Xikonita tein kuali tein kichiuaj oksekin
Keyej moneki
Komo timoueyinekij uelis titechikoitaskej. Akin moueyineki kinemilia ke amo keman mopoloua uan kinita ke oksekin amo teyi chiuanimej. Akin yeski uelis ijkon kipanos. Amatajkuilol Encyclopædia Britannica kijtoua: “Miakej kinemiliaj ke kampa nemij, kemej nemij, tein kikuaj, kemej motakentiaj, tein momattokej kichiuaskej, inintaneltokalis, tein kuali tein kichiuaj uan okseki tamanok, kinemiliaj ke okachi kuali”. ¿Toni techpaleuis maj amo no ijkon titanemilikan?
Tein Biblia tamachtia
“Xikpouakan in oksekin tokniuan taneltokani ke yejuan kachi ueyi chiuanime [...] ke namejuan” (FILIPENSES 2:3).
¿Toni kijtosneki? Komo tiyolyemankej amo timoueyinekiskej. Komo tiyolyemankej tikajsikamatiskej ke oksekin okachi kuali kichiuaj teisa. Amo ueli tikijtouaj ke kemej timomattokej tinemiskej okachi kuali ke kemej nemij oksekin.
Maj tikitakan tein kipanok Stefan, yejua moskaltij itech se altepet kampa kitemouaj maj nochin kuali yetokan, uelik amo kinchikoitakok akin nemij itech se altepet kampa amo ijkon kichiuaj. Yejua kijtoua: “Niknemilia ke techpaleuis maj amo titechikoitakanok, komo tiknemiliaj ke oksekin okachi ueyichiuanimej ke tejuan. Nejua amo nochi niueli, yejua ika oksekin uelis nechmachtiskej”.
Tein uelis tikonchiuas
Xikonelnamiki ke no tionmopoloua. Uan oksekin okachi uelij teisa ke tejuatsin. Amo xikonnemili ke nochin ijkuitikej.
Amo xikonita tein amo kuali tein kichiua okse, ta xionmotajtani:
Xikonelnamiki ke oksekin okachi kuali kichiuaj teisa ke tejuatsin.
¿Yekmelauj tajtakol tein amo nikuelitilia oso sayoj nejua ijkon nikita?
¿Ueliskia no kiitstos tein amo kuali tein nikchiua?
¿Toni okachi kuali kichiua ke nejua?
Komo kuali tikonnankilia nejin netajtanilmej, mitsonpaleuis amo xiontechikoitaok uan tikonuelitas tein kichiua.