4ǁÎ ǁKHĀǁKHĀǃÂS

Xoade ǃgâise mâi-aiǃâs

Mateub 22:41-45

ǃKHŌǀHAOS: Sadu ǃgâ-aon di ǂâi ǀgauba aiǂhomi re xoasa du nî khomais aiǃâ.

ǂÂi re tae-i ǃaroma du xoasa ra khomaisa. Xoasa du ǃgâ-aon mâǂoara ǂâisa nî hōse ǃgâi ǀgaub ǃnâ mâi-aiǃâ re.

Xoas di ǂâibasensa ǃgâise kō re. Xoasa du ga ra khomai ǁaeb ai, xoa-aob tamas ka io ham-i ra ǃhoasa ǂhanu ǀgaub ǃnâ mâi-aiǃâ re.
As Elobmîsa ǃeream re. Khoen hîna Elob ǃnâ ra ǂgom an ǀkha du ga ra ǃhoa, o Elobmîsa ‘Elob di mîs’ ase ǁgau re hîna gā-aisiba ūhâsa.
Xoas ǃnâ ǃgâiǃgâibasensa omkhâi re. Xoasa xu dîsa dî re. Xoas ǃgomsigu ǀkha a hui ǁkhā ǀgaub tsîna ǁgau re tamas ka io Elobmîs tsoatsoas hîna ǁî-e a hui ǁkhā i tsîna ǁgau re.

Sadu ǃgâ-aon nēs xa ǀnai tae-e a ǂansa ǃgaoǃgâ re. ǂAnǂansa xoas tsîna ǃgâi ǀgaub ǃnâ mâi-aiǃâ re, nēs ǃgâ-aona a hui ǁkhā amaga în xoasa ǀnî hâ ǀgaub ǃnâs tsîna ǁnâuǃā.