XRISTEǁÎN ÛIǀGAUB
Jehovab ge sida ǃgomsin ǃnâ ra hui da
Nē ǀuniga tsēdi ǃnâ da ge ǂgui ǃgomsina ra hōǃâ. ǀNî ǁaegu ai da ge ra tsâ ǃgomsin kaise a ǂguisa tsî da a tani ǁoasa. Jehovab tawa da ga ǀgū o, ob ge ǁîba nî hui da. Î da mâǃkharu tsûtsûsa ǃgomsiga. (Jes. 43:2, 4) Mati da Jehovaba nî ǀgū ǁkhā, ǃgomsin ǃnâ da ga ǃkharu o?
ǀGores. Sida ǂgaoba da ga Jehovab tawa ǁhōǂui o, ob ge ǁîba ǂkhîb tsî ǁnā ǀgaib tsîna ra mā da î da mâǃkharu.—Fil. 4:6, 7; 1Tes. 5:17.
ǀHaodi. ǂGuros xa ǃnāsase da ge gagasi ǂûn tsî hâǁaes hînab Jehovaba sida ǀhaodi ai ra māna ǂhâ hâ. (Heb. 10:24, 25) Aiǂhomisen, hâǃnâ tsî da ga ǀhaodi tawa ǃeream o, o da ge ǀoasase Jehovab ǃanu gagab ra mā huiba ra ūǃoa.—J.ǂHa. 2:29.
Aoǁnâ sîsenni. Supuba da i ge nî î da ǃgâin ai ǂâisa ǂnûi, ǁkhā da i hoa-e da ga dī o. Î da ǁnās ǀkha aoǁnâ sîsenni ǃnâ ǀhape. Tsî da ge Jehovab tsî nau ǃoaba-aon ǀkha da ūhâ ǀhōsagusis tsîna ra ǀgaiǀgai.—1Kor. 3:5-10.
JEHOVAB GE NÎ ŪǂGĀ DU, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:
Tae-e Malusa ge hui is Jehovab ǀgūse hâ ǃgomsin ǁaeb ǃnâ?
Malus khami i mati Psalmdi 34:18 ǃnâ hâ mîde, sida a ǁkhaeǂgao ǁkhā ǃgomsin ǃnâ?
Matis Malus ge hōǃâ xū-e ra ǁgau Jehovab ‘kai ǀgaiba’ ra mā dasa, ǃgomsina da ga hōǃâ ǁaeb ai?—2Kor. 4:7.