“¿Kanachi tiempo nitemakas?”

¿Tionmochiuiliani nejin netajtanil? Komo ijkon, uelis tikonajsis itech amaix Organizados páginas 86 uan 87 kampa momelaua nejon netajtanil. Uan no kemansa okachi momelaua, kemej itech “Sección de preguntas” tein kiualkui Nuestro Ministerio del Reino septiembre de 2008. Kemej tataman tikpanouaj keman titanojnotsaj, amo motemaka se lista kampa ixnesi kanachi tiempo se kitemakas. Yejika tayekananij uan oksekin tokniuan moneki maj amo kitalikan tein yejuan kiixejekouaj keniuj se kipouas tiempo.

Keman amo moyekmatis keniuj se kipouas tiempo uan nion seko momelaua nejon, sejsemej tanojnotsanij moneki motajtaniskej: “¿Mokuik nejon tiempo itech tanojnotsalis oso mokuik itech okseki taman tein amo mouika ika nejon tekit?”. Horas tein titemakaj itech itamiampa metsti moneki techyolpaktis uan amo maj techkuejmolo totanemilil (Hech. 23:1). Uelis tikijtoskej ke tein okachi tayekantok, amo keniuj tikpouaskej tiempo ta maj kuali tiktekitiltikan tiempo itech tanojnotsalis (Heb. 6:11).