ǃgâsan ga ǂkham ǃgâsan ǀkha. Gā-aisib hînan ge ǁîn di ǂgui kurin. ǂGomǂgomsa ǃoabas ǃnâ a hōna ǀgoragu o. (Job. 12:12; ǂKhm. 1:1-4) Jehovab ge ǁîn di taniǀnamxasib tsîna ra ǃgôaǃgâ. (Mal. 3:16) ǁÎn ge ǃgomsina ǁîn di ûigu ǃnâ ge ūhâ i. Xawen ge ǀgaisa ǂgomsa Jehovab ǃnâ ra ūhâ ǀgara. ǁÎn di ǃâubasens hîna hānîǁaeb ǃaroma hâs ge a ǀgâisa. ǂGuron ge amaba a ǁkhāǁkhāsen tsoatsoas xa. Jehovab ge ǁîna a ǀnam. Aiǃgû tsîn ǁîb ǀonsa ra ǂanǂan o ‘kairasib ǃnâs tsîna.—Psa. 92:12-15. w21.09 2 ¶2-3

ǁAeba xu ǁaeb ǀkha i ge kaise a ǃgâi. Sida di ǂâibasensa ôaǃnâsa. ǀNîsi da ge nēti a dîsen ǁkhā: ‘Tita nau ǃgâsan xa ta a ǃgâi ti ga ra ǂâi o. O ǀgui ta ǃgâise ra tsâ? ǃGarise ta ǀhaohâb ǃnâ ra sîsen. Nau ǃgâsan xa ta ra ǃgâi ǂgao amaga? Tamas ka io ta ǃgarise ra sîsen. Jehovaba ta ra ǂkhîǂkhî ǂgao amaga?’ Elobmîs ge ra mîba da. Î da tā nau ǃgâsan ǀkha ǀgopeǀnōsen. Tae-i ǃaroma? ǀGui ǃaromas ge sida ga ǂâi o. Sida ǃgâsan xa da ǃgâise ra dī di. O da ge a ǀgapiǂâixa tsoatsoa ǁkhā. Xawe da ga ǂâi o, sida ǃgâsan sida xa ǃgâise ra dī di. O da ge a ǂkhabuǂâi tsoatsosa ǁkhā. (Rom. 12:3) ǂÂihō da ge nî Jehovab ge sida ǁîba ǃoa a ǂgaesa. Sida îsa tama ǃkhais ǃgaos ose. Tsî ǃgâise da ra ǃhoa ǃkhais ǃaromas ose. Tamas ka io ǂgui khoen, sida xa a ǃgâibahe ǃaromas ose. Xawe sida māsenxase Jehovaba a ǀnam. Tsî Jesuba ra ǃgâ ǂgao amaga.—Jhn. 6:44; 1Kor. 1:26-31. w21.07 14-15 ¶3-4

Sada ǂâiǀgauba dawas ǃaroma da ge ǀgore. Elobmîsa ôaǃnâ tsî nî ǂâiǃgâ. Nēsa da ga dī o, da ge nî aiǃgû nē xūna dīsa. Tsî Jehovaba nî ǂgan, îb ǀgaiba mā da. ǁÎb di ǃanu gagab ge nî hui da. Î da tā nau ǃgâsan ǀkha ǀgopeǀnōsen. Jehovab tsîn ge nî hui da. Î da ǂan, suri tsoatsoa da ga o. Tsî da ga ǀgapiǂaixa tsoatsoa o. Tsîb ge ǁîba nî hui da. Î da ǃhaese ǀkharaǀkharana dī. (2Kro. 6:29, 30) Jehovab ge mati da ra tsâsa a ǂan. ǁÎb ge sida ǃgomsin tsîna a ǂan. Tsî ǃkhams hîna da nē ǃhūbaib di ǁgâi gagagu ǃoagu ūhâs tsîna. Tsî sida di dīsādi ǃoagu ūhân tsîna. Jehovab ga mû o, matikōse da ǀgaisase nē xūna ra ǃkhamǃoasa. Ob ge ǁîb di ǀnamma sida ǃoagu ra ǀgaisa. Matib Jehovaba sida xa ra tsâsa ǁguiǃās ǃaromab ge. ǁÎba ǀgôa-i tsî mamasas, aiǁgausa ra sîsenū. (Jes. 49:15) Jehovab ge kaise sida a ǀnam. Tsî ra mû, taena da ǁîb ǃoabas ǃnâ ra dīsa. Tsî ǁnāsa ǂans ge ra ǂkhî kai da. w21.07 24-25 ¶17-19

ǃNāsa, ǃgâiaǂgaoba da ge hō ǁkhā. Mā-e da hâ ǁgaumâidi ǃnâ. Da ga ǃgarise sîsen o. Jehovab di ǃoabas ǃnâ. “ǀHawe” re aoǁnâ sîsen-i ǃnâ. Tsî ǀhaohâb ǀkha ǃgarise sîsen ǀhao re. (ǃNǃkh. 18:5; Heb. 10:24, 25) ǃAmkuse aiǂhomisen re ǀhaodi ǃaroma. Î du omkhâi ra ǃereamde mā ǁkhā. ǂHâǂhâsase ū re, ǁgaumâidi hîna du. Wekheb ǁaegub ǃnâ hâ ǀhaos tawa ra māhe na. ǂAn-e du ga ra o. Î du ǀnî ǁgaumâin ǀkha ǀhaohâb ǃnâ hui. O du ǁaeb ai hâ tsî ǂgomǂgomsa re. Tā ǂâi re ǁgaumâis hîna. Du ūhâs ǂhâǂhâsa tama di. Tsî-i ǂhâbasa tamasa. Sadu ǁaeba du ǁî-e nî māsa. ǃGarise dītsâ re î du ǃnāsa. ǂAnsa hō sadu sîsen-i ǃnâ. (ǂKhm. 22:29) Jehovaba du ga kaise ǃgarise sîsenba. O du ge nî ǁîb di ǃgâi ǀhōsa kai. Tsî kai ǃgâiaǂgaoba nî ūhâ. (Gal. 6:4) ǃGâibahe î du nî ǃgâiaǂgao ǀhaosa. Nau khoen ga aiǂhanuga hō o. Sadu ǂhâba hâga.—Gal. 5:26. w21.08 22 ¶11

Tā da ge nî ǀgapiǂâixa. Tsî da ge māsenxase Jehovab xa nî ǁkhāǁkhāhe. ǁŌ-i ra ǃaroma î-i tā khoe-i di ǂgaoba ǃgâise sîsen. Khamib ge ǀgapiǂâixasiba a ǃaroma ǁkhā. Î-i khoe-e tā Jehovab di daoǁgausa ǁnâuǀnam. Farisegu ge kaise ge ǀgapiǂâixa i. Tsî ge ǂgom tama hâ i ǃgāsa ǁgauǁgaun ge hâ îsa. Jesub ge Elob gagaba ūhâ īsa. Tsîb ge ǁîba Elob di ǀGôas tsîna ī ǃkhaisa. (Jhn. 12:37-40) ǁÎgu di ǀgapiǂâixasib ge kaise ge ǁgai i. Tsîs ge ǁnāsa ge ǃaroma. Î gu tā ǀamo ûiba hō. (Mat. 23:13, 33) Kaise i ge ǂhâǂhâsa î da. Aiǃgû tsî Elobmîs tsî ǁîb di ǃanu gagab tsîna mā-am. Î-i sida ǂâiǀgaub tsî mîǁguigu tsîna tsâǀkhā. Jakobub ge ǃgamǃgamsenxa i ǃkhais ǃaromab ge ge. Mā-amsen îb Jehovab xa ǁkhāǁkhāhe. ǁÎb di ǃgamǃgamsenxasib ge ge ǃaroma. Îb ǃgâi ǁkhāǁkhā-ao kai. w22.01 10 ¶7

‘ǀGores ǃnâ da ga hâhâ’ o, o da ge a. ǂGomǃgâ ǁkhā sada ǀhomsi ǁGûb nî ǁnâu-amda ǃkhaisa. (Kol. 4:2) ǀGorede ǃeream-es ge ǁaeba nî ū. Xaweb ge Jehovaba ra mîmâi. ǁÎb sada ǀgorede “ǂhanu ǁaeb ǃnâ” nî ǃereamsa. (Heb. 4:16) ǁNā-amaga da ge tātsē tā nî ǂâi. Jehovab go xū-e a dīsa di. ǁÎb ga sada ǀgorede ǃhaese. ǂHâba da ra ǁaeb ai ǃeream tama io. Aiǁgause ǂgui khoen ge ra ǀgore ib Elob Gaosiba ǀkhī. Tsî nē ǁgai ǃhūbaiba dīkaka. Jesub ge ge mî î da Gaosiba ǀgoreba. (Mat. 6:10) Xawe i ge ǃgâi tide sada ǂgomsa. Elob ǃnâ ǂkhabu kaisa. Sada ǃâubasen hâ ǁaeb ais. ǀAmsa ǀkhī tama ǃkhais ǃaroma. (Hab. 2:3; Mat. 24:44) Gā-ai da a ǃkhais ǃaroma da ge ra ǃâu ǀkhara Jehovab ai. Tsî ra ǀgore ǀkhara ǂgoms ǃnâ. ǀAms ge ǂhanu ǁaeb ai nî ǀkhī. Jehovab ge ǀnai “tsēs tsî ǁaeb” tsîna ǁhûi ǂui hâ ǀams nî hāsa. Tsî ǁnā tsēs ge hoa khoen ǃaroma kaise nî ǃgâi.—Mat. 24:36; 2Pet. 3:15. w21.08 10 ¶10-11

ǃGamǃgamsenxa kaira ǃgâsan ge ra mûǂan. Kairan ra khamin ǃnāsase a dī ǁoasa, ǂguron gere dīs xa. Aiǁgause, sada ǃnarimâra mûǂam-aogu ge. 70 Kurixa gu ga o, o ra ǂgan-e. Î gu ǀkhara ǁgaumâis ǀkha tsoatsoa. ǁNās ge ǀnîsi a ǃgom ǁkhā. ǃGâsana gu gere hui ǃkhais ǃaroma. Tsî kaise noxoba nē sîsen-e ra dī ǂgao. Xawe gu ge ra ǁnâuǃā ǂkham ǃomgu ǂkhâhe hâsa. Nē sîsen-e kōǃgâs ǃnâ. ǁÎgu ge ǁkhā ǀgaub hîna aibegam. Israels ǃnâ ge hâ i Leviǁîgu ǀkha ǀgui ǀgauba ra ǁgau. ǁÎgu ge 50 kurixa gu gere o tabernakeli tawa gere ǃoaba ǀû. ǁNā Leviǁîgu ge ge ǂkhî i mâ ǁgaumâi-i hoa-i ǃnâ. ǁÎgu ge mā-e gu ge aiǂhanuga ǀoasase ge ū. Tsî ôasase dī ǁkhā gu a i hoa-e gere dī. Tsî ǂkhamkhoen tsîna ge re hui. (Num. 8:25, 26) Nētsēs tsîna gu ge ǃnarimâra mûǂam-aoga. 70 Kurixa gu ga ra o ǀhaohâga ra sari ǀû. Xawe gu ge kai huib tsî ǂkhâǃnâs tsîna ra mā. ǁÎgu ra ǃoaba ǃnâ ǀhaohâb ǃnâ. w21.09 8-9 ¶3-4

esub ge ǂkhâǃnâ ra ǂhôas kā hâ ǀgôab dis xa Lukab 15:11-32 ǃnâ ra ǃhoa. ǂKhamkhoeb ge ǁgûba mâǃoa tsî omsa xu ra ī. Tsî ‘ǃnū ǃhūba’ ǃoa ra doe. ǁNapab ge ǁgai ûiba ge ûi hâ i. Xawe ûib ge ǃgom tsoatsoa o, ob ge dīb ge ǁgai xūn xa ge ǂâi tsoatsoa. Tsîb ge ge mûǂan ǁîb ûib ge ǃgâi isa. ǁÎb ǁgûb oms tawab ge hâ io. Jesub ge ge mî “ob ge ge ǂâi-oa.” ǁÎb ge ge mîmâi omsa ǃoa oa tsî ǁîb ǁgûb ai ǀûbaba ǂgansa. ǂHâǂhâsa i ge a ǀgôab ge mûǂansa ǂgui ǁgai mîǁguigab ge dīsa. ǁÎb ge xū-e nî dīs ge ge i. Kā hâ ǀgôab ge ǃgamǃgamsenxase. ǃHausensa dīb ge ǁgai xūn ǃoagu ge ǁgau. Nē ǂkhōs ge ǂgaoga ra tsâǀkha aiǁgaus ase ǀgui hî tama hâ. ǀAmǂoas hînas nē ǂkhōsa ra ǁkhāǁkhās ge ǀhaohâb ǃûi-aoga a hui ǁkhā. Î gu mû ǃgâsa-i amabes ǃnâ ǃhausen hâ ǃkhaisa, ǁî-i di ǁore-i ǃaroma. w21.10 5 ¶14-15

Tae-e ǀgabi kaihe tamas ka io ūbēhe tide? Apostel Paulub ge ge xoa: ‘ǁNā-amaga, gongonhe ǁoasa Gaosiba da ge hō amaga. A da ǀkhomma ǃkhōǀgaipebasen, î da ǁîba xu ǃgôasib. Tsî ǃaoǃgâb ǀkha Jehovaba. ǃGâiba bi a khami ǃoaba ǁkhā.’ (Heb. 12:28) Nē ǀuniga ǀgabis ga ǀams kōse ǀkhī ob ge. Elob Gaosib ǀguiba ǀgabihe tamase nî ǃgau. (Psa. 110:5, 6; Dan. 2:44) ǁOre da nî ǁae i ge a ǀkhai. Khoen ge nî ǁhûi: Nē ǃhūbaib da aiǃgû kai ûiban nî ǁhûi. Hîna hîkākāsa ǃoa garuba. Tamas ka ion ǁîn ûiba Elob ǂâis ǃoagu nî ûi. Hîna ǀamo ûiba ǃoa garuba? (Heb. 12:25) Sada aoǁnâ sîsenni ǃnâ-ū da ge khoena a hui ǁkhā. În nē ǂhâǂhâsa ǁhōb ai mîǁgui-e dī. Tsî hā re î da sada ǃKhūb Jesub di mîde ǂâihō: “Tsî ǃgâiǂhôas gaosib dis ge ǃhūbaib hoab ai nîra aoǁnâhe, hoa ǁaedi mîdansa ǃoa; tsî ǁnāǃnubais ge ǀamsa nîra hā.”—Mat. 24:14. w21.09 19 ¶18-20

ǀHaohâb ǃûi-aogo ǀō-aisa ǃereamsa go ge ūhâ. Î go ǁnān hîna ǂnûiǂuihe hâ omaris ǁanina ūhâna ǂkhâǃnâ. (1Tes. 5:14) ǁNā ǃēsa sîsenū re î Xristeǁî ǀhaodi ais ai tsî khaos ai ǁîna ǂkhâǃnâ. ǁÎn omdi ai sari nî re tsî ǀguiba ǀgore re ǁîn ǀkha. Aoǁnâ sîsen-i ǃnâ ǀguiba sîsen re ǁîn ǀkha. Tamas ka io ǁkhau nî re în omaris ǃoabasa sadu ǀkha ǀguiba dī. ǀHaohâb ǃûi-aogu ge ǁnān hîna ǂkhabuǂâi hâna nî kōǃgâ. Tsî ǁkhaeǂgaos tsî ǀnammi tsîna nî mā. (1Tes. 2:7, 8) Jehovab ge “ǂgao tama, khoe-i nî kāǁōsa, xawen nî hoana ǃhobasen ǃkhaisa.” (2Pet. 3:9) Ama as ge khoe-i noxoba ǀgaisa ǁōrena nî dīsa. Xawe i ge noxoba ǁî-i di ûiba Jehovab aiǃâ a ǀō-aisa. ǂÂi re ǀgapi maris hînab Jehovaba matare hâs xa. Xoremarib di ǁguibasa ǁîb di ǀnamxaǃnâ ǀgôab ǃnâ-ū. Hoa ǁōre-aon di ûigu ǃaroma. Jehovab ge ǀnamxaǃnâse ǁnān hîna ge ǁîba ǁnāxuna ra hui în ǁîba ǃoa oaǀkhī. Tsîb ge ra ǁkhōre mîǁgui tsîn nî oaǀkhīsa. Jesub di ǂkhōs hîna kā hâ ǀgôab xa hâs khami.—Luk. 15:11-32. w21.09 30-31 ¶17-19

ǀNîsi da ge ǂguro da gere dī khami aoǁnâ sîsenni ǃnâ a dī ǁoa. ǂUrusib xa ǃaroma-e hâse. ǀNîsi da ge ǂguro da ge ūhâ i ǀgaiba ūhâ tama hâ. ǃHūbaib ǂhabase ra dīhe sîsenni ǃnâ du ra mā ǃâb ǃaroma du ge a ǃgâiaǂgao ǁkhā. Gao-aob Davib aiǁgaus xa ǂâi re. ǁÎb tsî ǁîb aogu tsîn ge ǁîgu omaridi tsî xūn tsîna. Amalekǁîna xu sī a ū oa o. 200 Khoegu ge kaise ge tsau hâ i. Tsî xūna kōǃgâs ams ai khaosǀkhāb ai ge hâ. Davib tsî ǁîb khoegu tsîn ge nē ǃkhamsa ge dan. Tsî ǂgui ǂhâǂhâsa xūna ge ūbasen. ǁÎb ge ge mî î gu ǃkham gere khoegu tsî khaosǀkhāb ai ge hâ. Khoegu tsîna nē xūna ǃamkuse ǀgoragu. (1Sam. 30:21-25) Nē ǂhôas ge sada aoǁnâ sîsen-i ǀkha a ǀgōpeǀnohe ǁkhā. Dī ǂgao du ra sîsen-e du ge. Aoǁnâs tsî ǁkhāǁkhās ǃnâ dīho tama hâ. Xawe da ga sada ǁkhāsib ǃnâ hâna dī o. O da ge khoe-i ga Jehovaba. ǂAn tsî ǁāǁnâ kaisen o, nēs ǃnâ a ǃgâiaǂgao ǁkhā. Xaweb ge Jehovaba ǃgarise da ra sîsensa ra mû. Tsî matikōse da a ǀnambisa tsî nēs ǃaroma ra ǀkhae da. ǁÎb ge ra ǁkhāǁkhā da mati da aoǁnâ sîsenni ǃnâ da ra dī ǃâb ǃnâ ǂkhîba a ūhâ ǁkhāsa. (Jhn. 14:12) ǂGomǃgâ ǁkhā da ge a Elob a ǂkhîsa ǀûsen tama da ga io. w21.10 28 ¶15-17

Kaira da ga o, o da ge ǀnîsi ra ǃao. Jehovab xa da sîsenūhe tidesa ǂkham da ge īs khami. Ama-i ge a, ǀoro ǀgaiba da ǂguros xa ūhâsa. Xawe da ge gā-aisib tsî ǂans. Hîna da ge hōsa a sîsenū ǁkhā. Tsî ǂkham ǃgâsana a ǁkhāǁkhā ǁkhā. În Jehovab di ǀapeǂhumis ǃnâ sîsenūhe ǁkhā. Tsî ǃnāsa aiǂhanuga ūǃoa. Kaira ǃgâsan ge nî ǃgamǃgamsenxa. ǂKhamkhoenan ga hui ǂgao o. ǃGamǃgamsenxa khoe-i ge nau khoena ǁî-i xa ǀgapise ra mû. (Fil. 2:3, 4) Kaira ǃgâsan hîna nē ǀgauga ra ǁgaun ge ra ǁnâuǃā. Khoe-i ǁgaumâi-e ǂgui ǀgaugu. Hîna Elobmîs ǃoagu hâgu ǃnâ a dī ǁkhāsa. Tsî i ra sîsen ǃkhaisa. ǁNā-amaga i ge ǁî-e ǃâubasen tama hâ. Khoen hoan ǁî-i ra dī ǀgaub ǃnâ ǀgui xūna nî dī ǃkhaisa. (Aoǁn. 7:10) ǁÎn ge kaise ǀō-aisa ǂansa ūhâ. ǂKhamkhoen ǀkhan nî ǀgoragusa. Xawen ge a ǂan “nē ǃhūbaib di īsib ra ǃgû-ī” ǃkhaisa. Tsî i ǀnîsi nî ǂhâbasasa ǁîn ǀasa ǀgaugu ǃnâ xūna nî dīsa.—1Kor. 7:31. w21.09 8 ¶1, 3

Jehovab ge tatsē ǁîb ǃoaba-aona. ǃGâi tamase a tsâǀkhā ǁkhā xūna dī kai tama hâ. ǁÎb ge hoan ǃnâ a ǃanu. Nēsas ge Israelǁaesa ǃgāsase gere ǁgauhe ǀgapi pristergu ǃnâ-ū. Nē mîdi ǃnâb ge sao ra ǃâba ge hâ i. ‘ǃAnusib ǃkhūb dib’ di hâba. (Eks. 28:36-38) Nē mîde gere mû khoe-i hoa-i ge ge ǂan i. Jehovab amabes ǃnâ ǃanu ǃkhaisa. O tae-e a īǁkhā Israelǁî-i ga. Mîdi pristeri ǃūsi ge ǁgoe-i ǃhuni ǀuriba xu kurusab ai hâde. ǀGūse i a sī ǁoa amaga mû tama io? Noxoba i nî ǂan Jehovab a ǃanu ǃkhaisa? Î, mâ Israelǁî-i hoa-i ge nē mîde gere ǁnâu. Haisi-ams ge aogu, taradi tsî ǀgôan hoan aisi gere khomaihe amaga. (Deu. 31:9-12) ǁNāpa ge hâ i khoen hoan ge sao ra haisi-amsa ge ǁnâu ǁkhā i: “Tita ge ǃKhūta, sadu Elota . . . Tsî du ge nî ǃanu, tita a ǃanu xui-ao.” “ǃAnu du nîga, tita a ǃanu amaga.”—Lev. 11:44, 45; 20:7, 26. w21.12 3 ¶6-7

ǀNîn ge ûis ǃgaon ǂhâhâ xūn, ǃaroma a ǂâiǂhânsen ǁkhā. ǀNîn ge ǂgui ǀgâsa khoen da hâ ǃnâ ǃhūb ǃnâ a ǁan ǁkhā. Sîsen-e hōs a ǃgomba. Tsî i ge ǁîna a ǃgomba ǁkhā. ǂÂusa mari-e ǀhaoǀhaosa ǁîn omarisa kōǃgâs ǃaroma. Tamas ka io i ge omsa goro kōǃgâ khoe-e a ǁō ǁkhā. Tsî omarisa marisise kōǃgâhes ǃgomsib ǀkha a ǁnāxu ǁkhā. ǃGâiba da ge nî hō, ǂhansende da ga ǂgomǃgâsib ǀkha ǃkhōǃkhūni o. ǂÂihō re Jehovab ge ra mîmâi. Sada di ǂhâsigab nî kōǃgâ ǃkhaisa. Gagasi xūna da ga ǂgurose mâi o. (Mat. 6:32, 33) ǁÎb ge hoaǁae nē daoǁgausa gere sao. (Deu. 8:4, 15, 16; Psa. 37:25) Jehovab ga aniron tsî hain tsîna a kōǃgâ ǁkhā o. O da ge ǂhânsenba da nî ǃaroma-e ūhâ tama hâ. Tae-e da nî ǂû tamas ka io ās di-e. (Mat. 6:26-30; Fil. 4:6, 7) ǀNammi ǁgûna ra ǂkhâǃnâ. În ǂhân hâ xūna ǁîn ôana mās. ǁKhās khamib ge ǀnamma sada. ǀHommsi ǁGûba ra ǂkhâǃnâ. Îb ǁîb khoen ǂhâsiga kōǃgâ. w21.12 17 ¶4-5; 18 ¶8

Sadu tsîna khoe-i xa kaise ge tsûtsûhe hâ i. ǀNîsi ǀhaohâb ǃnâ hâ ǃgâsas tamas ka io ǃgâsab xa? Joseb di aiǁgaus xa ǂâi re hîna ge ǁîb aputigu xa ǃgâi tamase gere hâ ūhe ba. Tsîb ge ǁîb ǂâisa Jehovaba ǃoabas ai ge mâi hâ i. Jehovab ge Joseba ǁîb ǃnūǃnâxasib ǃaroma ge ǀkhae. ǁAeb ra ī khamib ge Joseba ǁîba ge tsûtsûna ge ǀûba. Tsî mû re matib ge Jehovaba xa ǀkhae-e ǀgauba. (Gen. 45:5) Joseb khami da ge sada tsîna ra ǁkhaeǂgaohe. Jehovab ǀgūse da ga ra sī o. Tsî da ga ǁîb ai ǃâu o. ǂHanuoǃnâsiba ǂhanu ǁaeb ai ǂhanu ǂhanuhesa. (Psa. 7:17; 73:28) ǀNîsi du ga ǂhanuoǃnâsib tamas ka io. ǀNî hâ ǃaromadi ai ǃgomsina ga ra hōǃgâ o. ǂÂi re Jehovab “khôaǂkhūsa ǂgaoga” ūhân tawa ra ǀgūsa. (Psa. 34:18) ǁÎb ge sadu ǃnūǃnâxasib ǃaroma a ǀnam du. Tsî sadu ǃgomsina ǁîb ai aos ǃaromas tsîna. (Psa. 55:22) ǁÎb ge a ǀgoraǃgâ-ao hoa ǃhūbaib ǃaroma. ǁÎb ge hoa xūn hîna ra īna ra mû. (1Pet. 3:12) ǀGaisa ǃgomsin ūbehe ǁoana du ga hōǃâ o. Jehovab ai du ra ǃâu? w21.08 11 ¶14; 12 ¶16

ǃGâi i ge nî sida ûiba sîsenūsa. Jehovaba ra ǂkhî kai xūn ǃnâ. ǃGâi xūna da ge nî ǁhûi. ǀNî ǁaegu ai sida ǁaeba ǃgâi ǀgaub ǃnâ sîsenūs, ǃaroma da ge ǀgam ǃgâi tama xūn ǁaegu nî ǁhûi. Nēsa da ge a mû ǁkhā tae-i ge īsa. Jesub ge Marias tsî Marta hâra di omsa a sari o. Martas ge kaise ge ǂkhî i, Jesuba sari-aob ase ūhâsa. Tsîs ge ǃgâi ǂû-e ge aiǂhomibabi. Marias ge ǁnā ǁaeba sîsenū tsî Jesub ǀgūse ǂnû tsî ǁîb di ǁkhāǁkhāde gere ǃgâ. Martas ge dī i ge ǁgai tama ge hâ i. Xaweb ge Jesuba ge mî. Marias ge “ǃgâi amǃnâsa go ǁhûiǂuibasen” ǃkhaisa. (Luk. 10:38-42) Tsēdi ra ǃkharu khamis ge Mariasa ǀnîsi ǀnai ge ǀuru ǁnā tsēs ge ǂû ǂû-e. Xawe da ge ǂanǃgâ ǁkhā ǁîs ge tātsē ǀuru tama hâ isa. Tae-es ge Jesuba xu ǁkhāǁkhāsen sa. Marias ge ǁnā ǂkhari ǁaeroba Jesub ǀkha gere ǃgôaǃgâ khami. Da ge sida tsîna sida ǁaeba Jehovab ǀkha ra ǃgôaǃgâ. w22.01 27 ¶5-6

Axab ge ǁnā ǁaeb ai ǃhausen nî hâ ǃkhaisa. Jehovab ais ai a ǁgau xawe. Î ge saoraseb ge dī xū-e amaseb ǃhausen tama hâsa ge ǁgau. ǁÎb ge Baali ǀgoreǀîsa ǁîb gaosiba xu ge ūbe ǂgao tama hâ i. Tsîb ge khoena ge ǂkhâǃnâ tama hâ i în Jehovaba ǃoaba. Axab ge ǁōs khaoǃgâb ge Jehovaba matib ǁîb xa ra tsâsa ge mî. Elob kēbo-aob Jehub ge ge mî ǁîb ‘ǁgai’ ǀgauba ūhâsa. (2Kro. 19:1, 2) Nēs xa ǂâi re: Axab ga amabes ǃnâ ǃhausen hâ o. Ob ge kēbo-aoba ǁgai khoeb hîna Jehovaba ǃhuisab ase ga mûbi tama hâ. Axab ge ǃhausen nî hâ di a mî xaweb ge amabes ǃnâ ge ǃhausen tama hâ i. Tae-e da Axab di aiǁgausa xu a ǁkhāǁkhāsen ǁkhā? Eliab ge Axaba mîba o ǁîb surib nî hîkākāhesa, ob ge ge ǃgamǃgamsen. ǁNās ge ge ǃgâi tsoatsoa i. Xawe egab ge dī xūn ge ge ǁgau. Amabes ǃnâb ge ǃhausen tama hâ i sa. Ama ǃhausen da ga o, o da ge dī da go ǁoren. ǃAroma da ra tsûaǂgao di ǀgui mî ǂgao tama hâ. w21.10 3 ¶4-5, 7-8

Jesajab ge ge kēbo-ao i. Tsî ǁîb kaikhoes tsîn ge kēbo-ao ǁgaumâide ge ūhâ i. “Kēbo-aos” tis gere ǂgaihe amaga. (Jes. 8:1-4) Jesajab tsî ǁîb di taras hâra tsîn ge Jehovaba ǃoabasa. ǂGurose ǁîra ûib ǃnâ gere mâi. ǃGamme hâ khoen tsîn ge nētsē. Jesajab tsî ǁîb taras aiǁgausa a ǁgae ǁkhā. Dī ǁkhān a xū-i hoa-e Jehovab ǃoabas ǃnâ dīs ǃnâ-ū. Elobmîs kēbode ôaǃnâ tsî mû. Mati di ge ama kaisas ǃnâ-ūn ge. ǁÎn ǂgomsa Jehovab ǃnâ a ǀgaiǀgai ǁkhā. (Tit. 1:2) ǁÎn ge a ǂâi ǁkhā tae huiban a mā ǁkhāsa. ǀNî Elobmîs kēbode ama kais ǃnâ. Aiǁgausen, ge Jesub kēbosa dīǀoaǀoahes ǃnâ a hui ǁkhā. ǃGâiǂhôas ge nî aoǁnâhe hoa ǃhūbaib ǃnâ ǀams nî hās aiǃâ. ǃGamme hâ khoera ga ǂgomǃgâsiba ūhâ o. Elobmîs kēbodi ra dīǀoaǀoahesa, o ra ge ǃnāsa-e Jehovaba nî dība ǂgao. w21.11 16 ¶9-10

Jesub mas ge ǀnîsi ǁnā ǁaeb ai ge ǃoa tara-i. Tsîb ge gere ǂhâba is ǁîsa kōǃgâ-e. ǁNā amagab ge ǀnammi xa ǁkharihe hâse Johanneba ge mîba ib Mariasa kōǃgâ. Jesub ge ge ǂan i Johanneb ǁîsa gagasise nî kōǃgâsa. ǁNā tsēsa xub ge Johanneba Marias di ǀgôab ase ge i. Tsîb ge ǁîsa mamasas ase gere kōǃgâ. Jesub ge ǀgaisa ǀnamma ǁnā ǀō-aisa tarasa ge ǁgau. Hîna ge ǁîba ǃnaetsēs ai kōǃgâ tsî ǁîb di ǁōb tsēs ai ǁnāpa mā isa. Tae-e da Jesub ge mî mîde xu a ǁkhāǁkhāsen ǁkhā? Sida Xristeǁîn ǀkha da ūhâ ǀhōsagus ge a ǀgaisa ǁkhā. Sida omaris ǁanina da ūba hân xa. Sida di omaris di ǁanin ge a mâǃoada ǁkhā tsî a ǁnāxu da ǁkhā. Xawe Jesub ge ra mîmâi sada ga Jehovab tsî ǁîb di ǀapeǂhumis ǀgūse ga ra hâ o. O da ge “kaidisi ǃnādi kōse” ǃnā hâna ǂoaǃnâ da kos xa nî ǃkhōǃoa. ǂGuin ge ǀgôab, ǀgôas mamasas tsî dadasab ase nî ība da. (Mrk. 10:29, 30) Mati du ra tsâ gagasi omaris hîna nau khoen tsî Jehovaba ǀnamman ǃâ du asa?—Kol. 3:14; 1Pet. 2:17. w21.04 9-11 ¶7-8

ǂGomǂgomsa ǀnammi ge nî hui da î da nauna ǃnāsase hui. Nētsē, ǃkharu ge ǁaeb ǃnâ gere dīhe khami. În ge sida ǃgâsana ra ǁhûi nau ǃgâsana ǂgomǂgomsa ǀnamma ǁgausa. Tsî ǁnān hînan a ǀūn tsîna. Aiǁgause tsūkeǃgân ga hâ o. On ge ra ǂan ǂgao matin a hui ǁkhāsa. ǀHaohâb ǃgâsa-i ga marisi ǃgomsiga ūhâ o. On ge ǃhaese ra ǂanǂui ǂgao tae-en ǁnā ǃgâsa-e ǂhâ hâsa tsî ra hui. ǂGurokham ǁaeb Masedoniab ǃgâsan khamin ge ǂhâsa huib xa ǃnāsa-e ra dī. ǁÎn ǁaeb tsî ǁîn xūn tsînan ge ra mā. ‘ǁKhāsib ǂamain ge ra mā.’ ǁKhāsib ǃnâ hâ tama ǃgâsana huis ǃaroma. (2Kor. 8:3) ǀNamxaǃnâ ǀhaohâb ǃûi-aogu ge kaise ra ǃgôaǃgâ. ǃGâsagu tsî ǃgâsadi ra mā huiba. ǀNî ǁaegu ai ǃgâsana koasa mās ge ǁîna ǀgaiba nî mā în aiǃgû.—Jes. 32:1, 2. w21.11 11 ¶14; 12 ¶21

Hoada ge ǁnama-e sa ǂhâhâ, ǁaeba xu ǁaeb ǀkha. ǀNî ǁaegu ai da ge, ǃgôasiba da ūba hâ. Khoe-i ai ǁnamasa a ǂgan ǁkhā. ǀNî ǁaegu ai i ge ǃgâsa-i hîna ra tsâba da e. ‘ǃGâi tama daob’ ai da ǃgû garusa a mîba da ǁkhā. ǁNā-i hîna da ega sī nî ǃhausen-e. (Gal. 6:1) ǀUnigase da ge ǃkharagaǃnâgu ǀgaugu ǃnâ ǁnamasa a māhe ǁkhā. ǁGai xū-e da dīsa toa hâs khaoǃgâ. Dītsâ da ge nî ǁnamasa ūǃoasa. Mâǀgaub hoaba xu i ga ǀkhī xawe. ǁNāsa dīs ge sida ǃaroma ǃgâi tsî ûib sida diba a sâu ǁkhā. (ǂKhm. 6:23) Tsēs mîs ge ra ǂkhâǃnâ da î da ‘gā-ai khoen di mîde ūǃoa.’ Khoe-i ge a ǀkhai hoa xūna a ǂan-e. Hoaǁae-i ge khoe-e hâ hîna ǃnāsase xūn xa ǂan-e. Tamas ka io sida xa ǃnāsa ǂansa ūhâ-e. (ǂKhm. 12:15) ǁNā-amaga da ga ǁnamasa ga ra ǃgâ o. Os ge ǁnāsa ra ǁgau, ǃgamǃgamsenxa da a ǃkhaisa. ǁNās ge ra ǁgau sida tsîn dīsade ūhâsa. Tsî nau khoen di huiba ǂhâhâsa. Î da sida mîǁguiga sīǃnâ. Gao-aob Salomoba ge nēti ge xoa: ‘Xawe ǂguisib ǀapemā-aon diba xus ge mâs hoas âde nîra mâhō.’—ǂKhm. 15:22. w22.02 8 ¶1-2

Ama ǃhausens ge mîs ǀguisa dīs xa ǃnāsa-e ǃkhōǂgā hâ. Nēs ge sada ǂâiǀgaub tsî ǂgaob tsî dī da ra xūn ǃnâ. ǀKharaǀkharana ǁgausa ǃkhōǂgā hâ. Nēs ge sada ǁgai ǀgauga ǀam kai. Tsî Jehovab ǁgaraga ǁkhapa ǁnâuǀnamsa ǃkhōǂgā hâ. (Ese. 33:14-16) ǁOre-ao i ǃaroma a ǂhâǂhâsa xū-i ge Jehovab ǀkha i ūhâ ǀhōsagusisa ǃgâiǃgâisa. Tae-e da nî dī sada di ǀgū ǀhōsa-i ga tsū ǁore-e a dī o? Sadu ǀhōsa-e du ge a tsûtsû ǁkhā ǁî-i di ǁoreba du ga sâu ǂgao o. ǁOre-e da ge a sâu ǁoa. Jehovab hoana ra mû amaga. (ǂKhm. 5:21, 22) Sadu ǀhōsa-e du ge a hui ǁkhā. ǁÎ-e mîbas ǃnâ-ū, ǀhaohâb ǃûi-aogu ra ǁî-e hui ǂgaosa. Sadu ǀhōsa-i ga ǂkhā o, ǀhaohâb ǃûi-aoga ǁî-i ǁore-e mîbasa. O du ge sado ǀhaohâb ǃûi-aoga nî mîba. Nēs ǃnâ-u du ge ra ǁgau sadu ǀhōsa-e du amabes ǃnâ ra hui ǂgaosa. w21.10 7 ¶19-21

Hoada ge Jesub di māsenxa gagaba xu a ǁkhāǁkhāsen ǁkhā. Elobmîs ge ra mî ‘ǁîb ge ǃgāb di īsiba’ a ūsa. (Phil. 2:7) ǃGâi ǃgāb ge ǀgauga nî ôa. ǁÎb di ǀhonkhoeba ǂkhîǂkhîs ǃaroma. Jehovab di ǃgā tsî sadu di ǃgâsan di ǃoaba-ao du ase du ge. Sadu tsîna ǁnā turaba ūhâ. Î du ǃnāsase Jehovab tsî sadu di ǃgâsan tsîna sîsenba. Aitsama dîsen re: ‘Māsenxa ta a î ta ti ǁaeb tsî ǁkhāsib tsîna nau khoena huis ǃnâ sîsenū? ǃHaese ta ra māsen î ta hui kai ǀhaos ra ūhâ-e ǃkhaigu. Tamas ka io ǀhaohâb ga ǃanuhe o? ǀNîsi du ge go mûǂan ǀnî ǃkhain ai du nî ǃgâiǃgâisa. Xawe du ge ǂkhâǃnâsa ūhâ tama hâ, î du ǁnā ǀkharaǀkharasa dī. ǁNāti i ga ī o, ǂgaoba xu Jehovaba ǃoa ǀgore re. Jehovaba mîba re mati du ra tsâsa. Tsî ǂgan bi re, îb ‘ǂâibasens tsî dīs tsîn di ǁkhāsiba’ mādu.—Fil. 2:13. w22.02 22-23 ¶9-11

Jesub ge ge khoexaǃnâ i. ǁÎb ge khoexaǃnâsiba tsaura. Tsî ǁnâuǃāsa ǀgaub ǃnâ gere ǁgau. ǃGom mâsigu ǃnâs tsîna. (Mat. 11:29, 30) Aiǁgauses ge Kanaanǁî tarasa ǀkhomabi o. Îb ǁîs di ǀgôa-e ǂgauǂgau. Ob ge khoexaǃnâ ǀgaub ǃnâ ǁîs ǀkha ge ǃhoa. ǂGuroseb ge ǁîs ge ǂgan xū-e ge dī tama hâ i. Xawes ge ǁîsa ǀgaisa ǂgomsa ǁgau. Ob ge ǁîs di ǀgôa-e ge ǂgauǂgau. (Mat. 15:22-28) Jesub ge khoexaǃnâb ge i xawe. ǁKhaesen tama ge hâ i khoena ǁnamasa māsa xu. ǀNî ǁaegab ge khoexaǃnâsiba gere ǁgau. ǁNān hînab ǁîba ǀnamna ǃoa ǃhoa-ūs ǃnâ-ū. Aiǁgause, Petrub ge Jesub nî Jehovab ǂâisa dīsa gere ǁkhae ǁaeb ai. Îb ge Jesuba nau ǁkhāǁkhāsabegu ais ai ge mî-ūnubabi. (Mrk. 8:32, 33) Nēsab ge ge dī tama hâ îb Petruba taotao. Xaweb ge ǁnāsa ge dī îb ǁîba ǁkhāǁkhā. Tsî nau ǁkhāǁkhāsabegu tsîna hui î gu tā ǀgapiǂâixa. Ama as ge Petrub ge taoba a hōǃâsa. Xaweb ge ǃgâiba ǁnā ǁnamasa xu ge hō. ǀNî ǁaegu ai i ge ǀnamma ǁgausa ra ǂâibasen. Khoen hîna du a ǀnamna ǁnamasa māsa. ǁNāsa du ra dī hîna Jesub khami. Sadu ǁnamasa Elobmîs ai ǃgaoǃgao re. w22.03 11 ¶12-13

Jehovaba da ge ra ǃoaba, koabi da ga o. (Psa. 34:1) Jehovaba da ge ra koa khoena da ga mîba o. Mati da ǁîb di ǀgaugu tsî sîsengu tsîna a ǀnamsa. ǂGui ǃgâi xūn hîna da Jehovab xa nî mîna da ge ūhâ. Tsî da ga ǃgôaǃgâsiba ūhâ o. Jehovab ge dība da ǃgâi xūn xa. O da ge ǂgui ǃaromade nî ūhâ ǁîba koasa. Aoǁnâ da ga o da ge ‘Eloba koaǁguibasa ra ǁguiba. ǁNās ge amǁgaugu di ǂûsa.’ ǀGore da nîs aiǃâ da ge Jehovaba da nî mîba xūn xa nî ǂâiǃgâ. ǁNās ǁkhās khami da ge aoǁnâ da nîs aiǃâ. Tae-e da aoǁnâba da ra khoe-e nî mîbas xa nî ǂâiǃgâ. “Sada di koaǁguibas” nî ǃgâi ǃkhaisa da ge ra ǂhâba. ǁNā-amaga da ge amaba nau khoen ǀkha ra ǀgoragu. Tsî da ge nēsa ǂgaoba xu ôasase ra dī. w22.03 21 ¶8