Januarib

Tae-e Timoteuba, Jehovab ǃoagu gere ǃgâi ǃoaba-ao kai? ǁÎb di ǂoaǂamsa Xristeǁî ǀgauga o. (Fil. 2:​19-22) Apostel Paulub ge Timoteub xa mî xūna xu da ge ra mû. ǁÎb ge ǃgamǃgamsenxa, ǂhauǃnâ, māsenxa tsî ǂgomǃgâhe ǁkhā isa. ǁÎb ge ǃgâsana gere tsâba ǁnās ǃaromab ge Pauluba, Timoteuba ge ǀnam i. Tsî ge ǃkhō-oasen tama hâ i ǃgom ǁgaumâina mābis ǀkha. ǁKhā ǀgaub ǃnâb ge Jehovaba sida nî ǀnam. Tsî da ge ǀhaohâb ǃnâ nî sîsenūhe. ǁÎb a ǀnam ǀgauga da ga ūhâ o. (Psa. 25:9; 138:6) ǀGore tsî ǂâiǃgâ re mâǀgau-i sadu di-e du ra ǃgâiǃgâi ǂgaosa. Sîsen ai ǂgao du ra ǀgauba ǁhûi re. Tsâbaǁkhaoxasiba du nau ǃgâsana a ǁgau ǁkhā? Tamas ka io du ǃnāsase ǂkhîba kuru tsî nî ǀûbaxa? ǀNîsi du ge ǂgomǃgâ du ra ǀhōsa-e a dî ǁkhā. Mâ ǀgauga du nî sîsen aisa.—ǂKhm. 27:6. w22.04 23 ¶4-5

Jehovab ge ǂhâba hâ î da ǂkhîba ūhâ. Nēsa da ge a ǂan, ǃgâiaǂgaob a gagab di ǂû amaga. (Gal. 5:22) Mās ge ūs ǃgâ-ai a ǃgâi. ǁNā-amaga da ge ǃgâiaǂgaoba ra hōǃâ, aoǁnâ sîsen-e da ga dī tsî ǃgâsanahui o. (ǃNǃkh. 20:35) Nētsēs mîs ǃnâb ge apostel Pauluba ǀgam xūn xa ra ǃhoa. Hîna a hui da ǁkhāna, î da ǃgâiaǂgao ǀgara. ǂGurose, Jehovaba da ge ǁkhā da a-e nî mā. Sida ǁkhāsib ǃnâ hâ i hoa-e da ga mā, o da ge nî ǂkhî. (Mat. 22:​36-38) ǀGamǁîse, tā da ge nau khoen ǀkha nî ǀgopeǀnōsen. Sida di ǂurusib, ǁkhāǁkhāsens. Tsî ǂans xa ǃaromahe hâse da a dī ǁkhā xūn ǃgao, da ge Jehovaba nî gangan. Nau ǃgâsan ga sida xa aoǁnâ sîsenni ǃnâ a ǃgâi, o da ge ra ǃgâiaǂgao. ǁÎn ǁkhāsib tsî ǂans tsîna ra sîsenū amaga, în Jehovaba koa. w22.04 10 ¶1-2

Babilons di ǀams ge ǃhaese nî hā. Tsî ǁnās ge ǃhūbaiba kaise nî buru kai. (J.ǂHa. 18:​8-10) Babilons kais di dīkākās ge hoaraga ǃhūbaiba ǀgaisase nî tsâǀkhā. Tsî ǁnās ǀkhās tsîna ǃgomsiba nî ǃaroma. Xawen ge Elob khoena ǀgam ǃaroma ra nî ūhâ, ǃgâiaǂgaos di ra. Nē kaxuse hâ khākhoeb Jehova Elob dib ge ǀamosib kōse nî bē. Tsî da ge ǁnās ǀkhas tsîna ǀgūǁae oresa nē ǁgai ǃhūbaiba xu nî hō. Danieli ge ge mî “amab ǂans nî ǀarosen” ǃkhaisa. Tsî ǁnās ge ge ama ī. Nēsi da ge sida ǁaeb di kēbode ra ǁnâuǃā. (Dan. 12:​4, 9, 10) Nē kēbodi ge kaise a ǃgâi tsî ǁnās ǀkha. Sida ǃgôaǃgâsiba Jehovab tsî ǁîb di mîsa ra ǁgau kai. (Jes. 46:10; 55:11) ǁNā-amaga aiǃgû re î du sadu ǂgomsa ǀgaiǀgai, xoade ǁkhāǁkhāsens ǃnâ-ū. Tsî naun tsîna ra huise, în ǃgâi ǀhōsagusisa Jehovab ǀkha ūhâ. ǁÎb ge nî daoǁgau ǁnān hîna ǀoasase ǁîb ai ra ǂgomǃgâna. Tsîb ge ǁîn tsîna “ǂkhîba” nî mā.—Jes. 26:3. w22.07 6-7 ¶16-17

ǂHaiǂhais ǂkhanis ge ra ǁgau, Elob Gaosib ǀhommi ǃnâ ra ǂgaeǂguisa. Tsîb ge ǁGâuaba ǀhomma xu a aoǁnâhesa. (J.ǂHa. 12:​1-9) Nēs ge ra ǂâibasen ǀhommi ǃnâ i ǂkhîba hâsa tsî ǃhūbaib ai ǃgomsiba hâsa. Tae-i ǃaroma? ǁGâuab ǁaixa hâ tsî ǃhūbaib ai, Jehovaba ǂgomǂgomsase ra ǃoabana ra ǁnāǂam amaga. (J.ǂHa. 12:​12, 15, 17) Mati da ǂgomǂgomsase a hâ ǀgara ǁkhā. ǁGâuab ga ǁnāǂam da xawe? (J.ǂHa. 13:10) ǀGui xū-i hîna nî hui da i ge, hānîǁaeb ǃnâ i tae-e nî īsa ǂansa. Aiǁgauseb ge apostel Johaneba ǂHaiǂhais ǂkhanis ǃnâ ǀnî ǀkhaegu hîna da nî hōǃâ gu xa ra ǃhoa. ǁNā ǀkhaegu di ǀgui-i ge, Elob khākhoen ge nî dīkākāhe. ǂGuro danaǃâs ǂHaiǂhais dis ge ra mîba da. Xoa-e hâ xūn ‘ǁgauǁgaudi’ ǃnâ hâsa tsî ǂkhōdi ase ra sîsenūhesa.—J.ǂHa. 1:1. w22.05 8 ¶1-3

ǂGomǂgomsa ǃoaba-aon Jehovab din ra mâǀgara amagan ge ǁnān hîna Jehovaba ra mâǃoana nî ǁaixa. Nēs xa ǃaromahe hâse i ge ǃhūga ǀhaohâse. Jehovab ǃoaba-aona ǃhūbaib ǂhawase nî ǁnāǂam. Nē ǁnāǂams ge Gogi ǃhūb Magogi di ra ǂgaihe. (Ese. 38:​14-15) Jehovaba nē ǁnāǂams xa tae-e nî dī? ǁÎb ge ra mî: ‘Ob ge ti ǁaiba nî khâi’ ti. (Ese. 38:​18, 21-23) ǂHaiǂhais di 19ǁî danaǃâsa, tae-i sao rase nî īsa ra ǁguiǃā? Jehovab ge ǁîb ǀgôaba ra sî, îb ǁîb khoena ǁkhauba tsî ǁîb mâǃoa-aona dīkākā. Jesub ge “ǀhommi ǃnâ hân” ǀkha nî sîsenǀhao. ǁNān ge ǂgomǂgomsa ǀhomǃgāgu tsî 144 000 ǂhauhesan tsîna. (J.ǂHa. 17:14; 19:​11-15) Nē toroba mati nî ǀam? Hoa khoen tsî groep di hîna Jehovaba ra mâǃoan ge nî dīkākāhe.—J.ǂHa. 19:​19-21. w22.05 17 ¶9-10

Adammi tsî Eva hâra ge ǁore toas khaoǃgâb ge Jehovaba. ǁÎra di ôana ǃgâi kēbos ǃnâ-ū ǃâubasensa ge mā. ǁÎb ge mî mîde ge Genesis 3:15 ǃnâ xoamâisa: “Sats tsî khoes hâro ǁaegu ta ge khākhoegusisa nî dī, tsîb ge sa surib tsî ǁîs di surib tsîna hoaǁae nî khākhoegu. ǁÎs surib ge sa danasa nî ǂkhūǂkhū tsî sats ge ǁîs suriba. ǃnôas ai nî nâ.” Nē kēbos ge ǂguro ǂkhanis Elobmîs dis ǃnâ hâ. Xawe i ge nau Elobmîs ǂkhanidi tsîna ǃkharagagu ǀgaugu ǃnâ nē kēbos ǀkha ra ǃgûǀhao. Elobmîs ǃgâb ǀkhāb, xoasa ǂkhanidi hoade ra ǃkhōǀhao khami i ge Genesis 3:15 ǃnâ hâ xūn tsîna, ǀgui haisi-ams ǀguisa ūhâ. ǁNās ge, Elob nî ore-aoba sîsa, hîna ǁGâuab tsî ǁîb di sao-aon tsîna nî dīkākāba. Tsî ǁnā i ge kaise nî ǃgâi, ǁnān hîna Jehovaba ǀnaman ǃaroma. Elobmîsa ǁkhāǁkhāsens ge nî hui da, î da mû nē kēbos ra dīǀoaǀoahe ǀgausa. Tsî mati da sida ǁnāsa xu ǃgâiba ra hōsa. w22.07 14 ¶1-3

Jehovaba ǂgan re, îb ǂhâ du hâ gā-aisiba mā du, î du sadu ǀgôana hui în ǁîba ǀnam. (Jak. 1:5) ǁÎb ge ǂansa ūhâ, ǃgâi ǀapemāde māsa. ǂGui ǃaromadi ge hâ xawe ǀgam ra kō re. ǂGurose, Jehovab ge ǁgû-i ase ǃnāsa ǂansa ūhâ. (Psa. 36:9) Tsî ǀgamǁîse, gā-ai ǀapemās hînab ra mās ge hoaǁae ǃgâiba ra hau. (Jes. 48:17) Elobmîs tsî ǁîb di ǀapeǂhumis ǃnâ-ūb ge Jehovaba. ǁGûna ǂgui gagasi ǂûna ra mā hîna nî huina, în ǁîn ǀgôana kai kai în Jehovaba ǀnam. (Mat. 24:45) Aiǁgause du ge “Sa omaris ge ǂkhîba ūhâ ǁkhā” di ǀon hâ ǂkhanib ǃnâ ǀapemāde a hō ǁkhā. Hîna ǂkhanigu ǃâb ǃnâ, jw.orgs ai a hō-e ǁkhāba. ǂGui vidiogu hîna jw.orgs ai hâ gu ge dîǃnâdi tsî dramadi tsîna ūhâ. Tsî ǁgûna a hui ǁkhā în Jehovab di ǀapemāsa sîsenū, ǀgôana kai kais ǃnâ.—ǂKhm. 2:​4, 5. w22.05 27 ¶4-5

Jehovab ge amabes ǃnâ, ǃhūbaib hoab ǃnâ a ǃgâi ǀûba-ao. ǂGuroseb, ge hoaǁae ra ǀûba. ǀGamǁîseb, ge hoa xūna sida xa a ǂan. ǁÎb ge sida kuruhe hâ ǀgaub tsîna ǃamukuse a ǂan, ǁnās ǀkha ǂhanuse a mî ǁkhā ǃhausen da hâsa. Tsî ǃnonaǁîse, Jehovab ga ǀûba da o. O i ge ǁnāsa ǁîb ǃoagu, ǁore tama da go hâ-i khami ī. Tsî nēs ge ra īǁkhā kai, î da ǃanu ǃgâiǂâis tsî ǁîb mā-ams tsîna hō. Ama as ge ǀoasa kurusa da ūhâ tama hâs kōse da nî ǁoresa. Xawe da ge ǁkhaeǂgaosa Insight on the Scriptures, Volume 2 ǃnâ hâ mîdi hîna 771ǁî ǂhaweb ai hâde xu ra hō. Sao rase ra mî de: “Jehovab ǀkhomxaǃnâse ǁîb ǃoaba-aon ǂkhabusasiga ra kō, hîna î ge ǂhâbasa tama hâ în ǀnain ge dī hâ-i xūn xa tsūse tsâ. Hînan ge ǀoasa tama kurusa xu a hōna. (Psa. 103:​8-14; 130:3) Dītsâ tsîn ga Elob ǀgaugu ǃoagu ûi o. On ge ǂkhîba a ūhâ ǁkhā.—Fil. 4:​4-6; 1Jhn. 3:​19-22. w22.06 7 ¶18-19

ǁGâuab ge ǂhanugu xa mâǃoahes di ǃaob ǀguiba sîsenū tama hâ. ǀNîn xa i ge omaris ǁaninan ūba hâ ǃaoba kaise a kai, ǂnauhes xa. ǁÎn ge kaise ǁîn omaris khoena a ǀnam. Tsî ra ǂhâba în Jehovaba ǂan tsî ǀnam tsoatsoa. ǁÎn ge ǁgaise ra tsâ ǁîn omaris ǁanin ga Elob tsî ǁîb ǃoaba-aon xa ǁgai xūna ga ra mî o. ǀNî omaris ǁanin hîna gere mâǃoa dan ge Jehovaba ge ǃoaba tsoatsoa. Sida di ǀasa ǂgoms ǃaroma i ga omaris ǁanina ǀūxu da o, tae-e da nî dī? Mati da nî tanisen? ǁKhaeǂgaohe da ge ra îsa mîdi hîna Psalmdi 27:10 ǃnâ xoasa di xa. Jehovab matikōse ǀnam das xa da ga ǂâi, oda ge ǃao tide. Tae-i nî isa sida omaris ǁanin ga ǀūxu da o. Tsî da ge ǂgomǃgâsiba ūhâ Jehovab nî ǀkhae dasa mâ ǃkharu da ra ǃkhais ǃaroma. Jehovab ge ǂhâ da hâ xūn hoana nî mā da. Tsî nî hui da î da ǃnomsa tsî ǂkhî tsî ǁîb ǀgūse hâ. w22.06 16-17 ¶11-13

Jesub ge ǃhūbaib aib gere aoǁnâ o gere ǀhapiǂgā-amhe. Xûi ā-ao, kaise ǂû, tsîb ǁGâuaba ra sîsenbasa. Tsîb sâtsēb ǂhanuba ǁnâuǀnam tama i tsî Eloba ra mâǃoasa. (Mat. 11:19; 26:65; Luk. 11:15; Jhn. 9:16) Xaweb ge Jesuba ǁaixa tsî ge mî ǃoa tama hâ i. Jesub khami da ge tā nî mî ǃoa ǂgao. ǁGaise da ga ǃhoa-ūhe xawe. (1Pet. 2:​22-23) ǁNāti ī ǀgaub ǃnâ ǃkhō-oasens ge supu tama hâ. (Jak. 3:2) Tae-e a hui da ǁkhā? Aoǁnâ da ra hîna i ga khoe-e ǃgâi tamase sida ǀkha ǃhoa, o da ge nî dītsâ î da tā ǁaixa. ǃGâsab hîna Sam di ǀon hâb ge ra mî: “Aoǁnâba ta ra khoe-i amaba nî ūǃoas ai ta ge ti ǂâisa ra ǂnûi. Tsî i ǁî-e hānîǁaeb ǃnâ nî ǀkharaǀkharasensa.” ǀNî ǁaegu ain ge aoǁnâba da ra khoena ra ǁaixa, ǃgâi tama ǁaeb ai da ra ǁîna sari amaga. ǁAixa hâ khoe-i ǀkha da ga ǃhoa, o da ge ǂgaob ǃnâ ǃnubuse a ǀgore ǁkhā. Tsî Jehovaba a ǂgan ǁkhā îb hui da, î da ǃnomsase hâ. Tsî ǃkhō-oasen tsū tsî ǃgâi tama xū-e mîsa xu. w22.04 6 ¶8-9

ǂHâǂhâsa ǀgaub hîna da ǀgôana Jehovaba ǃoa ǀgūs ǀkha nî huib ge, ǁîn ǀkha ǀguiba Elobmîs ǁkhāǁkhāsa dīsa. (2Tim. 3:​14-17) Xawe Elobmîs ge ǀnî hâ ǀgaub hînan ǂkhamkhoena Jehovab xa a ǁkhāǁkhāsen ǁkhāsa ra ǁgau. ǂKhoamîdi ǂkhanis ǃnâb ge ǁgûba ǁîb di ǀgôaba ra ǂâiǂâiǃnâ, îb tā Jehovab ǀgaugu hîna kurus ǃnâ ra ǁgauhe ga tātsē ǀuru. (ǂKhm. 3:​19-21) ǁGûdo, sadu ge ǀnîsi a ǃgâibahe oms ǃauga sadu ǀgôan ǀkha hâsa. ǁNā ǁaeba sîsen-ū tsî sadu ǀgôana hui re în “kuruhe hâ xūn” tsî Jehovab buruxa ǀgaugu ǁaegu hâ ǃgaeǁaresa mû. (Rom. 1:20) ǃGaoǃgâ re, matib ge Jesuba kurusa sîsenū tsî gere ǁkhāǁkhā ǀgauba. ǀGui ǁaeb ge Jesuba ǁîb di ǁkhāǁkhāsabega ge ǂan, î gu gora anigu tsî ǃkhāron (blomna) ǃoa kō. (Luk. 12:​24, 27-30) Jesub ge ǂhâǂhâsa xū-e ǁîb ǁkhāǁkhāsabega ge ǁkhāǁkhā. ǁÎgu di ǀhomsi ǁGûb māxa tsî a khoexaǃnâsa: Jehovab ge ǁîb di ǂgomǂgomsa ǃoaba-aona ǂûmā tsî nî ana. ǃGārob ǃnâ hâ gora anigu tsî blomnab ra dība khami. w23.03 20-21 ¶1-4

Jehovaba da ge ra gangan. ǁÎb ǀgôab ǃnā-ū da, ǁîba ǃoa a ǀgore ǁkhā ǃkhais ǃaroma. Jehovab ge Jesub ǃnâ-ū, ǂgan da ra xūna ra mā da. Jehovab ge Jesub ǀons ǃnâ ra dīhe ǀgorede, ǃgâ tsî ra ǁnâu-am. Jesub ge ge ǁguiǃā Jehovab sida di ǁorena ra ǀûbasa, Jesub xoremarib ǃnâ-ū. (Rom. 5:1) Xoadi ge ra mî Jesub ge “ǀgapipristeri, Elob ǀhommi ǃnâ hâ Kaisib trons di amǀkhāb ai ǂnôaba.” (Heb. 8:1) Jesub ge sida “ǁGûb tawa ra ǂnoaba.” (1Jhn. 2:1) Jehovaba da ge ra gangan ǀgapipristeri ǃaroma, hîna sida ǂkhabusasiga ǁnâuǃā. Tsî “sada ra ǀgorebase ǂnôa.” (Rom. 8:34; Heb. 4:15) Jesub di ǁguibas ose da ge Jehovaba ǀgores ǃnâ ǀgū ǁoa. ǁNā-amaga da ge hoada a ǃkhō-am ǁkhā. ǂÂu hâse da Jehovaba ǃgôaǃgâsiba a mā ǁoasa. ǁÎb di ǀō-aisa ǀnamǀnamsa ǀgôab ǃaroma w22.07 23 ¶10-12

Khoe-i hîna a ǂgomǂgomsa i ge ra ǁgūtsâ, ǁî-î mîmâide dīǀoaǀoa tsî amaba ǃhoasa. (Psa. 15:4) Khoen ge a ǂan ǁî-en a ǂgomǃgâ ǁkhāsa. ǃGâsan sada xa di nî tsâsa da ge ra ǂhâba. Nau khoena da ge a ǁgari ǁoa, sida ǂgomǃgâsa. Dī da ra xūn ǃnâ-ū da ge nau khoena a ǁgau ǁkhā, ǁîn xa da a ǂgomǃgâhe ǁkhāsa. ǂGomǃgâsib ge mari-i khami ī, din ge khoena ra mî. Mari-e hōs ge a ǃgom xawe ǁî-e ǂoaǃnâs ge a supu. Jehovab ge amabes ǃnâ sida xa a ǂgomǃgâhe ǁkhā, ‘hoaraga sîsenni dīb ta i ǃnâb a ǂgomǂgomsa xui-ao.’ (Psa. 33:4) ǁÎba da nî ǁgaesab ge ra ǃâubasen. (Efe. 5:1) Matikōse da a ganganxa Jehovab ge ǂgae dasa, ǃhūbaib ǂhawase hâ ǃgâsana ǃoa hîna ǀnamǀnamxa tsî a ǂgomǂgomsana. Hoada ge ǃereamsa ūhâ sada di ǃgâsan xa ǂgomǃgâhesa. Mâ khoe-i hoa-i ga ǃgarise sîsen tsî ǀnamxasib, ǃgamǃgamsens, ǀgorasa dīs, ǂhauǃnâsib tsî ǃhō-oasensa a ǁgau o, o da ge ǂgomǃgâsib di gagaba ra omkhâi sada di ǀhaohâb ǃnâ. A da sada di Elob, Jehovaba ǁgae tsî ǁgau ǀgara re, ǂgomǂgomsa da asa. w22.09 8 ¶1-2; 13 ¶17

ǀHaohâb ǃnâ da ga ǂgui ǃgâsana ūhâ xawe da ge ǀnî ǁaegu ai a ǀguritsâsen ǁkhā. ǀNî da ge ra tsûaǂgao tamas ka io ǃgâi tama tsâsigu ǀkha ǃgomsiba ūhâ ǁkhā. Tsî a ǂâi ǁkhā, nē ǃgomsiga da aitsama nî tani di. Jehovab ge ǂgao tama hâ, î da di tsâ. ǃGaoǃgâ re, ǂgomǂgomsa-aob, Eliab xa. Jehovab ge Eliab ge mîba îb ǃhoa. ǀGam ǃnārab ge Eliaba ge dî: “Tae-ets nēpa ra dī?” (1Gao. 19:​9, 13) Mâ ǃnās hoasab ge Jehovaba Eliaba gere ǃgâ, ǂgaoba xub gere ǀgore o. Jehovab ge Eliab ǀgoresa ge ǃeream. ǁÎb ǀgaib tsî ǁîb ǀkhab hâsa ǁgaubis ǃnâ-ū. ǂGui Israelǁîn ǁîba ra ǃoaba ǃkhaisab ge ge ǂgomǃgâ kaibi. (1Gao. 19:​11, 12, 18) ǂGom ǁkhā da ge a Eliab ge ǃgâise gere tsâsa. ǁÎb di ǂgaobab ge Jehovab dawa ǁhōǂui tsî ǃereamhe o. Jehovab ge ǀnî ǂhâǂhâsa ǁgaumâide Eliaba ge mā. ǁÎb ge Eliaba ge ǂgan îb Hasaela, Siriab di gaob ase ǁgaumâi. Jehuba Israeli gaob ase tsî Elisaba kēbo-aose. (1Gao. 19:​15, 16) Nē ǁgaumâideb ge Eliaba gere mā, ob ge gere hui bi, Îb ǃgâi xūn ai ǁîb ǂâisa ǂnûi. Tsîb ge Elisaba ǀgūǀhōsa-i ases tsîna ge tsîna ge mā bi. w22.08 8 ¶3; 9 ¶5

Sadu ǀhaohâba ǀasa sala ge om tamas ka io ǀoroba ge dī-ūnuhe? ǁNāti i ga io du ge amabes ǃnâ ǂguro ǀhaos. Hîna du ge ǀasa sali dawa ūhâ īs xa ra ǂâihō. Kaise du ge Jehovaba gere gangan. ǀNîsi du ge kaise ge ǂkhî-i tsî ǁnās ǃaromas tsîna gere ā ǂgao. Tsî ǁnās xa ǃaromahe hâse tsoatsoas di ǁnaetsanas tsîna ge ǁnae hō tama hâ i. Sida di salgu hîna ǃgâise omhe hâ gu ge koasa Jehovaba ra mā. Xawe da ge ǃnāsa koasa ǁîba ra mā, ǀnî hâ om sîsenni ǃnâ da ga ǃâ o. ǁNā sîsen-i ge ǃnāsa-e ǃkhōǂgā hâ, mû da ra om sîsenni xa. Nēs ge ǃoaba ǃkhaiga ǃoa ra ǀkhīna omkhâisa ǃkhōǂgā hâ. Apostel Paulub ge nēti ī om ǀapeǁguiga ǂâis ǃnâ ge ūhâ i. Nētsēs xoas ǃnâ hâ mîdeb ge a xoa o. Apostel Paulub ge ǃgâi aiǁgaus ase i, ǁîb ge ǃgâsana gere omkhâiba. ǁÎnab ge gere tsâba. ǁÎba da ge a ǁgae ǁkhā tsî sida ǃgâsana nētsē a ǂkhâǃnâ ǁkhā.—1Kor. 11:1. w22.08 20 ¶1-2

Xristeǁî-i hîna Elob mûǁae ǂhanu-aise ra mûhe ǂgao-i ge hoa xūn hîna i ra dīn ǃnâ nî ǂhauǃnâ. Khoe-i hîna ǂhanu-aisiba ǀnammi ge ǁgaise ra hâ-ūhe khoena mûsa ǃhui hâ. ‘Jehovaba ǂkhîǂkhîs’ ǃaroma i ge khoe-i hîna, amabes ǃnâ a ǂhanu-ai-e nî ǂâiǃgâ. Mati i ǁî-e ra tsâsa, mîǁguigu hîna i ra dīgu xa. Elobmîs ge Jehovaba, ǂhanu-aisib di mā-aob ase ra ǁguiǃā. ǁNā ǃkhais ǃaromab ge ǁîba “ama hâǃkhaib” ǂhanu-aisib dib di ra ǂgaihe. (Jer. 50:7) Sida Kuru-aob aseb ge Jehovab ǀguiba ǃamkuse a ǂan, tae-i a ǃgâis tsî tae-i a tsūsa. ǁÎb ǃgâi-i tsî tsū-e ra mû ǀgaub ge sida mûǂuib xa a ǀkhara. (ǂKhm. 14:​12, Jes. 55:​8, 9) Xawe da Elob di īsib ǃnâ kuruhe hâ amaga da ge sida tsîna ǁîb di ǂhanu-aisib di ǀgaub ǃnâ a ûi ǁkhā. (Gen. 1:27) Tsî da ge kaise a ǀnam ǁnāsa dīsa. ǀNammi hîna da sida ǁGûba ūba hâb ge ra ǁgari da î da ǁîba ǁgae, ǁkhā da a ǀgaub hoab ai.—Efe. 5:1. w22.08 27 ¶5-6

Xū-i xa da ga ra ǂhanihe tamas ka io ǂkhabuǂâi, o da ge ǀnîsi ǁnā ǂhâsiba a hōǃâ ǁkhā. ǃGâi ǁaeroba ūhâs diba, î da sida ǃgomsigu xa ǂâi ǀû. ǁNās ge a ǁnâuǃāxa, xawe da ge nî ǂanbasen, î da tā Jehovab ǃhui hâ xū-e dī. (Efe. 5:​10-12, 15, 16) Efeseǁîna ǃoab ge xoa sîǂkhinis ǃnâb ge apostel Pauluba Xristeǁîna ge ǀapemā în “ǂhanu-ai, ǃanu, ǀnamǀnamsa, . . . tsî koahesa anun xa ǂâi” ǀgara. (Fil. 4:8) Apostel Paulub ge ǁkhoaxa ǁaeba da nî ūhâ ǀgaub xa ge xoa tama hâ i. Xawen ge ǁîb ge xoa xūna a huida ǁkhā, ǁkhoaxa ǁaeba da ga ǁhûi o. Sao ra xūna dītsâ re: Nē xoas ǃnâ “xūn” di hâ mîsa, mâ ǃkhais hoas ǃnâ nē mîdi ǀkha ǃkhōǃkhuni re, “musik-i,” “muvidi,” “khomai ǂkhinin tamas ka io “vidio ǀhurun.” Nē-e dīs ge a hui du ǁkhā î du ǂanǂui. Mâ xūn ǀnîsi Jehovab mûǁae ūǃoahe ǁkhā tsî mân ūǃoahe ǁoasa. Sada di ûiba da ge Jehovab di ǀgapi ǂhanugu ǀkha, ǀguiǃnâxasib ǃnâ ra hau ǂgao.—Psa. 119:​1-3, w22.10 9 ¶11-12

ǁŌn nîs aiǃân ge “ǂhanuoǃnâ” na kaise ǁgai xūna gere dī. ǁNā-amagan ge nî ǁkhāǁhāhe, matin Jehovab di ǂhanu-ai ǁgaragu ǃoagu nî ûisa. Matis ǁnāsa nî dīhesa ǁkhāǁkhās ǃaromab ge Elob Gaosiba, ǁkhāǁkhāsens programmi. Hîna ge ǃhūbaib ai noxoba hâ tsâ tama hâ îba nî daoǁgau. Ham-e ǂhanuoǃnâna nî ǁkhāǁkhā? Kai ǂnubis tsî khâisa ge hō ǂhanu-ain tsîna o. ǂHanuoǃnâna ûib ǂkhanis ǃnâ ǁîn ǀonde xoamâihes ǃaroman ge ǀgū ǀhosagusisa Jehovab ǀkha nî omkhâi tsî ǁîÎb ǃoagu nî māǁnâsen. Jesu Xristub tsî ǁîb ǀkha nî ǂgaeǂguin tsîn ge ǀhomma xu ǃgâise nî kō, matin ǂhanuoǃnâna ǁkhāǁkhāhen da, xūn ǃoagu ra tanisen ǀgauba. (J.ǂHa. 20:4) ǁNān hîna ǃgâise nē huiba ūǃoa ǂgao tama hân ge nî ūbēhe nēsin ga 100 kurixa xawe. (Jes. 65:20) Jehovab tsî Jesub tsîn ge ǂgaoga a khomâi ǁkhā. Tsî mā-am tide khoe-i ǁgai xūna ǀasa ǃhūbaib ǃnâ nî dīsa.—Jes. 11:9; 60:18; 65:25. w22.09 17 ¶11-12

“ǂAmkhoegu” di hâ mîs ge nē xoas ǃnâ, ǃhūbaisi ǂgaeǂgui-aoga ǃoa ra ǁnaeǁgau. Hîna ǀgaib tsî ǂgaeǂguis tsîna nau khoen ǂam-ai ūhâ ga. Xristeǁîn ge nē khoesi ǂgaeǂgui-aoga nî ǁnâuǀnam, ǁîgu ge ǂkhîba ra ūhâ ǀgara. Tsî ra kōǃgâ în khoena ǃhūb ǂhanuba ǁnâuǀnam tsî ǀnî ǁaegu ai Jehovab khoena ǁkhauba. (J.ǂHa. 12:16) ǁNā-amaga da ge ra mîmāhe î da ǁîga ǂgaoǀkhā gu ra-e mā. ǁNān ge ǁgui-aimaris (tax), hōǂgās, ǃaob tsî ǃgôasib tsîna mā nîsa. (Rom. 13:7) Xawe nē khoesi ǂgaeǂgui-aogu ge, Jehovab xa gu ra mā-amhe amaga ǀgui ǀgaiba ūhâ. Jesub ge tsoatsoasa ge ǃgāsa kai. Romeǁîn ǂgaeǂgui-aob Pontiub Pilatub xab gere dîǃnâhe o. Pilatub ge ǁîb ūhâ ǀgaiba ǃoa a ǁnaeǁgau o. Jesub ûiba sâus tamas ka io ǁîba ǃgam kais diba, ob ge Jesuba ge mîba bi: “ǁKhāsi-i xare-ets ge tita ǂamai ūhâ tama ga i hâ, ǀgapiseba xu i ga satsa māhe tama io.” (Jhn. 19:11) Pilatub ǀkha i ge ī-i khami î ge hoa ǃhūbaisi ǂgaeǂgui-aogu tsî ǂgīǂgōsi ǂgaeǂgui-aogu di ǀgaiba a ǂkhariro nētsē. w22.10 14 ¶6

Gao-aob Davib ge ge xoa ûib mati nî isa, gā-ai tsî ǂgomǂgomsa gao-aob ga ǂgaeǂgui tsoatsoa o. (Psa. 37:​10, 11, 29) Psalmdi 37:11 sa da ge khoena ra khomaiba, Paradais xa da ga ǃhoa o. ǁNās xa da ge ǃgâi ǃaromasa ūhâ, Jesub ge nē xoasa ǃhommi aoǁnâs ai ǁkhawa a sîsenū amaga. ǁGaurase nēs kai ǀgaub ǃnâ nî dīǀoaǀoahesa hānîǁaeb ǃnâ. (Mat. 5:5) Davib mîdi tsîn ge ge ǁgau Gao-aob Salomoni ǂgaeǂguis ǃnâb ûiba mati nî isa. Salomoni ge Israelǁaesa gere ǂgaeǂgui, on ge Elob khoena ǀō-aisa ǂkhîb tsî ǂhân hâ xūn tsîna ǁnā ǃhūb ǃnâ ge ūhâ i. Hîna ge “daib tsî danib” tsîkha ǀkha gere dâuba. Elob ge ge mî: “Ti ǂhanugu ǃoa ûi tsî du ga ti mîmāde ǁnâuǀnamo. . . . ǃAo-i ose du sâsase nî ǁomga ta ge ǂkhîba ǃhūb ǃnâ nî mā.” (Lev. 20:24; 26:​3, 6) ǁNā mîmâidi ge ge ama kai, Salomoni ǂgaeǂguis ǁaeb ǃnâ. (1Kro. 22:9; 29:​26-28) Psalmdi 37:​10, 11 tsî 29 ǃnâ hâ mîdi ge ǃkharu ge ǁaeb ǃnâ ge dīǀoaǀoahe. Tsî hānîǁaeb ǃnâs tsîna nî dīǀoaǀoahe. w22.12 10 ¶8

Ama Xristeǁîn ase da ge daoǁgaude nî sao. Elobmîs ge huida nî ǀapemāde ra māda: “Gā-ai ǀapedi ǀkha ǀguits ge toroǃkhams ǃnâ nî ǂgâ tsî ǂgui ǀapemā-aon di ǀapemās ǀkha ǀguits ge dan ǁkhā.” (ǂKhm. 24:6) Hā re, î da kō mati da nē xoasa da ga sîsenū o nî ǃgâi aoǁnâ-ao tsî ǁkhāǁkhā-ao kaisa. Aoǁnâ sîsenne sida ra ǂâi ǀgaub ai dīs xa, da ge ra dītsâ mā-e da hâ ǀapemādi ǃoagu dīsa. Xristeǁî ǀhaodi tawa da ge gā-ai daoǁgaudi hîna Elobmîs ai ǃgaoǃgaosa ǃhoadi tsî ǁkhāǁkhādi tsîna ūhâde ra hō. Jehovab ǀapeǂhumis ge ǃgâi sîsenū xūn, ǂkhinin tsî vidiogu tsîna ra mā da. Hîna ra huina în khoena Elobmîsa ǃgâise ǁnâuǃā. Sida ge kaise a ganganxa ǃgâi ǀapemādi hîna da Elobmîsa xu ra hō di ǃaroma. Jehovab di ǀapemādi ose da ge ǂkhîb tsî ǃgâi ûib tsîna ga ūhâ tama hâ. ǁNās ǀkha da ge nî mîǁgui, î da Jehovaba xu ra hā gā-aisiba ǃoa kō.—ǂKhm. 3:​13-17. w22.10 23 ¶18-19

ǂÛ-e da ga ǂû, ǁgae tsî hāra os ge sida sorosa ra ǀgai. ǁNās ǁkhās khami i ge Elobmîsa da ga ǁkhāǁkhāsen tsî ǂâiǃgâ, o sida ǂgomsa nî ǀgai. Jehovab ge ǂhâba hâ î da ǁîb mîsa ǃgâise ǁnâuǃā. Nēsa da ge ǀgores, khomais tsî ǂâiǃgâs ǃnâ-ū a dī ǁkhā. ǂGurose da ge ra ǀgore, î da sida ǂgaoga aiǂhomi tsî Elob di ǂaiǀgauga hō. Tsî da ge ǁnāpaxū Elobmîs ǃâ-e ra khomai. Sao rase da ge mâ (stop) tsî ǃgamse khomai da go xū-i xa ra ǂâiǃgâ. ǀAmǂoasa nî tae? ǃNāsase da ra ǂâiǃgâ khami da ge Elobmîsa nî ǁnâuǃā. Tsî i ge sida ǂgomsa nî ǀgaiǀgai. Tae-i ǃaroma i a ǂhâǂhâsa Elobmîsa khomai tsî ǂâiǃgâsa? ǁNās ge nēsi ǂhâ da hâ ǀgaiba ra mā da, î da Gaosib di haisi-amsa aoǁnâ. Tsî hānîǁaeb ǀgaisa ǀgoraǃgâs di haisi-amsa aoǁnâ. Jehovab di mâǂoa ra ǀgaugu xa da ga ǂâiǃgâ, o i ge ǁîb ǀkha da ūhâ ǀhōsagusisa kai tsî nî ǀgai. w22.11 6-7 ¶16-17

Jesub ge ǁnās ǃnâ-ū ge ǁgau, ǁîb ǁkhāǁkhāsaben ǀguin ose. Xawe ǀhaohâb ǃauga hâ khoen tsîn nî mûǂan ǃkhaisa, ǁîb ama saosaben ūba gu hâ ǀnamma. ǀNammi hîna Jehovab khoen ǁaegu hâb ge kaise a ǀō-aisa. Ama as ge Jehovab di ǃoaba-aon ge ǀoasa kurusa ūhâ tama hâ. (1Jhn. 1:8) ǃNāsase ǁnān hîna ǀhaohâb ǃnâ hâna da ra ǂan, khami da ge ǁîn di dīsāte nî mûǃā. (Rom. 3:23) Tsûtsûsasen ge ǀnîna ge mā-am î-i ǀoasa kurusa tama khoen ǀgauga ǁîna ǃgôa kai. Matib ge Jesuba ǁîb apostelgu ǃoagu ǀnamma ǁgau? Tsî īǁkhā-e Jesub aiǁgausa nētsē ǁgaesa? Sida hîna ǁāǁnâsa ǃoaba-aoda tsîn ge ǁnā dîdi ǃereamde nî ǂâiǃgâ. ǁNāsa dīs ge nî huida, î da ǀoasase ǀnamma ǁgau sada ǁaegu hâ ǃnubisiga da ga sîsenǂam o.—Efe. 5:2. w23.03 26-27 ¶2-4

Nē ǃhūbaib ǀams ra ǀgū khami da ge, ǃgomsina ǀhaohâb ǃnâ a ǃâubasen ǁkhā. ǁNā ǃgomsin ge sada ǂgomǂgomsasib hîna da Jehovab ǃoagu ūhâba a ǃâitsâ ǁkhā. ǁNā-amaga da ge sada ǁnâuǃāxa ǂâisa nî ūhâ ǀgara. Sada ǃgâsa-i xa da go tsūdīhe ti da ga tsâ, o da ge tā nî mā-am ǁaixa hâse hâ ǀgarasa. ǁNamahe da ga, o da ge tā taob ai ǂâisa nî ǂnûi. ǁNamasa ūǃoa tsî da ge ǂhâbasa ǀkharaǀkharana nî dī. Jehovab ǀapeǂhumis ra dī ǀkharaǀkharan ga sadu ûiba tsâǀkhā o. Hoa ǂgaob ǀkha ūǃoa tsî daoǁgaude ǁnâuǀnam re. Sadu ǂgomǂgomsasib ga ǃâitsâhe ǁaeb ai, ǂgomǃgâsiba Jehovab tsî ǁîb di ǀapeǂhumis ǃoagu ūhâ ǀgara. ǃNomsa tsî xūna Jehovab ra mû ǀgaub ǃnâ mû re. ǁÎb ǃoa ǀgore tsî huiba ǂgan tsî tā tātsē Jehovab ǀhaohâba xu ǂgae-oasen. Tae-i ǀgui i ga ī xaweb ge Satana sada Jehovab tsî ǁîb ǀapeǂhumisa xu ǀgora ǁkhā tide.—Jak. 4:7. w22.11 24-25 ¶14-16

ǀHaohâb ǃûi-aogu ge ǃgâsana ra hui în tsūkēǃgâb ǃaroma aiǂhumisen. ǂAnǂui re ǃgâsan tae-en nî dīsa a ǂansa tsîn ǀhaohâb ǃui-aoga nî belsa. Taena du dī ǁkhā? Tsūkēǃgâ i ga sadu ǀgūse hâ o. ǀHaohâb ǃûi-aoga dî re mati du a hui ǁkhāsa. ǀNîsi du ge ǁnān hîna ge ǁîn omde a ǂoaǃnân tsî om sîsenni ǀkha ra huin tsîna, hâ ǃkhai-e mâ ǁkhā. ǀNîsi du ge ǂhâsib ǃnâ hâ ǃgâsana ǂûn tsî ǂhân hâ xūn tsîna sī a ǃnaoǁnâba ǁkhā. Tsūkēǃgâ i ga sado xu ǃnūse a hâ o, du ge noxoba a hui ǁkhā. Mâ ǀgaub ǃnâ? ǁNān hîna tsâǀkhāhe hâna ǀgorebas ǃnâ-ū. (2Kor. 1:​8-11) ǀNîsi du ge tsūkēǃgâb sîsen-e a ǂkhâǃnâ ǁkhā, mari-e mās ǃnâ-ū ǃhūbaib ǂhawase ra dīhe sîsenni ǃaroma. (2Kor. 8:​2-5) Tsūkēǃgâb tsâǀkhā hâ ǃkhaiba ǃoa du ga ǃnari ǁkhā o. ǀHaohâb ǃûi-aoga dî re mati du a hui ǁkhāsa. ǁKhauhe du ga o huis ǃaroma, o du ge nî ǁkhāǁkhāhe, î du sîsenūhe ǁkhā, ǂhâ-e du hâba. w22.12 24 ¶8; 25 ¶11-12

ǀNî hâ ǂnûiǃkhunis ge nētsēs mîsa nēti ra mî: “ǀNî hâ ǃâitsâ i hoa-i ge sado hāǂam tama hâ. Xawe khoesib a tani ǁkhā ǃâitsâ i ǀgui-e.” ǁNā mîdi ge Korintes ǃnâ ge hâ i, Xristeǁîn ǃoa ge xoahe. ǀNîn ge ge ǀai-ao i, aorekhoegu ge aorekhoegu ǀkha gere ǁgoe. Tsî ǀnîn ge ǀhoro hâse gere hâ mâ. (1Kor. 6:​9-11) ǂÂi i du ra ǁîn ge ǁāǁnâs khaoǃgâ ǃgâi tama turaga a hōǃâ ǀûsa? ǁNā i ge a īǁoa. Ama as ge ǁîn ge ge ǂkhauhesa Xristeǁî ī xawen ge khoes ǀguisa i. ǁNā amagan ge ǁîna ǁaeba xu ǁaeb ǀkha ǃgâi tama turaga ge ūhâ i. ǁNās ge sida ǃaroma kaise a ǂkhâǃnâxa. Tae-i ǃaroma? ǁNās ra ǁgau amaga, sadu ra ǃkhamǃoa turagan ge ǀnai mâǃoa ǁkhā īsa. Amase du ge ǂgoms ǃnâ ǁaposase a hâ ǁkhā, “ǂan du a xui-ao nau ǂgomsaben ǃhūbaib ai hân hoan tsîn ra ǁnāti ī tsâgu ǃnâ ǃkharu ǃkhaisa.”—1Pet. 5:9. w23.01 12 ¶15

Jesub ge ge ǂgan, îb Jehovaba ǁîb saosabena kōǃgâ. (Jhn. 17:11) Nēsa tae-i ǃaroma sida ǁkhoaǂgaosiba ra mā? Jehovab sida di khākhoen xa a ǀgaisa amaga. (1Jhn. 4:4) ǁÎb ge xūn hoana ra mû. ǂGomǃgâ da ge ra, Jehovab ai da ga ǂgomaiǂnûi o. Ob ge ǁîba nî huida, î da ǃao da ra xūna sîsenǂam tsî ǁkhoaǂgaosiba ǁgau. Sadu tsîna khoena ra ǃao? Skoli tamas ka io sîsenni tawa du ǀnî ǁaegu ai ra tao, khoena ǂanǂansa Jehovab di ǃoaba-aon di ǀgui du a ǃkhaisa? ǁĀǁnâsa tama aoǁnâ-ao tamas ka io ǁāǁnâ kaisensa du ra mâiǂui, naun tae-e nî mîs xa du ra ǂâiǂhansen amaga? A-i ǁnāti ī tsâsiga tā ǁkhae du, ǂhanu xū-e dīsa. Jehovaba ǃoa ǀgore tsî ǂgan re, îb ǁkhoaǂgaosiba mā du, î du ǁîb di ǂâisa dī ǁkhā. Jehovab sadu ǀgorede ra ǃeream ǀgauba du ga mû, o du ge ǀgai tsî nî ǁkhoaǂgaoxa.—Jes. 41:​10, 13. w23.01 29 ¶12; 30 ¶14

Jesub ge ge dî, “Khomai tama go ge hâ i?” Farisegu ge ǂhanu tama ǂâi ǀgauba xoas xa, ūhâ îsa ǁgaus ǃaroma. (Mat. 12:​1-7) ǁNā ǃnās ai gu ge farisega ge mî Jesub ǁkhāǁkhāsabegu Sabats ǂhanuba ǁnâuǀnam tama hâ di, Jesub ge ǁîga ǃereams ǃaroma aiǁgaura xoade xu ge sîsenū. Tsî ǁāraǃāsa Hoseab ǂkhanisa xu ge mî, îb ǁgau Farisegu ge ǁnâuǃā tama hâ īsa tae i ǃaroma i ge Sabats ǂhanuba hâ īsa. Tsî gu ge ǀkhomxaǂgaosiba ǁgau tama hâ i ǃkhaisa. Nē khoega tae i ǃaroma ǁîgu Elobmîs khomais xa ge ǀkharaǀkharahe tama hâ i. ǁÎgu ge ǀgoraǃgâxa tsî ǀgapiǂâixa gagab ǀkha gere khomai amaga, ǁîgu di ǂūb ge gere ǁkhae î gu khomai gu ra xūna tā ǁnâuǃā. (Mat. 23:23; Jhn. 5:​39, 40) Mateub 19:​4-6 ǃnâs tsîna ǃgaoǃgâ re, Jesub ge ǁnāpa ǁkhā dîsa Farisega ge dî: “Khomai tama go ge hâ i?” ti. Kurus xa hâ ǃnaeǃkhaisa gu ge khomai xawe gu ge Elob ǂâi ǀgaub ǃgameb xa hâba ge kōǃkharu. Jesub mîde xu da ge ra ǁkhāǁkhāsen, ǂhâbasa ī asa Elobmîsa da ǂhanu ǂâi ǀgaub ǀkha nî khomaisa. Farisegu khami da ge tā nî ī. Xawe da ge ǃgamǃgamsenxa tsî māsenxase nî ǁkhāǁkhāsen ǂgao. w23.02 12 ¶12-13

Jehovab ge Israelǁaesa a mā ǂhanub ge ǁîna ge hui, în oms tamas ka io sîsenni tawa tā ǁgaise tsûtsûsen ǁkhā. (Eks. 21:​28, 29; Deu. 22:8) Khoe-i ga nau-e ǂanapegase a ǃgam, o î ge ǃgam-ao-i tsîna ǁî-i ǁkharaba ga hōǃâ hâ. (Deu. 19:​4, 5) ǂHanub ge ra ǂgaoǀkhā î-i ǁan hîna ǂanapega tamase ǃnae-e tama ǀgôa-e ra ǃgam-e ǁkhara-e. (Eks. 21:​22, 23) Xoadi ge a ǃgāsa, Jehovab ra ǂhâbasa î da hoana dītsâ tsî ǃnorasase hâ. Elob ǀkhaeb ûib diba da ra ǃgôaǃgâsa da ge ra ǁgau, ǃnorasase da ga oms tsî sîsenni tawa ga hâ o ǀā xūn ǃgāxa xūn tsî sōǀôan tsîna da ge ǃnorasa ǀgaub ǃnâ nî āxu, nau khoena i tsûtsû tidese. Kōǃgâs tsîna da ge ra dī în ǀgôarona tā ǁnā xūna hōǁkhā. ǀAes, ǀgamsa ǁgammi tsî sîsenū da ra xūn tsîna da ge ǂōrisase nî kōǃgâ. Tsî ǁîna ǁnāxū mâ tide kōǃgâs ǃnāgas ose. Audosa da ge tā nî ǃnari sida ǁnâuǃāb ga sōǀôa-i, xûi-i tsî ǁom ǂâu tama îs xa tsâǀkhāhe o. Selfona da ge tā ǃnari da ra hîna nî sîsenū, nēs a ǂhani da ǁkhā amaga. w23.02 21-22 ¶7-9

Jehovab ge ǃnūǃnâxa, ǃgâi tsî ǁnâuǃāxa ǁkhāǁkhā-aoba. ǁÎb ge ǁîb studentan ǃnâ ǃgâib ǀguiba ra ôa. (Psa. 130:3) Tsîb ge sida a dī ǁkhā xū-i xa ǃnāsa-e ǂgaoǀkhā tama hâ. ǂÂis ǃnâ ūhâ re, ǁîb ge sadu ǂkhûsa ge kuru, ǁnāb ge a ǀō-aisa ǀkhae. (Psa. 139:14) Sida Kuru-aob ge ra ǂhâba î da ǀamosib kōse ǁkhāǁkhāsen tsî ǁî-i ǃnâ ǃgâiba hō. ǁNās ǀkha î ge kaise a gā-ai ‘turaba’ Elobmîs amab ǃaroma ūhâsa. (1Pet. 2:2) Mîǁguiba dī re, î du Elobmîsa khomai tsî hoaǁae ǁkhāǁkhāsen. (Jos. 1:8) Jehovab di ǀkhaeb ǀkha du ge ǃgâiba nî hō, ǃnāsase khomais tsî ǁkhāǁkhāsens ǃnâ. ǂAns ǀguis ge ǂâu tama hâ. ǁÎ-i di ǂhâǂhâsasib ge mati i ra hui du sa, î du ǃnāsase Jehovab xa ǁkhāǁkhāsen. Tsî ǀnammi tsî ǂgoms ǀgauga ǁîb ǃnâ omkhâi. (1Kor. 8:​1-3) ǁKhāǁkhāsen du ra khami, Jehovaba ǂgan re îb hui du î du ǃnāsase ǂgomsa omkhâi. (Luk. 17:5) ǁÎb ge māsenxase ǁnāti ī ǀgorede ra ǃeream. w23.03 10 ¶11, 13

Jesub ge ge ǂhâba hâ i, în ǁîb di ǁkhāǁkhāsabena gagasi xūn ǀkha ǁaeǁaesen, ǀams nî hāsan ǃâu hâ hîna. Jesub ge dīn nî sîsen-e ge mā nî tsî ge ge mîmā, în ǃgâiǂhôasa ‘hoaraga khoen Jerusalems, Judeab, Samariab tsî hoaraga ǃhūbaib ǃnâ hâna mîba.’ (ǃNǃkh. 1:​6-8) ǁNā i ge kai sîsenni Jesub di saosaben ge ǃkhōǃoa-e. ǁKhān a-i hoa-e dī tsîn ge nauna gere aoǁnâba ǁîn di ǁaeba ǃgâise sîsenūs ǃnâ-ū. ǃÛisen ǂgao da ga, o î ge a ǂhâbasa mati da sida ǁaeba ra sîsenū ǀgaub xa da nî ǂâiǃgâsa, “ǁaeb tsî mâsib ra ī nî xū-e ǁapoǁapo amaga.” Tsî ǁnās ge mâ khoe-i hoa-e a tsâǀkhā ǁkhā. (Aoǁn. 9:11) ǃÂubasen tama da hâ hîna da ge a ǁō ǁkhā. Sada ǁaeba da ge ǃgâise a sîsenū ǁkhā, Jehovab ǂâisa dīs ǃnâ-ū. Tsî sida ǀhōsagusisa ǁîb ǀkha nî ǀgaiǀgai. (Jhn. 14:21) ǁNā-amaga “mâhō, ǁnobeǁoasase i, î du ǃaruǀîǀgui ǃKhūb di sîsenni ǃnâ ǀaro.” (1Kor. 15:58) Sida ûib tamas ka io ǃhūbaib ǀams ka hā, o da ge ǃhausen-e ūhâ tide.—Mat. 24:13; Rom. 14:8. w23.02 18 ¶12-14