“Uel miak tagayot” akin ualeuaj itech nochi altepemej makisaskej keman mochiuas Armagedón
¿Toni kijtoua Biblia?
¿Toni Armagedón?
Tein sekin kineltokaj
Kineltokaj ke nochi ixpoliuis ika uejueyi bombas oso ika se ueyi tetsauit. Tejuatsin, ¿toni tikonnemilia?
Tein kijtoua Biblia
Armagedón kiixnextia kampa mochiuas “guerra iuan Dios tech ne ueyi tonal”, kampa Dios kinteuis nochin akin kichiuaj tein amo kuali (Apocalipsis [Revelación] 16:14, 16).
¿Toni okachi kijtoua Biblia?
Dios amo kichiua neteuilis Armagedón porin kineki kiixpolos taltikpak, ta porin ika kichiuas maj taltikpakneminij amo kiixpolokan (Apocalipsis 11:18).
Armagedón kitamis nochi neteuilismej (Salmo 46:8, 9).
¿Uelis timakisaskej keman mochiuas Armagedón?
¿Toni tikonijtoskia tejuatsin?
Kemaj
Amo
Xa
Tein kijtoua Biblia
“Uel miak tagayot” akin ualeuaj itech nochi altepemej makisaskej keman mochiuas okachi ueyi tajyouilis uan ika tamis: neteuilis Armagedón (Apocalipsis 7:9, 14).
¿Toni okachi kijtoua Biblia?
Dios kineki maj tinochin timakisakan keman mochiuas Armagedón. Yejuatsin kinixpolos akin amo yolkualmej sayoj komo kiita ke amo kinekij mopataskej (Ezequiel 18:32).
Biblia kimelaua keniuj uelis timomakixtiskej keman mochiuas Armagedón (Sofonías 2:3).