Tlen mitspaleuis timomachtis
¿Tikitstok kenijkatsa moixtoma se keski textos ipan Tlen ika momachtiaj Jehová itlajtoltemakauaj?
Tlen moixtoma nopaya, mitspaleuis nojua kuali xijkuamachili toTeotsij iTlajtol. Ipan ni amatlajkuiloli, kiixtoma tlake kiijtosneki se versículo, kenke moijkuilok, ajkia kinijkuiljuilijkej, nojkia kiixtoma tlake kiijtosneki se keski tlajtoli tlen uala ipan se versículo.
Ipan AMATLAJKUILOLI IPAN INTERNET Watchtower™ uan ipan JW Library®, uelis tijpantis kenijkatsa moixtoma se versículo ipan Tlen ika momachtiaj Jehová itlajtoltemakauaj. Tijpantis miak tlamachtili tlen kiixtoma se versículo ipan tlen uelis Biblia tlen eltok nopaya.
Kema tikitas tlake tlamachtili eltok, xikita kenijkatsa motejtekpantok. Achtoui nesi tlamachtili tlen namanok kistok, uan nopa tlamachtili tlen ya uejkajtok kiski, eltok tlatsintla. Xikilnamiki se keski tlamachtili, mopatlatok kej tijmachiliaj.
Kema tijtemos kenijkatsa moixtoma se texto ipan AMATLAJKUILOLI IPAN INTERNET Watchtower, nima nesi nopa tlamachtili tlen eltok ipan Tlen ika momachtiaj Jehová itlajtoltemakauaj. Amo moneki tijtemojtinemis.
Tlaj tijneki tikitas kenijkatsa moixtoma se texto ipan JW Library, uajka xijkixti Tlen ika momachtiaj Jehová itlajtoltemakauaj. Uan xijyankuilijtia, kiampa tikitas tlen namanok kitlalijkej. Uelis tijkixtis tlaj tijpacholis kampa nesi se capítulo, teipa xijpacholi kampa nesi se perla uan nopaya uelis tijkixtis.