Itech tonal 17 metsti marzo peuas se ueyi tekit
1. ¿Toni tekit mopeualtis itech tonal 17 metsti marzo?
1 Xijxiujtika, itech tonal ijkuak moelnamiki imikilis Jesús, tikteixmatiltiaj tein kichiuak (1 Cor. 11:26). Yejua ika, tiknekij maj miakej taltikpakneminij touan mosentilikan uan maj kikakikan ke Jiova kitemakak taxtauil ika miak netasojtalis (Juan 3:16). Nejin xiuit, itech tonal 17 metsti marzo peuas titayoleuaskej maj touan mosentilikan ijkuak tikelnamikiskej imikilis Jesús. ¿Tikonixtalijya okachi tiontekitis itech tanojnotsalis nejon tonalmej?
2. ¿Keniuj uelis tiktemakaskej tayoleualis?
2 Toni uelis tikijtoskej. Tel tapaleuia maj amo se uejkaua. Satepan ijkuak titatajpaloskej, uelis tikijtoskej: “Namechualkuilia se tayoleualis tejuatsin uan mochankauan, tein ika tamechyoleuaj touan xiyetokan itech se talnamikilis tein motelneki. Nejin mochiuas semanauak taltikpak itech tonal 5 metsti abril. Ijkuak motemakas se tamachtilis kampa momelauas toni ika tapaleuia imikilis Jesús uan toni kichiujtok axkan yejua. Itech nejin amat nesi kani yeski uan toni hora mochiuas nejin Talnamikilis”. Keman tiktemakatoskej tayoleualis itamiampa semana, no tiktemakaskej revistas komo tikitaj ke ueli.
3. ¿Keniuj uelis tikchiuaskej maj tel miakej kiselikan tayoleualis?
3 Maj tel miakej tikinyoleuakan. Tiknekij tikinyoleuaskej nochin akin tiueliskej. Yejua ika, maj tikinyoleuakan akin tikinmachtiaj ika Biblia, itech se ojpatika takalpanolis, tochankauan, totekitikaikniuan, tomomachtijkaikniuan, akin nemij ompakauin kampa tichanchiuaj uan oksekin akin tikinixmatij. Tayekananij itech nechikol kiixtaliskej keniuj titamitekitiskej itech xolalmej kampa titanojnotsaj. Xijxiujtika itech nejon tonalmej mochiuani miak taman tein kuali. Itech xiuit tein tiualpanokej keman se siuat ajsik itech nejon nechikol, se tayektalijkej kinekik kipaleuis maj kiajsi tanojnotskej akin kiyoleuak. Sayoj ke siuat kijtoj ke amo akin kiixmatia, ke tayoleualis kimakak se aksa akin ompa takalpanojtoya nejon tonal.
4. ¿Keyej motelneki maj titapaleuikan ika miak chikaualis itech nejin tekit?
4 Uelis panos ke aksa akin tikonmakak tayoleualis yas itech nejon Talnamikilis. Sayoj ke maski amo panos nejon, chikaujkayot tein tikonchiuas tapaleuis ika miak taman. Tayoleualis tein tikontemakas kinextis ke Jesús axkan se ueyi tekiuaj. Uan no, kemej tikonchiuas tekit ika miak chikaualis, akin nemij kampa tiontanojnotsa, oksekin tokniuan uan tein okachi kuali, Jiova, kiitaskej ke tikonteltasojkamati taxtauil tein motemakak (Col. 3:15).