Tein ika tajtoua taxelol 14

Yekinika itatojtokakauan Cristo kiteixmatiltijkej iTekiuajyo Dios hasta kampa okachi uejka. Jesús kinixyekanak uan ijkon kimatkej kani tanojnotsaskej. No kinpaleuij ika se ueyi tachiualis maj kinmachtianij taltikpakneminij itech inintajtol. Jiova kinyolchikauak uan kinmakak chikaualis tein kinpaleuij maj taxikouanij keman kintajyouiltijkej.

Jesús kiitaltij tatitanil Juan iueyiyo Jiova. No kinextilij keniuj Tekiuajyot tein moajsi iluikak kitani Satanás uan senkis kiixpoloua itaixyekanalis. Juan kiitak Jesús kemej Tekiuaj uan 144,000 akin iuan tekiuajtij. No kiitak ke nochi taltikpak mochiua se xochital uan ke nochin kisenueyichiuaj Jiova ika yolseuilis.