Uelis okachi titekitiskej keman moelnamiki imikilis Jesús
1. ¿Keyej moneki maj tikitakan keniuj okachi titekitiskej itech metsti marzo, abril uan mayo?
1 ¿Uelis okachi titanojnotsaskej itech metsti marzo, abril uan mayo? Itech miak altepemej nejon tonalmej kualtsin takistok uan amo niman tatayouayantia. Sekin tanojnotsanij kipiaskej vacaciones tein uelis kikuiskej itech tanojnotsalis. Itech tonal 2 metsti abril, noyampa taltikpak peuas tikinyoleuaskej akin kinekij kimatiskej okachi maj touan kielnamikikan imikilis Jesús itech tonal 17 metsti abril. Satepan, tiksentokaskej tikinkalpanoskej akin yajkaj itech nejon Talnamikilis uan tikinyoleuaskej maj kikakitij se tanojnots tein motemakas itech semana 25 metsti abril. Yekmelauj moajsi miak taman keyej moneki tikitaskej keniuj okachi titekitiskej itech tonalmej keman moelnamiki imikilis Jesús.
2. ¿Toni se taman uelis techpaleuis maj okachi titekitikan itech tanojnotsalis?
2 Maj timochiuakan precursores auxiliares. ¿Toni se taman techpaleuis maj okachi titanojnotsakan? Maj timochiuakan precursores auxiliares. Kemej tinochin tikpiaj tochiualis, moneki achto tikixtaliskej keniuj titekitiskej uan tikpataskej seki taman tein monekis (Pro. 21:5). Xa uelis tiknemiliskej tikchiuaskej okse tonal seki taman tein amo tel tayekantok itech tonemilis (Fili. 1:9-11). ¿Keyej amo tikoniluia oksekin tokniuan itech nechikol ke tikonneki tiontekitis kemej precursor auxiliar? Komo ijkon tikonchiua, xa sekin no kinekiskej kichiuaskej nejon tekit.
3. ¿Keniuj kalyetouanij uelis kiixtaliskej okachi tekitiskej?
3 Keman oksepa namomachtiskej itech Youak keman tiTaueyichiuaj kemej Kalyetouanij, uelis nankisenixejekoskej keniuj nantekitiskej (Pro. 15:22). Komo nochin namopaleuiaj kemej kalyetouanij, xa nansekimej uelis nantekitiskej kemej precursores auxiliares itech se oso ome eyi metsti. ¿Uan komo nankiitaj ke nejin amo uelis nankichiuaskej? Xa uelis nankiitaskej keniuj okachi nantekitiskej seki tiotak itech tanojnotsalis oso okachi nanuejkauaskej nantekitiskej itamian semana.
4. ¿Toni tatiochiualismej tikseliskej komo okachi titekitij itech tanojnotsalis keman moelnamiki imikilis Jesús?
4 Jiova kiita uan kitasojkamati keman tiktemouaj keniuj okachi tiktekitiliskej (Heb. 6:10). Tikmakaskej Jiova uan oksekin tein tikpiaj techualkuilia yolpakilis (1 Cró. 29:9; Hech. 20:35). ¿Uelis okachi tiontekitis itech tonalmej keman moelnamiki imikilis Jesús? Komo ijkon tikonchiua, okachi tikonpias yolpakilis uan tatiochiualismej.