ǁNaeǁgaudi Sida Xristeǁî ûib tsî aoǁnâ sîsenni ǂkhanib
JULIB 1-7
ELOBMÎSA XU HÂ ǂÛǂÛSA MÎDI | KOLOSEǁÎN 1-4
“Î du ǀoro khoeba ǁîb di dīgu ǀkha ǁhûǁnâ”
(Koloseǁîn 3:5-9) ǃGam ǁnâi sadu uniǁaedi, ǃhūbaib ai hâde: ǀAib, ǃanuoǃnâsib, taotaosa hōǃâsendi, ǂkhaba turab tsî xūǃgunuxasib, ǁîb ge a ǁgôatsuiǁgoaǃoaba; 6 ǁîn ǃaromab Elob ǁaiba ǁnâuǀnamoǃnâsib di ôan ǂama ra hāna; 7 ǁîn ǃnâ du ǁkhāti sado gere ǃgûna, ǁîn ǃnâ du gere ûi ǃnubai. 8 Î du nēsi ǁkhāti sado nēn hoana ǁguiǁnâ: ǁAib, ǁaixasib, ǂkhabasib, ǃkhāǃkhāb tsî ǀurixase sadu ams ǀkha ǃhoas tsîna. 9 Tā ǂhumibagu; î du ǀoro khoeba ǁîb di dīgu ǀkha ǁhûǁnâ;
w11-E 3/15 10 ¶12-13
Elob gagaba ūǃoa re, nē ǃhūbaib dib ose
12 Ti tanisen ǀgauba mâ ǃnôa gagaba ta ūǃoahâsa ra ǁgau? (Khomai re Koloseǁîn 3:8-10, 13.) Nē ǃhūbaib di gagab ge ǁgansi sīsenga ra ǃgûǃgû kai. (Gal. 5:19-21) Mâsib ga sida ûib ǃnâ ǃgâi tama io da ge ra mû mâ gagab xa da ra ǂgaeǂguihesa. Aiǁgause i ga khoe-e sadu ǀkha ǁaixa tsî ǃhoa-ū du tama io tamas ka io i ga sado ra tsûtsû xu-e a dī o. Nau khoen mûda tama hâ ǁaeb ai da ra dī xūn tsîn ge ra ǁgau mâ gagab xa da ra ǂgaeǂguihe ǃkhaisa. Aitsama da ge ǁaeba xu ǁaeb ǀkha ni ôaǃnâsen. Dîsen re, ‘nē go ro ǃkharu ǃnâni ǁkhâgu ǃnâb ti ǂūba Xrîsteǁî ta asa go ro ǁgau tamas ka io ta ǃhoaǀgaub tsî dīgu ǃnâ go khao-oa?’
13 Elob gagab ge nî hui da îda “ǀoro khoeba ǁîb di dīgu ǀkha ǁhûǁnâ” tsî “ǀasa khoeba ana.” Nēs ge nî hui da îda khoena ǀnamma ǁgau tsî khoexaǃnâse ǁîn ǀkha hâ. ǁNas ǀkha da ge ǃkhaese khoena nî ǀûba tsûtsûdan ga xawe. Tsî da ge “hoa au-ausens, tsî ǁaixasib, tsî ǁaib tsî ǃaugus, tsî ǃkhāǃkhāgus” tsîn ǀkha ǃeream tide khoe-i xa da ga tsūdī-e ti da ga tsâ o. Xawe da ge nî ǁgūtsâ îda “khoexagu tsî ǀkhomxagu.”—Efe. 4:31, 32.
(Koloseǁîn 3:10-14) î du ǀasa khoeba ana, ǂans ǃoa ra ǀasa kaiheba, ǁîba ge kurub di īsib ǃoa; 11 ǁîb ǃnâ i hâ tama: Grikeǁî-i kas, Jodeǁî-i kas, ǃgaohesab kas, ǃgaohesa tamab kas, ǁkhāǁkhāsa tamab kas, skitǁî-i kas, ǃgā-i kas, ǃnorasa-i kas hoasa; xawe Xristub ge a hoa tsî hoan ǃnâ hâ. 12 Î du Elob di ǃkhōǂuibasensa tsî ǃanu tsî ǀnamsan ase ana: ǃNāb di ǀkhomxaǂgaosib, khoexasib, ǃgamǃgamsens, tsamtsiǃnâsib tsî ǃnūǃnâxasib tsîna; 13 î du tanibagu, î du ǀûbagu, nē-i ga nau-i ǃoagu ǀauxū-e ūhâo; Xristub ge sado ǀûbas ǁkhās xase sado ǁkhāti dī. 14 Î du nēn hoan ǂamai ǀnamma ǂgaeǂgā, ǁîb ge a dīǀoaǀoasib di ǃkhōǀhaoxū.
w13-E 9/15 21 ¶18-19
ǀKharaǀkharahe i du hâ?
18 Elobmîsa khomais ge nî hui da îda ǂhâbasa ǀkharaǀkharana dī, xawe khomais ge tsoatsoas ǀguisa i. ǂGui khoen ge Elobmîsa ra khomai tsî a ǂan tae-i ǁîs ǃnâ a xoasasa. ǀNîsi du ge nēn di ǀgui-e aoǁnâ sîsen-i ǃnâ ge ǀhao-ū hâ i. ǀNî khoen ge danasa xus tsîna xoade a ǂan. Xawe nēs ge ǁîn ǂâiǀgaub tsî tanisen ǀgaub ai ǀgaisa sîsenǂûi-e ûhā tama. Tae-e a ǃgomsi? Elobmîs ga khoe-i ǀgauba nî ǀkharaǀkharase i o, o i ge aibe ǁî-i ǂgaob ǃnâ nî “ǃnoma ǃkhō.” (Gal. 6:6) ǁNā amaga da ge ǁkhāǁkhāsen da ra xūna nî ǂâiǃgâ. Dîsen re: ‘Ti Elobmîs khomaisa ta amabes ǃnâ ra ǃgôaǃgâ? ǂGomǃgâ î ta ra amab a ǃkhaisa? ǁKhāǁkhāsen ta ra xūna ta nau khoena ta ni ǁkhāǁkhāse ǀguira ūhâ tamas ka io ta tida tsîna ra ūbasen? Jehovab tita ǀkha ra ǃhoa khama ta ra tsâ?’ Nē dîdi ǃereamde ǂâiǃgâs ge nî huida î-i sida ǀnammi Jehovaba da ûba hâba ǀgai. Sida ǂgaob ra tsâǀkhâhe khami da ge ǂhâbasa ǀkhaǀkharana nî dī.—ǂKhm. 4:23; Lukab 6:45.
19 Elobmîsa khomai tsî ǂâiǃgâs ge nî hui da ǀnai da ga dī hâ ǀkharaǀkharana dīsa: ‘ǀOro khoeba ǁîb di dīgu ǀkha ǁhûǁnâ ;î du ǀasa khoeba ana, ǂans ǃoa ra ǀasa kaiheba.’ (Kol. 3:9, 10) ǃGâiǃō da ge nî Elobmîs ǀgaiba da ga sida ûib ǃnâ hōǃâ tsoatsoa o. Nē ǀasa Xrîsteǁî tanisen ǀgaub ge sada Satanni ǀapede xū nî ǁkhauba.
Gagasi xūna ǀō-aisase ôaǃnâs
(Koloseǁîn 1:13, 14) Sada ge ǃkhaenab di ǀgaiba xu oreb, tsî sada ǀGôab âb ǀnammi âb di gaosib ǃnâ ge sī-ūba. 14 ǁÎb ǃnâ da oresa ūhâb ǀaob âba xu: ǁNās ge ǁoren ǀûbasa.
it-2-E 169 ¶3-5
Elob Gaosib
“Gaosib ǁîb ǀnam ǀgôab dib.” Disi tsēde Jesub ge ǀhomǃapas khaoǃgâ, 33ǁî Pinkstertsēs ai gu ge ǁîb di ǁkhāǁkhāsabega ge mûǂân Jesub “Elob di amǀkhāb ǁôab tawa ǀgapiǀgapihe” hâ ǃkhaisa ǃanu gagaba gu ge hō o. (ǃNǃkh. 1:8, 9; 2:1-4, 29-33) ǀAsa ǃgaeǀhaos ge ǁnās ǀkha ǁîgu ai sîsenǂûiba ge ū-hâ tsî gu ge ǁîga ge ǀasa ‘ ǃanu ǁaes’ ǃgaoǃgao kai.—Heb. 12:22-24; 1Pet. 2:9, 10; Gal. 6:16.
Xristub ge nēsi ǁîb ǁGûb amǀkhāb ai ǂnû tsî Xristeǁî ǀhaohâba ra kōǃgâ. (Efe. 5:23; Heb. 1:3; Fil. 2:9-11) Elobmîs ge ra ǁgau 33ǁî Pinkstertsēsa xub ge gagasi gaosiba a ǂnûikhâihe ǃkhaisa. Koloses ǃnâ hâ Xristeǁînab ge xoaba sîǂkhanis ǃnâb ge apostel Pauluba Jesub ǀnai gaosiba ūhâ ti ge mî: “Sada ge ǃkhaenab di ǀgaiba xu oreb, tsî sada ǀGôab âb ǀnammi âb di gaosib ǃnâ ge sī-ūba.”—Kol. 1:13; ǀgopeǀnō re ǃNǃkh. 17:6, 7.
33ǁÎ Pinkstertsēsa xub Xristuba ūhâ gaosib ge gagasi gaosiba tsî gagasi Isreals ǂamai ra ǂgaeǂgui. Xristeǁîn hîna Elob gagab ǀkha ǂkhauhe hân ge ra ǁÎb di gagasi ǀgôa kai. (Jhn. 3:3, 5, 6) Nē ǂkhauhe hâ Xristeǁîn ga ǁîn di ǀhommi ǃâubasensa a hō o, on ge Xristub ǀkha gaogu ase nî hâ tsî ǃhūbaib ai ǁnā gaosib ǃnāga hâ tide.—J.ǂHa. 5:9, 10.
(Koloseǁîn 2:8) ǂAnbasen re, î-i khoe-i xare-e tā ǃnarixū-i ase ǃgû-ū du, khoesi gā-aisib tsî ǁau ǂgaeǂhapus ǀkha khoen di ǂnûiǂgādi ǃoa, ǃhūbaib di tsoatsoan ǃoa, tsî Xristub ǃoa tama;
w08-E 8/15 28 ¶9
Galateǁîn, Efeseǁîn, Filipeǁîn tsî Koloseǁîn ǂkhanide xu ra mâǂoa xūn
2:8—“ǃHūbaib di tsoatsoan” hînab ge Pauluba Xristeǁîna gere ǃkhâikhom na a tae? Nēn ge Satanni ǃhūbaib di xūna—xūn hînab khoen ǂgâi ǀgauba ra ǂgaeǂgui ūna. (1 Johaneb 2:16) Nēn ge khoesi ǀgapi ǂans, mariǃgūnuxasib tsî ǂhumi ǂgomdi tsîna ǃkhōǂgā hâ.
Elobmîs khomai ǃâs
(Koloseǁîn 1:1-20) Pauluta, Xristub Jesub di apostelta, Elob di ǂâisa xu, tsî ǃgâsab Timoteub tsîkhom. 2 Koloses ǃnâ hâ ǃanun tsî Xristub ǃnâ ǂgom hâ ǃgâsagu ǃoa: ǀKhomma ab hâǀkhā du, tsî ǂkhîba Elob sada Îba xu tsî sada ǃKhūb Jesub Xristuba xu! 3 Sikhom ge Elob tsî ǁGûb sada ǃKhūb Jesub Xristub diba ra gangan, hugaǀgui sado ra ǀgorebaǃâ, 4 sadu ǂgoms Xristub Jesub ǃnâ du ūhâs, tsî sadu ǀnammi ǃanun hoan ǃoa du ūhâb xa khom ge ǁnâuo; 5 ǁnā ǃâubasens, ǀhommi ǃnâ du sâubahe hās ǃaroma, ǁîs xa du ge aibe amab di mîs ǃgâiǂhôas dis ǃnâ ǁnâusa, 6 sadu tawa ge sīs, ǃhūbaib hoab ais ge ǁkhāti sī khami, tsîs ge ra ǂûtani, sadu tawas ǁkhāti ī khami, ǁnā tsēs, ǁîsa du ge ǁnâus tsî Elob ǀkhomma du ge amab ǃnâ mûǂansa xu. 7 ǁKhāti du ge ǁkhāǁkhāhe khami Epafrab, sikhom ǀnamǀnamsa ǀhaoǃoabasabeb xa, ǁîb ge ǂgomǂgomsa ǃgāb Xristub diba sadu ǃaroma; 8 ǁîb ge ǁkhāti sadu ǀnammi, Gagab ǃnâ hâba ge ǂanǂan khom. 9 ǁNā-amaga khom ge ǁkhāti, ǁnâu khom ge tsēsa xu, ǀû tama hâ sado ǀgoreba tsî ǂganbas ǀkha, ǀoaǀoahe du nîga ǁîb ǂâis di ǂans ǀkha, gagasi gā-aisib tsî ǁnâuǃāb hoab ǃnâ; 10 î du ga, anu hâ khami, ǃKhūba tanisenba ti, ǃgâiba bi a khami, ǃgâi dī-i hoa-i ǃnâ ra ǂûtanise, tsî Elob di ǂans ǃnâ ra ǀomkhâise. 11 Î du ga ǀgaiǀgaihe ti hoa ǀgaib ǀkha, ǁîb ǂkhaisib di ǁkhāsib ǃoa, taniǀnamxasib tsî ǃnūǃnâxasib hoab ǃoa, ǃgâiaǂgaob ǀkha; 12 î du ǁGûba gangan, ǀumi-amǃnâs ǃanun dis di ǃnâb ǃnâ hâs ǃoa sada ge ǁkhā kaiba, 13 sada ge ǃkhaenab di ǀgaiba xu oreb, tsî sada ǀGôab âb ǀnammi âb di gaosib ǃnâ ge sī-ūba. 14 ǁÎb ǃnâ da oresa ūhâb ǀaob âba xu: ǁNās ge ǁoren ǀûbasa. 15 ǁÎb ge mûheǁoasa Elob di ǀguiti-īb, tsî kurusaben hoan di ǂGuroǃnaesabeba. 16 ǁÎb ǃnân xūn hoana kuruhe hâ xui-ao, ǀhommi ǃnâ hân tsî ǃhūbaib ai hân hoan, mûsan tsî mûheǁoasan karao, trondi karao, gaosigu karao, ǂamkhoegu karao, ǀgaigu karao, ǁîn hoan ge ǁîba xu tsî ǁîb ǃoa kuruhe hâ; 17 tsîb ge xūn hoan aiǃâ ge hâ i, tsîn ge xūn hoana ǁîb ǃnâ hâ; 18 tsîb ge a soros di Dana, ǁnāb ge ǀhaohâba, ǁîb tsoatsoasa xu hâb tsî ǁō hâna xu ǂGuroǃnaesabeba, hoan xab nî ǂgurose. 19 ǁGûba i ge ǃgâiba ge i xui-ao, ǀoasib hoab nî ǁîb ǃnâ ǁansa; 20 tsîb nî ǁîba xu xūn hoana ǁîb ǀkha ǂkhîbagu kaise, ǁîb ǃgâuhaib di ǀaob ǀkha ǂkhîba ra dīǃâ, ā, ǁîba xu, ǃhūbaib ai hâ xūn karao, ǀhommi ǃnâ hâ xūn karao.
JULIB 8-14
ELOBMISA XU HÂ ǂÛǂÛSA MÎDI | 1 TESALONIKAǁÎN 1-5
“ǁNā-amaga ǁnamagu re, î-i nē-e nau-e ǂnubikhâi”
(1 Tesalonikaǁîn 5:11-13) ǁNā-amaga ǁnamagu re, î-i nē-e nau-e ǂnubikhâi, ǁkhāti du ra dī khami. 12 Tsî ge ge ra ǀkhoma du, ǃgâsado, mûǂan re sadu ǃnâ ra sîsenga, tsî ǃKhūb ǃnâ sado ra ai-aibaga, tsî sado ra ǁnamaga; 13 î du ǁîga ǁîgu sîsenni ǃaroma ǀnammi ǃnâ kaise ǀgapiǃgôa re; î du ǂkhîbagu re.
w11-E 6/15 26 ¶12
“ǁÎgu hîna sado ra kōǃgâ ga ǀgapiǃgôa re”
12 ǀHaohâba kōǃgâs ge ǁkhāǁkhās xa ǂguina ǃkhōǂgā hâ. Nē ǁgâiǂuisen ǀgaub ge 1 Timoteub 3:4 ǃnâs tsîna ra sîsen-ūhe. Paulub ge ge mî, mûǂam-aob ge “ommi âba ǃgâise ra ǂgaeǂguib, ǀgôan âba ǁaposasib hoab ǃnaga ra ūhâba.” Nē ǁgâiǂuisen ǀgaub “ǂgaeǂguib” di hâb ge ǀgôana ǁkhāǁkhās ǀguisa ǃkhōǂgā tama hâ xawe omaris ǃnâ aiǁgausa ǁgaus tsî “ǀgôan âba ǁaposasib hoab ǃnaga ra” ūhâ ǂgaos tsîna ra ǃkhōǂgā. ǁNās ǁkhās khami gu ge ǀhaohâb ǃûi-aogu tsîna ǀhaohâb ǁanina aiǁgause nî îba tsî ǁîna nî hui în Jehovab ǃnāga ǂgāmâisen.—1Tim. 3:5.
w11-E 6/15 28 ¶19
“ǁÎgu hîna sado ra kōǃgâ ga ǀgapiǃgôa re”
19 Tae-e du nî dī, khoe-i ga ǀkhae xu-e mā du o? ǃGôaǃgâsiba ǁgaus ǃgao du nē ǀkhaeba nî sîsen-ū? ǁNās ǁkhās khamib ge Jehovaba aoga ‘mādi ase ge mā’ ǀhaohâb ǃnâ Jesub Xristub ǃnâ-ū. ǀGui ǀgaub nē ǀkhaeba da ǃgôaǃgâsiba a ǁgau ǁkhāb ge ǀhaohâb ǃûi-aogu ra mā ǃhoade ǂōrisase ǃgâ, mā-e go ǀapemāde ūbasen tsî ûiǂûisa. ǃGôaǃgâsib tsîna da ge omkhâi ra ǃereamde mās ǃnâ-ū a ǁgau ǁkhā. ǀHaohâb ǃûi-aogu ǂgaeǂguis ǃnāgas tsîna da ge aoǁnâ sîsen-e a ǂkhâǃnâ ǁkhā. ǀHaohâb ǃûi-aob ge mā da ǂgōǀausa xu da ge a ǀama ǀgaub tsîna da tae-i xa ǁîba mîba tama hâba? ǁNās ǂam-ais tsîna da tae-i ǃaroma ǁîb omarisa ǃgôaǃgâsiba ǁgau tama hâba? ǂÂis ǃnâ ūhâ re, sida kōǃgâs ǃgaob ge ǀhaohâb ǃûi-aoba, ǁîb omaris ǀkha ǃnāsa ǁaeba hâ tama.
(1 Tesalonikaǁîn 5:14) Tsî ge ge ra ǁnama du, ǃgâsado, domoǃnâna ǂgōǀau, ǂkhabuǂâi hâna ǁkhaeǂgao, ǂkhabusana ǂkhâǃnâ î du ǃnūǃnâxa hoan ǃoa.
w17.10-E 10 ¶13
“Dīs tsî amab tsîra ǀkha ǀnam”
13 ǂKhabusana ǂkhâǃnâ. Sida ǀnammi a ama ǃkhais ge Elobmîs di mîmās “ǂkhabusana ǂkhâǃnâ î du ǃnūǃnâxa hoan ǃoa” di hâ mîdi xa nî ǂgaeǂguihe. (1Tes. 5:14) ǀNîn hîna a ǂkhabusan ge ēga ǀgaisa ǂgomsa ra omkhâi xawen ge nauna noxoba ǁaeba xu ǁaeb ǀkha ǃnūǃnâxasib tsî mâxōǀkhāhes tsîna ǂhâ hâ. Nēs ge ǁîna gagasi mîdi ǀkha ǂkhâǃnâs, aoǁnâ sîsen-e ǃoa ǁkhaus tamas ka io ǁîn ǃgomsiga ǃgâs tsîna ǃkhōǂgā hâ. Tsî ǃgâsa-e “ǂkhabusa” tamas ka io “ǀgaisa” khoe-i ase ǀgoraǃgâs xa da ge ǂâis ǃnâ nî ūhâ hoada ǃnubusigu tsî ǂkhabusasigu tsîna ūhâsa. Apostel Paulub tsîn ge ǁîb ǂkhabusasiga ge mûǂan. (2Kor. 12:9, 10) Amase da ge hoada nau Xristeǁî-i di ǂkhâǃnâsa xu a ǀama ǁkhā.
w15-E 2/15 9 ¶16
Jesub di ǃgamǃgamsenxasib tsî khoexaǃnâsib tsîna ǁgae re
16 Sada khoexaǃnâ mîdi. Sada di khoexaǃnâ tsâsib ge ra ǂgaeda î da “ǂkhabuǂâi hâna ǁkhaeǂgao.” (1Tes. 5:14) Tae-e da a mî ǁkhā, nauna ǂkhâǃnâs ǃgao? ǁÎna da ge khoexaǃnâ mîdi tsî ǁîn xa da hoaǁae ra ǂâisa ǁgaus ǃnâ-ū a khoakhoa ǁkhā. Omkhâi ra mîde hoaǁae mîs ǃnâ-ū da ge ǁîna ǁîn îsa ǀgauga a mûǂan kai ǁkhā. Tsî da ge ǁîn tsîna a hōhōǃnâ ǁkhā Jehovab ge ǁîna ǁîb ǀGôab ǃoa a ǂgaesa tsîn ǁnās ǀkha a ǀō-aisa ǃkhaisa. (Johaneb 6:44) ǁÎn tsîna da ge a mîba ǁkhā Jehovab ‘khôaǂkhūsa ǂgaogu’ tamas ka io ‘khôaǂkhūsa ǂâide’ ūhân ǀkha ǁae hâsa. (Psa. 34:18) Sada di mîdi ge ǁîn hîna ǁkhaeǂgaosa ǂhâ hâna a ǂgauǂgau ǁkhā.—ǂKhm. 16:24.
Gagasi xūna ǀō-aisase ôaǃnâs
(1 Tesalonikaǁîn 4:3-6) Nēs ge a Elob ǂâi xui-ao, sadu ǃanuǃanusib, ǀaiba xu du nî ūdawasen ǃkhaisa, 4 tsî mâ-i hoa-i nî ǂan ǃkhaisa, mati i nî ǁî-i soasa ǃanusib tsî ǃgôasib ǃnâ ūhâsa; 5 ǂkhaba turab di gongonǃnâdi ǃnâ tama ǀūben khami, Eloba ǂan tamana; 6 a-i khoe-e ǁî-i ǃgâsa-e tā dāǃgâ, î-i tā ǂharugub ǃnâ gāxaǃnâsise sîsenū i; ǃKhūb nē xūn hoan ǂama a ǀkhao-ao xuige, aibe ge ge ǁkhāti sado mîba tsî ǀhûǀguitimîba khami.
it-1-E 863-864
ǀAib
ǀAib ge a ǃaroma ǁkhā î-i khoe-e ǀhaohâba xu ǂnûiǂuihe. (1Kor. 5:9-13; Heb. 12:15, 16) Aposteli ge ge ǁguiǃā Xristeǁî-i hîna ǀaiba ra dī i ge ǁî-i soros ǃoagu ra ǁore, ǁî-i aorekhoe tamas ka io tarekhoe sorosa ǁgai ǂâibasens ǃgao ra sîsen-ū amaga. ǁÎ-i ge gagasise ǀgaisa tama hâ tsî nēs ǃnâ-ū ǀūriba Elob ǀhaohâb ǃnâ ra hau tsî ǁnās ǂam-ais tsîna ǁgauoǃnâ ǁgoe-ūgub ǃnâ-ū ra hō-e ǀaeba a hōǁkhā. (1Kor. 6:18, 19) ǁÎ-i ge ǃgâsana sao ra ǀgaugu ǃnâ ra ǂgaeǂhapu (1Tes. 4:3-7) (1) ǃanuoǃnâsib tsî ǂgōǀaude ra gâre mû ǀhaohâb ǃnâ (Heb. 12:15, 16), (2) ǁî-i ge ǃgame tama hâ khoe-e ra ǀūrixa kai ǃgame i nîs aiǃâ, (3) ǁî-i omaris ûiba ra ǀūrixa kai aiǁgause, (4) ǁgûn, aob tamas ka io ǃgame î ga hâ khoe-i tsîna. Nēs ǃnâ-ū î ge ǁî-e Elob ǁgaraga ūǃoa tama hâ tsî khoesi ǁgaraga ra ūǃoa.—1Tes. 4:8.
(1 Tesalonikaǁîn 4:15-17) Nēsa ge ge ǃKhūb mî-i ase ra mîba du, sada, ǃKhūb di hās ǃnâ ûitsamase ǃgau hâda ge kā gena aiǃâ hâba tide ǃkhaisa. 16 ǃKhūb ǂûb ge ǃgari ǂgais tsî ǂamǀhomǃgāb di dommi tsî Elob di ǀgapadas ǀkha ǀhomma xu nîra ǁgôaxa xui-ao; on ge Xristub ǃnâ ge ǁōna aibe nîra khâi; 17 ǁnās khaoǃgâ da sada ûitsamase ǃgau hâda ǁkhā ǁaeb ǃnâ ǁîn ǀkha nîra ǂgaeǃapahe ǀnanudi ǃnâ, ǃKhūba da nî ǃoase ǂoab ǃnâ; o da nîra ǁnāti hugaǀgui ǃKhūb ǀkha hâ.
w15-E 7/15 18-19 ¶14-15
“Sadu ores go ǀgū xuige”
14 Tae-e nî hā Gogi tsî Magogi ǁnāǂams khaoǃgâ Elob khoen ǀkha? Mateub tsî Markub tsîn di ǃnaeǃkhaidi hoadi ge ra mî: “Tsî ǁnāǃnubaib ge ǁîb ǀhomǃgāga nîra sî, tsî nîra ǁîb di ǃkhōǂuisabena ǀhaoǀhao haka ǂoade xu, ǃhūbaib di ǀamsa xu ǀhommi di ǀams kōse.” (Markub 13:27; Mat. 24:31) Nē ǀhaoǀhaos sîsenni ge ǂkhauhesan di ǀhaoǀhaos tamas ka io ǀuniga saos xa ǃhoa tama hâ. (Mat. 13:37, 38) Nē saos ge kai ǁgâiǀāb aiǃâ nî ī. (J.ǂHa. 7:1-4) O, Jesub ge nēba gere mî ǀhaoǀhaos sîsen-e tae-e ra ǂâibasen? Nēb ge ǁaeb hîna i ǃgau hâ 144 000 ǂkhauhesana ǁîn ǀhommi ǃâubasensa nî hōba. (1Tes. 4:15-17; J.ǂHa. 14:1) Nē ǁaxasib ge ǁaeroba Gogi tsî Magogi ǁnāǂams khaoǃgâ nî ī. (Ese. 38:11) Tsî i ge ǁnās khaoǃgâ Jesub di mîde nî dīǀoaǀoahe: “Tsî ǁnāǃnubaib ge ǁîb ǀhomǃgāga nîra sî, tsî nîra ǁîb di ǃkhōǂuisabena ǀhaoǀhao haka ǂoade xu, ǃhūbaib di ǀamsa xu ǀhommi di ǀams kōse.”—Mat. 13:43.
15 Nēsa ra ǂâibasen ǂkhauhesan ge soros ǀkha nî ‘ǀhomǃapa’ di? ǂGui ǂgomdi ge ra ǁkhāǁkhā Xristeǁîn ǁgansi soros ǀkha nî ǀhomǃapa di ǃhūbaiba xu. Tsîn ge ǁnās ǀkha ra ǃâubasen Jesub ǁgansi khoeb ase ǃhūbaiba ǃoa nî aoǀkhīsa. Xawes ge Elobmîsa ra ǁgau, ‘saos Khoen Ôab dis ǀhommi ai nîra ǂhai’ tsîb Jesuba ǁnās khaoǃgâ “ǀhommi di ǀnanudi [ǃâudi, NW]” ǀkha nî hāsa. (Mat. 24:30) Nē ǁgâiǂuisen ǀgaugu hoagu ge ra ǁgau, nē hās Jesub dis a mûhe ǁoasa. ǀAms ai da ga mî o, “ǁgans tsî ǀaob tsîra ge Elob gaosiba a ǀumi ǁoa.” ǁNās ǀkhan ge ǁnān hîna ǀhommi ǃâubasensa ū hâna aibe nî “ǀkharaǀkharahe, ǃnubu ǁaerob ǃnâ, ǀgui mûsǀapirob ǃnâ, ǀuni ǀgapadas ra ǀō hîa.” (Khomai re 1 Korinteǁîn 15:50-53.) Tsî da ge ǁnās ǀkha soros ǀkha nî ‘ǀhomǃapa’ di hâ ǃhoa ǀgauba sîsen-ū tama hâ, nēs ǀkhara ǂâibasensa ra mā amaga. ǃGau hâ ǂkhauhesan ge mûsǀapirob ǃnâ nî ǀhaoǀhaohe.
Elobmîs khomai ǃâs
(1 Tesalonikaǁîn 3:1-13) ǁNā-amaga ge ge ǃaruǀî ge tani ǁoa i tsî ge ǂkhî, Atenes tawa ge nî ǀguri hâ kaihesa, 2 tsî ge ge Timoteuba ge sî, sige ǃgâsab tsî Elob ǃgāb tsî sige ǀhaoǃoabasabeba Xristub di ǃgâiǂhôas ǃnâ, sadob nî ǀgaiǀgaise, tsî sadu ǂgoms xab nî ǁnama duse, 3 khoe-i xare-i nē ǁgâiǀāgu ǃnâ ǁnopeǁnopehe tidega; ǁî-aitsama du a ǂan xui-ao, ǁîs ǃoa da mâihe hâ ǃkhaisa. 4 Tsî sadu tawa ge ge hâo, o ge ge aimîba du, ǁgâiǀāhe da nîsa, ǁkhāti ī ge i khami, tsî du a ǂan khami. 5 ǁNā-amaga ta ge ǁkhāti ǃaruǀî tani ǁoa i, tsî ge sî bi, sadu ǂgomsa ta nî ǁnâuǃāse, îb ga ǃâitsâ-aoba tā ǀnîsi ǃâitsâ du hâ, îb ga sige sîsenna tā ǀnîsi ǁau ti. 6 Xawe nēsi, Timoteub ge sado xu sige ǃoa hā tsî sige ǂhôao sadu ǂgoms tsî ǀnammi tsîkha xa, tsî mati du hugaǀgui sige xa ǃgâise ra ǂâiǂâisen ǃkhaisa, tsî mati du ra tura ǃkhaisa, sige du nî mûse, sige ǁkhāti sado mû ǂgao hâ khami; 7 o ge ge sadu ǃaroma ge ǁkhaeǂgaohe, ǃgâsado, sige ǁgâiǀāb tsî tsūǀkhāb hoab ǃnâ sadu di ǂgomsa xu. 8 Nēsi ge sige a ûitsama, sadu ǃKhūb ǃnâ mâ amaga. 9 Mâ gangan-e ge kha Eloba a mādawa-am ǁkhā sadu ǃaroma, ǁnā ǃgâiaǂgaob hoab, ǁîb ǀkha ge Elob aiǃâ sadu ǃaroma ra ǃgâiaǂgaoba? 10 Tsēs tsî tsuxub tsîra ge kaise ra ǀgore, sadu aisa ge nî mûse, tsî ge nî sadu ǂgoms tawa tôasi hâna ǀarose. 11 Tsî sada Elob tsî ǁgûb ǁkhāb tsî sada ǃKhūb Jesub Xristuba, ab sige daoba sadu ǃoa unu! 12 Îb ǃKhūba sado ǀaroǃnâ, îb ǀnamgub ǃnâ ǃnā kai du sadu ǁaegu tsî hoan ǃoa, sige ǁkhāti sadu ǃoa ī khami; 13 sadu ǂgaogu nî ǀgaiǀgaihe tsî ūose īse ǃanusib ǃnâ, Elob tsî sada ǁGûb aiǃâ, sada ǃKhūb Jesub Xristub di hās ǃnâ ǁîb di ǃanun hoan ǀkha.
JULIB 15-21
ELOBMÎSA XU HÂ ǂÛǂÛSA MÎDI | 2 TESALONIKAǁÎN 1-3
“Tsî ǁnāǃnubaib ge ǂkhababa nîra ǂhaiǂhaihe”
(2 Tesalonikaǁîn 2:6-8) Tsî tare-i nēsi ǁîba ra ūdawa ǃkhaisa du a ǂan, ǁîb di ǁaeb aib nî ǂhaiǂhaihese: 7 ǀNaib ra ǂkhabasib di ǂganǃgâsiba gon; nēs ǀguis, nēsis kōse ǁîba ra ūdawa-i ge aibe ǁaeguba xu nî ūbēhe. 8 Tsî ǁnāǃnubaib ge ǂkhababa nîra ǂhaiǂhaihe, ǃKhūb nîra ǁîb ams di Gagas ǀkha hîkākāba, tsîb nîra hîǀhuru bi ǁîb hās di ǂhais ǀkha.
it-1-E 972-973
Eloǃaoǃgâxasib
Nēs ǃnâ îge Jehovab di ‘ǂganǃgâsiba’ hoase ra māǃoa xū-e hâ. Nēs ge “ǀnaib ra ǂkhabasib di ǂganǃgâsiba gon” ǃkhaisa. Apostel Paulub tsēdi ǃnâb ge “ǁoreb di khoeb” a ham ǃkhaisa ge ǀūsa i, haman hoanab ǃkhōǂgā hâsa îge ǀūhe-i amaga. ǁNā ‘khoeba’ ra ǂnûǁaeban ge ǂguis khaoǃgâs tsîna îge ge supu tama hâ i ǃgāsase mûǂuibisa, eloxoresa dīnab ge Eloba ra ǃoaba khami gere dī amaga. Nēs ǀkhan ge ama Eloǃaoǃgâxasiba ge ūhâ tama hâ i. Paulub ge ge mî ‘ǂkhabasib di ǂganǃgâsib’ ge ǁîb ǁaeb ǃnâ ǀnai gere gon ǃkhaisa, Xristeǁî ǀhaohab ǃnâ îge ǂkhabasib gaga-e gere tsoatsoa amaga ēgan ǀnîna nî ǁnāǁgôas kose. Nē ǁnāǁgôahân di ǃgubis ge Jesub Xristub di hās ai nî dīkākāhe. Nē Satanni xa ra ǂgaeǂguihe, ǁnāǁgôahâ “khoeb” ge “hoan hîna ‘elo’ ti ra ǂgaihen tamas ka io elo-i ase ra ǃgôahen” ǀgapiga nî ǂnuikhaisen. (Gr., seʹba·sma). “Khoeb” nēb ge ǁîb di mâǃoas ǀkhā ǂgui khoena nî ǂgaeǂhapu Eloba ra ǃoaba khami ra dīsenseb eloxoresasiba nî ǃgûǃgû amaga.—2Tes. 2:3-12; ǀgopeǀnō re Mat. 7:15, 21-23.
(2 Tesalonikaǁîn 2:9-12) ǁîb hās nîra Satanni di sîsenni ǃoa ī, ǂhumib di ǀgaib tsî saodi tsî buruxan tsîn ǀkha; 10 tsî ǂhanuoǃnâsib di ǂgaeǂhapus hoas ǀkha kāǁō ran ǃnâ; amab di ǀnamman ǃkhōǃoa tama amaga, ǃgâiǃōn nîga. 11 Tsî ǁnā-amagab ge Eloba ǁîna ǂgaeǂhapus di ǀgai-e nîra sîba, ǂhumiban nî ǂgomse; 12 în ga hoana ǀgoraǃgâhe, amaba ǂgom tama i tsî ǂhanuoǃnâsib ǃnâ ǃgâiǃgâisen hâna.
it-2-E 245 ¶7
ǂHumib
Jehovab ge ra mâ-am î-i “ǂgaeǂhapus di ǀgai-e” khoen hîna ǂhumiba ra ǂgom ǂgaon daba sī, “ǂhumiban nî ǂgomse” Jesub Xristub xa hâ amaba ǂgom tama î tsi. (2Tes. 2:9-12) Nēs ge Gao-aob Axab ǀkha ge ī xu-i xa ra ǃgaoǃgaohe. ǂHumixa kēbo-aogu ge Gao-aob Axaba ge mîba Ramot-Gileads ǃnâb sī nî ǃkham torobab nî dan di. Jehovab kēbo-aob Mixab ge ǂoaǃnâb nî di ge kēbo. Mixaba i ge ǂhaibaseb ge Jehovaba ge mâ-am î-i “ǂhumi gaga-e” Axab di kēbo-aogu ǃnâ-ū ǃhoa. ǁNās ge ra ǂâibasen nē gagab ge ǁîb ǀgaiba ǁnā kēbo-aogu ai a sîsen-ū ǃkhaisa, î gu ǁîgu ra ǃhoa ǂgao tsî Axab amabes ǃnâ ra ǁnâu ǂgao xūn ǀguina mîba bi. ǀNaib ge ǃkhâihe hâ-i xaweb ge Axaba nē ǂhumiba ge ǃgâ tsî ǁnās xa ǃaromahe hâse ǁîb ûiba ge ǂoaǃnâ.—1Gao. 22:1-38; 2Kro. 18.
Gagasi xūna ǀō-aisase ôaǃnâs
(2 Tesalonikaǁîn 1:7, 8) Xawe sadu ǁgâiǀāhe radob nî ǀhâi-e mādawa-amsa sige ǀkha, sada ǃKhūb Jesub ga ǀhomma xu ǂhaiǂhaiseno ǁîb ǀgaib di ǀhomǃgāgu ǀkha, 8 ǁhabu ra ǀaedi ǀkha, Eloba ǂan tamanab nî ǀkhaose, tsî sada ǃKhūb Jesub Xristub di ǃgâiǂhôasa ǁnâuǀnam taman.
it-1-E 834 ¶5
ǀAes
Petrub ge ge mî “nēsi hâ ǀhommi tsî ǃhūbaib tsîkha ge ǁkhā mîsa xu ǁuise ǁguibēbahe hâ tsî ǀaesa ra sâubahe.” Nē xoasa da gara ǀgopenō o, xoadi hîna nē ǃnôa xūn xa ra ǃhoa di ǀkha, o da ge nî mû nēs ama ǀaes xa ǃhoa tamasa xawe hoase hîkākāhes di ra ǂâibasen. Kai ǁgammi dâus ǃnâb ge ǃhūbaib tsî ǀhommi tsîna ge dīkākāhe tama hâ i xawe eloxoresa khoen ǀguina. ǁNās ǁkhās khami î ge Jesub tsî ǁîb ǀgaisa ǀhomǃgāgu tsîna nē eloxoresa ǃhūbaib tsî ǁîb dīgu tsîna nî dīkākā.—2Pet. 3:5-7, 10-13; 2Tes. 1:6-10; ǀgopeǀnō re Jes. 66:15, 16, 22, 24.
(2 Tesalonikaǁîn 2:2) ǃhaese du sadu ǂâisa xu ǁnopekaisen tsî ǃhurikaisen tidesa, gaga-e xus karao, mî-e xus karao, sîǂkhani-i, sige xa xoahe hâ khami ī-e xus karao, Xristub di tsēs ǀgū hâs axase.
it-1-E 1206 ¶4
Gaga-i xa ǂkhâǃnâhesa xū-e mîs
“Mâ gaga-i hoa-e”—Amab tsî ǂhumib. Pneuʹma (gagab) di hâ Grikegowab mîs ge kaise ǀō-aisa ǀgaub ǃnâ ra sîsen-ūhe. Apostel Paulub ge 2 Tesalonikaǁîn 2:2 ǃnâ ǀhaohâba ge mîba în ta ǁîn ǂâiǀgauba xu ǁopehe “gaga-e xus karao, mî-e xus karao, sîǂkhani-i, sige xa xoahe hâ khami ī-e xus karao Jehovab di tsēs ǀgū hâs axase.” ǃGāsa i ge a Paulub ge “mî-e xus” tsî “sîǂkhani-i” xa gere ǃhoa o, ob ge pneuʹma mîsa a sîsenusa. ǁNā amagas ge Lange’s Commentary on the Holy Scriptures (126ǁî ǂhaweb) sa ra mî: “Aposteli ge gagasi ǀapemāde ǃoa gere ǁnaeǁgausa, ǂhumi aimûǀgaru-i kēbo-aob xa mîhe hâ-i.” (Translated and edited by P. Schaff, 1976) Vincent’s Word Studies in the New Testament ge ra mî: “Gaga-e xu. Nēn ge Xristeǁîn hîna ge xūna ǀhâohab ǃnâ mî tsî Elob xan ge ǂhaiǂhaibahe khami gere dīsen na.” (1957, Vol. IV, 63ǁî ǂhaweb) ǁNā amaga di ge ǀnî ǂnuiǃkhûnide pneuʹma dî hâ mîsa “gagab” di ra mî tsî di ge ǀnî de “gagab di sî ǂhôas” (AT), “aimûǀgarus” (JB), “ǂkhâǃnâs” (D’Ostervald; Segond [French]), “ǂkhâǃnâ-e hâ ǀgaub” (NW) di ra mî.
Elobmîs khomai ǃâs
(2 Tesalonikaǁîn 1:1-12) Pauluta tsî Silvanub tsî Timoteub tsîge. Tesalonikaǁîn ǀhaohâb, Elob sada ǁGûb tsî ǃKhūb Jesub Xristub ǃnâ hâba ǃoa: 2 ǀKhomma ab hâǀkhā du, tsî ǂkhîba Elob sada ǁGûb tsî ǃKhūb Jesub Xristuba xu! 3 Sige ge Eloba hugaǀgui sadu ǂama nî gangan, ǃgâsado, anu i a khami; sadu ǂgoms ra kaise ǀom, tsî mâ-i hoa-i di ǀnammi, sadu hoadu ǁaegu du ūhâbagub ra ǃnā xui-ao; 4 o ge sige Elob di ǀhaohâgu ǃnâ sadu xa ra koasen sadu sâsasib tsî ǂgoms ǃaroma sadu ǃgôaǃgondi tsî ǁgâiǀāgu tsîn, sadu ra tanin hoan ǃnâ. 5 ǁÎn ge ǂhanu-ai ǀgoraǃgâs Elob dis di ǁgauǂui, sadu nî Elob gaosib, ǁîb ǃaroma du ǁkhāti ra tsūǀkhāba anu-anubahega; 6 Elob tawa i a ǂhanu amaga, sado ra ǁgâiǀānab nî ǁgâiǀā-e mādawa-amsa; 7 xawe sadu ǁgâiǀāhe radob nî ǀhâi-e mādawa-amsa sige ǀkha, sada ǃKhūb Jesub ga ǀhomma xu ǂhaiǂhaiseno ǁîb ǀgaib di ǀhomǃgāgu ǀkha, 8 ǁhabu ra ǀaedi ǀkha, Eloba ǂan tamanab nî ǀkhaose, tsî sada ǃKhūb Jesub Xristub di ǃgâiǂhôasa ǁnâuǀnam taman. 9 ǁKharab ase ǀamo kāǁōsiba nîra tsâna ǃKhūb di aisa xu tsî ǁîb ǀgaib di ǂkhaisiba xu; 10 hāb kao, ǁîb di ǃanun ǃnâb nî ǂkhaiǂkhaihese, tsî ǂgom hân hoan ǃnâb nî buruburuxa kaise (sige ǀhûǀguitimîs ge sadu ǃnâ ǂgomhe amaga) ǁnā tsēs ai. 11 ǁNā-amaga ge ge ǁkhāti mâ ǁaeb hoab ai ra ǀgoreba du, sada Elob nî ǂgaisa anu-anuba du ǃkhaisa, tsîb nî ǃgâiǃgâibasens ǃgâisib dis hoasa ǀoaǀoaba dusa, tsî ǂgoms di sîsenna ǀgaib ǃnâ; 12 sada ǃKhūb Jesub Xristub di ǀons nî sadu ǃnâ ǂkhaiǂkhaihese, tsî sado ǁîs ǃnâ, sada Elob di ǀkhommi ǃoa tsî ǃKhūb Jesub Xristub dib ǃoa.
JULIB 22-28
ELOBMÎSA XU HÂ ǂÛǂÛSA MÎDI | 1 TIMOTEUB 1-3
“ǃGâi sîsenga ra tura”
(1 Timoteub 3:1) ǂGomǂgomsa mîs ge nēsa: Khoe-i ga mûǂamsis ǃoabasa hō ǂgao-o, ǁnā-i ge ǃgâi sîsenna ra tura.
w16.08-E 21 ¶3
Gagasise ǀgais ǂhâsiba du ra mû?
3 Khomai re 1 Timoteub 3:1. Grikegowab mîs “tura” di hâs ge ra ǂâibasen î da xu-e dīs ǃgao khoraǂuisen, ǀnî mîdi ǃnâ sadu ǁnaetib xa a ǀkhara xu-e dīsa. Nē mîsa sîsen-ūs ǃnâ-ūb ge apostel Pauluba ge mî nēs gagasise ǀgais ǁkhāsiba ǂhâ hâsa. Mûnan-ai re ǃgâsab hîna ǁîb di ûib xa ra ǂâiba ǀhaohâb ǃnâ. ǁÎb ge ǀhaohâb hui-aob ase sîsen tama hâ xaweb ge ra mûǂan ǁîb gagasi ǀgauga omkhâisa ǂhâ hâsa. ǁÎb ge ǂgurose ra dītsâ ǀhaohâb hui-aob ase ǁgaumâihesa. Tsîb ge ǁaeb ra ī khami ra ǁkhore ǀgaisa gagasi ǀgauga omkhâi tsî ǀhaohâb hui-aob ase ǁgaumâihesa. Mâ ǃâb hoab ǃnâb ge ǁîba ǃgarise ra sîsen gagasi ǁgaumâide hōs ǃgao îb ǀhaohâb ǃnâb ra hō ǁgaumâidi ǃnâ ǃgâise sîsen.
(1 Timoteub 3:13) ǃGâise kara ǃoaban ge ǃgâi amǃnâsa ra ǃoaǂuibasen, tsî kai ǁkhoaǂgaosib ǂgoms Xristub Jesub ǃnâ hâs di xui-ao.
km-E 9/78 4 ¶7
ǁÎgu hîna “ǃgâi amǃnâsa ra ǃoaǂuibasen” gu
7 ǁNās ǀkhab ge Pauluba ge mî, nē khoegu “ǃgâi amǃnâsa ra ǃoaǂuibasen” di. Nēs ge ǀnîn ra mî khami, ǀgapikaisen ǀgaub hînan ǂgomdi khoena ūhâb ǀkha ǀgui tama. ǁNās ǂam-ai gu ge ǀhaohâb hui-aogu hîna “ǃgâise” ra ǃoabaga a ǂan ǃgôasiba ǁgau tsî gu ga ǀapeǂhumis daoǁgaude ūǃoa o, okha Jehovab tsî Jesub tsîkha ǁîga nî ǀkhaesa. ǁNās ǀkha gu ge ǁîga “kai ǁkhoaǂgaosib ǂgoms Xristub Jesub” ǃnâ hâsa ra ǃkhōǃoa. ǁÎgu ǁgaumâide gu ǃgâise ra dī ǃkhais ǃgao gu ge ǃgôaǃgâsiba ra ǁgau-e. Tsî ǁîgu tsîn ge ǂgoms ǃnâ a ǀgaisa tsî nē ǂgomsa ǃao tamase ra ǁgauǂui.
Gagasi xūna ǀō-aisase ôaǃnâs
(1 Timoteub 1:4) tsîn ǁkhāti ǁau ǃhoan tsî ǀam-e ūhâ tama ǃhaoǃgôakhâin ǃnâ sī tide ǃkhaisa, elosi ǂnubikhâis, ǂgoms ǃnâ hâs di amǃnâs ǃnâ ǂnoagu-aidi ǀguide ra ūǀkhīna.
it-1-E 914-915
Surib
Nē xūn xa ǁkhāǁkhāsen tsî ǁîn xa ǃhoas ge a ǁaeǁore ǁnās ǀkhab ge Pauluba Timoteuba ti ge mîba. Surib xa xoamâis ge ǁnātikōse ge ǂhâǂhâsa tama hâ nēs ge ǁōǂoa ge kai ǁgûn xa ǃhoas ǀkha a ǀgui amaga. Nēs ge ra ǁgau Elob ge ǀgorasa Jodeǁîn tsî Jodeǁî taman ǁaegu ǀhaohâb ǃnâ ūhâ tama hâ îsa. (Gal. 3:28) Tsî nē surib di ǃgôab ge ǀnai Xristub, Davib suriba xu nî ǃnaesa ge ǁgau. Tsî kaise î ge ge ǃnū tama hâ i Jerusalems nî dīkākāhe ǁaeba xu tsî i Jodeǁîn di xoahe hâ surib ǂkhanina nî dīkākāhesa. Elob ge ǁnā ǂkhanina ge sâu tama hâ i. Paulub ge ge ǂgao tama hâ îb Timoteub tsî ǀhaohâb ǁanin tsîna tā ǂgaeǂhapuhe surib xa ǃgāsasib ôaǃnâs tsî ǂhâbasa tama hâ xūn ǃgao ǂkhābas tsîna. Xristub xa hâ surib ge Elobmîs ǃnâ ǃnāsase ra ǁgauhe, nēs Xristeǁîn ǃgao a ǂhâǂhâsa ǃkhais ǃgao. Tsî Elobmîs ǃnâ hâ nau surigu di ǃgôab tamas ka io ǃâb ge Elobmîs ǁnaeǁgaudi ǀkha ra ǃgûǀhao, ǃnāsase ra ǁgause nēs a ǂhanu ǃkhaisa.
(1 Timoteub 1:17) Tsî ǀamosigu di gao-aob, ǁgaoǁoasab, mûheǁoasab, ǀguri gā-ai Eloba ab ǃgôab tsî ǂkhaisib tsîkha ūhâ ǀamosib hoab kōse! Amen.
cl-E 12 ¶15
“Mû, nēb ge a sida di Elo”
15 ǀNî ǂgai ǀons hîna Jehovab ǃgao ra sîsen-ūhes ge ‘ǀamosigu di Gao-aob’ di hâ. (1 Timoteub 1:17; ǂHaiǂhais 15:3) Nēsa tae-e ra ǂaibasen? Sida ǂkhûs ǀoro xūn ǀguina ra ūǂgā tamas ka io ra ǁnâuǃā xaweb ge Jehovaba hoaǁae ge hâ-i tsî ǀamosib kose nî hâhâ. Psalmdi 90:2 ge ra mî: “ǀAmosiba xu ǀamosib kōsets ge satsa a Elo.” ǁNās ra ǁgaus ge Jehovab tsoatsoas tsî ǀamsa tsîna ūhâ tama hâsa. ǁÎb ge “Kairab tsēde ūhâb” ase a ǂansa, ǁîb ge ǂgui kuruga khoen tamas ka io xu-i tsînab nî kurus aiǃâba xu hâ i amaga. (Danieli 7:9, 13, 22) ǁNān hoana ǃkhōǂgā hâse, ham-e a mî ǁkhā Jehova Elob di ǂgaeǂguis ǂhanu tamasa?
Elobmîs khomai ǃâs
(1 Timoteub 2:1-15) Tsî ta ra ǁnama, hoan ǂamai khoen hoan nî dībahesa ǀkhomadi, tsî ǀgoredi, tsî ǀgorebadi tsî gangandi tsîna; 2 gao-aogu tsî ǀgapise mâgu hoagu ǃaroma, sâsa tsî ǃnōsa ûiba da nî ûise, eloǃaoǃgâsib tsî ǂhauǃnâsib hoab ǃnâ. 3 ǁÎs a ǃgâi xui-ao, tsîs ge Elob sada ǃGâiǃōdī-aob aiǃâ a ǃgâiǃgâisa, 4 ǁîb ǂgao hâba, khoen hoan nî ǃgâiǃō, tsîn nî amab di ǂans tawa sīsa. 5 ǀGui Elob ǀguib hâ xui-ao; tsî ǁkhāti ǀgui mâba-aob ǀguiba Elob tsî khoen tsîn ǁaegu, ǁnāb ge khoeb Xristub Jesub, 6 ǁî-aitsama hoan ǃaroma xoremarib ase ge māsenna, ǁîb ǁaegu di mîdans ǃoa. 7 ǁÎb ǃoa ta tita aoǁnâ-aose tsî apostelse mâihe hâ, (amaba ta ra mî Xristub ǃnâ, tsî ta ǂhumi tama) ǀūben di ǁkhāǁkhā-aose ǂgoms tsî amab tsîra ǃnâ. 8 O ta ra ǂgao, aogu nî ǃkhaidi hoadi tawa ǀgoresa, ǃanu ǃomga ra ūkhâise, ǁaib tsî îganǀgēb tsîkha ose. 9 ǁNās ǁkhās xase di ge tarade anu hâ sara-i ǃnâ taob tsî îǂhôasib tsîkha ǀkha nî ani; ǀûna ǂgapus ǃnâ tama, tsî ǁkhāti ǃhuniǀurib ǃnâs kas, karan ǁgās ǃnâs kas, ǃgomǀgausa saran ǃnâs kasa tama; 10 î di (eloǃaoǃgâsiba ra ǂhôa tarade a anu khami,) ǃgâi dīgu ǀkha anisen. 11 Tarasa as ǃnōsasib ǃnâ ǁkhāǁkhākaisen, ǃnaga hâsib hoab ǀkha; 12 xawe ta tara-e ǁkhāǁkhāsa mā-am tama, tsî ǁkhāti aob ǂama gaosa; as ǃnōsase tanisen. 13 Adammi ge ǂguro kuruhe xuige, tsî ǁnās khaoǃgâ Evasa; 14 tsî Adammi ge ǂgaeǂhapuhe tama; xawe taras ge ǂgaeǂhapuhe, tsî ǃûǂams ǃnâ ge ǁnā; 15 xawes ge nîra ǃgâiǃō ǀgôaǁoras ǃnâ, ǂgoms ǃnâs ga hâo, tsî ǀnammi ǃnâ, tsî ǃanuǃanusis ǃnâ îǂhôasib ǀkha.
JULIB 29–AUGUSTUB 4
ELOBMÎSA XU HÂ ǂÛǂÛSA MÎDI | 1 TIMOTEUB 4-6
“Eloǃaoǃgâxasib tamas ka io ǃkhūsib”
(1 Timoteub 6:6-8) Tsî eloǃgâiǃōsib ge a kai ǃoaǂuibasen, ǂâuts kao. 7 Xū-i xare-e da ǃhūbaib ai ūhâ tama amaga i a ǂhaisa, xū-e da ǁkhāti ūǂoa ǁoasa; 8 xawe ǂûn tsî saran tsîna da ga ūhâo, a da ǁîn ǀkha ǂâu.
w03-E 6/1 9 ¶1-2
ǂNan re mā ǁae i go ǂâusa
Paulub ge ūb hân ǀkhab ge ǂâuhâ-i amaga kaise ge ǂkhî-i. ǂÂusa amabes ǃnâ taen hoan ǃkhōǂgā hâ? Nēs ge ū da hâ xūro i hoa-i ǀkha da ga ǂkhîǂâixa o. Nēs xab ge Pauluba Timoteuba ge mîba: “Tsî eloǃgâiǃōsib ge a kai ǃoaǂuibasen, ǂâuts kao. Xū-i xare-e da ǃhūbaib ai ūhâ tama amaga i a ǂhaisa, xū-e da ǁkhāti ūǂoa ǁoasa; xawe ǂûn tsî saran tsîna da ga ūhâo, a da ǁîn ǀkha ǂâu.”—1 Timoteub 6:6-8.
Paulub ge eloǃaoǃgâxasib tsî ǂâus tsîna ge ǃgaeǀhao. ǁÎb ge ge mûǂan ama ǂkhîb eloǃaoǃgâxasiba ūhâsa xū ra hā ǃkhâisa, ǁnās ge Eloba sida ûib ǃnâ ǂgurose mâisa tsî ûib ǂhâsiga xūsa. Ûb ge hâ-i ‘ǂûn tsî saran’ tsînab ge Jehovabab nî supuse ǃoaba ga ge ūhâ-i. Paulub ge Jehovab ai ge ǂgomaiǂnûi hâ-i ǁîb ûib mâsib ge ǁaeba xu ǁaeb ǀkha gere ǀkhara xawe.
(1 Timoteub 6:9) ǃKhū ǂgao ran ge ǃâitsâb tsî ǁnoagu ǃnâ ra ǁnā tsî ǂgui gâre tsî ǂkhôasa tura-aigu ǃnâ, khoena ǁgaoǁgaosib tsî kāǁōsib ǃnâ ra ǂgâ kaiga;
g-E 6/07 6 ¶2
ǃKhusiba ǃhoe saosa tae-i ǃgomsiga a ǃaroma ǁkha?
Ama-e da ga mî o, ǃkhusiba ôa ǂgaos ge khoe-e ǃgam tama. Xaweb ge ûiba hōǃâ taman hâse a ǃgaru ǁkhā. Nē mariǃgūnuxasib xa ǃaromahe hâsen ge ǂgui ǀaega a hō ǁkhā, kaisen ra sîsen tamas ka io ra ǂâiǂhansen xūi-ao. Ēgan ga ǀkharaǀkharaden nî dîsa gara mûǂan xawe ige hui tide. ǁÎ-i ge ǀnîsi ǀnai ǀaesen hâ ǁnās xōǀkhā i ge ǃkhame i hâ khoe-e ǁî-e ǂgomǃgâ tama hâ tsî-i ge ǁîn ǀgôana ǁae-ū nî tama hâ. ǀNîsi i ge nē ǃgomsiga a sîsenǂamhe ǁkhā, xawen ge kaise ǃgarise nî sîsen. Nē khoen ge “ǂgui tsûn ǀkha ge ǃkhāǃganusen”—1 Timoteub 6:10.
(1 Timoteub 6:10) Xūǃgunuxasib a ǂkhaban hoan di ǃnoma xui-ao; ǁîban ge ǀnîna tura, tsî ǂgomsa xu ge ǃkhoeǂnâ, tsî ǂgui tsûn ǀkha ge ǃkhāǃganusen.
g-E 11/08 6 ¶4-6
ǃNani ǀgaugu ama ǂkhîba ra ǃaromagu
Nē ǂkhanib tsoatsoas ǃnâ da go mûsen ge khoen hîna mari-e ôas ǃnâ-u ǂkhîba ǁîn ûib ǃnâ ra ôana, sīǃnâ ǁoan a xū-e ra sauru khami tsâ. Nēs ǀkhan ge ǁîn ûiba ǂgui ntsûgu tsî ǂhabuǂâidi xa nî ǀoa. Aiǁgause, ǃkhūsiban ra ôa hînan ge omaris ǁanin tsî ǀhōsan tsîna a xūǃgâ ǁkhā. ǀNîn ge kaisen ra sîsen tamas ka io ǂâiǂhansen xūi-ao ǃgâise ǁom tama hâ. Aoǁnâ-aob 5:11 ge ra mî: “ǂOms sîsenaob dis ge a ǂkhon, ǀoroseb ga ǂûs kaiseb ga ǂûs hoasa; xawe ǁâ hâsib ǃkhū hâb dib ge ǁîba ǁom kai tama hâ.”
Mari-i ge kaise a ǂgaeǂhapu da ǁkhā. Jesub ge gāxaǃnâsib “ǃkhūsib” dib xa ge ǃhoa. (Markub 4:19) ǀNî mîdi ǃnâ ǃkhūsib ge ǁîbats ga ūhâ ots nî ǂkhîba ūhâ ti khoena ra ǂâikhai, xawes ge ǁnāsa di ī tama hâ. Hoa ǁaets ge mari-i ǀgui-e ra ūhâ ǂgao. Aoǁnâ-aob 5:9 ge ra mî: “Mariba ǀnam hâ-i ge marib xa ǂâu tama hâ” di.
Mari-e ǀnams ge ǂhabuǂâi kai da, ǁaib tsî ǀaegu, ǃnaris tamas ka io ǀkhara ǂkhabadiba a ǃaroma ǁkhā. (ǂKhoamîdi 28:20) Mâxasib, khoena supuse ǀûbas tsî ǀnamma ǁgaus, Jehovab ra mî khami ûis tsî ǁnās ǀkha gagasise ǀgais ǀguis ge ama ǂkhîba a māda ǁkhā.
Gagasi xūna ǀō-aisase ôaǃnâs
(1 Timoteub 4:2) hînaxaǃnâsib ǃnâ ra ǂhumi-aogu ge ǁîga, khausaosa ǁîgu ǂâis ǂûs ǃnâ ūhâga,
lvs-E 23-24 ¶17
ǃAnu ǃgâi ǂâisa Elob aisi ūhâs
17 Apostel Paulub ge ge mî: “Î du ǃgâi ǂâisa ūhâ” di. (1 Petrub 3:16) Khoen ga Jehovab ra mî xūna ǃgâ tama io tsî ǃnâs hoasa ǁîb tsoatsoade ûiǂûi tama io os ge ǁîn ǃanu ǃgâi ǂâisa ra sîsen ǀû. Paulub ge ge mî ǁnā khoen “khausaosa” ǁîn ǂâis ǂûs ǃnâ ūhâ ǃkhaisa. (1 Timoteub 4:2) ǁGaiǀgaub ǃnâ ǂhubihe tsâ i du hâ? ǁNātits ga ǂhubihe o, ob ge ǁnā khōba ra ǁō, tsîts ge ǁnā ǃkhais ai xū-e hōǃâ tama hâ. Khoe-i ga tsū xūna ǃhausen tamase dī o, os ge ǁîn ǃanu ǃgâi ǂâisa “khausaosa” ra hō tsî ega ra sîsen ǀû.
(1 Timoteub 4:13) Khomai, î ǁnama, î ǁkhāǁkhāhâhâ, sī ta nîs kōse.
it-2-E 714 ¶1-2
ǃGarise khoen ais ai khomais
Xristeǁî ǀhaohâb ǃnâ. Jesub ǁaeb ǃnân ge ǂgui khoena Elobmîsa omdi tawa ge ūhâ tama hâ-i, ǁnā amaga i ge khoen ǂguise ǀhao hâba ǃgarise gere khomaihe. Apostel Paulub ge ge mî i di ǁîb sîǂkhanide Xristeǁî ǀhaodi tawa ǃgarise khomaihe tsî nau ǀhaohâga ǃoab sî hâdi tsîna hau-e tsî khomaihe. (Kol. 4:16; 1Tes. 5:27) Paulub ge Timoteub ǃoa ge mî: “Khomai, î ǁnama, î ǁkhāǁkhāhâhâ, sī ta nîs kōse”, nēn ǃnâb ge ga ǁguiǂgāsen hâ.—1Tim. 4:13.
ǃGarise ra khomai khoe-i ge mîde mâ-i hâse nî khomai. (Hab. 2:2) Nēti i ga khomaihe on ge khoen ǁnāpaxū nî ǁkhāǁkhāsen ga ra dīhe. Nēsa ǂâis ǃnâ ūhâseb ge khomai-aoba nî ǁnâuǃā tae-eb ra khomais tsî xoa-ao-i mâ ǂâide ra ǂoaxa-u ǂgaos tsîna în ǃgâ-aona ǃamkuse ǁnauǃā ǁkhā. ǂHaiǂhais 1:3 ge ra mî khoe-i hîna ǁnā kēbosa ra khomai-i tsî ǁnān hîna ra ǃgâ tsî ūbasenan ǂkhîba nî ûhā ǃkhaisa.
Elobmîs khomai ǃâs
(1 Timoteub 4:1-16) Tsî Gagab ge ǂhaisase ra mî, ǀuni ǁaegu ǃnân ǀnîna ǂgomsa xu ǁnāǁgôa tsî nîra ǂgaeǂhapu ra gagagu tsî ǁgâuagu di ǁkhāǁkhā-aidi tawa ǂgāmâisen ǃkhaisa; 2 hînaxaǃnâsib ǃnâ ra ǂhumi-aogu ge ǁîga, khausaosa ǁîgu ǂâis ǂûs ǃnâ ūhâga, 3 ǃgamesa ra ǃkhâiga, tsî ǂûna xuts nî ūdawasensa, Elob ge kurun, ǂgom hân tsî amaba mûǂan hân nî ǁîna gangans ǀkha ǂûse. 4 Mâ kurusabe-i Elob di-i hoa-i kom a ǃgâio, tsî xū-i xare-i kom aoxūhesa tamao, gangans ǀkha i ga ūheo, 5 mîs tsî ǀgores ǀkha i ra ǃanuǃanuhe xui-ao. 6 Nēnats ga ǃgâsana mâi-aiǃâo, ots ge Xristub Jesub di ǃgâi ǃoaba-aose nî ī, ǂgoms tsî ǂuru ǁkhāǁkhās, sats ge saoǃgons di mîdi ǃnâ kaikaihe hâtsa. 7 Xawe eloxoresa tsî kaira taradi di ǁau ǃhoaxūna xu ūdawasen, îts ǃaruǀîǀgui Eloǃaoǃgâxasib ǃnâ ǁkhāpesen; 8 sorosi ǁkhāpesens ge ǂkharise ra harebe xui-ao, xawe Eloǃaoǃgâxasib ge hoa xūna harebeba hâ, tsîb ge mîmâis nē ûihâb tsî ǃgoaxa ûihâb disa ūhâ. 9 ǂGomǂgomsas ge a nē mîsa, tsîs ge a ǃkhōǃoasa anu. 10 Nēs ǃoa ge ge ǁkhāti sîsen tsî ra ǀhupuǀhupusen, ûitsama Elob ai ge ge mûmâinǃgâ amaga, ǁîb ge hoa khoen di ǃGâiǃōdī-aoba, tsî ǀō-ai ǁîba ǂgom hân di. 11 Nēna mîmā î ǁkhāǁkhā. 12 Khoe-i xare-e a-i sa ǂkhamsisa tā ǃharaxū; î ǂgom hâna aiǁgause ība mîs ǃnâ, tanisens ǃnâ, ǀnammi ǃnâ, gagas ǃnâ, ǂgoms ǃnâ, îǂhôasib ǃnâ. 13 Khomai, î ǁnama, î ǁkhāǁkhāhâhâ, sī ta nîs kōse. 14 Sats ǃnâ hâ ǀkhommi hōsa tā ǀhawe-ū, ǂnomdomgu di ǃomma ǁgui-ais kēbosisa xuts ge māhesa. 15 Nēn xa ǂâiǂâisen, î ǁîn ǃnâ hâ, îs aiǃâ ǃgûs âtsa ǂhaisa hoa xūn ǃnâ. 16 Sa-aitsama kōǃgâsen, î ǁkhāǁkhāsa kōǃgâ; ǁîn ǃnâ hâhâ. Nēnats ga dīo, ots kom sa-aitsama tsî ǁnâu tsi ran tsîna nîra ǃgâiǃō kaio.