Keniuj moneki mochiuas Nechikol tein Techmachtia iTekiyo Dios
Itech nejin metsti uan satepan, itech toamaix ITekiyo Dios tein Tikchiuaj, mopatas itokay seki taman tamachtilis tein motemakas itech Nechikol tein Techmachtia iTekiyo Dios. Tein nikan moijtoti techelnamiktiti keniuj mochiuas nechikol. Nejin kiyekmelaua tein moijtoj itech tamachtilis “Cómo prepararse para la Reunión de Servicio”, tein nesik itech Nuestro Ministerio del Reino mayo de 2009.
◼ Tanojnots. Nejin kijtosneki se tanojnots tein motaksaltis itech amaix tein moijtos uan amo teuantiskej takakinij. Akin kitemakas tanojnots, ika tajtos tein okachi kinpaleuis tokniuan.
◼ Netajtanilmej uan tanankililmej. Ijkon kemej Nemachtil ika La Atalaya, itech nejin tamachtilis moijtos seki tajtolmej ipeujyan uan itamian, uan monankilis nochi netajtanilmej tein kiualkui párrafos. Akin kiyekanas nejin tamachtilis moneki maj amo tel tajto. Textos tein tayekantok moneki moixtajtoltis nochi tein uelis. Komo amo teyi motanauatia, nion se párrafo moixtajtoltis.
◼ Nemachtil imiuan nochin takakinij. Nikan no uelis tepitsin teuantiskej takakinij. Nejin amo sayoj se tanojnots uan niono mochiuas nochi ika netajtanilmej uan tanankililmej.
◼ Demostraciones uan entrevistas. Keman mopanoltis se demostración, yejua tokniuj akin kipanoltis tamachtilis kintemos akin kipaleuiskej ika nejon, uan amo monekiskia maj yejua teuanti itech demostración. Kinixpejpenas maj kipaleuikan akin kuali tekititokej uan akin kemaj ueliskej kinextiskej tein ika motajtoua. Okachi kuali eski komo kiniluia miak tonalmej achto. Semi kuali maj amo kinilui tanojnotsanij tein yankuikej maj kinextikan keniuj tikchiuaskej tekit, maski kemaj uelis kinkauas sekin maj no panokan itech plataforma sayoj kemej tapaleuianij. Tanojnotsanij tein panoskej moneki maj ixkeptokan kampa yetokej takakinij. Akin kichiuiliskej se entrevista, moneki tajtos itech plataforma uan amo kampa tokotsyetos. Moneki achto kuali momachtiskej keman kipanoltiskej se demostración oso entrevista. Komo panotokya tiempo uan se tokniuj moneki kitokotsos itamachtilis, maj amo ijkon kikaua demostración oso entrevista. Se akin kipaleuia tayekankej moneki kiixejekoltis akin kinixyekana oloch tayekananij (oso okse tayekankej) achto ke kinixpejpenas akin kipaleuiskej.
Komo moijtoua okse taman keniuj mopanoltis se tamachtilis, moneki ijkon mochiuas. Komo Nechikol tein Techmachtia iTekiyo Dios mopanoltia ijkon kemej moijtoua nikan, mochiuas “ika nejmach” uan amo teyi mopatas (1 Cor. 14:40).