ǃKhē xu ǂgōmmi INTERNETS AI HÂ ǂKHANINǁGÂUB
ǃKhē xu ǂgōmmi
INTERNETS ai hâ ǂKHANINǁGÂUB
Damara
Ā
  • Ā
  • Â
  • ā
  • â
  • Ō
  • Ô
  • ō
  • ô
  • Ē
  • ē
  • Î
  • î
  • Ῑ
  • ī
  • Û
  • Ū
  • û
  • ū
  • ǀ
  • ǁ
  • ǂ
  • ǃ
  • ELOBMÎS
  • MĀǂUIDI
  • ǀHAODI
  • w25 Maarti ǂhawegu 14-19
  • Aoǁnâ sîsenni ǃnâ Jesub ôasasiba ǁgae

Vidiob ge a hō-e ǁoa.

ǀÛba da re nē vidiob ge hō-e ǁoa.

  • Aoǁnâ sîsenni ǃnâ Jesub ôasasiba ǁgae
  • ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2025
  • Xoaǂamdi
  • ǀGau ra xūn
  • JEHOVAB RA ǂGAO XŪ-I AI ǂÂISA ǂNÛI
  • ELOBMÎS KĒBODE ǁNÂUǃĀ
  • JEHOVAB NÎ HUI DA SA ǂGOMǃGÂ
  • ǂGOMǃGÂSIBA ŪHÂ ǀNÎ KHOEN NÎ ǃGÂSA
  • ǃNāsa ǃgâiaǂgaoba aoǁnâ sîsenni ǃnâ hōs
    ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2024
  • Ab ǀnamma ǂkhâǃnâ du i du aoǁnâ
    ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2024
  • ǃGamǃgamsenxa re xūna du ga ǁnâuǃā tama io
    ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2025
  • Jehovab ai da ra ǂgomǃgâsa ra ǁgau mîǁguigu
    Sida Xristeǁî ûib tsî aoǁnâ sîsenni—sîsen ǂkhanib—2023
ǃNāsana mû re
ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2025
w25 Maarti ǂhawegu 14-19

11ǁÎ ǁKHĀǁKHĀǃÂS

57ǁÎ ǁNAETSANAS Hoa khoena aoǁnâba re

Aoǁnâ sîsenni ǃnâ Jesub ôasasiba ǁgae

Ob ge “ǃKhūba . . . ǁîga ǀgamǀgammese ǁîb aiǃâ ge sîǂui, mâ ǃās tsî ǃkhais” hîab nî sīse isa ǃoa.—LUK. 10:1.

ǁKHĀǁKHĀSEN DA NÎ XŪN

ǃHoaǃgao da ge nî Jesub aiǁgausa xu da tae-e nî ǁkhāǁkhāsensa î da ôasasib ǀkha aoǁnâ.

1. Mâ ǀgaub ǃnân Jehovab ǃoaba-aona ra mâǂoa?

ǀGUI xū-i Jehovab ǃoaba-aona ra mâǂoa kai i ge, ǁîn ge ôasasib ǀkha ra aoǁnâ. (Tit. 2:14) ǀNî ǁaegu ai i ge a ǃgomba da ǁkhā ôasase aoǁnâsa. ǀNîsi da ge ǀgui ǀhaohâb ǃûi-aob khami ra tsâ mî ge ba, “ǀnî tsēde ta ge aoǁnâ ǂgao tama hâ.”

2. Ôasasib ǀkha aoǁnāsa tae-i ǃaroma a ǃgomba da ǁkhā?

2 ǀNîsi da ge nau ǁgaumâide Jehovab ǃoabas ǃnâ dīs xa a ǁkhoaxabahe aoǁnâs xa. Tae-i ǃaroma? Salga om tsî da ga kōǃgâ tamas ka io da ga tsūkeǃgâb ǃnâ hâ ǃgâsana hui tsî ǂkhâǃnâ, o da ge ǃgâi ǀamǂoade ra mû tsîs ge nēsa ra ǂkhî kai da. Sida ǃgâsan ǀkha da ga sîsen ǀhao, o da ge ǂkhîb ǃnâ ǀnamma ra ǁgaugu tsî da ge a ǂan ǁîn ra ǃgôaǃgâsa dība nî da ra xūna. ǁNās ǂam-ain ge khoena aoǁnâ ǂkharis ǃnâ ǃgâiǂhoasa ǀnîsi ūǃoa ǂgao tama hâ. ǀNîn ge ǀnîsi aoǁnâ sîsenni ǃaroma ǃgâi ǀgaub ǃnâ hâ-ū da tide. ǀAms ra ǀgū khami da ge a ǂan sida haisi-ams nî mâǃoahesa. (Mat. 10:22) Tae-e nî hui da î da ôasase hâ ǀgara tsî ǃgâiǂhôasa aoǁnâ?

3. Jesub ǂkhōs Lukab 13:​6-9 ǃnâ hâsa xu da tae-e ra ǁkhāǁkhāsen?

3 Jesub aiǁgaus ge nî hui da, î da ôasasib ǀkha aoǁnâ sîsen-e dī. Jesub ge ǃhūbaib aib ge hâ i o ǃgarise gere sîsen îb khoena ǃgâiǂhôasa aoǁnâba. Jesub ge ǁîb aoǁnâ sîsenni ǃnâ ôasasiba ge ǂoaǃnâ tama hâ i. ǁÎb ge ǀams kōse aoǁnâ sîsen-e ge dī. (Khomai re Lukab 13:​6-9 sa.) Jesub ge aoǁnâ sîsen-e draibe ǃhanaǂgā-aob ǀkha ge ǀgopeǀnō. Khoeb ge ǀnomahaisa ǃnona kuriga kōǃgâ xawes ge ge ǂûtani tama hâ i. ǁNās ǁkhās khamin ge Jodeǁîna Jesub ge ǃnona kuriga aoǁnâba nî xawe ǃgâiǂhôasa ge ūǃoa tama hâ i. Xawe Jesub ge ge ǀûsen tama hâ î ǁîna aoǁnâbasa. ǁÎb ge aiǃgû tsî draibe ǃhanaǂgā-aob hais nî ǂûtanisa ge ǃâubasen hâ îb khami ge ī-i. Jesub ge ǁnās ǂam-ai ǃgarise ge sîsen îb Jodeǁîna hui ǃgâiǂhôasa ūǃoasa.

4. Mâ haga xūna da Jesub aiǁgausa xu ra ǁkhāǁkhāsen?

4 Nē ǁkhāǁkhāǃâs ǃnâ da ge nî ǃhoaǃgao, matib ge Jesuba ôasasiba ǁgausa, ǁîb di ǀûniga ǃnani ǁkhâgu aoǁnâ sîsenni ǃnâ. ǁÎba da ga ǁnâuǀnam tsî dīb gere xūna a ǁgae, os ge nēsa nî hui da î da ôasase aoǁnâ. Hā re î da haga xūna ǃhoaǃgao Jesub ôasasiba xu da a ǁkhāǁkhāsen ǁkhāna: (1) Jehovab ra ǂgao xū-e dīs ge ǁîba kaise ge ǂhâǂhâsaba i, (2) ǁîb ge Elobmîs kēbodi ai ǂâisa ge ǂnûi, (3) ǁîb ge ǂgomǃgâsiba ge ūhâ i Jehovab nî huibisa tsî (4) ǁîb ge ǂgomǃgâsiba ge ūhâ i ǀnîn nî ǃgâbisa.

JEHOVAB RA ǂGAO XŪ-I AI ǂÂISA ǂNÛI

5. Jesuba mati ge ǁgau Jehovab ra ǂhâba xūn ǁîb ûib ǃnâ a ǂhâǂhâsasa?

5 Jesub ge ôasasib ǀkha “ǃGâiǂhôas Elob Gaosib disa” ge aoǁnâ. ǁÎb ge ǂan i amaga Elob ge ǂhâba hâ isa îb nē sîsen-e dī. (Luk. 4:43) Jesub di ûib ǃnâ i ge ǃgâiǂhôasa aoǁnâsa kaise ge ǂhâǂhâsa i. ǁÎb di ǀuniga ǁkhâgu ǃnâb ge Jesuba “ǃādi tsî ǃārodi” ǃnâ gere aoǁnâ. (Luk. 13:22) Nau ǁkhāǁkhāsaben tsînab ge ge ǁkhāǁkhā în ǃgâiǂhôasa ǁîb khami aoǁnâ.—Luk. 10:1.

6. Aoǁnâ sîsen-e mati nau ǁgaumâidi ǀkha ra ǃgûǀhao? (Ai-īsiba mû re.)

6 Nētsēs tsîna î ge aoǁnâ sîsen-e ǂhâǂhâsa, ǁnā-amaga kha ge Jehovab tsî Jesub tsîkha ra ǂhâba î da aoǁnâ. (Mat. 24:14; 28:​19, 20) ǀNî ǁgaumâidi ǀapeǂhumis ǃnâ da ūhâ di ge aoǁnâ sîsenni ǀkha ra ǃgûǀhao. Aiǁgause da ge salga ra om î da ǁnāpa aoǁnâba da ra khoen ǀkha ǀguiba Jehovaba ǃoaba. ǁNās ǁkhās khami i ge betels tsî ǀnî hâ ǃoaba ǃkhaigu tawa da ra dī sîsen-e aoǁnâ sîsen-e ra ǂkhâǃnâ. Tsūkeǃgâb ga hâ o da ge sida ǃgâsana ra hui în ǂhân hâ xūna ūhâ tsî ǁnās ǀkha ǀhaode hâǃnâ tsî aoǁnâ sîsen-e dī. Aoǁnâ sîsenni kaise Jehovaba a ǂhâǂhâsabas ge nî hui da î da hoaǁae aoǁnâs turaba omkhâi. János ti ǀon hâ haohâb ǃûi-aob, Hungarib ǃnâ ra hâb ge ra mî: “Tita ge hoaǁae ra mîbasen ǀapeǂhumis ǃnâ da ra dī nau ǁgaumâidi ǂam-ai i ge aoǁnâ sîsen-e a ǂhâǂhâsa.”

ǀHaoǀhaosa ai-īsigu: 1. ǃGâsab ge Om sîsengu ǃnâ ra ǁhao. 2. ǀNî ǃgâsab ge Betels ai ra sîsen omsa xu internets ǃnâ-ū. 3. Ega î ge ǁnā ǀgam ǃgâsaga ǀguiba aoǁnâ sîsen-e ra dī.

Jehovab tsî Jesub tsîn ge ǂhâba hâ î da nētsē aoǁnâ sîsen-e kaise ǂhâǂhâsa xū-i ase mû (6ǁÎ xoaǀgorasa mû re)


7. Tae-i ǃaromab Jehovaba ra ǂhâba î da aiǃgû tsî aoǁnâ ǀgara? (1 Timoteub 2:​3, 4)

7 Sida ôasasiba da ge aoǁnâ sîsenni ǃnâ a ǀgaiǀgai ǁkhā khoena Jehovab ra mû khami mûs ǃnâ-ū. ǁÎb ge ra ǂhâba în ǂgui khoena ǃgâiǂhôasa ǁnâu tsî ūǃoa. (Khomai re 1 Timoteub 2:​3, 4 sa.) Nē ǃgâiǂhôas khoen ûiga nî sâu amagab ge Jehovaba ra hui da, î da khoen ǀkha da aoǁnâ sîsenni ǃnâ ra ǃhoa ǀgauba ǃgâiǃgâi. Aiǁgause, Khoena ǀnam tsî ǁkhāǁkhāsabe dī ǂkhanis ge mati da ǁgamǀhaode khoen ǀkha tsoatsoa tsî ǁkhāǁkhāsabedī ǁkhās ǀkha ra hui. Khoen ga nēsi ǃgâiǂhôasa ūǃoa tama i xawen ge noxopa kai ǁgâiǀāb nî toas aiǃâ ǃēsa ūhâ în ǁnāsa dī. ǁÎn ge ǀnîsi hānîǁaeb ǃnâ tae-e da ge mîba nîsa nî ǂâihō tsî Jehovaba nî ǃoaba ǂgao. ǁNās ge aiǃgû tsî da ga aoǁnâ o ǀgui nî ī.

ELOBMÎS KĒBODE ǁNÂUǃĀ

8. Mâ Elobmîs kēbode Jesuba ge hui îb ǁîb ǁaeba ǃgâise sîsenū?

8 Jesub ge gere ǁnâuǃā Elobmîs kēbodi mati nî dīǀoaǀoahe ǀgausa. ǁÎb ge ge ǂan i aoǁnâ sîsen-eb ǃnona kurigu tsî ǃkhare-e nî dīsa. (Dan. 9:​26, 27) Jesub ge kēbodi ǃnâ-ūs tsîna ge ǂan i mati tsî mâǁaeb nî ǁōsa. (Luk. 18:​31-34) Jesub ge ǁnāsa ǂan i amagab ge ǁîb ǁaeba ǃgâise ge sisenū. ǁNā-amagab ge ôasasib ǀkha ǀams kōse aoǁnā sîsen-e ge dī.

9. Elobmîs kēbode ǁnâuǃāsa mati ra hui da ôasasib ǀkha aoǁnāsa?

9 Elobmîs kēbode ǁnâuǃās ge nî ǂkhâǃnâ da ôasasib ǀkha aoǁnâsa. ǂAn da ge a nē ǃhūbaib ǀgūǁae nî dīkākāhesa. Elobmîs ge khoen mati ǀuniga tsēdi ǃnâ nî tanisen ǀgaub tsî tae-i nî īs tsîna ǀnai ge mîmâi tsî da ge ra mû nē kēbodi ra dīǀoaǀoahesa. Elobmîs kēbos ge ra mî ǃkhawagas gaob tsî ǀawas gaob tsîn ‘ǀuniga ǁaeb’ ǃnâ nî ǃkhamsa. Nēs ge Britaniab ǂhanub tsî Amerikab ǂhanub hîna Rusiab tsî ǁîba ra ǂkhâǃnâ nau ǂhanugu ǃoagu hâ ǃkhamsa ǃoa ra ǁnaeǁgau. (Dan. 11:40) Danieli 2:​43-45 ǃnâ hâ kēbos ǃnâb Anglo Amerikaba ǂaide ra ǂnûǁkhaebas tsîna da ge ra ǁnâuǃā. Elobmîs kēbode ôaǃnâs ǃnâ-ū da ge ǂgomǃgâsiba ūhâ Elob Gaosib ǀgūǁae khoesi ǂhanuga nî dīkākāsa. Nē kēbodi ge ra ǁgau ǀuni ǁaeb ǃnâ da ûihâsa ǁnā-amaga da ge sida ǁaeba ǃgâise sîsenū tsî ǃgâiǂhôasa nî aoǁnâ.

10. Mâ ǀgaugu ǃnâ i Elobmîs kēbode a ǂkhâǃnâ du ǁkhā aoǁnâsa?

10 Elobmîs kēbodi ge haisi-ams tsîna ra mā da khoen ǀkha da ra ǀgoragusa. Carrie ti ǀon hâ ǃgâsas Dominican Republiki ǃnâ ra hâs ge ra mî: “Jehovab mîmâi hâ îxa xūn xa ta ga ǂâiǃgâ, os ge ǁnāsa ra ǂkhâǃnâte î ta nauna ǁî-i xa mîba. Khoen ūhâ ǃgomsiga ta ga mû o ta ge ra mûǂan ǁîn Jehovab mîmâi hâ xūna ǁnâusa ǂhâǂhâsa.” Elobmîs kēbodi ge ra ǁgau Jehovab ra hui dasa î da nē sîsen-e dī ǁkhā tsîs ge nēsa ra hui da aoǁnâ ǀgarasa. Leilas Hungarib ǃnâ ra hâs ge ra mî: “Jesajab 11:​6-9 ge ra ǂkhâǃnâ te î ta naun ǀkha ǃgâiǂhôasa ǀgoragu nēsan ga ūǃoa tama ī xawe. ǂAn ta ge a Jehovab huib ǀkhan ǀkharaǀkharana nî dīhō sa.” Christopher ti ǀon hâ ǃgâsab Zambiab ǃnâ ra hâb tsîn ge ra mî: “Markub 13:10 ra mî khamis ge ǃgâiǂhôasa ǃhūbaib ǂhawase nî aoǁnâhe, nē kēbosa dīǀoaǀoas ǃnâ ǃâ-e ūhâs ge kaise ra ǂkhî kai te.” Mâ Elobmîs kēbode ra ǂkhâǃnâ du aoǁnâsa?

JEHOVAB NÎ HUI DA SA ǂGOMǃGÂ

11. Jesuba tae-i ǃaroma Jehovab ai nî ǂgomaiǂnûi ge īsa îb ôasase aoǁnâ ǀgara? (Lukab 12:​49, 53)

11 Jesub ge gere ǂgomǃgâ Jehovab nî hui bisa îb ôasasib ǀkha aoǁnâ ǀgara. Jesub ge aoǁnâ sîsen-eb gere dī, o ǃgôasib ǃnâ khoen ǀkha gere ǃhoa. Xaweb ge ge ǂan-i Gaosib haisi-ams ǀnî khoena nî ǁaixa kaisa tsîn ǂguina nē haisi-amsa nî mâǃoasa. (Khomai re Lukab 12:​49, 53 sa.) Jesub gere aoǁnâ ǃkhais ǃaroma gu ge ǂgomdi ǂgaeǂgui-aoga ǁîba ǃnākorobe gere ǃgam ǂgao. (Jhn. 8:59; 10:​31, 39) Xaweb ge Jesuba ge aoǁnâ ǀgara Jehovab ǁîb ǀkha hâsab ge ǂan i amaga. ǁÎb ge ge mî: “ǀGuri ta hâ tama tsî ta ti îb tita ge sîb ǀkha hâ xui-ao. . . . ǁÎb ge ǀguri ǁnāxū te tama hâ. ǁÎba ǃgâiba xūna ta hūgaǀgui ra dī xui-ao.”—Jhn. 8:​16, 29.

12. Jesuba mati ǁîb ǁkhāǁkhāsega ge aiǂhumi î gu aoǁnâ ǀgara ǃgôaǃgonhe gu ga xawe?

12 Jesub ge ǁîb ǁkhāǁkhāsabega ge hōhōǃnâ î gu Jehovab ai ǂgomaiǂnûi ǂkhâǃnâhes ǃgao. ǁÎb ge hoaǁae ǁîga ǂgomǃgâsiba gere mā, Jehovab mâǃoahe gu ga ǁaeb ai nî hui gu sa. (Mat. 10:​18-20; Luk. 12:​11, 12) Jesub ge ge ǂan-i ǂguin ǃgâiǂhôasa nî mâǃoasa, ǁnās ǀkhab ge ǁîb ǁkhāǁkhāsabega ge mîba î gu ǃûisen. (Mat. 10:16; Luk. 10:3) ǁÎgu tsînab ge ge mîmā î gu tā khoen ga ǃgâiǂhôasa ǁnâu ǂgao tama io ǁîna ǁgari. (Luk. 10:​10, 11) Jesub ge ǁîgu tsîna ge mîba î gu ǃgôaǃgonhe gu ga o ǃkhoe. (Mat. 10:23) Jesub ge ôasasib ǀkha aoǁnâ tsî Jehovab ai gere ǂgomaiǂnûi xaweb ge ǁkhōǁkhōsa mâsiga xu gere ǂgōsen.—Jhn. 11:​53, 54.

13. Tae-i ǃaromats ǂgomǃgâsiba ūhâ ǁkhā Jehovab nî hui tsi sa?

13 ǂGui khoen ge nētsē sida sîsen-e ra mâǃoa. ǁNā-amaga da ge Jehovab huiba ǂhâ hâ, î da ǃgâiǂhôasa khoena aoǁnâba. (J.ǂHa. 12:17) Tae-i ǃaromats a ǂgomǃgâ ǁkhā Jehovab nî hui tsi sa? Jesub ge Johaneb 17ǁî danaǃâs ǃnâ a mî ǀgoresa ǃgaoǃgâ re. Jesub ge Jehovaba ge ǂgan îb ǁîb apostelga kōǃgâ. Jehovab ge ǁnā ǀgoresa ge ǁnâu-am. ǃNaeǃkhaidi ǂkhanis ge ra ǁgau matib ge apostelga a hui ǀgauba î gu ôasasib ǀkha aoǁnâ, ǃgôaǃgonhe gu gere xawe. ǁÎb ǀgores ǃnâb ge Jesuba Jehovaba ge ǂgan îb apostelgu ra aoǁnâ ǃgâiǂhôas ǃnâ ǂgomsa ra ǁgaun tsîna kōǃgâ. Nēs ge sats tsîna ǃkhōǂgā hâ. Jehovab ge nētsēs kōse Jesub ǀgoresa ra ǁnâu-am. Tsîb ge apostelgab ge huis ǁkhās khami satsa nî hui.—Jhn. 17:​11, 15, 20.

14. Tae-i ǃaroma da ǂgomǃgâsiba ūhâ ǃgom ǁaegu ǃnâs tsîna da ôasasib ǀkha a aoǁnâ ǀgara ǁkhāsa? (Ai-īsiba mû re.)

14 Nē ǃhūbaib ǀams ra ǀgū khami i ge ǀnîsi a ǃgomba da ǁkhā aiǃgû tsî ǃgâiǂhôasa aoǁnâsa. Xawe Jesub ge ǂgomǃgâsiba ra mā da huihe da nîsa î da ôasasib ǀkha nē sîsen-e dī. (Luk. 21:​12-15) Jesub tsî ǁîb di ǁkhāǁkhāsabegu khami da ge khoena ǃēsa ra mā în aitsama ǁhûi nē ǃgâiǂhôasan nî ǃgâs tamas ka io ǃgâ tidesa. Tsî da ge ǁîn ǀkha tā nî ǂkhaba. Sida sîsenni mā-amhe tama ǃhūgu ǃnâ hâ ǃgâsan ge ǂgaon ra khami a aoǁnâ ǁoa. Xawen ge aiǃgû tsî ǃgâiǂhôasa ra aoǁnâ, Jehovab ain ra ǂgomaiǂnûi amaga tsî ǁîn di ǀgaib ais ose. ǂGurokam ǁaeb ǃnâb ge Jehovaba ǁîb ǃoaba-aona ǀgaiba a mās ǁkhās khamib ge nētsēs tsîna ǁnā ǀgaiba nî mā da î-i ‘aoǁnâsa ǀoaǀoahe’ Jehovab ra ǂhâba khami. (2Tim. 4:17) ǂGomǃgâsiba du ge a ūhâ ǁkhā Jehovab ai du ga ǂgomaiǂnûi ǀgara, ob ǁîba nî hui du sa ôasase aoǁnâ ǀgarasa.

Aoǁnâ sîsenni mā-amhe tama ǃhūgu ǃnâ hâ ǃgâsan ge ǂanbasen rase ǀgauga ra ôa în ǃgâiǂhôasa nauna mîba (14ǁÎ xoaǀgorasa mû re)a


ǂGOMǃGÂSIBA ŪHÂ ǀNÎ KHOEN NÎ ǃGÂSA

15. Tae-e ra ǁgau Jesub ge ǃgâi mûǂuiba aoǁnâ sîsenni ǃnâ ūhâ isa?

15 Jesub ge ǂgomǃgâsiba ge ūhâ i ǀnî khoen ǃgâiǂhôasa nî ǃgâsa. Nēs tsîn ge ǁîba ge hui îb aiǃgû tsî ǃgâiaǂgaob ǀkha aoǁnâ sîsen-e dī ǀgara. Aiǁgause ǀgui kuribab ǁāǁnâhe toa hâs khaoǃgâb ge Jesuba ge aoǁnâ tsoatsoa tsîb ge ǁîba ge mûǂan ǂguin ge māsenxase ǃgâiǂhôasa gere ǃgâsa. ǁÎb ge nē aoǁnâ sîsen-e ǃgaos ǀkha ge ǀgopeǀnō. (Jhn. 4:35) Kuriba ǃkharu tsîb ge Jesuba ǁîb ǁkhāǁkhāsabega ge mîba: “ǃGaos ge a kai.” (Mat. 9:​37, 38) Tsîb ge ǁkhapa ega ge ǀgomǀgomǃgao: “ǃGaos ge a kai. . . .ǁNā-amaga ǃKhūb ǃgaos dib ǃoa ǀgore, îb sîsenaoga ǃgaos âb ǃoa sî.” (Luk. 10:2) Jesub ge ǂgomǃgâsiba ge ūhâ ǀgara ǀnî khoen nî ǃgâiǂhôasa ǁnâu ǂgaosa. ǁNās ǀkhab ge gere ǃgâiaǂgao nē aoǁnâ sîsen-e dīsa.—Luk. 10:21.

16. Jesub ge sîsenū ǂkhōde mati ra hui da ǃgâi mûǂui ǀgauba ūhâsa aoǁnâ sîsenni ǃgao? (Lukab 13:​18-21) (Ai-īsiba mû re.)

16 Jesub ge ǁîb ǁkhāǁkhāsabegu tsîna ge hui î gu ôasase hâ ǀgara aoǁnâ sîsenni ǃnâ nēs ǃgâi ǀamǂoasa a ūhâ ǁkhā amaga. Aiǁgause Jesub ge a mî ǀgam ǂkhōra ǃgaoǃgâ re. (Khomai re Lukab 13:​18-21 sa.) ǀGui ǂkhōs ǃnâb ge Jesuba Gaosib di haisi-amsa ǂkhari mostardǃkhomros hîna ra kais ǀkha ge ǀgopeǀnō. Nēs ge gere ǂâibasen ǂgui khoen ǃgâi ǂhôasa nî ūǃoasa tsî i xū-e ǁkhae tidesa. Jesub ge khūkhū-i ǂkhōs tsîna ge sîsenū îb Gaosib haisi-ams ǀkha ǀgopeǀnō. Nēs ǀkhab ge ǀgopeǀnōbas ge Gaosib haisi-ams ge ǃhūbaib ǂhabase nî aoǁnâhe tsî khoena nî ǂkhâǃnâ în ǀkharaǀkharana dī. Nē ǀkharaǀkharan ga naun xa ǃkhaese mûǂanhe tama ī xawe. Nē ǂkhōdi ǀkhab ge Jesuba ǁîb ǁkhāǁkhāsabega gere hōhōǃnâ ǁîgu ra aoǁnâ haisi-ams ǂgui khoena nî huisa.

ǃGâsa ra ge trolis ǀkha ra aoǁnâ. Xawen ge ǂgui khoena mâ tamase ra ǃkharu.

Jesub khami da ge ǃgâi mûǂuiba nî ūhâ ǀnîn ǃgâiǂhôasa nî ūǃoasa (16ǁÎ xoaǀgorasa mû re)


17. Mâ ǃaromade ǃgâi mûǂui ǀgauba ra mā da aoǁnâs xa?

17 ǂÂi da ga o, matis nē ǃgâiǂhôasa ǂgui khoena ra huisa, os ge nēsa ra ǂkhâǃnâ da î da aiǃgû. Mâ kurib hoaban ge ǂguin ǃgâiǃgâibasensa ra ǁgauna Jesub ǁōb ǂâiǂâisensa hâǃnâ tsî Elobmîsa ra ǁkhāǁkhāsen. ǂGuin ge ǁāǁnâhe tsî sida ǀkha ǀguiba aoǁnâ sîsenne ra dī. ǀŪ da ge a matikō khoen ǃgâiǃgâibasensa aoǁnâ sîsenni ǃoagu nî ǁgausa. Xawe da a ǂans ge Jehovab ge kai ǂnubis khoena ra ǀhaoǀhao kai ǁgâiǀāba nî ûiǃkharuna. (J.ǂHa. 7:​9, 14) Jehovab ge a ǃgaos di mûǂam-ao tsîb ge ǂgomǃgâsiba ūhâ ǂgui khoen noxopa ǃgâi ǂhôasa nî ūǃoasa, ǁnās ǀkha da ge ǃgâi ǃaromasa ūhâ aiǃgû tsî aoǁnâ ǀgarasa.

18. Khoen tae-e sida xa nî ǃgaoǃgâsa da ra ǂhâba?

18 Jesub ama ǁkhāǁkhāsaben ge ôasase ǃgâiǂhôasa ra aoǁnâ. Aiǁgause apostelgu ge ǁkhoaǂgaosib tsî ôasasib ǀkha gere aoǁnâ tsîn ge khoena, ‘Jesub ǀkha gere hâgu ase ge ǂan gu i.’ (ǃNǃkh. 4:13) Sida tsîn ge ǁkhoaǂgaosib tsî ôasasib tsîn ǀkha aoǁnâ sîsen-e ra dī ǂgao, ǀamǂoas ge khoen tsîn ge nî mû Jesuba da ra ǁgaesa.

MATI DU NÎ ǃEREAM?

  • Jesuba mati aoǁnâ sîsenni xa gere tsâ tsî da sida mati ǁîba a ǁgae ǁkhā?

  • Jesuba mati Jehovab ai ge ǂgomaiǂnûi tsî da sada mati ǁkhā xū-e a dī ǁkhā?

  • Jesuba mati gere tsâ aoǁnâ sîsenni xa tsî tae-e da ǁîba xu ra ǁkhāǁkhāsen?

58ǁÎ ǁNAETSANAS ǂKhîb di ǀhōsana ôa re

a AI-ISIBA ǁGUIǃĀS: ǃGâsab ge aoba ǂanbasen rase ra aoǁnâba petrol stasis tawa.

    Damarab ǃnâ hâ ǂkhanin (2002-2025)
    Xoaǂuisen re
    Xoaǂgāsen re
    • Damara
    • Linka sî
    • ǂGao du ra ǀgauba nēpa ǁhûi re
    • Copyright © 2025 Watch Tower Bible and Tract Society of Pennsylvania
    • Sîsenūs xoaǁguib
    • ǀGuri hâ ǁguiǂamdi
    • Sadu ǀgui du nî mû xūn
    • JW.ORG
    • Xoaǂgāsen re
    Linka sî