Keman se inamik tekajkayaua
KEMAN aksa kikajkayaua inamik, semi kiyolkokoua akin kikajkayaujkej. Kemansa, sekin kintapojpoluiaj ininnamik keman kinextiaj ke amo kinkajkayauaskejok uan oksepa peua motasojtaj.a Maski ijkon, akin kikajkayaujkej semi kiyolkokoj tein panok. ¿Toni uelis mitsonpaleuis komo tikonpanotok nejon?
BIBLIA UELIS MITSONYOLCHIKAUAS
Maski akin ininnamik kinkajkayauak semi moyolkokouaj, kinyolseuiani keman kiixtajtoltiaj Biblia. Nejon kinpaleuiani maj kimatikan ke Dios kiajsikamati inintayokol (Malaquías 2:13-16).
“Keman nonetekipacholuan motelmiakilijkej, tinechyolchikauak uan tinechyolseuij.” (Salmo 94:19.)
Bill kijtoua: “Keman nikixtajtoltiaya nejin texto, nikmachiliaya kemej yeskia Jiova nechyolseuiaya kemej se tepopaj akin tetasojta”.
“Akin amo mitskaua tejua amo tikaua.” (Salmo 18:25.)
Carmen, akin inamik kikajkayauak miak metsti, kijtoua: “Nonamik nechkajkayauak. Sayoj ke nikmatia ke Jiova amo keman nechkauaskia uan ke amo keman nechyolkokoskia”.
“Amo teyika ximoyolkuejmolokan. Ta, nachipa ximoteixpantikan iixpantsinko Totajtsin Dios ika namonetatatautilis uan [...] Dios namechtayokolijtiyas ne yolseuilis.” (Filipenses 4:6, 7.)
Sasha kijtoua: “Miakpa nikixtajtoltiaya nejin texto. Keman okachi nimotataujtiaya, okachi nikmachiliaya ke Dios nechyolseuiaya”.
Nochin akin ininka titajtojkej, kemansa kinemilijkej mosenkauaskej. Sayoj ke, kinyolchikauak kiixtajtoltiskej Biblia uan takuaujtamatkej iuan Jiova. Bill kijtoua ke semi kipaleuij takuaujtamatis iuan Dios uan ke yejuatsin amo keman kikauak keman kipanok nejon ouijkayot (Salmo 23:4).
a Komo tikonneki tikonmatis okachi keman aksa kitapojpoluia inamik komo kikajkayaua, xikonita tamachtilismej “Las trágicas consecuencias de la infidelidad”, “¿Es posible la reconciliación?” uan “La opción del divorcio”, tein moajsi itech tamachtilis “Cuando el cónyuge es infiel”, itech amaix ¡Despertad! 22 de abril de 1999.