ǁNaeǁgaudi Sida Xristeǁî ûib tsî aoǁnâ sîsenni ǂkhanib

OKTOBERI 1-7

ELOBMÎSA XU HÂ ǂÛǂÛSA MÎDI | JOHANEB 9-10

“Jesub ge ǁîb di gūna ra kōǃgâ”

(Johaneb 10:1-3) Amase, amase ta ra mîba du: Dao-amsa-ū gūn di ǃharas ǃnâ ǂgâ tama-i, tsî nau ǃkhai-e xu ra ǃapaǂgâ-i, ǁnā-i ge ǃnari-ao tsî ǃgamao-e. ² Xawe dao-amsa xu ra ǂgâ-i, ǁnā-i ge gūn di ǃûi-ao-e. ³ ǁÎbab ge daoǃûi-aoba ra ǁkhowa-amba, tsîn ge gūna ǁîb di domma ra ǁnâu; tsîb ge ǁîb di gūna ǀons ǀkha ra ǂgai, tsî ǁîna ra ǂgaeǂguiǂui.

(Johaneb 10:11) Tita ge ǃgâi ǃÛi-aota. ǃGâi ǃÛi-aob ge ǁîb di ûiba ǁîb di gūna ra mâiba.

(Johaneb 10:14) Tita ge ǃgâi ǃÛi-aota, tsî ta ge tina a ǂan, tsî ta ge tin xa ra ǂanhe.

nwtsty mediab

Gūn ǃharas

Gūn ǃharas ge ǃgâi ǀgaub ǃnâ ge kurusa i, is gūna ǃnari-aon tsî ǁkhōǁkhōsa xamanin tsîna xu ǁkhauba. Gūre-aob ge gūna ǃuia ǃgâise gere ǁkhauba. Elobmîs ǁaeb ǃnâ î ge ǃharade ǀgapiga ge ǁkhowamsa ī tsî ǂguiǃnâgu ǀgaugu ǃnâ ge omsa ī, ǀnî ǁaeb ai ǀuidi ǀkha ǀgui. (Num. 32:16; 1Sam. 24:3; Sef. 2:6) Johaneb ge ǃharas ǃnâ ‘dao-ams’ ǃnâ-ū ǂgâs xa gere ǃhoa hîna ge ‘daoǃûi-aob’ xa gere mâ-amhesa. (Jhn. 10:1, 3) Gūn ǃharas tawa î ge ǀgui ǃûi-aob ǀguiba ge hâ tama hâ i tsî î ge daoǃûi-aoba dao-amsa gere ǃkhē. ǁGoagab ge daoǃûi-aoba dao-amsa gūre-aoga gere ǁkhowa-amba. Mâ gūre-aob haob ge ǁîb gūna gere ǂgai tsî di ge gūde ǁîba dommi ai ǂanǂui tsî gere sao. (Jhn. 10:3-5) Jesub ge nē ǂkhōsa ǁîb ǁkhāǁkhāsabegab ra kōǃgâ ǀgaub ǀkha ge ǀgopeǀnō.—Jhn. 10:7-14.

w11-E 5/15 7-8 ¶5

Xristeǁîn omaridi—“ǂkhaikari hâ”

⁵ Gū-i tsî ǁî-i ǃûi-aob tsîn ǁaegu hâ ǀhōsagusis ge ǂans tsî ǂgomǃgâgus tsîn ai a ǃgaoǃgaosa. Gūre-aob ge hoana ǁîb gū-i xa a ǂan tsî î ge gū-e ǁî-i gūre-aoba ǂan tsî ra ǂgomǃgâ. ǁÎn ge ǁîb domma mûǂan tsî ra ǁnâuǀnam. ‘Tsî ta ge tina [gūna] a ǂan, tsî ta ge tin [gūn] xa a ǂanhe’ dib ge Jesuba ge mî. ǁÎb ge ǀhaohâb ǁanina ǂans ǀguisa dī tama hâ. Grikegowab mîs “ǂan” di hâs ge “ǀgūse khoe-e ǂans di ra ǂâibasen.” Ama ǃÛi-aob ge ǁîb gūna ǀgūse a ǂan. ǁÎb ge ǁîb gūn ǂhâsigu, ǂkhabusasigu tsî ǁkhāsib tsîna ǃgâise a ǂan. ǁÎb ge tātsēs tsîna ǁîb gūna kō ǃkharu tama hâ. Tsî î ge gū-e ǁî-i ǃûi-aoba ǂgomǃgâ tsî ǁîb di daoǁgaus tsîna ra sao.

(Johaneb 10:4, 5) Tsî gūn âbab ga dīǂuio, ob ge ǁîna ra ai-aiba, on ge gūna ǁîba ra sao, dommi âban a ǂan amaga. ⁵ Xawe ǀkharaban ge sao tide, tsî nî ǁîba xu ǃkhoeni, ǀkharan di domman ǂan tama hâ amaga.”

cf-E 124-125 ¶17

“Tsî ǂkhōs oseb ge ǁîna ǃoa ǃhoa tama ge hâ i”

¹⁷ George A. Smithi ge The Historical Geography of the Holy Land di hâ ǂkhanisa ge xoa tsî ra mî: “ǀNî ǁaeb ai da ge karab ai sâsa ra ǁkhore, Judeab ǀausa kōs xōǀkhā ǃûi-aogu ǁîgu gūn ǀkha ra sība. Nē gūn ge ra ǀhaoǀhaosen tsî da ge ra ǂhâ matin ǁîn gūre-aoba ǃoa ra oasa. Nē gūn ga ǁgammi ǃnâ ga ra ǀhuru toa o, on ge ǀguiǀguibese ǃhommi ai ra ǂoa tsîb ge mâ gūre-aob hoaba ǁîb ǃgari dommi ǀkha ra ǂgai tsîn ge gūna nē domma ra ǃgâse ǁî-i gūre-aoba ra ôa. Tsîn ge ǁîna ǂhomisase ra ǃgû.” Jesub ge amase ǂhanu ǂkhōsa ge sîsen-ū, hîna ra ǁgausa ǁîb domma da ga mûǂan, ǁîb ǁkhāǁkhāsa sao tsî da ga ǁîb daoǁgausa ga ra sao o, o da ge Jesub hîna a “ǃgâi ǃÛi-aob” kōǃgâs ǃnāga nî hâ.”

(Johaneb 10:16) Tsî ta ge ǀnî gūn nē ǃharas di tamana ūhâ; tsî ǁîn ona ta nî ūhā, tsîn ge ti domma nîra ǁnâu, on ge nî ǀgui gū ǀgui ǃûi-aoba ūhâna.

nwtsty study note Jhn. 10:16

ūhā: Tamas ka io “daoǁgau.” Grikegowab sîsen mîs aʹgo di hâs ge xoaǀgoras ǃoagu “hau” tamas ka io “daoǁgau” di ra ǂâibasen. Grikegowab manuskriptgu hîna ge 200 kuriga ǃkharu hâse a xoaheb ge Grikegowab mîs (sy·naʹgo) di hâsa ge sîsen-ū hîna “ǀhaoǀhao” di ra ǂâibasensa. ǃGâi ǃûi-aob aseb ge Jesuba ǁîb gūn hîna a ǁîb ǃharas dina (ǁnān ge “ǂkhari gūron” hîna Luk. 12:32 xoas ǃnâ hân ǃoa ra ǁnaeǁgau) ǀhaoǀhao, daoǁgau, ǁkhauba tsî ra ǂûmā, ǁnās ge nau gūn tsîna ǃkhōǂgā hâ. Nēn ge ge ǀgui gū kai ǀgui ǃûi-aob ǃnaga. Nē mîdi ai-īsib ge ra ǁgau, Jesub saosaben ǀguiǃnâxasiba xu ra ǀama ǃkhaisa.

Gagasi xūna ǀō-aisase ôaǃnâs

(Johaneb 9:38) Ob ge: ǂGom ta ra, ǃKhūtse, ti mî tsî ge ǀgorelî bi.

nwtsty study note Jhn. 9:38

tsî ge ǀgorelî bi: Tamas ka io “ge ǃhonǁgoa, ǁnāǁgoe, ǃgôasiba ge ǁgau.” Grikegowab mîs pro·sky·neʹo di hâs ge elo-e ǀgoreǀîs ǃnâ ra sîsen-ūhe tsî “ǀgoreǀî” di ra ǂnûiǃkhunihe. (Mat. 4:10; Luk. 4:8) Nē xoaǀgoras ǃnâ ge ǂgauǂgauhe khoeb ge Jesuba Elob ǂnûǁkhaeba-aob ase ge mûǂan tsî ge ǀgoreǀîbi. Nē khoeb ge Jesuba Elob ase ge mûǂan tama hâ i xawe “khoen Ôab” hîna Mesiab ase ǀgaiba ūhâb ase ge mûǂan. (Jhn. 9:35) Jesub aiǃâb ge ǃhonǁgoa, ob ge nēsa Hebre Xoadi ǃnâ hâ aiǁgaudi ǀguis ase ge dī. Khoen ge ǁnā tsēdi ǃnâ kēbo-aogu, gaogu tsî Eloba ra ǂnûǁkhaeba khoen aiǃâ gere ǃhonǁgoa. (1Sam. 25:23, 24; 2Sam. 14:4-7; 1Gao. 1:16; 2Gao. 4:36, 37) ǀNî ǁaeb ai ge Jesub aiǃâ gere dīhe ǃhonǁgoas ge ǃgôaǃgâsiba gere ǁgau tsî ǁîb a ǀō-aisa ǃkhais tsîna.—Mû re study notes Mat. 2:2; 8:2; 14:33; 15:25.

(Johaneb 10:22) Tsî-i ge Jerusalems ǃnâ tempeli khaihes di kaitsē ge i, tsî i ge sao ge i.

nwtsty study note Jhn. 10:22

tempeli khaihes: Nē ǁaxasib di Hebre ǀons ge Hanukkah (chanuk·kahʹ) di hâ, ǂâibasen rase “mâi-aiǃâs tamas ka io ǀauǂgās.” Nē ǁaxasib ge ǁkhaisa tsēde gere tsēdīhe, 25 Chislev ǁkhâb ai gere tsoatsoa, ǁnās ge saobǁaeb ǃnâsa, (mû re study note saoǁaeb di hâsa nē ǁaraǃās ǃnâ tsî App. B15) Nēs ge Jerusalems tempela hîna 165ǁî kurib ǃnâ ge hâîb xa ǂâiǂâisens ǃgao gere dīhe. Siriab Gao-aob Antioxusi IV Epifanes ǃnâ hâb ge Jehovaba gere ǃgôaǁnâ, tempela ǁgaiǁgais ǃnâ-ū Jehovab a Jodeǁîn di Elo amaga. Aiǁgause, ǁÎb ge ǁîb di altarsa Jehovab di altars ǀgapiga ge om tsî ǁnāpa î ge khauǁguibade ǂguro gere dīhe. Tsî Chislevs 25 168ǁî kurib ǃnâb ge Antioxusa Jehovab tempela ǀuriǀuris ǃgao, varkheba altars ai ge ǁguiba tsî varkheb ǁui-e tempeli ǂnamipe gere ǁhō. ǁÎb ge tempeli dao-amde khauǁnâ, pristergu ǃnā-omsa kôaǁnâ tsî ǃhuniǀuri-altars, ǁgaupereb tsî ǃhuniǀuri-ǃamamǀaedi tsîna ge ūbasen. Tsîb ge ǁîba Jehovab tempela, Zeus hîna a Olympus di eloba ge mā. ǀGam kurikha khaoǃgâb ge Judab Makabaeuba ǁnā ǃās tsî tempeli tsîna ge dī-ūnu. Tempeli ge ǃanuhe toas khaoǃgâ î ge Chislev 25, 165ǁî kurib ǃnâ ǀauǂgāsa ge hâ i. Tsî ǁnās ge ǃnona kuriga Antioxusi ge ǁîb elob Zeusa ǁguibasa a dības khaoǃgâ ge ī. Tsî Jehovab gere dībahe ǁguibadi ge noxoba ge aiǃgû. Elobmîs ǃnâ î ge ǁgau tama hâ Jehovab ge Judab Makabaeuba a daoǁgausa îb tempela om-oa. Xaweb ge Jehovaba ǀnî ǃhaode ge sîsen-ū ǁîb ǀgoreǀîsa aiǃgû kais ǃnâ, aiǁgause Koreb Persiab di gao-aoba. (Jes. 45:1) ǁNās ǀkha î ge a mîhe ǁkhā, Jehovab khoe-e a sîsen-ū ǁkhāsa ǁÎb ǂâisa dīǀoaǀoas ǃnâ. Xoadi ge ra ǁgau tempeli ge noxoba gere aiǃgûsa Mesiab di hāsa aiǂhomis ǃnâ, ǁnās ge ǁîb aoǁnâ sîsenni tsî ǁîb ǁguibas tsîna dīǀoaǀoas ǃnâ. Tsî Leviǁî ǁguibadi ge Mesiab di hās kōse gere dīhe tsîs ge nē ǁguibas hînab Mesiaba khoen ǃgao nî dīsa kaise nî ǀgapi ī. (Dan. 9:27; Jhn. 2:17; Heb. 9:11-14) Xristub di saosaben ge ge ǂgaoǀkhāhe tama hâ i, în tempeli khaihesa tsēdī. (Kol. 2:16, 17) Xawe î ge xoa-e ǁgau tama hâ Jesub tamas ka io ǁîb ǁkhāǁkhāsabegu ge nē tempeli di khaihesa ūǃoa tama hâ îsa.

Elobmîs khomai ǃâs

(Johaneb 9:1-17) Tsî ǃgû-īb ra hîab ge ǃnaesa xu a ǂgī khoeba ge mû. ² O gu ge ǁkhāǁkhāsabegu âba dî bi, tsî ge mî: Rabitse, tari-e ge ǁore, nēba, ǁîb îra, ǂgī hâseb ge ǃnaesa? ³ Ob ge Jesuba ge ǃeream: Nēb kas, ǁîb îra kas ge ǁore tama hâ; xawe i ge ge ī, Elob sîsengu nî ǁîb tawa ǂhaise. ⁴ Tita ge ǁnāb, tita ge sîb di sîsenga nî sîsen, tsē-i as kōse; tsuxub ge ǃgoaxa, khoe-i xare-i ǁîb ǃnâ a sîsen ǁoaba. ⁵ ǃHūbaib ai ta hâs kōse ta ge a ǃhūbaib di ǃnâ. ⁶ Tsî nēna mî tsîb ge ǃhūb ai ǂara, tsî ǂāba ǂgobe, tsî ǀâ ǂgoaba ǂgī hâb di mûra ai ǂkhau, ⁷ tsî ge mîǀî bi: ǃGûsī î Siloams, (Sîǂuis, ti ra ǂnûiǃkhunihes) di khōsenǁgam-i ǃnâ ǁāsen! Ob ge ǃgûsī tsî ǁāsen tsî mû rase ge hā. ⁸ On ge ǀgūkhoen, tsî aibeb ge ǂgī i ǃkhaisa ge mûna ge mî: Nēba kha ǀkhope gere ǂnôa tamaba? ⁹ On ge ǀnîna: ǁÎb komo, ti ge mî. Tsî naun: ǁÎb khami ī. Xaweb ge ǁîb ǂûba: ǁÎ ta kom titao, ti ge mî. ¹⁰ On ge ǁîb ǃoa ge mî: Matits kha mûra âtsa go khowabahe? ¹¹ Ob ge ǃeream tsî ge mî: Khoeb, Jesub ti ra ǂgaiheb go ǂgoa-e ǂgobe tsî ǂkhaumû te, tsî mî: ǃGûsī î Siloams di khōsenǁgam-i ǃnâ ǁāsen! Tsî ǃgûsī tsî ta go ǁāseno, o ta ge go mû. ¹² On ge ǁîb ǃoa ge mî: Mapab ǁîba hâ? Ob ge: ǀŪ ta a, ti ge mî. ¹³ On ge ǂgī ge iba Farisegu tawa ge ūsī. ¹⁴ Tsî i ge sâtsē ge i, Jesub ge ǀâ ǂgoaba dī tsî ǁîb di mûra khowa ǃnubai. ¹⁵ O gu ge Farisega ǁkhawa ǁîba ge dî, matib go mûsa. Ob ge ǁîgu ǃoa ge mî; ǂGoa-eb go ti mûra ai ǂkhau, tsî ta go ǁāsen, o ta ra mû. ¹⁶ O gu ge ǀnîgu Farisegu diga ge mî: Nē khoeb ge Eloba xu hâ tama hâ, sâtsēsab khai tama hâ xui-ao. Xawe gu ge nauga ge mî: Mati i khoe-i hîa a ǁore-ao-e nēti ī saode a dī ǁkhā? Tsî i ge ǁhaiǃāgu-e ǁîn ǃnâ ge hā. ¹⁷ O gu ge ǁkhawa ǂgī go ib ǃoa ge mî: Satsa ǁnâi, tare xū-ets ǁîb xa ra mî, sa mûrab go khowaba tsi ǃkhais xa? Ob ge: Kēbo-aob komo, ti ge mî.

OKTOBERI 8-14

ELOBMÎSA XU HÂ ǂÛǂÛSA MÎDI | JOHANEB 11-12

Jesub ǀkhomxaǂgaosiba ǁgae re

(Johaneb 11:23-26) Ob ge Jesuba ǁîs ǃoa ge mî: Khâi nî ǃgâsab âs ge. ²⁴ Os ge Martasa ǁîb ǃoa ge mî: ǂAn ta a, ǀuni tsēs aib khâis ǃnâ nîra hâ ǃkhaisa. ²⁵ Ob ge Jesuba ǁîsa ge mîǀî: Tita ge Khâita, tsî Ûita. Tita ǃnâ kara ǂgom-i, ǁnā-i ge nîra ûi, ǁō i ka xawe. ²⁶ Tsî ûi tsî tita ǃnâ kara ǂgom-i hoa-i, ǁnā-i ge tātsē ǁō tide. ǂGoms ra nēsa?

nwtsty study notes Jhn. 11:24, 25

ǂAn ta a . . .  khâis nîra hâ ǃkhaisa: Martas ge ǀnîsi ge ǂâi hâ i Jesub ǀuniga tsēs ai nî hâ khâis xa ra ǃhoa di. (Mû re study note Jhn. 6:39.) ǁÎs ǂgoms ge khâis ǃnâ ge ǀgaisa ī. ǀNî ǂgomdi ǁkhāǁkhā-aogu hîna Sadusegu di ra ǂgaihe gu ge khâis ǃnâ ge ǂgom tama hâ i, xoadi ge ǁnāsa ǃamkuse gere ǁgau xawe. (Dan. 12:13; Mrk. 12:18) Tsî nau ǀkhāb ai gu ge Farisega gere ǂgom khoe-i ǀoms ǁōb khaoǃgâ ra ûiǃkhari di. Martas ge Jesub ge khâis xa gere ǁkhāǁkhā o, o nēs ǃnâ gere ǂgom ǁîb ge ǀnai khoena ǁōba xu ǂkhaiǂkhai tsâ hâ i amaga Lasarub khami haka tsēde ǁō hâ khoe-eb ge noxoba khâisa mâ tsâ tama hâ î xawe.

Tita ge Khâita, tsî Ûita: Jesub ǁōb tsî khâis tsîn ge ǁō hân khâisa nî hōsa ge īǁkhā kai. Jesub di khâis khaoǃgâb ge Jehovaba Jesuba ǁkhāsib ǀguiba ge mā tama hâ i ǁō hâna khâisa māsa xawe ǁînab ǀamo ûiba nî mā ǁkhāsib tsîna ge mābi. (Mû re study note Jhn. 5:26.) J.ǂHa. 1:18 tawab ge Jesuba “ûitsamata” tsî “ǁkhowa-amkha ǁōb tsî Hadeb tsîkha dikha ūhâ” ta dis tsîna gere ǂgaisen. ǁNās ǀkhab ge Jesuba a ûib tsî ǁōb tsîn di ǃâubasen. ǁÎb ge ǀhobasa ǁkhowam tsî ǁō hâna khâisa nîra mā, nēs ge ǀhommi ǃnâ gao-aose sī nî ǂgaeǂguin kas tamas ka io ǃhūbaib ai ǀamosib kōse nî ǁanan hoan kas tsîna.—Jhn. 5:28, 29; 2Pet. 3:13.

(Johaneb 11:33-35) Tsî Jesub ge ǁîs tsî ǁîs ǀkha go hā Jodeǁîn on ra ā ǃkhaisa mûo, ob ge gagas ǃnâ ǁgonaǂgao tsî ge gongonǃnâhe; ³⁴ ob ge ge mî: Mapa du ǁîba ǁgui hâ? On ge ǁîb ǃoa: ǃKhūtse, hā î mû re! ti ge mî. ³⁵ Tsîb ge Jesuba ge ā.

nwtsty study notes Jhn. 11:33-35

ā: Tamas ka io ge “ǃoa.” Grike gowab mîs “ā” di hâs ge ǁnâuhe ǁkhā ǀgaub ǃnâ ās ǃoa ra ǁnaeǁgau. Nē mîsab ge Jesuba Jerusalems dīkākāhes xab ge ǃhoa o, o ge sîsen-ū.—Luk. 19:41.

ǁgonaǂgao tsî ge gongonǃnâhe: Nē ǀgam mîra ge Jesub di ǃgam tsâsiba ra ǁguiǃā. Grikegowab mîs “gongonǃnâhe” (em·bri·maʹo·mai) di hâs ge ǃgam tsâsiba ra ǁguiǃā, xawe nē ǃnāsab ge Jesuba kaise ǃgamse ra āse gere ǃgae. Grikegowab mîs “gongonǃnâhe” (ta·rasʹso) di hâs ge khâikhâiǃnâ tamas ka io ǂâiǂhansen di ra ǂâibasen. ǀNî ôaǃnâ-aob ge ra mî, nē xoaǀgoras ǃoagu î ge “ǂganaga hâ tsâsib tamas ka io ǃgamse ǂgaob ǃnâ tsûs” di ra ǂâibasen. Nē mîs ǂûs ge ǁkhawa Jhn. 13:21 ǃnâ ra sîsen-ūhe Jesub ge Judab xab ge a ǁamaxūhe o, o gere tsâ ǀgaub ǃgao.—Mû re study note Jhn. 11:35.

ob ge: Tamas ka io “gagas ǃnâ.” Grikegowab mîs pneuʹmas ge nēpa ra sîsen-ûhe ǀgaisa tsâsib hîna ǂgaob ǃnâ hâb ǃgao hîna ge Jesuba xū-e mî kai tamas ka io gere dī kaiba ǀnî hâ ǀgaub ǃnâ.—Mû re Glossary, “Spirit.”

ge ā: Nēpa ra sîsen-ūhe mîs (da·kryʹos) ge Grikegowab sîsen mîs ǁgamron di hâs hîna sao ra xoadi ǃnâ ra sîsen-ūhes ǀkha a ǀgui, Luk. 7:38; ǃNǃkh. 20:19, 31; Heb. 5:7; J.ǂHa. 7:17; 21:4. ǂÂis ge ǁgamron hînab ge ān xa hâ, ǃgamse ǃgaes ose. Grikexoadi ǃnâs ge Grikegowab sîsen mîsa nēpa ǀgui ra sîsen-ūhe tsîs ge nēsa Jhn. 11:33 ǃnâs tsîna ra sîsen-ūhe (mû re study note) Marias tsî Jodeǁîn tsîn gere ā o. Jesub ge ge ǂan-i Lasarubab khâisa nî māsa xaweb ge noxoba gere ǃoa mûb ge o ǁîb ǀhōsan ra āsa. ǁÎb ge ǃgam ǀnammi tsî khoexaǃnâsib tsîn xa ge ǂgaehe ǁnās ǀkhab ge ge ā. Nē ǃnaeǃkhais ge ǃgāsase ra ǁgau Jesub ge ǁîb ǀgūkhoena gere tsâbasa ǁîn hîna ge ǀnamsabena ǁōb ǃnâ a ǂoaǃnâna.

(Johaneb 11:43, 44) Tsî nēna mî tsîb ge ǃgari dommi ǀkha Lasarutse, ǂoaxa! ti ge ǂgai. ⁴⁴ Ob ge ǁō hâba ge ǂoaxa, ǃomkha tsî ǂaira ai ǀhobas ǃkhaiga ǃgaehe hâse, tsî ais âba aosenǃkhaib ǀkha ǃnanhe hâse. Ob ge Jesuba ǁîn ǃoa ge mî: Xore bi, îb ǃgû!

Gagasi xūna ǀō-aisase ôaǃnâs

(Johaneb 11:49) Ob ge ǀguib âgu, Kajafab, ǁnā kurib ǁkhāb ai ǀgapiprister ge iba ǁîgu ǃoa ge mî: Sago kom xū-e ǂan tamao,

nwtsty study note Jhn. 11:49

ǀgapiprister: Israelǁaes ge ǀguri mâbasen hâ ǁae î o, ob ge ǀgapipristera ǁîb ǁgaumâisa gere ūhâ ǀgara. (Num. 35:25) Romeǁîn ge Israelǁaesa gere ǂgaeǂgui ǁaeb ǃnâ î ge Romeǁîn ǂgaeǂgui-aoga ǀnî ǀgapipristerga gere ǁgaumâi tsî ǀnîga ǁîgu ǁgaumâide xūs tsîna gere ūǁnâ. (Mû re Glossary, “High priest.”) Kajafab ge Romeǁin xa ge ǁgaumâihe ǂnûǁkhaeba-aob ase, ǁîb ge gaxu ǁaeba nē ǁgaumâisa ge dī. ǁÎb ge 18ǁî kuriba xu 36ǁî kurib kōse ge ǂgaeǂgui. Kajafaba ǀgapipristeri ase 33ǁî kurib ǃnâ ǁnaeǁgaus xab ge Johaneba gere ǂâibasen Kajafab ge ǀgapipristeri ase Jesub ge ǁō ǃnâ kuriba ǂâiǂâisens ase a ǂnûiǂgā di.—Mû re App. B12 Kajafasi omsa hōs ǃgao.

(Johaneb 12:42) Tsî ǁnāti ī xawe gu ge ǁkhāti ǂgui ǂamkhoega ǁîb ǃnâ ge ǂgom; xawe Farisegu ǃaroma gu ge ǁîsa ǁguiǁnâ tama ge i, sinagogeba xu gu ǂhāǂuihe tidega;

nwtsty study notes Jhn. 12:42

ǂamkhoega: Nēpa hâ Grikegowab mîs “ǂgaeǂgui-aogu” [ǂamkhoegu] di hâs ge Jodeǁîn di ǀapeǀhaos ǃnansa ǃoa ra ǁnaeǁgau. Nē mîs hîna Jhn. 3:1 ǃnâ hâs ge Nikodemuba ǃoa ra ǁnaeǁgau hîna ge ǀapeǀhaos ǃnans di ǁani îba.—Mû re study note Jhn. 3:1.

sinagogeba xu gu ǂhāǂuihe tidega: Tamas ka io “ǃkhaeǂuihe.” Grikegowab mîs a·po·sy·naʹgo·gos di hâs ge Jhn. 12:42 tsî 16:2 ǃnâ ǀgui ra sîsen-ūhe. ǂHāǂhuihe [ǃkhaeǂuihe] hâ khoe-i ge ǃkhōǃoahe tama hâ khoen ǁaegu. Nēti-i ǀgaub ǃnâ Jodeǁîn di ǀapeǀhaos ǃnansa xu ǃkhaeǂuihes ge ra ǂâibasen marisise du ǃgomsiba omaris ǃnâ ni hōǃâsa. ǀApeǀhaos ǃnans ge ǃnāsase ǁkhāǁkhās ǃgao gere sîsen-ūhe. Aiǁgause ǀnî ǁaeba ǀgoraǃgâ ǃkhaib ase gere sîsen-ūhe, khoe-i ge ǁî-i ǁkharaba gere hōba.—Mû re study note Mat. 10:17.

Elobmîs khomai ǃâs

(Johaneb 12:35-50) Ob ge Jesuba ǁîn ǃoa ge mî: ǂKhari ǁaero-eb ge ǃnâba ganupe sadu ǀkha nî hâ. ǃGûǃnâ bi, ǃnâba du ūhâ hîa, îb ǃkhaenaba sado tā ǃkhō. ǃKhaenab ǃnâ ra ǃgû-i ge a ǀū, mâǀî i ra ǃgû ǃkhaisa. ³⁶ ǃNâba du ūhâ hîa ǃnâb ǃnâ ǂgom re, î du ǃnâb di ôa kai. Nēnab ge Jesuba mî, ǃnubaib ge ǃgûbē tsî ǁîna xu ge gaugausen. ³⁷ Tsî ǁnātikō ǂgui saodeb ge ǁîn aiǃâ gere dī, xawen ge ǁîb ǃnâ ǂgom tama ge i, ³⁸ mîs kēbo-aob Jesajab dis nî ǀoaǀoahese, nēti ra mîsa: “ǃKhūtse, tari-e sige aoǁnâsa ra ǂgom? Tsî tari-eb ǃKhūb di ǁôaba ǂhaiǂhaibahe hâ?” ³⁹ ǁNā-amagan ge ǂgom ǁoa ge i, Jesajab ra ǁkhawa mî xui-ao: ⁴⁰ “Mûdi ânab ge ǂgī kai, tsî ǂgaob ânab ge karokaro, mûdi ǀkhan mû tidese, tsî ǂgaob ǀkhan ǁnâuǃā tidese, tsîn ǃhobasen tidese, tsî ta ǁîna ǂgauǂgau tidese.” ⁴¹ Nēnab ge Jesajaba ge mî, ǁîb ǂkhaisibab ge mû, tsî ǁîb xab gere ǃhoa ǃnubai. ⁴² Tsî ǁnāti ī xawe gu ge ǁkhāti ǂgui ǂamkhoega ǁîb ǃnâ ge ǂgom; xawe Farisegu ǃaroma gu ge ǁîsa ǁguiǁnâ tama ge i, sinagogeba xu gu ǂhāǂuihe tidega; ⁴³ khoen ǃgôaba gu ge Elob di ǃgôab ǃgâ-ai ǀnam i xui-ao. ⁴⁴ Tsîb ge Jesuba ǂgai tsî ge mî: Tita ǃnâ ra ǂgom-i ge tita ǃnâ ǂgom tama-e, tsî i ge tita ge sîb ǃnâ ra ǂgom, ⁴⁵ tsî tita ra mû-i ge tita ge sîba ra mû-e. ⁴⁶ ǃNâ-i ase ta ge tita ǃhūbaib ai ge hā, mâ-i hoa-i tita ǃnâ ra ǂgom-i ǃkhaenab ǃnâ hâ tidese. ⁴⁷ Tsî khoe-i ga ti mîde ǁnâu, tsî ǂgom tama i, ǁnā-e ta tita ǀgoraǃgâ tide; ǃhūbaiba ta nî ǀgoraǃgâse ta hā tama, tsî ǃhūbaiba ta nî ǃgâiǃō kaise ta ge hā xui-ao. ⁴⁸ Tita kara ǃharaxū-i, tsî ti mîde ǃkhōǃoa tama i ge ǀnai ǁî-e ra ǀgoraǃgâ-e ūhâ: Mîs tita gere ǃhoas, ǁîs ge ǁî-e nîra ǀgoraǃgâ ǀuni tsēs ai. ⁴⁹ Tita ge tita xa aitsama ǃhoa tama hâ; xawe Abob, tita ge sîb, ǁnāb ge mîmā-e ge mā te, tare-e ta nî mî tsî ǃhoa ǃkhaisa. ⁵⁰ Tsî ta ge a ǂan, ǁîb di mîmās a ǀamo ûi ǃkhaisa. O ta ge ǃhoa ta rana, Abob ge tita mîba khami ra ǃhoa.

OKTOBERI 15-21

ELOBMÎSA XU HÂ ǂÛǂÛSA MÎDI | JOHANEB 13-14

“Aiǁgau-e ta go mā go”

(Johaneb 13:5) ǁNās khaoǃgâb ge ǁgam-e ǃore-i ǃnâ ǂnâ, tsî ǁkhāǁkhāsabegu di ǂaide ge ǁātsoatsoa, tsî ǃuri ǃkhaib, ǁîb ǀkhab ǃgaesen hâb ǀkha ge ǀomǀkhā.

nwtsty study note Jhn. 13:5

ǁkhāǁkhāsabegu di ǂaide ge ǁātsoatsoa: ǃKharu ge ǁaeb ǃnâ î ge Israelǁîna ǀkhapuga tamas ka io ǁharode gere ana. Nē ǁharodi ge ǃnāga ǃgâise ge kurusa tama hâ i tsî nēs ǀkha khoe-i ǂaide gere ǀurixa kai. Tsî î ge khoe-e oms tawa î gere sī o, o ǁharode gere ūǁnâ. Oms khoe-i ge sari hâ khoe-i ǂaidi nî ǁāhesa gere kōǃgâ. Elobmîs ge ǂgui ǃnaeǃkhaide nēs xa ūhâ. (Gen. 18:4, 5; 24:32; 1Sam. 25:41; Luk. 7:37, 38, 44) ǁÎb ǁkhāǁkhāsabegu ǂaide ǁās ǃnâ-ūb ge Jesuba ǁîga ǃgamǃgamsenxasiba ge ǁkhāǁkhā îgu ǁîgu ǃgâsan tsîna xū-e dība ǁkhā.

(Johaneb 13:12-14) Tsî ǂaidi âgab ge ǁātoa, tsî saran âbab ge ǂaeǂgāo, ob ge ǁkhawa tāb tawa ǂnû, tsî ǁîgu ǃoa ge mî: ǂAn go a, tare-e ta goro dība go ǃkhaisa? ¹³ Sago ge tita: ǁKhāǁkhā-aotse tsî: ǃKhūtse, ti ra ǂgai, tsî go ǁnāsa ǂhanuse ra mî: ǁÎ ta kom titao. ¹⁴ Tsî ta ǁnâi tita, sago ǃKhū tsî ǁkhāǁkhā-aota sago ǂaide goro ǁāo, o go ge sago ona surudegu hâ, ǂaide ǁābagusa.

nwtsty study note Jhn. 13:12-14

ona: Tamas ka io “ǂgaoǀkhās ǃnāga.”Nē Grikegowab mîs ge ǃnāsase mari-i ǃgao ra sîsen-ūhe, ǂâibasen rase “Khoe-e xū-e surude hâ.” (Mat. 18:28, 30, 34; Luk. 16:5, 7) Xawe nau xoaǀgoradi ǃnâ ǀnî hâ ǀgaub ǃnâ ra sîsen-ūhe, ǂâibasen rase ǁgui-ais tamas ka io ra ǂgaoǀkhā-ese xū-e dīsa.—1Jhn. 3:16; 4:11; 3Jhn. 8.

(Johaneb 13:15) Aiǁgau-e ta go mā go, sago on nî dīga, tita goro dība go khami.

w99-E 3/1 31 ¶1

ǂOaǂamsa-aob ge ǃgamǃgamsenxa dīga ra dī

ǁÎb ǁkhāǁkhāsabegu ǂaide ǁnās ǃnâ-ūb ge Jesuba ǃgamǃgamsenxasib xa ge ǁkhāǁkhā. Xristeǁîn ge tā nau khoena nî gaoǂam tsî khoen xa hoa xūna nî dībahe ǂgao tsî tā ǀgapi ǂharode nî ôa. Xawe Jesub mîde nî sao, mî rade “khoen Ôab ge hā tama, ǃoabaheb nîse, tsîb nî ǃoaba tsî ǁîb ûiba māse ǂguin di orehesa ǃoa.” (Mateub 20:28) Jesub saosaben ge nau khoena ǃgamǃgamsenxa dīga nî dība.

Gagasi xūna ǀō-aisase ôaǃnâs

(Johaneb 14:6) Ob ge Jesuba ǁîb ǃoa ge mî: Tita ge daota, tsî amata, tsî ûita. Khoe-i xare-i ge Abob tawa a sī ǁoa, tita xu i ga sī tama io.

nwtsty study note Jhn. 14:6

Tita ge daota, tsî amata, tsî ûita: Jesub ge a dao ǁîb ǃnâ-ū ǀgui da ǀgores ǃnâ Elob ǃoa ra ǀgū amaga. ǁÎb ge ǀnî hâ ǀgaub ǃnâs tsîna a dao, ǁîb ǃnâ-ūn ge khoena Elob xa ra ǃkhōǃoa-e. (Jhn. 16:23; Rom. 5:8) Jesub ge a ama, ǁîb ge amab ǃoagu ǃhoa tsî gere ûi. ǁÎb ge ǂgui kēbodi tsîna ge dīǀoaǀoa ǁgau rase Elob ǂâisab ge ra dī di. (Jhn. 1:14; J.ǂHa. 19:10) Nē kēbodi ge ‘ǁîb ǃnâ ge dīǀoaǀoahe.’ (2Kor. 1:20) Jesub ge a ûi, xoremarib ǃnâ-ūn khoena ‘ama ûib’ ǁnāb ge ‘ǀamo ûiba’ nî hō amaga. (1Tim. 6:12, 19; Efe. 1:7; 1Jhn. 1:7) ǁÎb ge ǂgui khoen hîna khâisa nî hōn ǃgaos tsîna a “ûi”.—Jhn. 5:28, 29.

(Johaneb 14:12) Amase, amase ta ra mîba go: Tita ǃnâ kara ǂgom-i, ǁnā-i ge tita ra dī sîsenga ǁkhāti nîra dī, tsî i ge ǁîgu ǃgâ-ai kaiga nîra dī; tita ti Îb ǃoa ra ǃgû xui-ao;

nwtsty study note Jhn. 14:12

ǁîgu ǃgâ-ai kaiga: Jesub ge mî tama hâ ǁîb ǁkhāǁkhāsabegu ge ǁîb xa kai dīga nî dī di. ǁÎb ra ǂâibasens ge ǁîn aoǁnâ sîsenni tsî ǁkhāǁkhās tsîn ge ǁîb din xa nî kai di. ǁÎb saosaben ge ǃnāsa ǃādi ǃnâ nî aoǁnâ, ǃnāsa khoen ǀkha nî ǃhoa tsî kai ǁaeba aoǁnâ sîsenni ǃnâ nî ūhâ dib ge gere ǂâibasen. Jesub mîdi ge ge ǁgau ǁîb saosaben ǁîb sîsenni ǃnâ nî aiǃgûsab gere ǂgaosa.

Elobmîs khomai ǃâs

(Johaneb 13:1-17) Tsî Pasxakaitsēs aiǃâ, Jesub ge ǂan io, iri âb, ǁîb aib nî nē ǃhūbaiba xu ǁGûb ǃoa ǃgûb go hā ǃkhaisa, ob ge ǁîb din, ǃhūbaib ai hâna, ǁînab ge ǀnam hâ i khami ǀunis kōse ge ǀnam. ² Tsî ǃuiǂûǁaeb ge hāo, ǀnaib ǁgâuaba Judab, Simonni ôab, Iskarioǁîb di ǂgaob ǃnâ mâ hîa, ǀapexū bib nîsa, ³ tsî Jesub ge ǂan io, hoanab ǁGûba ǁîb di ǃomǁae mā hâ ǃkhaisa, tsî Eloba xub ge ǂoa, tsî Elob ǃoab ra ǃgûsa, ⁴ ob ge ǃuiǂûsa xu khâi, tsî saran âba ǂgaeǂui, tsî ǃuri ǃkhaiba ū tsî ǁîb ǀkha ge ǃgaesen. ⁵ ǁNās khaoǃgâb ge ǁgam-e ǃore-i ǃnâ ǂnâ, tsî ǁkhāǁkhāsabegu di ǂaide ge ǁātsoatsoa, tsî ǃuri ǃkhaib, ǁîb ǀkhab ǃgaesen hâb ǀkha ge ǀomǀkhā. ⁶ Tsî Simon Petrub tawab ge sīo, ob ge ǁnāba ǁîb ǃoa ge mî: ǃKhūtse, satsa kha ǁnâi ti ǂaira nî ǁā? ⁷ Ob ge Jesuba ǃeream tsî ǁîb ǃoa ge mî: Dī ta ra-ets nēsi a ǀū, xawets ge nēn khaoǃgâ nîra ǂan. ⁸ Ob ge Petruba ge mîǀî bi: Tātsē, tātsēts ge satsa ti ǂaira ǁā tide. Ob ge Jesuba ǁîba ge ǃeream: ǁĀ tsi tama ta ga io, ots kom tita ǃnâ amǃnâ-e ūhâ tamao ti. ⁹ Ob ge Simon Petruba ǁîb ǃoa ge mî: ǃKhūtse ti ǂaira ǀguira tama, îts ǃomkha tsî danas ona ǁā. ¹⁰ Ob ge Jesuba ǁîb ǃoa ge mî: Khōhe hâ-i kom ǀnî ǁāhesa ǂhâba tamao, ǂaira ǁāhes ǀguis. Hoaragase i kom a ǃanuo. Tsî sago ge ǁkhāti a ǃanu, xawe hoatsama tama. ¹¹ ǁÎba nîra ǀapexūbab ge ǂan i amagab ge: Hoatsama tama go ge a ǃanu, ti ge mî. ¹² Tsî ǂaidi âgab ge ǁātoa, tsî saran âbab ge ǂgaeǂgāo, ob ge ǁkhawa tāb tawa ǂnû, tsî ǁîgu ǃoa ge mî: ǂAn go a, tare-e ta goro dība go ǃkhaisa? ¹³ Sago ge tita: ǁKhāǁkhā-aotse tsî: ǃKhūtse, ti ra ǂgai, tsî go ǁnāsa ǂhanuse ra mî: ǁÎ ta kom titao. ¹⁴ Tsî ta ǁnâi tita, sago ǃKhū tsî ǁkhāǁkhā-aota sago ǂaide goro ǁāo, o go ge sago ona surudegu hâ, ǂaide ǁābagusa. ¹⁵ Aiǁgau-e ta go mā go, sago on nî dīga, tita goro dība go khami. ¹⁶ Amase, amase, ta ra mîba go: ǃGāb ge ǁîb ǀhonkhoeb xa kai tama hâ, tsî sîsabeb ge ǁîba ge sîb xa kai tama hâ. ¹⁷ Nēna ǂan tsî go ga ǁîna dīo, o go ge a ǃgâiǃō.

OKTOBERI 22-28

ELOBMÎSA XU HÂ ǂÛǂÛSA MÎDI | JOHANEB 15-17

“ǃHūbaiba xu go hâ tama hâ”

(Johaneb 15:19) ǃHūbaiba xu go ga hâo, ob ga ǃhūbaiba ǁîb di-e ǀnam; xawe ǃhūbaiba xu go hâ tama, tsî tita sago ǃhūbaiba xu ǃkhōǂuibasen hâ amagab kom ǃhūbaiba sago ra ǁkhano.

nwtsty study note Jhn. 15:19

ǃhūbaiba: Grikegowab mîs koʹsmos di hâs ge Elob xa ǃkhōǃoahe tama hâ khoen hîna nē Eloxoresa ǃhūbaib ǃnâ ǁan hâna ǃoa ra ǁnaeǁgau, Elob ǃoaba-aon ose. Johaneb ge a ǂguro ǃGâiǂhôa xoa-ao hîna ge Jesub saosaben xa a mîba ǁîn ge nē ǃhūbaib ǃâ tama hâ di. Nē ǂâis ge ǀgam ǃnā ra Jesub ge ǁîb ǂgomǂgomsa apostelgu ǀkha ūhâ i ǀuniga ǀgores ǃnâ ra hō-e.—Jhn. 17:14, 16.

(Johaneb 15:21) Tsîn ge nēn hoana sago nîra dī ti ǀons ǃaroma, tita ge sîban ǂan tama amaga.

nwtsty study note Jhn. 15:21

ti ǀons ǃaroma: Elobmîs ǃnâ î ge “ǀons” di hâ mîsa khoe-i ûiǀgaub tsî ǁî-i tsîna ra ǂnûǁkhaeba. (Mû re study note Mat. 6:9.) Jesub ǀons ge ǁîb gaosis tsî ǁîb ǁgûb ge mābi ǂharos tsîna ra ǂnûǁkhaeba. (Mat. 28:18; Fil. 2:9, 10; Heb. 1:3, 4) Jesub ge nēpa ra ǁguiǃā ǃhūbaib khoen ge ǁîb saosaben ǃoagu xū-e nî dī: ǁîn ǁÎba ge sîba a ǀū amaga. Eloba ǂans ge ǁîna nî ǁnâuǃā kai Jesub ǀons tae-e mâbasa. (ǃNǃkh. 4:12) Nēs ge Jesuba ǃkhōǂgā hâ ǂnuiǂgāsa ǂGaeǂgui-ao tsî Gao-aogu di gao-aob ase hînan hoa khoena ǃgôasiba nî ǁgauba ǀamo ûiba hōs ǃgao.—Jhn. 17:3; J.ǂHa. 19:11-16; ǀgopeǀnō re Psa. 2:7-12.

(Johaneb 16:33) Nēna ta sago ǃoa goro ǃhoa, tita ǃnâ go nî ǂkhîba ūhâse. ǃHūbaib ǃnâ go ǂōǂōsi-e ūhâ; xawe ǃgâiǂâixa re, tita ge ǃhūbaiba ge dan.

it-E 1 516

ǁKhoaǂgaosib

Xristeǁîn ge ǁkhoaǂgaosiba ǂhâ hâ în tā nē ǃhūbaib ǀgaugu tsî dīgu tsîn xa ǀuriǀurihe xawe Jehovab ǃoa-ai ǂgomǂgomsase hâ. Jesub ge ǁîb ǁkhāǁkhāsabega ge mîba: “ǃHūbaib ǃnâ go ǂōǂōsi-e ūhâ; xawe ǃgâiǂâixa re, tita ge ǃhūbaiba ge dan.” (Jhn. 16:33) Jesub ge ǃhūbaib ǀgauga ge sao tama hâ i xawe ǃhūbaiba ge dan, ǃhūbaib ǃnâ ǃâ tama is ǃnâ-ū. Jesub di ǃgâi aiǁgaus ge khoe-e a ǁgari ǁkhā î-i ǁkhoaǂgaosiba ūhâ tsî ǁîba ǁgae ǃhūbaib ǃnâ ǃâ tama is ǃnâ.—Jhn. 17:16.

Gagasi xūna ǀō-aisase ôaǃnâs

(Johaneb 17:21-23) în hoana ǀgui, sats Abots ge ti ǃnâ, tsî tita sa ǃnâ ǀguis ǁkhās khami; în ǁîn ona sakhom ǃnâ ǀgui, ǃhūbaib nî ǂgomga, sats ge tita sî ǃkhaisa. ²² Tsî ta ge ǁîna ǁnā ǂkhaisib, titats ge māba ge mā, în ǀgui, sakhom a ǀgui khami. ²³ Tita ǁîn ǃnâ, tsî satsa tita ǃnâ; în dīǀoaǀoahe hâse ǀgui, îb ǃhūbaiba mûǂan, sats tita ge sî ǃkhaisa, tsîts ǁîna ǀnam hâ ǃkhaisa, titats ǀnam hâ khami.

nwtsty study notes Jhn. 17:21-23

ǀgui: Tamas ka io “ǀguiǃnâxa.” Jesub ge ge ǀgore în ǁîb ama saosabena “ǀgui” ǀguiǃnâxasib ǃnâ ǁîb tsî ǁîb ǁGûb tsîn kami. (Jhn. 17:22) Paulub ge 1Kor. 3:6-9 ǃnâ nē ǀguiǃnâxasiba Xristeǁîn ǁaegu ra ǁguiǃā ǁîn ǀguiǃnâxase ǀguiba ra sîsen amaga.—Mû re 1Kor. 3:8 tsî study notes Jhn. 10:30; 17:11.

în dīǀoaǀoahe hâse ǀgui: Tamas ka io “hoase ǀguiǃnâxa.” Jesub ge nē ǁaraǃās ǃnâ ǀguiǃnâxasiba Elob xa ǀnamhes ǀkha ra ǀgopeǀnō. Nēs ge Kol. 3:14 ǀkha a ǀgui hîna ra mî sa: ‘ǀNammi ge a dīǀoaǀoasib di ǃkhōǀhaoxū.’ Nē ǀguiǃnâxasib ge a ǀō-aisa. Nēs ge ǂâibasen tama hâ khoen ǁkhāsigu, ǁnaetigu tsî ǃanu ǃgâi ǂâis tsîn ge ra ūbēhe di. Nēs ge ra ǂâibasen Jesub saosabena ge dīgu, ǂgoms tsî ǁkhāǁkhādi tsîn ǃnâ a ǀguiǃnâxa di.—Rom. 15:5, 6; 1Kor. 1:10; Efe. 4:3; Fil. 1:27.

(Johaneb 17:24) Abotse, ǂgao ta ra, tita hâpa, ǁnāpan nî ǁkhāti titats ge māna hâ ǃkhaisa, în ti ǂkhaisiba kō, sats ge mā teba; ǃhūbaib ganupe ǃgaoǃgaohe tama hâ hîats ge tita ǀnam i xui-ao.

nwtsty study note Jhn. 17:24

ǃhūbaib ganupe ǃgaoǃgaohe: Grikegowab mîs “ǃgaoǃgaohe” di hâs ge ‘ǁora’ di Heb. 11:11 tawa ra ǁguiǃāhe “suriba” ǃoa i ra ǁnaeǁgau o. ‘ǃHūbaib ganupe ǃgaoǃgaohe hâ’ di hâ mîs ge Adammi tsî Evas tsîn ǀgôana ǃoa ra ǁnaeǁgau. Jesub ge ‘ǃhūbaib ganupe ǃgaoǃgaohe hâ’ di hâ mîde Abeli ǀkha ra ǀgopeǀnō ǁîb ge ǂguro khoe-i amaga hîna ge ‘ǃhūbaib di ǃgaoǃgaosa xu ûib di ǂkhanis ǃnâ xoaǂgāheba.’ (Luk. 11:50, 51; J.ǂHa. 17:8) Nē mîdi Jesub didi hînab ge ǁîb ǁGûba ǃoa a ǀgoredi ge ra ǁgau Adammi tsî Evas tsîn noxoba suriba ūhâ tama hâ hînab ge Eloba ǁîb ǀguise ǃnae hâ ǀgôaba ge ǀnam.

Elobmîs khomai ǃâs

(Johaneb 17:1-14) ge Jesuba ǃhoa, tsî mûra âba ǀhommi ǃoa ǃhâkhâi, tsî ge mî: Abotse, iri ge go hā; ǂkhaiǂkhai sa Ôaba, îb sa Ôaba satsa ǂkhaiǂkhai, ² ǀgai-ets mā bi hâ khami ǁgans hoas ǂama, ǁîbats ge mān hoanab nî ǀamo ûiba māse. ³ Tsî nēb ge ǀamo ûiba, sats ǀguise ama-ai Elots, tsî sats ge sîb Jesub Xristub onan nî ǂan ǃkhaisa. ⁴ Tita ge satsa ǃhūbaib ai ge ǂkhaiǂkhai, ǁnā sîsenni, dī ta nîsets ge mā teba ta ge dītoas ǀkha. ⁵ Tsî nēsi ǂkhaiǂkhai te re, Abotse, sats ǂûts tawa, ǁnā ǂkhaisib, ǃhūbaib ge īs aiǃâ ta ge sa tawa ūhâ ib ǀkha. ⁶ Sa ǀonsa ta ge ǁnā khoena ge ǂhaiǂhaiba, ǃhūbaiba xuts ge mā tena. Sa din ge ǁîna ge i, tsîts ge ǁîna tita ge mā, tsîn ge sa mîsa ge sâu. ⁷ On ge nēsi mûǂan hâ, titats ge mān hoan satsa xu hâ ǃkhaisa. ⁸ ǁNā mîdi, sats ge tita māde ta ge ǁîna mā xui-ao; tsîn ge ǁîde ge ǃkhōǃoa, tsîn ge amase ge mûǂan, satsa xu ta ge ǂoa ǃkhaisa, tsîn ge ǂgom hâ, sats ge tita sî ǃkhaisa. ⁹ Tita ge ǁîna ra ǀgoreba; ǃhūbaiba ta ǀgoreba tama, xawe sats ge tita māna ta ra ǀgoreba, sa din a amaga. ¹⁰ Tsî tin hoan ge a sa, tsî san hoan ge a ti; tsî ta ge ǁîn ǃnâ ǂkhaiǂkhaihe hâ. ¹¹ Tsî ta ge tita ǃaruǀî ǃhūbaib ai hâ tama hâ; xawen ge ǁîna ǃhūbaib ai hâ, tsî ta ge tita sa tawa ra sī. ǃAnu Abotse, sa ǀons ǃnâ ǁîna sâu re, titats ge māna, în ǀgui, sakhom a ǀgui khami. ¹² ǃHūbaib ai ta ǁîn ǀkha hâ hîa ta ge ǁîna sa ǀons, titats ge mās ǃnâ ge sâu, tsî ta ge ǁîna ge ǃûi, tsî ǀgui-i ân ge kā tama hâ, kāǁōsib di ǀgôab ǀguib, xoas nî ǀoaǀoahese. ¹³ Tsî nēsi ta sa tawa ra sī, tsî ta nēna ǃhūbaib ai ra ǃhoa, ti ǃgâiaǂgaoban nî ǀoa hâse ǁîn ǃnâ ūhâga. ¹⁴ Tita ge ǁîna sa mîsa ge mā, tsî ǃhūbaib ge ǁîna ra ǁkhan, ǃhūbaiba xun hâ tama amaga, tita on ǃhūbaiba xu hâ tama khami.

OKTOBERI 29–NOVEMBERI 4

ELOBMÎSA XU HÂ ǂÛǂÛSA MÎDI | JOHANEB 18-19

Jesub ge amab xa ra aoǁnâ

(Johaneb 18:36) Ob ge Jesuba ge ǃeream: Ti gaosib ge nē ǃhūbaiba xu hâ tama hâ. Nē ǃhūbaiba xub ga ti gaosiba hâ hâo, o gu ga ti ǃgāga ǃkham hâ, Jodeǁîna ta māǁnâhe tidese; xawe nēsib ge ti gaosiba nēpa xu hâ tama hâ, ti.

(Johaneb 18:37) Ob ge Pilatuba ǁîb ǃoa ge mî: Gao-aotsa kha ǁnâi? Ob ge Jesuba ge ǃeream: Sats ra mî, gao-aota asa. ǁÎs ǃoa ta ge ge ǃnae, tsî ǁîs ǃoa ta ge ǃhūbaib ai ge hā, amaba ta nî ǃkhō-ambase. Amaba xu hâ-i hoa-i ge ti domma ra ǁnâu-e.

nwtsty study notes Jhn. 18:37

amaba ta nî ǃkhō-ambase: Xristeǁîn xoadi ǃnâ i ra sîsen-ūhe khami î ge Grikegowab mîdi (mar·ty·reʹo) tsî “aoǁnâs” (mar·ty·riʹa; marʹtys) tsîna “amaba ta nî ǃkhō-ambase” di ra ǂâibasen. Nē ǀgam mîra hoara ge ǂgurose ǂhôa-e ǁnâusa ǃoa ra ǁnaeǁgau xawe “nau khoe-i xa ǃgâise ǃhoas” tsîna a ǃkhōǂgā ǁkhā. Jesub ge amab ǀguiba ge ǃhoa tama hâ i xawe ǁîb ǁGûb amab tsî mîmâidi tsîna gere ǃkhōǀgara. (2Kor. 1:20) Elob ǂâibasens Gaosib tsî Mesiab ǂgaeǂguis tsîn dis ge ǀnai ge mîmâihe hâ i. Jesub ge ǃhūbaib-aib ge hâ io, o ǂhanub ǃnâ māsa kēbodi hoade ge dīǀoaǀoa. (Kol. 2:16, 17; Heb. 10:1) ǁNā-amaga î ge a mîhe ǁkhā Jesub ge mîs tsî dīn tsîn ǃnâ ‘gere aoǁnâ’ di.

amab: Jesub ge nēba hoaǃnâ-aixa amab xa ge ǃhoa tama hâ i xawe Elob ǂâibasens xa hâ amab xa gere ǃhoa. Elob di ǂâibasens xa hâs ge Jesub hîna a “Davib ôab” ge ǀGapi pristeri tsî Elob Gaosib di ǂgaeǂgui-aob ase ge ǁgaumâihe. (Mat. 1:1) Jesub ge ge ǁguiǃā ǁîb ge ǃhūbaib ai ge hā îb Elob Gaosib amab xa aoǁnâ. ǀHomǃgāgu tsîn ge nēs xa Jesub nî ǃnaehes aiǃâs tsî Jesub ge Betlehems tawa a ǃnaehe os tsîna gere aoǁnâ, Davib tsîn ge ǁnāpa ge ǃnae.—Luk. 1:32, 33; 2:10-14.

(Johaneb 18:38) Ob ge Pilatuba ǁîb ǃoa ge mî: Tare-e kha ama-e?

nwtsty study note Jhn. 18:38

Tare-e kha ama-e?: Pilatub dîs ge nēpa hoaǃnâ-aixa amaba ǃoa gere ǁnaeǁgau, Jesub gere ǃhoa ama xas ose. (Jhn. 18:37) Nēs ga ǃgâi dî hâ o, ob ge Jesuba ga ǃeream hâ. Pilatub ge dîsa ǃereamsa ǂhâ tama hâ dîs ase ge dî ǀnîsi ra dîse, “amab a tae? Nēti i xū-i ge a ǀkhai.” Pilatub ge ǃereamsa ge ǃâu tama hâ i tsî ǃauga Jodeǁîna ǃoa ge i.

Gagasi xūna ǀō-aisase ôaǃnâs

(Johaneb 19:30) Jesub ge ǀkhuruxûiba ūo, ob ge ge mî: Dītoahe go! Tsî danasa ǃgam tsîb ge gagasa ge mā.

nwtsty study note Jhn. 19:30

gagasa ge mā: Tamas ka io “ǁō”. “Gagas” (pneuʹma Grikegowab ǃnâ) di hâ mîs ge nēpa “ǀoms” di a ǂâibasen ǁkhā. Nēs ge Grikegowab sîsen-ū mîs ek·pneʹo di hâs hîna Mrk. 15:37 tsî Luk. 23:46 ǃnâ hâ ǂkhōs ǃnâ ra sîsen-ūhesa (nēs ge “ǀomǂui” di a ǂâibasen ǁkhā hîna study notes tawa “ǀom ǀû” di ra ǁguiǃāhesa). ǀNî khoen ge ra mî Grikegowab mîs “ǀûsen” di hâs ge ra ǂâibasen Jesub ge ge ûi ǀû hoa xūn ge dīǀoaǀoahe amaga. ǁÎb ge ‘ǀoms âba ǁōb ǃnâ ge ǁhōxū.’—Jes. 53:12; Jhn. 10:11.

(Johaneb 19:31) On ge Jodeǁîna, sorodi sâtsēsa ǃgâuhaib ai hâǃganu tidese, tsî aiǂhomisentsē-i ge i tsî ǁnā sâtsēs ge kai i amaga Pilatuba ge ǂgan, ǀnūgu âga khôahe tsî gu nî ūǁnâhe ǃkhaisa.

nwtsty study note Jhn. 19:31

ǁnā sâtsēs ge kai i amaga: Nisan 15, ǃuiǂûs khaoǃgâ ge hâ i tsēs ge ge sâtsē i, mâ tsēs ai i ga wekheb ǃnâ ga ra hâ xawe. (Lev. 23:5-7) Nē ǀō-aisa sâtsēs ge hoaǃnâ-aixa sâtsēs ǀkha gere ǃgûǀhao o, (7ǁî tsēs Jodeǁîn wekheb dis ge Fraitaxtsēs soreǂgâsa xu Satertaxtsē soreǂgâs kōse ge hâ i) o î ge kai sâtsēs di ge ǂansa i. ǁNā sâtsēs khaoǃgâ î ge Jesub ǁōb tsēsa ge hâ i, nēs ge Fraitaxtsēs ai ge ī. 29ǁÎ kuriba xu 35ǁî kurib kōse î ge Nisan 14 sa 33ǁî kurib ǃnâ Fraitaxtsēs ai gere ǁnā. Nēs ge ra ǁgau Jesub ge Nisan 14, 33ǁî kurib ǃnâ a ǁōsa.

Elobmîs khomai ǃâs

(Johaneb 18:1-14) Nēnab ge Jesuba ǃhoa, ob ge ǁîb di ǁkhāǁkhāsabegu ǀkha ǂoa, tsî ǃārob Kidronni nauǃani ge ǃgâu; ǁnāpab ge ǃhanaba ge hâ i, ǁîb ǃnâb ge Jesuba ge ǂgâ tsî ǁîb di ǁkhāǁkhāsabegu tsîna. ² Tsî Judab, ǀapexū bi geb ge ǁkhāti ǁnâ ǃkhaisa ǂan ge i, Jesub ge ǁnāpa ǁîb di ǁkhāǁkhāsabegu ǀkha ǁaekorobe gere ǀhû amaga. ³ Ob ge Judaba toroǂnubis tsî ǀgapipristergu tsî Farisegu tsîgu di ǃgāga ū, tsî ǁnāpa ge sī, ǃamamǀaedi tsî lanterndi tsî ǁâtanin tsîn ǀkha. ⁴ Tsî Jesub ge ǁîb ai nîra hān hoana ǂan io, ob ge ǂoa, tsî ǁîn ǃoa: Tari-e go ra ôa? ti ge mî. ⁵ O gu ge ge ǃeream bi: Jesub Nasareǁîba ti. Ob ge Jesuba ǁîgu ǃoa: Tita ge ǁî ta, ti ge mî. Tsî Judab ǀapexū bi geb ge ǁkhāti ǁîgu ǀkha ge mâ i. ⁶ Tsî Jesub ge: Tita ge ǁî ta, ti mîo, o gu ge ǃgâǃgâbē, tsî ǃhūb ai ge ǁnā. ⁷ Ob ge ǁkhawa ǁîga: Tari-e go ra ôa? ti ge dî. O gu ge ǁîga Jesub Nasareǁîba, ti ge mî. ⁸ Ob ge Jesuba ge ǃeream: Mîba go ta go, tita a ǁî ǃkhaisa; tita go ga ǁnâi ôao, î gu ǁnâi nēga ǃgû! ti. ⁹ ǁNā mîs, ǃhoab ges nî ǀoaǀoahese: Titats ge mān xa ta ǀgui-i xare-e kā kai tama hâ, ti. ¹⁰ Ob ge Simon Petrub gôaba ūhâba ǂgaeǂui, tsî ǀgapipristeri di ǃgāba ǂnau, tsî ǁîb amǀkhāb ǂgaesa ge ǂnauǁnâ; tsî ǁnā ǃgāb ge Malxub ti ge ǀon hâ i. ¹¹ Ob ge Jesuba Petrub ǃoa ge mî: Gôab âtsa ǂgā ǁhōb ǃnâ! Ā ta tide, Abob ge mā te ǀgabisa? ¹² On ge ǂnubis tsî danakhoeb tsî Jodeǁîn di ǃgāgu tsîna Jesuba ǃkhō, tsî ge ǃgae bi, ¹³ tsî ǁîba ǂguro Annab ǃoa ge ǂgaeǂgui; ǁîb ge Kajafab, ǁnā kurib ai ǀgapiprister ge ib taras di î-i xui-ao. ¹⁴ Tsî Kajafab ge ǁnāb Jodeǁîna ge ǀapemāba, ǃgâi i ka ǃkhaisa, ǀgui khoe-i nî ǁaesa ǁōba ǃkhaisa.