¿Toni kijtoua Biblia?
¿Akoni oso toni Amokuali?
¿TIKONIJTOSKIA KE Amokuali yejua se...
... amo kuali ejekat?
... teisa tein amo kuali tein tikpiaj itech toyolijtik?
... teisa tein tiknemiliaj?
TEIN KIJTOUA BIBLIA
Amokuali tajtoj iuan Jesús uan kitemoj maj tajtako (Mateo 4:1-4). Yejua ika Amokuali amo se taman tein tiknemiliaj nion se taman tein kinextia tein amo kuali. Yejua yekmelauj nemi uan tel amo yolkuali.
¿TONI OKACHI KIJTOUA BIBLIA?
Kijtoua ke Amokuali katka se ángel yolkuali, sayoj ke axkan “amo keman tajtoa ika ten melau” (Juan 8:44). Yejua mochiuak se takajkayaujkej uan kiixnamikik Dios.
Okseki ángeles no taixnamikkej iuan Satanás (Apocalipsis [Revelación] 12:9).
Amokuali kichiua maj taltikpakneminij kineltokakan ke yejua amo nemi (2 Corintios 4:4).
¿Ueli Amokuali kinchiualtia taltikpakneminij tein yejua kineki?
SEKIN KINEMILIAJ ke nejon sayoj se takajkayaualis, sayoj ke oksekin kitelmouiliaj maj amokuali ejekamej kinchiualtikan miak taman. Uan tejuatsin, ¿toni tikonnemilia?
TEIN KIJTOUA BIBLIA
“Nochi in taltikpakuani kinyekana ok yejua in amokuali Satanás” (1 Juan 5:19). Itanemililuan Amokuali semi moita itech tein taltikpakneminij kichiuaj, sayoj ke amo nochin ueli kinchiualtia tein yejua kineki.
¿TONI OKACHI KIJTOUA BIBLIA?
Kijtoua ke Amokuali kinixyekana taltikpakneminij ika takajkayaualis (2 Corintios 11:14).
Kemansa, amokuali ejekamej uelis kichiuaskej maj se taltikpaknenkej kichiua tein yejuan kinekiskej (Mateo 12:22).
Ika inepaleuil Dios, tejuatsin uelis tikonixnamikis Amokuali uan maj amo mitsonijtako (Santiago 4:7).